|
سيارتك يا رجل .. كيف اشتريتها ؟
السلام عليكم و رحمة الله و بركاته
أول مرة ادخل القسم هذا ، و حبيت أسأل الرجال خاصة و النساء أيضا إيش أفضل نوع سيارة لعائلة مثل عائلتي ؟ ثلاث أطفال و أنا و زوجي و الشغالة ؟ و كيف امتلكتوا السيارة ؟ هل تم شرائه بالكاش ؟ أم بالتقسيط ؟ أم سيارة مستخدمة ؟ أم ايجار منتهي بالتمليك ؟ أم من راتب الزوجة ؟ أم هدية من أحد الأقارب ؟ و تحملوا اسالتي معليه .. |
رد : سيارتك يا رجل .. كيف اشتريتها ؟
عاد انا داخلة وقلت شمعنى للرجال فقط ابغي اجاوب. . اشوه شفت السؤال موجه للحريم ..
اخترت سيارتي بعد ماشفتها في الشوارع وحبيت شكلها .. ولما سألت عن قوتها ومواصفاتها عجبتني .. وشفت ان اللي عندهم مثلها مرتاحين الحمدلله ولا ندموا انهم اختاروها .. رحت الوكالة وجربت سياقتها ودخلت خراطيش خراطيش قلبي.. قلت بس هاذي الحب .. سيارتي نيسان بترول موديل 2013 .. اخذتها قبل سنتين تقريبا ومازلت اشعر كأنها جديدة ماشاءالله .. اخذتها كاش .. جدا مناسبة لعائلة لانها واسعة ماشاء الله مريحة . يعني انا وزوجي وبناتي وخادمتي نطلع فيها بكل راحة ولا نحتاج نستخدم كراسيها اللي ورا. . |
رد : سيارتك يا رجل .. كيف اشتريتها ؟
أم الدانة الله يسعدك يارب ..
صحيح نسيت إنه هناك دول ، الحريم يسوقوا فيها .. بالعكس ، مرحبا بمشاركتك و مشاركة بقية الغاليات .. على بالي كل النساء مثلي ( ما يفهموا بالسيارات ) ههه .. بصراحة ، السيارة تخرب كثير .. و أولادي و أنا بدينا نتضايق لو بنسافر أو نخرج أي مشوار .. و أنا جدا جدا جدا غشيمة بالسيارات .. عندي كان أهم شي ، سيارة توصلني للمكان الفلاني و خلاص .. بس شفت إنه فيه فرق مرة كبير بالأنواع و هذه بتكون ( سيارة العمر ) ههه .. |
رد : سيارتك يا رجل .. كيف اشتريتها ؟
شفت صورة سيارتك من جوجل ..
ماشاء الله تبارك الله .. هذه اللي كانت ببالي من أول .. لكن ما أعرف إيش افضل ماركة و موديل ؟ راح أسجل اسمها عندي .. |
رد : سيارتك يا رجل .. كيف اشتريتها ؟
وايضا عندك التويوتا اللاند كروزر .. ايضا قوية وكبيرة وواسعة وممتازة للسفر والمسافات .. في المنافسة مساوية للنيسان بترول.
