بسم الله الرحمن الرحيم
السلام عليكم و رحمة الله و بركاته
ارجو ان يكون الجميع بصحة و عافيه

اقراء في هذاء المنتدى المتميز من قبل زواجي استفدت كثيراً من اخطاء غيري كي لا اقع فيها
و الله يجزأكم كل خير
مثل ما هو واضح افكر في الانفصال للأسف
مع كذا حابه استشير اي احد غير اهلي و صديقاتي
لأني اظن ان نصف موافقتهم على قراري تأثر عليه العاطفة وانا ابي يكون القرار الي يتحكم فيه العقل بشكل اكبر لان الطلاق كلمه سهله ولكن الواقع مرير و صعب في مجتمعنا و هو ابغض الحلا عن الله

معلومات عني
عمري 26 سنه متزوجه من 4 سنوات
معلمه توظفت هذي السنه و الحمد لله حمداً كثيراً مباركاً فيه بفضل الله ثم بدعوات الوالد الله يرزقه الجنة وحسن الخاتمة

شكلي الظاهر جميله...........
وليس جمال الشكل و انما الأخلاقي علية بشهادةالناس الي عرفوني ادعو ربي ان يؤدبني بخلق القران
وهذا من فضل ربي علي سبحانه
اتميز ببعض الحكمة و الرزانة و اكتم الاسرار جيداً. اعرف ماذا اقول و لمن و متى واجتماعيه و مرحة

عندي ذوق رفيع اتميز بالثقافة الواسعة احب القراءة في كل شي واشتغل على تطوير نفسي كثيراً اطمح للكمال و ما الكامل غير وجه الله العزيز سبحانه و ديني هو الكونترول الي يحركني الله يثبتني و يكفيني شر الفتن و شخصيتي شماليه شرقيه
احب التقاليد و العادات طبااااخه ماهره والحمد لله.
سلبياتي لان ما في انسان ملاك
ـ عصبيه ولكن نااادر لاني احب احكم نفسي وليست هي الي تحكمني وهذا بعد ظغووووط و تحمل و تطنيش يعني اصير قدر ضغط وانفجر
اتقن فن التطنيش بقوه حاولت اغيرما قدرت
لا اعتذر حتى لو اخطئت لأني نادر ما اخطي على احد احب المدح و لا ابالي للعواطف ابداً نهائياً يحكمني العقل اكثر لا اذكر اخر مره بكيت فيها.
لا احب زوجي بسبب معاملته المهينه فقط احترمه

معلومات عن زوجي
عمره 29 سنه
وسيم و متكبر لا يعجبه شي
موظف براتب ممتاز شهادته ما جستير و الان يكمل الدكتوراه
يبر بامه كثيراً وهذا يعجبني جداً يحب السفر
شخصيته جنوبي غربي
ما يدخن و كريم مادياً و يصلي الحمد لله
احس انه ليس له هدف معين و لا يعرف ماذا يريد
يحبني على حسب كلامه. ودايم يقول ما استأهلك و لا اقدر استغني عنك

المشكلة
ان من اول يوم الين اليوم وانا في مشاكل مع شريك حياتي وهو الي يفتعلها والله شهيد علي
وللحين ما عرفتله لان كل فتره يطلع لي بسالفه تحط العقل في الكف بدون مقدمااااات


زوجي لا يحترمني من اول يوم زواج لكم ان تتخيلون كيف انصدمت من الفاظه و طريقه تعامل جداً مهينه يصرخ علي في كل مكان على اسباب تافه ولا تستحق الي هو يسويه و امام اهلي واهله وفي الشارع
ردت فعلي الصمت مع ذهول واذا هدا أعاتبه و اطنشه اسبوع كامل ما كنه موجود غصب عني لأني ما سويتله شي يزعله انجرح منه هو يرى ان تصرفاته عادية و اني لازم أتأقلم معها ....... عجيب و الله
اتقى الله ... خدامة اهلي و هي خدامه مقدر اسوي معها مثل الي يسويه فيني !!!


اهله خواته امه ناس راقيه جداً عكسه تماماً مدري ليه كنت اضن انه بيكون مثلهم؟
يمكن لان عندها ماجستير وقلت مثقف و ما يدخن يفكر في صحته اكثر من اتباع الشهوات و شهم في مجالس الرجال
لكن طلع يدرس فقط عشان الشهادة تزيد راتبة فقط!!

