سفر الزوج لوحده أو مع أصحابه ..
 

.
.
قبل يومين صاحبتي فتحت موضوع للنقاش بقروبنا في الواتس أب :

تقول أنا زوجي مايسافر برا .. إذا بيسافر بس فالخليج .. يعني الموضوع مايمسني بشكل مباشر.. بس أنا هالموضوع أشوفه صار ظاهرة واسمع بكثير شباب يخلون زوجاتهم ويسافرون عنهم اسبوع أو اسبوعين.. وهي كانت من اشد المعارضين .. ومن شدة تعصبها وهجومها المستميت على هذا الصنف من الأزواج شكينا إن الموضوع شخصي ..fgfg.. هي وجهة نظرها إنه في هالأسبوعين بيرمي عليها مسؤولية البيت كاملة ومسؤولية الأطفال وبينبسط وهي بتتعب .. أو ممكن يصير فيهم شي في هالأسبوعين وتكون بحاجة زوجها (مع العلم أهلها بنفس المنطقة)
المهم .. صار نقاش بين صاحباتي بين مؤيدة ومعارضة واحتد النقاش وصار شد وجذب.. وآخر شي تهاوشنا << كالعادة jh

أنا كان رايي كالآتي :
مادام الزوج مايقصر على أهله .. ويسافر معاهم .. وبيعطيهم مصروف كافي في فترة غيابه .. خله يسافر يروح وينبسط (أهم شي إنها واثقة منه ومن خوفه من ربه).. كلها اسبوعين في السنة أو في السنتين ماراح تقصر من أعمارنا .. بالعكس فرصة لتجديد المشاعر والأشواق ..
وإذا خايفة إنه بيطرأ طارئ .. فهذا من التشاؤم المذموم .. خصوصا لو الأهل قريبين مافيه خوف إن شاء الله .. وإحنا في مجتمعنا كلنا موظفات ونسوق ونملك سيارات وقادرين إن ندبر أمورنا بأنفسنا ..


انتوا إيش رايكم ؟؟

رد : سفر الزوج لوحده أو مع أصحابه ..
 

والله رايي من رايج مريوم
كلامج خص ان كانت السفره في السنه بس أكون واثقه انها مش للضياع ... الرجل محتاج يطّلع بروحه بدون ما يفكر فالحرمة و طلعتها و العيال وين بيشلهم و بيأكلهم و بيلاعبهم في كل طلعه ..
لذلك لابد من هالفرفشه ..،

رد : سفر الزوج لوحده أو مع أصحابه ..
 

ازا بيخليني اسافر لحالي ... اخليه يسافر 😎

رد : سفر الزوج لوحده أو مع أصحابه ..
 

ffb
أقول لصاحباتي المعارضات ..
الزوج بيسافر سواء رضيتي أو رضّيتي ..
فليش تنكدين على عمرج وتنكدين عليه قبل مايسافر ..؟
صج ناس يحبون يجيبون الغثا لنفسهم ..
شكلهم مايرتاحون إلا بالنكد والمشاكل ..

رد : سفر الزوج لوحده أو مع أصحابه ..
 

زوجي يخليني أسافر مع أهلي .. sdd
بس لحالي لا طبعا ماينفع بدن محرم ..

رد : سفر الزوج لوحده أو مع أصحابه ..
 

ابغا مع صحباتي 😂👊


اول ماانخطبت ... اول شي سألو عنو اخواني ... السفر ..

طلع سافر اندونيسيا مرا واحدة 😂 ... لما كلمتو وضحت له اني ضد السفر ...

باستمرار اصحابو واخوانو يكلموه عالسفر ... ويرفض ... اخر مرا خلال دي اليومين كلموه .. ورفض ... قالو له السفره من عندنا هديه ... انت بس تعال جااهز 😡.. ورفض

في الاخير رد عليهم .. وقال السفر معاكم ممتع لكن افضل السفر مع زوجتي ... dvf

وتعالي شوفي تعليقات اصحابو ... تخاف من الحكومة وماادري ايه 👊

رقاله يخربوا بعض 👊..

