|
تواصلي مع طليقي يقتلني
السلام عليكم ورحمة الله وبركاته
ما اعرف ايش اكتب .. بس ابغى أفضفض واطلع الي في قلبي ... وابغى أحد يرد علي .. ومر بمثل تجربتي .. انا مطلقه وعندي بنتين .. تطلقت من سنتين ... يعني من عمر بنتي الصغيرة .. اليوم جاء طليقي وزوجته وابنته الجديده ... واخذو بناتي للزياره .. اليوم اول مره بناتي الثنتين يروحو معاه عادة بس الكبيرة ... احس اني مخنوقة .. وفيني ضيم .. وحسيت بوحدة .. صعب اوصف الي احس فيه .. سبب طلبي الطلاق لان طليقي كان يرميني عند اهلي بالشهور .. ويزعل فيها لاشياء تافهه .. لدرجة اهله يستحون من الكلام الي يقوله .. مثلا علبة الهيل مو مسكرة زين ... واشياء كثير .. المره الاولى الي تطلقت فيها كنت بالنفاس .. طلقني بدون سبب .. انفجعت من رسالته ... وكيف وايش صار .. وليه .. ما ادري .. ترجيته .. وذليت نفسي له .. وانا بس في بالي البنت الي بيدي .. كيف بتعيش بدون ابوها .. من بداية حياتها .. تو عمرها .. كم يوم ... رجعت .. ورماني مره ثانية بعد ثماني شهور عند اهلي ... وبدون سبب .. ينزلني زياره ... ويغيب .. ضليت 3 شهور .. بعدا رجعت له على امل احاول اكثر أرضيه .. وفعلا .. صار تقريبا ما يلاقى علي اي ملاحظه .. لكن الأمان بقلبي ما عاد له وجود ... والبيت الي ساكنه فيه مالي اي ارتباط فيه .. عشت حاسه أني بطلع منه .. خلال هالوقت .. احنا حياتنا هادئة .. ما نتخانق .. ولا بينا مشاكل كبيرة .. لكن بنفس الوقت كل واحد بقلبه اشياء ومشاعر مخبيها عن الثاني . .. حملت بعدها ببنتي الثانية ... كنت اعيش بغربة .. بعيد عن أهلي .. وتقريبا بوسط صحراء ووحام .. ومريضه اربعة شهور .. كان ياكل برا .. وكأنه كايش لحاله .. ما كان واقف جنبي .. وكانت نظراته كلها لوم .. بالرغم من مرضي وضعفي .. الي ما كنت اقدر اتحكم فيه .. شي بداخلي .. قالي اني لازم اوقف على رجولي .. وأعيش مستقله .. وأكون قوية .. عشان لو رماني المره الجاية .. ما اكون ضعيفة .. وأنهار .. سجلت درسات عليا .. وأختبرت أمتحانات القبول .. وانقبلت بالجامعة .. اصر اني ما ادراس .. ولا اشتغل .. بالرغم من شروطي بعقد الزواج .. وأنا حاولت أقنعه بكل الطرق ... لكن دون جدوى .. عشت شهر ونص هجرني فيها بسبب رغبتي بالدرسة .. وقتها كنا مثل الغريبين في البيت .. نا كل على سفره وحده بدون ولا كلمة وننام على نفس السرير بدون اي كلمة .. اراسله ولا يرد علي .. ولما اكلمه يرد علي بكل برود .. وعدم إكتراث .. عمري ما بكيت قدام أحد .. وقتها بكيت .. بسبب كلامه .. أتذكر مره قلت تعال بكلمك بموضوعنا .. عاجبك وضعنا .. قالي بكل برود وبأبتسامه .. عاجبني ومرتاح ما هميته ولا همه حزني ولا همه الي كنت أحس فيه ولا همه بناته تعبت وتعبت وتعبت .. طلبت ازور اهلي نرتاح شوي من هالوضع سافرنا .. وتركني عند أهلي .. وكانت هاذي المره الأخيره .. تركني ست شهور بدون حتى ما يشوف بناته .. بعدها طلبت الطلاق .. لانه كان يدور له على عروس وأنا كنت الاسبير .. او زي ما يقولو أحتياط .. تزوج على طول بعد