|
سوء معاملة زوجتي لي(مستجدات رد 80)
(سوء معاملة زوجتي لي)
الاعضاء الكرام السلام عليكم ورحمة الله وبركاته تحية عطرة مني إليكم جميعاً وبعد مشكلتي طويلة في المضمون رغم قصر وقتها مشكلتي مع زوجتي انها لاتطيقني وتكره كل شي فيني حتى اسمي وصرحت لي بذلك بعد جهد جهيد مني لمعرفة سبب تصرفاتها وأحب ان اوضح بعض الامور أنا متزوج منذ خمسة أشهر من موظفه ولكن هي في منطقة وانا في منطقة أخرى وآخذها نهاية الاسبوع نجلس مع بعض يومين ولكنها مليئة بالكره والنفور مني حاولت اجد لهذا الكره سبب لم اجد و هي تقول انه غصب عني بعد ان صرحت لي بالكره قلت لها اذا تبين ننفصل ماعندي مانع لأن اذا هذا الكره من البدايه كيف بيكون الوضع اذا جاء عيال ومسؤوليات زياده فقالت لي المشكله في اهلي واهلك بتخرب فرحتهم قلت ما الحل قالت ماعندي حل يعني ماهي حاسه فيني اني انسان وبشر من حقي اعيش مع زوجه تحبني او تتقبلني ع الاقل فكرت كثير عن الاسباب سألتها انتي مغصوبه علي قالت لا لكن فيما بعد اتضح لي انها كانت رافضه فكرة الزواج جملة وتفصيلاً لكن امها قالت اذا تبين رضاي تزوجي فجاها خاطب قبلي واستخارت ورفضت وجيت انا واستخارت وارتاحت لي ع حسب كلامهم طبعاً انا سمعتي ولله الحمد ممتازه سوف اوضح بعض الصفات في شخصيتي 1- اعترف اني شكاك واسيء الظن 2-ألوم نفسي كثير حتى لو كنت ع صواب 3- طيب في التعامل مستحيل اسب احد او اجرحه حتى لو جرحني 4- صادق مع نفسي ومع الناس وصريح 5- الاحظ اني احيان ضعيف شخصيه مااحب ارفع صوتي ع احد واذا احد تأثر مني اجلس ألوم نفسي واعتذر وابالغ في الاعتذار 6- لا أخون والموت عندي اهون من الخيانه سواء مني او من غيري وماعندي اي علاقات لاهاتفيه ولاغيرها لا في الماضي ولا الحاضر ولا المستقبل بإذن الله 7- كريم 8- ماابغا احد يزعل مني 9- كلامي كثير واحيان احس انه تافه 10- مااحب افرض نفسي ع احد ابدن 11- حساس جداً 12- احب اعطي الناس ولو ع حساب نفسي واحب الايثار ع النفس 13- شكلي مقبول ولكن لست وسيم وهي وافقت علي بعدما رأتني 14- جميع من حولي يمدحوني ولله الحمد ويقولون عني (طيب وكفو) صفات زوجتي التي لاحظتها 1- عمليه وجديه 2- تمشي بمبدأ انا ومن بعدي الطوفان 3- مستحيل تفضلني ع نفسها 4- اذا امرتها بشي تنفذه ولكن توضح لي انه مو عشانك 5- مغروره ومتكبره وتعاملني باحتقار 6- اشك فيها لأني لاحظت اشياء وحركات تشكك وعينها طويله وهذي متأكد منها 100/100 7- ذكيه جدا جدا جدا 8- سريعة البديهه 9- تعاملني بندية بل باحتقار 10 - اذا زعلت ماترضى ابدن ولاتنسى 11- اذا سوت لي شي تحس انه اهانه لها 12- اذا الحق معي تقلبه علي واحيان تفتري علي باشياء والله ماكانت في نيتي ولا ع بالي 13- مستحيل تقول لي كلمه حلوه 14- بخيله حتى في المشاعر والمعاشرة 15- جميله واحس انها في قرارة نفسها تشوف انها كثيرة علي وانها تستحق افضل مني 16- عنيده جدا ولا اذكر اني تعاملت مع احد مثلها بالعناد تحليلي للوضع انها ماتبي الزواج من أصله ولكن ربما وافقت لأسباب 1- ماحصلت عذر لأمها وابوها لأنهم يعرفوني زين وبيقولون مثله ماينرد 2- تزوجتني ع اساس اني كبري فتره من الوقت وتقول ابي الطلاق لأني لاحظت منها رصد دقيق وتضخيم لأخطائي اتوقع لتحتج بها لتطلب