مطالبتي بحقي في السكن المستقل وبرود زوجي
 

انا سبق وتكلمت لكم عن مشكلتي. وهي البيت اللي انا ساكنه فيه مااحس فيه بالاستقلاليه نهائي عشان بيت اهله يجون متى مايبون وانا طالبه بيت شرعي في يوم الملكه بس اللي حصل سكنت في بيت اهله اللي يقولون عن فاضي واهو عكس هالكلام صار خمس سنين وانا اطلبه كل ابشري وان شاء الله ولاشفت ولاشي اهو طالع وانا لي المغثه صبرت اكثر وأكثر الحين الله رزقني بطفلي الاول ومصره على الطلعه واكلمه في هالموضوع اكثر من مره. بس مااشوف نتيجه. فكرت بحل نهائي اروح لبيت اهلي وأقول حق ابوي واخليه يكلمه لانه صراحه مو حاسه بالراحه والاستقلال ايش رايكم



تم تغيير العنوان ليتناسب مع المضمون

رد: تعبت
 

زوجك مقتدر على انو يوفر بيت
اذا مقتدر يوفر بيت بفضل تجيه بلتي هي احسن وحكيلو انك مش مرتاحة
اذا غير مقتدر نظرة حين ميسرة

رد: تعبت
 

اهو كل كلامه ابشري وان شاء الله بس انا للحين مو شايفه شي قلت اني مو مرتاحه وجدا مو مرتاحه بس ايش اسوي اكثر ابي استقل في بيت خاص وافتك من المشاكل

رد: مطالبتي بحقي في السكن المستقل وبرود زوجي
 

طيب اذا انتقلتوا الى بيت اخر غير بيت اهله

واهله نقلوا زياراتهم من بيت اهله الى بيتك الجديد ايش بتسوين ؟؟

رد: مطالبتي بحقي في السكن المستقل وبرود زوجي
 

لا ماراح يصير يصير كذا. راح يجون نفس البيت لانه بيت اهلهم

رد: مطالبتي بحقي في السكن المستقل وبرود زوجي
 

ولان اخوانه قبل اسكنوا في نفس البيت واطلعوا

رد: مطالبتي بحقي في السكن المستقل وبرود زوجي
 

اذا زوجك ماديته تسمح استمري في طلبك لبيت مستقل اما اذا تعلمي ان الماده تنقصه فاصبري وكرري عليه انه متى ما سنحت الفرصه فلك الحق بالاستقلال واطلبي منه ان يكلم أهله في الزيارات بحيث تكون مقننه طبعا اذا كانت مستمرة فاخبريه ان من حقك مادام اختار هذا المنزل لسكناكم ان يتفاهم مع أهله بخصوص الزيارات المطوله او يبدأ للتخطيط بالاستقلال وترتيب نفسه ماديا كل ذلك بهدوء وود وشيء من الزعل الصامت

يالله ياكريم
 

السلام عليكم يابنات. كيف حالكم اقسم بالله شي يقهرر من زوجي اخذ قرض وضيع فلوسه وانا طالبته سكن خاص مو موفر لي شي يقهر ويتعب والله يابنات. اهو جنوبي غربي والله شي يقهر من قلب. كلمته بموضوع القرض واللي قاهرني انه ماسوى لي شي يعني فلوس اخذها وطارت. وهذاجزء من حواري معاه.قلت فلوس القرض وين راحت قالي طارت قلت أطلبك شقه من زمان. وإطلبك سفره من زمان ومتضايقه من بيتكم وآخر شي تاخذ قرض بكل سهاله وتطير فلوسه وش هالحاله رد طاررت بعد. قلت والله مو مسامحتك ليوم الدين ومقهورة منك قالي من شنو.رديت.اي منقهرره منك. أطلبك شقه اوبيت ارتاح فيه. وإطلبك سفره نغير جو فيها. وتعذررر بالفلوس. واخرشي عرفت وشلون تاخذ قرض. عشان كيذا مقهوره منك وماني مسامحتك ليوم الدين. توقعوا شنو رد يا مسكينه. اي منقهره مني. اني كل يوم مسافر ديره مع ربعي واني اجي البيت سكرررران

