|
اهل خطيبي لن يحضرو شبكتي
السلام عليكم ورحمة الله وبركاته
بدخل بالموضوع على طول كلمني خطيبي "زوجي" والحمدلله اتفقت معه على الشبكه بس انصدمت ان اهله ماراح يجون :( والسبب ان امهم كبيره بالسن و البنات مع انهم كبار و7 بنات ومتزوجات بس يستحون .. مدري هو عذر او ايش .. يعني ماجو الملكه ولا راح يجون الشبكه ! ما خبرت فيه شبكه بدون اهل المعرس .. احس تحطمت وانا كنت مره متأمله وافكر فيها وكيف بسويها :(( مدري وش اسوي وعلى فكره حتى هو منقهر من اخواته وحيائهم الزايد و تقوقعهم على نفسهم . يعني وش اسوي الحين لازواج ولا شبكه ""::: ولا ذكريات تم تعديل العنوان ليتناسب مع المضمون |
رد: اهل خطيبي
خلي امك تكلمهم
و عادي اذا ما جوو سويها |
رد: اهل خطيبي
وعليكم السلآم
عزيزتي : إقتنعي قنآعه تآمه آن لجميع شخص في هذه الدنيآ لديه اعذار كمآ قال الرسول " إلتمس لآخيك 70 عذراَ " فآلفرحه متعلقه بك و به فلا تكسريهآ وعيشيها لحظه بلحظه إنهآ أجمل آيآم العمر , دعوآتي لك بآلتوفيق |
رد: اهل خطيبي لن يحضرو شبكتي
اختي انا اشوف انها عادي جداا ..
لان الشبكه بينك وبين زوجك.. حتى تاخذون راحتكم في كل شي .. يا اختي لا تأخذين الفكرة انها من سنة النبي صلى الله عليه وسلم وانما مبتدعه من الناس ..لذلك لا تلومين احد .. قد يكون عندهم ظروف ..فهي ليست واجبه مثل الدخله او يوم الزفاف .. |
رد: اهل خطيبي لن يحضرو شبكتي
مدري ما اشوف ان الموضوع سهل
لا اجوا الملكة ولا الشبكه ! هذا يعطي انطباع انهم ما يبغونك طيب ليه ما تسوين الحفلة أو الشبكه ببيت ام العريس اذا كانت كبيره يعني تنازلوا عن المكان عشان خاطرها أو عالأقل اذا عنده عمه ولا خالة تنوب عن والدته بكره بالزواج ايش رح يصير ؟؟ كمان رح يقولوا كبيره والخوات مستحين ؟؟ مستحيل زواج بدون اهل العريس كأنه ماخذك غصب عنهم |
رد: اهل خطيبي
اقتباس:
التواصل مع ابوي و الرجال نفسه .. |
رد: اهل خطيبي
اقتباس:
بس لاني ماراح اسوي زواج بسوي شبكه كبيره وبدون اهله الناس بتحط وتعجن على الاقل وحده او ثنتين تقدير لاخوهم ولي مدري مستغربه انا .. الله يهديهم والله يصلحهم والله قهروني |
رد: اهل خطيبي لن يحضرو شبكتي
اقتباس:
انا مثل اي بنت تبي تفرح وتنبسط مابي احد يقول ليه ماجو وليه وليه فيه ناس تحب تخترع قصص من هالشي الله يسخر لي بس الله يسعدك |
رد: اهل خطيبي لن يحضرو شبكتي
اقتباس:
بس هي علمتني ظروفها وعاذرتها الله يشفيها ويخليها لعيالها بس على الاقل اخواته ؟ افكر احطها صغيره وبالبيت بيني وبينه مع ان احلامي طارت |
رد: اهل خطيبي لن يحضرو شبكتي
إحنا عندنا هالشيء عييييب وشق جييب وممكن الخطوبة تتكنسل بكبرها لأن إذا ماجاب أمه وأخواته بيوم الشبكة اللي هي الحفلة نعتبره هالشيء شبهة، يعني يا إنهم مو راغبيني أو ولدهم أقشر ومايحبونه عشان كذا محد بيوقف معاه بيوم فرحته !
