|
غيرة زوجي قاتلة
السلام عليكم
انا اعاني من غيرة زوجي القاتلة اي بمعنى لازم تكون بيننا مشادات كلامية بخصوص هذا الموضوع الغيرة اذا زادت عن حدودها اصبحت جهنم لاني وبصراحة لم اعد احتمل انا وزوجي لنا سنتان الى الان والحمدلله ومن اول ماتزوجنا سافرنا للخارج عشان يكمل دراسته وقدر الله لي انا ايضا الدراسة المهم كعادة اي زوجين نطلع نغير جو ونتمشى لكن صرت اكره الطلعات والتمشيات بسبب المشاكل اللي تصير منها خللوني اعطيكم امثلة مثلا لما نكون بالمطعم او كوفي او او دائما يكون مركز علي بشكل مو طبيعي عشان مااطالع لايمين ولا شمال وهذا الشي يضايقني ويحسسني بالاحراج اللي يشوفه بيقول هذا مو صاحي !! ومره بالمطعم اذكر اني سآلت عن شي عصب علي قال ليش تكلمين الرجال !! واحيانا بالمول !! واحيانا لما نتمشى واحيانا يقول كنت طالعي ذاك وذاك عاجبك !! واحيانا يقولي كلام استحي اقولكم !! حتى الكلام مايبيني اتكلم !! احيانا لما اتكلم معه بموضوع يقولي اششش صوتك لايطلع مع اني ماتكلمت بصوت عالي المشكلة انه محد حولنا نهائيا الكل يسولف ويضحك !! المهم انا ناقشته اكثر من مره وقلت له انك تسرق جمال حياتنا وبتصرفاتك تظلم نفسك ومارح نحس بالسعاده واحنا طول الوقت مشاكل في مشاكل رد علي وقال مافينا الا الخير بس انت مكبرة الموضوع والمشاكل هذي عادية تحصل بين اي زوجين ولما استرسل معاه في النقاش يعصب ويطلع ويتركني !! طيب شسوي عشان اخفف من غيرته اللي مو طبيعية ؟ وهل اختار الانفصال عنه ؟ علما انه ماعندنا اطفال اتفقنا لما نخلص ونرجع نجيب اطفال باذن الله ولكن اصبحت الحياة معاه صعبة وبصراحة احيانا كلامه يجرحني يضايقني بس مايحس وزوجي من النوع اللي مايعتذر نهائيا وشكرا ddg (تم التعديل ليتناسب مع المضمون) |
رد : غيرة قاتلة
يعني انت مبتعثة زي زوجك طيب هل تلبسين النقاب ولا لا ؟؟؟ الغيرة غالبا بسبب الحب الا ان زادت عن حدها وربما ان لم تكوني منقبة يضايقه ان يرى وجهك الرجال فلا تلوميه ... وحاولي ان تتعايشي مع اسلوبه لان أمثال هؤلاء الرجال لاحل لهم سوى التعايش مه طباعهم وقد تسعدك في مقبل ايامك هذه الغيرة ... طبعا اكلمك وانا لي سنين طويلة نفس حالتك لكن خفت الحمدلله الآن وبالعكس اصبحت اسعد بها كثيرا طبعا الحمدلله الموضوع ليس شكا اطلاقا ولكن غيرة شديدة فقط .
