|
حامل و زوجي لا يرغب ف الجنين
مرحبا خواتي .. كيفكم ..
راح اكتب مشكلتي ب اختصار .. انا عندي بنتين ربي يحفظهم الكبيره عمرها 3 سنوات والصغيره سنه ونصف .. بعدما جبت بنتي صغيره قلت لازم استخدم موانع وزوجي كمان اكبر مشجع لهالفكره لانه ما يبغا احمل وانا نفس الشي قلت ارتاح كم سنه وبعدين يصير خير .. استخدمت حبوب فتره قصيره و وقفتها عشان اركب لولب بس مالقيت وقت اروح اركب .. والشهر هذا لما قررت اروح اركب وكنت جااااده اتاخرت الدوره وطلعت حامل .. زعلت على نفسي لان بناتي صغار ويتعبوني وزوجي كمان ما ييغا حمل .. جلست ابكي وقلت لزوجي كله منك وحسيت انه حاس ب الغلط لاني كنت حريصه خلال العلاقه بس سبحان الله صار الحمل.. زعلت وبكيت وزوجي لما شافني كذا قال خلاص لا تزعلي نفسك بنشوف طريقه وننزله .. لما قال لي كذا صدمني .. جلست افكر مع نفسي شوي وقلت هذي نعمه من ربي يمكن يرزقني ف ولد بعد البنتين .. واتقبلت الوضع وحسيت فجأه اني فرحانه بحملي .. بس زوجي للأسف مصمم اني اجهض هالحمل وقال لي لا تقولي لاحد انك حامل وانا بشوف كيف بتصرف .. اقولها بكل صراحه اني استحقرت زوجي بعدما شفت موقفه قلت يمكن يلين ويقول خلاص هذا مقدر ومكتوب .. بس للأسف شفته عكس تماما .. انا الحين خاااااايفه ماني عارفه كيف .. قبل شوي قال بحاول اكلم ممرضات عميلات عندي يمكن وحده تساعدنا . . وانا نفسي اقول له اني صحيح اتضايقت لما عرفت اني حامل بس الحين اتقبلت الوضع وما ابغا انزله .. زوجي عنده ولد من زواج سابق ومو مهتم انه يكون عندي ولد .. والله اني ف هم وغم ومقهوره من موقف زوجي .. ايش اسوي وكيف اتصرف .. |
رد : حامل و زوجي لا يرغب ف الجنين
وعليكم السلام ورحمة الله وبركاته ..
مرحباً أختي الكريمة انتبهي تنزليه ، لاتسمعي كلام زوجك كم من زوجة فعلت ما فعلت والله سبحانه بلاها بأمراض في رحمها .. هذه نعمة إياك أن تضييعها ، حتى لو العميلات الممرضات للأسف يعملن أغلبهن بطريقة ستؤذيك صحياً ، وكم من إمرأة أنزلت وحرمها الله من الذرية .. حاولي مع زوجك تحدثي معه وأشعر يه برغبتك في هذا الجنين ، حرام عليكما .. سببك ليس عذر في إنزاله بإذن الله تستطيعي تربيتهم .. |
رد : حامل و زوجي لا يرغب ف الجنين
الحمل رزق من الله فكم من محروم يتمناه والطفل رزقه معه
ما حكم إجهاض الجنين في الشهور الأولي قبل بث الروح فيه ؟ . الجواب: الحمد لله قرر مجلس هيئة كبار العلماء ما يلي : 1- لا يجوز إسقاط الحمل في مختلف مراحله إلا لمبرر شرعي وفي حدود ضيقة جداً . 2- إذا كان الحمل في الطور الأول ، وهي مدة الأربعين يوماً وكان في إسقاطه مصلحة شرعية أو دفع ضرر جاز إسقاطه . أما إسقاطه في هذه المدة خشية المشقّة في تربية الأولاد أو خوفاً من العجز عن تكاليف معيشتهم وتعليمهم أو من أجل مستقبلهم أو اكتفاء بما لدى الزوجين من الأولاد فغير جائز . |
رد : حامل و زوجي لا يرغب ف الجنين
لماذا تنتظريه يلين او يتراجع
اين ردة فعلك؟؟ |
رد : حامل و زوجي لا يرغب ف الجنين
بسيطة قولي له بطلت أنزلة لاني عرفت أنه حرام شرعا
|
رد : حامل و زوجي لا يرغب ف الجنين
شفت موضوعك كنت بقلك أظهري تضايقك من الحمل بالدموع والبكاء وهو بيحن عليك ويهدأ وبدل ما يواسي نفسه يواسيك لكن تفاجئت لما قلتي بينزله.....
