قريبتي تتابع حساب زوجي في أحد برامج التواصل
 

بسم الله الرحمن الرحيم
بدخل في موضوعي على طول......
اكتشفت في حساب وحدة من قريباتنا وهي غير متزوجه بانها اضافت زوجي في الاستقرام وهو اضافها ويحط لايكات بس مدري هوة يدري انها هي او مايدري
وش اسوي اواجههه بالحسابات
او اسكت
او اكلم البنت او امها
علما بان البنت تتفاخر امام البنات بانها ضايفه عيال اعمامها وخوالها وتتابعهم....
ماالحل......

تم تعديل العنوان

رد : قريبتي تتابع حساب زوجي في أحد برامج التو
 

بكل اختصار
قولي له
هل توافق اني اضيف احد من اقربائك او اصحابك واعمل لهم لايكات

ودمتم في حفظ الرحمن

رد : قريبتي تتابع حساب زوجي في أحد برامج التو
 

نصيحتي لاتواجهين زوجك ممكن ماعرفها
وتنبهينه ممكن تواجينها بنفسها واستفسري ليش ضايفه زوجك وهدديها

رد : قريبتي تتابع حساب زوجي في أحد برامج التو
 

ضايفها عيال عمها وقرايبها صار الأمر عادي تضيف أي ولد وتكلمه الله يهديها المهم كلميها قولي لها زوجي ذا مايحق لك تضيفيه في مليون ولد مالقت الا زوجك

رد : قريبتي تتابع حساب زوجي في أحد برامج التو
 

بما انك مانتي عارفه زوجك يعرفها ولا لا
فروحي عنده وقولي بسراحه زعلانه منك واغار عليك مابي تضيف بنات بالانستقرام تكفى سو لهم ان فلو << بدون ماتذكرين له الاسامي حتى ماينتبه .
او اذا كان عادي تفتحي جوال زوجك فأحذفيها من غير علمه
^^
والله يكفيك شر البنات 😪

رد : قريبتي تتابع حساب زوجي في أحد برامج التو
 

زوجك مشهور

مميز

له كتابات في تويتر ووضع حسابه في مواقع التواصل الاخرى

يطلع صورته واضحه ؟

وبلقب العائله عادي

ونفس الاسئلة اطرحها عن قريبتك ؟

بعضهم تضع لقب ف البحث وتضيف كل اللي يشيل هذا اللقب كذا مو معناها تعرفه تويتر او غيره

اذا كان يقرب لها تلقيها اخذت حسابه من حسابات اخوانها يعني لما تضيفين شخص تدخلين ع متابعينه وتضيفين زي كذا

انا من رائ انتبهي تقدمين ع خطوة تندمين عليها وتصير مشاكل لا لها اول ولا تالي

وانت ادرى بزوجك اذا له خرابيط او لا ؟!

تأني تأني

رد : قريبتي تتابع حساب زوجي في أحد برامج التو
 

لا ياعسل انتبهي تكلمي البنت او امها

امسكي جوال زوجك واحذفيها...

هو لو عرفها مارح يتكلم ولا راح يعاتبك ولو حصل تكلم قولي لاتفرح تراها ضايفه اولاد عمها وشلة العائله ولو بترجعها بضيف من اقاربي لا تحلل شي ع نفسك وتحرمه علي...

وبس بدون مشاكل وغيرة في غير محلها
وراقبي جواله بعد ماتحذفيها ممكن تدخل بحساب ثاني وتعاتبه عاد وقتها ثوري في زوجك مو فيها لانه اذا مااعطاها وجه مارح تتمادى ...

وان شاء الله انها اضافته من حسن نيه ماهي قاصده تضرك....

رد : قريبتي تتابع حساب زوجي في أحد برامج التو
 

صباح الخيرات
حبيبتي استخدمي كيد النسا😄
وقولي ان اقاربي يتكلمون عنك انك مضيف قريبتي وانا واجهتهم وقلت انه مايعرفها
وقولي لي له صدق انت مضيفها ماتوقعتك
وقولي تراها مضيفه كل اقاربي وانا ماعندي مشكله انك مضيفها بس اقاربي احسهم بقوه متفاءجين منك
وبس
ولاتكبرين الموضوع عشان مايتعلق زوجك فيها اكثر
بالتوفيق

رد : قريبتي تتابع حساب زوجي في أحد برامج التو
 

رد : قريبتي تتابع حساب زوجي في أحد برامج التو
 

اصلا أن حذفتيها
راقبي حسابه فتره
لو رجعها معناه يعرفها واذا لا معناه مو داري عنها
وشي ثاني يخصني طبعا اتوقع اللي يعرف وحده مايعطيها حساباته في المواقع
هذا توقعي طبعاً مااعرف اذا صحيح

