|
صدمتي بزواج زوجي وتخليه عني(مستجدات رد 183)
السلام عليكم ورحمة الله وبركاته
بدخل بمشكلتي علا طول واعتذر لاني بكتبها بالعاميه اولا اتمنى تدعون لي ان الله يفرج همي ويرد لي زوجي ردا جميلا لعل منكم مستجاب الدعوه انا متزوجه من 10 سنوات ولدي ثلاث اطفال انا وزوجي نحب بعض ومرتاحين وزوجي جدا طيب وكريم ومايقصر بشي ابدا علي او علا بيته او اطفاله لكنه عصبي شوي وكثير الزعل ومايرضى بسرعه وغيووور وكثير تصير مشاكل بسبب غيرته وصارت مشاكل كبيره وصغيره لكنه ماتوصل نتخلى عن بعض. مرت فترات تعبت فيها ووقف معاي ووداني لرقاه ومشايخ وقالو حسد وعين وتعالجت الحمدالله لكن مازالت هناك بعض المشاكل الي تنغص علينا انا اشوفها بسببه وهو يشوفها بسببي واخر مشكله قبل شهرين وانحلت وعدت ورجعنا طبيعي ودايما يقول احنا مانستغني عن بعض ابداوزوجي معي طبيعي وكل شي تمام لكن لاحظت قبل سفري لاهلي اجازه انه تغير تقريبا ثلاث اسابيع من قبل السفر بس صامت ومايجلس كثير ومايحاول يتكلم كثير معي كثير ويتهرب ومشغول وكان عنده طغط عمل وانا مانتبهت ماكان فيه شي واضح لي بس اشوفه تعبان وماينام كويس احيان تجيه كوابيس في يوم السفر تجهزنا وودانا المطار وسلم علي وعلا اولادي وسافرنا جلست يومين ماكلم ولااتصل ولاشي اليوم الثالث اتصلت عليه جواله مغلق ارسلت مايرد كررت اتصالاتي مايرد ابدا مغلق حاولت اتصل باهله بتطمن عليه مايردون كان هو عنده مهمه عمل ثلاث شهور ومظغووط جدا ومجهز اغراضه عشان يروح لمنطقه ثانيه نفس الاسبوع اللي سافرت فيه قلت يمكن سافر وماعنده ارسال ماقدرت اتوصل. لشي لا له ولا اهله جلست اسبوع منقطع عني باخر يوم جتني رساله يقول انا زواجي الاسبوع الجاي وانت لك اللي يرضيك وتراي كلمت اخوك بخصوص نقل مدارس الاولاد والاغراض. انصدمت انهرت صعقت حاولت اتصل مغلققق رجعت ادق علا اهله ماردوو علي ارسلت كلمني بس فهمني رد علي مارد ابدا عدا الاسبوع وسمعت خبر زواجه وانه تزوج زواج مختصر تواصلت مع صديقاتي اللي بنفس منطقتي واكدو الخبر الكل منصدم محد متوقع زوجي يتزوج علي انا طبعا تعبت جدا مريت بايام عصيبه زواجه وهروبه وتغيير رقمه وارساله لاغراضي وملفات عيالي كل شي جا فجاءه شفت صور زواجه بالانستقرام بحسابات اهله طبعا شكله غير مو زوجي اللي اعرفه وجهه تعبان مو شكل عريس حزنت عليه وانا تعبانه منه تعبانه مذهوله خذلني خدعني ماعرف كيف وليه ومتى ووشلون ومين ماعرف اي شي والى الان ماعرف عن زوجي شي ومازال. جواله مغلق وماتواصل معي ولا مع اهلي انا ماني معترضه علا زواجه يمكن يكون اهون علي لو الموضوع زواج بس الموضوع مو زواج وبس فيه شي يصير ماعرف ايش جلست اسبوعين بهم وحزن فضييع وتعب كل شي سواه فجاءه. نسي كل شي بيني وبينه بينا عشره عمر واطفال ولاسأل اش صار فيني ولاسأل عن اولاده.انا محتاره ماني عارفه وش اسوي وش تنصحوني فيه. الى الان مو مصدقه لان زوجي مو من النوع اللي كذا ابدا ولاكان فيه باله زواج من ثانيه وكان ينتقد اللي يعدد يقول وش لهم بالمشاكل ماتتخيلو لما الوحده تلاقي صور زواج زوجها وتتفرج علي زوجي قهرني طعني وخان مشاعري كزوجه وكام. ليه ماصارحني وتزوج ليش تخلى وغير رقمه ليه تركني عند اهلي ونقل اولادي وارسل ملابسي والله تعباااانه وضايقه وماني عارفه كيف اتصرف اتمنى انكم تساعدوني. وتدعوون والله العظيم اني معيشته ملك الكل يتكلم ببيتي واغراضي وطبخي وتنسيقي محد يدخل عندي الا يمدح بكل شي ماعمري قصرت بشي ابدا حتى في حقوقه شورو علي احس جرحني ولاعارفه مصيري الحين له شهر من صارت الاحداث هذي ولاعرف عنه اي شي لامكانه ولاوين راح ولا اسبابه حسو فيني. تم تغيير العنوان مستجدات الرد 183 http://www.66n.com/forums/showpost.p...&postcount=183 |
رد : زوجي جرحني وتخلى عني
حبيبتي انتي..