الطلاق وتتعمد تنرفزني عشان انفعل واتكلم لكن انا حاط اعصابي في ثلاجة ماابيها تمسك علي شي الحاصل الان انها تقول اكره البيت واخاف يوم تقرب مني واكره اسمك وكل شي فيك فما اقدر انام معها ولا اقرب منها ومعاملتها سيئة جدا معي ولاتهتم بي ولاتسأل عني محسستني اني ولا شي واتوقع تبيني اطفش والطلاق يجي مني لأن ابوها مايرضى الخطأ طبعا انا كلمته وقال بنعالجها بس بعدين قال انا مشغول عالجها انت ع اساس ان فيها سحر او عين انا صراحه مااقتنعت ان فيها سحر او عين لأن هذا تعاملها من البدايه تقريبا مع انها اول اسبوع كانت عاديه مافيها شي تحليلي لا اجزم انه صحيح لكن غالبا اذا حسيت بشي يكون صح مااستغني عن آرائكم انا متشتت والافكار توديني وتجيبني وماادري تحليلي صح او خطأ بالرغم اني كلمت رجل عاقل اثق برأيه وقال لي مااستبعد يكون تحليلك صح اعذروني ع الاطالة فأنا مكبوت وابي افضفض وفي نفس الوقت ابي حل (تم التعديل ليتناسب مع المضمون) مستجدات الرد 80 http://www.66n.com/forums/showpost.p...9&postcount=80 |
رد : سوء معاملة زوجتي لي
اذا تكرهه البيت قد يكون سحر
اصبر عليها اقرو سوره البقره والله يسخركم لبعض |
رد : سوء معاملة زوجتي لي
لا سحر ولا عين ولا هم يحزنون مافيها غير العافية
هي بنفسها اعترفت إنها كانت رافضة فكرة الزواج من أساسها ورضت فيك عشان خاطر أمها !!! تحليلك صحيح .. والوضع محلل نفسه بنفسه مايحتاج تحتار .. الحلو فيها إنها جابتها من الأخر .. صدقت يوم قلت إنها إنسانة عملية .. فعلا ماعندها وقت أعطتك هي على ( بلاطة ) زي مايقولوا ! الله يعينك على ما ابتلاك .. شوف وش يناسبك وسويه . |
رد : سوء معاملة زوجتي لي
ارى ان تدخل اهلها بشكل فعال وجدي خاصه الام
وبالامكان يا اخي ان تجعلها في بيت اهلها وان سالك احد اخبرهم اني طلبت التفاهم وان تضعوا يدكم في يدي ولا مجيب وانا لا استطيع حل مشكلتي معها بنفسي لان الموضوع من داخلها وما استطيع اغير قناعتها او مشاعرها وبالتالي اهلها يتفاهموا مع ابنتهم ويفهموا هل هذا طبيعي ام تحتاج علاج وسيعالجوها ان كانت فعلا تحتاج لا يعقل تعبهم للعلاج وهم يعلمون ان هذه هي ابنتهم وطبيعتها وشخصيتها , وحاول ان لا تكتوي بهذه النار وتحرق من نفسك ولا يعرف عنك احد , وان طلقتها قالوا لم يصبر وهو السبب ولم يكن حكيما في التعاطي مع الامور وفي امور كثيره يا اخي ضعف الشخصيه يؤدي للندم على المستوى البعيد , الان في هذا الامر تحتاج للحزم وقوة الشخصيه والحكمه , وايضا كثير من الشباب يهمل اشهر الزواج الاولى , ولا يعلم ان هذه الاشهر تحدد معالم سنين طويله , فهي الكتالوج او كما تقول القواعد والاساسيات التي تحدد بها معالم حياتك الزوجيه , فان كنت من البدايات ضعيف شخصيه ولا تستطيع فرض السيطره على بيتك وان كنت في معمعه ولا تستطيع ان تستقر او ان تصل الى نتائج مع زوجتك , فكيف سيكون الحال في النهايات وستعتاد هي هذه التصرفات على المدى البعيد وان تغيرت انت ستبقى هي تتعامل مع شخصيتك القديمه وكانك لم تتغير , الاشهر الاولى او حتى الايام الاولى مهمه للرجل والمرأه وبخاصه للرجل فيها يحدد شخصيته وطريقة تفكيره وتعامله مع زوجته ويزرع في قلبها وعقلها امور حسنه لتثمر امور حسنه على المدى البعيد اسال الله لك التوفيق والسداد |
