|
اريد النزهة لأختلي بحبيبي و لكن...
جهزت الغداء و اغراض النزهة
فقد قررت اليوم ان نغير الروتين اليومي و نخرج للغداء في الخلاء في* اخر المدينة يوجد باحة خضراء جميلة ف المكان هناك هادئ اتفقت مع حبيبي اننا سنخرج فور وصول الاطفال من المدرسة اخذت شور خفيف و وضعت اللوشن السحري فهو يجعل يداي ناعمتان ... اردت ان اسحر حبيبي وضعت القليل من الماكياج الخفيف الذي لا يكاد يلاحظ لكنه يعطي انطباع مثير و رائع... طبعا* كل ذلك لحبيبي ... حبيبي عندما هممنا بالخروج تفاجأت بأنه اتفق مع عائلته ليشاركوننا النزهة طبعا تبعثرت أوراقي و تبلدت مشاعري و هممت بمسح الماكياج و تغيير العباءة فقد كنت بأبهى حلة ... كنت استعد لموعد غرامي معك حبيبي لك انت و انت فقط هل فهمت انا و انت و الأطفال* نلهو و نلعب بعيدا عن الانظار وصلنا و انتظرنا و انتظرناهم حتى مللنا تظاهرت باني غير مكترثه قلت في نفسي اتلفت جوي و سعادتي و سأتلف جوك انا ايضا تحدثنا و لكن بدون نفس حبيبي طنش الموضوع و كأن شيئا لم يكن و انا تصرفت برسمية لا رومانسية لا نظرات لا غزل و لا حتى دلع انتهينا من الغداء و طلبت منه العودة للمنزل و طول الطريق تشاغلت بالاطفال حتى لا افتح معه موضوع حبيبي يحاول ان يبدا اي موضوع معي كعادته يجس نبضي ان كنت غاضبة ام لا و انهي النقاش بسرعة و اتشاغل بالاطفال و ماذا بعد ... انتهى مكانه المناسب |
رد : اريد النزهة لأختلي بحبيبي و لكن...
هذي مجموعة فضفضة مني
عندي مجموعة كبيرة جاثمة على صدري لابد ان افرغها و الا سأنفجر ف تحملوني hgh |
رد : اريد النزهة لأختلي بحبيبي و لكن...
طيب كان اتفقتي معه من اول تكونون لوحدكم
الحين انتي قلبتي عليه وزعلتي وهو مايدري ليش انتي زعلانه هو مايعلم الغيب كان المفترض توضحين له السبب بدون زعل والافضل بمزحه وابتسامه يتقبلها نفسيا اكثر من الزعل وبدون ذكر السبب بزعلك كذا بيقول عنك نكديه اطلعك واغير جوك وتزعلين بعد لو ماقاله لك اكيد بتدور بخاطره فافضل شي المصارحه بهدوء |
رد : اريد النزهة لأختلي بحبيبي و لكن...
اهلا ومرجبا بك اختي ..
نحن بانتظارفضفضتك.. |
رد : اريد النزهة لأختلي بحبيبي و لكن...
انا اذا رحت لاهله ما احط مكياج ابدا ابدا
من اول ما تزوجنا بعد ما رجعنا البيت قال انا اعرف انج تبين الطلعة لنا بروحنا و بس ما بايدي |
رد : اريد النزهة لأختلي بحبيبي و لكن...
اعترف اني رسمية و جدية جدا
و ززوجي انسان مشاعرة تتحكم به بشكل موطبيعي يعني عادي عادي اذا كان مبسوط يعزم العايلة ع الحفلة الخاصة اللي مسويتها له شوفو الهنا اللي انا فيه |
رد : اريد النزهة لأختلي بحبيبي و لكن...
كيف مو في يده
اذا هو احساسه مرهف.ليش يعزم اهله ويخرب جو الرومانسية هل اهله يسكنون معكم ويلاقي حرج بطلعتكم لوحدكم |
رد : اريد النزهة لأختلي بحبيبي و لكن...
