زميلتي تغار مني على زميلتنا
 

السلام عليكم ورحمة الله

ترددت وايد قبل ما اكتب هالموضوع بس حسيت اني ماني قادرة احله

في هالسنة انتقلت الى مدرسة جديدة وقسم جديد

والحمدلله بفضل من الله وحده صرنا على قلب واحد والحب والضحك والفرفشة تطاير من قسمنا


احنا ست معلمات انا ووحدة ( خل نسميها فوفو) سبحان الله كأننا فولة وانقسمت نصين متشابهين بكل شي

حتى في اختبارات الذكاء والابداع والاختبارات الشخصية متشابهين

حتى بالذوق ونوعية الاكل والى حد ما الشكل

زميلتنا الثالثة ( خل نسميها نونو) تحب او بالاحرى تعشق زميلتي فوفو

وطبعا كل ما تشوف شي ماىتشابه تعلق وانا اخذها على ضحك

لدرجة انها بدت تعيب على جسمي وشكلي وتنتقد ليسي بشكل لاذع

وانا اخذها على قد عقلها مرة احقر ومرة اخذها على ضحك

الى ان كلمتها بيني وبينها وسكتت عن تعليقاتها

يوم الخميس طلعنا نتغدى بمطعم وصادف اني جلست جنب فوفو

زعلت نونو وانقلب وجهها وظلت طرل القعدة متضايقة

بعدين راحت فوفو مسكت يدها جان تسوفني نونو بنظرة ما ادري شلون اوصفها


بس الواضح ان عيونها دمعت

انا سويت نفسي ما اشوفها



ومواقف وايد من هذا القبيل


شلون اتصرف

ابي احط حد لهذا الموضوع

رد : زميلتي تغار مني على رميلتنا
 

قدمي الخير دايم
وتعاملي بأخلاقك مو أخلاقها

عموماً هالعينه منها كثير مع الاسف
في المجتمعات النسائية
ومالهم حل إلا إن حركاتها ماتأثر فيك
وما تحصل على اللي تبيه

موفقه🌷

رد : زميلتي تغار مني على رميلتنا
 

هههههه انا اقولج عطي نونو اتنشن اكثر من فوفو و بتهدأ عنج

عقول هاالحريم الله يهديهن

رد : زميلتي تغار مني على رميلتنا
 

بصراحه معليش اختي
هل انتم مراهقات
تدمع عينها عشان مسكتي ايد صديقتها
وش هالخرابيط
معقوله حريم كبار هذا تفكيرهم
لو صاير الموقف للحضانه مااختلف
اختي نونو فوفو كيفهم
انتي خلك رسميه معاهم

رد : زميلتي تغار مني على رميلتنا
 

العقد الفريد اساسا مو هامتني بس لا تسيء لي او تجرحني بكلام وانا مالي ذنب

ريم الاوطان

الصراحة اهم مو عيالي او انا مسئولة عنهم عشان اضبط تعاملي بالملي معاهم

ابي اتصرف على سجيتي وطبيعتي

الاخ اهداني ثلجا

انا مستغربة اكثر منك
احس قاعدة مع اعوذ بالله ماني قايلة الكلمة

رد : زميلتي تغار مني على رميلتنا
 

اشرايكم
اكلم زميلتي الاولى ( فوفو)

واقولها ختخف عني صديقتج

رد : زميلتي تغار مني على رميلتنا
 

طبيهن الثنتين طاااااف تمي ع سجيتج لين يعافن عمارهن

رد : زميلتي تغار مني على رميلتنا
 

بالنسبة لي يبدو ان نونو حساسة للغاية وغيورة بشكل مبالغ فيه انصحك ان اختي ان تعذريها فذلك امر نفسي صعب تتحكم فيه ولذلك تقربي منها وحاولي ان تحبيها وتحسني اليها بنية الرحمة والثواب حتى تطمئن اليك ولا تظهري حبك لفوفو امامها واذا فشلت فحاولي ان لا تتجمعي مع نونو وابتعدي عنها ولتبقى العلاقة في حدود التحية وحافظي على راحة نفسك وانصحك ان لا تتعلقي باحد حتى ولو كان من افضل الناس لانه قد يفاجئك بسوء معاملته فيؤثر ذلك على نفسيتك فكوني متعلقة بالله وحده لان البشر كثيرا ما يخطؤون واحيانا يتغيرون

