|
مرهقة من الضغوطات والمسؤليات
هل يوجد مساحة للمشاعر والحب في حياتك؟؟
مع الدوام الطويل وتربية الأطفال والاهتمام بنفسك أين موقع زوجك ؟ أنا صايره حياتي ملخبطة بعد ما مشيت الخادمة احس الوقت يركض مو قادرة اللحق حتى زوجي أهملته جدا بذات من ناحية العلاقة الزوجيه وهو اعترف لي اليوم الصباح انه يمارس العادة السريه أنا تضايقت وقلت الله يعين أنا احس الزواج والأطفال اكبر من قدرتي وطاقتي ودي انسحب وارجع لغرفتي في بيت اهلي وأنام لا انام باليل ولا بنهار مرهقة جدا جدا جدا كيف انظم وقتي ؟ تم تعديل العنوان ليتناسب مع المضمون |
رد: نفسي انسحب من حياتي
اقتباس:
ما هي وظيفتك، و اوقات عملك، بعد العمل عن البيبت كم ساعة، كم عدد الاولاد و سنهم |
رد: نفسي انسحب من حياتي
الله يفرج همك
ليه ماتخلصي كل شغلك وقت مايكون هو بالدوام حاولي تنظمي وقتك بالشغل واهتمامك باطفالك وزوجك الانسحاب مو حل |
رد: نفسي انسحب من حياتي
سبحان الله تحلين مشكلة بمشكلة اكبر منها
هل بنظرك الانفصال حل ام هروب من مواجة الواقع الله يفرج لك |
رد: نفسي انسحب من حياتي
..............
ارجعي لبيتك وظيفتك الاساسية داخل بيتك وليس خارجه المشكلة عندك استعداد تضحي بدورك الا خلقك الله له وراح يحاسبك عليه عشان وظيفتك الا ما راح يحاسبك عليها الله |
رد: نفسي انسحب من حياتي
قبل تنامين رتبي البيت ونظفي المطبخ لاتخلينه متكدس ،،اهم شي الترتيب في ايام الاسبوع وخلي التنظيف في الويكند..وتقدرين تستاجرين شغاله مره بالشهر تنفض لك البيت..بالنسبه للغداء عادي لو متاخر ويكون غداء وعشاء بنفس الوقت ..واول ماتجون من دواماتكم حطي فاكهه ولبن مفيده وتشبع حتى اشعار اخر
|
رد: نفسي انسحب من حياتي
اقتباس:
|
رد: نفسي انسحب من حياتي
خذي أجازة من وظيفتك وريحي أعصابك وعيدي بناء اولوياتك واهم حاجة خذي فترة نقاهة وريحي
|
رد: نفسي انسحب من حياتي
انتي حابي تنسحبي من حياة مقابل مذا
شو اساس الحياة غير الاستقرار و زواج و انشاء اسرة اذا فكرتي انك رح ترتاحي بنسحابك انا بشجعك بس حاولي تعيشي دور قبل تنفيذ عشان تعرفي انتي مشكلتك وين |
رد: نفسي انسحب من حياتي
شغل البيت تقدري تقسميه بحيث كل يوم تاخذي جزء وتتركي اجزاء أما انه لازم كل يوم البيت مرتب ع حساب زوجك هنا اقلك البيت مو طاير لكن زوجك رح يطير....
