هل زوجي متزوج بنت خالتي ؟!محتارة جدا
 

السلام عليكم
انا بنت تزوجت من سنتين من ولد خالتي الي كان بينا علاقة اعجاب بريئ من الصغر
وبعد سنه من زواجي تزوجت بنت خالتي الي بنفس عمري وكان زوجها يشتغل بالشرقيه
وكانت ترفض تروح معاه بحكم انها تطفش وتمل ودايم خالتي تتشكى لامي انها مو حاسه انت بنتها متزوجه وووو بنفس الفتره جاء لزوجي انتداب مؤقت للشرقيه وكلهم يشتغلون بنفس القطاع رحنا هناك وكان تغير بالنسبه لي وانبسطنا مره بعد شهر اشتقت لاهلي وقلت لزوجي خلنا يومين نروح نشوفهم ونرجع بهاليوم الي رحت زنت خالتي على امي عشان بنتها تروح معانا لان زوجها مايقدر يجي ياخذها انا تضايقت وقلت لامي يعني مابيها تروح معاي اخوانها ابوها يودونها مابيها تروح معانا هذا زوجي ومن حفي اغار عليه وقالت امي انه اخاف تزعل خالتك وعشاني وانه ماراح يصير الا العافيه وووو لمن قلت لزوجي قال بيدور حجز بالطياره عشان مايضايقني بس قلت انا لا عادي المهم مرينها من بيتهم والله ذا العبايه الي كنها بعرس وكل ماتتحرك كل شيئ يرقع من الاساور ومافيه خاتم الا بيدها ومناكير وعيون مكحله ومتكششخه ع الاخر ولمن طلعت تنادني تقول خلي زوجك يشيل الشنط نزلت اساعدها انا وراح نص المشوار وانا اغلي ومتنرفزه وحالتي حاله ولمن ملت قامت تسولف وتضحك وماصدقت وصلنا ونزلناها بسكن زوجها وزوجي مره عصب وهو يعرفها من قبل يعني يقول من يومها قليلة ادب ماعقلت يعرفها بحكم الطفولة الي بينا ومن يومها وهي اربع وعشرين ساعه تزورني وتلزق عندي والاحظها انها تلبس ملابس ولاقمصان نوم وتتعمد تروح وتجي وتاخذ راحتها وانبها انه زوجي يمكن يجي وتقول عطيه خبر اني موجوده ومواقف كثيره وزوجي دايم ينقد عليها ويكلم امه انه تقول لام بنت خالتي انها ماعاد تجي وتفكنا منها لكن الي صار امس وقف مخي امس كلمت امي وقالت ان بنت خالتك متطلقه من قبل لاتروح معاكم بس امها خلتها تروح يمكن يلين قلبه ويهون عن الطلاق وانها اخذت شقه بنفس عمارتكم لها كم شهر سكت انا ماحبيت اضايق امي لانها تطلع من عندي كل يوم وتقول زوجي جاء مادري هل فيه علاقه بينها وبين زوجي او مادري وش اسوي مخي وقف كيف اتأكد عجزت اشك بزوجي لانه يغليني اكثر من امه وابوه



تم تغيير العنوان ليتناسب مع المضمون

رد: زوجي وبنت خالتي
 

لاحول ولاقوة الا بالله حبيبتي الوحدة لاسارت بجيحة وقليلة ادب مايبغى لها الا عين حمرا توقفها عند حدها يعني تصرفاتها كلها مريبة مو معقول تحطين يدك على خدك لين يسير المحضور وقفيها عند حدها وحاولي تمنعين زيارتها عندك مادام ماهي محترمة وجود رجل بالبيت .

رد: زوجي وبنت خالتي
 

اعوذ بالله وش هذا ،،،،،،
معقوله اهلها يرضون لها تروح ديره ثانيه وتستأجر لحالها ؟
شي غريب بس الله يكفيك شرها ويرد كيدها بنحرها

رد: زوجي وبنت خالتي
 

.......