طلاقي بفتره بسيطه .. انعدمت الثقه فيه للأبد .. صور عرسه .. وشهر العرس كان تنحط على الواتس .. حروف اسم زوجته .. وعبارات الحب .. كلها على الواتس.. هنا اصريت .. على الطللاق وطلبت الصك .. وصدمتي بالصك .. طلاقي .. كان بنفس الوقت الي نزلني فيه عند أهلي .. والحين .. ما اعاد اثق بأحد .. حتى بنفسي .. كل شي أنهار بحياتي .. مع أني عند أهلي وعندي اخت حاسه فيني .. بس ما اقدر ابين لها ضعفي .. أشتغلت .. بس اعاني لأني تحت ضغط كبير.. التربية .. والنفقات والمصاريف .. أحمد الله كثير واعرف اني بنعمه .. واعرف اني حاولت مع هذا الرجل .. قد ما اقدر .. ودست على نفسي كثير عشان اصلح وضعنا .. لكني من داخي أعيش كأبة ... وحزن عميق ما يعرف فيه غير الله .. ما اعرف ايش ابغى .. بس ابغى ارتاح .. من زمان ما ارتحت .. وحطيت راسي بدون هموم .. لا اله الا انت سبحانك أني كنت من الظالمين . |
رد : توصلي مع طليقي يقتلني
الله يعينك حبيبتي الله يصبرك ويصبرنا صدقي اذا انت مظلومه غير ربنا ياخد حقك لان الله عادل
ان الله يمهل ولا يهمل وانا طليقي خطب وحط صورته على الفيس عشان يقهرني بس عندي يقين بالله انه راح ينصرني ان شاء الله لاني مظلومه مو شطاره ان الرجل يستقوى على المرأه ويظلمها تقريبا انا نفسك كان يتركني عند اهلي بالاسابيع والشهور من غير سبب مقنع الله يعوضك ويعوضني خير قريبا وعاجلا يارب |
رد : توصلي مع طليقي يقتلني
ربي يفرج همك اختي وينصرك على من ظلمك
اختي رددي <حسبي الله ونعم الوكيل > لها تاثير على النفس كثير وراحه عجيبه وكلي امرك لله وهو حسيبك عيشي حياتك لا تخلي اللي صار يأثر على دراستك ومستقبلك ووظيفتك ربي يخلي لك بناتك ويعوضك على صبرك |
رد : توصلي مع طليقي يقتلني
اقتباس:
جزاك الله خيرا يا.... خجل أحاول ..وبظل أحاول .. بس انا تعبانه .. ما ادري اذا هذا طبيعي ..ولا ..لا مرت سنتين .. وكل شي يذكرني بطليقي الى الان .. أحيانا احمد الله اني مظلومه .. بطلاقي .. والحقيقة أنا ما عرفت ضعفي وحاجتي لله .. الا بعد ما تطلقت.. قبل طلاقي قويت علاقتي بالله وكلت امري له واستخرت كثير.. وبعد الطلاق ما زلت .. اتذبذب في الاجتهاد بالتقرب من الله .. أعرف أن هو الوحيد الي يفرج كربتي وهمي .. وأخجل لما اقلل من العبادات . .. مع معرفتي بالاشياء الي انعم الله فيها علي .. اللهم لك الحمد اللهم لك الحمد .. لكن هذا الحزن بيخيم على قلبي طول حياتي .. وما اضن بينشال حتى لو اصيب طليقي بمثل ما ابتلاني به .. مع كل ما انعم الله علي .... أحس اني فقدت حياتي ... ما ادري ايش فيني يارب اغفر لي .. |
رد : توصلي مع طليقي يقتلني
اقتباس:
مو لاقيه له عذر .. بكل الي سواه وما اقدر استوعب كيف يأذيني .. وانا عمري ما اذيته حتى بكلمه من وراه .. |
رد : توصلي مع طليقي يقتلني
المؤمن القوي وخير وأحب عند الله من المؤمن الضعيف.. كوني قوية وصديقة لنفسك لا عدوة لها تبقين حبيسة ماض انتهى من عامين.. ارحمي نفسك ارحميها.. واطلبي الله العوض لك ولبناتك واكثري من الدعاء والاستغفار..