رد : سفر الزوج لوحده أو مع أصحابه ..
 

الافضل السفر مع العائله
الا اذا طلعت بر ووقتها قصير
خلاص الواحد ارتبط ينسى العزوبيه خلاص

رد : سفر الزوج لوحده أو مع أصحابه ..
 

هههههه يالحكومة ..
زوجك شكله ماعنده علاقات قوية خارج المنزل ..
أحسه بيتوتي ..
هنيّالك .. mjk

رد : سفر الزوج لوحده أو مع أصحابه ..
 

مع إني امرأة ..
بس أحس غلط الواحد لما يتزوج يحصر نفسه وحياته في نطاق الأسرة ..
وترا حتى العكس ...
ما أحب إن المرأة تحصر نفسها بين زوجها وابناءها وبيتها وكأن لا وجود لحياة خارج هذا البيت ..

بس أحترم وجهة نظرك كرجل وأحترك قدسيتك للزواج ..

رد : سفر الزوج لوحده أو مع أصحابه ..
 

اختي ماهي قدسيه زواج
بس واقع
معظم المشكلات ان الواخد يعيش عزوبيته وهو متزوج
محد يبي يتنازل
وصدقيني الي متعود على سفر الاصحاب ماتكفيه سفره وحده
كل شوي بيزنون عليه يله يافلان لانهم صارو قروب
الفلوس مو قليله الي تندفع بالسفره
العائله اولى فيها
لان اذا بتسفر اهلك يادوبك سفره بالسنه فكيف بميزانيه سفره مع الاصحاب برضو
الشباب يطلعوا استراحات مزارع مجالس قهاوي
يعني مو مخلين بخاطرهم شي وشايفين اصحابهم
برضو تبينهم يسافرون معهم مابقى شي لبيوتهم وعيالهم
الي عنده سفره عمل او دوره نقول
بر وطلعات رجاليه اوكي
حداق وبحر اوكي
لكن سفره لشرق اسيا ولا دبي ولا البحرين ولا اوربا
لا ما اؤيد ابدا

رد : سفر الزوج لوحده أو مع أصحابه ..
 

لا لا ..
طبعا كذا حتى أنا ما أؤيد ..
أقصد لو عنده القدرة المادية للسفر مرة مع أهله ومرة لوحده كل سنة .. ومرتاحين ماديا بشكل عام ..
يعني أنا موافقة إنه يسافر بس في حدود طبعا وذكرت إنه مايقصر على أهله وإنه يسافر معاهم وإنه يخاف ربه بالسفر ومرة بالسنة ..

رد : سفر الزوج لوحده أو مع أصحابه ..
 

في ظل الفتن وخاصة في الخارج وخاصة النساء العاريات وبيوت الدعارة المرخصة
وموائد الخمر حتى في مطاعم العوائل
ووو


لزم للزوج محرم عند سفره
واقووول الزوج وليس فقط الزوجة

مين المحرم زوجته طبعا

النبي صلى الله عليه وسلم امر المسلم اذا رأى مافتنه خارج بيته فاليأتي اهله فذلك اهدأ لقلبه ويذهب ما فتنه


لما بينفتن برى ويشوف ااشكال والوان وين يروح
المؤمن التقي ياخد مرته معاه من البداية ويعصم نفسه بإذن الله
اما اللي ماهمه دينه يروح ومو سائل كيف ما تجي تجي





وحسبي الله على مخربين البيوت والصاحب ساحب

ياريت يشجعوا بعض على الصيام والصدقه وقيام الليل
الا ياحبهم بالدشرة
وخايف من الحرمه
ووو تخبيب
حسبي الله وكفى



من اشد المعارضين لسفر الزوج من دون زوجته
رجلي على رجله
اصلا حتى داخل البلد كلنا ولا مافي روحةdfh

رد : سفر الزوج لوحده أو مع أصحابه ..
 

