|
زوجي كثير السخرية مني
السلام عليكم
طبعا انا متزوجة من سنتين وعندي توآم الحمدلله , طبعا انا معقده بشكل مو طبيعي خلاص ماني قادره اتحمل ابد اولا خليني اقولكم عن اهلي المحترمين دوووم دووووووووووووم يطقطقون علي وماكو اي احترام ابد لآرائي او اقتراحاتي او افعالي دايم ماخيني مطنزه للي يسوا واللي مايسوا مادري والله العظيم كرهوني بعيشتي شنو هالاهل عقدوني عقدوني عقدوني دايم حتى صوتي او شكلي كل فيني مطنزه بالنسبه لهم صرت اكره جمعتهم واكره اسولف وياهم صرت معقده لآبعد درجه طبعا انا الوحيده اللي ماكو احد يعتمد علي طايحه من عينهم المشكه ياجماعه حتى ابوي وامي ياخذوني مطنزه واذا زعلت او تكلمت وياهم قالولي يلا عاد انت حساسة وانت تكبرين المواضيع ترا عادي وووووووووووو كلام لا يخلص ولا يدور والمشكله اللي قاعده تقهرني اكثر انه كل اخواني واخواتي اللي اكبر مني مايعاملوهم بهالطريقه ابد صحيح ساعات يطنزوا عليهم بس بحدود ووين ووين تصير لكن انا كل ماشافوني قالوا جات الهبلة !!! انزين الى متى ؟ الى متى ؟ وانا جذي صرت وايد عصبية ووايد انفعالية وصرت معقده ومااسوي الشي الا وانا مفكره فيه الف او مليون مررررره ويمكن فوق بعد الحين بقولكم عن زوجي المحترم واللي بكاني وخلاني اكره نفسي زياده انه نسخه من اهلي بس يطنزز علي ويتكلم فيني بالشين عند امه وابوه وخواته اذا قعدنا سوا طبعا انا كلمته اكثر من مره انه اللي قاعد يسوي غلط ومايصير المفروض تحترمني يرد علي بنفس جواب اهلي ودايم يطنز على شكلي ويتغزل بكل الحريم الا انا ماعمري سمعت منه كلمه حلوه ولو طلبت منه يقولي بشنو اتغزل بالضبط ! انت شنو بالضبط ! طبعا دوووم شايف نفسه علي ودووووم يقارن بيني وبينه يعني مثلا انا مراات اقوله مافهمت وضحلي اكثر يقوم يرد لا انا ماحب اعيد ليش ماتفهمي كلامي من اول مره ؟ ذكائك محدود على مطبخ وسوق وبرامج تافهه !!! كله يومي معاه نجره نجره نجره نجره وزجي مايعتمد علي طبعا وحتى لما يستشير مايستشيرني لا يروح يكلم خواته الله لايوفقه وياخذ رايهم ولما اقوله وانا ؟ شنو مكاني انا ؟ جدار عندك يرد يقول انا خواتي متعلمات ومثقفات وفاهمات واثق وايد في ارائهم !!! وكاني انا عكسهم تماما حسبي الله ونعم الوكيل وازيدكم من الشعر بيت شايف نفسه افضل واحد بالعالم واجمل واحد بالعالم ومحد مثله يعني كانه الرجل الذي لايتكرر وزوجي غيور من الرجال اللي يكون عندهم مناصب او جمال او اي شي اي فيه موقف بقوله لكم مره امه سالتني عن شغله وهو كان موجود قام يضحك ويقول يمه لا تسالينها عن شي ماتعرف شي والله العظيم لساني انربط من كثر ماانا مصدومه من حركته وامه قالت اجل سلام عليكم قمت طبعا كلمتها قلت لها تراه يمزح وابي اجاوب على سؤالها الا تمشي وكاني ماني موجوده !! ليش ؟ بس مو منها من زوجي الله لايوفقه حسبي الله عليه وعليها والله العظيم اكرهم كلهم كلهم بدون استثناء لا حب ولا اهتمام ولا شي اكره كل شي حولي واولادي مطلعه الحره فيهم مادري شسوي انا صورتي عند الجميع بدون استثناء الغبيه الثوره الخبلة المينونه ومسميات كثير لي ومهما حاولت اثبت بطرق كثير اني عكس هالشي محد راضي يحترمني او يقدرني او يقدر مشاعري او يهتم فيني او يثق فيني او يشوفني شي كبير عنده انا واااااااااااااايد متحطمه من الداخل زيروو yyy طيب انا بصراحه ودي اطلق من زوجي لان ماكو احترم ولا دايم ماخذني مطنزه الخدامه يحترمها اكثر مني ولا حب ولا اهتمام انا بصراحه مااحبه مااواطنه بعيشة الله اكرهه كره العمى وودي باليوم اللي مااشوفه فيه ولا اقابل اهله خلااااص سنتين وبزياده علي ومقصر وبخيل معي يقولي لو كنت ......لو كنت ...... كان دورتك العالم كله بس انت حرام فيك وبعد هالكلام يقولي امزح وياك !!!!!!!!!!!!!!!!!!! ادري انه الكل بياخذني مطنزه وبسمع كلام من هنا وهناك بس انا مليت والله العظيم مليت وماني قادره اتحمل وانا اسمع الكلام اللي يضيق الخلق من كل مكان من الاقراب والابعاد ومن اللي مفروض يحموني في هالدنيا اجل فيه ابو بهالدنيا يسمي بنته وجه النحس !! yyy والله كثير تمنيت الموت خصوصا وانا صغيره وانا بعد مراهقة (تم التعديل ليتناسب مع المضمون) |
رد : ماعاد اقدر اتحمل
چم عمرج ؟
فيه سؤال ضروري تجاوبين عليه ... ( ليش كلهم يعاملونج چذي ؟ ) ابحثي عن السبب .. هذا السؤال الجوهري |
رد : ماعاد اقدر اتحمل
لا حول ولا قوة الا بالله
ما اعرف إِيش أقولك،جربتي تبينيلهم حزنك الشديد من هذا الشي؟اعتقد ان زوجك صار يغلط عليك بسبب قلة إيمانه اولا ومعاملة اهلك لك ثانيا..حاولتي تتكلمي مع أخواتك مثلا؟ تبيني حزنك وقهرك من هالشي؟ تعرفي منهم ليش شايفينك كده؟ لا ادري صراحة لا افهم، كيف مستواك الدراسي؟ منذ متى صار زوجك يستهين بك ، انت بموقف صعب لأنك ام لتوأم هذا ليس بالأمر الهين اضافة الى الالم النفسي الذي تواجهينه من كل الجهات.. عليك ان تقفي وقفة صارمة وقوية لأنهم يتعدون عليك وخاصة زوجك ماشاء الله عليه |
رد : ماعاد اقدر اتحمل
شوفي ياقلبي اكيد في شيئ يجعلهم يقولو كذا
لكن حتى لو في شيئ يجعلهم المفروض ينصحوك مو يطنزوا الان التغيير ضروري يجي منك .... أول شي تتخذيه الصمت أغلب وقتك كوني صاااااامته لا تتدخلي في سواليفهم خليك ثقيييييييله مررررره واذا جرحوك قومي ساكته سوي اي شي اشتغلي او نامي اذا حاولو يعرفو اشبك انتبهي تقولين انتو كرهتوني في عيشتي انتو وانتو لانه واضح انك طيبه بزياده لما يقولو نمزح ترضي بسرعه لا ياقلبي طنششششي وقولي مافي شي عبري لهم زعلك بسكوتك .... خليك كذا فتره طويله رح يحسو بتغيرك ... لاتكوني لزقه مره لا عند زوجك ولا اهلك إشغلي نفسك بأمور تهمك إنتي... بتلاقي مزيد من التحطيم لكن اجعلي السكوت هو الي يحل مشكلتك .... واذا حبيتي تسولفين معاهم لا تمونين بزياده ويرجعو يستهتروا ... |
رد : ماعاد اقدر اتحمل