كأنك تتكلمين عن حياتي مع زوجي والله بالضبط نفس ماتقولي hty
ياما وياما عانيت بهذا الموضوع وفهمته احب اطلع معك لوحدنا يعني تونا في بدايه زواجنا مااحب احد يطع معي ......... من هذا الكلام hfh بسراحه هو فاهم بس مدري ينسى او مدري كيف !! mhm تخيلي لدرجه صرت حضانه لعيال اخوانه زوجي يحب ياخذهم ونطلع سوى يعني تخيلي ماعندي اطفال واخذ عيال اخوانه معي !!!khh بس حسيت في شوي تغيربسيط بزوجي وصار يشاورني قبل لايعزم احد بالطلعه معنا وهذا اشوفها انجازjyjy يوم اوافق ويوم ارفض والان بديت امسك العصى بالنص hgh، احيانا انا اشاور زوجي ناخذ احد معنا ولالا واقترح عليه اماكن وين نروح منها (اتهيئ نفسياً)، ومنها اسعد زوجي بأقتراحي وبكذا مراح يفتح لي موضوع يالله ناخذ فلانه وعلانه ويتركني على مزاجيتي انا .glh وانتي كمان حاولي تطبقين كلامي _اولاً تناقشي معه بالموضوع واعطيه اسبابك الخاصه _ وثانياً مو كل مره تطلعي لحالك اعزمي اهله معكم ويمكن خلاص اذا شافك كذا معاد يعزمهم دون مايشاورك الله يعينك ترى المسئله يبي لها وقت ولازم تتحملي وتصبري وتجعلي قلبك وسيييع gnn. الله يهنيكم fdgrg |
رد : اريد النزهة لأختلي بحبيبي و لكن...
اممم صبري هاذي يبالها تكتيك يا بنت حميد ؛ شكلها حديقة المطار مب ويهه رومنسيه ههههههه
حبه حبه ؛ انتي ساكنه مع أهله،،! فيه مشاكل وتدخلات بينكم ؟ اسراركم دائما برا؟! |
رد : اريد النزهة لأختلي بحبيبي و لكن...
كسرتي خاطري 😢
شدخل موضوعك بالسعادة الزوجية .. هذا لازم يكون في قسم التعاسة الزوجية 😢 |
رد : اريد النزهة لأختلي بحبيبي و لكن...
مكانه الانسب
|
رد : اريد النزهة لأختلي بحبيبي و لكن...
اطلبي التعويض دامه عارف سبب زعلك
اخبطيها بوجهه ابي اقعد معاك الحالنا ياخي تالم خل عندك شوي دم حتى عيالك حطيهم عند اهلك او اهله واطلعوا الحالكم واستانسوا |
رد : اريد النزهة لأختلي بحبيبي و لكن...
واذا قال اهلي يحبون يروحون معنا قولي المرة الجاية انا اعزمهم بنفسي بس الجاية انا وانت الحالنا
|
رد : اريد النزهة لأختلي بحبيبي و لكن...
صارحيه واطلبي منه يخصص وقت لاهله ووقت لك معه..
|
رد : اريد النزهة لأختلي بحبيبي و لكن...
اختي الكريمة
اسعد الله أوقاتك وخيرها بغيرها القادم افضل ان شاء الله احيانا الزوج بعفوية يعزم معه أهله لكن ياحبذا لو توضيحي له انك ودك تجلسين معه لحالك يعني جو رومانسي وبعيدا عند وقفة برومانسية والأجواء الشاعرية ترى هي تجئ عن قناعات شخصية بمعني في أزواج ما يعجبه هالكلام والرومانسية وعنده افضل رومانسية واحد معه بالطلعه وهذه يعتبرها قمة الرومانسية لانها تناسب طباعه ومزاجه. انت شوفي ويش يعجبه وسويه ما تنفع رومانسية بالقوة وبدون قناعات منه نسقي معه مسبقا لكي يتفهم غايتك من الطلعه والله مالومك بمسح المكياج عند ناس والرسمية جداً جميلة امام أهل الزوج والناس والناس والله بعضهم ما يعطي خير اذا اشفوا المكياج قالوا مرتاحة يبدأ نق الحريم بس بجد انا ما حب الطلعات اللي فيها نفوس ثقيلة |
رد : اريد النزهة لأختلي بحبيبي و لكن...