جيبي شغاله نهاية كل اسبوع تنظف تنظيف عميق... الاولاد ماادري كم عدد ابناءك لكن اذا مايزيدو عن ثلاث فالاهتمام فيهم ماياخذ وقت طويل واذا في احد منهم في المدرسه اعطيه فرصه يعتمد ع نفسه مو كل يوم تكوني ع راسه فلو قلنا دوامك 8 ساعات ونومك 8 ساعات كم باقي من اليوم 8 ساعات معقوله كلها للبيت والاولاد فقط والزوج ماله نصيب فيها.... لا تضغطي ع نفسك بشغل البيت كل يوم عشان لما تتجهزي لجلسه مع زوجك ماتكوني مضغوطه هيئي نفسيتك له وعشانك قبل كل شي ... |
رد: نفسي انسحب من حياتي
وع فكره الانتهاء من شغل البيت قبل النوم متعب نفسياً ماتقدري تتقبلي زوجك وانتي منهكه
الافضل قبل العشا يكون المطبخ مرتب وصحون العشا اتركيها لليوم الي بعده ولو تعتمدي صحون بلاستيك وترميها افضل بعدين زوجك اذا عنده وقت تحاوري معاه وقسمي بينك وبينه شغل الاولاد خاصه لو في المدرسه يذاكر لهم ويهتم فيهم صدقيني لو اعطيتي زوجك اولويه في حياتك رح يساعدك باذن الله الله يكون في عونك |
رد: نفسي انسحب من حياتي
اكثر شيئ مجهد هو تربية الاطفال
إذا عندك طفل صغير و يسهرك بالليل الاحسن تاخدي اجازة من غير راتب حتي يكبر شوي و يخف التعب و السهر، اهتمي باكلك و خدي فيتامينات الارهاق يسبب قلة الرغبة و يضعف النشاط افضل تقصري في شغل البيت و ما تقصري في الاهتمام بزوجك |
رد: نفسي انسحب من حياتي
شغل البيت ماياخذ ساعتين لو كان صغير
ومثل ماقالت متفائلة كل يوم خذي جزء من البيت ونظفيه والعيال ساعه او ساعتين تكفيهم زوجك لما يكون موجود بالبيت تفرغي له لا تنشغلين بشي حتى لو ماخلصتي تنظيف واكيد تكوني وقتها مهتمه بنفسك وقت مايكون عندك شغل البيت كثير الاكل اطلبيه من برا هذا اذا زوجك مايهمه الطبخ ويعتبرها مو ضروريه الوظيفه لا تتركيها الا اذا تبغي فترة راحه ومثل ماقالوا لك اذا تقدرين مره بالاسبوع تجيبين خادمه يكون احسن وكان الله في عونك |
رد: نفسي انسحب من حياتي
كم عدد أطفالك وماهي أعمارهم وكم ساعة تغيبين عن البيت؟؟
والله يا أختي ينقصك تنظيم وقتك والتخطيط مبكرا، استعيني بمعاونة تنظف لك البيت مرة أو مرتين في اﻷسبوع،، والباقي سهل، الله يخلي غسالة الصحون وغسالة الملابس اﻷتوماتيك،،يعني ماشاء حتى الملابس بتطلع جافة ع الدولاب.. والطبخ بالتساهيل مرة من برة ومرة في البيت وياكثر الطباخات اللي يطيخون أكل نظيف ولذيذ. اطرحي معاناتك بالتحديد لنساعدك. |
رد: نفسي انسحب من حياتي
لازم يقدر هو
بالنهايه انتي انسان |
رد: نفسي انسحب من حياتي
انا ارى ان الموظفه الي ماتجيب خادمه تكفيها عمل البيت ظالمه لنفسها
لان النفس لها حق وحرام اكد عمري داخل البيت وخارجه انتي بشر مو آله وزوجات الرسول وفرو خادمات وهن لايعملن وبيوتهن صغيره جدا وماعندهن اطفال من باب اولى نحن في هالزمن والي بيقول كانو بوقت الرسول امه مملوكه اقول مافي فرق بالنهايه عملها خادمه واذا كنتي مقدمه شغاله وتنتظرينها بهالفتره جيبي لو بالاجار ارحمي نفسك |
رد: نفسي انسحب من حياتي
اقتباس:
|