كلام متفائلة صحيح مئة بالمئة عليك ان تتجنبي الاجتماع واياهم واذا اضطررتي لذلك فكوني ثقيلة رزينة صامتة متققللة من الكلام وحتى لو استهزؤا بك لا تدافعي عن نفسك عبسي وجهك وقومي من مكانك واذا ضغطو عليك فتجاهليهم نهائيا وطنشيهم واكتفي بكلمة واحدة فيهم دائما وخليهم يسمعوها كلما اساؤو اليك حسبي الله ونعم الوكيل
|
رد : ماعاد اقدر اتحمل
اقتباس:
زوجك شاف اوسمع اهلك يطنزون فيك عنده ؟ |
رد : ماعاد اقدر اتحمل
اختي حب نفسك اكثر ولاتحطمينها فيه ناس عندهم التطنز بالناس خفه دم
وحاولي انك تكوني واثقه من نفسك اكثر واكثر ولايهمونك صدقيني اول ماتتغيري مع نفسك راح تتغير نظرتهم لك وبعد طوري نفسك وثقفيها وحرام عيالك ايش ذنبهم واذا عندك عاطفه ومحتاجه حنان فرغيها بعيالك وضمك لهم صدقيني حبيبتي اذا عطيتي نفسك حق راح تتغيرين وحبي نفسك ولايهمك احد اقراي عن موضوع الايحا الذاتي واقراي عن الانماط الشخصيه وكيف تتعاملين معهم انتي جنوبيه غربيه وشكل زوجك شمالي غربي الله يهدي بالك يارب ويسعدك ان شالله وريحي نفسك الدنيا ماتسوى |
رد : ماعاد اقدر اتحمل
أختي العزيزة
كوني اكثر ثقة في نفسك ما عليك بأحد واثق الخطوة يمشي ملكا من ناحية زوجك ربما انه سمع استهزاء اهلك فبالتالي الأغلبية من رجال إلا ما رحم ربي مايصدق ذلك فيبدأ بالاستهزاء بزوجته وايضاً يقوم بمعيرتها باستهزاء أهلها فهذه تعتبر ردة فعل له برغم انها لست مبرر له اما أهل الزوج اذا كان الزوج يحترم زوجته ويقدرها فانهم يحترمونها حتى لو كانوا ما يحبونها فقط لان زوجها فرض عليهم احترامها والعكس صحيح فحتمال هذه ردة فعل لهم بسبب كلام ولدهم اللى هو زوجك اما بنسبة لأهلك فاعتقد هم الجوهر وأساس مشكلة لأنهم بشكل وآخر هم منشأ هذه المشكلة لذلك اجلسي مع اقرب الناس لك منهم واللي تلتمسي فيه خير وقولي ما بخاطرك لهم لعل وعسي يتركوا هذا الاستهزاء لو على الأقل امام زوجك لكن فيما بينكم كاهل الامر عادي ياختي هذه مثل الفكاهات بين الأهل والضحكات العفوية على سبيل المثال اضرب لك مثل في واحدة من أخواتي مانقول لها إلا الروله وهي ما تزعل تدرين ليش ؟! لانها فعلا روله ذلك شيء عندها بروليه وحنا ما نقصد الاستهزاء بها بل نقصد نحي قلبها الميت في أمور كثير لازم الانسان ينتبه لنفسه فيها يعني انت شوفي نفسك تفقدي نفسك ليس يقولون لك كذا وحاولي الإصلاح وانت ساكته وإذا ما في شيء عادي مشي وتجنبي الاحتكاك اذا الامر هذا يزمك نفسيا الله يهديك ويصلحك شيلي من فكرك الطلاق ماله داعي ولا مبرر ترى عادي حبيبتي اغلب الرجال يقولون كذا لزوجاتهم مثل المزح والمرح ممكن يعتبرها او التنفيس ما عليك اطلعي واقرئي كل ما يخص الثقة بنفس وتعلمي |
رد : زوجي كثير السخرية مني
متفائله200
طبقي هذا الراي . . مع زيادة حب نفسك وتقوية الثقه . . وربي يوفقك ان شاء . . |
رد : زوجي كثير السخرية مني
زوجك وش عرفه إن أهلك يعاملونك بهالطريقة ويستنقصون منك ومن قدراتك ومستخفين فيك ..؟! إنتي قايلة له هالشيء في ساعة صفا ولا هو سمعهم بنفسه .. لأن إذا لا هذا ولا هذا أعتقد فيه مشكلة حقيقية عنـدك مش معقول يكون هالشيء صدفة ..
