|
*. شغالتي الجديدة .. تحفة .*
السلام عليكم و رحمة الله و بركاته
ماعرف ليه ، حاسة كذا نفسي اهرج عن شغالتي الجديدة .. بصراحة ، أول مرة أقابل وحدة مثلها .. bfd بجدددددددد .. أخاف منها yyy، و نفس الوقت تضحكني مرات .. jh ما عمري قابلت شغالة مثلها بجد .. و حبيت تشاركوني .. ghgjgf قولوا ( ماشاء الله ) عشان لا تتغير .. jh أحسها راح تمشي أولادي ، على عجين ما يلخبطووووووووووووووش .. bfd أول مرة اكتشف انه أولادي مدلعين .. gfn |
رد : *. شغالتي الجديدة .. تحفة .*
*. وصف مظهرها .*
شفتوا - توم & جيري - !!!؟ مو فيه - شغالة عندهم - نسسسسسخة من شغالتي الجديدة ، اللي جاتني من 5 أيام .. ملاحظة : شغالة = عاملة منزلية .. أنا ما أقول قدامها شغالة .. بس عشان تفهموني و انا بأتكلم .. . . خلونا في المهم .. :D بأكتب عن بعض الأشياء الي ما شفته في الشغالات الي قبل ! ماعرف ليش غصب عني ابتسم و اضحك مع نفسي .. |
رد : *. شغالتي الجديدة .. تحفة .*
- ولدي الكبير استأذن مني يخرج الحوش و يلعب مع ولد الجيران ..
قلت له طيب روح العب .. و هو راجع البيت بعد نص ساعة .. الشغالة فتحت له الباب و جات عندي تقول لي بصوت عالي و معصبببببببة : مداااااااااااااااااام .. انت سمحتي لعبودي يطلع برة ؟ قلت لها ايوة .. قالت : ايوط بس كنت بأتأكد .. . . و بعد شوية أروح و ألاقيها مقفلة باب البيت بالمفتاح و معلقته فوق و أولادي ماهم قادرين يطلعوا برة في الشارع .. انبسطت منها الصراحة .. ---------------------------- و هي في المطبخ ، يدق جرس الباب .. و أولادي يجرووووووووووووووووا عشان يفتحوا الباب .. و أسمعها تصيح من المطبخ ، و تقول ( يا ولد .. ياااااااااااااااا ولد .. يا ولد ، استنى لا تفتح الباب ) و تخرج جري من المطبخ و يدينها فيه صابون الغسيل و تقولهم لا تفتحوا الباب و تجري لجهة الباب .. و لما شافتني اخرج من غرفة المكتب حقي ، قامت رجعت المطبخ .. ( ماهي دارية اني سامعة ) . . عكس بقية الشغالات الي قبل ، كنت أقول لهم - لا تفتحوا الباب لأي أحد - و يطنشوني و يفتحوا لأي أحد يدق الباب .. موقفها عجبني .. مع إنه أولادي يكرهووووووووووووووووووووووووووووووووووووها ، و ما يحبوها ابدا ابدا .. |
رد : *. شغالتي الجديدة .. تحفة .*
ماشالله الله يبارك لك فيها اش جنسيتها
|
رد : *. شغالتي الجديدة .. تحفة .*
*. ولدي الوسطاني .* <--- فينها شوك :D
جاء عندي يصحيني و يبكي ، و سحبني للمطبخ .. رحت معاه و قالت لي الشغالة بعصبية و هي مقفلة باب المطبخ .. ( ولدك يبغى بيبسي و خبيته و ما أعطيته ، لا تعطيهم بيبسي مو كويس ) بجد الشغالات الي قبل ، كنت أقولهم لا تخلوه يشرب غازيات .. و من ورايا يعطوه عشان يريحوا حالهم المهم .. عملت له حليب و نيمته .. و مدحتها و شكرتها ، قلت لها ايوة صح لا يشربوا بيبسي .. . . كل شوية اولادي يجوا عندي يبكوا بسببها و اتضايق بداخلي ، لكن يطلع الحق معاها .. فأقوم اطنشهم .. و اعطتني محاضرة قبل امس ، تعلمني كيف اتعامل مع أولادي و تخاصمني ، تقول انت تدلعيهم مررررررررة و ما يصير كذا يا مدام .. حسيتها كأنها أمي أو أختي الكبيرة و هي تخاصمني و تتكلم بصوت عالي طبيعة صوتها زي كذا .. . . و دحين هما مرة مو طايقينها .. بس يستاهلوا ، أحسها راح تأدبهم مضبوووووووووووووط هههههههه |
رد : *. شغالتي الجديدة .. تحفة .*
راني ..
