|
بعد خلافنا هل اعود لزوجي ام افارقه ؟
السلام عليكم ورحمة الله وبركاته
عندي مشكله وابي اصحاب الحكمة يشورون علي ابي الي يقترح علي يعتبرني اخت والا بنت له وهل بترضون لها تسوي الي بسويه الموضوع فيه مشكله بيني وبين زوجي لها تقريبا الان شهرين او اكثر شوي ما ابي ادخل بتفاصيل المشكله حفاظا على خصوصيتي الي صار صارت هوشه بيننا كانت بسيطه وكبرت مره دخل بيننا ابليس كنت على وشك ولاده قال كلام يسد النفس وانا رديت عليه وكبر الموضوع كلمت على أهلي يجون ياخذوني وطلعت من البيت وقلت له طلقني قعدت كم يوم وبعدها ولدت الي سواه ماكلم ولا جا يشوف البنت ولا ادري عنه كأنه ما يعرفني مع انه كان مره متشفق على الحمل هذا وايظا عندي ولدين يدرسون با المدارس اول ما جت الإجازاه جو عندي الحين الدراسه بتبدا موقف أهلي مره زعلانين منه ومن موقفه بخصوص ولادتي والي صار به وشنتا لكن زادت معهم بعد ولادتي وموقفهم بخصوص الاولاد يقولون ارسليهم له لانه ما راح يفكر فيهم ويبي يخليهم علشان تشيلين مسئوليتهم لحالك وهو يبي يفلها مرتاح وانتي تشيلين الهم خصوصا انه ما سئل عنهم ولا قال ابيهم يجون عندي موقف اعيالي ما يبون يرجعون بدوني وأهلي يقولون يروحون لابوهم وانتي تعرفين محبتهم عندنا لكن انتي بتتعبين من تحمل المسئوليه لحالك والوالد قال لي لو تبين بيت كتبته باسمك تدرين أعيا لك يسوون اعيوني لكن مصلحت بنتي فوق مصلحتهم انا بمدينه وأبوهم بمدينه ثانيه أبوهم راكب رأسه ومسوي انه خلاص انتهينا مع ان الشي هذا رغبتي انا قبله الخلاصه اعيالي مقطعين قلبي هل ادوس على كرامتي وارجع وكنك يابو زيد ماغزيت واقعد مع اعيالي با البيت وهو يطلع منه والا ارسل العيال له وانا عارفه بيحطهم عند أهله لاني سمعت انه بيسافر فتره استهتار كبير منه بخصوص العيال خصوصا انه اصلا ماكلم على احد من أهلي وقال اني بسافر وهل العيال بيجلسون عند امهم والا اجيبهم ساااكت وعرفت با الصدفه انه بيسافر طيب ودراسة العيال مره محتاره ارجع واقعد في البيت علشان مدارس الاولاد وأقوله جيتي علشان اعيالي بس كذا بياخذها عاده وبيقول لقيت بيبي ستر تمسكهم وانا بعيش حياتي وانا من الأساس ماله من وضعي معه لكن أشوف حزن بعيون اعيالي مايبون يرجعون وأهلي رافضين دراستهم عندنا (تم التعديل ليتناسب مع المضمون) |
رد : ابي ناصح لي امشي مع عقلي والا قلبي
فيني ضيقة صدر ياليتي ما تزوجت احس اني ظلمت اعيالي
لا تحسبون ان حياتي كانت سيئه معه احيانا تمر علي فترات اقول ياربي لك الحمد انا بنعمه هذا وقت الصفا وإذا صارت مشاكل يكبرها بعناده وانا ما اسكت فا يكبر الموضوع |
رد : بعد خلافنا هل اعود لزوجي ام افارقه ؟
انا ما بعد كلمت أهلي هل ارجع علشان اعيالي مع انو حاسه انهم بيرفضون