هالحزن كله علشان مر اهله في طلعه بر
يا حب بعض الحريم للنكد انتم اصلا طلعتكم عائليه وعيالكم معكم ماكنتي معاه لوحدكم عشان نقول نكدو عليكم انتي حساسه اكثر من اللزوم ومكبره الموضوع هذا جدا جدا |
رد : اريد النزهة لأختلي بحبيبي و لكن...
ما اوسع صدوركم و ما اطيبكم
مدري والله كاني كتبت انها فضفضة يعني الموضوع صار و انتهى و الرجال عرف غلطته و قال ماعاد اجيب احد معانا المرة الجاية لحالنا و الطلعات الخاصة لحالنا والله من كلامكم انتبهت لنقطة ماكنت منتبهه لها زوجي يحب يتباهى فيني امامهم و اهله دايم معاه ع اتصال شكله بيصير عمدة العايلة و حلال المشاكل و الصدر الحنون هو الوحيد موجود قريب و اخوانه كل واحد ف بلاد و دايم ع اتصال مع امه يعني اذا جاه اتصال اول اليوم بيكون نهاية الاتصال تتغدون عندنا او اذا بتطلعون نطلع معاكم و اذا غيرها يصير زعل و كلام ما له داعي اروح معاهم و اطلع معاهم و اقعد معاهم بس احيانا يصير ف خاطري نطلع نزهه لحالنا لا مش حساسة و لا مكبرة الموضوع بس كانت فضفضة بس اشكر لكم مشاركتكم اسعدني مروركم |
رد : اريد النزهة لأختلي بحبيبي و لكن...
تبين ردود ولا الموضوع خلص
بخاطري اقول شي اذا تسمحين |
رد : اريد النزهة لأختلي بحبيبي و لكن...
اقتباس:
الموضوع خلص و هو عرف انه فيه فرق بين الطلعات الخاصة و الطلعات االعائلية الموضوع المفروض يكون ف قسم للفضفضة يعني هذي التفاصيل لو قلتها لزوجي بيزعل و اول شي بيقوله انتي ما تحبي اهلي ف حبيت اسدحها هنا و تفضلي قولي اللي بخاطرج |
رد : اريد النزهة لأختلي بحبيبي و لكن...
فعلا
لازم من البدايه يقول العضو انا افضفض عشان ما يسمع حلول لانه يبغى يسمع صوت نفسه اطلبي غلق الموضوع اذن عندما يكبر ولدك وتمنعه زوجته من للتواصل معك او ياخذك معه بنزهه ستفتحين موضوع اخر للفضفضه وستجدين من يلتمس عليهم الوضع ويردوا عليك |
رد : اريد النزهة لأختلي بحبيبي و لكن...
كلامك صحيح
بس ما اظن اني بمسك ابني عندي لين الفجر و يذهب بيته قبل اذان الفجر بساعة ينام ثم اتصل به الظهر يتغدى معاي و يتقهوى ثم يعود لابناءه العصر و يقعد معاهم شوي ثم يطلع المغرب لاصحابه و يتعشى عند الوالدة و يسهر معاها لين الفجر و يرجع نفس الموال 3 او 4 ايام بالاسبوع من غير انه نهاية الاسبوع يوم للنوم و يوم للاصحاب و اذا اخترت يوم لي و الاطفال اتفاجا بالجميع ينتظر الخروج معانا |
رد : اريد النزهة لأختلي بحبيبي و لكن...