اش مستواك التعليمي .؟! كيف استيعابك بطيء ولا طبيعي ..؟ |
رد : زوجي كثير السخرية مني
عيبك عدم الثقه فقط
كل ماطنشتي كل ما هم تغيروا ، لكن تبيين لهم انفعالك راح يبتلون يلعبون بك التطنيش فن من أتقنه ارتاح طول عمره |
رد : ماعاد اقدر اتحمل
اقتباس:
والله العظيم مادري انا اسال نفسي هالسؤال مليون مره ليش ؟ وليش ؟ انا تصرفاتي جدا عادية وكلامي بعد عادي جدا اي بمعنى انا وحده عادية جدا |
رد : ماعاد اقدر اتحمل
اقتباس:
والله العظيم ي جماعه انا ادري انه الكل راح يفهم اني انا خبله وغبيه مثل مايقولون لآنهم كلهم متفقين علي اهلي وزوجي الله لا يوفقه واهله الله ياخذهم انا لو ادري الوضع جذي كان والله العظيم ماتزوجت ولا جبت هالتوآم احسهم هدوا حيلي ومسؤولية على راسي وجامعتي ومن ناحية اهلي ومن ناحية اهل زوجي ومن ناحية زوجي انا مهما وقفت وقفه معاهم او سكت وبلعتها يتمون يزيدون علي حسبي الله ونعم الوكيل |
رد : ماعاد اقدر اتحمل
اقتباس:
مره من المرات نادتني امه وانا والله ماسمعتها وصارت مشكله عوده وقعدت تقولي حضرتها جم مره انا ناديتها والله انا مو لازقه لهم حتى كلامي قليل وياهم بس انا ادري انه كله بسبت زوجي الله لا يوفقه وكلامه عني وقلة احترامه لي وكاني جدار عنده |
رد : ماعاد اقدر اتحمل
اقتباس:
هذا شي حضرته بس فيه اشياء ثانيه اكيد تصير من ورآي |
رد : زوجي كثير السخرية مني
اقتباس:
بس انا طبيعية وماشيه بدراستي بس لما اسال عن الشي مره ثانيه او اقول اني مافهمت هالنقطه او هالموضوع يكبروا الموضوع بشكل مو طبيعي وكاني مسويه فعل كبير مادري شلون هو سالني ليش اخوك يقولك خبله قلتله يمزح |
رد : زوجي كثير السخرية مني
الشيء اللي مو فيك ماهو لازق فيك..ماعلييييك منهم ابد ابد..
