منتدى عالم الأسرة والمجتمع - زوجتي عنيدة ولاتحترمني

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجتي عنيدة ولاتحترمني (http://www.66n.com/forums/showthread.php?t=256319)

زوجتي عنيدة ولاتحترمني

(زوجتي عنيدة ولاتحترمني)
السلام عليكم ورحمة الله وبركاتة..

بدون مقدمات..راح اكتب أن شاءالله بانصاف.

بصراحة تعبت مع زوجتي.. اللي هي بنت خالتي .. اللي احبها من يوم انا صغير..ولازلت.

مع العلم ..طيبة وماقد راحت ل اهلي الاتجيب معها شي..
مرة سرير للوالدة من حافز ومن عندي.
ومرة هدية عطر وعود وغيرها من الهدايا..

*

الى الان لنا 4 سنوات متزوجين ولله الحمد وبيننا طفلة.

خلال ال4 سنوات جلست اعاني من طلباتها المستمرة .. وكل مازعلت..
(( وديني عند اهلي)).. وأحيانا انا من يقول لها اوديك لأهلك أفضل.

كانت تصير بيننا مشاكل كبيرة على اسباب تافهه

*

اهتمامها بالكماليات في احلك الظروف هو ماجعلني افقد اعصابي اكثر من مرة عليها..

*

يعني ماهو معقول راتبي*5200*ورايح منه قرض*1960وتبغاني اجيب لها كنب في الشهر المحدد بالمبلغ المحدد..وتروح تشتكي لابوها وابوها يرد.. خذي 7000 روحي اشتري كنب ولاتنتظرين فلوس من أحد.

او تطلب طلبات مالها سنع..

*

طيب اصبري شهرين 3 الين نجمع لنا كم قرش ونشتري.

*

لا . نشتريه الان ماعندك فلوس من قلك تتزوج .. ليه ماشريت كنب قبل الزواج..ومن الكلام هذا.

تحسن وضعي الوظيفي وتحسنت حالتنا ولله الفضل والمنه وزوجتي هي نفسها ماتغيرت.

وكل ماجتني فكرة مشروع تجاري نطلع منه من الوضع الوظيفي. ونوفر منه لقمة العيش الهنية ومصاريف الأطفال.

تقابل الفكرة بالتحطيم وأنه ليش مافكرت في المشروع من قبل الزواج.. ليش الآن بالذات. خلي فلوس المشروع نتمشى فيها أفضل من أنها تضيع..

والان اعتقد الامور وصلت حدها ونهايتها..

صحيح احبها وبيننا طفلة لكن والله وياخوان واخوات انها تسبب مشاكل من لا شي..

*

و4 مشاكل بيننا هي اللي طلعتني من طوري

*
الأولى هي خروجها من البيت دون علمي..

...

كلمتني وقالت انها بتزور صاحبتها وبحكم انا ساكنين في سكن خاص. وبيت صاحبتها قريب من بيتنا أعطيتها الأذن انها تروح..
لكن ربع ساعة بالتمام كلمتني وقالت انها ماهي موجودة وبطلت تروح..

كذا اوكيه.

رجعت من الدوام الساعة 11 الليل.. وعلشان لاتستغربون رجعتي المتأخرة..شغلي ورديات. شفتات.. والله المستعان.
المهم رجعت الساعة 11 وألقى الزوجة الغالية دوبها جاية..

فين كنتي..؟
عند فلانه..
انتي ماقلتي أنها مي موجودة؟
رجعت دقيت بعد المغرب وقالت لي تعالي..

سين جيم طال النقاش زعلت وهمت تلبس عباتها تبغى تطلع.. ضربتها على وجهها ضربة خفيفة وانا اعترف اني غلطت في مدت يدي عليها..وندمان عليها..
أخذت أيام وأيام علشان ترضى مع ان الغلط منها.
وإلى الآن لازالت تذكرها..

.
*
والله العظيم اني ماني مقصر معها بشي واكرمها واحترمها واعطيها الحب والحنان وماخليت شي وفي المقابل .. لاجد التقدير منها .. وهي على اتفة الاسباب تقول انت عمرك ماجبت لي وعمرك ماوديتني وانا تعبت معك وحياتي كلها هم في هم ليتني ماتزوجتك ماشفت منك إلا المشاكل.. الى ان وصلت الى (( ادور الحنان عند واحد ثاني)) .. والله العظيم ان الكلمة هذي رنت في راسي اشهر..

ومشيتها المرة الاولى وقلت يمكن من الزعل..

*

بعدها بكم شهر بدت مشكلة ثانية . ونفس الموال

*

وماتتحكم فيني وانا حرة في نفسي ..ومن الكلام هذا الى ان وصلت الى .. اقدر اكلم اللي ابغاه الان وادور عنده الحنان..

*

والله ان الشيطان دخل بيننا من الكلمة هذي وواجهتها اكثر من مرة وتحلف بالله انها تقولها من العصبية وماتدري عن نفسها..