رد: نفسي انسحب من حياتي
الله يفرج همك وييسر امرك ويسخر لك زوجك
|
رد: نفسي انسحب من حياتي
اقتباس:
================ ما وضحتي لنا يا اختي صاحبة الموضوع. وش الي مشغلك عن زوجك هل شغل البيت؟ او الاطفال والعيال؟؟ ======= |
رد: نفسي انسحب من حياتي
مشكورين كلكم على ردودكم وتفهمكم وانا اليوم أعطيت نفسي بريك
وسحبت على زوجي وطفلي ونمت المشكلة الاساسية أنا أتعالج بهرمونات ومسببه لي تعب وإرهاق ودوخة ثانيا أنا عندي طفل واحد عمرة سنة ونصف وهو مره مره متعب يعني اطبخ له كم صنف يادوب يرضى يأكل زوجي غير متعاون نهائيا وانا ساحبة عليه طلبت منه كم مره يساعدني يجلس يستهبل وقمة المساعدة يأخذ الولد لأمه تجلس معاك وانا انظف البيت أنا مو عارفة انظم وقتي وارتب البيت يرجع ينحاس بثواني ما أحب بالعربي اكرة كُوي الملابس والأخ رافض يوديها المغسلة أنا مجمعتها بكم سلة ومطنشة وهو مطنش اللحين له أسبوع على نفس اللبسه ويقول إنتي زوجة فاشلة قلت له مو قادر تكوي نفسك بنطلون وتيشيرت يقول اجل ليش متزوج !!!!! مو عارفة كيف انظم وقتي بدون ما اظلم نفسي وأهملها بالدرجة الاولى |
رد: نفسي انسحب من حياتي
اقتباس:
كم ساعه تقضيها بشغلك في كوايه بخار سهل ويكوي بسرعه ومريح لك |
رد: نفسي انسحب من حياتي
نامل من الجميع البعد عن النقاشات الجانبية التي
لاتخدم صاحبة المشكلة إدارة المنتدى |
رد: نفسي انسحب من حياتي
اختي دوري شغاله تنازل ع طول
ولا خلي أطفالك عند اهلك لين تظبط امورك ودايم قبل لا تنامين قولي سبحان الله والحمد الله والله اكبر 33 مره عجيبه جدا |
رد: مرهقة من الضغوطات والمسؤليات
اذا بيتك كبير حاولي ما تستخدمي كل الغرف غرفة النوم وغرفة المعيشة بس
اذا غسالتك عادية وعندك امكانيه خذي غسالة المطورة مرره مريحه وماشاءالله انتوا بس ثلاث افراد خلي الغسيل يوم واحد او يومين في الاسبوع وملابسه يوديها الكواي يكويها بالنسبة للمواعين استخدمي البلاستيك ايام الدوام الا الاكل الساخن واجمعي المواعين لوقت واحد واغسليها مره وحدة الحمام وانتي داخله تتحممي اغسليه معاك الاكل بما انك في الدوام صعب ترجعي تطبخي فخذوا شيء خفيف وخلو وجبة الغدا مع العشاء واحيانا ممكن تاخذوا جاهز وومكن تسوي اكل وتدخليه الثلاجة يسير بس تسخين مثلا كفته ايدام واذا انتي من النوع اللي لازم البيت يكون مرتب 24 ساعه حاولي تتغاضي شوي حتى ترتاحين الله يعينك مجربين الوضع شوفي انا قدمت شغالة وبعد الولادة مره تعبت ومدرستي بعيدة فريحت راسي وقدمت اجازة وا اللي قاعدين يكتبون ليش يتنازل وليش تزوج جرب تعال تعال من الدوام وامسك شغل البيت وبعدين تكلم هو اخذها زوجه مو خادمة وما بينقص من رجولته اذا ساعدها في شغل البيت |
رد: مرهقة من الضغوطات والمسؤليات
وووين الله يصلحك يكوي لنفسه مو لهالدرجه عاد...ممكن يساعدك يمسك الطفل ويأكله على بال ماتخلصين شغل ..ممكن يساعدك ويرتب دروجه واغراضه...كلنا مانحب نكوي ولانشتغل بس الشكوى لله هذا شغلك حتى زوجك ماوده يداوم كل يوم وده ينام ويرتاح لو يوم بس مايقدر الشكوى لله هذا شغله والا كيف تاكلون وتعيشون