فقط واحد من اخواني قلت له ان اخته تقول تعالي وهو يطلع من البيت قلت وش رأيك سكت بعدين قال يمكن رايي ما يعجبك الأفضل تستخيرين لكن هو ما قدرك ولا سئل حتى عن بنته تبينه يقدر لك موقفك برجعتك علشان العيال بعدها قال استخيري افضل |
رد : بعد خلافنا هل اعود لزوجي ام افارقه ؟
ارجعي لعيالك
|
رد : بعد خلافنا هل اعود لزوجي ام افارقه ؟
مرحباً أختي
الظاهر إن زوجك زعل منك زعله كبيره وربما لسببين... الحوار الذي دار بينكما... وطلبك للطلاق والذهاب لأهلك وحتى تتضح الصورة ويستطيع الأعضاء نصحك على بينة ياليت لو تذكري أهم نقاط الحوار والكلام إللي سبب الزعل بينكما . أعانك الله |
رد : بعد خلافنا هل اعود لزوجي ام افارقه ؟
اقتباس:
لكن أهلي خصوصا لما ما شاف بنته قالو كل الي صار ما يخليه ما يجي يشوفها ولا يسئل عنها انتي بكيفك بنتنا وعندنا لكن ضناه خصوصا انه هو الي بدا با الغلط |
رد : بعد خلافنا هل اعود لزوجي ام افارقه ؟
وعارفه حتى لو بقول لكم المشكله بتقولون بايخه وما تستاهل ها العناد لكن فيه تراكمات كثيره لي سنين وانا اضغط على نفسي وهو عايش حياته ويطلعني اخر شي انا الغلطانه
|
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
شكله زعلان مره من طلعتك وطلبك للطلاق...اذا كان السبب تافه زي ماذكرتي اذكرو الله وكفايه ارجعو لبعض ممكن نشجعك على الفراق لو كنتي مسكتيه مع وحده ببيتك او طحتي على حبوب وبلاوي معاه او كان يصبحك ويمسيك بضرب مبرح..بس دامها مشادات كلاميه عاديه لاتفرحون الشيطان باللي تسوونه ..الكل منكم مايبي يتنازل وانتي اكيد من جواتك ودك ترجعين ومتاكده انه هو نفس الشي بس كبريائه مايسمح له لينو روسكم وبسكم زعل
|
رد : بعد خلافنا هل اعود لزوجي ام افارقه ؟
اقتباس:
ياقوي قلبه |
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اتصلي واعرضي التفاهم
|
رد : بعد خلافنا هل اعود لزوجي ام افارقه ؟
خلي أبوك يتصل عليه ويطلبه يجي يسأله ايش المشكلة ويصلح بينكم منها انتي ما تدوسي على كرامتك ومنها يحس انك وراك رجال يحاسبه على رميه لعياله وبنتك الا ماشافها ....
|
رد : بعد خلافنا هل اعود لزوجي ام افارقه ؟
مرحباً أختي
أحترم رغبتك في عدم التحدث أكثر عن أسباب المشكلة... مع العلم أن كل مشكلة لابد أن يعلم أولاً السبب ثم تعين الخطأ ثم الحل. عموماً إذا كان لازال حب زوجك في قلبك... فلا يمنعك قهرك الحالي وشعورك بالكره من العودة لزوجك... لأنه بمجرد القليل من التوضيح والتفاهم والإعتذار... ستعود المحبة مرة أخرى أما مسألة الأبناء فوجودهم معكما أفضل من وجودهم مع أحدكما... وتذكري أن العناد سبب لمشاكل يمكن تلافيها وحلها بقليل من التعاون والتجاوب . توكلي على الله وأنوي الرجوع لبيتك... مع إمكانية أن يتصل والدك أو أخاك بزوجك... للتفاهم أولاً وتوضيح الأمور وترتيب طريقة الرجوع. أعانك الله |