اقولك طريقه زوجك ذا اذا وجهلك انتقاد قولي يعيبون ف الناس والعيب فيهم وعطيه ابتسامه وامشي .. عشان يعرف ان فيه عيوب هوا الثاني اما اهلك احمدي ربك انك ف بيت خاص بك مو ساكنه معاهم وزوريهم صلة للرحم بس واهل زوجك لاتروحين لهم اذا يضايقوك والله ي قلبي الزم ماعلى الانسان نفسه وسعادته مدام مغثه ليكي سيبك منهم وكوني مجتمع خاص بيك من صديقات وفليها معاهم .. |
رد : زوجي كثير السخرية مني
اختي في الله
كثير منا يسأل كذا مرة عن نفس الموضوع ومايفهم بسرعة او يكون عنده سرحان او بطىء استيعاب لكن الاحتراااااام خط احمر لما احد يسبك اعطيه نظرة قوية خليه يفهم انك غاضبه ولست حزينه انما غاضبه ودون الحديث اللي مايحترمك ما يلزم تردين عليه طبعا بإستثناء والديك وزوجك لكن زوجك لازم تحطي له حد بيني له دائما انك سعيده وواثقه من نفسك وانه صديقاتك بالجامعه يحبوك ويستشيروك وكوني امام زوجك غالبا رايقه ومهتمه بمظهرك وعايشه حياتك اجتهدي بجامعتك واكثري من الدعاء بالسجوووود لكن بالخير اختي اقرأ القرآن بتأني وخشوع واجعلي لك ورد يومي اجعلي حبيبك وخليلك وشكوى همك الله والله فقط تذكري ان الدنيا هذه تااااافه ومصيرنا الى ترااااب اطفالك ياقلبي رجااااء انت تدمري نفسياتهم بتفريغ غطبك بهم تذكري انهم سيكبرون ويكونوا عزوتك والله لن يرضوا بكلمه تقال لك لاتعجبهم سيدافعوا عنك ويعزوك بأذن الله احضنيهم كثيرا فالطفل يولد وبداخله طاقه حب كبيرة وطاقه ايجابيه كبيره ارحمي ضعفهم ليرحمك الله احبيهم واعطفي عليهم وانما ترحمون بضعفائكم اكثررري من الاستغفار تقربي الى الله ودعي الخلق للخالق وسترين عجبا |
رد : زوجي كثير السخرية مني
حبيبتي اهدي شوية
شكلج من اللي ياج منهم صرتي وايد عصبية ترى باقولج كل الرياييل عند نفسهم انهم اسنع واروع الناس وانهم افهم الناس اذا زوجج غلط عليج مرة ثانية حطي بالانستقرام او ستاتوس الواتس اب عبارات عن ان الانسان هو اللي يحترم نفسه او مثلا تسلم ايدج يا يمه انح ربيتيني عالاحترام وصليله ريالة غير مباشرة و اذا غلط عليج عطيه نظرة حادة وقومي من مكانج والزمي الصمت وكل ما ياج او قعد معاج الزمي الصمت وغيري مكانج او قومي صلي جدامه ( هالحركة تخوف الرياييل وايد) الله يعينج |
رد : زوجي كثير السخرية مني
لبى روووووحك لا يهمونك
رددي في نفسك انا ذكيه يعني مدح لنفسك قومي صلي ركعتين وادعي ربك كل مافي قلبك وسعي صدرك فيه ادعيه حلوه تكفيك شرهم وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ (9) اللهم اكفنيهم بما شئت ) الله يسخر لك |
رد : زوجي كثير السخرية مني
وينك اختي
طمنينا عنك |
رد : زوجي كثير السخرية مني
شوقوا ي جماعه خلاص انا تعبت تعبت تعبت تعبت
