|
كيف انسخ كتاب على البرنامج وانشاء شرائح
مساااااء الخير
ادخل في الموضوع بدون مقدمات ماعندي خبره على برامج الحاسب بودي اطور من نفسي في العمل المسؤل تبعنا ارسل كتب على عددنا ننسخ كتاب على البرنامج ونرسل له البنت بجانبي رفضت مساعدتيcgg اما البعيده مني مشغوله وماتقصر لكنها مشغوله واعتذرت بكل ادب وانا مابي اكون انانيه واشغلها عن شغلها بصراحه هم قالو ماله داعي تكتبين مافي وقت والمسؤل عطانا فرصه امده اسبوع على انهاء الكتاب الحمدلله في الطباعه سريعه جدا جدا لكن الخطوات ماعرفها ابدا المره الأولى نسخو كتاب وخلصوه خلال شهر وانا ماسويت شي تفاجأت من المسؤل حاط اسمي معهمmuy وقلتلهم عشان مايزعلون بعلمه اني ماكنت معاهم قالو عارف بس يبي يرفع من معنوياتك ياريت تساعدوني بشرح مفصل عن الخطوات تأليف كتاب لحد النهايه واي سؤال انا حاضره ولكم مني خالص الشكر والتقدير موووودتي ghgghgghg |
رد : كيف انسخ كتاب على البرنامج وانشاء شرائح
صبااح الخيييير
اسم البرنامج بور بوينت يعني من بكره ابدا ضروري ان شاء الله وبصراحه تحطمت yyy |
رد : كيف انسخ كتاب على البرنامج وانشاء شرائح
هو كتاب الكتروني أو ورقي ؟
|
رد : كيف انسخ كتاب على البرنامج وانشاء شرائح
اقتباس:
|
رد : كيف انسخ كتاب على البرنامج وانشاء شرائح
إذاً المطلوب أن تكتبي كل ما في الكتاب في برنامج البوربوينت و مشكلتك فقط في طريقة استخدام البرنامج ؟ كم صفحة الكتاب ؟
و إصدار البوربوينت أي سنة ؟ هل استخدمتي برنامج الوورد microsoft word من قبل ؟ |
رد : كيف انسخ كتاب على البرنامج وانشاء شرائح
عزيزتي عمري ما استخدمت بىنامج الووورد ولا البوربوينت والمطلوب في البوربوينت
نعم مشكلتي في طريقة الاستخدام صفحة الكتاب بصراحه ماعرف زميلتي قالت ماله داعي تسوينه وهذه فرصتي انسخ الكتاب عشان اطور من نفسي واثبت وجووودي في العمل لان موظفه لبنانيه نصحتني اتعلمي لاتجلسي هيك سوي مثل البنات انا بصراحه يأست لأن مااحد ساعدني من زميلتي خصوصا اللي بجنبي |
رد : كيف انسخ كتاب على البرنامج وانشاء شرائح
فعلا ، الأفضل أن تعتمدي على نفسك .
هل البرنامج موجود في حاسوبك ؟ أريد أن أعرف إصداره من أي سنة ، فهناك اختلاف نوعا ما بينهم |
رد : كيف انسخ كتاب على البرنامج وانشاء شرائح
ايه حبيبتي موجود في الحاسوب البرنامج الأصدار في اي سنه لا اعلم
البنات ماشاء الله تبارك الله عندهم دورات وبعضهم دبلوم حاسب عشان كذا محترفات ماشاء الله الحين حبيبتي سجلت في معهد وببدأ يوم الأحد ان شاء الله لا ن فيه كتب بتجي حبيبتي بسمه الكتاب ترى فيه صور عرفتي اذا اشئت الشرائح لا زم تكون فوق بعض الشرائح مدري طيف اقلب الصفحات واوسع من الآطار تنقلب الكتابه تكون مقلوبه |
رد : كيف انسخ كتاب على البرنامج وانشاء شرائح
بسمه المفروض ابدأ فيه من الخميس اللي طاف
بس يأست ماعرفت |
رد : كيف انسخ كتاب على البرنامج وانشاء شرائح
ما فهمت نقطة الصور ، صور من الكتاب الورقي تنقلينها للبوربوينت ؟
بالنسبة للإصدار ، تلاقينه مكتوب جمب اسم البرنامج http://www4.0zz0.com/2014/12/06/23/791863924.png |
رد : كيف انسخ كتاب على البرنامج وانشاء شرائح