|
رد : غيرة قاتلة
اقتباس:
اختي حتى الكلام يقولي ممنوع !!!! |
رد : غيرة قاتلة
أختي الغالية
اذا عرف السبب بطل العجب فإذا كانت مشكلكم بسبب الغيرة فلتعلمي من به غيرة فيه خير فالمؤمن يغار وحتى الله يغار حينما تنتهك حرماته حاولي تخفيف حدة هذه الغيرة باجتناب مايثير غيرته مهما كان واعلمي ان الغيرة من المحبة وهذا يكفي كاشافع للغيرة بين الزوجين وجندي هذاالغيرة لصالحك وما يخدمك وتفادي مشاكلها مهما تفاقمت اسال الله العلي القدير لكما بالتوفيق والنجاح |
رد : غيرة قاتلة
اقتباس:
كيف اتفادى مشاكلها وهو حتى لو ماطالعت يقولي اكيد كنت طالعي هذا وذاك عاجبينك مالت عليك وعليهم ! يعني وصل الموضوع للشك فيني ؟ |
رد : غيرة زوجي قاتلة
اولا الغيرة من اول علامات الحب واروعها وامتعها
ولا حب بدون غيره ف اول ما الفت نظرك له هو انه ما غار عليك الا لانه يحبك.. لكن طبعا ايييي شي في الدنيا يزيد عن حده ينقلب ضده وانتم في بداية زواجكم طبيعي بتكون الغيره على اشدها وصدقيني ستخف مع الايام ف اعطيه فرصه طالما غيرته لم تصل لحد الشك فيك او اتهامك بشي .. فتصير غيره طبيعية حاولي تجنب كل ما تظنين انه يجلب غيرته واكيد صرتي تعرفين اش يثير غيرته فتجنبيه في جلسة صفاء افتحي معه الموضوع بانه اصبح زوجك ولن تمدي عينك لسواه فقد ملا قلبك وعقلك حتى يطمءن قلبه ذكري نفسك داءما انها من شدة حبه لك فستمتعي بها وستخف مع مرور مده من زواجكم فلا تستعجلي * لفتة تامليها جيدا * 1_ ان ينشغل زوجك بالنظر لك غيره عليك.. خير من ان ينشغل عنك بالنظر للنساء حوله اعجابا بهن😊 وشوفي كم وحده تشتكي في هذا المنتدى من نظرات زوجها للنساء ..تقول وانا جنبه كني مزهريه وماني ماليه عينه!! 2_ ان اعاني من غيرة زوجي خير من ان اعاني من عدم غيرته تقول وحده نفسي يغار عليه ..امشي وسط الرجال عادي.. اكلم رجال امامه عادي..انزل اشتري من محل وهو جالس في السياره عادي!! تقول احسه ما يحبني اللي يحب يغار.. نفسي مره يقولي ليش كلمتي البياع.. ليش التفتي للرجال ..ما تدخلين المحل لحالك لازم انا معك!! شفتي انك بنعمه يتمنونها غيرك فقط " تاملي ايجابياتها في اللفته اللي كتبتها"☺ لكن حاولي تهذيبها والاستمتاع بها ولا تستعجلي ستخف مع الوقت.. |
رد : غيرة زوجي قاتلة
اخواتي العزيزات مادري كيف اوضح لكم اللي اعيشه مع زوجي وليش انا مضايقه من غيرته المريضه بصراحة بس اتمنى اللي يفهم علي او تفهم علي او عندها نفس مشكلتي وعالجتها
|
رد : غيرة زوجي قاتلة
حسسيه بغيرتك وثقلي عليه فيها عشان يختنق ويحس باللي يسويه معك
|
رد : غيرة زوجي قاتلة
انتو كيف علاقتكم ببعض ؟ العلاقة الخاصة والعلاقة العادية خلال النهار ؟
|
رد : غيرة زوجي قاتلة
اقتباس:
انا اعلم مدى معانتك لكن اعلمي ان مشكلتك بسيطة فتحتاجي شوية صبر وحوار صريح مع زوجك في جلسة هادئة ناقشي فكره حواري معه ربما يكون زوجك متأثرا بقصص يسمعها لذلك حاولي ان تكوني اكثر اتزان منه وأثبتي له خطأ أفكاره وهذا يحتاج منك لمجهود وطولة بال اي الصبر والتريث وجعلي أعصابك في ثلاجة باردة في هذا الموضوع واحمدي الله انه يغار عليك فهذا افضل من غيره وانظري لمن خانها زوجها وعينه زائغة وهو معها وهي متضررة وتعاني فأنتي أحسن حالا منهن |
رد : غيرة زوجي قاتلة
اذا هذي اكبر مشاكلك.. فانتي بخير ونعمة..