رد : زميلتي تغار مني على زميلتنا
 

أتوقع كانتا بالأساس صديقاتان مقربتان
وولذلك تشعر بدخولك قد سرقتِ صديقتك منها
إشركيها معكم بالحديث
دعي لها مجالا بإبداء رأيها
واهتماما أكثر

رد : زميلتي تغار مني على زميلتنا
 

السلام عليكم ورحمة الله وبركاته..
مرحبا بموهبة الحبيبة ربما نونو تفتقد شيء ما في حياتها او ظروف قاهرة تجعلها تتصرف بمثل هذا التصرف..
وحاولي عندما تكونوا معا تتشاركوا ابتعدوا قدر الإمكان عن الحديث في السر أمامها مراعاة لمشاعرها.

رد : زميلتي تغار مني على زميلتنا
 

والله كلامي كله علناً بس الاسابيع اللي طافت كنا مع بعض في شغل حق المدرسة

واضطرينا ان نطلع مع بعض العصر مع ان هي تقريبا كل اسبوع يطلعون مع بعض



القسم روعة ويهبل باستثناء حركات ال..............

رد : زميلتي تغار مني على زميلتنا
 

الغيرة مالها حل

رد : زميلتي تغار مني على زميلتنا
 

السلام عليكم
باستثاء حركات ماذا اخت موهبه
هل تقصدين حركات البويات ؟ هذا ما استنتجته اعذري ان كنت على خطا ؟
اذا هم من ها الفصليه فالافضل ان تبتعدي عن فوفو وعوعو ههههه

رد : زميلتي تغار مني على زميلتنا
 

المشكلة ان نونو متزوجة وعندها عيال و حامل بالشهر السابع


والله مالي نفس اداوم باجر

رد : زميلتي تغار مني على زميلتنا
 

ما جاوبتيني اختي موهبه ؟ هل صحيح ما اذكرته اذا صحيح
الافضل ان تبتعدي عن هؤلاء وعاملي الانثتين برسميه .
اولا هذا حرام ، ولا مدرسات والمفروض المدرسه تكون قدوه .
وغير كذا حتى اذا الاولى مثل علاقتك وصديقه لك فالثانيه الله يهديها راح تقحمك في بئتهم
لا الاولى صاحيه والثانيه . لان لو الاولى صاحيه كان من البدايه ابتعد عن الاولى .
صلي الفجر في وقتها واقرا اذكار الصباح كلها وعامليهم برسميه .
هذا الشي حرام ومشبوه

رد : زميلتي تغار مني على زميلتنا
 

لان لو الاولى صاحيه كان من البدايه ابتعد عن الثانيه . *
اسحبي نفسك بالبطئ احسن لك . واذا قدرتي تنصحينهم جيد جدا

رد : زميلتي تغار مني على زميلتنا
 

ولا تسرين معاهم بالسياره ولا تجرعين معهم .

رد : زميلتي تغار مني على زميلتنا
 

والله مادري شاقولج

بس طول ما اهم مع بعض كل وحدة ايدها بيد الثانية وبطريقة مو طبيعية

طبعا الحالة في الواتس اب تعكس كل اللي بينهم

ما اعتقد ان الاولى بوية بس الثانية الحامل تحب لحد العشق والهيام



شكلي بانسحب تدريجيا بس شلون انسحب واهم معاي بنفس القسم

وممنوع اروح اي مكان بوقت فراغي

الشكوى لله

رد : زميلتي تغار مني على زميلتنا
 

ابتعدي عنهن نفسيا
حركاتهن ماتطمن