خلاص مو قادره اتحمل شي منه او منهم احس انه بيجي اليوم وبخربها واللي يصير يصير ليش انا اراعي واداري وهم لا بس عشان هم اهلي ولا زوجي اللي ياخذه ماعاد اطيقه الله لايوفقه اكرهه كره العمى ولا حتى اهل زوجي وامه الغبيه الله ياخذها يارب اكرهها وبعدين وبعدين الى متى انا بتم جذي المصخره حقهم ي جماعه على اقل شي يدخلون سوي جي ولا تسوي جذي وبعدين وبعدين ؟؟ يعني انا ادري اني بتصرف هالتصرف بس هم عنادا يتم يعاملوني مثل الطفله لاتقولولي طنشي طنشي طنشي الى متى وانا بطنش الى متى مو معقول وبعدين زوجي يتم يعاملني مثلهم وماخذني مطنزه طول اليوم ويتم يطنز على كل شي فيني وماكو كلمه حلوه ولا اي اهتمام ولا اي شي ولا حتى رعايه واحيانا يهملني ويهمل اولاده بس شاطر يعطيني جم دينار انزين والنهاية وكله نجره ومشاكل وهو بس يختلف معي حتى ع المواضيع العاديه او العامه ولا احيانا يقولي انا باخذ مشورة الزفت اخته عشان شنو عشان مااجيب انا العيد فيه الله ياخذهم يارب وطبعا من تعامله الزفت معي اهله ماخذيني مطنزه خلاص انا مو قادره صراحه اتحمل على الاقل في بيت اهلى اقفل على نفسي الباب وارتاح منهم ومن اصواتهم لكن هني انا مضطره اجابل ويهه الله ياخذه او اروح لآهله ولا يتم يقولي ليش ماتروحين لآهلج ولا عشان يعطونج على راسج !!!! وتبوني بس اتم اطنش ؟ وبصراحه اولادي ماعاد اطيقهم نهائي ياخذهم حلال عليه خلاص كرهت كل شي البيت الاولاد كل شي كل شي كل شي |
رد : زوجي كثير السخرية مني
واضح إنك واقعة تحت ضغط نفسي شديد جدا !
هل كل ما يزعجك هو سخريتهم فقط أم تعانين من ضغوط أخرى ؟ شرح الله صدرك وأعانك |
رد : زوجي كثير السخرية مني
هدي حبيبتي والله محد مستاهل بالدنيا تزعلي نفسك كذا عشانوو
|
رد : زوجي كثير السخرية مني
اقتباس:
هو الواحد انولد من بطن امه يعرف كل شي ماكو احد يهتم فيني ولا يسال عني جد والله احيانا احس اني جدار وزوجي مسوي نفسه علي , دوم شايف نفسه هو افضل مني هو احسن مني هو اكثر علم وثقافه وخرابيط وهو اجمل مني الحمدلله والشكر حتى لما نشوف صورنا يقولي تدرين شيقولون قلتله شنو ؟ يقولون كلهم انا اجمل منج باالف مره انا كنت اضحك انه عادي يتغشمر لكن هو دوم كذا محسسني انه كل اللي برا افضل مني اوف |
رد : زوجي كثير السخرية مني
جربت إذا قالوا عنك كذا تزعلين وتتركين المكان ؟
حاولي تكونين رسمية جدا معاهم اهتمي بمظهرك جدا وسعي مداركك بالقراءة احرصي على ضبط انفعالاتك مع أولادك والله يا أختي ما أعرف السبب الي خلاهم كذا معك يمكن هي سلسلة منشأها من تعامل أهلك معك كذا أمام زوجك إن لزم الأمر تكلمي مع أهلك بحزم إنك ما تقبلين على نفسك هذا التعامل مطلقا لأني لحظت إنك تقولين ضحكت على تعليقاته على الصورة ومختصي التنمية البشرية يقولون نظرتك لنفسك تحدد نظرة الناس لك أسعدك الله |
رد : زوجي كثير السخرية مني
يا قلبي قطعتي قلبي
بس والله اطفالك حرام مالهم ذنب لاتخسريهم والله بكرة ياويله اللي يقول عنك كلمه ياخذوا حقك مرتين اتكلم من واقع اشوفه بعيني لاتخسريهم اختي لا ترميهم بكرة يعبوا قلوبهم يقولوا لهم امكم رمتكم لانها تكرهكم الله معك اختي والله ينصر المظلوم ولو بعد حين لاتيأسي واكثري من الدعاااء ان الله لايمل حتى تملوا فرج الله همك |
