اتمنى الرجوع لزوجي بعد فراقنا
 

(اتمنى الرجوع لزوجي بعد فراقنا )
السلام عليكم ورحمة الله وبركاته
صبحكم الله بالخير اخواتي واخواني

ما ادري من وين ابدا ..ولا كيف ارتب الكلام
بس اسمحولي ابي افضفض شوي عن مافي قلبي

من سنييييين طويله ...حزنت...بكيييت ....مرضت
لكن مانسيته لحظه
افترقنا ولازال قلبي ينبض بحبه
اطير من الفرحه لما اسمع احد يطري اسمه او اسمع صوته لما يكلم امي
مازلت احتفظ بعطره > بورقه كتب لي عليها عبارة حب

محفوره في ذاكرتي كل الذكريات واخر لحظاتي معاه
قال تطمني بنرجع لبيتنا .. وماندري انها اللحظه الاخيره بيننا للابد

ومن اول مادخلت بيت اهلي بدات الحرب والحصار خلاص ممنوع تشوفينه او تكلمينه
حتى لو من ورى الباب >> مع انه زوجي ولا زلت على ذمته...لكن حرموا ما احل الله وظلموا انفسهم وظلمونا
حتى الي معاه الشهادات قلت بيفهمني ويساعدني لكن القلوب والعقول حجررر

حاولت ارسل له رساله ونجحت و وصلته
وحاول يرسل لي رساله وبرضوا وصلتني
>طبعا رسائل الطيبين ماكان في جوال هذاك الوقت
لحد الان ابتسم حزن وفرح كلما تذكرت طريقتنا بارسال الرسائل رغم الحصار علي والتفتيش المحكم لكن وصلت
مع اننا كنا لسا هذاك الوقت زوجين لكن كان بيننا جدار برلين !!


انتهى كل شي ....بطريقة ابوي


راح الغالي ولا قدرت انساه ... ولا اتخيل نفسي اعيش مع غيره


افرح بجيته عندنا للبيت >> وسبحان الله دائما احس بجيته قبلها بيوم او يومين وفعلا يجي !!
اسال الله ان يحفظه من كل مكروه ...
وعلى فكره ابوي هدأ وندم على اللي سواه لكن بعد فوات الاوان

الحمدلله عايشه حياتي وراضيه باللي ربي كاتبه لي

لكن رغم الفراق وكل المشاكل اللي صارت لنا
الأمل بقلبي سواء بالحياة الدنيا أو جنة رب العالمين >>>عندي شعور بنلتقي<<<

(تم التعديل ليتناسب مع المضمون)

رد : اتمنى الرجوع لزوجي بعد فراقنا
 

اختي وش سبب الفراق

رد : اتمنى الرجوع لزوجي بعد فراقنا
 

الله يسعدك يامشرفتنا
يعني امداك ترحبي فيني وتغيرين عنوان الموضوع !!!!

رد : اتمنى الرجوع لزوجي بعد فراقنا
 

اختي مبتعثه متفائله اهلا وسهلا
لو اقول بالتفصيل وش الي صار كثيرين يدخلون المنتدى بيعرفوني

لكن الأهل اذا تدخلوا بين زوجين يجيبون الحروب موب اعياد

رد : اتمنى الرجوع لزوجي بعد فراقنا
 

من متى مطلقه اختي
المشكله صعب نعطي حلول وحنا مانعرف التفاصيل
ماتقددرين ترسلين له شخص الان

رد : اتمنى الرجوع لزوجي بعد فراقنا
 

الله يرده لك ردا جميلا اذا كان في عودتكم خير لكم

واضح انه يقربك ما دام يزوركم

رد : اتمنى الرجوع لزوجي بعد فراقنا
 

الله يسعدك يامبتعثه
مطلقه من اكثر من 15 سنه
ولا اقدر ارسل له احد >>>> بصراحه مافي احد ثقه ابدا

رد : اتمنى الرجوع لزوجي بعد فراقنا
 

هلابك ميس
نعم يقرب لنا الله يسعده يارب

رد : اتمنى الرجوع لزوجي بعد فراقنا
 

ماتزوج لاهو ولا انتي

رد : اتمنى الرجوع لزوجي بعد فراقنا
 

هو تزوج > لكن انا لأ

رد : اتمنى الرجوع لزوجي بعد فراقنا
 

اختي
15 سنه فتره طويله
والرجال استقر وتزوج
لو يريد الرجعه رجع
ليه تعيشي نفسك بوهم وامل الرجعه
عيشي حياتك واذا تقدم لك الرجل المناسب وافقي