أول شغالة - حبيبة قلبي كانت - اللي اخدتها بريطانيا و كانت عند أمي الله يرحمها اندونيسية .. يا حبي لهم yyy . . بس بعد كذا ، كلهم حبشيات - معليه اكره الجنس هذا - صارلي ثلاث سنوات مع الحبشيات .. كرهوني في حياتي ، و في كل الشغالات .. ما ينفع معاهم المعروف و لا الإحسان .. ابدا ابدا ابدا .. طلعوا عيووووووووووووووووووووووني .. ggf . . هذه من - مالي - أو يقولوا - غانا - .. صارلها بالسعودية تقول 11 سنة .. |
رد : *. شغالتي الجديدة .. تحفة .*
كينيه صح؟
الله يبارك لك فيها اذا تبغي تتنازلي عنها كلميني :D |
رد : *. شغالتي الجديدة .. تحفة .*
اقتباس:
كأنها قالت كينيا .. تقول لي من ( مالي ) ، سألتها من ( غانا ؟ ) قالت يس .. ................... |
رد : *. شغالتي الجديدة .. تحفة .*
أنا راح استقدم من فلبين بإذن الله .. بس يبغالهم ست أشهر اقل شي لحد ما يوصلوا ..
و ناس صارلهم سنتين يستنوا .. هذه الي عندي ، من اللي هنا يشتغلوا بالأشهر .. تقول بعد الحج تبغى ترجع بلدها خلاص للأبد ، و ما تبغى تجلس .. تكون وصلت لي الفلبينية بإذن الله .. ^_^ |
رد : *. شغالتي الجديدة .. تحفة .*
جايبة معاها ( الكوب الخاص بها ) ..
جايبة معاها ( كيس المخدة ) .. و تقول لي ( اقرف انام على مخدة غيري و الشغالات الي قبل ) جايبة معاها ( لحافها ) .. جايبة معاها ( اغراضها الخاصة ) و قدر صغير لنفسها .. . . قبل امس اعطيت لأولادي ( كمثرى ) .. و هي كنست الصالة .. و هما ياكلوا و القشرة يخرجوها من فمهم .. خاصمتهم ، و دخلتهم الغرفة .. و قالت لهم ، تاكلوا و انتوا جالسين مكان واحد .. مو تمشوا و تاكلوا و تفتفتوا في كل مكان .. سمعوا كلامها كلهم ، و راحوا للغرفة :D |
رد : *. شغالتي الجديدة .. تحفة .*
اقتباس:
|
رد : *. شغالتي الجديدة .. تحفة .*
حصل لي موقف معاها ، أول يوم جات عندي الشغالة ..
. . هي جاتني بعد العشاء ، و تركتها براحتها .. و نظفت لي بس المطبخ .. و كان البيت نظيف ، لإني في الصبح جبت شغالة بالساعة .. المهم .. تاني يوم الصبح شفت الشغالة نايمة لحد الساعة 9 و نص .. و أنا متعودة انهم يصحوا خلاص من 9 و ينظفوا الحمام الله يعزكم و يكنسوا و يرتبوا المطبخ .. طبعا تنظيف الشغالات اللي قبل .. كان ( أي كلام ) .. يعني تنظيف الحمام الله يعزكم .. أبو دقيقتين ، ترش موية و بيدها تمسح و خلاص .. كنت اسكت و ابلع غصب ، لا تقوم تطرطع علي .. أهم شي كويسة مع الأولاد .. . . المهم .. جيت صحيت هذه الساعة 9 و نص .. رجعت صحيتها 10 رجعت صحيتها 10:30 أتاري الآدمية مطرطعة مني ، ليييييييييييييييييييييييييييييييييييييش أصحيها ؟ |
رد : *. شغالتي الجديدة .. تحفة .*
جيت صحيتها 11 و قلت لها أنا خارجة دحين ..
