|
معاملة زوجي اصبحت لاتطاق
السلام عليكم
عدت لكم مجددا محملة بالاهات والالام والحسرة علي الايام الجميلة التي مضت بيني وزوجي.. اصبحت مشاكلنا اسبوعيا ولا نكاد نصفو يومين او ثلاث حتي نعود اصبح زوجي جدا عصبي ولا يبالي بي ابد .. قديما عندما كنت ازعل يبادر بكسب رضاي .. الان صار يغلط ويرفع صوته ويعصب ولا يفكر يعتذر او يراضيني صار يزعل مني علي اتفه الاسباب .. واذا عاتبت او لمت يرجع السبب لي اني انا اللي انكد حياتنا وانه حياتنا اصبحت مملة.. البارح كنا جالسين نسولف ونضحك عادي تناقشنا في موضوع تافهة فجاءة عصب وقام .. رحت وراه اشوف وش فيه زعل واسأله بكل رومنسية قال مافينا شي خلينا ننام .. حاولت بس عصب علي واضطريت اتركه ونمت قلت يمكن ينسي اليوم الثاني .. واليوم متجنبني ولا قالي شي .. حتي لما طلع كنت ابي اغراض كان بيطلع من الشقة ومايقلي وهو مو بالعادة متعود قبل مايطلع يسالني ابي شي قبل يطلع .. ناديت عليه رد علي بعصبية وقلت الاغراض .. حتي اذا طلع يسألني تبين شي من برا .. اليوم ماسواها .. جلس معي شوي عالصامت طبعا يشوف تلفزيون وشوي اخذ اغراضه ودخل غرفة النوم .. ارسلت له اذا متضايق من وجودي تقدر ترتاح مني .. فرد علي انتي عندك انفصام افعالك غير اقوالك ومن هالكلام .. سألته من اللي قام البارح زعلان وسألته وما رد علي .. مع العلم اني لما ازعل او اتضايق من شي ابدا ماعاد يسأل فيني ولا كأني موجودة.. متضايقة حيل .. دعواتكم .. (تم التعديل ليتناسب مع المضمون) مستجدات الرد 45 http://www.66n.com/forums/showpost.p...7&postcount=45 |
رد : حياتي اصبحت لاتطاق
اصبح زوجي جدا عصبي ولا يبالي بي ابد .. قديما عندما كنت ازعل يبادر بكسب رضاي .. الان صار يغلط ويرفع صوته ويعصب ولا يفكر يعتذر او يراضيني
صار يزعل مني علي اتفه الاسباب .. واذا عاتبت او لمت يرجع السبب لي اني انا اللي انكد حياتنا وانه حياتنا اصبحت مملة.. أختي استوقفني هذا الجزء من كلامك ماهو السبب من وراء تغير زوجك في نظرك وأكيد السبب مو منك لكن أكيد فيه شي ظروف ضغوط خلته عصبي |
رد : حياتي اصبحت لاتطاق
اقتباس:
قبل شهر سافرنا دبي وطبعا دفع شي من المال واكملت الباقي .. وعندما رجعنا صارت بيننا مشكلة وقال انه ندمان انه صرف في هذيك السفرة اللي كانت اصلا من اقتراحي كأنه يلمح بأني انا اللي المفروض اتحمل التكاليف .. قلت له لاتندم ولا شي كل اللي خسرته حيرجع لك .. وجاء حب علي راسي واعتذر قلت لاتعتذر ولا شي وفعلا اعطيته الفلوس اللي خسرها كلها واخذها .. انا ما ابي ادخل المادة بيننا بس قاعدة انقل لكم الواقع بتفاصيله.. |
رد : حياتي اصبحت لاتطاق
وعلي فكرة والله اني اتضايق لما اشوف زوجي رافع يده عن مصروفاتي الخاصة الا ماندر ويحول لاخوه او لاخته مبلغ من المال ولو ضئيل .. ألست أنا أولي بهذا المال؟
أنا أوفر عليه مراعية لظروفه وهو يغدق علي غير ولو كان بالقليل؟ |
رد : حياتي اصبحت لاتطاق
يا أختي تحيليك واقعي و الله أعلم ما أشهد عليه
لكن أنتي صارحيه في كل كلام هذا وشوفي اش يقول ممكن توكني ظالمته |
رد : حياتي اصبحت لاتطاق
يعني لما بتعطيه الفلوس بيرضى اخاف يتعمد الزعل عشان عارف انك ما تقدري على النكد فتراضيه اما انك تعطيه فلوس او انك ما تطلبي منه شي ، الحل انك لما تعرفي انو سبب نكدو الفلوس تعملي نفسك مو فاهمه حتى لو لمح ؟!!