رد : زوجي كثير السخرية مني
الله يعينك
منجد اهلك غريبين اذا بينكم نمشيها لكن حتى امام زوجك صعبه مره!!!😶 اولا: انتي هدي اعصابك.. وادعي ربك ينزل حبك واحترامك في قلب زوجك<<ضروري هالنقطه لا تستهينين فيها واقراي كثيييييير عن تطوير الذات والثقة بالنفس واجلسي جلسات استرخاااااء وبناتك نايمات وحطي جنبك فواحه بريحه تحبينها مره ورددي لنفسك كلمات ايجابيه انا ذكية انا واثقه من نفسي وووووو ثانيا: اهتمي بمظهرك مررررره حسب المناسبه طبعا حتى لو بالبيت خلي مظهرك يوحي انك تحبين نفسك وعازتها ورازتها ولا تتباسطي بالكلام مع احد لدرجة يتجرا عليك بالكلام حتى اخوانك دام هذي فعايلهم ثالثا: خلي صمتك اكثر من كلامك.. ف الصمت هيبه كما يقال رابعا : اي واحد يقولك ربع كلمه لا تطنشين ولا شي طالعيه من فوق لتحت بنظره حااااااره تحرقه وهو مكانه وقولي وعينك بعينه مش تطالعي بالارض عينك تخرم عينه احترم نفسك وهالكلمه الوسخه لا تعيدها مره ثانيه وامشي بطريقك سولفي او العبي مع بناتك بكل جرءه وثقه بنفسك يا رب ما تحطميني وتقولين سويت هالاشياء.. بنقهر اكثر عليك 😓 وحتى لو سويتيها عندهم تراكمات من اثر التربية والبيءه لازمك صبر واسمرار حتى تنجحين الله يقويك عليهم.. |
رد : زوجي كثير السخرية مني
اقتباس:
::PPP::PPP::PPP مع هذا الرأي وداااومي لأنهم ماخذين عنك فكرة وتغيير هذي الفكرة يحتاج منك صبر ووقت لين تغيرينها موفقة dff |
رد : زوجي كثير السخرية مني
اقتباس:
|
رد : زوجي كثير السخرية مني
اقتباس:
مثل زوجي واهله بس انا انسانه عادي اقرا وادرس واروح واجي والبس واتكشخ وادرري بكل مناسبه شنو المناسب عادي مثلي مثل غيري لكن العله فيهم هم حتى لو ماعجبهم اللي انا اسويه كل شخص براحته انا كذا مو لازم اتكلم واتصرف والبس واروح واجي على كيفهم وانا ماطالع بالارض لا بالعكس وايد انصدم او اقوم من المكان او اخز بنظرات بس الى متى وانا بتم على هالحال |
رد : زوجي كثير السخرية مني
لما احد يتمسخر عليك
قوليله ان اكرمكم عند الله اتقاكم وسخريتك مني كفيلة إني اخذ حسناتك خلي المسخرة تتحسر عليها يوم القيامة والله والله لي موقف معكم يوم الحساب |
رد : زوجي كثير السخرية مني
اقتباس:
اذن مالك الاصبر..مع الاستمرار على ما سبق ذكره |
رد : زوجي كثير السخرية مني
والله انا افكر بالطلاق احس الحل هذا راح اتنفس معاه ولا الهم اللي انا فيه بس اهلي مارح يوافقون وبيحاولون يرون انت خبله وشوفي فلانه وشوفي فلانه
انزين في موضوع ثاني انا واللي مايتسمى زوجي سافرنا قريب المشكله انه امه وخواته واخوانه يسافرون ويانا وانا مارتاح ابد وفيه اخوانه يعني ابد ماكو راحه وكانهم هم اللي مسافرين وانا مو موجوده ولما قلتله عن الموضوع قالي هذول اهلي والله اني اقول ليش اقعد وياه وهو لاحب ولا احترام ولا اهتمام وكله مصخره وطنازه |
| الساعة الآن 03:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©