لإني تعودت من الحبشيات ، إنه لازم كل يوم تعيدي الي قلتيه لهم قبل .. و من أول يوم - خلاص على ما تعوديهم - .. . . المهم ، رجعت و شفتها مطرطعة و اعطتني محاضرة طويلة عريضة .. يا مدام أنا ما عمره أحد يدق عليا الباب و يصحيني ، و أنا أعرف خلاص انظم وقتي .. و أنا متعودة خلاص مع ساعة الجوال اصحى و اقوم لوحدي ، و ليش كذا تدقي الباب و تصحيني قلت لها ، إنت جديدة و سالتيني امس متى تبغيني أقوم ؟ و أمس انت نمتي الساعة 3 في الليل .. من 12 لحد 3 و أنا سامعتك تهرجي بالجوال .. مو كويس كذا ، متى جسمك يرتاح ؟ المهم بالأخير .. فهمت انه الآدمية فاهمة شغلها و عارفة كيف تنظم حالها .. و تفاهمنا و طيبت خاطرها ، و خلاص . . كنت اهرج مع زوجي بالجوال و كنت زعلانة - و كنت مضغوطة نفسيا و عشان احم احم الهرمونات .. و الحرمة هذه سمعتني أقول له كلمة ( 12 و نص ) ؟؟؟؟؟؟؟؟ و تحسبني اشتكي عنها .. و أقول انها تقوم 12 و نص .. راحت الملقوفة تدق على اختها و تشتكي لها عني .. جابت لي الجوال بعد ما قفلت من زوجي ، و تقول لي كلمي أختي ( طبعا أختها هي الي دلتني عليها ) و كانت عيوني محمرة و باين اني كاتمة شي و ساكتة .. أختها تقول لي يا مدام .. هذه ترى كبيرة و انا ما جبتها لك إلا و أنا متاكدة انها امينة عالأطفال و ليش تدقي الباب و تصحيها ووو إلخ قلت لها اللي صار ، و كنت خلاص مرة متضايقة من كل شي .. قلت لها ، يعني أنا و هي تفاهمنا خلاص و اتفقنا و انتهى الموضوع .. ليش ترجعوا تفتحوا السيرة ؟ يكفي خلاص .. و فجأة .. ( انفجرت بكاء ) زي الهبلة قدامهم .. و ما عرفت أمسك حالي .. و دموع ، دموع ، دموع دمووووووووووووووووووووووووع .. الشغالة أخدت الجوال من يدي ،. و تقول لي ( مدام خلاص ، و الله خلاص .. أنا سمعتك تقولي 12 و نص و احسبك تشتكي عني ) قلت لها ( أنا جالسة اكلم زوجي .. ماني فاضية لك ، و أقوله امس انت رجعت 12 و نص ) أنا تراني تعبت من كل الشغالات ،.. خلاص انا طفشت منكم كلكم .. بعدوا عني .. تقول لي .. مدام خلاص ما يصير كذا تبكي و تتعبي حالك ، مو كويس البكاء .. خرجت من الغرفة و رحت المطبخ أقطع التفاح لولدي .. و الدموع مو راضية تتوقف .. و هي اخدت الجوال من يدي ، و تقول لقريبتها إنه حصل سوء فهم و هي حسبتني اشتكي عنها ووو إلخ المهم .. حطت يدها على كتفي ، و قالت لا تفكري بشي .. أنا هنا زي اختك الكبيرة و زي أمك .. بس حسيتها نفسها تاخدني في حضنها ههههه ، بس قمت غيرت الموضوع و مشيت من قدامها .. طبعا انقهرت من حالي ،. بس صار اللي صار .. . . و من بعدها حسيتها خلاص معتبرة البيت بيتها ، و تمشي اولادي على كيفها .. و تعلمني كيف اربيهم و تخاصمني لو دلعتهم زيادة .. ggg |
رد : *. شغالتي الجديدة .. تحفة .*
روووح هذة لك 🌹
شغالتك خوش شيء اعجبتني ،، اقرأ وانا اوزع ابتسامات 😅😅👌 |
رد : *. شغالتي الجديدة .. تحفة .*
امس اشتريت شنطة جديدة للعمل ، شنطتي تبهدلت و تقطعت ..