لا زلت بمرحلة الصدمة.. سوي اللي تبينه وطلعي اللي فيك! ابكي فرغي كسري.. والجئي لربك قبل كل شي.. كل ماحسيتي انك متضايقة توضي.. ووتر اخر الليل لا تتركينه.. كلنا هنا معك وحاسين فيك ❤️ اذا طلعتي من اللي انتي فيه نشوف مع بعض ايش تقدرين تسوين الله يربط على قلبك ويكتب لك الخير يارب |
رد : زوجي جرحني وتخلى عني
ياقلبي عليك جد والله صدمه قويه حزنت كثير بسبب اللي حصل الله يقوي قلبك ويصبرك
حتى موقف اهله وعدم ردهم علي اتصالاتك غريب والمفروض ما ينزلون صوره في الاستغرام مراعاه لمشاعرك بعدين هو مو اول مره يتزوج اصبري لا بد يبان كل شي ومصيره يمل ويرجع لكم |
رد : زوجي جرحني وتخلى عني
أمره غريب !! ما لمح لج بأي شيء قبل هذي الخطوة ؟!!
حقيقةً تصرفه تصرف جبان جداً .. جداً غريب! اهلج شنو موقفهم ؟ و ليش ما يروحون منطقته حق يكلمونه ويشوفون شسالفة!! ما عندي كلام ... الله يمسح على قلبج |
رد : زوجي جرحني وتخلى عني
الله يصببببرك الله يصبرك حاسين فيك و بصدمتك
التجئي لربك باخر الليل واشكيله وابكي بين يدينه الحمدلله عيالك بين يدينك الله يحفظهم وانت بصحة وعافية كوني قوية عشانهم الله يريحك من عنده ما قدرت اشوف موضوعك ولا ارد ♡ دعواتي معاك |
رد : زوجي جرحني وتخلى عني
مدري الله يعينك انقهرت علشانك
بس دامه مو فرحان يمكن غلط وصلح غلطته يمكن بالله لا تاخذين ع كلامي واولاده اعطيه يربيهم ويتكفل فيهم اذا ما رجعك ورضاك الله يصبرك امره غريب |
رد : زوجي جرحني وتخلى عني
ماتتخيلون قد ايش فرحت من كلامكم حسيت لسى احد باقي فيه خير
اهلي انصدمو وزعلو واخواني في البدايه اتصلو بس مايرد والحين يقولو خلاص اما يجي يواجه ويشرح اسبابه ولا ماراح نسكت له اهلي وقفو معايه ماقصرو وانا والله المويه ماتنزل مع حلقي بس علا سجادتي وادعي الله يفرج همي عمري ماقصرت معه ولامع اهله دايم فاتحه لهم بيتي وشايلتهم علا راسي الحمدالله علا كل شي بس تخيلو زوجك يختفي من حياتك فحاءه بدون اي مقدمات ولاتدرين وينه ولاتعرفين عنه شي وهو كان شخص طابيعي معي حتى زواج ماعمره قال بتزوج ولاراح امنعه وعو عارف اني ماقدر اقول لا بس ليش صار كذا مادري ادعولي |
رد : زوجي جرحني وتخلى عني
أختي رحاب في كلامك شي أستوقفني اللي هو تغير زوجك المفاجئ وخاصة لما تقولين صاير تعبان وصاير حزين وقليل كلام وتجيه كوابيس في المنام وهذا كله صار فجأه وزواجه عليكي فجأه
يا أختي الموضوع فيه إنّ أيش صار لزوجك عشان ينقلب في يوم و ليلة كل هذه القلبه أحتمال أحد مسويله عمل و الله أعلم الله يفرج همك وييسر أمرك ويجبر كسرك و يردلك زوجك ر جميلا أمين يارب العالمين |
رد : زوجي جرحني وتخلى عني
تخيلو زوجك يختفي من حياتك فحاءه بدون اي مقدمات ولاتدرين وينه ولاتعرفين عنه شي
هذا هو مربط الفرس يا أختي رحاب |
رد : زوجي جرحني وتخلى عني
هذا الي بنستفيدو من بعض الرجال استغفر الله بسسس شي ينرفز
الله يعينك ويصبرك يا اختي واتحري اوقات الاستجابه بإن ربي يريح قلبك وبالك .. |
