عدم تحديد زوجي للمدة التي يقضيها في سفره
 

السلام عليكم ورحمة الله وبركاته
انا جديده بينكم
أنا زوجة ثانية لأنسان حنون وكريم بكل معنى الكلمه ماشاءالله
بس عندي بعض المشكلات او اقول منغصات تعكرني نوعاً ما
انا سبق لي الزواج من انسان حقير وربي لطف بحالي وماستمر زواجي اكثر من شهر
وانفصلنا... وربي عوضني بفضله وكرمه
وبعدها انخطبت من هذا الانسان وكنت رافضه فكرة اكون زوجة ثانيه
رغم انه في مجتمعنا عادي ومو شي مستنكر والزوجه الثانيه عندنا تعيش حياتها بالطول والعرض وتتدلع بعد.. المهم
بقولكم بعض منغصاتي وابي منكم الارشاد والنصح بدون تجريح واسائه
زوجي عيبه لما يسافر مايقول متى بيرجع!! فهمتوني يعني مايحدد اسبوع اسبوعين او شهر كذا عرفتو
سفر الشغل اقصد
وهو حالياً مسافر عند اهله وزوجته لانهم مع بعض.. سألته متى بترجع يقول خليها على الله
كل شي بأمر الله اعرف بس يستفزني ابي يحدد مثل باقي العالم يقول بقعد شهر شهرين ثلاثه والله عادي بس ع الأقل يكون عندي خلفيه
هذا اكثر شي منغص علي ومزعجني
واذا عندي استشاره زوجيه بأذن الله راح استشيركم رجالاً ونساءً واعرف مابتقصرون معاي
بس هذا اللي ابي احله اول شي واعرف كيف الطريقه اللي تخليه يقول لي او يحدد تقريباً مدته
يارب تكونون فاهمين علي وعلى تخبيصي عاد حامل وفيوزاتي ضاربه هههههههه gfn
احبكم في الله ghg





تم تغيير العنوان ليتناسب مع المضمون

رد: زوجة ثانيه تريد مشورتكم
 

عارفة ليش مايبغي يقول ؟؟
لأن مشكلتنا إحنا الحريم لما تتحدد لنا مدة .. خلاص لازم ماتتغير أبدا البتة ..
ولو مدد وجلس أكثر في سفرته سواء لظرف وضرورة أو بدون سبب بتقوم قيامتنا .. حقيقة ماننكرها ..
فهو أختصر على نفسه وعليك المشاكل وقال خليها على الله ..
بس الضروري إنه قبل مايرجع بفترة كافية يخبرك عشان تستعدين له .. كما وصى الرسول عليه أفضل الصلوات والسلام ..

رد: زوجة ثانيه تريد مشورتكم
 

أم الدانه اشكر ردك السريع وتفاعلك معاي (( الله يرضى عليه ))

اقنعتني وجهة نظرك... انا جاء على بالي انه قل اهتمام وكذا
بس بعد كلامك اعدت النظر.. وهو يخبرني قبل مايجي بفتره كويسه عشان استعد واتكتك نفسي ههههه

شاكره ردك مره ثانيه واتمنى من البقيه يرشدوني اكثر ويقولون رايهم

رد: زوجة ثانيه تريد مشورتكم
 

اتركيه على راحته
هو اكيد عنده أسبابه
المهم انه مش مقصر عليك
ﻻ تجيبي النكد والهم لحالك
وحاولي انشغلي
مع اهلك
جاراتك
صديقات
شغل
هوايه
طبخ
حضور دورات
خياطه
صﻻه واستغفار وقران وذكر
محاظرات دينية لشيوخ ثقة
المهم ﻻ تخلي الشيطان يفرح ويذكرك بهدا الغلط فقط بينما زوجك كويس وكريم وحنون ورجل ومتحمل مسؤوليه
تعوذي من ابليس
وﻻ تخليه يدخل عليك مداخل
انت بنعمه صدقيني قولي الحمد لله رب العالمين
مسكينات النسوان الله يكتب اجرهن امين

رد: زوجة ثانيه تريد مشورتكم
 

متفائله بالله35
ربي يريح بالك على هالكلام المريح

بس يعني خلاص مااسأله متى بتجي حتى لما اكلمه ؟؟
يعني مابيقول اهمال منها ولا حتى سألت متى بتجي .. وتعرفون عاد فلسفة الرجال

