|
سلبية زوجي. عاطفيا اتعبتني
السلام عليكم
بغض النظر عن اي خلاف بيني وبين زوجي حياتنا افضل الحمدلله .. لكن اشعر بالنقص رغم كل ما يفعله انه عاطفية .. اذا خفت او تضايقت او زعلت احتاج منه يطبطب علي ياخذ بخاطري .. يقول اي كلمة اوكي ما عليه خل يسكت .. ان شاء الله بس نظرة وهو يحس انه بعد هالعمر على قولته صعب يتغير ويقول انه بذل جهده وعطاني فوق طاقته وسوا لي اللي ما سواه حق غيري اعرف قد يكون الامر بالنسبة لبقية المشاكل شيء تافه .. بس الامر متعبني! شنى بيخسر لين حسسني الامان او قال كلمة تخفف عني! احس من الجأ له يزيد همي بدال لا يخفف عني ! شنو الحل المناسب عشان اخذ منه اللي ابيه ؟ نفسيتي تعبانه من سلبيته حتى ما يبي يحاول انه خو مو كل يوم متضايقة او تعبانه او او او تم تعديل العنوان ليتناسب مع المضمون مستجدات الرد 13 http://www.66n.com/forums/showpost.p...1&postcount=13 مستجدات الرد 19 http://www.66n.com/forums/showpost.p...1&postcount=19 مستجدات الرد 42 http://www.66n.com/forums/showpost.p...7&postcount=42 مستجدات الرد 62 http://www.66n.com/forums/showpost.p...6&postcount=62 |
رد: قلت : حاول - قال : بذلت جهدي!
عزيزتي زين
وقت تصيري ما تطلبي منو انو يواسيكي وبنفس الوقت اذا حسيتي انو بحاجة لمواساة ووقفتي جنبه وخففتي عنو لوحده مع الوقت رح يكتسب منك هالصفة لانو حسب كلامه شخصيته ببعض المطارح غير ما بتتمني فلازم تبدإي معو من الصفر وبشطارتك بتعلميه انو يخفف عنك من دون ما تطلبي منو طلب صريح وكمان قلك عمل اشيا الك ما عملها لغيرك هالشي اكتفي فيه واعتبري انو عمل انجاز كرمالك واتغير بهالنقطة كرمالك انتي وما كل شي بنتمناه بالشريك لازم نلاقيه وما المفروض نعمل نسخة من الشريك متل ما نحنا بدنا بس بنقدر نغير من بعض الاشيا ونتغير لاجل الشريك وهالشي ما بصير بيوم ويومين ولا بموقف او ظرف كلو بدو وقت ووقت ما تلاقي نتيجة بشغلة انظري للشغلة التانية الايجابية عطول انظري للكأس المليان وغضي النظر عن الكأس الفارغ مهما ضايقك وما كنتي راضية عن هالشي وهيدا كلو لتستمر الحياة انا ما بقدر اعمل نسخة مطابقة عني من شريكي ولا هوي كمان بيقدر يعمل نسخة مطابقة عنو مني بس اللي بقدر عليه بذكائي واعرف كيف استغل الفرص واكسبها ومهما خسرت نقاط حاول اربح اضعاف وعندها رح اوصل لنتيجة ترضيني والقناعة كنز لا يفنى ارضي حبيبتي بالاشيا اللي بتشوفيها ايجابية بشخصية زوجك وبمعاملته وتصرفاته اطلعي من دائرته اذا ما كان الشخص اللي بدو يطبطب عليكي اليوم ابحثي عن شخص ثقة امك او اختك او صديقتك ارمي همومك لها وطبعا ليست ما يخص حياتك الزوجية الخاصة واسرارها وضعي هدف بان يوما ما سيكون زوجك هو الشخص الذي يطبطب عليكي الرجل يحب المراة الضحوكة الحيوية المتفائلة والتي تحب نفسها ولا تلغي شخصيتها وليست متطلبة ولكن تأخذ حقها بذكاء ودهاء ان لا تكرر نفس الاسطوانة وان ارادت تكرارها فتستعمل اساليب مختلفة ومحببة وعندها يصعب عليه رفض اي شيء لها كوني قوية حبيبتي زين ولا تطلبي شيئا من زوجك بطريقة مباشرة بل عوديه رويدا رويدا باسلوبك على تعلم اشياء تحبي ان تكون لديه ولكن لا تنتظري النتيجة بسرعة الصبر وطولة البال هما من اسرار النجاح اسأل الله ان يسخركما لبعضكما ويرزكما الذرية الصالحة احترامي |
رد: قلت : حاول - قال : بذلت جهدي!