طيب ..

http://techwelkin.com/wp-content/upl...app-symbol.png

رد : سفر الزوج لوحده أو مع أصحابه ..
 

ام الدانه
اذا ابوكم يسافر وحده مع اصحابه وانتم متفاهمين مافيها شي
لا تقيسين على حياه الاخرين
لكل حياه زوجيه بصمتها
ولا تسالين عن امور ان بدت لك قد تضرك

رد : سفر الزوج لوحده أو مع أصحابه ..
 

زوجي ماقد سافر ..
يقول وده بس ماصارت الفرصة ..
وأنا ماعندي مانع بالعكس خله يغير جو ..
كنت بس مب فاهمة اسباب منع الزوجات لأزواجهم ..
أحس يبون المشاكل وبس ..jyf
قلت يمكن تفهموني عشان أمنعه لو الحق معاكم وانا مب شايفة المشكلة.. glh

رد : سفر الزوج لوحده أو مع أصحابه ..
 

اول شئ استغرب من اللي تقول تسافر رجلي على رجلك هذا مو علشان الفتن هذا قل ثقة في الزوج مع كامل احترامي

الفتن حولنا بكل مكان بالاسواق عبايات مخصرة وبالشوارع في السيارات يستهبلن وكاشفات وغير الكوفي شوبات والخ الخ الخ

كثير يسافرون الحالهم اوروبا او امريكا للدراسة وهم متزوجين والحمدلله الله ثبتهم ورجعوا وهم بخير ونعمة وحصانة من الله رغم حجم الفتن الكبير وتوفر كل اسباب الضياع

ثانيا : دائماً زوجتي تقول ماتسافر مع اخوياك الا تسافر وتاخذنا معاك رجلي على رجلك تسافر تنبسط واحنا قاعدين الحالنا لا وألف لا
يوم من الأيام اهلها كلموها وقالوا بنروح لدبي تعالي معنا انتي والعيال وكلمتني وقالت بنروح ونبي مصروف ومدري ايش قلت لا مافيه رجلي على رجلك قالت اهلي ومدري ايش قلت الكلام ثابت علي وعليك رجلك على رجلي ورجلي على رجلك هههههههه

عموماً انا ما اسافر مع اصدقائي لاني اعرفهم مايصلحون في السفر يتعدون الحدود فما احب اسافر معاهم للخارج

وزوجتي مبسوطه اني ما احب اسافر معاهم واي عزيمة ارفضها حتى مع المغريات علينا التذكره والسكن انت بس تكفل بمصروفك وارفض

احب اسافر مع عيالي اولادي وزوجتي نتمشى بالحدائق بالالعاب المائية بالاماكن التراثية بالملاهي ضحكتهم ووناستهم تسوى الدنيا والذكريات والصور تكون احلى مع العائلة

اما اللي واثقة بزوجها وتعرف اصحابه انهم ناس كويسين ماعندهم خرابيط اشوف مافيه مانع يسافر الحاله مع اصحابه

رد : سفر الزوج لوحده أو مع أصحابه ..
 

تحملتك كفايه ترد وترجع تناقض نفسك
الحين تقول عادي الرجل يسافر ويعرف يحصن نفسه امام المغريات
واخر شي تقول لا مااسافر اخاف من المغريات
لا تقول مالا تفعل

رد : سفر الزوج لوحده أو مع أصحابه ..
 

كلامك صحيح ..
ووجهة نظرك مقاربة لوجهة نظري جدا ..

اشكرك على المشاركة في النقاش ..

رد : سفر الزوج لوحده أو مع أصحابه ..
 

لا ما قال أخاف من المغريات ..
قال ما أحب أسافر مع اصحابي لأني أعرفهم مايصلحون للسفر ..
(المغريات) يقصد مغريات اصحابه له بأنهم بيتكفلون بالسفر وهو مايحب يسافر معاهم ..
أتوقع لو اصحابه طبعهم غير كان بيسافر معاهم ماعنده مشكلة مع السفر بحد ذاته ..