رد : اتمنى الرجوع لزوجي بعد فراقنا
 

موب عن اعيش بوهم لكن احبه وش اسوي بقلبي !
وتقدموا لي كثير لكن موبيدي قلبي مايبي احد ليش اعذب نفسي واعذب ولد الناس معي
سواء رجع ولا مارجع الحمد لله على كل حال الله يسعده وين مايروح ويسعد قلبي فيه

رد : اتمنى الرجوع لزوجي بعد فراقنا
 

امك تعرف انك ما ودك غيره

رد : اتمنى الرجوع لزوجي بعد فراقنا
 

امي تعرف لكن ماتتكلم بالموضوع ولاتبي تتكلم فيه خوفآ من الي هدم البيت من البدايه

رد : اتمنى الرجوع لزوجي بعد فراقنا
 

لو يبيك رجعك
الرجل اذا حب يبيع الدنيا عشان زوجته
اختي جد لا زم تنسينه
حرام رفضك للمتقدمين
تضخين لاجل شخص قد لا يستحق
ادعي الله يشيل حبه من قلبك
ويرزقك بالصالح من خلقه

رد : اتمنى الرجوع لزوجي بعد فراقنا
 

اختي مبتعثه الله يسعدك دنيا واخره
خلاص معاد ابي الزواج من بعده واللي ربي كاتبه لي بيصير
والله انه يستاهل الروح لكن شي حصل غصب عنا موبيدينا

رد : اتمنى الرجوع لزوجي بعد فراقنا
 

يعني هو راح شاف حياته وانت تنتظري

هو يقدر يفعل كل شيء وما اقدر وقطع الأمل وتزوج

سؤال
ماذا تنتظري مثلا يعدد ؟! لن تقبلي صحيح !!
يطلق ؟؟ ما تتمني لأي وحدة وهذا أكيد

خلاص ادعي ربي ينزع حبه وشوفي حياتك ،،


وللأمانة حتى ما اظلمك في النصيحة
انا كنت يوما ما مثلك والظرف أقوى منا وهو راح شاف
حياته ملأت عقلي كره وكدا قلبي حتى أعيش
مرت الأيام وانا بقيت اقبل وأرفض وانرفض
ويوما ما ماتت زوجته فعاد وتزامن عودته مع خطبة آخر
تعرفين ماذا فعلت ؟؟ قبلت الآخر مبدئيا
ولكن هو حاول بالقوة وبكل جهد
دخلت هنا المنتدى أقنعوني به عقلاً وقلبا
فقبلت ،، لكن لاحظي هو عاد وتعب
وقدرا سمحت له الفرصة وإلا لن أقبله معدد
ولا مطلق ...

رد : اتمنى الرجوع لزوجي بعد فراقنا
 

اختي واذا كان ناسيك

رد : اتمنى الرجوع لزوجي بعد فراقنا
 

ما دام تزوج ليش انتي تنتظرين..؟

يعني حتى كزوجة اخرى له ما فكر فيك!
ف ليش انتي موقفه حالك وهو مشى حاله وتزوج ويمكن نساك او بينساك مع الوقت!

ثم ليش اصلا ما رجعك غصب عن ابوك بكلمة وحده رجعتي ولا يقدر ابوك يرفض
ف لا تلتمسيله اعذار واهيه محد مربط لسانه يقول رجعتها ويحطهم امام الامر الواقع

رد : اتمنى الرجوع لزوجي بعد فراقنا
 

حقيقة لابد للقوة والحزم في التعامل مع الأهل اذا أرادوا تفرقتها عن زوجها من غير سبب شرعي..

عموماً .. لك يومك هذا والماضي رحل.. استمتعي بعمرك واحسبي خطواتك واعملي عقلك واتركي المشاعر جانباً .. 15 عام أظنها كافية..

سؤال.. هل تتواصلي معه؟!