البرنامج سهل ، بس شنو تعرفين عنه ؟
|
رد : كيف انسخ كتاب على البرنامج وانشاء شرائح
طيب بتصل على زميلتي واسألها ياغاليه وارد لك اصدار اي سنه
|
رد : كيف انسخ كتاب على البرنامج وانشاء شرائح
أوكي ، البرنامج موجود بحاسوب الدوام ؟
الأسهل تطبقين مع النظري |
رد : كيف انسخ كتاب على البرنامج وانشاء شرائح
اقتباس:
قلتلهم سهل وبخلص مثلكم بسرعه لاني في الطباعه سريعه تقول اذا طبعتي بشرح لك صديقتي عطتني ورقه تبي تجرب كتابتي وطبعت من راس الورقه الى اخرها بسرعه عاد هي توهقت غيرت رأيها مافيني حيله هههههه بس والله متعه يروح الوقت علي وانا مااحس واكيد فيه مكافأه وتميييز لأن اللي وظفني قال فيه تميز للي مجده في العمل وكمان ترقيه قالي شدي حيلك واثبتي وجودك |
رد : كيف انسخ كتاب على البرنامج وانشاء شرائح
اقتباس:
كيف اطبق مع النظري يعني انتي تساعديني |
رد : كيف انسخ كتاب على البرنامج وانشاء شرائح
اعرف عن البرنامج التظليل وحجم الخط
لكن تقليب الصفحات وترتيب الشرائح او تثبيتها يعني يبغاله شرح عشان كذا مقدره اعتذار صديقتي عن الشرح وماالومها بصراحه |
رد : كيف انسخ كتاب على البرنامج وانشاء شرائح
أجل جربتي تكتبين بالبرنامج :)
أنا أشوفه أسهل لك تتعلمين و بنفس الوقت تسووين شغلج ، دايما الأمور العملية تثبت بالدماغ لما نطبقها أنا أستعمل إصدار 2010 http://store2.up-00.com/2014-12/1417932217481.jpg المهم ، الشريحة البيضا نكتب فيها الكلام و تقدرين تضيفين لها صور ، إذا خلصتي من أول شريحة و تبين تضيفين شريحة جديدة تكملين فيها ، شنو تسوين ؟fgf |
رد : كيف انسخ كتاب على البرنامج وانشاء شرائح
اي اي هذا الاصدار ياغاليه واخيرا نفس اللي عندي في الحاسوب
الله يسعدك علميني على حبه حبه اسم الكتاب فن الاتكيت والله انك عسل ربي يسعد قلبك ويكتب لك الاجر dff |
رد : كيف انسخ كتاب على البرنامج وانشاء شرائح
بسومه ابي اعرف الخطوات ويكون التأليف مرتب ويفتح النفس هذا اهم شي
|
رد : كيف انسخ كتاب على البرنامج وانشاء شرائح
حلو ، لو تلاحظين ، البرنامج هذا عنده أشرطة أدوات ( الصفحة الرئيسية ، إدراج ... إلخ
حاليا خل نركز على الصفحة الرئيسية http://store2.up-00.com/2014-12/1417932429061.jpg من اسمها ، الشغلات الأساسية راح تلاقينها عند الصفحة الرئيسية مثل إضافة الشرائح ، تغيير نوع الخط أو لونه لنفرض أن أول صفحة هي عنوان الكتاب ، وين راح تكتبينها ؟ عند انقر لإضافة عنوان و لو تبين تكتبين اسمج أو اسم المؤلف عندج مستطيل تحت ( عنوان فرعي ) http://www5.0zz0.com/2014/12/06/23/626419061.png |
رد : كيف انسخ كتاب على البرنامج وانشاء شرائح
اقتباس:
|
رد : كيف انسخ كتاب على البرنامج وانشاء شرائح
حبيبتي تقدرين تأشرين حبيبتي على الشي او تحطين دائره
|
رد : كيف انسخ كتاب على البرنامج وانشاء شرائح
اقتباس:
الصور موجوده في الكتاب اشوف البنات يرحون عند الطابعه اذا في الصور |
رد : كيف انسخ كتاب على البرنامج وانشاء شرائح
المشكله في اطار يبدأ مستطيل وانا ابدأ اوسعه ماعرفت يميل الاطار لازم ارتبه
وبعدين اكتب |
رد : كيف انسخ كتاب على البرنامج وانشاء شرائح
بالنسبة للصور ، أنا ما أعرف شلون تحطين اللي بالكتاب ، فالأفضل تسألين زميلاتج عنها