رد : قريبتي تتابع حساب زوجي في أحد برامج التو
 

اذا عادي تمسكون جوالات بعض افتحي حساب زوجك من جهازه وسوي لها بلوك وانتهينا

رد : قريبتي تتابع حساب زوجي في أحد برامج التو
 

اشكركم جميعا على تفاعلكم معي.....
اانا من امس مانمت مقهوره من هالبنت واللي قاعده تسويه
للاسف مااقدر افتح جوال زوجي واسوي لها بلوك....
وفكرت كثير اقولها لكن ماني عارفه كيف...

رد : قريبتي تتابع حساب زوجي في أحد برامج التو
 

هل هي تعدت امر اللايكات
يعني تعلق و تتميلح ام مجرد لايك
و هل زوجك أيضاً قريب لها،،،
انا شايفة الموضوع عادي، انا أضفت أبناء خالتي
أضع لايك لصور اطفالهم و هم يضعون لايك للصور التي أضعها
احدهم وضع صورة طفلته الرضيعة فتحملت له بالسلامة
وزوجاتهم مضافات عندي و باسمي الصريح،،،

رد : قريبتي تتابع حساب زوجي في أحد برامج التو
 

بلكيها بآختصار

واجهني نفس الموضوع من بنت مراهقة

تحط صور لكشختها ووو وكل صور زوجي لايكات

كلمت زوجي وحذفتها من حسابه

جات لحسابي وحطت لايكات ع صور زوجي

وحذفتها مع ان حساباتنا مغلقة الا اني بعد شهور

لقيت منها لايكات لصور ف حسابي وحساب زوجي


وبلكتها ف الاثنين ومنها ارتحت ،،بدون ارجع لزوجي

لانه اصلا مش مهتم

رد : قريبتي تتابع حساب زوجي في أحد برامج التو
 

نصيحه لا يدري زوجك لا تفتحين لك ابواب مسكره
وهي لا تكلمينها ولا تدري انك تدرين بس انتبهي لزوجك وراقبيه من بعيد
من تجربه لي


ليش ما تقدرين تسووين لها بلوك ؟!

رد : قريبتي تتابع حساب زوجي في أحد برامج التو
 

لا تضحكي بنت الناس عليك ....

اذا ماقدرتي لزوجك لا تكوني اضحوكه للبنت وتخليها تحطه في راسها...
دامها مضيفه اولاد عمها وغيرهم معناته زوجك زيهم ...

بس وصلي المعلومه لزوجك انها ضايفه اولاد عمها عشان لايعتقد انها معجبه فيه....

رد : قريبتي تتابع حساب زوجي في أحد برامج التو
 

ياختي وين حنا فيه
وش تقوليلها ولا تقولين لأمها
كبري عقلج وعيب هالحركات والله
اذا تبين التغيير يكون من زوجك فقط
خلي بنت الناس بحالها
لاتصيري مضحكة في العيلة والسالفة تصير على كل لسان
راح تخسري أكثر مما تكسبي
ومادام البنت ضايفة كل عيال العايلة
اذا خلي الموضوع عادي
بدال لا تثيرين انتباه زوجك لها

رد : قريبتي تتابع حساب زوجي في أحد برامج التو
 

افضل شي تحذفيها وتحظريها من حسابه وكمان من جميع البرامج وحتى من الاتصال
اطلبي جواله انك بتكلمي ضروري جوالك معلق او او



الله يزوجها ويهديها
ويعطينا خير هاذي التقنيات ويكفينا شرها

ويقينا وازواجنا وذريتنا الفتن ماظهر منها وما بطن



والله في بنات نفسي انحرهم من قلة الحياء والمسخرة
اشك الا متأكدة انها ليلة زواجها مابتكون خجلانه
فيهم وقاحة حسبي الله وكفى



طبعا فيه في المجتمع بنات ونساء تاج على الرؤس


الله يهدي نساء وشباب المسلمين

رد : قريبتي تتابع حساب زوجي في أحد برامج التو
 

ترا جدا الموضوع تافه لأقصى حد ، الكل صار يضيف الكل ، إلا إذا تجاوزت حدودها يعني تعامله معاملة خاصة هنا تصرفي ..

رد : قريبتي تتابع حساب زوجي في أحد برامج التو
 

هذا لايسمى كيد نساء
بل كذب وظلم وتبلي ع اقاربه

رد : قريبتي تتابع حساب زوجي في أحد برامج التو
 

لا تفتحين عين زوجك عليها بغيرتك منها