|
رد : سيارتك يا رجل .. كيف اشتريتها ؟
أهم شي السمعة الطيبة ;)
إذا الكل يمدح فيها .. وعيوبها قليلة .. أرتاح أكثر للسيارة. في منتديات للسيارات .. تقدرين تعملين بحث وتشوفين الناس شو يقولون عن السيارة اللي في بالج. واختاري سيارة قطع غيارها رخيصة ومتوفرة في معظم الأماكن .. وتابعي الوكالة لأنهم أحياناً يعملون عروض على السيارات فيكون سعرها أرخص. لكني أبداً ما أشجع السيارة المستعملة .. لأنها في الغالب تكون فيها مشاكل. أنا سيارتي طوارق (فولكس واجن) .. مب نفس وسع النيسان والاند كروزر طبعاً .. لكنها تكفيني أنا وعيالي والخدامة باعتبار إن سلطان صار كبير ويقعد في المقعد الأمامي .. والخدامة والبنتين ورا ..... لكن إذا صاروا أربعة ورا أحس إنهم مب مرتاحين كثير. خذتها من أربع سنوات وشوي تقريباً .. والحمدلله ما صار فيها أي مشكلة لحد الآن. سيارتي السابقة كانت مرسيدس .. وكنت أدفع أقساطها من راتبي لما كنت بعدني موظفة .. لكن الطوارق كانت هدية زوجي لما ولدت مهرة .. وهو اللي يدفع أقساطها. |
رد : سيارتك يا رجل .. كيف اشتريتها ؟
أفضل سياره عائلية مدري
هههههههه اول سياره سراها اخوي هديه كورالا 98 ثاني سياره رحت وكنت ابي سياره ب 25 وكان معي اخوي الي اكبر مني وشريت سياره ب 48 قال اشترها وبزودك كورالا 2004 ثالث طلعت لأخوي الثالث سياره من العمل على راتبي انا وإياه بنفس الشركه وأخذت مقابلها سيارته ب 50 الف اقساط كامري 2010 وصلى الله وسلم |
رد : سيارتك يا رجل .. كيف اشتريتها ؟
تايوتا الأفضل بلا منازع
وشوفي السيارات العائلية منها ممتازة أرشح لك بريفيا أو البرادو أو اللاندكروزر |
رد : سيارتك يا رجل .. كيف اشتريتها ؟
مثل ماقالت أختنا تويوتا أفضل شي
|
رد : سيارتك يا رجل .. كيف اشتريتها ؟
عبالي بس اقترح سيارتين عظيمتين للعائلة و الأسرة الكبيرة.
أعتقد بيتنافسوا مع اللي ذكر فوق. اخواني عندهم عيال و بحثوا مليا حتى لاقوا المثالية. Honda Pilot - للقوة و تسلق الجبال Toyota Sienna - للوسع و الراحة و الأطفال و السفريات جدا مريحة ترى لازم تشوفي الوساع و المميزات اللي فيهم. عنا مشهورين كثير هل سيارات للعايلة بالنسبة لطريقة الدفع. انا لأنو عندي مكاليف ثانية أهم من السيارة رحت بالتقسيت من دون فوائد لمدة 3 سنين و بعديها دفعت المتبقي كله كاش. في عروض 0% لمدة 1,2, او 3 سنة. ابحثي جيد |
رد : سيارتك يا رجل .. كيف اشتريتها ؟
هو اكيد زوجي الي راح يسوقها .. عقبال ما اروح بعثة و اطلع لي رخصة ههه
فمانبغاها مررررررة ضخمة و لا مرة ضيقة و هيونداي ما احبها ابدا ابدا ابدا .. . . اخوي نجم سهيل تسلفنا اخوك ! ههه ماشاء الله عليه ربي يخليكم لبعض . . مهرة .. انا أكره شي عندي بحياتي .. اتابع الكورة و السيارات و موضة الملابس هههه راح اخد برأيكم و نصائحكم .. يا دوب الاقي وقت ادخل منتداي الحبيب ^^ . . ام الدانة راح يكون استخدامها يومي ايضا .. ما نبغاها مرررررة دفشة .. . . آفاق المجد جاري البحث عن صورهم في جوجل ^_^ |
رد : سيارتك يا رجل .. كيف اشتريتها ؟
كوكب انيق
نحن عيلتنا صغيرة .. بالكثير .. ثلاث اطفال و انا و زوجي و الشغالة .. متعودين عالسيارات الصغيرة .. مرسيدس بي ام دبليو .. كورولا .. فورد .. هذه الي مرت علي . و لا انا بجد هبلة بالسيارات هههه .. اعرف بس سيارة لونها بني ؛ سيارة سودا .. بيضا .. رمادي خخخ و كلها تكون سيارات مستخدمة زوجي يشتريها و يدفع في تصليحها أضعاف سعرها .. ما احب السيارة الضخمة مرة .. و لا حتى زوجي يحبها .. نبغاها على قدنا و ما تسبب لنا ضيق .. المرة هذه راح اشتريها و أسجلها باسمي .. و ابغاها جديدة و تعيش اقل شي خمس سنوات .. و ابغى قسطها خفيف .. ايش الفايدة اذا كبر ولدي و اشتريت له سيارة و حرمته تركب السيارة و انا عجوز في بيتي ههه خليني ابسط حالي و اولادي و لا نضيق على حالنا .. : ( |
رد : سيارتك يا رجل .. كيف اشتريتها ؟
روح إذا تبين صغيرة موب ضخمة فمالك إلا الكامري أو الأفالون أو اللكزس
|
رد : سيارتك يا رجل .. كيف اشتريتها ؟
ابغاها واسعة و كبيرة
بس مو ضخمة .. يعني صفين كراسي وراء .. لانه لما نسافر بالسيارة ما نقدر ناخد العربية حقتهم عشان لو رحنا السوق او اي أماكن تمشية و ياخدوا راحتهم بالسيارة كمان .. |
رد : سيارتك يا رجل .. كيف اشتريتها ؟
ما ابغاها كمان صغيرة ..