|
رد : حياتي اصبحت لاتطاق
اهلا بك , اسال الله العظيم ان يسعد قلوبكم ويفرغ مافي صدوركم من ضيق او زعل
موضوع انه يعطي اخوانه او اخواته , اهمليه على الاقل حاليا , وعلى فكره ما اظن فيه رجال مايعطي سواء بعلم زوجته او بدون علمها , يعني احيانا يشعر ان عليه حق او واجب , احيانا يحب ان يقدم شيء الى اهله واحيانا لا يبين لاهله انه محتاج هذا المال اصلا , ويبين انه بخير وعلى احسن حال ( وهذا انا ) اعطي اخي وهو اكبر مني , واسلفه وو , وانا والله بحاجه لكن اعلم انه بيحفظها لي معنويا وماديا , واعلم ان اثرها كبير من الله ثم منه ولرضى الوالدين وزوجتي تتضايق واتذكر اخر مره غلطت علي قد ماكانت معصبه ومو فاهمه لكن حاولت اشرح لها ان هذا خير بيرجع لي بطريقه ثانيه واخوي بيرجعه ومن هذا الكلام على العموم اما بخصوص انك تغيرتي , يا اختي ليه من الاساس يعني كنتي تشيلي وتساعدي , مشكلة الرجال انه اذا تعود صعب يتأقلم على وضع جديد , يعني انا ما احب الي يكون عادي او عنده نظام معين ثم يتغير , الافضل ان يكون كل شي من البدايه خاصه في الامور الاساسيه بين الزوجين , ان اراد ان يعطي اهله لا باس , لكن لا يميل عليك , ويزعل او يتنكد لان هذه ماله حق فيها , واجلسي مع نفسك وحاولي تسترجعي شخصيته وسوي لك فكره مضاده , تقدري تعرفي سبب زعله وتغيره واعتقد انك بتقدري تستشفي هذا الشيء حتى ان لم يصرح وايضا دائما اتخذي موقفا قويا في البدايه ان اردتي تغيير الحال , يعني ان زعل منك ثم عدتي كالسابق واعطيتيه وانفقتي سيتخذ تلقائيا طريقة الزعل والتغير والجفاء للحصول على مايريد , من الان اتخذي قرار هل تريدي العوده كالسابق اذن لا تطوليها اكثر واعطيه كما في السابق وان اردتي التغيير فعلا وان يتحمل هو , وانتي تصرفي ويكفي ان تصرفي على نفسك فقط , فعليك التمسك وخاصه انك على حق , وحاولي ان تبيني له وجهة نظرك وتقنعيه , |
رد : حياتي اصبحت لاتطاق
اقتباس:
عطاءه لاهله لا تتدخلي فيه , لا من قريب و لا بعيد موقفك صحيح من حيث يتحمل مسؤولياته و لا تتنازلي بيتعود علي الوضع و اذا تنازلتي راح يكون طول عمرك مو كل يوم برأي اجمعي مالك للتتعالجي من اجل طفل يؤنس وحدتك او بيت ملك ينفعكم , علي الاقل تتخلصوا من دفع الايجار و ذي مساعة غير مباشرة له و حتي لو اعطيتيه خليها علي فترات متباعدة و |