طبيعي لو أنا ماتعجبني حركات صاحبتي لو انها مثلا تحط ميك أب وتضحك بصوت عالي وتتمشى بتصنع ..
ما أحب أطلع معاها حتى لو أني ما أعمل زيها ..

رد : سفر الزوج لوحده أو مع أصحابه ..
 

اقصد بالمغريات وجود اصحاب يدفعونك للفساد
هذا شي مغري مش المغريات تسهيلات السفر
مو هم اصحابه وعلى قولتكم الفساد بكل مكان
ليه يخاف منهم بالسفر ويقاطعهم ويخاويهم بالبلد
ان دل على شي احيانا السفر يكون طريق للمفسدات
بعضهم يخاف اخد يشوفه بديرته فيهج برى يسوي البلاوي
وبعضهم يغريه فساد الاشخاص بالخارج

رد : سفر الزوج لوحده أو مع أصحابه ..
 

من اللي يسيء الظن ألحين ؟؟


لما رحت لندن .. كان ودي أروح المتاحف ..
وزوجي مايحب يروح المتاحف .. ودام إني مسافرة معاه فالأصل إني أكون معاه وين مايروح ..
مثل اللي يروح مع اصحابه ..
الأصل إنه يبقى معاهم ..
ولا أيش الفايدة السفر معاهم والطلعة لحاله ؟؟

رد : سفر الزوج لوحده أو مع أصحابه ..
 

والمتحف الحين نفس البار
الحين عندك صديقه لا زارتك عند اهلك خوش وحده وحبيبه
لكن تدرين انها اذا سافرت برى تشرب وتسكر وتدخن
تظلين على صداقتك معها
نتكلم عن المفسدات وليس اختلاف الاهواء
والكلام الي قلتيه فوق ياكد وجهه نظر الرجل لايسافر وحده لان ممكن اصحابه يسحبونه معاهم للطريق السئ
زي ما زوجك خلاكي تروحين وين ماهو يروح
يعني سالفه الي بيخرب الخراب بكل مكان مو بس السفر
لا في ناس تخرب بس بالسفر ويخربونهم اصحابهم

رد : سفر الزوج لوحده أو مع أصحابه ..
 

طيب .. ألحين أنا مؤيدة لأغلب كلامك وتظل تخالفني ..
قلبي مايتحمل أناقشك أكثر .. gfg
أشكرك على طرحك القيم ..

رد : سفر الزوج لوحده أو مع أصحابه ..
 

هذي طرده مشكوره

رد : سفر الزوج لوحده أو مع أصحابه ..
 

رد : سفر الزوج لوحده أو مع أصحابه ..
 

أم الدانة
زوجي بيتوتي لأبعد درجة
ماجربت الموضوع
بس أتوقع نظرتي تشبه نظرتك
أحب الحرية وعدم الالتصاق الدائم بشخص ما ...
وأحب الثقة بين الشريكين بدون استغفال


أم دندون
أشوى لحقنا نحلل أنا وانت قبل الحذف
قهر ياخي كل شي ممنوع بدون تفكر صح غلط حرام حلال مافيه
حذف وبس

رد : سفر الزوج لوحده أو مع أصحابه ..
 

وليه رديتي من البدايه
الردود الثانيه لردودك انتي
تحملي عاد
الي يحط موضوع يتحمل النقاش خاصه اذا موضوع جدلي زي هذا
الا اذا انا دخلت ببالي توجه وابي الاعضاء يوافقوني
واجادل كل من يعترضني
واذا رد علي قلت مافيني حيل جدال
والي يوافقني معاه وارد عنه بعد

رد : سفر الزوج لوحده أو مع أصحابه ..
 