وما سالتي ليه
حقيقه ليه ما يريد ان يقضي وقت معك |
رد : اريد النزهة لأختلي بحبيبي و لكن...
اعتذر للجميع لاني لم اوضح من اليداية انه الموضوع للفضفضة
و لكن شي طيب مشاركتكم و ردودكم نبهتني لاششياء ممكن اتحاشاها ف المرات الجاية |
رد : اريد النزهة لأختلي بحبيبي و لكن...
اقتباس:
امممممم يمكن هذا الشي اللي كنت اتحاشاه ماكنت اريد افهم انه ما يريد يقضي وقت معي لحالي لازم محرم بهيئ وقت لهذا السؤال بس ف الغالب ما يجاوب و مرة اصريت عليه قال انتي تشوفي فيه شي غلط قلت لا قال طيب مافيه قلت بس انت ما تقعد معي الا اخر الليل تاخذ حقك و تنام قال طيب وين المشكله قلت المشكلة انه مالك نفس تقعد معانا? كانه فيه شي مزعلك فجر القنبلة وقال اذا ما تشوفي انك مسوية شي غلط ف ماله داعي اتكلم اخليكي براحتك لين تكتشفين اساله فيه شي? خبرني علشان اصلحه قال ابد بس انتظرك لين تكتشفين قلت وين الغلط ف لبسي ف كلامي ف اسلوبي قال ابد خذي راحتك لين تكتشفي وش ذا البلشه ليكون متزوج المحقق كونان و انا مدري و انتهى |
رد : اريد النزهة لأختلي بحبيبي و لكن...
والله أمرهم غريب هالرجال ..
يظلون غامضين وتعالي إنتي عاني وفكري وسهر وأرق عشان تحللين سبب غموضهم وسكوتهم وتحاولين تكتشفين السر .. مثل الزوج اللي يجي يقول كل رجل عنده مفتايح لقلبه وإنتي أبحثي عن مفتاحي وألقيه .. طيب يا اخي حط المفتاح في يدها إنت ترتاح وهي ترتاح .. |
رد : اريد النزهة لأختلي بحبيبي و لكن...
اقتباس:
احس سب يبغي يشغلها عن تقصيره و انشغاله مع اهله |
رد : اريد النزهة لأختلي بحبيبي و لكن...
حبيبتي بنت حميد انا بقولج السالفه...
زوجج لازال في قوقعة أهله ... ولازال بعد هالسنين من الزواج يتباهى عند أهله انه الزواج ما غيرني ابدا وإني مب داز ويهه مول... هو حصل حرمة حشيم وساكته .، لو من غيرج بتفجر السالفه من اول سنة زواج ... ما علينا .. ريلج عاجبنه جدا النظام ما تغير عن العزوبية الا الشي البسيط ف هالوقت ما تنفع اعتراضاتج ولا كلامج ... الحين لازم تبدين اُسلوب معاه ان كانت فيه اشيا ما تحبين تطلع عالعام كلمي الادارة و خليها بينج وبين اللي تبين خاص ... لازم نعرف منج طبيعة علاقة زوجج هل مقصر فيكم و ف حقوقكم ؟ يلبي طلباتكم ؟ انتي مرتبطة به عاطفيا والا فيه فجوة بينكم ! أهله كيف وياج.. متاكدة انه ما فيه صورة مغلوطة توصل له عنج؟ اسراركم ليش تطلع ،.؟ فيه مره كلمتيه عن الموضوع ! ريلج معطنج مساحة لاهلج و ل صديقاتج.. يغار والا لا عليج؟ |
رد : اريد النزهة لأختلي بحبيبي و لكن...