حالياً اعطيه جووه وادعي ربك إنه ماتتيسر محاولته واذا فجأه جاك وقلك بنزله ابككككككككككي بحراره وقولي مايكفيك انه بإهمالك حصل الحمل بعد مشيئة الله وتبغاني أرمي نفسي لممرضات يلعبو فيني يمكن اموت يمكن يحصل لي شيئ أتحمل الالام الحمل والولاده ولا ارمي نفسي الرميه هذي الجنين وماابغاه لكن نفسي ماشبعت منها .... طبعاً الكلام الي فوق محرد كيد يعني من ورى قلبك لاني متاكده انك حبيتي الي في بطنك وهذا شي من الله وحاسه فيك لكن بعض الرجال مايفيد فيهم الا تقلبي الموضوع عليه ... عصب عصبي صرخ صرخي وركزي كلامك ع خوفك ع نفسك ... وقولي انا بنطط حتى ينزل لكن مارح اسلم نفسي لممرضاتك .... |
رد : حامل و زوجي لا يرغب ف الجنين
سبحان الله هناك من يبحث بشتى الطرق من جداول حمل ومن ادويه ومستحضرات وزرع في خارج دولته
ومنهم.... مثال اخي ذهب الى الاردن وزرع طفل انفق ما يقارب 30000$ دولار هذا بعد ثلاث بنات يااختي وصيتي لزوجك لا يدفر نعمة بيده وخلي يحمد الله ويشكره على نعمة الذريه ويرضي بالمقسوم |
رد : حامل و زوجي لا يرغب ف الجنين
والله ياقلبي هيا كلمة وحده
ماتنزلي الجنين عاجبه مو عاجبه هذا من الله في البدايه خديه باللين وذكريه بالله وان الجنين رزق تجاوب معاكي كان بها اما اذا مازال مصر على رأيه ارفضي بعنف ومن باب حسن النيه يمكن زوجك يبغ ينزل الجمين لأنه شافك زعلانه وبتبكي فلو قلتي له انك مبسوطه وراضيه يغير رأيه يمكن |
رد : حامل و زوجي لا يرغب ف الجنين
مرحبا .. اشكر تفاعلكم معي ..
حابه اوضح لكم شغله .. قبل لا احمل ف بناتي كنت جدااا متلهفه للحمل وزوجي كان رافض بحجة انه لسه بدري شوي وبعد عدة محاولات مني وافق وجبت بنتي وبعدها قال خلاص يكفي وبس سبحان الله حملت ف بنتي الثانيه ب الغلط .. و وقتها صارت بينا مشكله بس مش بسبب الحمل وكنا خلاص ع وشك انفصال واتهمني وقتها اني كنت قاصده يصير الحمل عشان اربطه ب العيال وكان يقول لا تفكري انك كذا تربطيني ب العيال والله لو جبتي عشره ما يهمني ( لانه كنا ع طوووول مشاكل وماحسينا بأي استقرار ) وبعدها لما شفت زوجي ماله أمان وبياع عشره قلت لازم اشوف لي حل وصرت ابين له اني انا كمان حريصه اكثر منه بس هالمرخ كمان صار الحمل والسبب اللي ماخلاني أبين له رغبتي ف الحمل هو موقفه السابق ولو اقول له اني خلاص متمسكه ف الجنين بيقول انه تخطيط مني واني كنت امثل عليه وووووو...الخ وبكذا يكبر الموضوع اكثر ويحط ف باله عناد وتحدي ( عقله صغيررر ) وهو من النوع اللي على طول يطردني من بيتي لو صارت بينا مشاكل ويخليني عند اهلي ب الشهور .. فما بالكم ب مشكله حساسه زي هذي .. انسان عنيد وكلمته ماشيه سواء رضيت ولا مارضيت .. طول اليوم جالسه ادعي ربي انه يعدل عن فكرة التسقيط ويغير رايه لاني فعلا متمسكككه ف هالحمل وكأنه اول حمل لي ... قلبي معصور من اﻷلم وما فيه ب يدي غير الدعاء .. دعواتكم لي .. |
رد : حامل و زوجي لا يرغب ف الجنين
انت لازم ماتنزلي الجنين لانك متمسكة فيه او مو متمسكه انزال الجنين عمدا محرم شرعا لازم تفهمي هالنقطه ولو رضيتي لزوجك بتكوني شريكه له بالذنب ارسلي له الحكم الشرعي على جواله وتجنبي التواجه معاه دامه بيعمل مشكله كبيره
|
رد : حامل و زوجي لا يرغب ف الجنين
السلام عليكم ورحمة الله وبركاته ..