او لي مكالمات تالي الليل. او يجيني تلفون بليل واطلع بره الشقه واتكلم. كل هذا مخليج منقهره منه انا وانا هنا عصبت قلت له وشلون تقول عن نفسك هذا الكلام ونقدت عليه وارسل لي هههههههههههههههههه قلت وشلون تحكم على نفسك كذا قال انتي تقولين منقهرره مدري وش دخل طلباتي في هالاشياء مدري ليه تفكيره راح لهسوالف.قال منقهرره عشان قرض وراح قلت انا ماجبت طاري هالسوالف الوسخه ولاقلت انك كذا تخيلوا رد حسبالي منقهره من هالسوالف يعني مدري شي غريب اسلوبه. وبعدين بينت له اعتقد كلامي واضح ومافي لف ودوران. لما قلت اني منقهره عشان اني اطالبك بيت او شقه رحت اخذت قرض ولاسويت لي شي. مو هذا شي يقهررر. والسفر تعذر بالفلوس وآخر شي قدرت تاخذ قرض.مو هذا شي يقهررر. انا طالبتك حق وشرط اساسي ومو منفذه للحين مو هذا شي يقهررر.والله بجد شي يقهررر. احسه مو كفو اكمل حياتي معاه.

رد: مطالبتي بحقي في السكن المستقل وبرود زوجي
 

رد: مطالبتي بحقي في السكن المستقل وبرود زوجي
 

أرد على المشكلة حسب معرفتي في نقاط :

1) مع الدعاء والالتجاء إلى الله جل جلاله ستنحل الكثير من الأمور ، نحن نقصر في دعاء ملك الملوك سبحانه وتعالى ، بيده سبحانه أن يغير حياتنا بلحظة فلنصدق مع الله.

2) تذكري محاسن زوجك ومحاسن حياتك معه ، وهذا الفعل يهدىء النفس ويقطع الطريق على الشيطان.

3) من حقك أن تطالبي بسكن مستقل يحميك خاصة وأنه من شروطك في العقد.

(( يجب على الزوج أن يؤمن لزوجته مسكناً يسترها عن عيون الناس ويحميها من البرد والحر بحيث تستكن وتستقر وتستقل به ويكفي من ذلك ما يلبي حاجتها كغرفة جيدة الحال مع مطبخ وبيت خلاء إلا أن تكون الزوجة اشترطت سكناً أكبر من ذلك حال العقد ، وليس له أن يوجب عليها أن تأكل مع أحدٍ من أحمائها . وتوفير المسكن يكون على قدر طاقة الزوج بحيث يليق عُرفا بحال الزوجة ومستواها الاجتماعي .

قال ابن حزم رحمه الله :

ويلزمه إسكانها على قدر طاقته لقول الله تعالى : { أسكنوهن من حيث سكنتم من وجدكم } [ سورة الطلاق / 6 ] . أ . هـ . " المحلى " ( 9/ 253 ) .)) منقول من موقع الإسلام سؤال وجواب للشيخ المنجد.

4 ) المطالبة تكون بالحكمة والهدوء واحذري أن تخرجي من البيت إلى أهلك غاضبة ، اصبري واحتسبي وذكريه بشرطه وأنه من خصائص الرجل ورجولته أن يلتزم بشرطه ويقدر زوجته وحميها ويحرص على استقرارها ، وأن استقرار زوجته هو في الحقيقة استقرار له. ( اجلسي معه جلسة جادة صريحة وهادئه ولو أن تعزميه على ليلة رومانسية )

5) تحببي إليه وأحسني عشرته وصححي أخطاءك معه لتخطفي قلبه ويزيد حبكم لبعضكم.

6) أقدر فيك صبرك الطويل عليه وعلى الجلوس في بيت أهله وهذا يدل على عقلك الكبير وحكمتك وأنك لا تريدين سوى البيت المستقر الآمن له ولك ولطفلك ، وهذا أمر قليل في النساء والحكماء في هذا الوقت قلة.