شوفي حبيبتي كل انسان يتمنى يلقى حد يطبطب عليه
وعاد لما يكون هذا الحد زوجك اكيد بتكون نفسيتك عال العال انا متبعه طريقه مع زوجي ماعرف اذا صح او لا بس مبدئياً ونوعاً ما مرتاحه عليها اطلبه يطبطب علي مباشراً اقوله يافلان مضايقه ومحتاجتك تطمني بكلامك محتاجه تحسسني بكذا وكذا ( واحدد شنو اللي محتاجته بصراحه )) وطلبي طبعاً يكون كله دلع ونبرة صوت هاديه.. لانه لازم يفهم شنو فيك بدون صراخ لانه كذا لاهو يفهمك شنو محتاجته ولا انتي ترتاحين وتحسين همك يزيد خليك واضحه شنو تحتاجينه من طبطبه (( يعني حدد )) وخليك في قمة انوثتك ودلعك وتعابير وجه عابسه شوي بس بدلع مو وجه مكفهر جربي ولعل وعسى ربي يهديهم ويسخرهم لنا |
رد: قلت : حاول - قال : بذلت جهدي!
يوووه يا زين .. ماتعبتي من التفكير بعاطفه وبزاوية وخده !!!
انصحك خليك متجاهله مشاعرك واحتياجاتك هذي الفتره واثبتي له انك تغيرتي واحملي وجيبي نونو صغير يملأ عليك حياتك .. انا اكثر انسانه حساسه بالدنيا .. كتلة احساس امشي على الارض جاني زوج شبيه لزوجك ما يقصر عليا بس يبغى كلمته تمشي وما يقتنع ومليحه اعتبار لاشياء احنا نعتبرها مهمه ... الان انا ع وشك ولادة .. ولما شاف اهتماماتي تغيرت .، صار هو اللي يطلب الاهتمام ... نصيحه هالفتره ان جاك اضحكي وفرفشي وبيني له شوقك وان راح لاتسألي عنه ... كانت هالنصيحه صعبه عليا بس لما قويت قلبي وطبقتها نفعت والله نفعت وجابت نتيجة لصالحي.. تخيلي اول بعد الساعه وحده بالليل كنت ارسل له رساله عاديه ع الواتس فيديو او برودكاست علشان بشوف نايم ولا صاحي .. فهم السالفه وزعل وصار يقول لا عاد ترسلي لي وانا هناك ... لاعاد تكلميني بيومها ... وووقائمه من الأوامر .. كنت اوقات اقوله طيب وان اشتقت ايش اسوي ! ويضحك اوقات اقول طيب وان غرت عليك شسوي ! ويهدأ.. وأوقات كنت اقوله انا بتطمن عليك مو معقوله أفقدك يوم كامل انت اكسجيني .. طبعا غالب ردوده كانت انه مو عاجبه بس انا احس انه قلبه مبسوط.. والان لما تغيرت اهتماماتي والله العظيم صار يقول غريبه امس ما رسلتي لي !!! وأوقات ان غبت عنه الصباح يرسل لي صور مرا سياره ومرا ساعه انه اليوم انا جايك لاتنسي .. يا بنتي اربطي ع قلبك واتغيري وعيشيه ايام حلوه وبعد كم شهر اتفقي معاه انك تحملي .. الان ما جا النونو بس ع وشك واحس انه حتى عاطفتي صارت اثقل تجاه زوجي .. اليوم بالسياره أكلم النونو اقوله لا حبيبي لاتسوي كذا علشان يرفس بقوه ببطني قال شسوي الشارع مطبات قلت له أكلم النونو ما اكلمك قال لا كذا أغار انا يا زين والله الايام تعلم اللي ما يتعلم .. وانا وحده الى وقت قريب كنت خايفه من الايام الجايه لان زوجي اكبر مني بسنوااات واخاف من الجفاف