أختي الكريمة لا تنسى تطمنينا ماذا يحصل لك ؟! |
رد : حامل و زوجي لا يرغب ف الجنين
إنت تقولي ما تبغي تنزلي الجنين عشان يمكن ولد ؟
طيب لو كانت بنت ؟ ترى كلهم نعمة من الله .. كأنكم تموتوا ( طفل ) من أطفالكم .. ما يصير |
رد : حامل و زوجي لا يرغب ف الجنين
لا تستكين حرصا ع رضاه وانتي بكذا تغضبين الرحمن...لانه الله سبحانه عزيز ذو انتقام ....لو تستوعبين هالكلمتين فعلا ماعاد يهمك رضا زوجك او عصبية او عناده في قرارة نفسك فعلا بالطقاق
|
رد : حامل و زوجي لا يرغب ف الجنين
اقتباس:
ومبسوط وجلسنا مع بعض نسولف ونضحك ومع الكلام قال ( الحين وش نسوي بهذا ) وكان يأشر ع بطني .. انا خليت الوضع عادي مابينت له اني مستغنية مره او متمسكه مره ف الجنين .. وقلت له انه لو رحنا اي مستشفى مستحيل يوافقوا ع هالشي قال انتي متأكده قلت ايه .. بس كان يكلمني بكل هدوء وهالشي طمني شوي .. يعني مالاحظت انه مستعجل او شايل هم متى .. والحين فكرت اني اناقشه اليوم بالتدريج و أبين له اني متمسكه ب هالحمل وانه هذي نعمه من ربي سواء كان بنت أو ولد مايهم .. وان شاءالله يارب يكتب لي اللي فيه الخير .. |
رد : حامل و زوجي لا يرغب ف الجنين
اللهم يصلح البال والخاطر
|
رد : حامل و زوجي لا يرغب ف الجنين
اقتباس:
ولد .. بس طبيعي تكون رغبتي ف الولد بعد البنتين وبالاخير كل شي يصير ب أرادة رب العالمين .. |
رد : حامل و زوجي لا يرغب ف الجنين
اقتباس:
وحبيت اللي ف بطني وكأنه اول حمل لي .. كل اللي اتمناه ف هاللحظه ان ربي يلين قلب زوجي ويشيل هالفكره من راسه .. وقتها راح ينزاح هم كبير من قلبي .. |
رد : حامل و زوجي لا يرغب ف الجنين
هذا مثال ينطبق على الموضوع السابق (الصراحة راحة) لا تتجاهلون الامر هذا مثال حي
|
رد : حامل و زوجي لا يرغب ف الجنين
الله يهديه ويصلح حاله والله يتمم لك على خير ويرزقك بالولد الصالح
اللهم امييين |
رد : حامل و زوجي لا يرغب ف الجنين
اقتباس:
سأقول لكِ هذا الأمر بعض الممرضات من لا أمانة لها تستطيع أن توصف حبوب للتنزيل طبعاً بمبلغ مالي دون اللجوء للعملية والألم يكون شديد جداً أخص من ألم الولادة رأيت حالات كثيرة وبعدها تذهب مستوصف مافي أمانة ويكون التنظيف سيء وتظل الدورة عليها ومماسببت لواحدة سرطان في عنق الرحم ، وفي بعض المحلات ما يسمونها بالأندونسية توجد لديهم الحبوب .. لا تأخذي شيء ، حتى لو زعل مصيره يرضى . |
رد : حامل و زوجي لا يرغب ف الجنين
اقتباس:
ماذا يعني أتقتل جنين في بطنها رضاءاً للزوج؟!!!!! وهل هذا حلال ؟!!! اتقِ الله . |
رد : حامل و زوجي لا يرغب ف الجنين
اقتباس:
|
رد : حامل و زوجي لا يرغب ف الجنين
مرحبا .. كيفكم ..