رد: زوجة ثانيه تريد مشورتكم
 

امين
ﻻ تسئلي متى جاي بما انه هو بيخبرك قبل جيته بفتره خلص طنشي
لكن ممكن تتواصلي معاه مسجات وصور وورود
وصباح الخير
ومساء الخير
بدي احكيلك شي
الزوج بينخنق من الزوجة اللي بتﻻحقه
وبيحب المشغوله
بيشتاقلها اكثر
انشغلي عنه باي شي
وﻻ تضلي تفكري فيه
عندك اشياء اهم
دللي نفسك بزياره صالون
اجتمعي انت وصديقاتك في مول
اطلعي مع اهلك وانبسطي
الله يفرجها عليك امين

رد: زوجة ثانيه تريد مشورتكم
 

اولا الف مبروك الحمل والله يقومك بالسلامة حبيبتي

ثانيا يا غالية انا مثلك زوجة ثانية وعمل زوجي وأهله والزوجة الاولى كلهم بمنطقة واحدة وانا الي بعيدة

اذا راح عني بحفظه و سلامته ما اسأله متى بترجع لي .. لكن متعوده انه قبل لا يجيني عالاقل بيومين يخبرني انه جاي

احيانا يغيب اسبوع واحيانا يغيب شهرين .. عادي تعودت ولا عاد اسأل .. هو حسب ظروفه اهم شي لا تخنقيه بالسؤال

خلك متواصله معه بالوتس اب وبالمكالمات وبالكلمة الطيبة وبس

وعيشي حياتك بالقدر الي تقدري عليه وانبسطي .. لا تربطي نفسك بتاريخ عودته لك علشان تتكتي على قولتك أو تعدلي روحك .. خلك على أهبة الاستعداد دائما وخلك طبيعية دائما

الله يخليكم لبعض

رد: زوجة ثانيه تريد مشورتكم
 

طيب كيف نظامكم
يعني كم يقعد عندك
ليه ماتروحي عند زوجته واهله بمنطقتهم

رد: زوجة ثانيه تريد مشورتكم
 

صحيح كلام مبتعثة متفائلة عشان تصير القسمة عادلة. وماتفكرين كثير

رد: زوجة ثانيه تريد مشورتكم
 

اكثر من هذا السؤال، على ايش اتفقتوا اول العقد

رد: زوجة ثانيه تريد مشورتكم
 

يعني انت اساسا
ساكنة مدينة وهو مدينة اخرى

رد: زوجة ثانيه تريد مشورتكم
 

ايه انا بمنطقه واهله وزوجته بمنطقه

ماجاء على بالي اني اروح معاه منطقتهم مع ان عمتي (( اللي هي امه ))
دايم تقول لي ياليت تجين عندنا لأنها تحبني بفضل الله وانا احبها واقدرها والله مثل ماما

مشكلته لما اقول له شو رايك نتفق على شي معين على متى رجعته او متى بنسوي كذا او اي شي يقول لا انا ماحب اتقيد بشي خليها على الله وحياتنا تكون احلى بأذن الله
حتى على مصروف البيت اقوله شرايك نحدد مبلغ معين وكذا يقول لا لا بعطيك اللي تبينه واكثر ماشاءالله عليه
وخذي فوق حاجتك بس ماحب احدد احس حياتنا تكون كأنها شركه ماحب كذا
احياناً اقتنع في رايه واحياناً لا

اسفه تأخرت عليكم

رد: زوجة ثانيه تريد مشورتكم
 

مع هذا الرد
صلى الله عليه وسلام

رد: زوجة ثانيه تريد مشورتكم
 

لا اختي
فعلا معاك حق
انتي الحين عروس وفرحانه بمعاملته
لكن بكره عيال ومسئوليه
مو كل شي ينترك للبركه
صار مسيار
انقلي لمنطقه اهله

رد: زوجة ثانيه تريد مشورتكم
 

👍
+
يمكن في سبب يخفيه وخايف من وجع الراس لما تكونون بمدينة وحدة

رد: زوجة ثانيه تريد مشورتكم
 

طبعاً ماراح انقل لمدينة اهله
لأني ابي قرب اهلي. وهذا شرطي من الأول

مسيار شنو. و وجع راس شنو !!!!!

اقول لكم هو طبعه كذا مو معاي بس حتى مع اهله واصحابه طريقة حياته كذا
مو معاي انا بسسس. فهمتو الحيييين !!!!!

رد: زوجة ثانيه تريد مشورتكم
 

انا ابي منكم حلول ونصايح كيف اخليه يتغير
حتى لو بطريقة نسبيه....