حافظي على زوجك ولا تفرطي فيه.. مشكلتك تعتبر سهلة وصغيرة والمفروض ما تجيبي طاري الطلاق.. اذا احتجتي تشتري ناديه هو يتكلم مع الرجال وريحي بالك.. واذا رحتو مطعم او كوفي.. روحوا اللي ما فيها زحام وفيها اقسام للعوايل وارتاحوا.. الغيرة محمودة .. ولو زادت حبتين مثل وضع زوجك.. فالتكيف معها ممكن.. الأمثلة التي ضربتيها لنا يمكن التعامل معها بسهولة.. خذي لفة في المنتدى وشوفي مشاكل غيرك.. علشان تعرفي انك بنعمة.. الله يوفقكم ويصلح بينكم ... .. . |
رد : غيرة زوجي قاتلة
مشكلتكم معكوسة عندنا
آنه شديدة الغيرة .. بس مو لدرجة زوجج لأن فعلاً وقفني عند حدي وما خلاني اتمادى لذلك حالياً قاعده اسوي كنترول وفي طريقي للنجاح بإذنه تعالى - يا رب زوجج يحتاج منج توقفينه عند حده لأن الامر لا يقف عند حد وإنما يتوسع ويمتد للشك احذري مشكلتج مو سهلة واجهل طريقة لإيقافه اتمنى لج التوفيق الله يسهل امرج |
رد : غيرة زوجي قاتلة
كأنك تتكلمي عن زوجي وممكن اكثر .. وزوجي كمان يغار من اخواني واولاد اخواني ...
حتى صحباتي ياويل واحدة فيهم تقول احبك يكسر جوالي .. 😓 الحل انك تتأقلمي مع غيرتو وتداريه ... وزي ماقالت فاطمة... وقت السفر والخرجات ... زوجي ينشغل فيا ولا في غيري 😍😍 |
رد : غيرة زوجي قاتلة
يا خداع نحن هذه المواقف مرت علينا وزيادة لكن جدا طبيعية منهم متعودين عليها عشان كذا نسايرها يمكن انت ما قد مرت عليك لكن مع الوقت بتتعودي وتسايريها
وحاولي تكوني حريصة من ناحية هذه الأشياء كثير يمكن يخف شوية ولا تدققي وتزيدها ويصبح اكثر من حريص الا اذا عندك شيء نحن باقي ما وصلنا لفهمه .. سأفهمك مع الردود ربي يهدي بالك |
رد : غيرة زوجي قاتلة
حبيبتي خداع.. بصراحة لا أرى غيرة محمودة فيما تصفين!!! المحب الذي يغار غيرة إيجابية محمودة لا يجرح ولا يطعن الأخلاق ولو تلميحاً. |
رد : غيرة زوجي قاتلة
اقتباس:
|
رد : غيرة زوجي قاتلة
اقتباس:
مافي يطعن بالاخلاق .. ويجرح بالكلام انا فهمت ان تتحس من الكلام وليس التجريج بمعنى الطعن يعني بالاختصار غيرة طبيعية بس هي مو متعودة ونشوف مع الردود مع التقديرsdd |
رد : غيرة قاتلة
بوفارديا حبيبتي..
اقتباس:
اقتباس:
وهذا طعن في الأخلاق يا عزيزتي. أنا ممكن أفهم الغيرة الطبيعية اللي يغار عليها لما حد يطالعها ... لكن لما يتهمها إنها هي اللي تطالع وإن اللي تطالعهم عاجبينها .. فهذا ماله وصف ثاني غير إنه طعن في الأخلاق. ولو أضفنا إنها أصلاً ما تطالع حد مثل ما تقول .. فهذا معناه إن زوجها عنده شك مَرَضي وليس غيرة طبيعية محمودة. |
رد : غيرة زوجي قاتلة
اقتباس:
قلتله مره ها يافلان طلعت تعرف تسولف بمزوح طبعا قالي هذول اصحابي يفهمون علي وحنا كلنا رجال اما انت حرمة ماتنفعلك سوالف الرجال هذي ! على قد مااني احاول اسولف معه في اشياء تجذبه على قد ماالاقي منه الجمود بس الله يخللي لي اخواتي وصاحباتي هم السعاده والمشكلة انه يغااااااااااااااااار من اخواتي لا شافهم يرسلولي هدايا او يكلموني وصديقاتي مع اني احاول ارد عليهم واتواصل معاهم بقدر الامكان لما يكون هو مشغول بالدراسه او طالع برا بس لما يكون معي نهائيا مااتواصل مع اي احد تجنبا للمشاكل ومع ذلك هو يكلم بو فلان وعلان وانا مزهرية ومايحب نهائيا اني اتعرف على اي احد ولا اتواصل مادري شلون اوصفلك شي غريب !! اما عن علاقتنا الخاصه فهي اقل من عادية ومااحس معاه بآي شي مادري شلون بس انت اكيد فاهمه وهذا كل شي |
رد : غيرة زوجي قاتلة
اقتباس:
هذي حياة ؟؟ |
رد : غيرة زوجي قاتلة
اقتباس:
|
رد : غيرة زوجي قاتلة
اقتباس:
|
رد : غيرة زوجي قاتلة
بصراحه بعد توضيحك الأخير أنا انصدمت .. ! ! !