قبل يومين جلست معاه وقلت له خلاص خلينا نرضى باللي كتبه ربي نجيب هالبيبي وبعدها بسوي لولب ان شاءالله عشان ماعاد تكرر هالغلطه .. قال البنات لسه صغار ويكفي ازعاجهم مو متحمل يجي واحد ثالث ويسوي قلق وحاول يقنعني انه يجوز الوحده تسقط قبل اﻷربعين يوم لانه لسه مانفخ فيه الروح.. طلبت منه نروح للدكتوره واشوف عمر الحمل .. وافق على طول وطلب مني اجهز نفسي يوديني ب الليل .. رحنا للدكتوره وقبل لا ادخل عليها قال ( لازم نقول لها انه مانبغا هالحمل ونحاول معاها يمكن تساعدنا ) وطول الوقت يضغط علي ولما دخلنا ع الدكتوره ماعطاني فرصه اتكلم .. وشرح لها كل شي وانا اشوف الفرحه بعيونه وهو يحاولﻻ يقنعها .. وانا خانقتني العبره .. جلست انتظر رد الدكتوره وما شاءالله عليها طلعت بنت حلال وجلست تنصح زوجي وتقول له يرضى ب قضاء الله وانه هذي نعمه من رب العالمين ومحد يدري وين الخير وووو... قالت كلام كثير برد على قلبي شوي واتمنيت يكون كلامها لامس قلب زوجي .. وبعدها طلبت من زوجي ينتظرني برا عشان تقيس لي الضغط .. طلع زوجي وعلى طول قالت لي انتي ماتبغي تنزليه صح .. اول ماقالت لي هالكلام ماتحملت وبكيت عندها وشرحت لها انه جالس يضغط علي وكأنه الحمل هذا جريمه .. حاولت تهديني وقالت لو مكتوب له يجي ع الدنيا مافيه اي قوه ع الارض راح تمنع هالشي .. وطلبت مني اسوي فحص دم واراجعها اليوم ان شاءالله .. رجعنا البيت وكان ساكت طول الوقت .. نيمت بناتي وجلست معاه قال الدكتوره هذي ماعندها سالفه لازم نشوف لنا حل ثاني .. نروح عند دكتوره اجنبيه مو مسلمه واكيد راح توافق تسوي لك تنظيف وقبل لا تكملي 40 يوم .. ناظرت فيه وانا ساكته قال ليش ماتتكلمي .. قلت له انت واحد ماعندك قلب ماتحس اناني تفكر بنفسك وراحتك وبس .. ماتفكر فيني ولا بصحتي ولا ايش ممكن يصير فيني لو طاوعتك .. كل همك ماتبي ازعاج ماتبي حليب ماتبي حفاظات .. ليه جالس تحسسني وكأنه نهاية العالم وكأنه لا سمح الله حمل بالحرام .. ليه ماترضى وخلاص.. انفجرت وماقدرت اوقف وانا اتكلم وابكي لانه طول الوقت هو ويعيد ويزيد .. لما شافني بهالحاله قال ليه تفكري كذا صدقيني انتي كمان بترتاحي شوفي البنات كيف مطفشينك .. بعدين سكت شوي وقال انا عارف انك تبغي هالحمل .. بس وقتها لا تلوميني لو تزوجت ودورت راحتي لاني مليت من كلمة جيب حليب جيب حفايظ.. مارديت عليه ودخلت غرفتي انام .. اليوم ان شاءالله براجع الدكتوره تشوف لي عمر الحمل . . وبعدها ماني عارفه كيف اواجه الضغوطات من زوجي .. لما اشوفه يتصل ع ممرضات ويسأل هنا وهناك يبي بوصل لحل استحقره اكثر واكثر واحس بمشاعر كراهيه تجاهه لانه يفكر بنفسه وراحته وبس .. كل يوم ابكي ولما اوقات امي تتصل تخنقني العبره اول ما اسمع صوتها . نفسي اشكي لها بس ماني قادره ﻷنه هددني ما اكلم احد ف الموضوع.. نفسيتي تعبانه .. وزوجي قلبه متحجر . . حاسه اني جالسه اتحمل فوق طاقتي .. عايشه ألم نفسي فظيع وكل يوم اتخيل اللحظه اللي يجي يقول لي فيها خلاص نرضى بقضاء الله .. دعواتكم .. |
رد : حامل و زوجي لا يرغب ف الجنين
قل لن يصيبنا إلا ما كتب الله لنا