رد : حياتي اصبحت لاتطاق
لا لستي باولى من اهله
شايل مصاريف البيت وانتي بس شايله مصروفك الشخصي وزعلانه انه يعطي اهله القليل هذا القليل اللي يعطيه اهله هو البركة في راتبه ومصدر دعاء له ان الله يغنيه اتوقع انه فعلا متضايق وتغير عليك لانك تتكلمين معاه بالمادة فقط وهو اخذ عنك فكرة انك انسانه مادية غيري نظرته لك |
رد : حياتي اصبحت لاتطاق
اقتباس:
نقطة ثانية تري أهله حاسبين حساب اني موظفة وطمعانيين فيه من هالجهة .. يعني يطلبوه فلوس علي اساس اني بعوضه وهذا الشي مابقبله أبد..وما يرضي أحد.. |
رد : حياتي اصبحت لاتطاق
اقتباس:
زوجي اذا زعلت يقلبها زعله ومايفكر فيني .. ياليته يجي عنده ويحاول يتفهم وش فيني وش مزعلني .. أبد |
رد : حياتي اصبحت لاتطاق
اقتباس:
لكن المتعارف عليه ان الموظفة لاتطلب من زوجها مصروف وتعز نفسها بفلوسها هذا المتعارف عليه تشيل نفسها وكثر الله خيرها تقولين له عطني مصروف انت ملزوم فيني فأقبلي بما يقسمه لك وفي النهاية هو ملزوم بكسوتين الصيف والشتاء والاكل والشرب وهذا الشرع لو تبين تطبقين الشرع طبقيه بحذافيره اما اهله عارفين انك موظفة وبيطلبون منه لانك بتعوضينه هذه يا اختي امور غيبيه ماقالوا لك ساعديه واحنا بناخذ فلوسه فلا تسيئي الظن الرجل يخفي عن زوجته احياننا امور ويبدي لها امور في النهاية لابد منه هو انه يعرف الاولويات ويجزء راتبه بما يتوافق مع احتياجاتكم مصروف البيت هذا لايحتمل تقصير الأجار لايتحمل تقصير |
رد : حياتي اصبحت لاتطاق
لك مسكن.. واكلك وشربك عليه.. وكسوتين للصيف والشتاء.. هذي هي النفقه.. ومو ملزوم يحط كاش في يدك..
اختي كبري عقلك شوي. انت متزوجه الادمي وحالته الماديه مو قد كذا.. يعني هو متعني ومتزوج موظفه ليه؟؟.. غير يبيها تمشي معاه الحياة الصعبة ذي ويعيشون سوا.. وانت محد اجبرك عليه.. وكويس منه دفع الايجار ومقاضي البيت متكفل بها.. وبالكلمة الطيبة تمشين اللي تبغينه.. وحطي في بالك نقص الفلوس وضعف الدخل شين خصوصاً على الرجل ويقعد بحاله نفسيه سيئة.. ومن اتفه شي يزعل.. |
رد : حياتي اصبحت لاتطاق
قرأت لك مواضيعك السابقه ..
