زوجي تغير بعد ولادتي
 

افتراضي يابنااات زوجي متغير علي.


يابنات زوجي مونفس قبل متغير حيل علي بعد ولاده طفلي الاول. متغير بدرجه كبيره. من ناحيه طول اليوم طالع. ومايقعد. عندي ومن ناحيه محافظته على جواله. ويحاول يتهرب مني عشان يقعد عليه. مو حاس فيني كلش. حاسه بخيانته لي. امس جيته واهو فاتح جواله ارتبك. اليوم لقيت. في جوازه ختم سفره ...........يابنات حاسه ان عنده خيانه اشيروا علي وش اسوي. واهو جنوبي غربي.

رد : مشورتكم
 

اختي المصارحة والحوار هما الحل الان لكي تتضح لك الصورة اكثر
اجلسي معه واقول كل اللى بخاطرك وكل معاناتك وشوفي ردة فعله
واهتمت بنفسك زين وحاولي تجذبيه معك في الحوار اذا شفتي انه يبي يتقوقع على نفسه حاولي تخرجي منه وهذا يكون بالمسايسه وليس بالمصارخه لذلك كوني في قمة الذكاء والهدوء معا اضبطي المعيارية هذه حتى تعرفي السبب وبعدها لكل حادثة حديث

رد : مشورتكم
 

انا سبق ومريت بهالحاله من زوجي متغير علي وكان السبب خطوبة مسيار

سبحان الله الزوجه قلبها دليلها ويحسبونها موب عارفه عنهم شئ ..

الله يعيننا على هالرجال بس..

رد : مشورتكم
 

مشورتي لك تراقبينه عن كثب وتبحثين لين تحصلين دليل ، لا تواجهينه لين تتأكدين بعدها صارحيه الله يسخر لك زوجك

رد : زوجي تغير بعد ولادتي
 

...........؟!

^^
شوفي من اول ماكتبتي موضوعك السابق وانا توقعت انك شاكه فيه وفقدتي الثقه معه
-المره مثل ماقلت الاخت ريماس قلبها دليلها << تحس ان ورى زوجها شي ومسوي شي كبير وهو علباله ان الزوجه
( ياغافلينكم الله )
انتي لو تميتي ساكته راح يستغفلك ويمشي على هذا الطريق
تكلمي معه وقولي كل الي كشفتيه انه سافر للبحرين وكم مره
اسئليه ليش سافر ؟!
وليه ماخبرك يوم يروح ؟!
وايش فيها زود البحرين عن مناطق السعوديه يعني لو مثلاً راح دبي قلنا معليش هذه منطقه اشتهرت لسياح ويمكن حاب يشوفها بس يروح البحرين ؟!شي غريب السراحه

_ واذا ابد زوجك معند ولاراح يتغير كلمي اي احد كبير في العائله ( ابوه مثلاً ) خبريه عن سوالف ولده يمكن ينصحه .
لازم توقفين وقفة حازمه مع زوجك حتى يتغير
صعبه تحسي بخيانته وتسكتين .

رد : زوجي تغير بعد ولادتي
 

كذا مره يروح ....... وغير كذا اختي قبل زواجنا ..........ماقال اسافر انا والمدام انا ودي اقول له بس تدرين شنو خايفه يقول من وين عرفتي لاني شفت جوازه من دون لايدري

رد : زوجي تغير بعد ولادتي
 

طيب ان قلتي شفت جوازك
ولا ليش سافرت.. وش بيصير؟

وبعد ماتقولينها
تعرفين تتصرفين ولا بتسكتين
ولا كيف؟

رد : زوجي تغير بعد ولادتي
 

يصير راح يعصب ويقول تفتشين من وراي. وبعدها يصير الخطا علي وماراح اقدر اتصرف.

رد : زوجي تغير بعد ولادتي
 

اختي نوره مافهمت تقولي قبل الزواج ......... ويقول مع المدام ؟!
اجل تبين تسكتين وتجلسي تاكلي بنفسك !!
تكلمي ولاتخافي انت الحق معك ولو شافك خايفه بيقلب الطاوله عليك

وبعدين واذا شفتي الجواز وهو مايدري ؟!
ترى الجواز مايعتبر خصوصيه ومافيها شي لو شفتيه
ولا تخافي قولي شفت جوازك وبالصدفه
او قولي يوم كنت اكوي لك بنطالونك طلع من جيب البنطلون ..........!