رد : زوجي جرحني وتخلى عني
اقتباس:
هيا دارية ايش فيه ؟ اللي تصرفه كذا ما هو كفو يتحمل مسؤولية اطفال ولا حتى اهله تستأمن عليهم عندهم غير اصلا من باقيلهاةغير عيالها .. الله يخليهم لها ويعوضها فيهم و انا معاك يتكفل فيهم يصرفهم وينفق عليهم لكن ياخذهم غلط و مو من حقه وحتى تلميح المفروض ما تلمح له بهذي الناحية |
رد : زوجي جرحني وتخلى عني
اقتباس:
متزوج لكن السؤال ليه الهروب .. ليه ترككم .. ليه ارسل اغراضك ونقل الادلاد بدون سبب واضح ؟ |
رد : زوجي جرحني وتخلى عني
جد والله صدمة قوية وتصرفه غريب واختفائه محير جدا ربي يصبرك ياختي ويارب يرده لك ردا جميلا
|
رد : زوجي جرحني وتخلى عني
الله يفرج همك ويرد لك زوجك ردا جميلا
أنصحك الزمي سورة البقره واكثري من حسبنا الله ونعم الوكيل فتره وبيرجع لك ان شاء الله من جد صدمة الله يعينك ويربط على قلبك حاليا مالك الا التجئ إلى الله بأن يكشف حالك وينصرك على كل ظالم |
رد : زوجي جرحني وتخلى عني
اقتباس:
الله يفرج همك وييسر أمرك ويجبر كسرك و يردلك زوجك ر جميلا أمين يارب العالمين |
رد : زوجي جرحني وتخلى عني
اخي الغالية
متابعة بصمت استوقفت فيه كثيرا كرري ورددي حسبي الله ونعم الوكيل نعم المولي ونعم النصير فاوض امري لله ان الله بصير بالعباد وإنما أشكو بثي وحزني الى الله وعليك بسهام الليل ما تخطي انا هنا لا أتكلم عن زواجه لانني لا احرم حلال هذا شرع الله وله حكمة في ذلك لكن الملائمة والعتب على أسلوبه اعرف واحد ليس عنه ببعيد ثقي بالله انه تصفق في زواجه ولا توفق وصار كابح وليس رابح لانه ما بناها على معزة بناها على هيار فنهار أكثري من الاستغفار والذكر وثقي بالله انه بتفرج لكي اذا جاءك خذي حقك وعاتبيه وعتبي عليك انك رايتي بوادر سرحان وتشتت ليش ما سألته ويش فيك ؟!؟ تدري زوجي اللى جعلني احس انه تغير علي السرحان والشرود اللي كان فيه على طول عرفت انه فيه شيء الله يفرج همك ويرده لك ردا جميلا |
رد : زوجي جرحني وتخلى عني
الانسان العاقل يبحث في جميع الاسباب
وبعد أن يستنفذ كل سبل و طرق المعرفة حينها يلجأ لموضوع العين والسحر والحسد |
رد : صدمتي بزواج زوجي وتخليه عني
البقرة + الاستغفار + حسبي الله ونعم الوكيل
وربي يفرجها عليك مرة قلبي معك |
رد : صدمتي بزواج زوجي وتخليه عني
الله يلطف بقلبك وبقلوب العباد
فيث خضم المك حبيبتي اقول لك مايفيدك مستقبلا بعد ماتستجمعين قواك التفتي لنفسك واحتويها و حققي لها متطلباتها من وظيفه وحاجات نفسية من علم سفر مهارات وهوايات وتأمل ماعند الله اشتري لك ارض على قدك وابنيها كوني ام لابناؤك وصديقة لك لاتطولين جالسة العمر يجري |
رد : صدمتي بزواج زوجي وتخليه عني
أختي فعلا صدمة وشيء غريب طيب علاقتك مع اهله سيئة ؟؟ تواصلي مع اي احد فيهم وافهمي الموضوع ... والله ماالومك شيء صعب وغير مفهوم حطك في دوامة مالها قرار اكثري من إنا لله وإنا إليه راجعون ... الله ياجرك على ماأصابك أختي رحاب .