رد : بعد خلافنا هل اعود لزوجي ام افارقه ؟
الغلط غلطك عندما خرجتي و تركتي المنزل و طلبتي الطلاق لمشادة كلامية فقط فهو لم يخونك ولم يضربك ولم يجوعكم وليس ببخيل او متعاطي للمخدرات او شارب للخمر
عودي لبيتك و اتعوذي من الشيطان |
رد : بعد خلافنا هل اعود لزوجي ام افارقه ؟
لا تحسبينه مبسوط بالوضع اتوقع انه نفسه يتصل و يحل الموضوع
لكن الشيطان داخل بينكم صلي القيام و ادعي و تضرعي لله ان ييسر امورك فكري تتصلين على ابوه و تتكلمين معاه او مع أي أحد له حشيمة عنده و فيه حكمة تفائلي بالله و ثقي ان كل اللي صار معاك و بيصير خير اسأل الله ان يفرج همك و يحفظ اطفالك |
رد : بعد خلافنا هل اعود لزوجي ام افارقه ؟
الله يعينك ياارب
لو مكانك فكرت بنفسية الأولاد يكفي امهم وابوهم منفصلين بعد اوديهم عند اهلهم وكلنا عارفين ان الاغلب من الرجال ماعندهم مسؤولية بيقطهم عند اهله وبصراحة محد يتحمل الا أطفاله بتجيهم مضايقات وعلى الاغلب بيتضايقون منهم انتي استخيري اذا ببالك خلاص تنفصلون وانتهيتوا انقلي العيال عندك واذا لا والله بس تبينها له قرصة أذن خلي ابوك والا اخوك يتصل عليه ياخذهم علشان مايطول الموضوع اكثر ويقول دام العيال عندها كيفها الله يفﻻج همك ويصلح ذات بينكم.. ونصييييحة الحياة تبي صبببر لاتردين عليه اذا صعد الموضوع اسكتي وربي يدافع عنك ومهما وصلت بكم الأمور ﻻاااا تطلعين من البيت دااايم المشاكل اللي تطلع برا البيت تضخم وتكبر فيه اشياء تستاهل مثل الخيانة والضرب وغيره.. لكن لو كنتي بوجهه كل مادخل وطلع وولدتي عنده كان انتهى موضوعكم من زمااان |
رد : بعد خلافنا هل اعود لزوجي ام افارقه ؟
هو يمكن قاعد ينتقم من حركتك
ماحسيتي فيه لما طلبتي الطلاق وطلعتي فاكيد ضاق صدره والحين هو حاب يردها لك يضيق صدرك ويأدبك في نظره عشان مرة ثانية ماتطلبين الطلاق وتطلعين هو بعد مايبي هالحركة تتكرر الرجعه يمكن ينتظرها منك لان انتي اللي طلعتي من نفسك فترجعين من نفسك بعض الرجال كذا تفكيرهم وانه اذا طاح اللي براسك ترجعين وممكن هو متوقع انك ترجعين ترا كل الكلام اللي قلته لك هو مجرد احتمالات وانتي ادرى بزوجك فلا تتضايقين من تصرفاته وفكري بايجابيه وانه هل اذا رجعتي حياتك معه ماشية فاحمدي ربك وارجعي وانا اراعي نفسيتك وقتها وكنت حامل وكذا لكن بقولكم قاعدة مهمة جداً من تجربتي.. احنا يالزوجات لما نعصب ماننتبه ع انفسنا وكلامنا فنطلب الطلاق من غير قصد مجرد انفعال وهذي اكبر غلطة واللي يصير فيها شي بسبب هالكلمة لانها زرعت فكرة الانفصال في راس الزوج |
رد : بعد خلافنا هل اعود لزوجي ام افارقه ؟
الله يهديك اختي .. انتي قلتي هوشة بسيطة ..