|
رد : توصلي مع طليقي يقتلني
اقتباس:
.. بكره بيكون أحسن .. لان الدنيا مليئة بالابتلاءات والاحزان والهموم .. طلاقي ما كان اوول الاحزان ولا بيكون اخرها ... ملامح وجهي تغيرت.. من الحزن .. وكل شي حولي مؤلم .. ليتنى اقدر اقول كانت تجربة وانتهت ليتني اقدر احس بالنعمه الي الله فضلني على كثير من الناس واعطاني اياها .. والله خايفه الله يغضب علي .. ... الله يجزاكم كل خير ويفرج عنكم همومكم .. |
رد : توصلي مع طليقي يقتلني
فإن مع العسر يسرا،،إن مع العسر يسرا....لاتخافين حبيبتي الايام الجايه بتكون افضل واجمل باذن الله اللي يصبر لازم ينول ..الحمدلله درستي وان شاءالله انك موظفه او تتوظفين قريب ويرزقك الله بالزوج الصالح اللي ينسيك همك،،فوضي امرك لله
|
رد : توصلي مع طليقي يقتلني
اقتباس:
|
رد : توصلي مع طليقي يقتلني
ياقلبي انسي وطنشي وعيشي حياتك ،، لا تهتمي بأخباره وامسحي رقمه من جوالك ولا تحاولي تتابعيه في الواتس وغيره ،، حبي نفسك واشغلي ببناتك وعملك ودراستك وحياتك ،، ترى الحياة لا تتوقف عشان رجل
|
رد : تواصلي مع طليقي يقتلني
اوك قولي وفضفضي... شو غير طلاقج كاسرنج و المسؤوليات
فيه شي ثاني محززنج؟؟ |
رد : تواصلي مع طليقي يقتلني
طيب اختي ما حاول يرجعك
لو حاول انتي بتقبلي ؟ الصراحه احس انك تحني له وما الومك كان زوجك وابو بناتك |
رد : تواصلي مع طليقي يقتلني
وعليكم السلام ورحمة الله الله يصبرك أختي ويفرج همك وهمك والله صغير أمام كثير من ابتلاءات الناس اشغلي نفسك بالدراسة والوظيفة ومارسي هوايات جميلة ، اكتبي خواطر ، ارسمي واقرأي ، تعلمي كروشيه أو خياطة أو أي هواية تميلين لها ، ولاتخزني رقمه بجوالك ، وادعي الله دائما أن يعوضك خيرا ، ويحفظ بناتك ، ما خاب عبد دعا ربه صادقا ... تحياتي لك ودعواتي .. وتقبلي مروري |
رد : تواصلي مع طليقي يقتلني
اقتباس:
الله يصبرك يا اختي. عندي سؤالين لو سمحتي 1- واضح ان فصل علييج بعد ما اصريتي عل موضوع الدراسه عدل؟ 2- من كلامك حسّيت انه عيوبه كثيره ولا تطاق و عادة اخواتنا المطلقات ما ينسون مطليقينهم اذا كان فيهم ايجابيات او كان الطلاق قهري وواضح ان طليقك مو من هالنوع. الحين صارلج سنتين تعبانه وما عندج مانع ترجعين له...مو المفروض اتكونين مرتاحه دامه سلبي لهدرجه ؟ |
رد : تواصلي مع طليقي يقتلني
حجم الصدق والألم في كلماتك أبكاني لا أجد ما أقوله الا الدعاء لك أن يرزقك الله فرحه تزيل همك للأبد
أعلم أن في داخلك صوت حزين يقول لماذا استطاع أن يتزوج وينجب طفله ويستقر مع أخرى ولم يتكلف عناء المبادرات الجميلة حين كنت زوجته ! زوجك لا يستحقك طائش ومكابر ولعله يعاني الأمرين مع الاخرى رفقاً بقلبك من الحزن والكآبة لا اعلم ان كانت كلماتي كافيه لمواساتك من كل قلبي ادعو لك بالسعادة والعوض الذي ينسيك كل الجراح ويقر عينك في صغيراتك |
رد : تواصلي مع طليقي يقتلني
يااختي اللي مثل هذا ماعليه حسوفه