و البياع حط لي الشنطة في داخل ( الكيس تبع المحل و عليه اسم المحل .. و مصنوع من قماش فخم ) جاتني و تقول لي ( أبغى الكيس هذا يا مدام .. احط اغراضي وسطه بدل الي معايا ) قلت لها ( خذيه مو مشكلة ) و قبله بيوم ، تقول لي عندك سواق عشان نطلب منه يجيب بروست من برة ؟ قلت لها ، لا ما عندي .. ( عذرتها لإنه البيت كان ناقصه مقاضي و هي ما تاكل تقول أي رز مطبوخ بدجاج مسلوق ) ما أبغاها كمان يزيد حالها .. . . قالت لي ، بكرة جيبي خضار و لحم .. و أنا اسوي لي الكسكسي المغربي بس بطريقة تانية و لا تنسي تجيبي ملفوف |
رد : *. شغالتي الجديدة .. تحفة .*
باين حتى الام بتمشي ع الصراط المستقيم😂
الله يعطيج خيرها و يكفيج شرها |
رد : *. شغالتي الجديدة .. تحفة .*
الحبشيات المعفنات .. أكرههم أكرههم أكرههم
باستثناء كم وحدة كويسة .. يمكن 2 فقط من بين كل الي مروا عليا .. لو قلت لها تقطع الجزر .. تشوف انها عملت جهد جبااااااااار فما كنت اطلب منهم شي الا بالنادر جدا جدا . . رحت اعمل بيض مقلي لأولادي الاتنين الصغار .. و هي جالسة تطالعني .. تقول لي ايش تسوي ؟ قلت لها بيض مقلي لهم .. مساكين جوعانين جلست تتفرج و ولدي الصغير يسحبني من رجولي يبكي يبغاني اروح معاه قالت لي هاتي انا أسويه و انت روحي مع ولدك و طالعت في الزيت الي بالطاوة و قالت ايش هذا الزيت كثير ! مو كذا البيض المقلي يتسوى و شالت شوي من الزيت تفشششلت قدامها هههه و ماشاء الله ضبطت البيض .. مو مثلي :( |
رد : *. شغالتي الجديدة .. تحفة .*
تبغى تشتغل على كيفها
الوقت الي يعجبها ماحد يقولها اعملي كذا كذا بس لما تنظف الشي .. تنظف من قلب يعني الحمام الله يعزكم تنظفه مرة وحدة و ثلاث ايام لا .. بس تغير كيس القمامة الله يعزكم كل يوم .. لكن مو مثل تنظيف الحبشيات .. كل يوم ينظفوا و لا كأنه غسلوا شي . . حتى نظفت لي هذه البوتاجاز .. قالت لي متاكدة انه كانت عندك شغالة قبل كذا ! فتحت لي العيون حقة الغاز الي في النص و قالت لي شوفي كيف ! قالت لي من كثر ما انه ما اتنظف من جوة .. صار ممثل البلاستيك و جلست تدعكه .. . . عيبها انها ماشاءالله دبدوبة .. و شهيتها مفتوحة ماشاءالله و تحب تنام .. بس لما تقوم .. تقوووووم مضبوط .. و تهرج بالجوال 24 ساعة تخليه بين خدها و الغطاء حقة الرأس .. |
رد : *. شغالتي الجديدة .. تحفة .*
هي في البداية طلبت راتب زيادة و انا رفضت
بعدين رجعت اتصلت و وافقت على الراتب الي قلته لها هي تبغى زيادة عشان فيه ولدين يلبسوا بامبرز الله يعزكم لكن فعليا .. هو ولد واحد .. لانه الوسطاني ما يخلي احد يغير له غيري انا او ابوه فقطططططططط المهم .. هي لما تشوفني فاشلة في المطبخ .. مقارنة بها طبعا .. احس دمها يفوووووووور و غصب عنها تاخده من يدي و هي ما تبغى تعودني انها تطبخ شي عشان تبغاني أزود لها الراتب بالمقابل عشان كذا انا ما اطلب منها شي في المطبخ يختص بالطبخ :D |