يطلع من الصباح لدوام يرجع يتغدا ينام يصح يطلع ما يرجع الا الساعه 1 الصبح و هكذا يعني لوحدي طول الوقت تحملت وقلت احاول اغير هذي الصفات واشغل نفسي بنفسي ودخلت تحفيظ لقران كانت محاولاتي لإصلاح الوضع متنوعه بكل هدوء و تكتيك و مسايسه و توكلت على الله في كثير من الأمور و بالدعاء و الكلام الين و الإغراءات و ماكنت الحقه بالسؤال وين كنت وين رحت كنت اتصل استئذانه بنام
يقول عادي نامي ارسلت لها رسائل على الأيميل و الواتس ونصيه متنوعه كنت اختار اوقات مناسبه لها سويت كل حركاااات الاغراء مساج و تثقفت في الجنس عفواً كله عشان احتويه
للعلم وانا ابحث عن حلول كنت استمتع احس انه اذا تغير بيكون ثمره مجهودي و لها لذه غيررررر عندي
حتى اني زعلت وطنشته و خاصمت
كان يقول اذا خاصمت خذي لبسك وروحي لهلك يعني يهددني على كل خلاف حتى لو بسيط جداً بالطلاق

جلست معها في جو رومنسي..( ليه يا فلان تعاملني كذا انت لسه ما عاشرتني لتعرف خيري من شري )
كان رده !!!
صدمه الثانيه انه مغصوب علي هو قال بلسانه لي امي خطبتك من وراي ولمن رفضت ابوي حلف يزعل علي اذا ما كملت الموضوع كله عشان ما يخسرون ابوي الي يصير خاله
للعلم خطبوني وانا في اول جامعه حجزوني

حطيتها في قلبي الي انكسر بقوووة و قلت طيب احنا خلاص تزوجنا وهذا الواقع لازم نتعايش معها
المهم انه بدا يتغير و بدا يغير الفاضة السيئة
يقول ما احب تكوني احسن مني
كنت سعيدة بهذا التغيير الي ما استمر الا 4 شهور ورجع اخس من اول

لم تكون له عندي مشاعر لان المواقف كانت تجرح بقوه ما حبيته فقط احترمته و قدرته كزوج و الله حاولت لكن هو السبب
الصدمه الثانيه
انه ما صار حمل
ورحت للمستشفى ياناااااس سنتين اتعالج على اساس العيب فيني الين الدكتورة تقول ما فيك شي لأعاد تجيني الا بعد 6 شهور
وهو حلل و سئلته عن النتيجه قالي كل شي تمام لأنه هو عند دكتور وانا عند دكتورة
قالي سوي اشعه الصبغه يمكن عندك ميلان في الرحم قلت ابشر و فعلن شكيت وخذيت موعد ورحت لدكتوره دخل معي عندها ورفضت الدكتورة قالت انتي سليمه واذا سويتها لك بتضررك اكثر من نفعها لك. الله ما كتب لكم للحين اصبروا شوي باقي بدري
تلفظ عليها مالك دخل على مسئوليتي سويها الدكتورة طردته و قالت ليه هو تنرفز كذا وسألتني عن اسمه و رقم جواله وجابت ملفه
الضربة جات على راسي انه عنده دوالي من المرحلة الثانية والحيوانات المنويه قليله العدد و الحركه وفيها تشوهه الله يشفيه يا رب

ما هان عليه يقول لي يفكر في نفسه حتى لو على حساب صحتي من جد انصدمت
ياااااال الهول .... كيف يفكر هذا الانسان!!!
يعني لا تعليق الله المستعان

طلعت من عندها و علمته اني دريت
انكر و لليوم ينكر و يقفل الموضوع اذا حاولت اقنعه يتعالج مو معقوله يترك نفسة كذا ......عجزت افهم هذا الانسان الله يهديه
ولا يبغي يتعالج ويقول لازم تروحين الشيخ انتي تعبانه فيك حسد ؟؟؟!!!!!
قلت نروح القران ما بظرنا ان شاء الله ننتفع منه وكمان ما حبيت اصر عليه لأني حسيت انه محرج مع ان لي الحق اعرف هذا الشي ما يخصه لوحده لكن خذيته على قد تفكيره ومراعة لمشاعره و ماشيته
ورحنا لشيخ والحمد لله ما فيناء الا العافيه
ما حد تعب منا الاثنين رحنا 3 ايام ور بعض وكل شي تمام من فضل ربي
اساساً انا احافظ على اذكاري الحمد لله