اختي
لا تشكي بنفسك انا سالت بشوف وش تظني غلط انك رحتي سالتيه انتي انسانه حساسه والي بقلبك على لسانك خلي عندك كيد نساء وهو ذكي استغل الفرصه شككك بعمرك وخلاك تحسين انك غلطانه كان لازم تكوني واثقه بنفسك ادعي الله يسخره لك وحاولي تشغلي نفسك بغيابه |
رد : اريد النزهة لأختلي بحبيبي و لكن...
الله يعينك على بلوتك
ياختي هالرجال كنهم اتجننو بعمل الغلط وهو عارف انه غلط وفي الاخر لما تقع الفاس في الراس بحكيلك انتي زعلانة ؟؟؟!!! لامو زعلانة بس مقهورة ااااخ بسfhfhfhfh ومقصر بحق زوجته وولاده مابعطيهم حقهم من وقته وفي الاخر بحكيلك من عمايلك تب وضحلي شوعملت ؟ بحكيلك انتي مو عارفة ؟ لا موعارفة احكيلي ؟fgfg لالالا انا ماني حاكيلك لحد متراجعي حالك وتعرفي ياخي ارحمونا ارحمونا وخفو علينا جننتونا gfg الله يصبرك يااختي ويجبر بخاطرك |
رد : اريد النزهة لأختلي بحبيبي و لكن...
ماعنده كلام ولا حجة ..عشان كذااا قال انك مقصرة
ولو كنت مقصرة مادخل هذا بذاك!! عارفة اللي ينسأل سؤال ويتورط ..يقول...للي سأله..جاوب وانا بجاوب هه..كذا كان الموقف |
رد : اريد النزهة لأختلي بحبيبي و لكن...
لما سألك. انتي تشوفي فيه غلط.؟
هل يقصد هل ترين ان هناك غلط بخروجهم معنا او هل انت بك غلط.؟؟؟.؟ |
رد : اريد النزهة لأختلي بحبيبي و لكن...
اهلا اخوتي و اخواتي
الموقف اللي ذكرته و لما قال اتركك تكتشفين الغلط بنفسك و تصلحيه هذا الكلام صار له شهور و دهور كان متغير ف هذيك الفترة و بعدها رجع لحاله الطبيعي و يقعد معانا انتهى الحوار مثل ما ذكرت بس ختمته بكلمة و مشيت قلت ما اسوف اني سويت شي فلط و اذا فيه شي مزعجك كلمني ماله داعي الالغاز هو ما رد و انل مشيت و لا عاد فتحنا الموضوع و بخصوص النزهة و اتلافه للجو المطلوب و احنا راجعين قال انا ادري. ودك نكون لحالنا بس استحيت من الوالدة و خفت تزعل كالعادة (ليش ماخبرتوني ) طبعا اللي زعلني اكثر و فرحتي استغفر الله يعني فرحت انه وجهة نظري صحيحة ف عدم رغبتي ف اصطحابهم معنا صار موقف بينه و بين امه بسبب مبلغ و غرض بسيط و امه عصبت و هو مشى زعلان انا انسحبت و لا تكلمت ف الموضوع و لا علقت اكتفيت بجملة ( تحمل أمك مهما كان ) و لنتهى علاقتي بأهله عادية جدا و اذا صارت بيننا مشاكل ابتعد عنهم و طبعا غيابي يسالوه ليش زوجتك ما تحضر معنا يوميا انتبهو يوميا احيانا يتصل فيني من العمل و يقول بلهجة صارمة اتركي كل اللي بايدك و روحي بيت اهلي اسال ليش يقول بدون ليش اتركي كل شي و خذي العيال و روحي طبعا يوم اروح اشةفهم قاعدين مروقين و يشربون شاي و انا اللي جاية طيران ع بالي فيه شي طبعا هو يتباهى بي امامهم و امام اصدقاءه لانه محشمته و محشمة أهله بغض النظر عن تصرفاتهم و مواقفهم لانه هذا الاصل و المفروض عليي كزوجة من ناحية الشرع و الاعراف بس اللي يضايقني من جلساتهم انه مافيه احترام يعني لو صار موقف و ابديت راي و كان على هواهم يرفعوني للسما و اذا رايي لم يوافق رايهم ينزلوني اسفل سافلين |
رد : اريد النزهة لأختلي بحبيبي و لكن...