لا مب هذا القصد ..
أنا غلطت لما بغيت بس أوضح كلام الأخ لأني شفتك فهمته غلط ..
كان المفروض ما اتدخل ..
فقلت خلاص أطلع منها ويفهمك هو وجهة نظره ..

أنا ماقصدت النقاش او الجدال في الموضوع نفسه .. ولكن فقط جزئية ردك على الأخ ..

أسأت الظن كثثثيرا ..



إذا حابب تتكلم في الموضوع الأساسي تفضل .. وأنا اعتذر

رد : سفر الزوج لوحده أو مع أصحابه ..
 

شكرا اخت دانه
قلت مافي جعبتي
لنسمع للاعضاء
يمكن اغير رايي انا
ومن بكره سفره مع الاصحاب

رد : سفر الزوج لوحده أو مع أصحابه ..
 

أنا هذا دايما مبدأي مع زوجي ..
عدم الالتصاق الدائم ..
وأحس مالي حق أعترض على سفره وافرض رايي دام هو ماسوا شي غلط ..
بس يمكن اكون غلطانة .. ويمكن اراجع نفسي في حال فتح زوجي موضوع سفره ..


تصدقين فاكهة .. زوجي دايما يقول بيسافر ولا شاف مني معارضة بس مايروح ..
ألحين بس طرأ في بالي .. إني لو رفضت واصريت على عدم ذهابه هل ممكن ياخذ الموضوع بعناد ويروح يسافر .. ؟؟
هل ممكن يعمل الزوج هذا الشي .. يسافر عنادا فقط في زوجته ؟؟ لكي يعطيها رسالة إنك ماتتحكمي بي واللي بسويه اسويه وأنا شوري بيدي؟؟

رد : سفر الزوج لوحده أو مع أصحابه ..
 

يعتمد اعتماد كلي على خلق الرجل ودينه ..'
فأكيد ستختلف ردات الفعل الزوجات لذلك ..
وغالباً ،، الرجل المرتبط كثيراً بعائلته ..
ما يسافر لوحده الا ما ندر او ملزوم كعمل او غيره ..

لكن ؛ هل فعلاً كل رجل يخاف على نفسه ( أو ينخاف منه او عليه ) من السفر للخارج .. ؟!!
مافيه ضابط ، ما فيه امان ..؟

رد : سفر الزوج لوحده أو مع أصحابه ..
 

انا ماناقضت نفسي انا اقولك اعرف اصحابي في السفر مايصلحون حتى لو بسافر معاهم اطلع الحالي واروح سياحة ولا اروح معاهم للمرقص

انا لو بسافر مع اصحاب صاحين اسافر معاهم عادي لاني اكون ضامن ان السفرة بتكون وناسه وفله وسياحه

اما دشرة لا والله ماني رايح معاهم اروح واقعد الحالي وش الفائدة

فهمت ؟؟ ولا اوضح اكثر

رد : سفر الزوج لوحده أو مع أصحابه ..
 

الي فهمته انك بالنهايه ماتسافر خوفا على نفسك من الانزلاق بما لايرضي الله
اجل ليه تنصح بالسفر
دور لك اجل اصدقاء صالحين ورح معهم

رد : سفر الزوج لوحده أو مع أصحابه ..
 

حبيبتي ام الدانة انا تفكيري متلك بحب يكون في مساحة للشريك وخاصة ان كان في ثقة وتفاهم

وتختلف المسألة حسب طبيعة الزوج او الزوجة
فسفر البعض ينعكس ايجابا في قتل الروتين وتجديد الحياة
والبعض الآخر يكون بلاء على الطرفين بحيث يصبح كالادمان عند الرجل وتزداد لديه الانانية وحب النفس والبعض يضعف امام المغريات وتصبح سبب للهلاك والضياع وتدمير العلاقة الزوجية

انا جربت فترة بعد بيني وبين زوجي ولكن اتعبتني من ناحيته بعكس ما كنت متوقعة
فكان كثير الشكوى بانه تزوج لنعيش دائما مع بعض وان نسافر سويا ونعود سويا
وانه تزوج وأسس عائلة ولا يريد ان يعيش حياة العزوبية
وان للحياة طعم مع العائلة والسفر كذلك
فتصبح حالته حالة
لذلك قررت اننا نسافر سويا ونعود سويا لانه عكسي من هذه الناحية يحب الالتصاق وبيتوتي ويحب مرافقتي ومرافقة اطفاله
لا يحب الوحدة ابدا

احترامي

رد : سفر الزوج لوحده أو مع أصحابه ..
 