عذرهم غيير مقبول أبدا ! شنو يعني أمه ماتقدر وأخواته يستحون ، 7 ماشاءالله تبارك الله فيهم رهاب اجتماعي مثلا ؟! كيف تزوجوا وفتحوا وبيوت واختلطوا بالحمولة ! أعرف اللي تستحي من الناس لا تزوجت انفكت عقدتها ، شيء غريب، هالعريس من وين جايك ؟ عن طريق منو ؟ لكم معرفة فيهم مسبقا ؟ |
رد: اهل خطيبي لن يحضرو شبكتي
انا اشوف انه عيب على خواته انهم مايجون نقول عندهم ظروف ممكن 2 او 3 مايجون او نقول 4 مايجون
بس الباقي يحضرون فرحة اخوهم كلميه وقولي له ليه ما يبون يحضرون وهل بزواج خواتك ازواجهم ماجابوا اهلهم يعني مستحيل خواته تزوجوا بنفس الطريقة ؟؟ عجيب الموضوع بعض الناس ماعنده خوات يجمع خالاته وبنات خالاته وعماته |
رد: اهل خطيبي لن يحضرو شبكتي
حبق اصري على زوجش يحضرون على الاقل ثنتين من خواته .. ماشاء الله عددهم سبعه مش معقوله
كلهم انطوائيات وهم مش بنات متزوجات وربات منزل |
رد: اهل خطيبي
اقتباس:
وتشوفين لك حل !! |
رد: اهل خطيبي لن يحضرو شبكتي
انا اقترح تتاكدين من السبب
انه مايكون اسلوب اعتراض منهم وخطيبك يحاول يجمله انهم انطوائيات تاكدي |
رد: اهل خطيبي لن يحضرو شبكتي
لا تتاكدين ولا حاجة تزوجي وخلصي الموضوع ليش انت بتتزوجي اخواته
|
رد: اهل خطيبي لن يحضرو شبكتي
ياختي ما تردي ويش ظروف الناس
يمكن أخواته ما عندهم تكافل اجتماعي مع بعض يعني كلا عايش لحاله وأمه اذا حرمة كبيرة بالسن معذورة والله اهم شيء من هذا كله الزوج اللي هو رجل اللي ودك تتزوجيه بغيك خلاص خير وبركة مادام معي القمر مالي ومال النجوم |
رد: اهل خطيبي لن يحضرو شبكتي
الحقيقة أنها غريبة من أهل المعرس..
الفرحة بتكون ناقصة..؟ ولكن أختي، لا تربطي فرحتك بحضورهم، عيشي يومك وأعذريهم. ربنا يتمم لك على خير. |
رد: اهل خطيبي لن يحضرو شبكتي
سويها صغيره بالبيت
اذا ماحضرو محد يلاحظً اذا عملتيها كبيره فالناس بتتكلم |
رد: اهل خطيبي لن يحضرو شبكتي
الله يسعدكم على ردودكم فردا فردا
اللي يسال ويقول يمكن ما يبونك ماجا ببالي صح هم ياخذون من بعض . بس امه هي اللي جت وخطبتني وجلست معي والحمدلله الله يعطيها العافيه كان همها سعادة ولدها ووقف معي في بعض شروطي اللي هي الوظيفه وهو الحمدلله اللي خلاني اقبل به سمعته الطيبه الله يسخره مع انه في منطقه غير وهذولي الاهم.. واخواته فعلا لاهين بحياتهم وكل وحده بمنطقه .. الله يجمعهم على خير . فقررت اسويها صغيره بيني وبينه وبين اهلي وان شاءالله ننبسط وتكون حلوه بس مدري كيف اسويها اللي عندها فكره تعطيني .. الله يسعدكم جميع. دعواتكم fdgrg |
رد: اهل خطيبي لن يحضرو شبكتي
انا عملت فرحي بسبط بس كان يجنن وحضرو كل الس احبهم
جيبي منظمه حفلات ترتب لك صاله البيت او اذا استراحه والاكل من بوفيه والتقديمات والورد والكوشه هذي الاساسيات والمصوره اهتمي بشكلك بفستانك مكياجك مسكتك ابنسامتك خليكي سعيده وعيشي اليوم صح الله يوفقك وكويس ماعملتي مشكله زي الي يبغون زواجات كبيره ومايتنازلون |
رد: اهل خطيبي لن يحضرو شبكتي
اقتباس:
انا تنازلت عن الزواج لظروفه .. انا مشكلتي خطيبي او بالاصح زوجي .. ماعرفته وباررررد ومابادر ومن تملكة ماكلمني الا مكالمه صح ساعتين بس يقول نكلم بعض بالاسبوع مره اخاف ازعجكم قلت مافيه ازعاج وعادي .. بعدين قلت براحتك .. ولا هو راعي واتساب ورسايل يقهر .. ودي اقول انه خجول بس لما كلمته ماحس انه لهذيك الدرجه من الخجل بس عملي جدا . شلت همه وكيف اتعامل معه ولا ابيه يقول عني جريئه مع اني فعلا جريئه بالشي الطبيعي ارسلت له امس رسالة مساء الجمعه دينيه ورد بعد كم ساعات بس ما تفاعل خامل.. و مقدر اقول مشغول ويكند وش بيشغله .. ولا ابي احط ببالي او اهتم بس اللي عندي يسالوني لانهم مملكين وازواجهم يومين رسايل و مكالمات واكبر مننا بالعمر ماشاءالله الله يتمم لهم .. ف يحز بالخاطر شعور خطيبك مهملك وكلامهم ليه وش فيه وغريبه .. بس الاطباع تختلف .. وانا اصعبهم ظروف ولا فكر يخليني اتعود عليه عشان ما اخاف منه واامن له بالغربه ثلج الله يهديه .. |
رد: اهل خطيبي لن يحضرو شبكتي
^^
اقصد بالظروف الصعبه اني بتغرب معه لمنطقه بعيده عن اهلي ولافكر الله يهديه يعودني عليه .. بس رفض اعدل على المشاركه قبل .. |
رد: اهل خطيبي
اقتباس:
|
رد: اهل خطيبي لن يحضرو شبكتي
حبق
كثير كلموا وتطلقوا ترى مو شرط ونصيحه نصيحه اثقلي ترى الرجل ينقد على المراه الخفيفه جسي نبضه اول زواجكم ومااقول اثقلي مدي البوز بعدين لا لكن خلي دايم الكره بملعبه ولا تبادرين بالوقت الحالي خليكي حياويه وافهميه اول زواجكم والحياه طويله قدامكم ثاني شي لا تقارني باحد اقنعي ولا تسالي عن حياه الاخرين ولا تصيري زعول او تشيلي بقلبك الحياه الزوجيه ببدايتها صعبه خاصه اذا ماكنتو تعرفوا بعض بالملكه فرصه تجربوا الدلع بالبدايه اعتبري نفسك بشهر العسل توك مملكه وتتعودي شوي شوي علبه الله يوفقك حبيبتي واحسني الظن بزوجك دايما واول اشهر مثل ماقلت لك خليه هو المبادر والكلمه كلمته وانسي المثل زوجك على ماتعوديه في البدايه |
رد: اهل خطيبي لن يحضرو شبكتي
الف مبروك... و الله يتمم لك على خير 🌹 ..
الله يعينك... يبي لك صبررر.. ' |
رد: اهل خطيبي لن يحضرو شبكتي
اقتباس:
حتى الحفل الصغير .. حاسه بفرحهه ناقصه انا مررره مقهوره اكذب اذا قلت عادي وما يهمني ان مافيه زواج .. قلت الفرح لي وله نسافر وننبسط .. بس حتى الشبكه اهله ماراح يحضرون احس اوفر ما قد سمعت احد سوى حفل بدون اهل العريس .. وهو ما يعرف تقاليدنا يحسبنا مثلهم ماعندهم هالاشياء . اخواتي سوو شبكه وزوجات .. ماشاءالله لاحول ولا قوة الا بالله واللي تملكو معي كلهم سوو شبكه اقل شي ماشاءالله .. انا لا كذا ولا كذا .. امس لما كلمته غصب عني زعلت وهو حس قال افهميني ومدري ايش انا عارفه ظروفه مع اهله شي مو بيده .. وانا ولا فكرت اكون انانيه .. وهو الحمدلله طيب .. بس مو معقوله اتزوج بدون شي . انا وش ذنبي انحرم عشان اهله مايقدرون يجون .. ولو سويت .. الناس اللي عندي بيتكلمون ليه ماجو اهله وليه وليه وبيحطون ويشيلون بكيفهم .. قلت اوكي حفله صغيره بيني وبينه نقطع كيك ويلبسني ونصور .. وبصراحه هو ماعندهم هالشي ولا يعرف وما تحمس مثلي حسيت مالها قيمه ولا طعم .. ولا تحمست اسويها ولا اعرف اسوي حفله صغيره ماعرف احس اكسر الخاطر .. ماطلعت من خاطري مدري ايش اسوي .. احترت ولا اقدر اشكي لاهلي مابيهم يزعلون لي .مع انهم حاسيين فيني لان فرحتي طفت وعشان يفرحوني قالو بيسون لي حفله توديع عزوبيه وبيكبرونها واعزم اللي ابي فيها واخذ راحتي فيها.. بس يا ناس الفستان الابيض وزفتك غير .. اخاف تقعد بقلبي غصه |