المهم الي خلاني ابدا افكر في الطلاق
عدِت مشاكل استجدت غير الي قبل

اولها
عدم الاستقرار مو مستقرين ابداً
يدرس في الرياض و يشتغل في الرياض
ويجي عندي في المدينه الي اشتغل فيها تبعد عن الرياض 5 ساعات
فجاه يكلمني ويقول (ترى انا صرت ادرس في الرياض في الجامعة 3 ايام و اشتغل في الجنوب يومين خذيت تكليف لمدت 3 سنوات ولا راح اجي عندك الا في الشهر مره لان جدولي مضغوط )
اين موقعي من الاعراب؟؟؟
ان ساكنه لوحدي وكان يجي عندي في الخميس و الجمعة و السبت يمشي
الحين يجي كل 4 شهور مره ضاق صدري
اولاً ما يعبرني كشريكه لحياته في قراراته
ثانياً ما اطلع الا للمدرسه وارجع
وهذا الشي اتعبني انا اجتماااااعيه هو رافض اسكن مع معلمة ثانيه و رافض اطلع للمعلمات اذا اجتمعوا مع انهم في نفس العماره وساكنين في فندق و رغم ان اجاره غالي نصف الراتب راح اجار الان عشان امان و فية كميرات مراقبة اخترته عشان احس بالامان
اعرف انه يخاف علي لكن كذا
......................
فكرت في حل و قلت له بأخذ استثنائي الين يجي مكرمه وانقل معاد ابي التدريس اذا بعيش كذا متبهذلة
وانت اقطع التكليف وراجع شغلك للرياض ونأخذ شقه ونستقر بشان تعالج او نسوي انابيب و احمل.
واحس اني تزوجت فعلاً ما يصير كذا
رفض قطعياً كلمت بابه في الموضوع
زوجي يحب بابه و يحترمه كثير حتى انه اذا تخاصمنا يقول انا تزوجتك لجل خاطر خالو
المهم قلت يمكن يغير رايه ويقتنع
لكن قال لبابه ابشر راح افكر
ورجع علي هواش و سب و شتم
وقال اناااا كذا عاجبك ولا بكيفك
تحملي الين اخلص تكليفي 3 سنوات.
ايقنت انه شخص تائه لا يعرف ماذا يريد و عنيد
فصرت انا انزله مع النقل الجماعي كل أسبوعين واقعد 3 أيام و ارجع قلت بصبر و اشوف نهايتها يمكن لخذا الشهادة نستقر و يلتفت لحياته الزوجية الي احس انها غير موجوده في مخططاته هذا اذا عنده مخططات ؟!

بعد فتره قالت لي اختي شو قالها زوجاها
.....زوج اخت يشتغل معه لكن في اداره غير وجدت انه زور اوراق شغله تخص الراتب لكي يختلس البنك ويأخذ قرض اكبر
وكشفه البنك وفضحه عند شغله والمدير طلع من جماعتنا فستر عليه و طرده من عنده فعطاها تكليف كعقاب
انحرجت كثير من اختي حلفتها ما تعلم حد ما حب صورت زوجي تكون بهذا السوء لأني قدام هلي امدحه الزوج المثالي كان عندي امل كبير انه يتغير لاني قاعده اجاهد و اصبر و الله ما يخيب من صبروا
الى اليوم ما يدري اني ادري


ثانيها
اكتشفت انه يخون يحب وحدها دايم يتحلم بسمها وكنت اطنش لأني ما احبه ما تفرق و كنت اقول مع العشرة بنحترم بعض ونتعود على بعض ومعها بيجي الحب و الغلا
لكن طلع بينهم علاقه قوية يكلمها وترسله و يتقابلون وهي شكله شبعانة مادياً لانه اخذني لمحل فساتين فاخر جداً غالي في شارع العليا وقال راعيت المحل تقول خذي فستان هديه اكتشفت والله بالصدفة انها هي نفسها راعيت المحل اااااااه يا ربي
بالصدفة اكتشفت لست من النوع الي يتطفل على خصوصيات الناس وخاصه زوجي لأني عارفه و مقتنعة اني قد اجد شي يدخلني في دوامه انا في غنى عنها الله لا يشغلنا الا في ما ينفعنا يا رب
اكتفيت بالبكاء على سجادتي والدعاء له ان يصرفها عنه و يصرفه عنها وعن كل حرام ويغنيه بالحلل في كل صلاه و اسولف لة عن قصص و ان نهايتها دمار الله يسترنا دنيا و اخره

الى اليوم لا يعرف اني اعرف
فقط لكي ابعد عن المشاكل قدر الإمكان
وخفت اذا درى يكسر جدار الاحترم لي بأنه مخلي الموضوع في الدس بعدين يصير يكلمها قدامي عاد حزتها راح اتجنن يمكن اقتله فقلت اسكت و اجيه بطريقة الحيله احسن لاني اعرف وقاحته و عدم مراعاته لمشاعري

