|
الا متى يا معشر الرجال
الاستهانه بحقوق ومشاعر وحياة المطلقه او العانس
لاحظت كثير من الرجال يفضل التعدد بمطلقه او ارمله او عانس ويحط بباله انو اذا ارتاح يكمل واذا لا يطلق وياليته ينتهي بهذا لا يستمر مسلسل المزواج .. سوأل:: ليش ماعندهم مشاعر واحاسيس وكرامه ليش مايتمنون الاسره والاستقرار زي غيرهم وش ناقصهم علشان الرجال يخلونهم حقل لتجاربهم الفاشله ونزواتهم وغرائزهم . من بيوقف هذا الدمار المستمر ؟!! وانتم يابنات حواء نصيحه احسنوا الاختيار واطيول التفكير ماكتبت هالموضوع الا من قهري ع نفسي وع كل بنت بوضعي ضحايا لاشباه الرجال ليس كل من اراد التعدد كفو له حسبي الله ونعم الوكيل . |
رد: الا متى يا معشر الرجال
ذكرتي بنفسك سبب المشكلة
وهو " اشباه الرجال" |
رد: الا متى يا معشر الرجال
كثير من الرجال يحتاج إلى التربية!
|
رد: الا متى يا معشر الرجال
الله حسيبهم نسيو إنه رح يذوقو من نفس الكأس......
قريب لي كان محتاج زوجه وهو متزوج لكنه مايبغى بكر ولا قريبه له عشان لو ماارتاح معاها ليه يضيف هم ع همه وبيطلق وسبحان الله تطلقو بناته وهم في عمر الزهور وكان رافض جداً إنه يزوجهم متزوجين لدرجة إنه رفض دكتور كبير معاه زوجتين وكان يبغى الثالثه صغيره واغراه بأمور كثيره ورفض الأب حتى بدون مايشاور بناته لأنه خاف تكون بنته مجرد نزوه وشال فكرة إنه يتزوج مطلقه من راسه والحمدلله ربي عوض بناته |
رد: الا متى يا معشر الرجال
الخلل يبدأ منكن
من المستحيل أن الرجل يطلق زوجتة وهو مرتاح معاها ... إلا إذا كان مكره لكن إذا كانت الأولي آدمية الثانية تكون تبي الشر .. أو العكس فـ يفقد الرجل الإستقرار وبالتالي راح ينعكس علي زواجاته وكون الرجل يبي مطلقة او ثيب يمكن لأنها تكون أرخص تكلفة مادية من ناحية المهر أو أنه يتوقع أنها تكون أكثر رجاحة بالعقل وأقل متطلبات ... وهذا شئ خااطئ |
رد: الا متى يا معشر الرجال
اقتباس:
على الاقل انت صريح وماسويت فيها سوبرمان وصورت نفسك جنة الدنيا الذي سينتشل بنت الناس من العنوسة والانحراف والمجتمع وسيكسب اجرا وكأن ليست له مصلحة وراء ذلك |
رد: الا متى يا معشر الرجال
كل شيء يا استاذ فهلوي ع روسنا
والرجال ملائكه منزهه الي متى هالضلم ياعالم وهالتفكير لاتعددون ولاتبلون بنات الناس طليقي حالف بمجلس مليان رجاجيل انه مو مزواج علشان ايش؟! انا مو اخر حبه ع قولتهم بالعكس لو دور بيلاقي حريم نفس نظامه ليش اصر علي ويوم اخذني شاف غيري وطلقني بدون اي مبررات لفعلته .. بس يبي يستمتع ويحقق رقم قياسي بالزيجات وعذره يبي صغيره يربيها ع كيفه وحافظه للقران وعياله 6 وربي مادراء وش حفظوا ووش صلوا ووش حالهم كل يوم قبل انام هذا حالي اعاتب نفسي الين ماضاقت وتعبت ليش طلقني ؟ انا وش سويت؟؟ ضناه الي من صلبه ليش يرميه؟؟؟ تعبت وانا اكتب له رسائل طويله مره اوجها لظلمه ومره لحبيبي الي عشقته ومره لنزواته وبالاخر اعطيها حفظ وما ارسلها اصبح رجل غريب بالنسبه لي مايحل لي وكرامتي ماتسمح لي كل يوم انام والعبره تخنقني وقلبي مفطور واهو عايش الله العالم كم اخذ بعدي من حريم . ذبحتونا وانتم ترمون الوم علينا والتقصير منا تبون حرمه زي الجماد خذو لكم دميه . وع فكره ماكان لي علاقه بحياته ولا باهله بس فيه ومهري اخذت مهر بنت مع انه الثالث ماناقصني شيء الحمد لله بس هذا ابتلاء له مايرتاح ابداً مهما يتزوج لانه بختصار ظالم ومخادع وكذاب ... اوقفوا ظلمكم يا اشباه الرجال واذا ماتقدرون تعدلون ولا تديرون حياتكم خلوا بنات الرجال لرجال . |