اللي يوديك لاهلك عشان ماسكرتي علبة الهيل !! وش هالتفاهه ومعذوره لو ماتحسين بالامان مع واحد بهالعقليه اختي انتي انسانه طيبه وان شاءالله ربي يعوضك باللي يستاهلك |
رد : تواصلي مع طليقي يقتلني
الله يعوضك بالي احسن منه رجل بمعنى الكلمة مورجل بعقل طفل..هذا مايستاهل تضيعي حياتك في هم وحزن بسببه انسان تافه وعقله صغير الحمدلله الذي عافانا مما ابتلاه صدقيني والله ربي يحبك الي خلصك منه لاتدمري نفسك بالتفكير الحياة حلوة لاتحرمي نفسك من السعادة نفسيتك تأثر على بناتك وهم اكبر نعمة في حياتك الله يحفظهم لك ولايحرمك منهم.
|
رد : تواصلي مع طليقي يقتلني
حبيبتي انتي والله ..
ليتني عندك اضمك وأهديك بقولك شيء يمكن يألمك بقوة، لكنه بيوضح لك شيء حقيقي : زوجك ما حبك وتصرفاته و(لؤمه) بسبب عدم وجود مشاعر حب تجاهلك أو رحمة أو حنية...وهذا يرجع للؤمه في المقام الأول وليس لعيب فيك حاشاك مافيك عيوب ومتأكدة إنك انسانة قوية وذكية بدليل انك استقليتي ولقيتي نفسك ودرستي وكنتي فاهمته رغم انه مانعك من الدراسة لأنه يبي يذلك أكثر بسبب خبثه... الأرواح جنود مجندة،. وروحك ما تآلفت مع هذا الشخص لأنه نقيضك ! عمرك ما ضريتيه ولا سويتي له شيء وهو تمادى في الحاق الأذى بك عنوان الموضوع يوضح وش اللي يوجعك أكثر شيء ألا وهو تواصلك معه وانه مكمل حياته وانتي ترعين بناتك لوحدك .. هذا سبب كافي للألم انتي ما تحبينه واللي سواه فيك كافي يقتل أي حب بقلب امرأة لرجل سلمته روحها وقلبها انتي مقهورة لأنه عايش حياته رغم الحاقه كل هذا الضرر فيك بدون سبب اللي ابيك تسوينه الحين تحذفينه من حياتك (بعقلك) لا تفكرين بالرجعة له لأنه شخص بدون ضمير فكري بحياتك وبنفسك توك صغيرة وعندك فرصة للزواج بغيره وانشاء اسرة طبيعية فكري بنفسك، اهتمي بجمالك وجمال بيتك انتي وبناتك عيشي اللحظة واستمتعي هذي خيرة من ربي ما تعلمينها هل كنتي ترضين تعيشين مع شخص رخيص زيه ؟؟؟ انتي احسن من كذا فكري بعقل والعاطفة اذبحيها بسكين بدم بااااارد لأنك تستحقين أفضل |
رد : تواصلي مع طليقي يقتلني
المتني قصتك
ادعي ربك كل شي خيره من رب العالمين لا تراقبينه من باعك بيعيه والخير مقبل وبتشوفين اهم شي قوي نفسك لاجلك ولاجل البنات |
رد : تواصلي مع طليقي يقتلني
ليش الرجال مايكفيه الطلاق
ليش لازم يقهر طليقته وهي مابيدها شي هو اللي طلقها وهو اللي تزوج ياليت يكونون احسن من كذا خلاص تزوجت مو لازم تقهر المسكينة كفاية طلاقها عليها ----- اختي الله يعوضك باللي يسعدك وتناسيه الى ان تنسيه ومصيره يندم |
رد : تواصلي مع طليقي يقتلني
اسال الله العظيم ان يربط على قلبك ويذهب مااهمك
اختي اتجنبي تتبعه والنظر لمستجداته اعطي لنفسك ايحاءات انا قويه وساصل لاعلى المراتب دام الله معي قوي نفسك الحياة ماوقفت على زوج بهذه الصفات التي ذكرتيها بناتك بحاجتك يستمدين القوة والرغبه في العيش منك ارسلي لهن كل طاقاتك الايجابيه والله خير معين لكghgghg |