زوجك واضح انه معتمد عليك مادياً بعد الله .. وواضح انك متعلقه به وتخافين من فقده ..! فلذلك لا بد من توازن لحياتكما .. لا تقومي بدوره كرجل لجترار رضاه .. من شراء سياره و جوال و مصاريف وسفر وغيره .. ثم تأتين تطالبين بمصروفك !! غير مقبوله ابدا ... وغير انك تشرهين اذا اعطى اهله اذا احتاجوا .. فلذلك :: ضروري اتفاق بينكم على الامور الماديه .. وما يريده منك بوضوح ،، ولا يكون زعله ورضاه بخصوص الماده .. واحفظي كرامتك وحكمي عقلك في اموركما ،. الامر الآخر .. مشكلته في الانجاب ،، اكيد لها تأثير على نفسيته ونفسيتك .. الله يصلح احوالكما .. |
رد : حياتي اصبحت لاتطاق
غلطانة رجعتي له فلوس السفر
انت كلفتيه يتحمل مصاريف البيت ويتحمل المسؤوليات خلاص لا تتراجعي مهما استخدم معك أسلوب الضغط النفسي..مصيره يتعود،، سددي وقاربي واقرئي جميع الردود بتمعن واختاري الحل اللي يناسبك ويناسب حياتك،،، احنا في زمن صارت الموظفة تشتري الحب والكلام الحلو ورضا الزوج بفلوسها.. الله المستعان. |
رد : حياتي اصبحت لاتطاق
العقد الفريد
استوقفتني عبارة كويس منه دفع ايجار البيت متزوج موظفة ليه سبحان الله |
رد : حياتي اصبحت لاتطاق
يعني يالعقد الفريد هي تدفع اﻻيجار؟ ليه قلت كويس منه اذا مادفع الرجل حق بيته اللي ساكنه وش يدفع فيه طيب
|
رد : حياتي اصبحت لاتطاق
اقتباس:
|
رد : حياتي اصبحت لاتطاق
اقتباس:
|
رد : حياتي اصبحت لاتطاق
اقتباس:
وبالنسبة للمتعارف عليه فهذا اللي مقوي الرجال بهالزمن .. والنفقة الشرعية علي ملزوم فيها ولا فيها أي مجال للنقاش .. الرجل له حقوق وعليه واجبات كالمرأة تماما.. |
رد : حياتي اصبحت لاتطاق
مسكينة الموظفة الكل طمعان في راتبها حتى أهل الزوج
حبيبتي انتي ماقصرتي ورايتك بيضاء ساعدتي زوجك لما كان يحتاج مساعدة ولما فتحها الله عليه ألزمتيه بكل شيء إلا مصروفك الشخصي وهذا التصرف اللي كنت راح أتصرفه لو كنت مكانك واللي يقول انك تزوجتي زوجك وحالته المادية مو قد كذا, طيب مو انتي ساعدتيه ووقفتي معه وما شلتي يدك من المصاريف إلا لما تحسنت أوضاعه المادية؟! والله اللي مثلك تستاهل مو بس يحط لها زوجها فلوس كاش في يدها إلا بعد حبة راس معها واللي يقولون انه مو ملزوم يعطيكي مصروف دام انك موظفة ليه ماقالوا بعد انك ماكنتي ملزومه تساعديه في أول حياته؟! الزبده في رأيي انتي ماسويتي شي غلط وزوجك إذا زعل بدون ماتغلطين عليه اتركيه يرضى من نفسه لا تسألينه ليش زعلان ولا شي واضح ان زوجك شايل عليك لأنك شلتي يدك من المصاريف وكلامه لك "أفعالك غير أقوالك" دليل انه يحسب الزوجة الي تحب زوجها تغدقه بالفلوس مو بس بالكلام (مثل ماانتي تسوين الحين) بئس الحب الذي يشترى بالمال! |
رد : حياتي اصبحت لاتطاق
اوافق كلام اشغلتني الدنيا...
والله يعينك. |
رد : حياتي اصبحت لاتطاق
اقتباس:
تدرين أنه لما نتناقش في وقوفي معه وش يقول؟!! يقول انتي سويتي هالشي عشان نفسك تدورين راحتك .. بالله هذا رد انسان وقفت معه وماطالبته بشيء ابد .. |
رد : حياتي اصبحت لاتطاق
مازال زوجي في جهة وأنا في جهة .. صار حاد في كلامه لي وطبعا عن طريق الواتس .. صاير عصبي حيل .. واحنا بالسيارة راجعين من الدوام مو طايق احد يلعن هذا ويسب هذا ..
انا قايمة بواجباتي في البيت .. سويت له اكل وجهزت ملابسه .. اكل العصر وطلع ماعاد رجع الا الساعة10دخل غرفة النوم ساعة ونام .. طبعا انا نايمة بغرفة ثانية .. وطبعا هو مو مفكر فيني تاركني لحالي.. السؤال الان كيف أتصرف معه؟ |
رد : حياتي اصبحت لاتطاق
اقصد هل اسكت واتركه أم ابادر واراضيه ام ماذا افعل؟
|
رد : حياتي اصبحت لاتطاق
اسكتي وتعاملي بما يرضي الله سوي واجباتك ومن زعل من نفسه يرضى بنفسه ... ولا تفتحين موضوع زعللته ابدااا كأنك ناسيه انه زعلان ..