*

واقسم بالله وصلت لمرحة اني اتحلم في الموضوع هذا .. انها أعوذ بالله تخونني مع شخص ثاني.

الشيطان ماخلى شي..
ادعي الله في كل صلاة أن يصلحها ويهديها ويبعد عنا الشياطين والوساوس.

*

ياجماعة الخير . والله ماني مقصر معها في شي..

والله كل شي اعطيها الكلمة الطيبة واي شي تطلبة . تمشيات امشيها مطاعم اوديها ..حب وحنان ماني مقصر معها.

*

واقسم بالله العظيم اني اكون أحيانا تعبان من العمل وضغط العمل ولا اتكلم في الامور هذي معها علشان لا اكدر خاطرها..

واقسم بالله العظيم اني وديتها السوق وانا في اشد حالات التعب من السخونة والارهاق وغيرها..علشان تشتريلها كم لبس عندها استطاعة أنها تأجلها في وقت اخر..

بالمناسبة اقرب مركز تجاري لنا*180*كيلو ..

*

لكن ماني شايف منها شي في المقابل الا المشاكل والمشاكل والمشاكل.

صلاة ربي ماتصليها إلا نادر وإذا نصحتها في الدين قامت تأفف وترادد وتقول ماهو انت اللي تنصحني اعرف ربي وديني .ومن قلك اني ما اصلي.. انا دايما اصلي..

همها ستار أكاديمي وعرب ايدول وغيرها.

وإذا واجهتها.. ترد علي اني اجلس قدام الكمبيوتر بالساعات.. ويعلم الله اني ما اجلس على الكمبيوتر إلا ساعتين تزيد أو تنقص.ومقطعة بعد
. بحكم الجامعه والواجبات.. ومشاريع التجارة الالكترونية.. وبرامج تعديل الصور..
.

احاول قد ماقدر ان وقت المشكلة نبعد عن البنت .. لكن لا هي مصرة تدخل البنت في كل حاجة.. وترفع صوتها وترد الكلمة بعشر...

*

والله انه اكثر من مرة في وقت المشاكل احاول اطلع من البيت علشان اغير جو واهداء شويتين..

لكن اشوفها قدامي بعباتها..وتهدد..انت تخرج ..حتى انا والله لاخرج ..

*
والله وصلت لمرحلة اني اتأخر في الخرجة من الدوام.. أو اتأخر في روحتي للبيت علشان ما اقابل مشاكلها..
*

واخر مشكلة بيننا.. كانت تطالبني بجوال*I PHONE 6 ***

واعتذرت لها بحكم الشهر هذا ابغى اسدد بعض ديون بناء البيت والديانة كلم يوم والثاني اتصال لدرجة اني تلقيت تهديد من أحد الديانه بالحكومة إذا ماسددت.

*.

وهذي تقولي ماهو ذنبي انك ورطت نفسك في البناء.
*

والله ماقصرت معها جبتلها الجوال.

وقدمته لها كهدية..

*

وفي الاخير الجوال جلس اسبوع كامل بدون مايشتغل .. استغربت بصراحة قلت يمكن انكسرت الشاشة وماتبغى تعلمني..

لكن المصيبة قالت انها ماتبغاه .. بحكم انه هدية+ مذلة (( بسبب اني اعطيتها كلمتين حلوة *علشان تفهم ضروفنا في الشهر الحالي)

*

تقلي اش فايدة الجوال من الكلام السم اللي سمعتني اياه.وانت ماقلت لي اطلبي اي شي اجيبه لك؟

والجوال له 3 أسابيع ماشتغل.. هههه لا حول ولا قوة إلا بالله.
*

وهذي اخر مشكلة بيني وبينها ولها اسبوع عند اهلها ولا شفت اتصال او رسالة منها

والله العظيم انها كل ماتروح عند اهلها تجلس بالاسبوع والاسبوعين ولا اشوف لها اتصال.

وتجيني مبسوطة ومتغيرة وكن ماصار شي ..

*

الشيطان دخل بيننا ياجماعة الخير ..والله اني بديت اوسوس انها تكلم شخص ثاني ..

*

مستحيل تجلس عند اهلها اسبوع وترجع وكأن مابيننا شي .وأهلها مايدرون عن مشاكلنا ومتأكد من الكلام هذا.
.
جوالها صارت تقفله.. برقم سري.
مع اني عمري وحياتي مافتشت في اغراضها ولا قلبت جوالها إلا مرتين بعد ماقالت الكلمتين اللي تسد النفس.

واقسم بالله اني كرهت نفسي وزهقت وطفشت وأكثر من مرة يجيني التفكير في الانفصال ..لكن اللي يمنعني سببين السبب الأول
البنت اللي بيننا اش ذنبها..؟
السبب الثاني
اني لازلت أحبها واحبها واحبها لحد الجنون..

انصحوني علموني يمكن انا موسوس زياده يمكن عندي غلط..

والله تعبت والله تعبت والله تعبت.

(تم التعديل ليتناسب مع المضمون)