|
رد : صدمتي بزواج زوجي وتخليه عني
غدر هذا الله يكون معاك ويجبر كسرك
حسبي الله ونعم الوكيل ﻻ تنقطع من لسانك |
رد : صدمتي بزواج زوجي وتخليه عني
أسأل الله يفرج همك و يكفر ذنبك و يرفع درجتك ويرده اليك ويقر عينك به
قولي انا لله و انا اليه راجعون اللهم أجرني في مصيبتي واخلف لي خيرا منها تصرفه غريب و الاغرب اهله كيف معقولة و لا احد يرد فيهم حتى لو كلمتي من اي رقم طيب يروحون الرجال ويكلمونه و يشوفون وش الموضوع بالضبط اذا طالت السالفة. لانه مافسر الغموض هذا . |
رد : صدمتي بزواج زوجي وتخليه عني
كل اللي ردو علي انا الى الان ماني مصدقه لو كان بيننا مشكله قلت له عذر لو يبي يتزوج يتزوج بس مايرميني انا وعيالي ويشتتني ويشتت مدارسهم وانا اخر ترم بالجامعه ولاعارفه كيف اكمل
تصرفه جرحني ماعادت اثق فيه ناس عندي قالو يمكن سحر بس انا مقدر اجزم ولابيدي شي خاصة انه اختفى بالمره لاجولل ولاوتساب الجوال مغلقق والواتس محذووف ادري مابيدكم شي لكن لعل الله يقبل من احدكم دعوه بظهر الغيب والله يعلم خائنه الاعين وماتخفى الصدور ويعلم كل شي بيني وبينه واني ماضريته بشي يروح كثير عشان عمله وينشغل وانا ماسكه بيته وعياله ومهتمه فيهم وبدارستهم وحافظته موجود وغايب ولاطلع متر من البيت الا بإذنه حسبي الله ونعم الوكيل غدرني لو طلقني وقال روحي اهون علي |
رد : صدمتي بزواج زوجي وتخليه عني
الله يكون معاك ويصبرك
هذا مبيت النية، مخطط من شهور مهو فجأه |
رد : صدمتي بزواج زوجي وتخليه عني
اقتباس:
|
رد : صدمتي بزواج زوجي وتخليه عني
مايسوي كذا الا الرجل الجبان اللي ماعنده اي سبب ولا حجة عشان يتزوج..
زوجي اخبرني بنفسه لما تزوج .. بس صار يقولي ماقدر احط عيني بعينك وحط يديه على عينه اغمضها حتى قدر يتكلم.. شوفي حبيبتي.. هذه الآن من اصعب الايام الي ممكن تمر عليك.. والله العظيم من مجربة تكلمك.. ولا شيء في الدنيا راح يريحك زي ذكر الله والاستغفار .. توضئي وابدا لا تجلسي لوحدك، خلي اهلك حولك.. زوجي فعل نفس الشيء، تزوج وانا بفترة حرجة ايام جامعتي.. لكن والله دعست على قلبي عشان نفسي ومستقبلي.. هم يفكرو بنفسهم ومتعتهم ولا حتى ينتظرو الوقت المناسب فليش انت تحرقي دمك.. كل شيء راح يظهر لك لا تستعجلي.. |
رد : صدمتي بزواج زوجي وتخليه عني
شيء ثاني لازم تحطيه ببالك عشان ترتاحي وما تنصدمي..
مهما كانت علاقة اهل زوجك معاك ممتازة ويحبوك، في الأخير هذا ولدهم ولا راح يسخطو عليه عشان خاطرك.. انا قطعت اشواط كثير حتى استوعبت هذا الدرس،، علقي قلبك وخلي أملك بالله وحده وتذكري: " انا عند ظن عبدي بي" وكل قلبك ما المك حطي يدك على قلبك ورددي " ألا بذكر الله تطمئن القلوب" |
رد : صدمتي بزواج زوجي وتخليه عني
كملي دراستكك ي قلبي مررا روحي استاجري بمدينتك اخذي اطفالك وامك معك او احد اخوانك لين تكملين دراستك ..