رد : اتمنى الرجوع لزوجي بعد فراقنا
 

بوفارديا
ربي يسعدك بحياتك يارب


مبتعثه متفائله
اذا كان ناسي ولا مو ناسي الله يسعد ايامه


فاطمه
الحياة ماتوقفت لكن القلب هو الي مقيد بالحب
رجع بعد زواجه لكن رفضوه >والله يوفقه وين مايكون
ربي يسعدك ويوفقك بحياتك


العقد الفريد
اهلا بك اختي
صدقيني مستمتعه بعمري واعيش ايامي بطمأنينه وراحه
لكن القلب يحبه ماقدرت اكرهه او انساه ماشفت منه الا كل حب وخير

لا ما اتواصل معاه ابدا

رد : اتمنى الرجوع لزوجي بعد فراقنا
 

ليش هذا الرفض كله
اش سوى مو لازم تفصلي بس اهلك ما بيرفضوه كل هذا الرفض الا فيه شي
لو من وجهة نظرهم بس

رد : اتمنى الرجوع لزوجي بعد فراقنا
 

حقيقةً لا حيلة لنا في مشاعرنا.

الله يسعدج حبيبتي.

رد : اتمنى الرجوع لزوجي بعد فراقنا
 

هلا اختي
عندكم أطفال؟

رد : اتمنى الرجوع لزوجي بعد فراقنا
 

يا الله 15 سنة وما نسيتيه

الله يعوضك خير

رد : اتمنى الرجوع لزوجي بعد فراقنا
 

رد : اتمنى الرجوع لزوجي بعد فراقنا
 

فاطمه
صدقيني ماسوا شي غلط ولو سواه انا اول من بيرفضه
لكن لأنه عمل الصح من كتاب رب العالمين ماعجبهم
لأن العادات والتقاليد بالنسبه لهم اولى بالتنفيذ من امر الله سبحانه وتعالى



مهره
يامرحبا اختي
وعسى ربي يسعدك دنيا واخره
ويحفظلك احبابك من كل مكروه




اخي عبدالله
عندنا بنت..ربي يحفظها من كل شر



نسيان
مشكور ربي يوفقك



عذوبة المطر
الله يسعد قلبك
مشكوره على شعورك ودعواتك

رد : اتمنى الرجوع لزوجي بعد فراقنا
 

موضوعك غريب
لو انتي ماتبغين الطلاق و هو كذلك ماراح يقدرون يجبرونه على الطلاق
الدنيا مش سايبة .. فرضا كنتي ببيتك و اهلك يبغون الطلاق ماراح يقدرون يمنعونك عنه هو الولي عليك فياليت تذكرين السبب

رد : اتمنى الرجوع لزوجي بعد فراقنا
 

والاغرب ابوك ندم على اللي سواه و هو تقدم بعد زواجه و مع ذلك ماحصل النصيب لماذا ؟!

رد : اتمنى الرجوع لزوجي بعد فراقنا
 

الجوري الحلوه
اهلا بك اختي
صحيح ما كنا نبي الطلاق لا انا ولاهو
لكن صار اللي صار وسلمت امري لله الواحد القهار
وبالنسبه لأبوي ندم لكن بعد سنوات من زواج ابو بنتي
ولما رجع طلبني كان لسا ابوي براسه موال ماخلص الله يسامحه

رد : اتمنى الرجوع لزوجي بعد فراقنا
 

طيب العمر يجري وراح تحصلي نفسك وحيدة لاولد يشيلك ولازوج يضمك ليه توقفي حالك وتسلمي مستقبل حياتك لقلبك ... بصراحة عجزت افهمك واللي مثلك لابد يجي يوم يندم بس متى .... لافات الفوت وضاع العمر الله يهديك بس .

رد : اتمنى الرجوع لزوجي بعد فراقنا
 

انتي مستوعبة انك قاعدة تدورين بفلك "شخص" انفصل عنك من 15 سنة وشاف حياته ومشاها؟!

اعتبريه مات طيب!

رد : اتمنى الرجوع لزوجي بعد فراقنا
 

يا قلبي حاسه فيك
طيب ليش ما تحاولي يرجعك عن طريق امك خليها تلمح له
واذا كان على الزوجه مو مشكله ربنا حلل اربع زوجات مو عيب ولا حرام انك ترجعي له
قلبك متعلق فيه انت عارفه لك كم سنه 15 ؟! يعني ما نسيتيه شو اكثر من هيك
ما تتعبي قلبك في التفكير فيه ادعي اسعي بين الصلح ادعي الله في قيام الليل يا قلبي ما في شي على الله مستحيل
ان الله على كل شيء قدير
يارب يجمع بينك وبينه قريبا وعاجلا وتصبحي زوجته يا الله اذا كان فيه خير لك وله

رد : اتمنى الرجوع لزوجي بعد فراقنا
 

ي اختي 15سنه انفصال ،، بنتك كبرت وتفهم وتستوعب

دخليها وسيط بينكم تكلم ابوها يرجعك ،، والا شوفي حياتك

صدقيني اذا تزوجتي انسان زين راح ينسيك ابو بنتك ..