7) لا بد لا بد لا بد أن يدخل بينكم رجل حكيم من أهلك ( سواء والدك أو أخوك ) ويحادثه بهدوء وحكمة ويأخذ منه وعد بتحقيق الشرط وإسكانك في بيت مستقل ، خاصة أنه رجل مقتدر ماديا لكنه يماطل.

8) فهمت أنك في بيت أهله وأنهم يدخلون في أي وقت ، فحاولي أن يكون هناك لك خصوصية ، لا تخرجي عليهم في كل وقت ، ولا تسمحي أن يدخلوا عليك في مكانك الخاص ، ولا أن يشتتوا جدولك اليومي ، تصرفي في البيت وكأنك لوحدك ، وأن تقابليهم متى ما أردتي أنت على مزاجك لا على مزاجهم ، انسحبي بهدوء وأدب

9) بعض الأزواج يصر على وجود زوجته في بيت أهله ليتخفف من المسؤولية حاولي أن تحسسي زوجك بأنه مهم وأن وجوده في البيت ضروري ، لا تسمحي بأن يقضي حوائجك أحد غيره ، قولي له أحب أن أتسوق معك أحب أن تشتري لي أنت ، أحب أن أشرب القهوة معك ، أحب أن تغدى لوحدنا ، اربطيه في البيت ومسؤولياته حتى يتعود ويشعر أنه لو استقل ببيت لوحده فلن يشعر بثقل المسؤولية ...


والله أعلم هذا الذي قدرت عليه وفقك الله لكل ما يحب ويرضى وفرج همك وسخر لك زوجك

رد: مطالبتي بحقي في السكن المستقل وبرود زوجي
 

الله يجزاك الجنه انا جربت اني اقعد في بيت اهلي واطلبه ان يحط لي بيت لكن مافي نتيجه ولاتحرك منه. وآخر حل جربت اني أكلم ابوي لكن مافي فايده عشان معتبره نفس ولده لان ابوي خاله وهم بعد مافي نتيجه. بس اللي قهرني اكثرر انه عرف كيف يأخذ قرض وماادري وين ودى فلوسه. قهرني انه يتعذر عشان الفلوس وبالاخير قدر يأخذ قرض وحقوقي ماقدر ينفذها. هذا القهر بعينه. مااقول الا حسبي الله ونعم الوكيل

رد: مطالبتي بحقي في السكن المستقل وبرود زوجي
 

يعني ما عنده فلوس ..وانتي مصرة تبي بيت.. طيب من وين له. الفلوس حقت القرض وطارت وانتهينا ما ينفع الكلام الحين فيها !
لا تطلعي من بيتك وتروحلي لاهلك بتكبرين السالفة وتخربي بيتك !

رد: مطالبتي بحقي في السكن المستقل وبرود زوجي
 

إنا لله وإنا إليه راجعون ، نسأل الله أن يلين قلوبهم ويصبرك وتنحل المشكلة سريعا

رد: مطالبتي بحقي في السكن المستقل وبرود زوجي
 

دام لكي غرفة خلاص هذا افضلك تبغي زوجك يتبهدل ويصرف ترى فتح بيت مكلف خليه يتعاون مع اهله وعيشي معاهم زوجات الرسول كان لكل وحدة منهم حجرة اصغر من الغرفة دام عندك غرفة احمدي ربك

رد: مطالبتي بحقي في السكن المستقل وبرود زوجي
 

يمكن حطها في مشروع وانتي ما تدرين ..
اذا على كلامك ما تدرين وين ودها بالضبط ..
لكن طالبيه بالبيت مثل ماهو في العقد ولا تغضبين عليه اثناء المطالبة ...

والله ييسر امركم ..

رد: مطالبتي بحقي في السكن المستقل وبرود زوجي
 

اول مره اسمع ان البيت المستقل يسمي شرعي.!!!!!
هذا كلام فارغ من المعاني...
بيت شرعي تعني سكن من حقة سواء عن طريق اهله او عن طريق الاجار او عن اي طريق, المهم ان لا يكون حرام.