ضررررروري ترجعي غرفتك !!!!!!! حطي تحتها مليوون خط .. |
رد : حياتي اصبحت لاتطاق
ارجعي غرفتك.
|
رد : حياتي اصبحت لاتطاق
غلط أن كل واحد ينام بغرفة
كذا راح تزيد الفجوة بينكم اختي كم صار له زوجك على هالحال؟ |
رد : حياتي اصبحت لاتطاق
بناء على ماكتبتي في بداية الموضوع انك قمتي ورا زوجك تبين تشوفين ليه زعل وحاولتي معه عشان يرضى ومارضي أقولك اتركيه الين يرضى من حاله
ولا تفتحي أي نقاش معه إلا اذا هو بدأ فيه |
رد : معاملة زوجي اصبحت لاتطاق
للمشكلة ثلاث ايام..
اصلا هو مو معطيني وجه عشان أبدأ في كلام أو اناقشه في كلام .. حتي مسؤولياته صار يتذمر منها .. مدري وش يبغاني اسوي .. لاحول ولاقوة الا بالله .. تعبت والله |
رد : معاملة زوجي اصبحت لاتطاق
اقتباس:
الله يعينك اختي حاسه فيكي.. أكره الجو المكهرب بين الزوجين أهم شي لا تقصري في واجباتك تجاهه ولو حسيتي منه أي مبادرة للاعتذار بشكل غير مباشر لا تصديه مثل لو سألك تبغين أوديك مكان أو جاب أكل من برا استغلي الفرصة واشكريه بابتسامه وصدقيني راح يطيح الحطب |
رد : معاملة زوجي اصبحت لاتطاق
إذا تحبين زوجك جدا ومتعلقة جدا فيه
العني ابليس همه التفريق لا تعط الشبطان فرصة يغرح،، بادري وكلميه بحنااااااااااااااان ،،، وافتحي باب الحوار اللطيف،، لا تشدي ولا تتنازلي عن حقوقك،، (مدري هذه كيف أوصلها لك بس إن شاء الله فهمتي قصدي) لا تخلين مناقشاتك في المادة منطقية عقلانية بحتة،،لا،،، امزجي في كلامك العقل والعواطف،،،والله يا أختي حاسة إني توهتك :) الزبدة اتفاهموا واتغقوا بالشي اللي يحفظ لك كرامتك،،،وماتعيشين مثل الدجاجة اللي تبيض ذهب وماتستفيد منه... المرحلة اللي تمرين فيها صعبة اسألي الله تيسير الأمور والتوفيق وأن يسخر لك زوجك،وأن يزيل من قلبه الطمع والبخل ويبدل مكانه السخاء والكرم وكل شي بيد الله. |
رد : معاملة زوجي اصبحت لاتطاق
اقتباس:
والله يا اختي ياليته يبادر باي شي .. لدرجة اليوم جينا من الدوام طبعا متعود ياكل بعد العصر بعد مايصحي من النوم فصحيت كالعادة اسوي له كبسة وطلع جاب له غرض ياكله علي الكبسة ولا فكر يسألني تبغين اكل لان يعرف ما احب الكبسة ولا اكلها وعارف بعد ان البيت مافيه شي من الحواضر .. بالرغم من كذا جاء وحطيت له غداه تغدا وقام رمي الصحون في المجلي .. بالعادة قبل كان يغسل صحنه واحيان يغسل القدر اللي طبخته من باب المساعدة لي .. وقلب لي البيت وطلع ولا فكر يقولي تبين شي او اجيب لك شي .. كنت بتكلم بس قلت في خاطري حسبي الله ونعم الوكيل وسكتت.. |
رد : معاملة زوجي اصبحت لاتطاق
اقتباس:
|
رد : معاملة زوجي اصبحت لاتطاق
ياعمري لا تعتذري برإيي تفاهمي وأزيلي مافي النفوس،،وإذا تقدرين احرجيه خليه يعتذر..العبي علئ عواطفه وحسسيه بالذنب وتأنيب الضمير،،
الله معاك يفرج همك ويدلك للخير. |