طيب يام الدانه واذا صار زوجك زي زوجي
يعني سفرياااات باستمرااااار ومن غير حاجه
اي زملاء بيروحون سفر لخارج لمهمه يتلصق فيهم ..

طبعا كزوجه مالك لا سفريات ولاروحات وجيات
والايام اللي يمكث فيها يقضيها بالدوريات والاستراحات ..واصدقائه كثر النمل
كل يوم مع ناس جدد
ودينه ماهنا ذاك الالتزام
ترضين بهالحاله بسفرياته ؟؟

طبعا انا موب عاجبني وضعه ورايي ماراح يقدم ولايؤخر بالنسبة له
واتخاذ موقف حازم معه ماراح يجيب نتيجه ..

وعلى فكره اكتب لك الرد وهو مسافر >> اصلا متى قضب ارضه

رد : سفر الزوج لوحده أو مع أصحابه ..
 

ريماس وش مصبرك عليه

انااااا مااحب زوجي يسافر برا
هو مخطط مع شباب يسافرون انا ما اثق فيه ولا في شباب اللي بيسافر معهم
اذا يبي يسافر وينبسط ياخذ عياله معه ليش الانانيه حتى لو ما قصر معي في شي
انا مو ملزومه فيهم اذا سافر سياحه زي زيه انا بعد ابي اسافر مع بنات وابي انبسط خلاص مو عزابي عشان يسرح ويمرح
بس مره قال لي انا اشيل هم اذا سافرت معك اخاف تضيعين
جد هو ينبسط مع شباب كثير اذا حاولت اغير له جو في سفر او شي ثاني ينتفخ

رد : سفر الزوج لوحده أو مع أصحابه ..
 

افهم كما تشاء

نعم لا اسافر مع فلان وفلان وفلان لانهم يجتمعون على معصية بالخارج لعدم توفر ما يريدون بالداخل

واذا لقيت اصحاب صالحين ويرضون بالسفر للسياحة واتفقنا على ذلك لامانع من السفر معهم

رد : سفر الزوج لوحده أو مع أصحابه ..
 

ماعندي اهل اعتمد عليهم ...

رد : سفر الزوج لوحده أو مع أصحابه ..
 

مممم لكل شخص مساحة حرية ولا يلتصق بشريكه....اوكي
ماهي مساحة وحرية الزوجة التي تتونس فيها بما يعادل سفرة زوجها للخارج؟؟
بغض النظر عن الثقة...الوحدة "تتنغص"على نفسها خصوصا اذا ساكنة في مكان..اماكن الترفيه فيه قليلة و نادر تخرج.


هناك فرق بين موافقة بقناعة انها حاسة انها ماخذة كفايتها من الترويح عن النفس و جاء الحين دور زوجها
وبين موافقة على مضض وابتسامة صفراء..لان رفضها ما بيجيب نتيجة...

الزوج الفاهم هو اللي يقدر...و يشوف هل هو حارم اهله من السفر
وعليه يرفض وناسته وهم بعز الملل والحر والطفش
ويقرر بعدها

اما عن من يسافر مع اهله مرة و مرة مع اصدقائه ومرتاااح ماديا
فهم قلة..القياس على الاعظم...

رد : سفر الزوج لوحده أو مع أصحابه ..
 

مانسافر الا سوا داخل او خارج الوطن ...طبعا الا ادا كان سفر عمل..