الحين بكتب عن طريقة إضافة الشرائح الجديدة |
رد : كيف انسخ كتاب على البرنامج وانشاء شرائح
اوكي ياروحي ماقصرتي حبيبتي كلي اذان صاغيه
ربي يكتب لك الأجر |
رد : كيف انسخ كتاب على البرنامج وانشاء شرائح
شلون أضيف شريحة جديدة ؟
لو نشوف شريط الصفحة الرئيسية ، راح نلاحظ أداة اسمها شريحة جديدة ، http://store1.up-00.com/2014-12/1417933404591.jpg اضغطي عليها ، راح يطلع مستطيل فيه أنواع الشرائح عندج 9 شرايح ، اضغطي على أي وحدة داخل المستطيل و راح يضيفها البرنامج http://store2.up-00.com/2014-12/1417933528021.jpg أهم الشرايح : 1- شريحة العنوان ( هي أول شريحة تطلع لج بالبرنامج ) 2- شريحة عنوان و محتوى ( فوق تكتبين العنوان أو تخلينه فاضي ، المربع اللي أشرت عليه بالوردي تكتبين فيه الفقرة ) http://store2.up-00.com/2014-12/1417933649191.jpg 3- محتويين( حق فقرتين ، أو فقرة و صورة ) |
رد : كيف انسخ كتاب على البرنامج وانشاء شرائح
الحين أنا كتبت كلام و أبي أنسقه لون أحمر و خط 32 ، من وين ؟
من شريط الصفحة الرئيسية ، بس في شغلة لازم تسوينها ، تحددين الكلام اللي تبين تنسقينه ( تعرفين الطريقة ؟ ) 2- نختار أداة التنسيق اللي نبيها ، هذيل أهم أدوات تنسيق النص http://store1.up-00.com/2014-12/1417933812771.jpg لون الخط حجم الخط نوع الخط في سهم أسود جمب كل أداة ، اضغطي عليه و راح تطلع لج قائمة ، هذه قائمة الألوان ، اضغطي على اللون اللي تبينه و راح يتغير لون النص ( النص اللي حددتيه ) http://store1.up-00.com/2014-12/1417933812872.jpg |
رد : كيف انسخ كتاب على البرنامج وانشاء شرائح
واحد من الشغلات الحلوة في البوربوينت ، هي أنج تقدرين تضيفين تصاميم للشرايح
من وين تضيفينها ، من شريط أدوات اسمه تصميم اللي حددتهم بالأزرق تصميمات للشرائح ، و إذا تبين تطلعين تصاميم أكثر ، ضغطي عالسهم الصغير http://store2.up-00.com/2014-12/141793403991.jpg راح يطلع لج مستطيل ، اختاري أي تصميم تبينه http://store2.up-00.com/2014-12/1417934039992.jpg http://store2.up-00.com/2014-12/1417934040073.jpg شنو الأفضل ، تكتبين الكلام اللي تبينه و إلا تختارين التصميم بالأول الأفضل التصميم ، ليش ؟ لأن التصميم راح يختار لج تنسيق للنصوص ( لون الخط و حجمه ) ، فاختاري التصميم و بعدين اكتبي الكلام اللي تبينه ، لو تبين تغيرين حجم الخط أو لونه ، غيريه من الصفحة الرئيسية نفس ما قلت لج . |
رد : كيف انسخ كتاب على البرنامج وانشاء شرائح
إضافة الصور
بالنسبة للصور ، هي صور موجودة بالحاسوب ، يمكن رفيجاتج ينقلون صور الكتاب للحاسوب بالطابعة أو أي طريقة ثانية ، فاسأليهم ، أنا بشرح لج شلون تضيفين صور موجودة بمجلد على حاسوبج هي لها طريقتين ، وحدة منهم من شريط أدوات اسمه إدراج راح نختار صورة http://store2.up-00.com/2014-12/1417934317471.jpg راح يطلع لج مربع http://store1.up-00.com/2014-12/1417934534181.jpg ، لنفرض أن صورتج موجودة عند سطح المكتب ، تضغطين على جملة ( سطح المكتب ) و راح تطلع لج كل الصور و المجلدات الموجودة فيه ، لو صورتج بمجلد ، اضغطي عالمجلد عشان تدخلينه ، و راح تلاقين صورتج ، اضغطي مرتين على الصورة ، و راح تطلع لج الصورة كبيرة ، تبين تتحكمين فيها و تصغرينها شلون ؟ http://store2.up-00.com/2014-12/1417934317663.jpg هذا فيديو يشرح الطريقة ( في برنامج الوورد ، بس نفس طريقته ) http://www.screenr.com/r7Vs |