تزوجي وانجبي أطفال ف شبابك واسعدي فيهم

احلى شي ف الدنيا الواحد يأخده الاطفال ،،

رد : اتمنى الرجوع لزوجي بعد فراقنا
 

معليش كلكم ماتبون الطلاق كيف ابوك قدر يطلقك .. يعني قضايا نسب وطلقك من المحكمة ؟؟ سامحيني بس من جد استغرب الخضوع والاستسلام للطلاق وبينكم طفله وكلكم ماتبون..
الشيء الثاني اطلبياحد يقول لابو بنتك يرجع لك اذا فعلا مافي مانع وكان يستاهل ترجعين له واذا فعلا تطلقتوا ظلم طبعا بعد الاستخارة .. ليش الاستسلام و اليأس المؤمن القوي احب الى الله من المؤمن الضعيف

رد : اتمنى الرجوع لزوجي بعد فراقنا
 

بنت طيبه الطيبه

حياتي بيد رب العالمين واللي ربي كاتبه لي بيصير
وش فايدة زوج يضمني بدون احساس....شعور ماابي حتى اتخيله



vanity

الله يسعدني بفلكي اللي ادور فيه
والله يسعده بفلكه ويوفقه يارب
الله يطول بعمره على طاعته
والموت للي يكرهونه



يارب كن معي

مشكوره على شعورك ربي يسعدك



حوراء حسين

ماابي ابني حياتي على تخمينات اذا تزوجت بانسى!
طيب مانسيت وعارفه نفسي ليش اعذب روحي من البدايه واتزوج!!
الله يسعدك



الجوري الحلوه

موقضية نسب هو قريبي ومن نفس القبيله
القضيه بالنسبه لأهلي تحدي عناد كبرها الشيطان براس ابوي واهل القلوب السوداء ساعدوه..
ربي يوفقك

رد : اتمنى الرجوع لزوجي بعد فراقنا
 

"فإن من أحب شيئا غير الله عذب به، وسجن قلبه في محبة ذلك الغير، فما في الأرض أشقى منه، ولا أكسف بالا، ولا أنكد عيشا، ولا أتعب قلبا. فهما محبتان: محبة هي جنة الدنيا، وسرور النفس، ولذة القلب، ونعيم الروح وغذاؤها ودواؤها، بل حياتها وقرة عينها، وهي محبة الله وحده بكل القلب، وانجذاب قوى الميل والإرادة والمحبة كلها إليه.
ومحبة هي عذاب الروح، وكم النفس، وسجن القلب، وضيق الصدر، وهي سبب الألم والنكد والعناء، وهي محبة ما سواه سبحانه."
—ابن القيم

رد : اتمنى الرجوع لزوجي بعد فراقنا
 

vanity

مشكوره ياختي
اللهم اكتبني ممن احبوا لقاءك فاحببت لقاءهم وخذني اليك اخذا جميلا

رد : اتمنى الرجوع لزوجي بعد فراقنا
 

ابعدي عن الغلو بالمحبة.. شوفي نفسك.. اولوياتك..

مافي رجال بالدنيا يرفض محبة امراة حتى لو ما كان يحبها كثير.. يدغدغ مشاعره ان في وحدة عايفة رجال غيره وحتى وهو متزوج ومخلف تستنى اشارة منه..

العمر يمشي..

كانت الحياة قبله وستكون بعده..

كيف تشوفين نفسك بعد 15 سنة من الحين؟

تحرمين نفسك من ذرية؟ عائلة؟ استقلال؟ استقرار؟ كيان؟ اشباع غريزي؟ مصالح تهمك؟

ليه؟ وعشان ايش؟

لاتعلقين حياتك واهميتها وقيمتها بشخص لو مين ماكان! ماتدرين ايش يصير!

مافي شي مضمون.. شيلي نفسك وعزيها..

كم عمرك؟

رد : اتمنى الرجوع لزوجي بعد فراقنا
 

vanity

كلامك يقبله عقلي
لكن قلبي موبيدي صدقيني
عمري دخلت 34