رد : *. شغالتي الجديدة .. تحفة .*
تاني يوم هي جاتني فيه .. شافتني احط الرز و اعبيه موية و اتركه يتنقع
بعدين اغسله جلست تتفرج علي .. و شافتني حطيت الموية عالرز و شطفته مرة وحدة و رجعت عبيت موية و تركته قالت لي ( ما تغسليه !؟ ) قلت لها .. الا بس يتنقع اول شي قالت لازم يتغسل اول شي كم مرة و بعدين تتركيه يتنقع .. عشان الرز ما يتشرب موية وسخة قلت لها ( من جد ؟ و الله !؟ .. اول مرة ادري ) اخدت الرز من يدي و انا جالسة اغسله و قامت تغسله لي بنفسها و قالت روحي شوفي ولدك الشغالات الي قبلها كانوا هما يجلسوا مع الاولاد قدام التلفزيون و انا اجلس بالمطبخ yyy فكرتني بأمي الله يرحمها كانت تنقهر مني لما ادخل المطبخ و تطلعني برة و اخواتي يقولولي انت تدغدغي الدجاجة مانتي جالسة تغسليها |
رد : *. شغالتي الجديدة .. تحفة .*
مادري اش سالفة الشغالات عالجوال اربع وعشرين ساعه قرقرقرقرقر وياااااويلك لو كلمتيهم عنه اذا تبغيني اشتغل عنديك ترضي بحالي هذا مع الجوال ولا مع السلامة تحسيهم مستبيعين مو زي اول ابدا
وسلامتك ياروح شكلك مضغوطة والله ياعزيزتي مافي شي يستاهل هي ايام ونعيشها وراح تنقضي بالطول بالعرض بالراحة بالشدة بالزعل بالرضا راح تنقضي و نقابل ربنا بعدها فلا تزعلي على فاني بس انتي ممكن تكوني منتي حاسه انو احد جمبك وهذا متعبك اكثر الله يصلح حالك مع اخوانك لانو مافي زي اﻻخوان في وقوفهم معاكي |
رد : *. شغالتي الجديدة .. تحفة .*
نفس فكرتي عن الحبشيات يا روح ... ما بينطاقو .. كل مرة بحلف ما بيدخلو بيتي مرة تانية لو بدي موت ..
أنا كمان لح قدم على فليبينية قريبا ان شاء الله ... بحب كتير هالجنسية و بتفق معهم عالاخر ... و ممكن نصير بعدين أصحاب :d بحس الشغالة متل الزواج ... يا بتهنيكي .. يا بتمقتك :( هي العنصر التاني بعد زوجي اللي بتاثر على حياتي :d |
رد : *. شغالتي الجديدة .. تحفة .*
اذكر زمان عمتي ام زوجي جابت شغاله حبشيه كانت تكرف كررررف باخلاص وتنظف من قلب وكان عندها عزة نفس غريبه حتى الاكل مستحيل تمد يدها الا اذا قلتي لها كلي
الحمدلله ياروح ربي عوضك وان شاء الله اذا راحت تجيك الاحسن بإذن الله |
رد : *. شغالتي الجديدة .. تحفة .*
ماشاءالله ... بسراحة انا اتمنى شغاله زي كدا تأدبني وتأدب بناتي 😁😁
بس بجد الحبشيات .. ايش قصتهم مع الجوالات 24 ساعه يتكلمووو .. ترا الكينيات طيبين عكس الحبشيات .. شغاله خالتو كينيه مرررا طيبه .. لكن ماشاءالله طويييييله وجثه تشيلني باصباع واحد ... اخاف ادخل المطبخ لما تكون فيه ... مافي زي الاندونيسيات ... عليهم مساااج 💆💆 |
رد : *. شغالتي الجديدة .. تحفة .*
حزنت على الولد الوسطاني منها 😤
|
رد : *. شغالتي الجديدة .. تحفة .*
روح خليها تطبخ افضل
تسمن لك اولادك وتشبعهم لي رجعة |
رد : *. شغالتي الجديدة .. تحفة .*
ههههههه تخيلتها زي اللي في توم و جيري ..