كل دي الحركات ولسى جالسه ؟!!
انا لو مكانك بتصل على خالتي واقولها بنتك ايش قاعده تسوي بالعماره لحالها !!
وقوليلها ان ماطلعت بتصير القطاعه بيننا وبينكم
شكلها ناوية لى زوجك

رد: زوجي وبنت خالتي
 

لو رحتي طيران كان افضل دامك تعرفيها....


المهم ايش تبغي بالضبط التعليق ع حركتها معاكم ولا شاكه انه بين زوجك وبينها علاقه ...

رد: زوجي وبنت خالتي
 

باختصار اعتذري منها
وقولي لها ما اقدر استقبلك ف بيتي و مشغولة و كذا و شكرا
اذا هي ما تخجل انتي ليش تخجلي منها

رد: زوجي وبنت خالتي
 

انا من رئي انو واضح من بدايت القصة
انو لبسها و كحل و الى اخره
و خروجها معكم بذات
و خالتك الي خبت عليك موضوع طلاقها و سمحت الها الخروج على هذا النحو
اتكدي من المحكمة اول شيء بتعملي عن زوجك مرتبط بمرأة غيرك
ثاني شيء واضح بنت متفقى مع امها على هذا الكلام
ولا كيف بنت تسافر و ترحل و مها تقول عذر مش منطقي
ولا يستوعب
تئكدي الله يهديكي لا صواب و لا تراجعي زوجك
طبعا ابدئي بمقاطعة رسميا و قولي بدات تزعجني
و خلي بالك على نفسك و لا تشربي و لا توكلي شي منها
البنت واضحة نيتها بتصرفاتها السيئة
هذا رئي بصرحة وتقي الله و اعقلي وتوكلي
ولا تتصرفي بتهور والله ولي التوفيق

رد: زوجي وبنت خالتي
 

لو بدالك لطربش الدنيا فوق راسا و اخليا عبرة لمن يعتبر

رد: زوجي وبنت خالتي
 

من رأيي لا تستعجلي
المهم لا تدخليها بيتك بتاتا
واقطعي علاقتك فيها واستودعي الله زوجك
لا تخلي ابليس يلعب براسك

رد: زوجي وبنت خالتي
 

الله ينتقم من خرابات البيوت

لا عاد تفتحيلها الباب لو دقت الين تتكسر يدينها وارجولها

وخليك دائما مع زوجك لا تتركيه ولا تباتي برة ولاتعطيها فرصة

ودائما ادعي اللهم من ارادني بسوء فأشغله في نفسه واردد كيده في نحره


وكلمي كل خالاتك وخوالك خليهم يقوموا عليها وعلى امها ويوقفوها عند حدها


وجع بقلب كل سافرة متبرجة متعمدة لفتنة الرجال


حسبي الله عليهم

رد: زوجي وبنت خالتي
 

عذر اقبح من ذنب
وانتي صدقتي عذرهم (يحن قلبه عليها ويرجعها) !!
طيب هي في العدة كيف تطلع وتسافر وهي مطلقه وبالعده اعرف ان المعتده ماتطلع من بيتها لين تنقضي عدتها صح ولالا !!
_ كيف امها سمحت لها تخرج وتسافر معكم الله واعلم عن نيه خالتك وبنتها
وانتي دامك عرفتي بالسالفه انتبهي منهم ولاتفتحي لها مجال تاخذ زوجك منك
وكوني حريصه اشد الحرص ، ولاتحتكي فيها واسفهيا ولي يبي يزعل يزعل اهم شي حياتك انتي .

_ بس خوفي لو رجعتو من الشرقيه تطلب ترجعونها معكم !!
في هذه الحاله لاتسمحين لها ابد وخلي خالتك تزعل بالطقاق ومصيرها بترضى

_ لكن حبيبتي ايش خلاك تشكي ان زوجك يطلع معها وانتي عارفه ان زوجك يكره تصرفاته ؟!
وذكرتي ان زوجك يحبك ويغليك !!

