خاطب اختي لم يتواصل معها
 

السلام عليكم أعضاء هذا المنتدى الجميل محتاجه مشورتكم بموضع حساس اختي ملكت لها أسبوعين بعد ماسالو اهلي عنه وهو من برى جماعتنا المشكلة هو للحين ماتصل ولا زارها رغم إنّو عادي عندهم لأكن هو أبد ماحاول انه يتواصل معها وهي متضايقة تقول لازم أقابله اقل شي مره لانها مانعرف شي عنه أبدا غير اللي سالو عنه إِيش رأيكم اخليها تنتظر ولا تسكت ولايش تسوي شورو علينا .......

(تم التعديل ليتناسب مع المضمون)

رد : محتاجة مشورتهم خاصه اخواني الأعضاء
 

هل اتفقتوا على موعد الزواج؟

إذا الاجابة نعم فكم بقي على الموعد؟

رد : محتاجة مشورتهم خاصه اخواني الأعضاء
 

اذا اهلك يبغوها ترجع مطلقه يرموها عليه

ارجعو اسألو من جديد مارح شي لاتنسي إنه فرق في مجتمعنا بين ثيب وبكر لذلك كلمو أحد يسأل عنه خالك عمك احد تثقو فيه..

لاتورطو أختكم بعدم السؤال عنه

وسالفة انه مايدق مالها دخل باخلاقه لانه بعضهم يستحي او شي لدلك السؤال عنه أهم من التعرف عليه لانه مارح يظهر لها عيوبه

وخليها تدعي ربها اذا خير يقدمه واذا شر يبعده

رد : محتاجة مشورتهم خاصه اخواني الأعضاء
 

طبعا تسكت
اهم شي الثقل
ومصيره بيكلمها

رد : محتاجة مشورتهم خاصه اخواني الأعضاء
 

صعب تسكت والاصعب تبادر
الحل الوسط إن كان لديك إخوة من سنه يختلطون به يعزمونه يروحون ويجون معاه ويعرفون وشهو من لحية وش معدنه بين الرجال

رد : محتاجة مشورتهم خاصه اخواني الأعضاء
 

رد : محتاجة مشورتهم خاصه اخواني الأعضاء
هل اتفقتوا على موعد الزواج؟

إذا الاجابة نعم فكم بقي على الموعد ......لاماتفقو باقي بس يقولو قريب خلا الشهرين القادمين

رد : خاطب اختي لم يتواصل معها
 

ممكن ماعنده اسلوب في السوالف لان فيه ناس كثير مثله واذا سألناه ليش ماتكلمها يقول ماعرف وش اقول لها ويخاف يجيب العيد في السواليف

رد : خاطب اختي لم يتواصل معها
 

وعليكم السلام ورحمة الله وبركاته

ياجماعة لاتحملون الموضوع اكبر من حجمة
انا اشوف انه عادي جداً .. يمكن الرجال خجول وحياوي

غير كذا يمكن لانه برا الجماعة مايدري انو عادي عندكم!!
يمكن عندة ظروف صحية او شخصية!! ماتدرون

حنا مثلاً مستحيل تكلمها والا تشوفها الا ليلة عرسك غير كذا احلم
ادري انكم تشوفونها غلط او نوع من انواع التحجر لكن حنا كذا وشنسوي!!

رد : خاطب اختي لم يتواصل معها
 

شي طبيعي بعض الخاطبين ما يشوف زوجته إلا ليلة الزواج وتلقى بين فترة الخطوبة والزواج أكثر من شهرين

وبعضهم أول ما يتملك زيارات ومكالمات الناس تختلف

رد : خاطب اختي لم يتواصل معها
 

مصيره يكلمها وين راح يروح يعني و هي زوجته

رد : خاطب اختي لم يتواصل معها
 

حده وضعه طبيعي والأسباب المحتمله يمكن :
يستحي
او ما عنده أسلوب يسولف وما يدري بشنو يتكلم
او يخاف تصير مشاكل بهالفتره الحرجه
او يخاف يتكلف بهدايا
وغيره من الاحتمالات
والله اعلم

رد : خاطب اختي لم يتواصل معها
 

كلام اخوي المتفائل صح
حنا لو يفحط برجلينه حافيه هههههه مايشوفها الا ليلة زواجه