معليش استحمليها لين تجي شغالتك .. منها ينضبطوا اولادك ومنها تتعلمين كيف المعاملة اللي تنفع لهم .. بس انتبهي منها .. الحرص واجب .. أنا جاتني شغالتي الفلبينية من اسبوع الحمد لله .. |
رد : *. شغالتي الجديدة .. تحفة .*
فاكهة لي عودة بس نقزت لك
ترى انا مخططة انها تعلمني الطبخ muy تعرف تعمل محاشي و كوزي و كابلي و برياني و باشاميل بس هي مخططة اني ازود راتبها و راح ازود لها طبعا .. fgf بس ابغاها تجي منها bfd و متاكدة انها راح تجي منها ، لإنها ما راح تاكل طبخي هههههههههههههههههههه jh طلعت موسوسة نظافة الآدمية خحخخخخخخ ، و ماتاكل دجاج و رز راح اطبخ لها رز و دجاج كل يوم و اقرفها عشان تعلمني غصب :p و لا تاكل المفرزات الي تشتريها من الطباخات .. تقول لازم قدام عيوني اشوف الوحدة و هي تطبخ .. jh جايبة ملعقتها و صحنها معاها |
رد : *. شغالتي الجديدة .. تحفة .*
اللاااي حبيتها .. شغالة موسوسة نظافة ..
أحسها نظيفة جدا وبيتك نظيف من بعدها ماشاءالله .. على فكرة مرة كانت عندي خادمة فلبينية جدا مهووسة بالنظافة .. ومهووسة ترتيب .. وكانت كل يوم تزيد وسوستها .. لحد ماحسيت انه صادها الوسواس القهري (مرض يعني) .. لدرجة لما نطلع تقفل غرفتها وبعدين تجيني تقول لي فيه أحد دخل غرفتي وشوفي باب الخزانة فيه خدش .. وتقول لي شوفي المكيف تم تغيير درجته .. وانا أقول لها تركوا البيت كله ودخلوا غرفتك بيسرقونها ..؟ واللص لو فتح الباب مايرد يقفله .. ولو بيسرق مهب فاضي يفتح المكيف ويغير درجته .. أحسها صارت تهلوس .. ولما بناتي يلعبون وينثرون الألعاب تقوم ترتب بنفس الوقت هم من جهة يرمون وهي تشيل وتعصب ماتبيهم يلعبون .. ولما ياخذون ملابسهم من الخزانة تعصب وتصيدها حالة نفسية لأن اعتفس .. لحد مازاد الموضوع عن حده وبس ما استحملتها حسيت اللي فيها يزيد .. فلما كملت السنتين وراحت مارضيت انا غني أرجعها .. مع إن بيتي كان يلق لق من نظافته .. |
رد : *. شغالتي الجديدة .. تحفة .*
اقتباس:
على فكره هذه صفه تكاد تكون مشتركه في الحبشيات , اذا اشتغلت اشتغلت وايضا يحبو يقوموا بالعمل على اكمل وجه ولا لها دخل بالديانه تشعري انه طبع فيهم والاروع لو كانت مسلمه متدينه + نظيفه في نفسها + شغلها مرتب وعزة النفس والخجل فيهم بكثرره الا في مره صار لي موقف مع خادمه كانت عندي ,, والله يا اختي ما تاكل لدرجة استغرب وتاكل وهي متخبيه يعني تخجججل لكن في يوم كنا كل شهر مع مقاضي البيت نشتري نوتيلا علبه كبيره او علبتين وسط , مالك بالطويله , الا في مره اكتشفنا انه اذا طلعنا بالساعات برا البيت والخادمه موجوده , نلاحظ النوتيلا بجد تخلص بسرعه وبعد ملاحظات اكتشفنا انها ماتقدر تقاومها وتاكل منها طبعا ما احرجناها ولا شي , لكن هي عرفت ان الوضع انكشف اقولك بصراحه ماحبينا الحركه منها وخاصه ان النوتيلا انتي عارفه يعني لو ما تاخذ منها بصحن برا ولو ماتاكلت بطريقه معينه اكيد بتنعدم , ومانعرف هي كيف كانت تاكل منها والظاهر زوجتي اكلت منها , طبعا راحت هذيك الخادمه , وجبت لها نوتيلا لين قالت بس قلت خذيه معاك لو تبغي , لكن حركتها تضايق والله ما تاكل ابدا , لكن مسكينه ماقدرت تقاومها وراحت تاكل منها واحنا طالعين |
رد : *. شغالتي الجديدة .. تحفة .*
اهلا اختي روح , والله ان الخادمه نعمه وبتعب تجي وبتعب تتفق معاها وكل شي معاهم بتعب
لكن شر لابد منه , على العموم , انا كان عندي اثيوبيه والله ماشاء الله عليها مسلمه ونظيفه وصغيره مره بالعمر , وهاديه وصح من السود لكن وجهها تحس فيه الايمان والهدوء وكذا طبعا قالت باسافر وارجع , لكن جبت بدالها فلبينيه , وهالفلبينيه جلست يومين وقالت ما ابغى اطفال وزعلانه , والان رجعتها المكتب وسرا الليل وحنا ماسرينا لا وقالت لي بالانقلش لان ماتتكلم عربي وراتبها 1500 قالت المفروض تعطيني من نفسك فلوس اليومين قلت لها اعطيك على زعلك ؟ ماشتغلتي شي |
رد : *. شغالتي الجديدة .. تحفة .*
قبل شوية و أنا راجعة البيت ، الشغالة تعودت اني ارجع متأخر مثل أمس و قبله ..