رد : سوء معاملة زوجتي لي
اقتباس:
لا ان تكون اقل منها , وبصراحه هذه ما قد عدت علي , يعني بنت تتزوج لتجعل زوجها كبري ثم تطلب الطلاق طيب يعني لا ارى اي حكمه هنا , تريد ان تحمل لقب مطلقه في هذا المجتمع الذي لا يرحم ؟ تبقى في بيتها وترفضك او تتزوج من تريد , واظن ان شخصيتها مقاربه لشخصية بنت الماما والبابا التي مهما فعلت لا يرى والديها اي خطا ويقفون في صفها لا اعلم هل هي هكذا فعلا ام لا , |
رد : سوء معاملة زوجتي لي
خلاص اذا هي عايفه ومابينكم اطفال اطلق سراحها.......................... ..هذي رغبتها وهي حره..ويرزق الله كلاً من سعته
|
رد : سوء معاملة زوجتي لي
طيب اذا فعلا كانت مسحوره
تتحملون وزر نصيحتكم يااعضاء |
رد : سوء معاملة زوجتي لي
فكرة انك تعالجها.منين طلعت
ادا من عند اهلها .خلاص حطها عندهم و قول لهم عالجوها و لما تشفي و تصير طبيعية اجي اخدها |
رد : سوء معاملة زوجتي لي
كويس معترف أنك شكاك وسيء الظن تحسب لك
أسوء صفه فى الرجال الشك وسوء الظن أدمر كل الصفات الجيده اﻻخرى (أتنفر اللي مايتنفر) ماوضحت كيف تشكك فيها ! هل تشك في شرفها أو تكلم رجال ، تفتش جوالها ،تراقب تصرفاتها ..... مافكرت تزور طبيب نفسي يعالجك ؟ |
رد : سوء معاملة زوجتي لي
السلام عليكم ,,
أسأل الله أن يربط على قلبك ,, أخي الكريم ,, كيف استخارت قبل الزواج وارتاحت لك ثم يكونُ العكسُ بعد الزواجِ !! هل بنيتُم على هذا أنها تحتاجُ لِرُقيةٍ شرعيةٍ , !! كيفَ نفسيتها خلال الأسبوعِ الذي تكونُ فيهِ في مقرِ عملها !! هل يَصِلُكَ أنها مُرتاحةٌ , أم لا !! لي عودة بإذن الله ,, |
رد : سوء معاملة زوجتي لي
القضية كلها ترى انها ما تقبلتك
لانك ما عرفت تقدم نفسك لها ولا تكسبها وهذا مو ذنبها |
رد : سوء معاملة زوجتي لي
أخي الكريم..
أعتذر على صراحتي ولكن أنت ذكرت أنك تشك فيها.. لا استطيع أن اقول لك إلا تثبت لتزيل هذا الشك.. فإن كان شكك في محله.. وكانت متعلقة بغيرك.. وهذا سبب نفورها.. فطلقها قبل أن تدخل في متاهات.. وإن كان غير ذلك فحاول معالجة الأمر.. فإن لم تتمكن .. فهي لا تستحقك إن كنت معها صفاتكما كما ذكرت.. أسأل الله لك التوفيق.. ... .. . |
رد : سوء معاملة زوجتي لي
صفاتها ما تشجع بعض النظر عن ظنك
فلا تحب خدمتك و تتقرف منك و طالبة الطلاق بنفسها! هل يقلب خلقته و نفسه و اسمه لتعجبه،،،،عجبي اجلس معها جلسة مصارحة وقل لها مع اهلك،،،وانت تطلبين الطلاق أمامهم لسبب كذا و كذا وانا مستعد اطلقك،، |
رد : سوء معاملة زوجتي لي
1- اعترف اني شكاك واسيء الظن
[COLOR="rgb(153, 50, 204)"] حاول تعود نفسك انك تحسن الظن واقرأ احاديث عن ذلك ولا تفتش في اي شي لانه يضيق صدرك ويشكك وفكر بايجابية[/COLOR] 2-ألوم نفسي كثير حتى لو كنت ع صواب ترا هذي مو سلبية بالعكس عشان ماتحقد وتكرهها 3- طيب في التعامل مستحيل اسب احد او اجرحه حتى لو جرحني 4- صادق مع نفسي ومع الناس وصريح شيء جدا جميل .. لكن فيه شي ما ادري عنه هل هي تنزعج من صراحتك ، هل انت ما تجاملها ولا تقول لها كلام حلو؟ راجع نفسك في النقطة 5- الاحظ اني احيان ضعيف شخصيه مااحب ارفع صوتي ع احد واذا احد تأثر مني اجلس ألوم نفسي واعتذر وابالغ في الاعتذار لا هذا مو ضعف هذي قوة كم انسان يتمنى يكون مثلك ما شاء الله فاحمد ربك ترا انا ما اتعاطف معك لكن الضعف احيانا يكره الزوجه فلا تشاورها واتخذ قراراتك دايما بصرامة واعتمد على نفسك في كل شي واهتم بنفسك ولاتتوقع منها اي ردة فعل وبعد سو حركات مثلا تطلعها لكوفي وهذي الاماكن من نفسك من دون ماهي تطلب يعني سو اشياء بسيطة لكن انتبه تشاورها تبي تشاورها.. شاورها اذا كان شي مهم وتحتاج رايها فيه مو في طلعات وامور بسيطة وحاول انك ما تضغط عليها بامور وطلبات ولا تبين انك تتحكم وتبي تفرض شخصيتك لان هي اعتقد عندها نقص بس مادري وشو حاول تعرف يمكن ما اكتفت من الحنان وانتبه تشاورها انك تقرب منها ويفضل تقرب وقت الصفاء واذا زعلت تحاول ترضيها بكلمتين انا اعتقد فيه شي ناقصها او هي تبي شي موب فيك ، هي ماقد قالت انها تبي شي معين وانت ما سويته؟! 6- لا أخون والموت عندي اهون من الخيانه سواء مني او من غيري وماعندي اي علاقات لاهاتفيه ولاغيرها لا في الماضي ولا الحاضر ولا المستقبل بإذن الله 7- كريم لكن هل ماديتك زينه؟ 8- ماابغا احد يزعل مني 9- كلامي كثير واحيان احس انه تافه لا مو تافه احيانا الواحد مايدري وش يقول هذا شي طبيعي لاتصير حساس عادي جدا انا اعظم منك من هالناحية كلام يفشل بس اسلك لعمري حتى افكاري البريئة اقولها لاني ابغى اضحك على نفسي بس ماحب اقولها الا للناس اللي مرة امون عليهم هههههه صفات زوجتي التي لاحظتها 1- عمليه وجديه 2- تمشي بمبدأ انا ومن بعدي الطوفان 3- مستحيل تفضلني ع نفسها 4- اذا امرتها بشي تنفذه ولكن توضح لي انه مو عشانك انت حساس ويمكن هي ضحت عشانك بس انت ما تنتبه ويمكن تطيعك حب فيك بس تكابر 5- مغروره ومتكبره وتعاملني باحتقار اعتقد انك مقصر بالحنان والحكي وتتردد كثير في حياتك ويمكن تحرمها من اشياء تحبها خصوصا انك ذكرت انك شكاك 6- اشك فيها لأني لاحظت اشياء وحركات تشكك وعينها طويله وهذي متأكد منها 100/100 انت طبيعتك شكاك ويمكن بعد زي ماقلت لك مقصر معها ويمكن ما مليت عينها حابسها او مطفشها من دون ماتحس انت ماذكرت اي شي عن تفاصيل حياتكم بس ذكرت اطباع وشخصية كل واحد ، ممكن مو هذي شخصيتها لكن معك تقلب هجومية لانك مقصر مو معنى انك طيب انها بتحبك هي تبيك تبادر بالحب والقرب لكن مو بس كلام هي تبي افعال 7- ذكيه جدا جدا جدا 8- سريعة البديهه معظم الحريم كذا 9- تعاملني بندية بل باحتقار هذا اللي انت تشوفه بس ماتدري وش جوا قلبها، تدري ليش! لانك بارد قطعت قلبها ببرودك لكن ما اقولك تصير حار يعني تنافخ وتهدد لا انا اقول اطلع من الروتين وحياة الصمت هذي لان شكلك صامت وهادي وهي تحب تسولف وتقعد معها وتطلعون لازم تفهمها هي تتصرف بعناد ومكابر تنتظر تشوف مبادرة منك بدل هالبرود يعني مو شرط انها تكرهك ومن ناحية انها ماتبي الزواج تقوله بس كذا تكابر واضح تبيك تدلعها او يمكن تقارن حياتها بغيرها 10 - اذا زعلت ماترضى ابدن ولاتنسى الحريم كذا 11- اذا سوت لي شي تحس انه اهانه لها 12- اذا الحق معي تقلبه علي واحيان تفتري علي باشياء والله ماكانت في نيتي ولا ع بالي معصبه من برودك وكذا الحريم يقولون شي غير مقصود 13- مستحيل تقول لي كلمه حلوه 14- بخيله حتى في المشاعر والمعاشرة قلت