وانتي اللي اتصلتي علي اهلك وطلعتي من البيت .. اكيد هو ينتظرك ترجعي لحالك مثل ما طلعتي .. ما كتبتي سبب المشكلة لكن خروجك من البيت غلط وما يتصلح بطلب الطلاق .. بكرا تندمي بعد فوات الاوان .. اكتبي ايجابياته وسلبياته علي الاقل .. وضحيلنا الصورة اكثر.. |
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اقتباس:
وعندنا الرجل هو الي يسعى ويصلح وهذا عايش جوه ما فكر حتى بعياله وانا ما حبيت سالفة اني ارجع للبيت لكن علشان الاولاد بس النفس ما ترغب ها الشي غير كذا الأخ بيسافر مده برا ولا حتى عطانا خبر ولا قال ارتب أمور العيال بس بكل سهوله بسافر واعيالك طيب انا حتى لارجعت للبيت هو ما راح يكون موجود اصلا يعني اكون با البيت لكن أعيالي معي وبنفس مدارسهم ولو عرفو أهلي بيقولون لاعب عليك ومخليك بيبي ستر ومافكر فيكم لكن انا بكون مرتاحه لانه غير موجود با البيت |
رد : بعد خلافنا هل اعود لزوجي ام افارقه ؟
اقتباس:
انا ماقلتالي صار با الضبط لكن أكيد انه يستاهل طلعتي من البيت |
رد : بعد خلافنا هل اعود لزوجي ام افارقه ؟
اقتباس:
الا مبسوط ومتشقق المسئوليه وراحت عنه وبيسافر وينبسط اكثر وما راح يتصل ولا يسئل انا اعرفه عنيد حتى وهو غلطان ماراح أكلم ابوه لاني انا مالي رغبه استمر معه وهو با الاطباع هذي غير كذا وش بيقولون بيقولون بيسافر والعيال معك ههههههه وأهلي يقولون العيال مع أبوهم وأبوهم ساحب عليهم |
رد : بعد خلافنا هل اعود لزوجي ام افارقه ؟
اقتباس:
لكن اتفاجئ بعد ما قلت لهله متى بيجي يأخذ العيال علشان المدارس ان حضرته بيسافر مده برا طيب سلامات والعيال باقي يومين على الدراسه ولا فكر يبلغنا يعني مين بيرسل اوراقهم ويسجلهم ولا ناوي يغيبهم ها الترم استهتار فضيع علشان كذا أهلي رافضين دراسة العيال هنا لأنهم شافو استهتاره ولاهي اول مره |
رد : بعد خلافنا هل اعود لزوجي ام افارقه ؟
اقتباس:
انا ماهمني هووو يا ناس ولا فكرت فيه ولا جا في بالي يأدب او لاء لاني نافره منه وماابي اي تواصل معه انا الي رافع ضغطي استهتاره با العيال وين الكلام تجون عندي والخرابيط الي كان يقولها لهم يوم صارو بيروحون عنده ويكملون صار يبي يسافر الا ان كانه يكذب بموضوع السفر ويبيني اسجلهم غصب عندي يعني ما أتوقع ان سفرته بتكون لمده طويله خصوصا انه ما قال للعيال شي عن ها السفر اقلها اقول لهم ترا بسافر أتوقع كم يوم لكن ما يبي يشيل مسئوليتهم |
رد : بعد خلافنا هل اعود لزوجي ام افارقه ؟
اقتباس:
الان ما أشوف له اي إيجابيات غير انه محافظ على صلاته وما يدخن |
رد : بعد خلافنا هل اعود لزوجي ام افارقه ؟
هو عنيده و أنتي عصبيه
لازم أحد فيكم يتنازل عشان الحياه بينكم تستمر |
رد : بعد خلافنا هل اعود لزوجي ام افارقه ؟
كيف علاقته مع العيال قبل المشكله .. اكثري من الاستغفار
|
رد : بعد خلافنا هل اعود لزوجي ام افارقه ؟
نصيحة لا تسجلين العيال بمدارس جديدة