رد: زوجي وبنت خالتي
 

من كلامك اتوقع ساكنين في شقة مفروشة

غيروا شقتكم
و لاعاد تردين عليها

رد: زوجي وبنت خالتي
 

السلام عليكم ورحمة الله وبركاته
خلي زوجك يرجع شغله الشرقيه وانتي ابقي عند امك قولي لها هونت ،،، بعدين خلي احد من اهلك يوديك هناك ..
بس غريبه كيف ترجع معكم من لها هناك ؟

رد: زوجي وبنت خالتي
 

بس ما اظن انهم متعمدين يخفون موضوع طلاقها ،،، يمكن حاولت خالتك تستر طلاق بنتها بس ما قدرت ؟؟
اذا حسيتي انه راح ترجع معكم اعرفي ان الموضوع فيه إن !!

رد: زوجي وبنت خالتي
 

لا تسئ الظن بها
هل هو طلقها طلاق بااائن
لان المعتدة المفروض ما تخرج من بيت زوجها وليس العكس
فَلَو كان طلاق غير بائن. فزوجها اخطأ بعدم السماح لها بدخول شقته
او على الأقل أرجعها. المهم
هي لم تتوقع ان لا يوافق. فما كان منها الا ان تخجل منك و تموه انها ذاهبة
لشقة زوجها حتى لا تعرفي الحقيقة.

هناك فتيات يستهترون بالحجاب و جريئات في الكلام. لكن مو كل وحدة كذا
قصدها تبغى رجال!!و غرضها علاقة محرمة والله اعلم فهذا اتهام خطير.
هي بنت خالتك. وتعرفينها اكثر. هل كان لها علاقات سابقة!

رد: زوجي وبنت خالتي
 

طيب انا جتني اسئلة براسي لو كانت تبي رجال ثاني ليش تسكن بنفس سكنا ليش ماراحت بعيد اسلم لها
واخاف ان زوجي متزوجها لاني حسبت لها واثاريها طالعه من العدة وزوجي ابصم بالعشر انه مايسوي شيئ غلط
لكن لو بيسوي بيتزوجها
قسم مو قادره احط عيني بعينه ابغى اتأكد وبعدها بعرف ايش اسوي
افكر اني اجمع قواي واواجها

رد: زوجي وبنت خالتي
 

ايش اللي يخليك تشكين بزوجك ؟

مو امها كلمت امك واصرت عليها؟
وزوجك خاصمك
يعني البنت جاية من طرفك !
فليه تقولين ان زوجك متزوجها
ولو متزوجها كان يقولك تحزن ومسكينة الخ الخ
مو يقولك قليلة ادب .. و انا عارفها !

ابعدي عنها وحافظي على بيتك لا تهدمينه لمجرد وساوس !

رد: زوجي وبنت خالتي
 

بتواجهينها ايش بتقولين !

لكن ابعدي عنها ولا تاخذينها معاك !

ولا تستقبلينها فبيتك مصيرها تطفش و ترجع دربها

رد: هل زوجي متزوج بنت خالتي ؟!محتارة جدا
 

لا تفتحي فمك بكلمة معه حتى تتاكدي لانه لو طلع ظنك خطا كأنك تفطينه عليها فانتبهي
أبعدي عنها جملة وتفصيلا

رد: هل زوجي متزوج بنت خالتي ؟!محتارة جدا
 

هي ليش جالسه بالشرقية دراسة ولا عمل؟!؟
اذا تبغين تتأكدين روحي لشقتها وفتشي الملابس
لو متزوجها بتحصلين ملابس له
وان شاء الله يطّلع مو متزوجها

رد: هل زوجي متزوج بنت خالتي ؟!محتارة جدا
 

اقطعي كل تواصل لك معها

بلكيها بكل مكان

وافتحي جوال زوجك وبلكي رقمها احتياطا عشان ما تكلمه بحجة إنه ما قدرت توصل لك

واضحة نيتها الله يستر عليها

رد: هل زوجي متزوج بنت خالتي ؟!محتارة جدا
 

يالله مو تقولي البنت لسى في العده....


ياقلبي ابعدي زوجك شوي مشكلتك ماانتي قادره تركزي


دوري اي شي تتهاوشي فيه معاها غير غيرتك ع زوجك اي شي فكري وكبري المشكله هذي وقاطعيها ....