متعبة و زحمة و ماهي عملية : ( عشان كذا فكرت نجيب سيارة .. عشان راحة الاولاد .. لو صغيرة ما راح افكر ابدا اني اشتريها .. |
رد : سيارتك يا رجل .. كيف اشتريتها ؟
اذا وضعك جيد اشتري جيب لكزس ب410 و يعتبر شيك بالجيب
|
رد : سيارتك يا رجل .. كيف اشتريتها ؟
روح ..
تبين سيارة تكون فور ويل ومع ذلك مش ضخمة كثير ؟؟ عندك ال Rav4 .. الجديدة جدا جميلة .. صارت تشبه اللاند كروزر بس أصغر حجما بقليل .. ولأنها يابانية - تويوتا سعرها وقطع غيارها وصيانتها مناسبة .. وأيضا قوية وتعمر معاكم بإذن الله .. |
رد : سيارتك يا رجل .. كيف اشتريتها ؟
روح..
كم المبلغ اللي مقدرته للسيارة؟ |
رد : سيارتك يا رجل .. كيف اشتريتها ؟
فورد والجمس
قويات واسعارهم حلوه .. روحي اختاري ما يناسبك وتحت نظرك وانواعهم عديده .. واذا كانت عندك المقدره .. جيب لكزس .. بالتوفيق . |
رد : سيارتك يا رجل .. كيف اشتريتها ؟
الأمريكي قطع غياره غالية
ومع الوقت يهربد يعني ما يعيش ! |
رد : سيارتك يا رجل .. كيف اشتريتها ؟
بعد ما قرات كل الردود حسيت ان ردي بيطلع شاذ!!
ظروفي مشابهة لظروفك تماماً يا روح ، لكن ظل زوجي يلف ويدور سنتين يبيني اشتري غير " اليوكن" بس عجزت عجزت ولو تشوفين عندنا صارت هي والتاهو رقم 1 للعواءل راحة وفخامة وسعة، خاصة لما تاخذينها فل كامل اذا اقتنعتي كملت لك واذا تحسينها كبيرة وما تصلح لك ، يكفي اللي قلته طبعاً اتكلم عن الحجم الصغير |
رد : سيارتك يا رجل .. كيف اشتريتها ؟
روح ليش م تبين اللاند كروزر ؟مع اني م اشجعك تطلعين سيارة اقساط
وعندك اقساط البيت 😢،، مرررة خاطري زوجي يمتلكها بس يقول لي لما يصير عمره 30😨😨 |
رد : سيارتك يا رجل .. كيف اشتريتها ؟
شوك فعلا اليوكن فخامة وراحة
بالذات الدينالي😍👌 |
رد : سيارتك يا رجل .. كيف اشتريتها ؟
عفوا روح كنت اقصد البرادو اللي اصغر شوي من اللاند كروزر ..