العاطفي لكن الان بركز ع الأمومة فقط وانتي اسعي للامومه فقط .. مو معقول تعيشي طول العمر تترجي مشاعر وحب فكري بعقل ... انا بداية زواجي اتفقنا سنه ما احمل .. وبعد شهور اتمنيت احمل وطلبت منه ورفض وقتها ما كنت متوازنه وكنت بس ابكي واسوي نفس اللي انتي تسويه بس بعدها تركته وماصرت اترجاه احمل وصرت ادعي ربي اني احمل بدون ما يمن عليه احد من خلقه وفعلا رغم اخذنا بالاسباب الا اني حملت والحمدلله مدري يا زين انا ليش أضعف قدام مواضيعك ولازم ارد عليك يمكن لانه فيه تشابه بالظروف او يمكن لاني من قلبي أتمنى لك السعادة وأنك ما تخسري حياتك لانك بنعمه .، تواصلي معايا لو حابه وارسلي لي اي وسيلة تواصل .. |
رد: قلت : حاول - قال : بذلت جهدي!
الازواج ابتلشو بزوجات يعني لازم يطبطب وياخذ بخاطرها يمكن المشكلة من اهلك
مو من زوجك .بس لاصار غلطان عليك لازم يراضيك وياخذ بخاطرك مع كلمة حلوة احيان الزواج يشوف زوجتة متضايقة ويسئلها وش وفيك وتقول مافيني شي وبعد ين يكتشف انها متضايقة من صديقتها او من اختها او من اخوها ....الخ كيف ياخذ بخاطرك على شي مايعرف لة ساس بس انا بقولك على طريقة اذا شفتية قاعد او منسدح تعالي وطيحي بحظنة وقولي يافلان متضايقة ومالي غير حضنك الدافي انثر ضيقتي فية بيقولك وش مضايقك اذا حبيبتي تقولين او قولي احس بضيقة وبدون سبب بس مالي غير حضن والله ينشفط الضيقة شفط ههههه |
رد: قلت : حاول - قال : بذلت جهدي!
وهو يحس انه بعد هالعمر على قولته صعب يتغير
ويقول انه بذل جهده وعطاني فوق طاقته وسوا لي اللي ما سواه حق غيري وهل كلامه هدا صحيح ؟؟ لمادا يرفض...لمادا يريد سحب عطاءه..؟؟ |
رد: قلت : حاول - قال : بذلت جهدي!
الله يكون بعونك زين ابيها ويكون بعوننا جميعا
حاولي انك تجي له بالكلام الحلو والهادي من غير عصبيه اذا انتي تغيرتي خلاص الباقي عليه وان شاء الله مع الايام رح يتغير ترى بعض الرجال مايعرفوا يطبطبو جربي قوليل له مثل ماقالت الاخت عروس الروض يمكن تنفع |
رد: سلبية زوجي. عاطفيا اتعبتني
السلام عليكم
المعذرة ما بقدر ارد على كل شخص باسمه لضيق الوقت ولأن عندي عطل في اللاب توب ومضطرة اكتب بالتيلفون على العموم ... موضوع انه يكتسب الأمر مني ، زوجي مو من النوع اللي يرغب في إن أحد يطبطب عليه ، أساساً مهو من النوع اللي يتكلم عن مشاكله أو همومه ، أحياناً يفضفض بس ما يبي الطبطبة يبي أحد يكلمه بالعقل فقط ... وهذا يحصله مني إن انسى عاطفتي يا جماعة مو لكل منا اولويات تدفعه للزواج ؟ هذي إحدى الامور اللي خلتني اتزوج ... يعني الأمر مهم بالنسبة لي اكلمه بهدوء وبعيد عن العصبية ؟ كلمته بكل هدوء وبعيد عن العصبية والدموع ... قال ما اعرف قلت له محد ما يتعلم حاول و برضى بالقليل قال يعني شتبين ؟ قلت له كذا وكذا وكذا ... قال بعد هالعمر صعبة اتغير ! اوكي اقدر اقول لك نفس الجملة بعد 25 سنة وهذي شخصيتي ما اقدر اتغير الحين! بس ما اقولها لأني ابيك واحاول عشانك ... اي نعم دايماً يقول لي سويت لج اللي ما سويته لغيرج اوكي رحم الله والديك .. وما انكر كل شيء سويته عشاني .. بس هذا الشيء ابيه ما ابي احد يطبطب علي من الناس .. ابيه هو .. ليش افضفض حق الكل! ما احب اطلع اموري وخصوصياتي حق احد ... هو من بعد الله الشخص اللي اثق به والجأ له وابيه يساندني!!! موضوع الحمل .. قاعدين نسعى وان شاء الله يا رب خير اشعر بالإحباط شلون يعني انسى حاجاتي ومشاعري و رغباتي ؟ هل من المنطق ان اقول له انسى رغباتك الجنسية ؟ طبعاً لا .. لان هذي احد الامور اللي دفعته يتزوج اوكي .. آمنا بالله .. وآنه بعد بالنسبة لي المشاعر وهالامور بذات الأهمية بإختصار الرجال ما يبي يغير شيء ويبيني اكتفي وآنه ابي البي هالرغبات انفصل عنه ؟؟؟ متمسكه به واحبه .. زين والحل ؟؟؟؟ فيه طريقة حبوب عملية جراحة بطيخ اي شيء ازيل هالرغبات من نفسي ؟؟؟؟ |
رد: سلبية زوجي. عاطفيا اتعبتني
لا وش تنفصلي عنه
الحل انك خلاص تتقبلي هالوضع عامليه مثل مايعاملك ولا تفكري كثير بهالموضوع وربي يسعدكم |
رد: قلت : حاول - قال : بذلت جهدي!
اقتباس:
معذرة حق اللي ما رديت عليهم فرد فرد توه طاري في بالي افتح الكمبيوتر ادعوا لي |
رد: سلبية زوجي. عاطفيا اتعبتني
اقتباس:
هو طلب منك تغيرين وهددك بالطلاق وحرمك من اشياء اشوفها ظلم انه يحرمك منها لمجرد اخطاء صدرت منك .. وبالمقابل انت لما تطلبين من يتغير ويعطيك اشياء ترغبينها يقول هذا انا ماتغير .. الاعضاء كلهم قاموا عليها علشان اخطائها وقالوا تغيري علشانه واللحين هي يوم بغت منه يتغير علشانها وينفذ اللي تبغى صارت الردود هو رجل كبير ولايتغير كلنا نبغى يازين هالاشياء اللي ذكرتيها من ازواجنا ونتمناها وانا كنت مثلك بس اكتشفت بعدين ان كل مايتمناه المرء يدركه تجري الرياح بما لاتشتهي السفن .. طيب جربي تسوين قروب بالواتز مافي الا نفسك تكتبين فيه كلام حلو وطبطبه لنفسك متى ماكنتي حزينه ومحتاجة طبطبه اقريه هالطريقه تخفف شوي وتفيدك |
رد: سلبية زوجي. عاطفيا اتعبتني
المعدد ماعنده عااطفة ابدا
انا كنت بكر وكان اول زواج لي كنت اشحدة بس يقول كلمة حبيبتي مرة بالاسبوع قال انا كدا عاجبك ولا موعاجبك انا ماجبرت احد يعيش معي زواجه الاول استنفد كل شي وشبع طبعا هو طلقني كرهني برجال وزواج مرة ثانية |
رد: سلبية زوجي. عاطفيا اتعبتني
في صباح اليوم كنت سعيدة بمستجدات الأيام الماضية الحمدلله
