|
أنا سعوديه ويبي يخطبني كويتي ؟
بسم الله الرحمن الرحيم موضوعي باين من العنوان أنا سعوديه عمري 17 ومن شهر كنت اسولف مع واحد كويتي عمره 28 بس ربي يشهد انه بحدود ولا نتعدى حدودنا مجرد سوالف . هو مطلق زوجته من ثلاث سنوات ولا بيرجعها طلقها ثلاث وعنده منها اولاد ثنين تقريبا زواجه كان تقليدي اختيار اهله مو اختياره هو وماتوفق فيه . اللحين هو بيخطبني ويبيني لانه لقى فينا توافق بكثير اشياء ومتفاهمين وقال لي فكري عدل وأي سؤال تبينه بجاوبك بس انا محتاره هل عادي اتزوج كويتيfgfg ؟ هو اخلاقه زينه واسلوبه محترم وتكلم لي عن كل شي ومافيه عيب رجل بمعنى الكلمه ومتوظف ف الجيش هل عادي اتزوج من شخص مطلق ع انه الحمدلله مو ناقصني شي من كل ناحيه ؟ لكن اميل للشخص هذا بالذات لقيت فيه كثير اشياء من ضمنها انه فاهمني زين وهو ماقد تعدى حدوده ومايبي شي الا بالحلال ومستعد اليوم يجي يخطب لكن ينتظرني اخلص الترم هذا اقل شي وبعدين يبيني اكمل دراستي معاه. كذا مره بيكلم امه عن الموضوع لكن يتراجع ينتظر قراري بالموضوع موافقه عليه بشكل عام ولا لا حتى يتقدم لي ف ابي منكم الاجوبه هل عادي هالشي ولا ؟ |
رد : أنا سعوديه ويبي يخطبني كويتي ؟
كيف تتوقعين رأي أهلكِ؟ ... هل يتفهمون مثل هذه الفروقات؟
|
رد : أنا سعوديه ويبي يخطبني كويتي ؟
ماشاء الله في شهر واحد اكتشفتي انه هو اللي تبينه بالذات ؟
المصيبة عمرج 17 سنه ،. يعني تفكيرج جدا جدا جدا غير ناضج ان خذتيها من جانبك.. انتي لِسَّه صغيره ومطلق وعنده ولدين بينك وبين اكبرهم يمكن 10 او 14 سنه اعتبره قصور في حقج... ثانيا إنسان مجرب الحياة بجيبك يربيك على المبادئ اللي رسمهم مع اللي قبلك ... ثالثا انتي ما بتستحملين حياة النضج فجاة خصوصا انك باقي صغيرة جدا... رابعا توقعي احتمال يكون فيه مشاكل بينك و بين أولاده او أهله او طليقته --> انتي شو موقفج عمرج 17 سنه!! ع فكره ان تزوجت طليقته عادي يرجعها في يوم من الأيام --//> مستعده ل هاليوم،، خامسا انتي عارفه أسباب الطلاق .،؟ سادسا : شهر معناته كان يكلمك وهو إنسان جدا مختلف و راقي و فاهم بس ان تعاشرتو احتمال وارد جدا يعاملك عالاساس اللي عنده من زواجه الأولي ..، فكري زين و فككي عقلك عدل |
رد : أنا سعوديه ويبي يخطبني كويتي ؟
كلهم كلهم
سمعتي زين كللللهم قبل الزواج بوجه وبعده بوجه ثاني -2- رجال الشبكة العنكبوتية كالعناكب يتسلقون الى ان يصلوا ارتفاع معين ثم يسقطوا انفسهم بحرفنه ويختفون!! -3- مطلق وانت بنت17 سنة على وش مستعجلة ، اكلمك من واقع خبرة واخذت مطلق الجديييييد غير اللي عنده تجربة!! -4- ابعدي عن المطلق قد ما تقدرين ، ولا تصدقينه لان المراة ما تتنازل عن بيتها بسهولة الا اذا شربت الويل. |
رد : أنا سعوديه ويبي يخطبني كويتي ؟
اساسا البداية وهي طريقتك في التعرف عليه حرام فكيف تكون النهاية
عمرك صغير ومن غير جنسيتك اهتمي بدارستك وتقربي اكثر الى الله وبيرزقك الله بخير منه |
رد : أنا سعوديه ويبي يخطبني كويتي ؟
ياعزيزتي انتبهي منه تكفين لايطيح فاسك براسك
وغير كذا انا تزوجت وعمري 16 انا واختي ، وحده شافتنا بعرس وخطبتنا والحين لي 8 شهور كرف كرف كرف الزواج متتتتتعب نصيحه عيشي حياتك ولحظاتك الطبيعيه بدون مسؤوليات ، ريحي عمرك لاحقه انا اتندم كل ماشفت بطني khh |
رد : أنا سعوديه ويبي يخطبني كويتي ؟
قبل ما اتكلم عن اي شي يخص علاقتك فيه..