انا وحدة صارلي 8 سنوات احاول احمل .. وانتي مستعدة عشان ترضي زوجك تفرطي باللي ببطنك ؟؟؟ نعمة الله عليك تفرطي فيها عشان ضغط عليكي شوية ؟؟ ما فكرتي بالحساب ؟ ما فكرتي بالآخره ؟ ما فكرتي باللي أهم من زوجك واهم من رضائه ؟؟ اعيدي حساباتك اختي الكريمة وارضي ربك .. يرضى عنك عباده |
رد : حامل و زوجي لا يرغب ف الجنين
اقتباس:
أناني ..أناني زوجك ،كم هو قاسي القلب .. ناس محرومة تريد تحمل بأي سبل وهو يفرط بدون أي مبرر .. لا تبكي أمامه ، لاتضعفي ، اثبتي له بأنك تُريدي الحمل .. لاتفكري فيه نهائياً ! ممنوع الإجهاض بالمستشفيات نهائياً ، إلا عديمة الأمانة تفعل من تحت لتحت ! |
رد : حامل و زوجي لا يرغب ف الجنين
لا تطاوعيه و تمشي في طريق
راح يرافقك الاحساس بالذنب طول عمرك اذا استمر يضغط عليك روحي عند اهلك بحجة التعب حتي يتقدم عمر الحمل و ينسي فكرة انزاله مو ضروري تقولي لامك سبب قدومك بس مريضة او بتتوحمي |
رد : حامل و زوجي لا يرغب ف الجنين
مرحبا .. البارح زوجي كل شوي يجيب لي طريقه .. مره بنادول
مره بيبسي مره يقول يضربني ضربه خفيفه ع بطني .. انا عصبت وقلت ماني لعبه عندك كل شوي تجرب فيني شي .. ياخي خاف ربك مدام انه عندك خير وربي فاتح عليك وتقدر تصرف ع 10 مو 3 ليه مكبر الموضوع لهالدرجه وكأنه صاير مصيبه .. قال انا عارف انك تبغي تخلفي زي البقره بس انا ماعندي استعداد اتحمل ازعاج وقلق وطلبات مانخلص .. انا واحد ابي ارتاح .. والحين اختاري يا انك تنزليه ولا والله لا اكرهك بشي اسمه زواج .. ولا خلاص شيلي اغراضك وبناتك وروحي عند اهلك ..قلت بس هذا اللي ربي قدرك عليه .. الموال حقك ف كل سنه لازم يتكرر .. ماترتاح الا اذا طردتني عند اهلي ..قال يا تطلعي يا انا بشيل اغراضي واطلع واشوف من وين لك مصاريف وايجار .. قلت له مارح اطلع من بيتي يكفي المرات اللي قبل تخليني بالشهور وبدون مصاريف واهلي كانوا متكفلين بكل شي بس عشاني وعشان البنات مو عشانك .. قال اطلعي وبتجيكم المصاريف .. طنشته ورحت غرفتي .. قام لبس وطلع .. اول ماطلع انفجرت من البكاء لدرجة صليت العشاء وماعاد قدرت اقوم ودعيت عليه من قهري .. انا الحين خايفه مادري كيف اتصرف .. طلع من البيت والشر بعيونه واحسه مخطط او ناوي على شر .. والله اني صرن اكرهه واكره اشوفه بس مابي اترك بيتي عشان بناتي ماينحرموا من وجوده.. ما ابغا الموال حق كل سنه يتكرر ويخليني بالشهور عند اهلي بدون ما يسأل او يصرف ريال واحد ..رغم انه اهلي ناس ع قدهم بس ماكانوا مقصرين علي و ع بناتي باي شي .. عشت ايام سودا وكان قلبي يتقطع لما بنتي تسألني عن ابوها .. وبعد 5 شهور نست ابوها وصارت تنادي اخوي بابا .. كان هالشي يخلي قلبي طول الوقت محروق .. والحين يبغا يكرر نفس السيناريو ويرميني عند اهلي ولا يسأل وفوق هذا كله حامل .. والله العظيم شي مايرضي الله ولا رسوله .. دعواتكم لي . |
رد : حامل و زوجي لا يرغب ف الجنين
لا حول ولا قوة الا بالله
الله يهدي زوجك يااارب ويسخره لك انتبهي علي صحتك وعلي حملك وطمنينا عليك |
| الساعة الآن 08:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©