رد: زوجة ثانيه تريد مشورتكم
 

اذا هذا شرطك ولراحتك

ليه تشكين منه اجل؟ :/

دام هو كذا خلاص تحمليه معناته مافي مشكلة من الاساس

رد: زوجة ثانيه تريد مشورتكم
 

شاكره تفاعلكم جميعاً

الله يرضى عليكم حبايبي

رد: زوجة ثانيه تريد مشورتكم
 

خلاص تحملي طبعه اجل

رد: زوجة ثانيه تريد مشورتكم
 

اذا فترة غيابه معقولة تحملي


بس اذا طويلة كلميه ،، بكرى تكبر المسؤليات

وغيابه الطويل مو لصالح اسرتك وبيتك ،،

ربي يهديه

رد: عدم تحديد زوجي للمدة التي يقضيها في سفره
 

ما دام هذا شرطك خلاص
وزوجك ما شاء الله يبدولي من كلامك انه راءع
حافظي عليه.. ودام انه يعطيك خبر قبل جيته بايام خلاص انتفى وجود مشكله كبيره عندك

رد: عدم تحديد زوجي للمدة التي يقضيها في سفره
 

الأخت شرطها ماتنقل مدينته علشان تكون بقرب اهلها مش شرطها انه يبعد عنها ماتدري متى يرجع!!!!!

في فرق !!!!!


يحق لك اختي تعرفي متى يرجع وكم مدة سفره بس اعتقد اذا هذا طبعه فهو مثل مايغيب عنك اكيد يغيب عن بيته الثاني اهم شي العدل اولا واخيرا والمساله مالها شغل بانه معدد في رجال يغيبو عن زوجاتهم سفر سياحه مو شغل وزوجته مسكينه ماتدري وين راح ومتى بيرجع

انبسطي وعيشي حياتك بوقت غيابه دامك لسه ماعندي مسؤولية اطفال ومدارس وووو

رد: عدم تحديد زوجي للمدة التي يقضيها في سفره
 

^
ندوش هي تقول انه يعطيها خبر قبل جيته بيوم يومين
واتوقع انو هو نفسه ما يدري متى بيجي ف ما يحب يعطيها كلمه تمسكها عليه
فيفضل ان تكون المده مفتوحه ..

الخلاصه دام ما يزعجك غير هذي النقطه ف اكثري من حمد الله
واذا جا خارج اساليه سؤال عابر مع مبررات سؤالك انه من حبك فيه وشوقك ليوم اللقاء الموعود
ان جاوب والا لااااااا تلحي.. وعيشي حياتك غيرك يتمنى ان هذي اكبر مشاكله

والله يوفقك ويسعدك..

رد: عدم تحديد زوجي للمدة التي يقضيها في سفره
 

الي فهمته من كلامك انك ماتضايقي من طول فترة بعده عنك الي يضايقك بس انه مايقولك متى بيجي .. عادي ياعسل هذا شي بسيط كملي حياتك اذا انتي مرتاحه من باقي النواحي لاتسأليه بعد كده لأنك سألتي كم مره والجواب واحد فلا تصيري زنانه .

رد: عدم تحديد زوجي للمدة التي يقضيها في سفره
 

شكرا.. كلكم اللي رديتو نفر نفر

الحمدلله حاسه بحبه وشوقه لي وماودي اضغط عليه بسؤالي

لأن كذا نظامه حتى مع امه وعياله

بس تهقون مع الوقت بيصير يقول ويحدد بدون زن والحاح مني ولا لازم

اشغل وناناتي واشوف نتيجه

رد: زوجة ثانيه تريد مشورتكم
 

خلاص بماانه واهله وبيته منطقة
وانت منطقة ثانية
كلامه صحيح
هو مايدري متى يسافر لمنطقتك
هو وظروفه
ممكن بعد شهر شهرين .....
فكيف يحدد شي مايدري متى يصير

رد: عدم تحديد زوجي للمدة التي يقضيها في سفره
 

اذا تبين حياة مستقره انقلي لمحل عمله
لان بكذا مافيه استقرار
الحين توك عروس وموحاسه
بعد سنوات وخصوصا اذا ربي رزقك اولاد بيتغير الوضع
والله اعلم

رد: عدم تحديد زوجي للمدة التي يقضيها في سفره
 

للحين مو راضي يحدد موعد جيته .. علماً انه طاف على سفره شهر و10 ايام

ساعدوني وش اسووووي