خليهم على مدرستهم الاولى ارجعي بيتك و حطي المدرسة عذر زعله و بتعدي اهم شي عيالك اخترعي اي سبب تحركشي او حتى مو لازم مدارس العيال أكبر سبب يخليك ترجعين ما اقولك نزلي نفسك عنده ولا حلي الموضوع بس عديها انتي بينك و بين نفسك لا تسمعين اراء اهلك لانهم معصبين الحين منه و من حركته بكره بيطيح الحطب ان شالله و ترجع الامور بس انتي لا تكبرين راسك |
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اقتباس:
|
رد : بعد خلافنا هل اعود لزوجي ام افارقه ؟
اقتباس:
غير كذا قاعده اقلبها براسي لو كتب لي الله ورجعت مع العيال بنكون لحالنا با البيت طيب وش اختلف عن وضعي هنا غير اني نزلت من نفسي وقدري على الأقل عند أهلي محشومه ومعززه ومكرمه لكن لو رحت هناك بيحسب راجعه لاني خايفه وانا ما دريت عن هوا داره |
رد : بعد خلافنا هل اعود لزوجي ام افارقه ؟
نزلي من قدرك بس هالمرة
انتي لك مصلحه عيالك و مافيها شي انك تدورينها خليه في حاله و سفرياته مصيره يعقل انتي ارجعي لبيتك عادي مو كل المشاكل الزوجية تنتهي بصلح حقيقي انتي كلمي اخته و بيني لها انك راجعه اليوم و هو لا تحسبين حسابه ولا تحطين في بالك انكم لازم تتصالحون كابري و خليك عادية جدا جدا سوي زيه و لا كأن حصل شي مع الايام بتختفي مشاعرك هذي |
رد : بعد خلافنا هل اعود لزوجي ام افارقه ؟
يا بنت الحلال...قذف الشرف -سب الوالدين-الرمي بالكفر-الضرب المبرح....هالأشياء الأربعة فعلا مالها حل غير جذيه الشيطان يكبر الموضوع و يدخلها كرامة ما كرامة
اختي بالله عليج في ارض الحساب لما الله يسألك عن أطفالك و نفسياتهم و يقولك وش سويتي بامانتي عندك ؟ شو بيكون ردّك؟ .....كرامة !!! عذر أقبح من ذنب....اهلك؟؟؟...كلهم يوم الحساب نفسي نفسي....زوجك؟ ...كل نفس بما كسبت رهينة!!! انتي شووو تفكرين! عيالج اهم شي ...حتى بنتج صدقيني البنت تغير ابوها سالي مجرب ...لو لعب وياها بيضعف ...ليش ما تفتحين أبواب الصلاح ل بيتك...يا اختي الحياة الزوجية جهاد للمرأة المسلمة شدي حيلج و قدمي لاخرتج وتنازلي |
رد : بعد خلافنا هل اعود لزوجي ام افارقه ؟
اقتباس:
مع العلم انه ما راح يكون موجود |
رد : بعد خلافنا هل اعود لزوجي ام افارقه ؟
اقتباس:
عن إهماله وتقصيره عن الي سواه معي وفوق هذا مافكر با الاولاد لكن صارت الام هي الي مسئولة عن كل شي وهي الي تقدم تنازلات وتضحيات علشان الاطفال وياليته يبين في عينه ويقول ايه والله حريصه عليهم لا بيقول بسوي الي سويته واخرتها بترجع علشان العيال |
رد : بعد خلافنا هل اعود لزوجي ام افارقه ؟
اوك هو بينسال و بيتحاسب و بيتعاقب انتي شو دخلك...؟
لك صحيفتك وله صحيفته واملئيها بما شئت....بدون ما تعتمدين ع اعماله...ردي ل عيالج بس ع ما قالت ام خالد لا تفكرين فيه ..خل الأمور تحل نفسها ...هيه نعم انتي رجعتي لأولادك مش له هو بس رددي حسبي الله و كفى |
رد : بعد خلافنا هل اعود لزوجي ام افارقه ؟
اقتباس:
حسبي الله وكفى |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©