طالعه عشان الرجال ...؟ ضروري جداً تتخذين موقف اتجاه سلوك وكلام زوجك .. هذي مو غيره يا اختي .. والله الغيره لها لذه وطعم وتحسسك بقيمتك عند الشخص اللي يغار عليك .. تجنبي كل الأشياء اللي تضايقه .. ثم خليكِ بالشقه لاعاد تطلعين .. ولا تطلبين منه انك تطلعين ابداً فتره بس وعيشي طبيعيه وكأنك مبسوطه ومرتاحه وبالمقابل خليه يطلع وينزل ويستانس .... بعد كذا شوفي ردة فعله اذا عادي ف راح تكون غيره مرضيه مفرطه .. اما اذا كان له موقف ثاني او كلام ثاني او تعليق على قعدتك واستغنائك عن الخروج ساعتها بتعرفين هل هو غيور ام شكاك .. وعلى هالأساس تتخذين موقف حازم .. موفقه |
رد : غيرة زوجي قاتلة
بعد توضيحاتك الاخيره فهذا مرض مو غيره والله اعلم😮
انا ظنيتها غيرة طبيعية بس انتي ما تاملتيها انها نابعه من حب لا تسمحيله يتمادا والا بيتعود ازعلي من كلامه هذا وحاسبيه عليه بهدوء حتى تحطيله حد ما يتجاوزه😡 |
رد : غيرة زوجي قاتلة
اقتباس:
حتى تسوي هي لزوجها.. ولك اجر |
رد : غيرة زوجي قاتلة
اقتباس:
وبحثت بالموضوع كثير بالنت ووجدت أنه ممكن يتشخص كحالة وسواس مرضي لكن مو شرط يكون مرض نفسي او حالة نفسية لأنه ممكن تكون حالته مجرد معتقدات تربى عليها وتشبع فيها من أصحابه . لكن بالنهاية الأمر سيان بالنسبة لمعاناتك معاه وبالتالي قدامك حلين . 1. تنفصلي عنه وتهربي بجلدك وبمقابل هذا تواجهي وضع المطلقة وخياراتها المعروفه لك بحسب وضعك ومجتمعك. 2. محاولة اصلاحه . وهذا ترى مو سهل ويحتاج منك صبر وبحث وجهد . |
رد : غيرة زوجي قاتلة
كلام زوجك جارح.. ولا شك أنه مخطئ خصوصا أنك تعرفين في نفسك أنك لست كما يقول...