وكنت سأسردها لكم هنا .. معتقدةً أن الحياة بدأت تبتسم وكنا قد تفاهمنا - أنا و زوجي - وكل شيء سار بسلاسة سبحان مغير الأحوال الآن اكتب لكم وأنا ارتب ملابسي بعد 3 ساعات سأنطلق تاركة بيتي .. واحلامي وانتهى كل شيء كتبت لكم الآن اطلب منكم الدعاء لي لعل بينكم من له دعوة مستجابة تدخل السعادة لحياتي شكراً |
رد: سلبية زوجي. عاطفيا اتعبتني
لا حول الله ولا قوة الا بالله العلي العظيم
الله يقدم لك الخير حبيبتي عليكي بالدعاء وربي يسر امرك ويريح بالك ويبدل حالك الى احسن حال |
رد: سلبية زوجي. عاطفيا اتعبتني
لا حول الله ولا قوة الا بالله
عورني قلبي عليك اسأل الله ان يهديكما لما فيه خير لكما اذا في مجال ممكن تحكي لنا وش صار طمنينا عنك و لا تقطعينا |
رد: سلبية زوجي. عاطفيا اتعبتني
زين طولي بالك و لا تطلعي من بيتك لو شو ما صار
خليكي ببيتك و طلبي منو هو يتركلك البيت فترة لترتبي افكارك |
رد: سلبية زوجي. عاطفيا اتعبتني
البسي اجمل ما لديك كأنثى
واخرجي من غرفتك الى مطبخك اعملي اكل خفيف افتحيعلى التلفاز او كتاب جميل وابداي بتنال القهوة فانت بمملكتك |
رد: سلبية زوجي. عاطفيا اتعبتني
نفذي الكلام الي كتبته بدون نقاش
|
رد: سلبية زوجي. عاطفيا اتعبتني
اقتباس:
طردني من البيت قال لي وبصوت مرتفع .. إذا تبين سعادتي سعادتي في طلاقي منج! بإختصار الانسانه المحترمة صعبة عليها تعيش لازم اكون قليلة أدب وطويلة لسان وبدون اخلاق عشان محد يقدر يجرحني من اول ايام حياتي خدمته هو وعياله بدون تذمر طبخت لهم درستهم انه اطلع آخذهم من باص المدرسة لأن امهم تقفل عنهم الباب تطق علي بابي تهيني وسكتت اخلي الشغالة تنزل غداهم واسمعها تقول هذي الحقيرة ما نبي منها شيء عوضته عن اشياء وايد في حياته وسكتت عن اهانات زوجته عشان ما اسوي له مشاكل عشان ما اكون قليلة احترام لاني محترمته الحين سعادته في طلاقه مني ؟؟ وعلى شنو !! على شيء سخيف استحي اذكره! يعني رجوله انه يعرف نقطة ضعفي ويهددني فيها ؟ عاد ما همني يسوي اللي يسويه جرحني وسكتت عنه بعد كلامه صح ان البس واكل واقعد وان هذي مملكتي ؟؟ اثق فيج ولا يهونون باقي الاعضاء مخي متوقف ومو شايفه شيء قدامي صليت واستخرت .. مخي مفتر يا الله والله صارت حياتنا احلى ما يكون تفاهمنا وتوه البارحة يقول لي حياتنا استقرت وصارت مريحة!!!!! |
رد: سلبية زوجي. عاطفيا اتعبتني
اقتباس:
رغم كمية الالم اللي احس فيه والاهانة واحس بذل لكن باسوي اللي قلتيه اثق بج |
رد: سلبية زوجي. عاطفيا اتعبتني
اشكركdgn
وثقتك محل تقديري |
رد: سلبية زوجي. عاطفيا اتعبتني
لو بدر منه اي صدام
اكتفي بالانصات والهدوء والصمت وان سالك عن خروجك قولي له هذا بيتي بكل وداعه وانوثه وهدؤ |
رد: سلبية زوجي. عاطفيا اتعبتني
بارك الله فيكي اختي انتلميد