اطلبيي من زوجك تنقلو غير عن المكان الي هي فيه....

وسوي لها بلوك لكل شي رسائل ومكالمات ...

بكذا لا تعرف بيتك ولا رقمك ....ولاتبحثي وراها من جهة أمك واذا زعلت أمك قولي زوجي تأذى منها وانا بسمع كلام زوجي.....



.............

رد: هل زوجي متزوج بنت خالتي ؟!محتارة جدا
 

مش زوجك و زوجها بنفس القطاع
والسكن قريب من بعض
عشان كذا راحت معاكم !!

رد: هل زوجي متزوج بنت خالتي ؟!محتارة جدا
 

حلوه ذي
طيب مين يجيب أغراضها أكلها شربها! !!
ومو تقولين ساكنه بنفس العماره طيب معقوله ماقد شفتوا زوجها ولااستغربتو

اسمحيلي الكلام غريب شوي

رد: هل زوجي متزوج بنت خالتي ؟!محتارة جدا
 

بتعرفين اذا زوجك يتأخر
او فيه ريحة عطر غريبه
جواله اذا يخبيه منك ويحرص انك ما تستخدميه او تفتحيه ..
صدقيني بتلاحظين شي غريب بزوجك لو كان فعلاً متزوجها ..

شوفي لا تتهورين ولا تواجهين احد ابداًً لأنك ممكن تقلبين السالفه ضدك ويطلع كل اللي في راسك اوهام ..
تمهلي .. ركزي في تصرفاتهم الاثنين .. كوني ذكيه .. واياكِ تواجهين الا وعندك دليل قااااطع باللي تقولينه .. غير كذا بتقلبين السالفه عليك وتطلعين شكاكه وسيئة الظن ببنظرهم ..

رد: هل زوجي متزوج بنت خالتي ؟!محتارة جدا
 

الادميه ما لحقت تطلق!!
متى مداها ترسم على زوجك هي وامها بعد😞

استغفر الله ..بعض الحريم ماكلها بزوجها مقلب تحسب عيون الحريم كلهم عليه!

رد: زوجي وبنت خالتي
 

اللي ما امداه يقرا كل الردود
يركز شوي قبل يرد ..

رد: زوجي وبنت خالتي
 

كيف حسبتي لها
انتي مو متاكدة متى تطلقت يمكن تكون لسه في العدة
انتبهي من سوء الظن باالناس مع أني ضد تصرفاتها وحركاتها
انت مهمتك تحاسبي زوجك اذا شكيتي بتصرفاته اما قريبتك فحاولي تتجنبيها وتصرفاتها ربها بيحاسبها

رد: هل زوجي متزوج بنت خالتي ؟!محتارة جدا
 

يا عزيزتي قلب طفلة ارحمي نفسك قبل اي احد خففي من الغيرة ترتاحين ..يابنتي مابتطلعين سوق مع زوجك مابتفتحون تلفزيون مابتتصفحون نت مابتسافرون ؟ بتقعدين له حارس على حواسه ؟مآبتقدرين .. أنصحك لا احد يدري باللي يدور فراسك واذا بنت خالتك ناشبة لك وانتي خايفة منها لا تستقبلينها وانتهى .. يمكن زوجك ينتقدها قدامك لانه عارفك غيورة ويهدي عليك او يطمنك فلا تزودينها .. اتمنى لك حياة سعيدة فظل زوجك لك لحالك ايش رأيك

رد: هل زوجي متزوج بنت خالتي ؟!محتارة جدا
 

في حلقة مفقودة .. هي اغلب الوقت عندك ؟

طيب انتي ولا مرة رحتي ع بيتها

زوجك ما بيعرف زوجها ؟؟

يعني المفروض انهم من منطقة وحدة و تغربو ع منطقة اخرى و بنفس العمارة المفروض يكون في زيارات عائلية

زوجك ما سالك عن زوجها !!

رد: هل زوجي متزوج بنت خالتي ؟!محتارة جدا
 

اذا مره الشك لاعب براسك شوفي جوال زوجك بتقطعين الشك باليقين