رد : زوجي تغير بعد ولادتي
 

إذن أسلوب المكاشفة لا يناسبك
طالما أنك ستقتنعين أنك مخطئة

لا أرى لك إلا أن تطوري من نفسك
فوضعك هكذا سيعيقك وتبقين في دائرة
لا تستطيعين الخروج منها أو اتخاذ قرار صائب

رد : زوجي تغير بعد ولادتي
 

اقصد انه يخلي سفره ...... بعد زواجنا بس مسافر قبل الزواج لحاله

رد : زوجي تغير بعد ولادتي
 

واللي يناسب شنو انا صورت الختم وصورت المحادثة معاه كيف ألطريقه

وبعد ماخذ قرض من البنك من غير سبب لاسافرنا فيه ولاشي مأخذه لعب.اخذت ثلاث شهور عند اهلي عشان الولاده وأخذ راحته حيل. قرض وخرابيط. لدرجه هذي الرجال اذا غابت عنه المره لعب بالدنيا. ويعترض على الطلعه عشان الطفل الصغير يخليه عند احد والا اقعدي. بحجه انه خايف عليه

بس يقول لي لما حس اني شاكه فيه قال ترا ماعندي هالسوالف وماسوينها واحنا صغار نسويها واحنا كبار وبعدين قلت له الله اللي يشوفك وكما تدين تدان قال الحمدلله اهم شي الاخلاق. بس مو مصدقته احسه يبعد الشك عنه. طلبته الطلاق بس مو راضي ولا راضي ينفذ لي طلباتي. حاليا احاول امسك إثبات عليه عشان اواجه فيه عشان مايصير فيه لف ودوران.

رد : زوجي تغير بعد ولادتي
 

شو طلباتش نورا ؟؟

رد : زوجي تغير بعد ولادتي
 

طلباتي بيت خاص او شقه. سفره نفس كل العالم اللي تسافر خدامه غير اللي عندي. وغيره طلبته طقم ذهب وساوره وخاتم مع سفره وللحين مافي تنفيذ غايبه عنه ثلاث شهور كلها راحت باللعب ماسوا ولاشي

رد : زوجي تغير بعد ولادتي
 

هذي مقايضه

ثمن سكوتش عليه !!

صدقني ماسكت كله يقول ان شاء الله وابشري بس بدون تنفيذ

كلامه معاي عسل وأسلوبه حلو وفيه احترام بينا بس افعال مافي

رد : زوجي تغير بعد ولادتي
 

شو مفهوم الإحترام عندج ؟ ممكن توضحين

رد : زوجي تغير بعد ولادتي
 

رد : زوجي تغير بعد ولادتي
 

مفهوم الاحترام عندي يعني بالتعامل بالكلام السوالف والألفاظ مافي رفع صوت مافي سب او شتم او الفاظ بذئيه فيه احترام متبادل بس مافي افعال وفيه كذب

رد : زوجي تغير بعد ولادتي
 

أسألك بالله هذي طلبات تطلبين بسببها الطلاق ؟

بيت خاص تنبلع اما باقي الطلبات اسمحيلي طلبات سطحية جداً وتوحي ان تفكيرك جداً سطحي

يغير الخدامة اللي عندك

طقم ذهب وسواره وخاتم

طلبتي سفرة

الله يرحم والديك هذي طلبات تقولين مانفذها لي بطلب الطلاق وهو مو راضي زين الرجال مو راضي لو تطلبينه مره ثانية يمكن يطلق اصحي لنفسك يااختي

فيه ناس يتمنون بس لايسبني ولا يضربني

ثم تقولين القرض قضاه باللعب وش يدريك يمكن ابوه طالبه منه يمكن يسدد ديون ماحد يعرف عنها

رد : زوجي تغير بعد ولادتي
 

اقرا من الاول وتفهم

رد : زوجي تغير بعد ولادتي
 

اختي من ناحية السكن معك حق .على حسب امكانيات زوجك المتاحة.الهدية المفروض ذوقيا يجيب لك بعد الولادة بس لو ماجاب ترى شرعا موملزم اقصد لايصل الامر بك للطلاق بسببه ..وفري من مصروفك الخاص واشتري لك حبة حبة دامه مو مهتم الله يهديه لك الخدامة اوش فيها خدامتك فيها مشكلة وهل انتي موظفة اذا ماكان عندك سكن اغلب الرجال يرى زوجته مو محتاجتها وهذا الصحيح انها تخدم زوجها وولدها بنفسها احفظ لكم عن بلاوي الشغالات.السفر هذي صحيح حاجة كمالية بس يمكن انتي تشوفينه يسافر لحاله عشان كذا ودك يسفرك معه بس الموضوع ذا بالتفاهم لانه برضو مو من ضروريات الانفاق السفر هو كمالية بالحياة.باقي مشكلة انه متغير بعض من الرجال الله يصلحهم سواء في حضور زوجاتهم او غيابهم يخربطون ...لا الومك في ضيقك منه وفعلا يبيلك تقربين منه اكثر وبهدوء تتحاورين معه عن هالموضوع لو مانفع اكثري من الدعاء له والاستغفار اصلح الله حالنا وحالكم

رد : زوجي تغير بعد ولادتي
 

سفر الزوج بكثرة مشكلة تعاني منه كثير من الزوجات ومالها حل الا ان التغيير يجي من داخل الرجل نفسه ادعيله بالهداية في جوف الليل ..ومسالة الالفاظ اذا ابتدى يتلفظ وقفي مباشرة الحوار معاه وقولي ماراح اكمل معك الين ماتختار الفاظ قبل تقولها لي ..انسحبي من قدامه بهدوء وبيحس على نفسه الله يسخره لك يارب ..باين توكم في بدايات الحياة وقدامك المشوار طويل يبيلك تطولي بالك على ماتقدري تتاقلمي معاه ...الله يعينك عليه