اعتبريه ميت يعني الحين بتوقفين حياتك وحياة اطفالك لييه.. |
رد : صدمتي بزواج زوجي وتخليه عني
السلام عليكم
ممكن تقولين لنا ايش قال بالضبط لاخوك يعني نقل اغراض و مدارس، يعني حتى بيتك ما راح ترجعين له، هل هذا تمهيد انه راح يطلقك اسفة بس احاول افكر معاك و في مكانك |
رد : زوجي جرحني وتخلى عني
اقتباس:
اللي مثله المفروض دمعه واحده ماتسقط من عينك علشانه .. اتوقع مسوي حركة علشان ترضين من نفسك بسبة زواجه وبدال مايلاحقك يراضيك تصيرين انتي اللي تلاحقينه .. لكن اعتبرها حركة نذاله وحقاره .. انسيه وانسي ام جابته .. وعيشي حياتك بالطول والعرض ولا وقفت الحياة على رجل الحمدلله عندك اهلك ..غيرك ماعنده اهله يوقفون معها |
رد : صدمتي بزواج زوجي وتخليه عني
اقتباس:
عزيزتي.. تجاهلي تماماً حجة السحر .. لأن اللي سحره مستحيل يكون سحر أهله بعد! السؤال المهم الآن: ماذا لو عاد؟ |
رد : صدمتي بزواج زوجي وتخليه عني
لو تبين ترتاحين
خذي أخوج وروحي لهم وواجهي الحقيقة اعرفي اللي صاير بنفسك |
رد : صدمتي بزواج زوجي وتخليه عني
اقتباس:
|
رد : صدمتي بزواج زوجي وتخليه عني
تقدرون تعرفون أخباره من خلال عنله ووظيفته
الله يفرج همك ويجبر كسرك ويرزقك القبر الجميل عليك بالصدقة والاستغفار والدعاء ولا تنسي سهام الليل لااااا تخطيء |
رد : صدمتي بزواج زوجي وتخليه عني
اقتباس:
اقتباس:
|
رد : صدمتي بزواج زوجي وتخليه عني
الله يعينك ويصبرك يارب
|
رد : صدمتي بزواج زوجي وتخليه عني
ما يكون انسجن لا سمح الله باي قضية !؟
و ما يبغى يفضح نفسه عندك هو و لا اهله !؟ |
رد : صدمتي بزواج زوجي وتخليه عني
الله يفرجها عليك
في ناس ما تعرف تواجهه وتحل الامور صح وتشوف الهرب هو الحل والي كذا لو في مشكله من ناحيتك شايفها ما يواجه لو ايش لازم انتي تنتبهين له .. لا تجلسين كذا على نار و ما تدري ايش ساير روحي له و خذي العلم بنفسك لا تجلسي كذا فالمجهول |
رد : صدمتي بزواج زوجي وتخليه عني
ياروح صديقاتها بنفس المنطقة أكدوا لها خبر زواجه،فكيف انسجن؟
يا أختي عليك بأدعية الكرب والهم وأبشري بالفرج القريب. |
رد : صدمتي بزواج زوجي وتخليه عني
برد علا اسألتكم كلها هناا
اهلي عز عليهم انهم يروحون يدورون عليه اتصلو اكثر من مره بعدين قالو خلاص نشوف للنهايه يمكن يجي بالنسبه لما اتصل علا اخوي اتصل بعد وصولي بيومين وقال انا عندي مهمه عمل وبرسلك اوراق العيال وزي يوصيه عليهم بس ماجاب طاري للزواج اخوي طبعا ماقال شي علا باله فعلا انها مهمه بس وقال خلاص. وبعد اربع ايام من اتصاله علا اخوي ارسل لي رساله اللي يبلغني فيها بزواجه وقفل جواله اخوي استلم الملفات ولقى انه قد اختار مدارس هو وخلص امورهم. وجاب لهم كتب بعد كان مجهز كل شي بالنسبه للعيال يعني امنهم حاولت اتواصل مع اللي اعرفهم هناك وعن طريق ازواجهم قالو. سمعنا انه تزوج ع السريع مو حفل كبير وانه بيسافر عمل وماراح ياخذها معاه. ولاحطها ببيتي استأجر لها شقه انا معي مفاتيح البيت بس. العيال نقلهم كيف ارجعهم بسرعه دوب سجلناهم مقدر انقلهم مره ثانيه ولو رحت لبيتي بعد اللي سواه اكون سهلت عليه شي كبير وماراح يحس انه سوى شي ابدا بيشوف الموضوع عادي واني ماتضررت من تصرفه سوال لما تقولون وش بيصير بعد اللي حصل لو رجع هذا هو اللي انا جيت علشانه انا من الصدمه ماقدر اتخذ قرار وحاسه ماعاد طايفته وخاطري عاااافه. انا ابغى نصيحه انا وش اسوي الان بعد اللي سواه الوحده تتعب لما زوجها يتزوج عليها وانا تزوج وتركني اا وعيالي واختفى وغير رقمه. حسبي الله وكفى |
| الساعة الآن 01:58 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©