رد : معاملة زوجي اصبحت لاتطاق
اقتباس:
انا انقهرت منها وانا رجل وما اعرفك.. كيف هو المسكين !... ياما حريم رضو ينامو بالحصير على الارض وتحملو,, هذا وانتي موظفةد تقولي الكلام لزوجك عشان وضعه المادي مو مضبوط.. والله كلمة تهز النفس من جد ! اقتباس:
|
رد : معاملة زوجي اصبحت لاتطاق
اقتباس:
|
رد : معاملة زوجي اصبحت لاتطاق
وانا ماقصدت باللي قلته له اهانته لا والله .. بس قلته حتي اخليه يتحرك ويحاول يحسن من وضعه .. وانا عرضت عليه اشتري له سيارة يكد عليها بس احسه متهرب ومسوف .. في دوامات جزئية يداوم في المساء عشان يحس وضعه ايضا لاحياة لمن ينادي .. كل همه الجوال والاجهزة والنت .. حتي التخطيط لحياتنا متواكل علي في كل شي انا اللي ابحث واخطط وهو منتظر راتبه اخر الشهر اللي يروح كله مايبقي منه شيء..
|
رد : معاملة زوجي اصبحت لاتطاق
أخذت نظرة سريعة على مواضيعك السابقة
اختي عندك مشكلة حقيقية وهي الحساسية الزايدة انتي حساسة زيادة عن اللزوم وتطلبي الاهتمام من زوجك بشكل مبالغ بناء على موضوع قريته لك في قسم المقبلين على الزواج, زوجك لاحظ هالنقطة فيكي من أيام الملكه وتعمد يغير معاملته معك عشان تتركين حساسيتك تصرفاته معك تدل على حاجتين: 1-انه طفش من حساسيتك ومن كثر مايراضيك 2- انه يشوف بما انك شلتي يدك من المصاريف فهذا يعني انك أنانية وماهمك إلا نفسك وبالتالي هو بعد صار مايهتم إلا في نفسه وماعاد يدور رضاك وفيه نقطة بعد لاحظتها في مواضيعك تكررين كثير انك وقفتي مع زوجك.. اذا انك تكررين هالكلام أمام زوجك فما ألومه صراحه على تغير مشاعره تجاهك خصوصا انك كمان تشعرينه انه مو قادر يأمن لك حياة كريمة زوجك فيه صفات حلوه بشهادتك انتي انه طيب وكريم ورومانسي.. وانتي ساعدتيه ماديا على أساس انه يستاهل.. سواء تصرفك كان صح أو خطأ انسي هالشي تماما الآن وافتحي صفحة جديدة بعدما تنحل مشكلتكم الحالية وتتصالحون, تقربي من زوجك وادعميه معنويا وفهميه أن علاقتكم أسمى من أن تهدمها الفلوس ووضحي له انك مستعدة انك تعيشي معاه على حسب استطاعته (وافهمي انتي بعد هالشي كويس) عشان مايكون تحت ضغط نفسي واضح ان زوجك يعاني من ضغوطات نفسية بسبب قلة المادة والإنجاب |
رد : معاملة زوجي اصبحت لاتطاق
القيت نظرة على مواضيعك السابقة.. صراحة معك حق نوعا ما وواضح انك صابرة كثير ونعم الزوجة. بس الظروف يعني تكالبت عليكم.. ومافيه احد مرتاح الدنيا ما تصفو لاحد .. .. بس قبل ما تقولين اي كلمة ان شكيتي انها راح تجرح.. لا تقولينها افضل..
.... بالنسبة للانجاب.. روحو المستشفى الجامعي بالرياض او جدة او الشرقية.. وحدات العقم فيها ممتازة ومجانية.. وفيه حالات كثيرة نجحت.. مو لازم تروحو الخاص وتصرفون اذا كان زوجك يتحسس من النقطة هذي.. |
| الساعة الآن 08:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©