رد : تواصلي مع طليقي يقتلني
صدقيني وعن تجربه الي بيشيل الحزن من قلبك ويتبدل سعاده هو الاستغفاااار
والله الفتره الي الزم الاستغفار بكل وقت ومن افتح عيوني واغلب وقتي استغفر واصلي على النبي واردد لاحول ولاقوة الا بالله طبعا مع المحافظه على الاذكار والله احس بسعاااده عظيمه مااقدر اوصفها واذا لهيت وغفلت ترجع لي الهموم لو على اشياء تافهه صدق جل في علاه ( الا بذكر الله تطمئن القلوب ) |
رد : توصلي مع طليقي يقتلني
اقتباس:
الحياة لا تتوقف عشان رجل .. والله اني مصدقه هذا الكلام ومقتنعه فيه 100 % لكن احيانا تتوقف .. بالنسبه لرقمه ا اقدر امسحه لأن بينا .. بناتي .. وهو ما يزورهم غير كل 3 شهورواحيانا اكثر بحكم سكنه في منطقه بعيده .. فأحتاج يتواصلون معاه ولو عن طريق الاتصال .. لكن مراقبته بالواتس .. صحيح انا غلطانه فيها بس عجزت امنع نفسي .. وانااعرف اني اضر نفسي .. لكنحاولت ولقيت نفسي بالنهايه ارجع .. اراقبه .. جزاك الله خير .. وسعيدة بتعزيتك لي .. الله يجزاك خير ويحقق لك كل الاماني .. |
رد : تواصلي مع طليقي يقتلني
اقتباس:
والله فيه .. بس الاشياء الثانية .. اوالاشخاص الي يحزنزني يحزني حالهم .. ووضعهم . وهم افراد من عيلتي .. بس هم ما ضروني بشكل مباشر .. بس تضرني افعالهم وتأثر على نفسيتي .. لأن أنا حاليا احاول ألم شتات نفسي .. وهم بعيدين كل البعد .. عن فهم هذا الشي .. مستمرين بالمشاكل.. وتعكير صفوالعيش في البيت .. الله يصلحهم ويهديهم .. جزاك الله خير اختي .. |
رد : تواصلي مع طليقي يقتلني
اقتباس:
الحقيقة .. أني لما شفت صور زواجه .. والخ الخ .. والله كذبت نفسي وكذبته 9 شهور.. وعشت اقول لنفسي يبغى يقهرني ويمثل علي .. مستحيل.. يتزوج .. ويضرني بهالطريقة .. بعدها تأكدت .. بس صدمتي صارت اخف .. والله احيانا اقول لو طلقني وتزوج وتأكدت من الخبر بنفس الوقت يمكن كلن صار فيني شي .. لكن الله كان رحوم فيني.. جاني الخبر بالتدريج .. وتأكدت منه بالتدريج .. اما عن الحنين .. انا عشت معاه 4 سنين حاولت ارضيه واسعده .. وما اتذكر غير الحزن والقهم والألم .. وأتذكر التمثيل ... أتذكر لما كنت اعتذر وأنا مو غلطانه .. أتذكر لما أكون في حضنه .. وأحس أن قلبي فارغ مو لأني اكرهه.. لا .. بس كان ماخذ حقوقي و أخلف بكل الي وعدني فيه .. والأهم كنت أعرف أني أنسان ممكن يطلعه من حياته بأي لحظه .. أحن .. لكوني ... زوجه وأحن لبيتي .. الي صار بيت وحده ثانيه .. وأحن لأثاثي .. الي نفس الشي صار لها .. وأحن لجاراتي .. الي كانو اسره لي وقت الغربه .. أحن أني أكون جاره .. للحرم .. والأن اعيش بعيد عنه .. أحن لأهل طليقي .. وأحس انتزع مني .. اسرتي الثانيه .. وأحن لطليقي .. بس مو بعد ما تغير .. أحن له .. قبل الزواج .. أحن للشخص الي وعدني بيوم وقالي .. الله يقدرني واسعدك ..