منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   تدهور علاقتي بزوجي منذ الزواج (http://www.66n.com/forums/showthread.php?t=257115)

Umdalal 30-01-2015 10:07 PM
تدهور علاقتي بزوجي منذ الزواج
 
السلام عليكم

أتمنى تساعدوني بحل ،،

زوجي من بعد زواجنا بثلاث شهور ما ادري وش صار له يمكن عين
صار مايبي يطلع إذ اطلعنا تجيه رجفه ويحس بقلبه مايقدر يسوق وطلع من وظيفته
والحين صار سنتين على هالحال يطلع بس مايبعد عن البيت ،، حتى أهلي بمنطقه ثانيه اروح الحالي راح لدكتور نفسي بس ما فيه شي جاب شيخ يقرا وقاله على طريقه يسويها أسبوع ويرجع يقرا عليه بس ما استمر وقاله عين كل ماقلت له يا الله سوها قال بكره مو عارفه شسوي ما ادري من مين العين والله ضايق صدري مرره كل ماقلت له نطلع قالي مالي خلق وهو بس علشان خايف تجيه هالحاله مو ماله خلق دائم أقوله توكل على الله لاتخاف بس خلاص حاط في رأسه الخوف من هالحاله ما ادري شسوي


(تم التعديل ليتناسب مع المضمون)

اشتقتلك يبه 30-01-2015 10:19 PM
رد : أتمنى تساعدوني،،
 
وعليكم السلام
هلابك اختي

الله يصلح حاله يارب ..فعلا الوضع غريب ويمكن عين
نفس ماقلتي

احرصي على تشغيل سورة البقره بالبيت
وهو حاولي فيه انه يقراه الشيخ
ادعي ربك
او خليه يدهن بزيت مقري فيه
القرايه اذا بلتزم به لازم احد يساعده ويشد من همته
احد من اهلك او اهله

الله يخليه لك ويرجع لوضعه قبل واحلى

Umdalal 30-01-2015 11:01 PM
رد : أتمنى تساعدوني،،
 
اميييييين ياااارب الله يجزاك خير

ميس11 30-01-2015 11:08 PM
رد : أتمنى تساعدوني،،
 
3شهور الاولي من زواجكم كان طبيعي .؟

يجي و يروح و يشتغل بدون مشكل

Umdalal 30-01-2015 11:55 PM
رد : أتمنى تساعدوني،،
 
ايه كان مره عادي وسافرنا كم مره عادي بس من بعد 3 شهور كنت توني حامل صار فيه كذا وقلنا يمكن من انقطاعه عن الدخان بس يوم قراء الشيخ عليه قال عين بس ما استمر على القراءة هو صار يقرا على نفسه بس مو دايم

Umdalal 30-01-2015 11:57 PM
رد : أتمنى تساعدوني،،
 
أنا ودي أني أساعده علشان يقدر يطلع ويبعد عن البيت بس مو عارفه شلون حاولت بس يخاف

ميس11 31-01-2015 12:03 AM
رد : أتمنى تساعدوني،،
 
اقرءي عن الرهاب الاجتماعي و شوفي الاعراض تنطبق علي زوجك او لا

*علو الهمه * 31-01-2015 05:59 AM
رد : تدهور علاقتي بزوجي منذ الزواج
 
اقتباس:
المشاركة الأصلية كتبت بواسطة Umdalal (المشاركة 3177377)
السلام عليكم

أتمنى تساعدوني بحل ،،

زوجي من بعد زواجنا بثلاث شهور ما ادري وش صار له يمكن عين
صار مايبي يطلع إذ اطلعنا تجيه رجفه ويحس بقلبه مايقدر يسوق وطلع من وظيفته
والحين صار سنتين على هالحال يطلع بس مايبعد عن البيت ،، حتى أهلي بمنطقه ثانيه اروح الحالي راح لدكتور نفسي بس ما فيه شي جاب شيخ يقرا وقاله على طريقه يسويها أسبوع ويرجع يقرا عليه بس ما استمر وقاله عين كل ماقلت له يا الله سوها قال بكره مو عارفه شسوي ما ادري من مين العين والله ضايق صدري مرره كل ماقلت له نطلع قالي مالي خلق وهو بس علشان خايف تجيه هالحاله مو ماله خلق دائم أقوله توكل على الله لاتخاف بس خلاص حاط في رأسه الخوف من هالحاله ما ادري شسوي