لا أقول أن مشكلتك صعبة إلا إذا اجتهدت في معالجتها ولم تنجحي.. أرى من العلاج.. 1- الخطوات التي ذكرتها في مشاركتي السابقة.. 2- أكثري من مدح زوجك لترضي غروره.. امدحي جسمه وهيئته وطلته وشخصيته وتغزلي به واشعريه أنه سيد الرجال وافضلهم وانك لا يمكن أن تعيشي بدونه أو تفكري بغيره.. ومن هذا الكلام الذي يشعره بالرضى.. 3- كما أن الرجل مأمور بغض البصر المرأة كذلك مأمورة بذلك.. وليس مبرر أن النظر غير مقترن بشهوة.. كما أنك لا تحبي أن ينظر زوجك للنساء.. هو لا يحب أن تنظري للرجال مهما كان هذا النظر.. فاستجيبي له.. ربما زوجك يستمع من أصحابه أو غيرهم، ويطلع على بعض قصص الخيانة.. مما يخلق عنده شيء من القلق والتوجس وعدم الثقة بالنساء مطلقا.. أشعر أن في علاقتكم مشاكل أخرى أكبر.. لم تذكريها أو لا تريدي الكلام عنها.. ربما تخلق عندك نفور من زوجك.. وتلك المشاكل تجعلك تضخمين هذه المشكلة... حتى تذكري الطلاق معها.. هذا مجرد تخمين.. وقد أكون مخطئ.. ... .. . |
رد : غيرة زوجي قاتلة
اقتباس:
ومشى وخلاني يعني مررره حطني في موقف غبي اذا مو واثق في النساء بشكل مطلق ليش يتزوج من الاساس المشكلة اني حاورته اكثر من مره وتناقشنا ودووم يعصب ويختار الهرووب ويقولي مكبره الموضوع انت او يقولي انا اغار والله اغار اقوله طيب حلوة الغيرة بس مو لدرجة تشك في اخلاقي وتحرجني يقولي مو بقصد انا كذا لما اعصب انعمي ومااشوف قلتله لازم تبطل عشاني انا يقوولي تراك مصختيها ويلا دلع بنات زايد احس والله العظيم انه متزوجني بس كذا مااحس بالحياة الزوجية معاه انا عارفة انه كل حياة زوجية فيها مشاكل لاننا مختلفين هو من بيئة وانا من بيئة مختلفة الى اخره من هذي الامور بس مو لدرجة المشاكل يوميا كآنها فرض علينا انا مااحس معاه بآي شي لا في علاقتنا العادية ولا حتى في علاقتنا الخاصة طول السنتين وانا صابره بس الى متى ؟ ماني عارفه ايش اسوي حالتي مررره سيئة حاسه بتشتت وضياع ومو قادره اركز لا في حياتي ولا في دراستي |
رد : غيرة زوجي قاتلة
اقتباس:
1- لا تظني أنك تقدري تخفي شعورك تجاهه .. حتى وانتي تمثلي عليه المدح والاعجاب هو يحس بشعورك الداخلي ويشوف مدحك له نفاق وكذب 2- لازم تعالجي مصدر المشكلة وجذرها ... راجعي نفسك وشوفي السبب في اختلافكم وعدم اندماجكم مع بعض واشتغلي عليه وغيريه وقربي بينكم . لاحظي ايجابياته وكرريها بينك وبين نفسك الى ان تحسي نفسك ارتاحت له ورغبت فيه ... حتى سلبيات الشخص لها زاوية ايجابيه ..ابحثي عنها وركزي عليها . 3- ادعي ربنا يقرب قلوبكم ويالف بينها ويجعله قرة عين لك 4- الخضوع للزوج ومحاولة احتواؤه مو دايما بصالحها ... لما يتهمك حتى لو اتهام مبطن احتدي لكرامتك بلحظتها ولا تسكتي عنها.. سكوتك وانتظارك الى ان يهدا الجو وتناقشيه نقاش هادي يعطيه انطباع بأنه اتهامه لك صحيح وبأنك فكرتي بالموضوع ورحتي تناقشيه بهدوء عشان تغطي على نفسك . 5- أحيانا كلمة يكون لها تأثير أكثر من مجلدات .. أحيانا بس كلمة حسبي الله ونعم الوكيل تصدمه وتصحيه. 6- تحتاجي صبر وطولة بال حتى يتغير ويبدأ يسيطر على نفسه . وفهميه أنه رجالك ( اخ اب عم خال ) راح يكون لهم موقف حازم لو وصلهم الكلام وبأنك ما تقدري تصبري على طول وتظلي مانعه نفسك عن تبليغهم . 7- اذا ما قدرتي بكل الطرق تحلي الموضوع أشوف انه من حق رجالك عليكِ ان تبلغيهم باتهاماته لك لأن كرامتك من كرامتهم وشرفك اللي قاعد يتعرض له من شرفهم . يمكن كلام رجل حكيم من أهلك يكون له تأثير عليه . الله يعينك وياجرك |