وأحقق لك كل الي تبغين .. بعد ما فهمت أنا لأيش أحن .. وأشتاق .. رفضت رجوعه .. وأنا بقمة الألم .. الرساله الي انتظرتها .. ودعيت الله عشان يتحقق رجوعه .. رفضت رجوعه .. لأن حتى برجوعه .. ما رجع الا لما كان متخانق مع زوجته ورجع لي فقط بالتلميح وسؤال هل لنا أمل ؟ وبعدها ما ابغى أعشمك بشي يمكن ما اقدر اسويه .. مستمر .. بالرخص فيني.. رفضته بكل ما اقدر من قوه .. أختي يارب كن معي .. جزاك الله خير .. طلعتي كلام من قلبي .. كنت بحاجه اسمعه لأي احد الله يحقق لك كل الاماني .. |
رد : تواصلي مع طليقي يقتلني
اقتباس:
جزاك الله خير مؤيده بنصر الله .. ما اعرف كيف وهذا الشي الي سويته ... بس لابد من لحظات .. أعاني فيها من الضعف .. كلماتك .. واستني كثيرا .. والله أني اعرف من هم بحال اسوء بكثير مني .. عشان كذا احيانا اخجل من الله .. كيف تصير نفسيتي بهالسوء وغيري مبتلى بما هو اشد .. جزاك الله كل خير |
رد : تواصلي مع طليقي يقتلني
اقتباس:
الله يصبرك يا اختي. جزاك الله خير أخي .. عندي سؤالين لو سمحتي 1- واضح ان فصل علييج بعد ما اصريتي عل موضوع الدراسه عدل؟ لأ .. هو فصل .. من أول كل المرات الي كنت اروح فيها بيت أهلي .. ويتركني بالشهور .. كانت لاسباب تافهه جدا .. وكنت اصر عليه يحضر اهله ونسوي جلسات صلح ونتناقش لاني كنت واثقه بنفسي.. وااثقه من تربية أهلي .. عمري ما أخطأت بحق أحد .. وأن اخطأت اعتذر .. بدون أي تردد. ومن أخطأ بحقي أسامحه بدون ما يعتذر حتى .. لو نيته صافيه .. هو ضيع علي فرصة الابتعاث مع اني مو انا الي طلبت نسعى للابتعاث .. هو من طلب وبعد ما لهثت وراء الاجراءات تراجع .. باخر لحظه .. والله اني حزنت لكن قلت هاذي اسرتي وهذا زوجي .. وهم أهم .. وما تنفع الغربة مع شخص مجبور ومو مستعد لها .. لكن بأخر مره خلاص .. حسيت وقت رجعتي لأهلي مثل كل مره قرب .. ما اعرف ايش الي خلاني اقدم درسات عليا .. استخرت الله.. ومشيت ببهالطريق .. طلع القبول وانقبلت وفرحت وفرحو لي اهلي .. والوحيد الي كان مستاء هو طليقي .. دراستي كانت يومين بالاسبوع .. حاولت اقنعه وافهمه جربني .. اعطيني فرصه .. مافيه فايده حسيت بعدها ان هذا الشي الي بيطلعني من البيت . لو اصررت اكثر .. تراجعت وكلمته.. وقلت له انت وعيلتي أهم .. وما ابغى اخسرك وأخسر بيتي .. كان رده .. هو مرتاح بهالوضع ومبسوط . ما اعرف ايش الي كان بينا .. بالايام الي ما نكون على خلاف .. كان يهديني الورد .. واهديه .. الي اقدر عليه بحكم ما عندي مصروف .. كانت بينا اوقات وجلسات خاصه .. بعيد عن أطفالنا .. كانت لنا ..جلسة العصر .. اسوي له كل الي نفسه فيه .. كان بينا وداع الصباح قبل الروحه للشغل .. كانت بينا مسجات وايميلات الحب .. كان ينام بحضني .. كل يوم .. كنت اعذره .. وما اطلب فوق طاقته .. لو اعطاني خير .. لو ما اعطى سهلتها عليه .. حتى لو كان بمناسبه زي العيد .. كان في النهاية أطلع رخيصه .. بنظره ويبدلني بالهسهوله .. 