المشاركة الأصلية كتبت بواسطة غلطان للاسف (المشاركة 3171451)

والله ماني عارف هي فين.

كسرت الجوال وانا ادق وارسل رسايل ماترد ابدا.

وماني عارف اش اسوي. تعبت وانا الف وادور واسآل .. ماسبت فندق الا وسآلت فيه لكن بدون فايدة.

ولا راضية تقلي هي فين .. بس رسلتلي انتهينا .. وكم رابط لمقاطع عن الخيانة.

بموت.

المشاركة الأصلية كتبت بواسطة غلطان للاسف (المشاركة 3171403)

السلام عليكم ورحمة الله ...

انا اتزوجت قبل 4 سنين ونص من انسانة انا حبيتها قبل الزواج. المشاكل الزوجية موجودة لكن بنتعداها. عمرها ما قصرت في حقي والحق ينقال. بس في بعض تصرفاتها تزعلني وهي شايفتها عادية وانا اتضايق من دا الشي، لكن عندي امل انو تتعدل وبصراحة برضو هي بتحاول ترضيني. قبل كم يوم مسكت جوالي وانا نايم ودخلت على الواتس وشافة محادثتي في قروب مع اصحابي اللي كنت ادرس معاهم في كندا - هي كانت معاي في كندا برضو - وياليتها ما شافت.
كلام كان عن غزل في بعض البنات مع اني تماديت في الغزل مع الشباب. لكن ربي يعلم انو الكلام كلو حق ضحك وتريقة. عارف بتقولوا تريقة بايخة. لكن هدا اللي صار!
وانا والله العظيم اني ندمان على كل كلمة قلتها وكل حرف كتبتو في غيرها. لاني والله امووووت فيها واحبها واعشقها ولا احس بالراحة الا وهي معاي.
صارت مشادة في الكلام بعد اللي شافتو. وحاولت اراضيها ومافي فايدة. رحت على دوامي ورجعت وجبتلها طقم ذهب ابغى ارضيها وابدآ معاها صفحة جديدة وهي مي راضية و"قرفانة" مني ورمت الهدية في وجهي. رحت الدوام اليوم اللي بعدو. رجعت ومالقيتها موجودة في البيت واغراضها كلها في البيت مع العلم اهلها مو في نفس المدينة ومسافرين خارج المملكة اجازة. يعني مافي مكان تروح له. تعبت ادق عليها ماترد عليا. بس رسلتلي "انتهينا" وكم مقطع اسمعو عن الخيانة. وهدا تاني يوم برة البيت وانا ماني عارف هي فين.

اش اقدر اسوي عشان اراضيها .. والله اني مستعد اسوي اي شي عشان ترضى .. ومن جد ابغى افتح صفحة جديدة معاها

تم تعديل العنوان ليتناسب مع المضمون

المشاركة الأصلية كتبت بواسطة غلطان للاسف (المشاركة 3171476)

مكلومة ..

ما يهمني لو تشوفني انا الغلطان بس خليها تجي ..

والله ماني عارف اتكلم مع مين ..

اخرج من دوامي الساعة 4 والفلف في كل مكان ادور عليها .. لفيت امس كل الاسواق .. قلت يمكن في سوق جالسة وبترجع لما يقفل بما انو اغراضها كلها في البيت .. مافي فايدة ..

اتمنى الارض تنشق وتبلعني .. ماني لاقي احد افضفض واتكلم او يساعدني ..
وخايف اتصل عالشرطة واكبر الموضوع

المشاركة الأصلية كتبت بواسطة انكسآر حلم (المشاركة 3171490)

مدري ليش احس انها متخبيه في البيت ومصمته جوالها!!

او فوق السطح .. او في غرفة الدرج .. او عمد وحده من جاراتها ..

فكر انت بتعرف هي ويين ممكن تروح

المشاركة الأصلية كتبت بواسطة مكلومة (المشاركة 3171470)

يا أخي انت أخطيت واعتذرت وجت لها ذهب وراضيت،،مع ذلك خرجت من البيت،،
خروجها من البيت بدون اذنك،،وعدم اخبارك بمكانها،،انقلب الموقف صار الحق معك وهي اللي تراضيك،،
علمها أي مشكلة تنحل بينكم ،،داخل أسوار البيت
تواصل مع أهلها للوصول إليها،أو استعن بالشرطة.
صار الحق معك وهي اللي تراضيك،،

المشاركة الأصلية كتبت بواسطة غلطان للاسف (المشاركة 3171609)

عاشقة القهوة ..

لا جديد

المشاركة الأصلية كتبت بواسطة chocolatta (المشاركة 3171620)

أعملي نفسك مكانها لااااا أخي الكريم هذا من حقها تزعل و تترك البيت هذه تعتبرررر خيانة وتصرفها صحيح و االشرطة و الخرااااابيط هذه حذاااااري أنت غلطت في حقها صلح غلطتك لا تكبر المشكلة وتزيدها عليها لأنه لو تعمل هيك تتركك للأبد و لو كنت مكانها أتصرف هيك في حالة غضب الإنسان ما يكون واعي هي حاليا غضبانة منك مشان هيك قالت إنتهينا بدها وقت يا أخي أعمل حالك مكانها أعذرهاااااا أررررجووووك و أكيددد ترجعلك لما يهدوا أعصابها

المشاركة الأصلية كتبت بواسطة نسياان (المشاركة 3171628)

اسمحي لي اختي

فين الصح بتصرفها الملائكة تلعن المراة اذا خرجت من بيت زوجها من غير اذن
اتصورالأخ صاحب المشكلة قال انه كان مزح مع أصحابه وهي ما شافته مع وحدة بخلوة لا سمح الله
تصرفها غير مقبول ابدا
يعني بكرة لما يتصالحوا وتهدا النفوس ممكن عند أي مشكلة تطلع من البيت وتختفي كم يوم
ما أتوقع أهلها بيرضوا عن تصرف بنتهم
اخي صاحب المشكلة حاول تهددها بالشرطة يمكن تخاف وتستجيب
وضروري جدا أهلها يكون عندهم خبر