و أمس و قبله - كانت حالات مختلفة - و اضطريت اتاخر .. المهم ، موعد دخولي البيت ، الساعة 1 بالضبط .. غالباً لإنه السواق ياخدني و ياخد ولدي .. و مرات اضطر ارجع لوحدي يا متاخر أو بدري .. المهم ، سمعت الصغير يقول ( أاااأ .. أاااأ ) .. و تقول له ( طيب طيب ) و سمعت ولدي الوسطاني يقول ( آآآآآآآآ ) ، و أسمعها تصرخ عليه بصوت عالي ( هوووووووووووووووووووس ) .. هي تكره الوسطاني ، و هو ما يحبها .. مستحيل اتركه معاها لو اني فاضية بعد كذا .. بس الحلو انها ( تفطرهم و تأكلهم ) لما أكون برة .. المهم .. أنا وقفت برة البيت ، و اسمع من الباب أصواتهم .. لإني مستحيييييييييييييييييييييل أثق في أي شغالة لو ايش ما كانت .. بس دقيت الجرس ، و فتحوا الباب .. و أول ما دخلت شلت الوسطاني و حضنته .. و قلت له ( حبيبي يا قلبي ) و على طووووووول طالعت فيها و قلت لها ( إيش هووووووووووووووس ؟؟؟؟ ) هي وجهها تغير ألوان ، و قالت كنت أكلم جوال ، مو ولدك .. قلت لها اللي سمعته بالضبط ، و قلت لها صوتك واصل برة الشارع .. هو قال كذا ، و انت صرختي عليه و قلتي ( هوووووووووووووووووووس ) ؟ ليش ايش فيه ؟؟؟؟؟؟؟؟؟؟ طبعا ما ابتسمت لها و لاشي .. و ولدي جالس على حضني و أبوسه و امسح على راسه و احضنه .. و طول الوقت حبيبي وحشتني .. . . المهم .. غيرت الموضوع ، و رحت أعطيت جوالي للوسطاني يلعب شوي .. و اخدت الصغير لغرفة النوم أنيمه .. و توووي داخلة بالعباية .. قلتلها رايحة انيمه .. جات ورايا و عملت رضاعتين حليب للاثنين .. و جلست عالسرير و تشرح لي اللي صار ، و أنا عملت حالي مصدقتها .. ( وااااااااااا .. من جد ؟ .... يا الله ؟ ... أهااااااااااااا .. إنت عشان صوتك عالي ماشاء الله ، أحسبك تصرخي .. يا الله .. بجد ؟؟؟؟؟؟؟؟؟ إلخ ) المهم عملت حالي اني ايوة مصدقتها ، لإني قلت خلاص اخد حذري برضو .. و ما أحاول اتاخر أي وقت برة البيت .. و لو اخرج ، أخد معايا الوسطاني عالأقل .. لإنه عنيد و صلب و خجول شوي ، و هي عنيدة و عصبية .. ما أبغاها تكسر شخصيته و تخليه خواف .. بس هي تكلمني و تشرح لي و تحط يدها على رجولي الله يعزكم .. مثل الصديق لما يكلم صديق و يحط يده عليه هههههه .. لإني كنت ممددة رجولي فوق السرير احاول أنيم ولدي بس تقول لي إنه الوسطاني جاب العلاقة حقة الملابس ، و دخله في راس الصغير .. و بيسحبه من رقبته .. تقول خرجت العلاقة ، و هو يصيح يقول ( آآآآآآآآآآ ) و أنا قلت له بس ( هوووووس ) بشويش .. عشان كنت بأعمل لهم حليب .. قلت لها ( يا الله ،، من جد ؟ واو أحسن أخدتي من يده .. لا لا لا ما يصير كذا ) .. مضطرين نتحملهم :'''( |
رد : *. شغالتي الجديدة .. تحفة .*
فيه كاميرات مراقبة ممكن تركبينها بالشقة وتشوفينها على جوالك