2- من كلامك حسّيت انه عيوبه كثيره ولا تطاق و عادة اخواتنا المطلقات ما ينسون مطليقينهم اذا كان فيهم ايجابيات او كان الطلاق قهريي وواضح ان طليقك مو من هالنوع. الحين صارلج سنتين تعبانه وما عندج مانع ترجعين له...مو المفروض اتكونين مرتاحه دامه سلبي لهدرجه ؟ بالعكس ما اقدر ارجع له .. هو بدأحياتنا بالكذب من .. اول سؤال..تدخن . قال لأ .. بالاخير يدخن من هو بمتوسط .. بس بالدعاء وبأظهار الرفض للهشي خفف كثير وترك التدخين .. لما كنت اذكره بوعودنا لبعض قبل الزواج .. يقول لي وهو يضحك كنت المع لنفسي وكل الشباب يسون هالشي هالفترة .. انا أتألم وهو يضحك .. انا بعد لي عيوب وبعيده عن اني اكون انسانه كامله .. وهو له عيوبه .. بس ما اضن كنت اقدر انهي هالحياة وانهي البيت الي يلم اسرتي .. عشان هالعيوب .. بالرغم من عيوبه ما كسرني غير رخصه فيني اكثر من مره . يمكن انا حزنانه على حالي اكثر عشان كذا مو مرتاحه .. |
رد : تواصلي مع طليقي يقتلني
اقتباس:
جزاك الله اضعاف مثل ما دعيتي لي به .. |
رد : تواصلي مع طليقي يقتلني
اقتباس:
لا املك غير الدعاء لكم . |
رد : تواصلي مع طليقي يقتلني
اقتباس:
فعلا نفسيتي اثرت على بناتي .. أكثر ما يحزنني .. بنتي اخذت درس عن المشاعر عمرها اربع سنين .. هابي - فريد - ساد الخ صارت تسالني كل يوم أنت اليوم هابي او ساد .. ولما اكون متضايقه مبين علي .. تسالني أنت ساد اليوم ؟؟ والله اتحسر على حالي وما الاقي غير دمعتي تنزل .. كنت قبل .. الابتسامه ما تفارقني .. حتى مع الحزن .. ومن يوم تزوجت وانا في هم وغم باذن الله راح ارجع لنفس الانسانه الي كنت ,, ادعو لي .. |
رد : تواصلي مع طليقي يقتلني
اقتباس:
اما عن مساله هو ما يحبني .. هذا الشي فهمته من اول مره تركني فيها عند أهلي .. بس انا حبيته .. وكل مره كنت التمس له الف عذر لأي غلطه .. عشان بيتي ما ينهار وانا كنت اتمنى أوزن الكفه .. وعلى الاقل أكون شي مهم بحياته .. الاقي اي تقدير .. كثير كنت اقوله الزواج .. موده ورحمه لكن للاسف ما القى رد .. غير بشي يحزن أكثر.. كلامكم زادني قوه جزاكم الله خير . |
رد : تواصلي مع طليقي يقتلني
اقتباس:
|
رد : تواصلي مع طليقي يقتلني
اقتباس:
ما املك غير ادعي لك بكل الخير على مواساتك .. |
رد : تواصلي مع طليقي يقتلني
اقتباس:
جزاك الله خير .. اتمنى . اتمنى من كل قلبي .. اجد نفسي الايجابية مره اخرى .. واشعر بنفس ماكنت احس به من قبل .. كنت ارىالسعاده .. والامل حتى وانا في قمة الحزن .. كنت أأومن بان هناك دائما خلف الحزن سعادة وراحه .. ما زلت اامن بهذا لكن هناك خوف في قلبي .. من ان انكسر مره اخرى او أٌ خذل .. اسعدك الله .. وجزاك كل الخير. |
رد : تواصلي مع طليقي يقتلني
اقتباس:
سأاحاول ان لا اتذبذب .. في عبادتي .. يالله كن لي عونا .. جزاك الله خيرا اختي .. |
رد : تواصلي مع طليقي يقتلني
تجولت في هذه المنتدى ..