(تم التعديل ليتناسب مع المضمون)
وعليكم السلام ورحمة الله وبركاته ..
مرحباً بكِ أختي الكريمة أم دلال ..
1/ هل زوجكِ مر بظروف جعلت حالته تتغير أم هكذا فجأة ؟
2/ ماهي المحاولات التي فعلتيها لكي يتخلص من حالته ؟
3/ هل جلستِ معه وتحدثتِ عن هذه المشكلة ؟ وبماذا كان يرد عليك ؟ هل سألتيه عن سبب المخاوف ؟
4/ الآن كما فهمت منكِ لا يعمل وجالس طيلة الوقت بالبيت ؟
ومن يصرف عليكم ؟وهل أهله على علم بهذا الموضوع وساعدوه أم ماذا ؟
فرج الله همك ..

ريم الاوطان 31-01-2015 08:00 AM
رد : تدهور علاقتي بزوجي منذ الزواج
 
اختي هذا ظرف صحي له علاقه بالحموضة الزايده ...يبغيله كشف ف المعده و يراجع عن الارتجاع المرئي و يفحص الغده
غالبا الكشف العادي ما يجيب نتيجة ...الله يعافيه و يشافيه

فرح تايه ~ 31-01-2015 08:29 AM
رد : تدهور علاقتي بزوجي منذ الزواج
 
اقتباس:
راح لدكتور نفسي بس ما فيه شي
كيف زوجك قبل مايتعب ..؟ كان إجتماعي ويحب الناس ولا هو بطبيعته مايحب الإجتماعات والمناسبات كثير، وحياته بس بيته والعمل ..؟

بعدين متأكدة إنه راح لطبيب نفسي !! ولا بس قالك راح وماشفتي شيء .. مستحيل يكون راح لدكتور نفسي وعرف إنه خسر ووظيفته وقاعد في البيت ومسيطر عليه الخوف من الحالة اللي تجيه ويقوله مافيك شيء ..!!

اقرأي عن البانك اتاك ( نوبات الهلع ) وشوفي الأعراض مشابهة للي تجي زوجك ولا لا .. و اسأليه بعد شنو يحس وقت تجيه الحالة غير الرجفة وقلبه والخوف يعني اعرفي كل الأعراض . . . وقارني .

لا مفر من زيارة الدكتور .. على الأقل يروح لأخصائي علاج سلوكي معرفي مبدئيا ..

ربي يشفيه ويعافيه ويرفع عنكم هالغمة ..

نجم سهيل 2015 31-01-2015 09:34 AM
رد : تدهور علاقتي بزوجي منذ الزواج
 
يرقي نفسه والله اعلم

ملاذ* 31-01-2015 11:08 AM
رد : تدهور علاقتي بزوجي منذ الزواج
 
ما دام كان طبيعي
ف وحده من ثنتين
يا عين فعلا.. يا رهاب بدا بنوبة هلع واستمر معه..

الله يشفيه في الحالتين
الافضل ان الشخص يقرا على نفسه..فهو اعلم بداءه

Umdalal 01-02-2015 10:21 AM
رد : تدهور علاقتي بزوجي منذ الزواج
 
راح لدكتور وانا كنت معاه

متفائله200 01-02-2015 10:59 AM
رد : تدهور علاقتي بزوجي منذ الزواج
 
ايش قاله الدكتور بصراحه غريب الدكتور

روحو ع طبيب ثقه

زوجي عنده رهاب بسيط ويخاف من الحوادث بشكل كبير وامور ثانيه بسيطه وقلق وراح لطبيب واعطاه علاج والقلق انا ملاحظه انه خف كثير والحمدلله متابعته للحوادث وخوفه من السفر ع انا نسافر حتى قبل العلاج بس يكون قلقان حالياً مع العلاج الحمدلله سافرنا ونفسيته مرررره تغيرت...

ضروري يزور دكتور معروف في منطقتكم
وع فكره زوجي راجع شيوخ واستمر ع الرقيه ولا جابت نتيجه زي الاعلجه صحيح يحس براحه وسكينه مع القراءه لكن ماراحت حالة الخوف ...


الساعة الآن 02:56 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©