رد : كيف انسخ كتاب على البرنامج وانشاء شرائح
الحين تعلمنا على ثلاث أشرطة أدوات
1- الصفحة الرئيسية ( إضافة شرائح و تنسيق النص ( لون و حجم و نوع الخط ) 2- التصميم ( لتصميم الشرائح 3- إدراج ( إدراج صورة الحين خلصتي شغلج و أو تبين تسكرين الحاسوب و تكملينه بعدين ، شنو تسوين ؟ حفظ هذه آخر خطوة |
رد : كيف انسخ كتاب على البرنامج وانشاء شرائح
شلون تحفظين ؟
عندنا نوعين من الحفظ :- 1- حفظ لأول مرة 2- حفظ عادي لما تحفظين أول مرة البرنامج راح يسألج عن اسم الملف و المكان اللي تبين تحفظينه فيه فوق يمين بالزاوية أداة الحفظ http://store2.up-00.com/2014-12/1417934783621.jpg اضغطي عليها و راح يطلع لج مربع http://store2.up-00.com/2014-12/1417934783732.jpg 1- المكان اللي تبين تحفظين فيه ملفج ، مثلا ، أبي أحفظه بسطح المكتب ، أضغط على سطع المكتب ، و إذا مجلد موجود بسطح المكتب ، اضغطي على سطح المكتب و باليسار تطلع لج المجلدات اللي فيه 2- اسم الملف ( فن الاتكيت 3- اضغطي حفظ ، و بس ، ملفج راح ينحفظ و تقدرين تطلعين من البرنامج اليوم اللي وراه أبي أكمل شغلي و خلصت و أبي أحفظ شنو أسوي ؟ أطق على أداة الحفظ اللي بالزاوية ، بس هالمرة ما راح يطلع لج المربع لأن ملفج له اسم و مكان ، ضغطة وحدة على أداة الحفظ تكفي و هذه أهم شي ، تخيلي تكتبين 10 شرايح و تنسين تحفظين ، شغلج يطير ggf |
رد : كيف انسخ كتاب على البرنامج وانشاء شرائح
و بجذي نكون خلصنا fgf
أي سؤال طول خلال هالأيام أنا موجودة طبعا هذه أساسيات البوربوينت ، في وايد شغلات ثانية اختصار :- ادخلي البرنامج و اختاري التصميم اللي تبينه ، اكتبي اللي بكتابج و ضيفي الصور و الشرايح و نسقي أي نص تبينه ، و لا خلصتي لا تنسين الحفظ |
رد : كيف انسخ كتاب على البرنامج وانشاء شرائح
اقتباس:
|
رد : كيف انسخ كتاب على البرنامج وانشاء شرائح
ddgddgddgddg
|
رد : كيف انسخ كتاب على البرنامج وانشاء شرائح
ماقصرتي حبيبتي
ممنونتك على اللي قدمتيه لي بارك الله فيك ونفع بك |
رد : كيف انسخ كتاب على البرنامج وانشاء شرائح
حبيبتي بسمه مافي مجال البنات يعلموني ابدا ابدا يسكرونها بوجهي
لأن ماعندهم وقت مظغوطين رفضت البنت اللي معي تقول ماراح اخليك تكتبين كلمت المسؤل وقال لازم تكتبين معهم الحمدلله جت منه وسمعوووه حبيبتي اذا احتجت شي عادي ترجعين واسألك مامعي الا ثم انتي |
رد : كيف انسخ كتاب على البرنامج وانشاء شرائح
وعمل جدوال ماعرفها
|
رد : كيف انسخ كتاب على البرنامج وانشاء شرائح
هل كل شريحه اخلص منها اسوي حفظ
يعني كل شرييحه اخلص منها احط باي اسم في الملف |
رد : كيف انسخ كتاب على البرنامج وانشاء شرائح
بسمه اسم الكتاب فن الاتكيت د طه دويدار
فيه رسومات وجول فيه كتابات |
| الساعة الآن 08:33 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©