ايش يضمنك ان واحد بالمية من المعلومات اللي عنه صحيحة؟ سؤال ثاني هل الحرامي يقول عن نفسه ترا انا حرامي؟ |
رد : أنا سعوديه ويبي يخطبني كويتي ؟
انتبهي
أنتِ بالنسبة له "لقطة" لأنك صغيرة وبكر، وهو مطلق ومعيل جاءك من باب الحب عشان يقدر يلعب عليك تعوذي من إبليس وكملي دراستك لاحقة عالزواج وغيره الله يوفقك |
رد : أنا سعوديه ويبي يخطبني كويتي ؟
حبيبتي كملي دراستك وفكي عمرك
وش يوديك الكويت لا تعرفينه ولا تعرفين أهله ولا تقدرين تجيبون خبرهم ووش يطلعون من ناس.... اعتقد وكلي ثقة الباير اللي طايح سوقه يدور زواج عن طريق العلاقات والنت.. الصاحي مايعرف هالدروب أبداً... بعدين تعالي يمكن زوجته انحاشت لانه راعي علاقات وانت عقلك في راسك.. والبداية غير مشجعة وانت ونفسك بكيفك.. |
رد : أنا سعوديه ويبي يخطبني كويتي ؟
اختي الكريمة
شايفه كل الردود اللي فوق حطيها حلقه في اذنك ترا والله ما يبغوا لك الا الخير وما اقول انتي حره عارفه ليش عشانك لساعك صغيرة واتمنى انك تعتبرينا زي اخوانك واخواتك ونبغى مصلحتك ودمتم في حفظ الرحمن |
رد : أنا سعوديه ويبي يخطبني كويتي ؟
اهربي منه
وتوقفي عن الاتصال |
رد : أنا سعوديه ويبي يخطبني كويتي ؟
اش ضمنك أنه غدا ما يشك فيك ما دام أنك عصيتي ربك وخنتي أهلك الذين وثقوا فيك
|
رد : أنا سعوديه ويبي يخطبني كويتي ؟
انا اقول مرات الانسان امام عينه قرايبه وعايشين حياة واحد يعرف الثاني وبالاخير يختلفون على اشياء ممكن تؤدي الى الطلاق بسبب ظهور نقاط ظعف
كيف بكِ تزوجي انسان من غير جنسيه وكل شي ما تعرفين عنه وتريدين تتوفقين انا اقول نسبه النجاح في هذا الزواج ضئيلة جدا جدا |
رد : أنا سعوديه ويبي يخطبني كويتي ؟
السلام عليكم اختي
ممكن تقولين ان انتي فاهمه والعمر مايهم وانه مايلعب عليك يوم كنت بعمرك كنت اسافر باهلي لحالي واقعد بمجالس الرجال مع ابوي اسولف معهم ودايم اسمع من غيري اني شخص يعتمد عليه الحين قمت اضحك على اشياء كنت افكر فيها بذاك العمر واشياء فعلاً غبيه واقول الحمد لله اني ماجبت العيد هذا اول شي وبعد كم سنه انتي بتعرفين وش انا اقصد اختي توها متخرجه من الثانويه وداخله الجامعه ماشاء الله عليها بنت مجتهده وتشتغل بالبيت وفاهمه ومثقفه لكن للحين احس ان عندها من الافكار اللي كانت عندي يوم انا بعمرها تجيك فتره بحياتك تحسين انك تفهميت الكل لكن بعد كم سنه بتشوفين العكس ان انتي مافهمتي احد وبالقوه تفهمين حتى نفسك لاتستعجلين بالزواج لهذي الاسباب ثاني شي العمر بينكم كبير تقريباً ١١ سنه فيه فرق بطريقة التفكير ونظرة الناس لكل واحد منكم خل نقول بتسافرون المدينه اللي بيختارها هو غالباً بتكون هاديه لكن المدينه اللي بتختارينها انتي غالباً بتكون صاخبه يعني ممكن انتي تفضلين نيويورك وهو يفضل النمسا ثالث شي من جدك شهر وفاهمك؟ وبعدين وش يعرفك انه رجل بمعنى الكلمه ومافيه عيب؟ انتي مادخلتي معه، ماسألتي عنه، ماشفتي من يمشي معهم الحين الواحد اذا جاه احد يبي يتزوج اخته او بنته يفصفصونه فصفصه ويحاولون يطلعون كل شي عنه قبل لا البنت تعرف اي شي عن الخطبه علشان يعرفون اذا الرجل يستاهل او لا وفيه طرق كثيره الرجال ادرى بها |
رد : أنا سعوديه ويبي يخطبني كويتي ؟
حبيبتي انتي ..
لساتك صبيه صغيره بدها تلعب وتوسع صدرها مالك حمل ع مسؤوليه زوج وبيت وعيال ووجع راس الزواج شي جممميل ومطلب كل بنت يكون عندها زوج يحبها يدللها حياه مستقله وهذا مانتمناه لكِ وفارق العمر بينكما اشوفه مناسب 11 سنه ماهي كثير لاكن انتي صغيره ياقلبي بس مع هذا كله اقولك جربي .. اطلبي منه يتقدم لك بجد ويجي السعوديه ويخطبك ويسؤلو اهلك عنه وليش طلق زوجته بس ديري بالك يطلب يشوف صورتك عن طريقك كحجه انه راح يصير خطيبك خلاص انتبهي تثقي فيه اذا يبي يشوفك يجي بيتكم ... والله يوفقك حبيبتي 😘 |
رد : أنا سعوديه ويبي يخطبني كويتي ؟
زواج النت مايجر الا المصايب ابعدي عنه واذا لك رزق بتتزوجين .
|
رد : أنا سعوديه ويبي يخطبني كويتي ؟
لمجرد كونه مطلق وانتي لم يسبق لك الزواج
لا انصحك ابدا ابدا ،لديك فرص افضل منه حافظي عليها واقتنصيها ، ولا تبلعي اية فرصة.. ناهيك عن الفروق الثانية من ابناء وعمر انتهي لنفسك |
رد : أنا سعوديه ويبي يخطبني كويتي ؟
كل الردود اجمعت على رأي واحد - ولاتجتمع أمة محمد على باطل !
اعتذري منه قولي فكرت وشاورت وماارتحت والظاهر مافيه نصيب وابعدي عن العلاقات النتية انتبهي ترى ماوراها الا الشر , ولاتستهونينها لان فيها استنزاف عاطفي لمن لايستحق. بعمرك هذا توك على دهاليس الحياة ومشاكلها انحاشي من هالرجال وفري فرارك من الذئب. حتى لو افترضنا أنه أنسان رائع وكل الكلام اللي قاله لك صدق - أنت لس صغيره وقدامك فرص كثيرة وش الله حدك تتزوجين واحد اكبر منك ب 11 سنة وعنده اولاد وفوق كذا في بلد غير بلدك ! معذرة , أنت لو بنتي حتى لو كنتي معاقة ماراح أقبل ازوجك الزواجة هذه. |
رد : أنا سعوديه ويبي يخطبني كويتي ؟
انا اتزوجت مطلق وكبيره مو صغيره وندمت أشد الندم وحاليا انتظر طلاقي
ولاافكر ارجع ومستحيل زوجه تتنازل عن بيتها وتشتت أطفالها إلا أنها عانت من زوجها أشد المعاناه عيشي حياتك واتركي طريق الحرام لساتك صغيره على المسؤليه والتعب |
| الساعة الآن 02:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©