|
رد: مرهقة من الضغوطات والمسؤليات
اقتباس:
اغلب الي شفتهم يبون الوظيفة فقط عشان البريستيج والشكل قدام الناس وتلقي حياتها محيوسة فوق تحت ومتعبة ومرهقة نفسها عشان وظيفتها .. على فكرة انا اساعد بالبيت وراح اساعد زوجتي باذن الله لأني اساعد اخواتي واشتغل بالبيت ! ========================== نعود لصاحبة الموضوع اسف اختي.. لكن وجود زوج غير متعاون مع زوجة موظفة بدون خادمة بالمنزل واطفال ! الوضع بيصير مرعب !! ما عندك حل الا تجيبي خادمة او تتركي وظيفتك. + صحون البلاستيك غير صحية جدا.. البلاستيك يعتبر من المواد المسرطنة ويوصى بعدم استخدامها قدر الامكان وخصوصا الاطعمة الساخنة.. هذي للطلعات ومرة بالشهر وكذا.. لكن بشكل يومي غير صحي ابد.. |
رد: مرهقة من الضغوطات والمسؤليات
ليه يامرام طفل واحد ومتأذيه غيرك معاها ثلاث اربع وقايمه بوظيفتها وزوجها واولادها والبيت اكيد الشغاله ضروريه ع الاقل نهاية الاسبوع تغسل وتكوي وتنظف عميق
فعلا انتي مو قادره تنظمي وقتك والبريك مو انك فقط تقعدي لوحدك او تنامي البريك برضه انك تستمتعي بالحب مع زوجك وابنك بدون ماتفكري بالشغل مع الاهتمام بمظهرك.... وكي الملابس اشتري كوايه بتلاقي حتى زوجك بيكوي... |
رد: مرهقة من الضغوطات والمسؤليات
يامرام ياحبيبتي الموضوع هذا المفروض يكون من أولوياتك ، ماتزوج
الا يبي يعف نفسه من الحرام ، والتزين والتودد للزوج يعتبر عباده لأنك بتحمينه من خطر عظيم الوقوع في الحرام ، وش بتستفيدين اذا تعلق ( بالعاده ) أو بنات الحرام ، بعدين من قال إن الموضوع هذا يتعب بالعكس يسحب كل التعب والإرهاق الي تحسين فيه . الله يوفقك لما يحب ويرضى |
رد: مرهقة من الضغوطات والمسؤليات
أعرف حجم الضغط عليك خصوصًا أنه رجل مو متعاون
مع أن الحياة مبدأها المشاركة ، لكن المجتمع والتربية خلت أولادنا يترسخ ببالهم ان مهمة السعادة و كل شيء بالحياة على المرأة ، وهذا أمر صعب تغييره يمكن لو بشكل غير مباشر ترسلين لزوجك رسائل بأهمية التعاون وكذا لو ما جاء الاثر الا بعد عشر سنين عادي ، المهم التأثير . انتِ تحتاجين آلية للتعامل مع الضغوطات ابدأي بنفسك اولًا لا عرفتِ تتعاملين مع نفسك كل شي صار سهل ء ترتيب الوقت مهم ، قد يبدو لك بالبداية صعب لإنك مشتتتة لكنه بالحقيقة سهل لو فعلا كانت الرغبة عندك ، السلبية والتحلطم هي اللي تزيد الامر سوء . اول خطوة روحي لأهلك يومين اقل شيء استرخي واجلسي مع نفسك شوفي فعلًا وش مقصرة فيه وايش الامور اللي تحتاج تعديل . ولو كانت هالجلسة لو لمدة يوم واحد ديدنك كل اسبوع ترى امر جيد بترجعين لبيتك بطاقة جديدة وقدرة ع التغيير كبيرة استعيني بالله وتأكدي ما أحد يحب شغل البيت لكن لأجل امور تهون امور . لا تتكلين على جهدك وقوتك اتكلي على الله أولًا واالحياة جهاد ، ما احد حصل اللي يبيه وهو مرتاح . |
| الساعة الآن 07:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©