لك بادر انت بس مو زي دايم غير خططك 15- جميله واحس انها في قرارة نفسها تشوف انها كثيرة علي وانها تستحق افضل مني يمكن انت ماتمدحها وبعد امدح نفسك دايم 16- عنيده جدا ولا اذكر اني تعاملت مع احد مثلها بالعناد تقدر تروضها كلمتين تضيعها بس بدون ماتحس ان ورا هالكلمتين شي تحليلي للوضع انها ماتبي الزواج من أصله ولكن ربما وافقت لأسباب 1- ماحصلت عذر لأمها وابوها لأنهم يعرفوني زين وبيقولون مثله ماينرد 2- تزوجتني ع اساس اني كبري فتره من الوقت وتقول ابي الطلاق ما اعتقد تبي الطلاق لو هي فعلا ناويته كان طلعت وخلتك وماعبرت احد صدقني بصراحة احيانا زوجي يقول لي كذا ومايدري وش في قلبي يحسبني اكذب عليه وابيه لمصالح ماعنده ثقة بنفسه مثلك فلا تظلمها مهما سوت ترا هي ماتنرفزك الا انها متنرفزة من اعصابك اللي ع قولك ثلاجة فهي تطنقر وتحتر من برودك وتشوف انه ماعندك مشاعر وماتحس الزبدة: مقابل انها -في نظرك- تكرهك ومجبورة عليك هي تبغى تثير اعصابك وتنرفزك لانها تشوفك متبلد الاحساس -في نظرها - ترا تعيجزت انسق الاقتباسات :) |
رد : سوء معاملة زوجتي لي
.......................
............................. اخي تأكد انها مومسحورة ولا فيها اي شي يبررلها اللي تعمله وبعدها اجلس انت وهي واهلها واحكيلهم كل شي حكتهولك واحكيلهم عن تصرفاتها من اول ماتزوجتها واطلب منهم مخاسرك وطلقها |
رد : سوء معاملة زوجتي لي
هي عنيدة و ما اتوقع متعودة ع الشغل و الكرف
و ما حبتك هي تقول ما حبتك ﻷنك بارد المشاعر و شكاك تبغاها تبادر هي يعني !!! المرأة ما تبادر كل وحده تبغى تحس انها ملكة في عيون زوجها و يطير فيها اعطيها جو الدلع و الحنان مو تشك فيها و حاطلك مجهر عليها يكبر السوء بس اظن صارحتك عشان تتفاهموا مو عشان انت تقمص و تزعل كلمها ايش اللي يرضيكي مني و انت كمان قولها ايش اللي يرضيك و حاولوا و اتفقوا و مو معنى اﻹستخارة و انها استراحت انها حافظتك صم و ﻻ عارفة ايش اللي انت تفكر فيه و ﻻ انت فاهمها |
رد : سوء معاملة زوجتي لي
...........................
خذها لبيت اهلها وقلهم اسمعوا من بنتكم بنفسكم لا تقول بوجهك كلام وعند اهلها كلام خلهم يسمعون شوفت النفس عليك بنفسهم وانت ساكت ما تفتح فمك مادام كارهه الزواج جملة وتفصيلا تتزوج وتبلش ولد الناس وتخسرها مبلغ وقدره على زواجها!! |
رد : سوء معاملة زوجتي لي
يا اخي ليش تتزوج ووحده من مدينه وانت من مدينه وتتقابلو بالويكيند
يعني هذا تخطيطك للاستقرار ؟؟؟ الله يعينك واللي مثل زوجتك يبغالها واحد شخصيته قويه عشان يصير بيتهم صراع الجبابره خخخخ وسع صدرك يا اخوي واذا هي عمليه وعنيده وتفكر بنفسها انت صير مثلها ولا تتنازل عن حقوقك ولا تخلي كلامها انها ماتتقبلك يحطم ثقتك بنفسك ودائما الطيب والحساس مالوش بالنسوان😁😁 |
رد : سوء معاملة زوجتي لي
اقتباس:
|
رد : سوء معاملة زوجتي لي
اقتباس:
..... |
رد : سوء معاملة زوجتي لي
هل انت اعطيتها وجه بزيادة
و اتمسكت فيها و بينت انك تحبها ؛؛؛ .................... |
رد : سوء معاملة زوجتي لي
اقتباس:
يااخي الكريم انا ماوضحت لها شكي يعني بيني وبين نفسي ليش طبيب نفسي طبعا اشك فيها بناء ع تعاملها معي يعني احس في قلبها احد ثاني بعدين اذا نزلنا المول ماتعجبني حركاتها ابدن احس جريئة جداً ومااستبعد انها على علاقه باأحد لأن مكالماتها كثيره واذا جيت تسكت وحريصه ع جوالها وماقد فتشته وماقد اتهمتها بشي انا اعترف اني ابالغ احيان في الشك لكن شفت اشياء تشكك ومتأكد منها |
رد : سوء معاملة زوجتي لي
اقتباس:
مرتاحه مع اهلها وفي عملها ومع الناس لكن تكره حتى اسمي |
رد : سوء معاملة زوجتي لي
اقتباس:
بالنسبه لكلامي عنها هو الواقع اللي انا شايفه ايش تبيني اقول وانا امدح نفسي لأني اعرف نفسي ومتأكد لو احد سألها عني بتقول له نفس كلامي اما كونها ماتقبلتني ومو ذنبها طيب خلاص ليش ماتقول لأهلها بصريح العباره ابيه يطلقني واطلقها مابجبرها على نفسي |
رد : سوء معاملة زوجتي لي
اقتباس:
هم يقولون اكيد سحر واتوقع يحاولون وتحاول هي الابتعاد عن كلمة انها طلبت الطلاق عشان الناس مايقولون غلطانه لأن الحمد لله مافيه مني عيب او خطأ تحتج به علي فيما بعد |
رد : سوء معاملة زوجتي لي
اقتباس:
ردك فيه كثير من الصواب ويصف الواقع بشكل كبير مسألة الكلام الحلو انا بطبعي خجول ولكن اذا قلت لها كلام حلو تقول الحب افعال مو اقوال والحنان تخيلو اجي من السفر واحضنها احس ماتبيني مع الوقت صرت اذا حضنتها تدفعني وهذا الموقف حصل مرتين بعدها تحطمت انا كيف تبون يصير لي نفس اقول كلمه حلوه لوحده تكرهني وتحتقرني وللعلم اني كنت ارسل لها رسائل غزل ماترد حتى بكلمة شكراً المفروض زوجتي تستقبلني اذا جيت الحاصل انه انا اللي استقبلها اقرب منها في الفراش واحضنها كأني احضن حجر وتنام بعيد عني ووجهها للناحية الثانية احوالي المادية تعبانه لكن بشهادة الجميع بيتي مؤثث افخم اثاث وآخذها افخم المطاعم ولكن مايرضيها شي لا أنكر احيان اني بارد لكن المفروض تقول لي عن اللي مضايقها |
رد : سوء معاملة زوجتي لي
اقتباس:
طيب اذا بارد المشاعر وشكاك ترى مو على طول هذا طبعي ليش ماتقول لي غير طبعك ليش ماتساعدني وهي تعرف اني اتقبل الرأي الآخر انا متواضع معها وماارفض لها طلب طيب ع الاقل تعاملني بنفس تعاملي والحب ع قولها هي يجي بعد العشره مع العلم اني صرحت لها بحبي وانا فعلا كنت احبها وانا ماانكر يمكن مااعرف اتعامل مع المرأه طيب هذي اول امرأة في حياتي |
رد : سوء معاملة زوجتي لي
اقتباس:
واضح من ردك انك مقهور منها والا انت تبيها ولو تعطيك ريق حلو بتقبل عليها اكثر استغربت من اللي على طول قال لك طلق ومتاكدة ان ما ودك وودك ان الحال ينصلح عشان كذا ابيك تحاول اول وانا اختك والطلاق اخر الحلول الحرمه ضعيفة مهما كانت اول الحياة الزوجية زوجها يلحق وراها بعدين العمر كله هي اللي تلحق وراه تحمل شوي وتعلم وشلون تكسبها ابحاول ادور لك موضوع الاخت" حيث النقاء" لانها قريبة من مشكلتك كثيييير يمكن تستفيد انت الرجل وانت الربان والقاءد لا تنسى هالشي وبالتوفيق |
رد : سوء معاملة زوجتي لي
اقتباس:
وجلست تبكي انا بنفسي حزنت عليها وكلامها معي قدام ابوها ماكان فيه شوفت نفس |
رد : سوء معاملة زوجتي لي
اقتباس:
كبري نحو علاقات غير شرعية واستغفر الله من سوء الظن وقد يكون كلامي خطأ لكن هي حيرتني بصراحه مااقدر اذكر كل المواقف لكن حسيت انها راعية علاقات بصراحة من كلامها وحركاتها اشوف انها تحب التحرر ومساواة الرجل بالمرأة والانفتاحية انا شكاك شكاك شكاك لكن فيه اشياء والله العظيم تشكك خلي موضوع الشك جانبا ابغى افهم ليش تعاملني كذا ليش ماتشكر ليش اعاملها بطيب وتعاملني بجفاء ليش انا اللي دائما اهتم وهي لا |