|
رد : سيارتك يا رجل .. كيف اشتريتها ؟
يا زين شركة فورد،
يوم كان عمري 14 كانت سيارتي قراند ماركيز 96 دخلت الجامعة طلع لي الوالد الله يرحمه كراون فكتوريا ، يوم تزوجت طلعت فورد فليكس ، وناوي اذا رزقني الله الذرية الصالحة اطلع اكسبديشن، |
رد : سيارتك يا رجل .. كيف اشتريتها ؟
ونسيت اذكر ان الدورية الي استلمها في الدوام كراون فكتوريا ،
لا تستغربون بعد كم سنة اصير وكيل فورد |
رد : سيارتك يا رجل .. كيف اشتريتها ؟
بحكم خبرتي ومجالي في السيارت انا انصح بالفورد ايكسبديشن اكبر جيب في الفورد سيارة قوية واسعة جميلة فيها جميييييييييع وسائل الامن والسلامة والترفيه اقتصادية للوقود صح ان المحرك 8 سلندر لكن فيها انضمة اقتصاد للوقود وسيارة رخيصة مقارنتا بمنافسينها فهي الارخص وقطع غيارها متوفرة في كل مكان ورخيصة ليست مستهلكة للقطع المتغيرة ووكالتها عندنا في السعودية توكيلات الجزيرة من احسن الوكالات وصيانتها ممتازة ولا عليها غبار .
وانا ايضا لا انصح بالاتي التايوتا لانها اخذة اكبر من حجمها بصراحة وسمعة على غير جودة ولا اصبحت تصنع في اليابان وغير كذا معد سارت رخيصة اسعارها جدا جدا جدا غالية قطع غيارة صح انها متوفرة لكنها غالية جدا والسيارة لا توجد بها سعة ورحابة مقصورة الركاب في الجيب اللاند كروزر ضيقة والجيب السيكويا وسعة قليلا مو زي جيب الفورد باختصار تايوتا جودة تلاقي لكن ليسة جودة يابانية اصلية واسعارها غالية جدا جدا جدا . الهوندا ممتازة لكن وكيلها مغلي قطع الغيار والصيانة سئية جدا السيارت اسعارها معقولة وجودتها افضل من التايوتا بحكم انها لاتزال تصنع في اليابان من الصدام للصدام وما عليها خلاف بس عيبها قطع الغيار جدا غاليا . الهونداي سيارات ممتازة والان الشركة في نهضتها قطع غيار رخيصة سيارت اسعارها رخيصة وكلاء متعددين وممتازين سيارة كورية اصلية جودتها ممتازة جدا جدا جدا وانا عن نفسي افضلها عن التايوتا بس عيبها شئ واحد سيرات ضيقة بالنسبة لي ما ارتاح فيها بسبب صغر حجم مقصورة الركاب . الشفر والgmc من اروع ما يمكن قيادته قوة صلابة توازن فخامة قطع غيار معقولة وكالة ممتازة اسعار متوازنة لكن السيارة تحتاج الى عناية وصيانات دورية حتى تستمر تلتمس فيها شعور اول قيادة . واذا في احد في باله شركة معينة ممكن يسالني |
رد : سيارتك يا رجل .. كيف اشتريتها ؟
يعني انت عندك رغبة بسيارة فورويل ( تسمونها جيب في السعودية ) ولا سيارة صالون عادية لكن بها ثلاث صفوف للكراسي وحقيبة واسعة يعني سيارة ليست مرتفعة لكنها عائلية .
هناك سيارات ليست جيب لكنها عائلية ووسيعة مثل تويوتا سينا ، ونيسان كويست وهوندا اوديست عندنا في الامارات اكثر الناس على التويوتا اولا ثم النيسان بينما الامريكي شبه منقرض ماعدا الجمس اما الفورد واخوانه فسوقه شبه ميت |
رد : سيارتك يا رجل .. كيف اشتريتها ؟
سيارتنا بعير نيسان
ماينفع لحفر مكه ومطباتها وعقومها الا هو لاصارت سككنا زي القزاز ذيك الساعه يمكن تكون طلعت موديلات جديده |
رد : سيارتك يا رجل .. كيف اشتريتها ؟
سلام عليكم اول مشاركه لي بهذا المنتدى الموقر سيارتي كورولا اشتريتها بحكم أني اشتغل في نفس الشركة قبل اخذها كنت بأخذ افالون قلت غاليه بعدها قلت كامري قلت تدفع المبلغ ف الكامري وانت تبي اتزوج المهم احنا يا موظفين الشركه عندنا خصم توصل الين 25 الف هذا العرض على بعض السيارات وكل سياره يختلف الخصم عليها فالبدايه ندمت أني اخذتها قلت مشي حالك بعدين اغير
|
| الساعة الآن 09:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©