حطي وحدة بالصالة ووحدة بالمطبخ تشوفين كل شي أمامك |
رد : *. شغالتي الجديدة .. تحفة .*
مرحبا , مساء الخير جميعا
حبيت اقول ملاحظه وللجميع للفائده الخادمات مايعرفوا ان اطفالنا اخذوا بعض الكلمات وبيقولوها بحسن نيه ولانهم اطفال زي مثلا المسبات المنتشره , والان اطفالي والله تعبنا معاهم لان اذا خالطوا اطفال في حفلات واجتماعات ياخذوا منهم مسبات , وتعبنا معاهم في حل ننسيهم هالكلام , وطبعا اذا قالوها للخادمه بلحظة عصبيه يعني بالنهايه اطفال , الخادمه تنجن وتعصب وتتوقع انهم قاصدين هذا الكلام من القلب والعقل , وتنكسر نفسها وتقول انا مو كذا وكذا , وكانت الخادمات جيدات جدا الي عندنا لكن هذا الموضوع يقلبهم ويعصبهم وفعلا يصيروا يصرخوا ويقولوا هوووس بقوه مثلا , فقط حبيت احذر من هذا الموضوع الله المستعان , |
رد : *. شغالتي الجديدة .. تحفة .*
اقتباس:
والكمرات انا شفتها متواجده في اقل محل الكترونيات وفيها اما تنقلها الى تلفاز بغرفه ثانيه او مكتب الزوج في المنزل او في غرفة النوم , والان مثل ماقلتي اختي تنتقل مباشره على الجوال , وطبعا ماتكلف والنت على الجوال صار بكل مكان وفيه عروض انترنت , |
رد : *. شغالتي الجديدة .. تحفة .*
ماتتبنيها احسن ياروح شايفك منبهره بيها . انا بعرف اعمل بيض مقلى برضه روح ماتحطيش ثقتك كلها فيها انا مش عاوز اخوفك بس شفت على اليوتيوب احداث مسجله بكاميرات مراقبه لما تفعله الشغالات ويصل للقتل . مش حانخسر حاجه لو خدتى حذرك شويه وياسلام لو تركبى كاميرات مراقبه وتسجل او تشاهديها وانتى بالعمل يمكن نظرتك تتغير . |
رد : *. شغالتي الجديدة .. تحفة .*
اقتباس:
بيض مجغجغ ولا بيض عيون فعلا الاشياء الي نشوفها باليوتيوب تحزن القلب وتقطعه اقولكم خادمه تقيه ومخلصه نعمه كبيره ,, انا افكر ارجع خادمتي الاول الاثيوبيه جربتها سنتين ومن اروع مايكون لا احسن اروح اتوهق بخادمه ثانيه حتى لو كانت فلبينيه , لانها زعلانه ومقهوره وماتبغى اطفال , بالعكس قلوبنا ماهي مرتاحه لها ومرتاحين للاثيوبيه مع انها اثيوبيه |
رد : *. شغالتي الجديدة .. تحفة .*
وليش تسالينها؟!
ليش ما سالتي عيالك ؟! وليش ما فتحتي بشويش واتسحبتي تشوفين؟! شوفي يا روح ثلاثة بالحياة لا اثق فيهم لو يعطوني قلوبهم وداءماً اقولها واكررها السواق والشغالة والزوج |
رد : *. شغالتي الجديدة .. تحفة .*
روح
ليش ما تستاجرين من شركة مهارة والله انهم احسن مليون مرة من هالحبشيات شركة مضمونة وعمالة مدربة اذا تبين معلومات اكثر علمتك |
رد : *. شغالتي الجديدة .. تحفة .*
اقتباس:
خلي الويك اند يجي ، و أكتب لك عن بعض مواقفها .. ffhhf |
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©