وعجبت كثيرا ...يوجد رجال .. يشتاقون الى مطلاقاتهم .. ويحاولون مره واثنتين وثلاث .. لبناء ما انهدم ... لا . الانانية وقفت في طريقهم ... ولا الكبرياء .. ولاحتى. المشكلة التي ادت الى الطلاق.. طليقي عرض علي .. أن ادرس او اعمل .. وكل اوامري مجابة.. او ان ابقى في بيت اهلي او اسافر عنده .. ولما رفضت .. لم يحاول مره اخرى .. وكانه حمل وهم تخلص منه برفضي .. خوفا من ملامة من حوله . |
رد : تواصلي مع طليقي يقتلني
اقتباس:
حاسه في شعورك صعب جدا الله يصبرك ويصبرني يارب انت تحني الى حياتك السابقه ك زوجه بشكل عام لاني اشعر ما تشعرين به ان الله مع الصابرين الله يعوضك الزوج الصالح الي يسعدك يارب |
رد : تواصلي مع طليقي يقتلني
اقتباس:
بعض الرجال مثل طليقي وطليقك ماعليهم حسوفه ولا زعل الي ما قدرو العشره الي صبرنا معاهم على الحلوه والمره وراحو خطبو وتزوجو ونسيو مشاعرنا ان الله يمهل ولا يهمل |
رد: تواصلي مع طليقي يقتلني
يا حبيبتي
اثرت قصتك فيني كثير حسيتك رقيقه وناعمه اذا فقد الامان فقد كل شي الزواج يا شاري يا بايع وهذا بايع تالمت لموقفك بالنفاس وموقفك بالحمل فوق ما فيه من لؤم ونذاله مافيه احساس يختار ويصطاد وقت نفاسك وتعبتك الله يعوضك خير |
رد: تواصلي مع طليقي يقتلني
مرحبا اختي
الناس اجناس هناك طليق يحاول ارجاع طليقته وهناك طليقة تحاول الرجوع الى طليقته ولكن العناد والكربياء يقتل الروح الجميلة احيانا لكن الكرامة ثم الكرامة ثم الكرامة فالحب شي جميل خصوصا الحب فالله ولكن اذا جرحت كرامة الزوج الزوجة فهيهات هيهات فمن جرحت كرامته ليس بتلك السهولة ان ترجع الثقة كما كانت وان كان هناك حب وحنية من الطرفين فالثقة والراحة تكون معدومة تماما حاس بشعوركي يا اختي وحاس بنفس الالم ولكن لابد من الصبر وتوكل على الله وان نسال الله ان يعوضنا بخير منهم من يصون كرامتنا وعفتنا ويسعدنا فلانأيس فلاحياة مع الياس ولا الياس مع الحياة الله يرزقي كل خير ويعوضكي ممن يصونكي ويمحنكي الحب والمودة والسعادة ومن يحتويكي ويحتوي ابنتكي |
| الساعة الآن 08:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©