ثالثها
فوق المعامله السيئة هذي كلهاااا
في اخر مره نزلتله للرياض
ضربني ضرب مبرح
لسبب جداً تافه
لاني ابي اعطي اختي ثيابه ضاقة علي و تجي عليها فقالي :-لا انا بتصدقها ضحكة توقعته يمزح لانه يحب المزح قلتله بترجعها اذا خلصة انا الرجيم
مشيت وطلعت مع الباب الا الاقيه يمسكني بشعري من ورى و يرميني على الارض من غير مقدمات ووجهي انزلق على الفرشة وطلع دم

قلت ليه ليه ليه ؟؟؟ وانا اصارخ خلاص الى هينا وبس
كفاااية كانت الكلمة هذا تنقال في صدري

وقمت وعطيته كف
فقام شنقني و شفت الموووت بعدها طلع وتركني
من كثر ما انفعلت كسرت كل شي ينكسر كل شي انتقام منه ابيه يخسر و يدفع الثمن غالي

وكنت معصبه لحد الجنون شلت اشياء في البيت ثقيله بالحيل وصرت ارميها في كل مكان
ودقيت عليه وقلت خلاص انا اكتفيت من معاملتك لي وكني حيوانه صبرت وحاولت اخلي حياتنا تمشي على اسس وهي الاحترام و التفاهم و الثقه و الامان
لكن ما لقيت عندك ولا شي تعال ودني لاهلي

قال بكل برود ابحبسك ولا بتروحين مكان حتى الدوام مافيه روحه
قلت تعال عشر دقايق والله الي رفع السماء احرق البيت والله اولع فيه وانا كنت صادق اسويها
ماكنت احس بنفسي من الضغط
طبعاً هي شقه ملحق هو مستئجرها عشان يبقى فيها 3 ايام لمن يكون يدرس في الجامعه
المهم جاء وصار يقول تستاهلين وانتي ما عندك كرامه و و و
تدرون ضربته ضرب مو طبيعي مدري كيف جاتني
و لست ندمانه ابداً
وهو بعد ما قصر فيني
ودفني وراح يجيب جزمه يقول بيدخلها في فمي لاني صرت اقوله انت من اشباه الرجال
وانا ركضت للمطبخ اجيب سكينه
والله كنت بذبحه
الحمدلله اني تداركت نفسي ليش اخسر الدنيا مع الاخره وانا الي تعبت على نفسي كثيرررررر عشان اتحكم فيها و اطورها مو هي الي تحركني
وجلست ولمن دخل رما الجزمه علي وقال البسي برجع لبيت ابوك والله ما اطلقك
و و داني لبيت اهلي

وللحين قدلي شهر
لا جاء ولا دق على اهلي
دق ابوة يعتذر و دقت امه تعاتبني
طلع قالها انا شو سويت ولا قال ليش انا سويت كذا قال انا ضربته وبحرق البيت وكسرت وكذا وكذاااا
ما رديت سكت بعدها قلت لها ( بأني ابي الطلاق ولا بخلعه واعطيه مهره كااامل اذا يبي اهم شي اني اطلع نفسي من هذا الوحل)
وسكرت خفت انفعل واغلط على عمتي وانا احبها مابي اخسرها هي مالها دخل

واليوم دق علي خوي يقول زوجك استخف
دق على خوي يقوله اختك تكرهك وتسبك عندي ودايم تقول انك منت رجال و ووو
استغفر الله والله اني ضحكت من الفجعة
اعرف الي يفتن كذا النساء ضعاف النفوس لكن رجال يسوي كذا !!!
ياليته صادق عاد الا يكذب بعد
اخوي قاله مالك دخل في علاقتنا كا اخوان
و شره عليه بالمررررره طاح من عينه
مع ان اخوي ما يدري اني عند اهلي ولا قلتله عن اي شي لانه تعبان و مني حابه اوجع راسه وهو بعيد قلت اذا جا في رمضان اقل كل شي وجهاً لوجه

انا الحين مجروحه و ماني مستوعبه الي صار كله
بعد الصبر و الجهاد و المحاولات يضربني ليش ليش!!
احتاج كلمه طيبه ونصيحه من قلب صادق بلا تجريح الله يرزقكم الجنه
وشكراً

سُبْحَﭑنَﷲ͜وَبحَـــــــمّدِھِْ' - سُبْحَﭑنَﷲ͜ﭑلعَظِيّــــــــــم - ﴿ ألا بِذِكرِ اللهِ تَطْمَئِنُّ القُلُوبُ ﴾