قمة الحكمة في النصائح ماشاءالله جعلها الله في ميزان حسناتك احسنتي عزيزتي زين ابيها انك حكمتي عقلك وسمعتي كلام الاخت الفاضلة انتلميد وهيك بتكوني ما خليتي مدخل للشيطان ليدخل بيتك وبيكون تصرفك تصرف امرأة عاقلة وحكيمة وهالشي بيوصل لزوجك انك ناضجة ومش على اي سبب رح تسمعي كلامه بترك البيت وهدم كل شي وبالزواج بصير كتير مشاكل ومد وجزر وبوقت العصبية بيطلع مننا او من الشريك كلام ما بمحله بس الاشطر اللي بيتخطى الكلام وما بيهدم بيته وبيترك النفوس لتهدأ وبياخد حقه بطريقة غير مباشرة |
رد: سلبية زوجي. عاطفيا اتعبتني
اقتباس:
وخليت الشوربة على النار ولبست ثوب الصلاة انوي اعادة صلاتي المغرب والعشاء .. لأني صليت وانه بالي بعيد جداً ... هو ما بيقول ليش ما تركتي البيت هو بيتكلم عادي وكأن شيئاً لم يكن وإذا تكلم بيعطيني نصائح... خاطري مليان منه .. احس بنفجر ودي اقول له ان عشان نفسي قمت رتبت البيت ولبست .. اما انت فوكلت الله في امري وحسبي الله ونعم الوكيل ... صارت سعادته في طلاقه مني!!!! وهل جزاء الإحسان إلا الإحسان ؟!!!!!!!! ما الخطوة التالية ؟ امرر الموضوع ؟ اعاتب ؟ اكلمه عادي كأن شيئاً لم يكن ؟ |
رد: سلبية زوجي. عاطفيا اتعبتني
اقتباس:
يفكرني ما اقدر اجرحه! بس محترمته ومحترمه نفسي لحد الآن وما تنازلت عن اخلاقي تكريماً لمن ربياني عور قلبي |
رد: سلبية زوجي. عاطفيا اتعبتني
اذا سعادته في طلاقك ليش مايطلق اجل حالا ويسعد نفسه؟!!
زين.. الرجال بأفعاله وليس بأقواله ! |
رد: سلبية زوجي. عاطفيا اتعبتني
اقتباس:
اذا فعلا سعادته في طلاقك وبايده الطلاق ما رح يينتظر لحدا يقلو طلق واذا انتي بتعرفيه انو رح يجي ويتكلم عادي معناته شخصيته بيحكي كلام وقت العصبية ما قاصده فانتي اتعاملي بنفس اسلوبه يعني اتكلمي معو عادي ولا كأنو شي صار ولوحده بس يروق بيعتذر منك ان كان بالكلام او بالافعال والله لو بتشوفيني انا وزوجي بس نعصب او بالاحرى بس انا عصب بحكي حكي ما حدا بيتقبله بس بعد شوي بنحكي عادي وبنضحك وما بنفتح الموضوع واللي بشوفنا بينصدم ما بيقول هيدول نفس الاشخاص وبجلسات المصارحة ممكن نرجع للموضوع ونعتذر او نحط نقاط ونحكي فيها وممكن ما نرجع نتذكر اللي صار ولا نحكي فيه والا غير هيك ما بتستمر الحياة |
رد: سلبية زوجي. عاطفيا اتعبتني
الرجل حين يغضب يقول امورا كالسيف على عنقه
فلا تكوني السياف تجاوزي الامر لو قال لك سعادتي بطلاقك قولي اقراي عبارته بطريقة بسيطة وقولي انت جميل بسوي لي كوفي تبي؟ زين لاتغادري بيتك لكن غادري احلامك لانها لاتوجد في واقع اسعد امراه على جه الارض ( : |
رد: سلبية زوجي. عاطفيا اتعبتني
اقتباس:
شرايج تخطبين لي ؟ ابركها من ساعة 😔 انلمتيد .. يعني ما افتح وياه اي موضوع ولا اقول له شيء ؟ اتجاوب وياه في اي مزح واي شيء يقوله ؟ ما بيحس ان انه ضعيفة وذليله ؟ |
رد: سلبية زوجي. عاطفيا اتعبتني
قوة المراة في ضعفها
انت استنزفتي نفسك سابقا من اجل ان يكون لك وحدك فقط ليس من باب العطاء لاترجين منه حمدا ولا شكورا مثل الي يعبدالله على حرف (اقرأي الاية) فلما لقيتي نتيجةمعاكسة انفجرتي الان ابداي طريقة جديده وبمشاعر جديده (وكتبت لك الطريقة سابقا بموضوع سابق لك وهو العيش مساحه متسعه مع نفسك ) وبالنسبة لسؤالك: ايه لاتناقشينه لانه كله كلام فارغ وقت الغضب واذا مزح امزحي وقولي له لبسني الدبله وشهر عسلنا بلندن خذي الامور ببساطه |
رد: سلبية زوجي. عاطفيا اتعبتني
زين
اردت ان تستقري بمنزلك والحمد لله بفضله حصل الاستقرار اعطيتك الاشاره انا مخلوق تحكمه الظروف تحاصره من كل حدب وصوب توجهي للخالق واطلبي منه العن والنور والبصيره والحكمة واخلاص النية والسكينة اطلبي منه ماهو اهله ويليق به ليس لانك تستحقيه بل لانك تودين العروج بروحك اليه احترامي في امان الله |
رد: سلبية زوجي. عاطفيا اتعبتني
اقتباس:
اقتباس:
الله يعين ... |
رد: سلبية زوجي. عاطفيا اتعبتني
اقتباس:
لكن بعد موضوعي معاج تغيرت أمور كثيرة وأمور وايد سويتها عشان ارضيه و قربة لله رجعت ام عياله اهانتني وسكتت عنها عشانه وامور وايد سويتها لعياله وقلت قربة لله تعالى وعشان اعينه واساعده ووووو وما طلبت اسعى ان يكون لي بروحي وجلدت نفسي وايد ... وصبرت وسكتت هو رجال زين ويحبني واجذب لين قلت شيء غير هذا بس اذا عصب يصير شخص مُنفر ... يخليج تكرهينه وتكرهين اسلوبه إذا كان راضي رفعني لسابع سماء وإذا ضاق مني حسسني ان انه كابوسه الاسوء وان انه دعوة امه عليه وان انه سيئة وما اتعاشر! مع ذلك ما ابيه يشكرني بفرش سجادتي وبسأل الله ان يهديني لما فيه صلاحي للدنيا والآخرة وان ينزل على قلبي الهدوء والسكينة شكراً لكم ... اسألكم الدعاء |
رد: سلبية زوجي. عاطفيا اتعبتني
اقتباس:
كل حرف ينطق به يكون يعنيه وواعي له |
رد: سلبية زوجي. عاطفيا اتعبتني
ياعمري يازين الاحظ فيك كمية طيبه كبيره
يعني لما قالك سعادتي بطلاقك كان رديتي عليه وقتها ولاحطيتها بقلبك .. كان رديتي عليه بكل ثقه وعزة نفسه وقلت له اصلا انت سعادتك بيدي بلييز لاتبينين ضعغك وخوفك من الطلاق شوفيه كل مره يهددك بالطلاق زي ماقالت انلميتد خليك جالسه ولاتبينين انك ضعيفه وكوفي وشموع واخر روقان تدرين يازين فيك طبع اعتبره برئ تاخذين كلام زوجك بمحمل الجد سواء كان معصب او فرحان ترا الرجال حريفين كلام اكثر كائن يبدع بالكذب هو الرجل |
رد: سلبية زوجي. عاطفيا اتعبتني
السلام عليكم ورحمة الله وبركاته..