رد: اهل خطيبي لن يحضرو شبكتي
بتقعد على قلبش الغصه يا حبق,,, اذا متزوجات سوا احسن فرح وعدى عليه زمن طويييل وما نسوا التقصير البسيط الي استوى
في الفرح ويتمنون يعيدون الفرح ,,,,,,, استانسي وسوي احلى فرح واحلى فستان ومالش من النااس ,, لا تاخذين بكلامهم خل يقولون الي يبونه الاهم انتي وفرحتش وذكرى فرحش ,, اما الناس رضاهم غايه لا تدرك اسعدي نفسش |
رد: اهل خطيبي لن يحضرو شبكتي
تصدقي عندنا واحد امه على فراش الموت وسوى حفله والغريب الام حضرت زواج ولده تصدقي جالسه في كرسيها وهي ما تحس با احد بس اهله كلهم حضرو وترى الام توفت الحين يعني بعد زواج ولدها بسنه بس
ليش امه ما تحضر مو شرط تقوم من كرسيها تجلس او تنسدح حتى يخلص العرس. بس شكل اهل عريسك ما يبون عرسكم. نصيحه سوي احلى حفل ولا تحرميين نفسك مره من شئ نفسك فيه وعادي اذا تكلمو الناس وش بيفيدونك فيه بلعكس بدل ما تتزوجيين سكيتي ترى بيجي في يوم يعايرك في زواجك به في صمت ويقول ما فرحت ابغى اتزوج وافرح مثل الناس وابغى اعزم الله يوفقك |
رد: اهل خطيبي لن يحضرو شبكتي
تزوجت مرتين. ولا شفت ملكة. ولا شبكة. الحمدالله يالله التوفيق
|
رد: اهل خطيبي لن يحضرو شبكتي
يا اختي لا تكدرين خاطرك وانتي مقبلة على زواج ..
ولا تكون عندك فكرة او نظرة ان مثل هذه الاحتفالات > الشبكة وغيرها من أسس الزواج .. يا اختي سبحان الله كل ما قلة تكالف الزواج كلما كان هناك بركة .. ف عيشي يومك .. وفكري في المستقبل .. وفكري كيف بيكون شهر العسل .. والله يوفقك .. |
رد: اهل خطيبي لن يحضرو شبكتي
اقتباس:
العيب على خواته طيب هل أقارب زوجك كذلك. ما بيحضروا؟؟ خالاته. عماته بناتهم؟؟ |
رد: اهل خطيبي لن يحضرو شبكتي
اعرف اكثر من بنت الشبكة كانت بينها وبينة فقط جا ولبسها وصورو وانبسطت معه
اهم شي اهلة عارفينهم كويس وموافقين يناسبونكم! ياخوفي اهلة مو راضين! |
رد: اهل خطيبي لن يحضرو شبكتي
ليالي العيد تبان من عصاريها وانا أختك ... ترددت كثير قبل مااكتب لكن مستغربة منك انه كل شوية تتنازلي عن شيء ... أنا بصراحة كلامي غير عن الاعضاء أتمنى تعيدي النظر في موضوع الزواج ككل ... اهله مايبغون يجون ولا يبغى يسوي زواج ولايتصل ويسأل ... اللي ارخصك وانت في بيت اهلك لاتستنين يرفع قدرك في بيته ... يعني بالله اهلك مااحد منهم اعترض على حكاية انه مافيه احد من اهله يجون ... والله عيب وشق جيب هذي ماسارت والمفروض ماتعديها بسهولة يقولك قدري ضروفي وايش سوى هو عشان يبين قدرك معليش يبان الشاري من البايع ...
بسألك أختي انت متأخرة في الزواج ؟؟ عندك نقص في شيء معين ؟؟ تنازلاتك بصراحة مخيفة الآن ولاتتوقعي حتى عشرة بالمية بيكون لك قبول عند اهله اللي رافضين يجون تاكدي تماما انهم ماهم راضين عن زواجك واتركيك من التخدير اللي قاعد يقوله لك ... والله ماأبغى اخبب بس بجد اعتبريني اختك الكبيرة بصراحة ملامح حياتك بعد الزواج باينة من الآن وبصراحة ماتبشر بخير ... استخيري وفكري كثير هذي حياة كاملة مو بسهولة تقدمي وانت في داخلك غصص مو غصة . |
| الساعة الآن 05:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©