رد : سوء معاملة زوجتي لي
اقتباس:
بناء ع ان الرجل يبادر وان الزوجين مابينهم كرامة يمكن هذا احد اسباب احتقارها لي سبحان الله انا لو احد يعاملني كذا حطيته ع راسي بس فيه ناس ماتدري كيف يفكرون |
رد : سوء معاملة زوجتي لي
اقتباس:
نفس كل شي يصير بحياتنا تقريباً * شرهة عليك انك مسافر ومخليها ويمكن بعد ماذكرتها باتصال او هدية صدقني يبي لك تفهمها ترا هي تتعب اعصابها من برودك وهي فاهمتك زين بس ماقدرت تتقرب منك تحس بينكم حواجز تدري ليش تدفك هي تكابر تبيك تفرض نفسك وشخصيتك وتقرب غصب عنها وتنفذ اللي هي تبيه لو طلبت شي وماحصلته لا تظلمها ببرود اعصابك قل لها وارسل لها كلام حلو ترا ياثر فيها من دون ما تقول لك بس عاملها مثل الزجاجة المكسورة لو غفلت عنها تجرحك .. اعتقد تعاني من شي جواها فاقدة شي منك فاتمنى تزيل هذا الشي ولا تصير عنيد ولا تيأس هي ماتتمنى تفرط فيك ابدا لكن هي محتاجة وقفتك شجعها على انها تتخطى المرحلة هذي فهي شايلة عليك بقلبها وتغار من البنات اللي وسعوا صدورهم وانت ماديتك كذا ويمكن بعد لو طلعتها تمن عليها وتخرب كل اللي سويته هي تشوف انك ماسويت لها شي فلو تسافرون لو 3 ايام وتوسعون صدوركم ولا تدقق فيها راح تشوف تغير بحياتكم هي تتقبل وتحب كلامك الحلو ولا تكرهه بس ماتعودت تستحي وتكابر تنام بعيد عنك ووجهها مع الجهة الثانية .. حركات الحريم لما تتغلى تشوف انت تحب تقرب.. تشتاق.. تحبها .. تبي تحرك مشاعرك وتحس بالحب اللي بداخلك تكره برودك المسالة معقدة لكن هي ابسط مما تتصور بس تحتاج فهم وانك ماتكون حساس زوجي مل مني لنفس اسبابك من دون مايفهمني مع اني اقول له وافهمه اللي كان في نفسي فما ابي مأساتنا تتكرر الله يوفقكم ولا تنسون اذكار الصباح والمساء وكلما دخلت بيتك تعوذ من الشيطان وسم بالله عشان يبعد عنكم الشكوك والوساوس وعن بيتكم |
رد : سوء معاملة زوجتي لي
و الله يا اخوي
الله يجبرك في مصابك و يعوضك خير اتفق انت وياها ع المعاملة بالمعروف و خليك رسمي معاها و ان ما نتج حب و ما اثمرت نتيجة صبرك عليها اعرف ان ما فيها حيله و ﻻ ينفع معاها صبر و عمرك ﻻ يضيع و ماني مع اللي يقولون تعوضك ﻻن فيه ناس فرقاهم عيد ! |
رد : سوء معاملة زوجتي لي
اقتباس:
ماسافرت وخليتها الا عشان عملها والاتصال انا اللي اتصل وهي مطنشة وفي الاخير صارت تلمح انها ماتبي اتصل بها والنوم اتوقع ماتتغلى لأني كنت دائما افرض عليها بس في الاخير تنام ووجهها للناحية الثانية وفرضت نفسي عليها بعد إلى درجة اخذت فراشها وطلعت من الغرفة يمكن تشوفون اني لزقه لكن كلها رغبه في اني مااقصر بشي واكسر حاجز الحياء اللي كنت افترضه وماادري انه كره انا ماعندي وسط ياتتقلبني وتحبني مثل مااحبها يا الله يستر عليها تشوف حياتها واشوف حياتي الحياة اذا مابنيت على حب او قبول ع الاقل ماهي حياه |
رد : سوء معاملة زوجتي لي
فكرت عندك شك مرضي أعتذر منك
هذه حياتك إذا بتخليها بذمتك أو تطلقها الله يختارلك مافيه خير لك |
رد : سوء معاملة زوجتي لي