رد: الا متى يا معشر الرجال
وما المرء إلا حيث يضع نفسه
من البداية الوحدة ليش تظلم نفسها مع معدد خصوصا إذا كانت بنت !!! |
رد: الا متى يا معشر الرجال
بالعكس المعدد الود ودة بنوته صغيرة
لكن مستحيل بنت صغيرة طبيعية توافق تبدأ حياتها كثانية او ثالثة الا لوجود عيب قوي اوفقر لذلك يضطر يخطب كبيرة او مطلقة |
رد: الا متى يا معشر الرجال
طيب ياعبير زى مافيه اشباه رجال هناك اشباه نساء . ولن يجدى دعائك على كل الرجال . تجربتك غير ناجحه . حسنا . فليكن دورك ان تنبهى النساء المطلقات والارامل ومن فاتهم قطار الزواج على ماياخذونه فى الاعتبار . ليكون درسا لهم وهاديا .. كلنا نرتبط ونتعجل الارتباط ونفاجا باننا لم نحسن الاختيار ونجرى على قسم ساعدنى مع اننا لو تريثنا قليلا قد نصل الى الانسان الافضل |
رد: الا متى يا معشر الرجال
لو المجتمع يعامل الفتاه او المطلقه او الأرملة
معامله طبيعية وأنها انسانه ولا ينظر لها فقط من منظور هل هي متزوجة او غير متزوجة كان انحلت كل القضايا لاكن المشكلة ان المجتمع يدفعها لتكون تحت ظل ( متزوجة ) مهما كان الرجل سيّء اهم شي تتزوج تحت اي ظرف وإذا تزوجت تمسك بالرجل بيدها وسنانها حتى لو تتحمل المر والاهانة والخيانه وحرقة القلب بس عشان ماترجع بيت ابوها آه يارب متى ندخل الجنه برحمة ربي وتنتهي الدنيا بكل معاناتها. |
رد: الا متى يا معشر الرجال
صحيح التسرع شيء شنيع
بس ليش المؤمن يضر اخوه المؤمن ولو جاء شخص بنفس ميوله وتفكيره واهو عارفه والله مايزوجه بنته او اخته مايدري ان ايذا الناس دين وبيرجع له في نفسه واهله يوم انه مزواج مايقول والله انا مزواج او اذا مقصر بصلاته يقول انا مقصر او اذا كان حرامي يقول كنت واذا لازل يقول لازلت ليش المراءه ينعرف عنها كل شيء والرجال خلف الستار الهندام النظيف والبشت والشماغ والسان المعسول والخلق العالي واذا صارو تحت سقف واحد بدت تفوح الروائح النتنه طيب خلك ع طهارتك الي بالعلن واحفظ بنات الرجال وتوب لله من خطاياك وبداء مع هذي الانسانه الي ماقبلت بمعدد الا لتستر نفسها وتنجب ذريه طيبه مع زوج طيب يعينها التسرع مايعطينا فرصه نفرح اننا خدعنا الناس وانجزنا الجريمه بسرعه وما اخذت وقت لازم نتقي الله في بعض . |
رد: الا متى يا معشر الرجال
حسبي الله ونعم الوكيل على كل رجل ظالم
|
رد: الا متى يا معشر الرجال
اقتباس:
اشباه الرجال مسمى يليق بلذين يتصرفون بمثل هذا == ولا يطلق عليه لقب رجل قال المصطفى عليه الصلاة والسلام .. .. ( رفقاً بالقوارير ) وما أجمله من وصف .. .. كان امي عليه السلام لا يقرأ ولا يكتب ولكن .. .. التعليم الرباني الذي لا يضاهيه تعليم أرشده .. .. لهذا الوصف :: :: فالأنثى كالقارورة لا تتحمل العنف والقسوة .. .. وإن حصل ذلكـ فهي معرضة لـ (التحطم) .. .. وبعض القوارير إذا تحطمت أصدرت صوتا ً خفيفا ً .. .. وبعضها الآخر تتحطم بصمت .. .. وهذا مؤلم .. .. ونوع يتحطم بألم فتصدر إزعاجا ً لا مثيل له .. .. كما هي حال الإناث .. .. ولكن هناكـ فرق .. .. فالقوارير إذا تحطمت لا تصلح للاستخدام .. .. فهي لا تتجمع وتتلاحم بل تبقى مبعثرة .. .. أما الأنثى إذا تحطمت تستطيع أن تلملم جراحها .. .. وتجمع أشلائها وقد تسامح من سبب تحطمها .. .. وذلكـ لرقة قلبها وعاطفتها التي لا تضاهيها عاطفة .. .. بوركن ما أروعهن فأرجوكم رفقاً بالقوارير |
رد: الا متى يا معشر الرجال
هدي نفسط يا اختي الله يحفظك ويرعاك اللي يظلم زوجته ويمد يده عليها مب رجااال هذا شنب ع الفاااضضي
صح اني مطلق بس انا وضعي غير ... الله يكون بالعون |
رد: الا متى يا معشر الرجال
سلام عليكم معلش خيتى كلامك اكيد فى مكانه فى اختيار زوجها الصالح ليكون شريك حياتها وتسئل عن افعاله وطبعه بس كمان الزوجه هيه اسا المشاكل فى بيتها ادا امتصت غضب الزوج انتهت اى مشكله بالعالم بس فى نقطه عند نساء اليوم اى شئ بيحصل مع زوجها بتلاقى الخبر منشور باداعه الجزيره ولو الزوجه فهمت زوجها مستحيل يكون فى طلاق بينهم ولو عرفت كيف تساير امورها معاه وتعرف كيف تتغزل بهواه تقبلى مرروى خيتى
|
رد: الا متى يا معشر الرجال
احنا هنا جنسين
وكل جنس ذاق المر من الثاني ما انكر ان فيه حريم تجيب الهم والغم وتكره زوجها الحياة بس انا اتكلم فقط عن الرجال الي يطلعون بمثاليه وفي داخلهم خلل كبير اتكلم عن طليقي والله ماعاد ابغى سيرته بس مثال اشوف الرجال بعمر ال45 وطالع يوصلون المستوى النضوج التام ومرحله حققو فيها النجاح من دراسه ووظيفه وزواج وانجاب ذريه صالحه وصارت هالمرحله من ال45 وطالع لمتابعة حياة اولادهم وتوجيههم ومصاحبتهم . اما طليقي هالمرحله عنده وكانه بداء يراهق انسان متعلم مثقف له خلفيه في المسائل الدينه وياكم بحواراتنا استشهد بادله من القران والسنه يعني حبيته لاشياء شفتها فيه وحسبتها عميقه طلع بقلب فارغ الا من حب النساء ليش هالخلل ابي اوصل لجواب يقنعني وبضل اسئل نفس السوال الين ما احد ياوبني ايش هالمرض او الحاله الي عنده . تتزوج بشكل متكرر ! طيب اذا لقيت الفشل ماحتتعب من تكرار نفس الامر لانه كل فتره يعيد نفس الدور مع اختلاف وتعدد الزوجات اذا فشلت بتستنتج ان فكرتك وطريقتك غلط هذا الانسان مستمر ولازال وماراح يوقف الا ما شاء الله او اقلها غير من نفسك علشان تنجح لاتكذب ..!! الزواج صار لعبه وسهل ليش مل ادري وضلم الناس وخداعهم اسهل .. النجاح الصدق اساسه اي امر يبداء بخداع وكذب نهايته قريبه وخيمه . قريبة عهد بانفصال 11 شهر واجد صعوبه في نسيان طليقي والتفكير فيما حل بي والحمد لله لم يؤثر هذا الظرف على ارادتي في الاستمرار للحصول ع حياة كريمه بعيده عن الجنس الاخر الذي وجه لي طعنات قاتله ولكن كان لطف الله يملاء حياتي ونجيت ومستمره بالحياة ...... الا ان يامر الله ملك الموت بنزع روحي فلا احد يوقف حياتي غير الذي وهبني اياها ولا احد يستحق ان يفوز ضدي انا وان خذلتني يا ادم قويه ناجحه جميله ... الحمد لله |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©