طبعا سالفة اتركي كل شي و روحي
لما اوصل عندهم حماتي تقول سالت زوجك عنك قال لي ف البيت عصبت عليه لانج ما تمرين عليي كله عند امج و عيالج كله عند امج طبيعي بحب امي لانها امي و محد يسواها تقول عامليني مثل امج و خل العيال يعاملوني مثل ما يعاملون امج قلت لها امي تجيب لهم العاب و هدايا و حلاوة علشان كذا يحبوها طبعا سكتت و بعدين طفل عمره سنة او سنتين حتى لو خمس سنوات ما يفهم الكلام مثل ما يفهم الافعال الله يهدي الأمور اذا انقطعت عن العالم |
رد : اريد النزهة لأختلي بحبيبي و لكن...
تبين السراحة غلط عليك تردين على ام زوجك بهذه الطريقه
( امي تجيب لعيالي اللعاب وحلاوه ..... )<< ام زوجك حق عليك تحترميها مثل ماتحترمين امك ^^ ومافيها شي اذا ام زوجك شرهت عليكم هي تحبكم وتتعامل معك كابنت من بناتها واحسها تتصرف على نياتها ، فلا تلومينها اذا يوم وشرهت عليك . |
رد : اريد النزهة لأختلي بحبيبي و لكن...
اقتباس:
ليش كله عند امج ليش عيالج يقعدون عندها و أنا كل مرة اسكت و قلت هالمرة خل تعرف مع احترامي لها بس لازم تعرف انه الطفل ينجذب للشخص اللي يعطيه مكافات و حلاو للعلم رديت عليها بهدوء و بطريقة مرحة عن تحسس و تزعل و بعدين أنا وأيد احترمها و لا عمري رفعت صوتي مع انها تهزيني قدام اللي يسوى و اللي ما يسوى و أنا انصرف عنها بهدوء بدون اي رد بس سالفة أمي حتى أنا أتضايق انه عيالي ما يحبون بيت أهل ابوهم و هذا الشي يضايقني احيانا اضربهم علشان يروحون |
رد : اريد النزهة لأختلي بحبيبي و لكن...
خلي أهله ع طرف .. اشتغلي ع ريلج .. خليه يعطي كل ذي حق حقه
خليه يعرف انه هاذيج امه و عالعين والراس وانتي ام عياله و حرمته اللي لها قدر و مكان |
رد : اريد النزهة لأختلي بحبيبي و لكن...
الحمد لله ثم الحمد لله ثم الحمد لله
|
رد : اريد النزهة لأختلي بحبيبي و لكن...
انزين الحمدلله على كل حال
|
رد : اريد النزهة لأختلي بحبيبي و لكن...
اقتباس:
أنتي يا أبيض يا أسود ماعندك حل وسط يا تتركين اللي في يدك وطيرين ركض لأهل زوجك ولا تردين على أم زوجك رد مش لايق طاعتكي لزوجك و أحترام لأهله هذه خصله جميلة جدا فيكي وترفع قدرك عند زوجك و عند ربك فلا تضيع كل هذا بكلمه |
رد : اريد النزهة لأختلي بحبيبي و لكن...
ما اشوف بردك على ام زوجك اي غلط !
بالعكس رد حلوو اذا زي ما تقولين قلتيها بهدوء لان قصدك واضح انهم يحبون المغريات اللي تديهم هيا امك .. وتبرير لسبب تعلقهم فيها مو زي ما فهمها البعض انه انت ما تحيبين لهم شيء !! واي طفل لو كل ما جاني استقبلته بحلاوة تلاقينه يستنى اليوم اللي يجني فيه .. |
| الساعة الآن 02:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©