رد : غيرة زوجي قاتلة
اقتباس:
وماني قاعده انافقه او اكذب عليه انا اثني عليه في مواقف له واتغزل فيه في اوقات معينه ولكن لما يجي من شريك حياتك الفاظ او جمل تكسر اللي بداخلك وتصدمك في هذا الشريك ساعتها تقل هذي الاشياء او تختفي تماما من الحياة اول مره اتهمني فيها انصدمت وكآني اقول لنفسي هل فعلا اللي سمعته صحيح وانا انسانه لما اعصب ماعرف اتكلم كل اللي سويته اعطيته ظهري وقفلت الغرفه على نفسي مصدومه من كلامه نجي للنقطة الاخيرة لو كلمت ابوي في هذا الموضوع فــ ابصم بالعشرة انه حياتي راح تنتهي مع هذا الرجال عشان كذا مابغى استعجل ودخلت هنا للاستشاره مه ان الفكره في راسي بصراحة لآني تعبت من الوضع وخصوصا انه ماعندي اطفال |
رد : غيرة زوجي قاتلة
اقتباس:
تقدري تكلمي أحد غير أبوكي كمرحلة مبدئية ؟؟ تستشيريه ... مثلا والدتك أو أخوكي ..عم .خال . يكون مرن شوي |
رد : غيرة زوجي قاتلة
رايي لا تكلمي أحد من أهلك.. وحاولي ما تطلعي مشاكلك من بيتك بقدر الإمكان..
المشاكل اذا دخلوا فيها الأهل غالبا تكبر.. اذخال الأهل علاج أخير ليس بعده إلا الطلاق... بس عندي سؤالين هل عندك أمور غير المشكلة اللي في هذا الموضوع تخليك ما تتقبلي زوجك وتنفري منه ويمكن تكرهيه.. تذكري زين قبل لا تجاوبي.. سؤال آخر.. لو زوجك صارت غيرته طبيعيه وما يتهمك أو يجرحك بالكلام.. هل يصير في نظرك زوج مثالي تعيشي معه عمرك كله.. ... .. . |
رد : غيرة زوجي قاتلة
صمتك جعله يتمادى أكثر
الصمت هنا ضعف وليس قوة |
رد : غيرة زوجي قاتلة
هدديه وانتي معصبه وجاده بكلامك
انك بتعلمين اهلك لو ما لزم حده يشوفولكم حل لو بالطلاق <<يمكن سيرة الطلاق تصحيه انه بيخسرك |
رد : غيرة زوجي قاتلة
معليش أختي بعد ماذكرتي موقفه لك لما شفتي الشباب اللي يتضاربو ايش سار بعدها تكلم عادي معاك ولا جلس زعلان طول اليوم وانتي لحقتيه وتكلمتي في الموضوع ولا طنشتي؟؟؟
ذكرتيني بزوجي بداية زواجي لكن يقولها بمزحه ثقيله يعنني أقصد لكن في نفس الوقت أمزح عشان لاتزعلي وع فكره لو انه شاك فيك ولو واحد في المئه ماكان خرجك معاه كان حابسك في البيت.... الزبده يبغئ يعلمك ماتسوي كذا وكذا وهو فاهم انك ماتقصدي لكن يبغاك نبيهه ماتتلفتي وتفهمي وتريحيه... ردي ع اسألتي بدون مبالغه لاني احس في انسجام بينكم ... أنا دحين أمدح في بعض رجال الدول العربيه عشان أقهره ولا يعلق يضحك لاني عالجت غيرته الي يقصد فيها اني انتبه لحركاتي .. العلاج طويل ويبغاله صبر... |
رد : غيرة زوجي قاتلة
اقتباس:
فغالبا احس بالوحده ولما الجئ لآخواتي او صاحباتي يعصب ويزعل مع اني احاول قدر الامكان اني اتواصل معاهم لما يكون هو مشغول او عنده دراسه او شي او طالع اذا انحلت مشكلة الغيرة فــ الف الحمدلله اما الامور الثانية اللي تقلقني فكثير من المتزوجات قالولي هما كذا الرجال مع اصحابهم 24 ساعه ومايتكلمون الا للضروره مع زوجاتهم وحبهم مو بالكلام ووووووو |
رد : غيرة زوجي قاتلة
اقتباس:
|
رد : غيرة زوجي قاتلة
اقتباس:
معليش اختي كلامه ان دل دل على شكوكه فيني اسمعيني اختي انا وانا معاه ماني قاعده التفت يمين ويسار مثلي مثل اي انسانه عادية اي بمعنى لما اسوي شي هو يكون المتحدث عني واهم قاعده عنده عيوني بالارض ولما اكلم اي رجال ولو بالضرورة اساله عن اي شي ممنوع !! اي انسجام ؟ طيب افيديني ونوريني كيف عالجتيها |
رد : غيرة زوجي قاتلة
ياهوو والله الموضوع مايستاهل هذا كله ....