حبيبتي زوجك عم يستغل خوفك من الطلاق دون ان تهتز له شعرة برأيي لازم تتعلمي تخليه يخاف ان يخسرك ولازم تتعلمي تحطي قيمة لنفسك خارج دائرة زوجك فلتفقد تهديداته الفارغة قيمتها بالتوفيق ان شاء الله |
رد: سلبية زوجي. عاطفيا اتعبتني
اقتباس:
كيف انلمتد ، بصراحه ما استوعبت ردش ! يقولها بطلقش وتبينها تمزح معه ولبسني الدبله وشهر العسل !!!!!!!!! ما اعتبرها بساطه بل سذاجه وعدم تقدير لكبر الموقف وفوبيا من سيرة الطلاق ، زين ممكن تذكرين سبب تهديده لش زين الحياه معاه ما منها امان وممكن في اي لحظه يطلق وكل محاولاتش معاه تطير في الهوا |
رد: سلبية زوجي. عاطفيا اتعبتني
حبيبتي زوجك بالمختصر يحتاح تطنيش وقت غضبه ،،
ط ن ش ي ه ! فيه نوعية من الناس سواء رجل ام إمرأة وقت الغضب تباعدي عنه غضي سمع و الكلام ... دايما حطيي ببالك انه مايقصد كلامه ... هالشي اقوله لك عن تجربة انا كنت انسانة بهالطريقة اذا عصبت خلاص اللي قدامي لااازم تنزل دمووعه ولا انا ماحس شنو قايلة بالاساس ،،، هالصفة مفترض هو يقدر يسيطر عليها ويدرب نفسه لان هالشي انا زعج زوجي مني بدرجه كبيرة طبعا دربت نفسي اني اتحكم فيها ... انا اتوقع زوجك بسبب الضعظ اكثر عليه بالتالي تصير تنفيسه الغضب عليك اكبر واضخم من الرد الطبيعي والمعتاد ،،، ولانه يعرف الشي اللي يضايقك ، يزعلك ، يخوفك ويضعفك فهو يذكره ! مو قصدا صدقيني ولكن هالشي اللي بجي بباله هو اللي يطلع ... انا قلت لك هالكلام لاني كنت بموقع زوجك ،،، مثل اللي يحس بان الطرف الاخر هو الصمام لانفجاره وطبعا يلقي اللوم عليه خصوصا اذا حصل له منفذ ... انتي لاتتركين عليك شي ،، ثانيا تقدرين تحصلين حنانه بسهوله وقت زعلك او زعله ،، لما يعصب انتي كوني الهادئة و اسمعي فقط لما يهدأ انتي اخذي حضنه وتشبعي منه ! لما تكوني زعلانه وتراضيتوا مباشرة اخذي حقك من حضنه ( بيهدأك ) لاتقولين احب يكون منه هالشي ،، انزين وماصار شتسوين؟ تحرمين نفسك ؟ انتي اخذيه وهو شوي شوي صدقيني بيتعود وهو اللي بيسويه لك .... بعض الاحيان تحتاجين لبعض التكتيكات لتعديل امر معينمن غير مايحس زوجك بالتغيير ... اصبري على زوجك ، حاولي معاه لجلسات علاجية للغضب اذا كان غير مسيطر عليه طبعا مو شرط عند دكتور فيه نقاط تقدرين تتواصلين او تشوفين اطباء على اليوتيوب تساعد على التحكم بوقت الغضب ومنها تمارين التنفس ،،،، |
رد: سلبية زوجي. عاطفيا اتعبتني
اقتباس:
قاصد مو قاصد في الحالتين الكلام مؤذي اقتباس:
ان تكلمت قطيت عليه قنابل وما بيبقى فيه خط رجعه شلون ما ابين له ضعفي ؟ او خوفي ؟ أساساً شلون اتجاوز الخوف في نفسي اقتباس:
|
رد: سلبية زوجي. عاطفيا اتعبتني
اشلون يزول الخوف من قلبك، بسيطة تحطي لك خط رجعة في جميع الاحتمالات،
مثلا ايش اسوأ الاحتمالات اللي ممكن تحصل لك لو لا قدر الله تطلقت؟ و ايش اللي ممكن يحصل لو تميتي تعيشي في هذا الخوف؟ و كيف ممكن تجيبي عيال في هذي الظروف زوجك مو هو اللي خلقك، اللي خلقك هو اللي كفيل فيك |
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©