اقتباس:
|
رد : سوء معاملة زوجتي لي
معليش اخوي
اخذها معانا حبه حبه تقول اشك انها راعيه علاقات ترى هذا شك عظيم وقذف هل حست بشكوكك لان الي بتكره بتكره من اول ايوم وانت تقول انها اول اسبوع اوكي معك ثاني شي لو تبي الطلاق راحت لاهلها مافي وحده تبغى الطلاق وتقعد ثالثا هل تاخذ مانع حمل دامها ما تبيك اذا ماكانت تاخذ فهي تتغلى عليك وتبي حياه معاك هل سبق ان اهدتك شي او عبرت عن حبها سواء مسج هل تلبس وتتزين لك كعروس هل تطبخ لك انتظر فتره وان كانت تلحياه لا تطاق دخل احد من اهلها واستخر |
رد : سوء معاملة زوجتي لي
طيب تشاوروا ... وان ناسبها خبرها انك بتنسحب شويتين
وتشوف الوضع ( بدل ما تجيبها يومين خليها تجلس عند اهلها تفكر... ) و ان ما انصلح الوضع شوف حلها .... وان مافادك دخل ابوها وربي يوفق ويعين ولا تحقد على زوجتك ارجوك ... ترا كل فيه جانب شين وطيب بعد بس الظروف يمكن ما ساعدت انها تظهر الطيب ... |
رد : سوء معاملة زوجتي لي
اقتباس:
بالنسبة للحمل فهي من قبل الزواج قالت لي مانبي حمل ابي اعيش لك وتعيش لي واذا احد سألنا نقول ربي ماكتب وتقول مانبي حمل لأن انا لك وانت لي يعني كأن مابيربطنا ببعض غير الاولاد الشكوك في المولات تعرف المحترمه من غيرها من نظراتها من مشيتها من جرأتها داخل البيت كل مادخلت عليها وجدتها تكلم واذا جيت تسكت او تقفل الجوال وانا موجود في البيت تتركني وتقفل الغرفه ع نفسها وتكلم لساعات طويله وهذا الوضع مستمر الرقم السري لجوالي تعرفه لأني افتحه امامها لكن هي حريصه جدا اني ماالمس جوالها وفيها غموض عجيب في جميع امورها ومهما تكن عند امريء من خليقة وان خالها تخفى على الناس تعلم وانا اقول المشكله ليست في الشك لأنها فاهمه اني واثق فيها المشكلة في التعامل والاخلاق اللي تشكك ان في قلبها غيري او ان احد يحرضها قبل دقائق من الان كنت مسافر وارسلت لي قائمة بالطلبات وهي تدري اني مسافر الليله بس تبيني ارفض وتقول مقصر والطلبات تافهه وغير ضروريه طيب ليش ماقالت لي امس او قبله او اليوم بدري وجبت الاغراض كلها واشياء ماطلبتها حتى والله كلمة شكرا ماقالتها مصيبة اذا تتعامل مع شخص يكرهك ومهما سويت بيطلعك غلطان ومقصر |
رد : سوء معاملة زوجتي لي
الله يعينك اخوي انتبه هذي حياتك وتعامل معها بحذر عموماً هذي سنة مليانة مشاكل بعدين بتطخ على راسها تاكد منها تقدر لما تسافر معها تشوف اذا هي مستانسة معك او لا لانكم دايم بعيدين عن بعض بسبب الدوامات
اقتباس:
ما اعتقد هي ناوية مشاكل عشان تسوي علاقات مهما كان ان كان قعدت في بيت اهلها ابرك لها!! تاكد من هالشي وتبين من الموضوع ولا تخلي الشك يدمر حياتك يا اخي يمكن لانك ماتعرفها زين، ولا بينكم ذيك العشرة فلا تتهمها من دون شي واضح ترا مو قاعدة ادافع عنها ابدا لكن قاعدة ادافع عن حياتك هي غلطانة باشياء وتحتاج تنبيه فاذا مو حاب تحاكي اهلها ودها لاستشارية عشان تقتنع باخطائها وانا مو من النوع اللي ضد الطلاق احاول احلها لما اوصل لباب مغلق فتفائل ولا تسمع للمحبطين لان الناس موب نافعينك لما تطلق لا راح ينسونك ذيك الايام ولا راح يعوضون خسايرك ولا بيشيلون همك |
| الساعة الآن 09:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©