والله زوجي كان يتلفظ حتى بكلمات بوسخه مو بس جارحه ..ورح اكتب لك علاجي له اخاف اخرج وانسى موضوعك ... انتي زوجك زيي نطلع كثيير في البدايه كنت اعاتبه ومرات ابكي مافي فايده ... اول شي قبل مانطلع اقوله شوف حجابي كيف وانا رح أنتبه لنفسي مابلتفت يمين شمال زي دائماً ع نيتي وانت تحسب اني زيك التفت في الرجال يقولون الواحد يشوف الناس بعين طبعه ولاني ماابغى أخرب نفسيتي الحلوه رح أنتبه لحركاتي وبالفعل مااتلفت يمين ولا شمال اكون مركزه ع الجوال او خشته او ع الطاوله ...كم مره اسويها ومشي الحال ومره مدحني ههههه شوي شوي التفت واقوول يوووه نسيت كميرة زد رصيدك تشك فيني وتصور ( انتي قولي ساهر بما انك حديثه عهد بالزواج ) انا ع ايام بدايه 😁 وطبعاً يقول والله مادري من كميرة زد رصيدك انا ولا انتي ...( تطنيشششش) اوقات لما مالي نفس اروح اخرب عليه الطلعه قالي كلمه ع طول جري ع السياره وابكي وابكي بصوت عالي ودني البيت انت مريض انت فيك وفيك تحس الناس زيييك يامسكين والله بتخسرني لو باقي شكيت فيني ) اهم شي الصوت عالي ولاتسمحي له يتنفس واحياناً اركز عليه نذاله شفته التفت ع طول التفت ع المكان الي التفت فيه يقول اشبك اقول بشوف في بنت تطالع فيها لانه شكك فيه مو طبيعي واضح جداً انك تخاف ربي يعاقبك فيني وانا بنت ناس متربيه والدين بيجي في بناتك مو فيني ؟؟؟؟؟؟؟ المهم جننته خليته يشك في نفسه ... وهذا يبغاله شطاره وتخطيط منك ... مرت السنوات الاولى ع خير يمكن ثلاث سنوات او اربع والله نسيت ودحين أأشر له ع الشباب شوف وشوف ههههه لانه عارف نيتي وفهمني صح وبرضه فرضت شخصيتي عليه .... وع فكره العلاقه الخاصه مالها دخل في موضوع الغيره ....ابحثي عن اشياء تسعدكم في العلاقه بتلاقي... موفقه ... |
رد : غيرة زوجي قاتلة
والله احاول افكر برضه ايش كنت اسوي فيه بس ناسيه هذا الي متذكرته...
حتى مره عباتي لانفتحت من عند رقبتي يقرب يقول غطي رقبتك لاقرصها اقول والله لاتضارب معاك هنا وزي ماتقرصني اقرصك ... ومجرد مارجعنا حلفت بالله انه مايدخل البيت ورميت له عبايتي قلت روح ودها للخياط يسوي لها رقبه😂 قال بعدين ويعطيني اياها واصرخ ماااافي والله دحين وارميها في وجهه واقفل علي احد الغرف غير غرفة النوم غرفه ماله اي شي فيها عشان لايقول افتحي ابغى اخذ كذا وكذا😁 |
| الساعة الآن 02:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©