|
هل تنصحوني بالاقدام على الزواج ؟!
السلام عليكم ورحمة الله وبركاته ..
اخواني واخواتي اريد ان ابدا معكم باذاعة الصباح مع هل تعلم ههههههههههه khh المهم ابدخل ع الموضوع بقووة .. اولا انا انسان ابلغ من العمر 21 , طالب جامعي خلصت 2 سنه باقي لي 2 تنصحوني اتزوج لاني ناوي اتزوج ف اريد نصحائكم الله الله بالردود الطيبة fdgrg تم تغيير العنوان ليتناسب مع المضمون |
رد: ......
وعليكم آلسلآم ..
آخي سآلم تفكير صآئب وجميل من رجل في عمرك يفكر في إكمآل دينه وآلستر على نفسه ويجعل نفسه بين ايدي آمرآه صآدقه و آطفال لكي يكبروآ معك لآبآس في ذلك , فالزوآج جميل ولكن يجب آن تعلم آنه لآبد من وجود ( العقل الصبور والمفكر بالايجابيات , الماده ( المال ) ) لانه مهم جدآ , فإن كنت واثقاً من خطاك وواثقاً من أنك تريد بإنجآب اجيآل صآلحه بآذن الله ف تقدم إلى الآمآم . |
رد: هل تنصحوني بالاقدام على الزواج ؟!
خلص دراستك
كون نفسك مادياً و بعدها اقدم على هذه الخطوة |
رد: هل تنصحوني بالاقدام على الزواج ؟!
بدري عليك انتظر حتى تتخرج كلها سنتين اصبر الله يوفقك ويرزقك بنت الحلال الان اخرج واستانس والعب بلاي ستيشن ولا سويلك مشروع والزواخ لاحق عليه
انا كنت مثلك مستعجل وحاسس نفسي مني قادر اصبر بس اشغلت نفسي بامور اخرى والحمدالله وحتى اني افكر اتزوج بعد ما يوصل عمري 28 |
رد: هل تنصحوني بالاقدام على الزواج ؟!
والله نصيحتي لك بالزواج اذا تقدر
وما اجمل الزواج المبكر عيالك يكبرون معك وانت في عز شبابك ولدك يصير كأنه اخوك والله رائع وتكمل نصف دينك |
رد: هل تنصحوني بالاقدام على الزواج ؟!
اقتباس:
|
رد: هل تنصحوني بالاقدام على الزواج ؟!
انا موقفي للكل
أولادي الان صغار يعني على ابواب الجامعة والله اني ناويه أزواجهم كلهم وهم صغار وخليهم يعيشوا حياتهم انا جربت الشيء هذا لآني تزوجت صغيرة الان أولادي بناتي كأني أختهم واولادي يظنون اني أختهم انا أؤيد الزواج المبكر للبنت والولد بس اهم شيء حسن الاختيار يعني يبحث الانسان عن ناس انفوسهم زينه يحبون الستر لبناتهم ويفرحون لذلك ولا تزعل الحسن تزوج خذه نصيحة حتى لو ما عندك مادة ابحث عن ناس ماهم المادة بقدر ماهم ستر بناتهم |
رد: هل تنصحوني بالاقدام على الزواج ؟!
اقتباس:
|
رد: هل تنصحوني بالاقدام على الزواج ؟!
أذا عندك استطاعة .. تزوج ولا تشاور ..!
لكن لابد من الثقافة الزوجية .. لابد تقرا كثير عن الحياة الزوجية وكيف تواجه المشاكل لا سمح الله .. فقط .. الله يرزقك ببنت تدلعك .. |
رد: هل تنصحوني بالاقدام على الزواج ؟!
الله يسعدكم ع التعلقيات الي تبيض الوجه
احيانا اقول خلني افلها واتزوج لاصرت 30 او 28 د واحيانا اقول يارجال رح ودربك خضر وش تشوفون ^_^ |
رد: هل تنصحوني بالاقدام على الزواج ؟!
اقتباس:
اكبر معوقات الزواج هي المادة لو عندك دخل ثابت معقول ( 5000 ريال ) ومضمون افصل الريويس احلى عمر للزواج في هذا العمر وحاول انك تاخذ وحده قريبه من عمرك والله يوفقك ودمتم في حفظ الرحمن |
رد: هل تنصحوني بالاقدام على الزواج ؟!
عندك مصدر دخل وتقدر تستأجر شقة وتعتمد على نفسك توكل على الله
ماعندك مصدر دخل غير المكافأه حقت الجامعة ومدخل اسمك سعودة ب 2000 اقول لك لا |
رد: هل تنصحوني بالاقدام على الزواج ؟!
من ناحية المادة امرها مقدور عليه الوالد عنده شركة من اكبر شركات المقاولات بالسعودية , واشتغل عنده في الويكند
براتب 4000 ومكفاة الجامعة 1000 يعني 5000 والسكن امره مقدور عليه بس المشكلة اخواني 2 اكبر مني واحد 26 والثاني 30 ماتزوجو للحين اعتقد ذي المشكلة بس شلون افتح الموضوع للاهل والله مشكلة اتمنى تساعدوني في موضوعي وشكرا لكم من اعماق قلبي ^_^ |
رد: هل تنصحوني بالاقدام على الزواج ؟!
اخويا سالم
كلنا شباب وعارفين بعض زواجك حيكون زواج تقليدي بمعنى ان تكلم اهلك يدوروا لك على بنت الحلال ويخطبوها لك والا في وحده عينك عليها وبينك وبينها تعارف وودك تخطبها لو زواج تقليدي ساقول لك توكل على الله وكلم الوالده اما اذا كان الخيار الاخر ف لي رأي اخر على حسب التفاصيل ودمتم في حفظ الرحمن |
رد: هل تنصحوني بالاقدام على الزواج ؟!
لا انصحك بالزواج الآن
فلها على قولتك. وبعدين تزوج ونعم المادة عائق للزواج و من يقول غير ذلك اما يعيش بعالم وردي او انه عنده فلوس من. ابوه و يظن كل الناس مثله! وبما أنك المادة متوفرة عندك لكنك بصراحة عمرك صغير. و العمر له دور بالمسؤلية و النضح و الفهم يعني كم سيكون عمر زوجتك. 15!! |
رد: هل تنصحوني بالاقدام على الزواج ؟!
بعد عشر او خمس سنوات من الزواج راح تندم و تحس انك استعجلت لما تشوف العزابية اللي بالعشرينات فالينها مع بعض و انت ما امداك تخلص المراهقة الا انك اب
عمرك مرره صغير و غير كذا ما تضمن اللي راح تتزوجها كيف راح يكون تفكيرها باختصار سنك هذا هو سن تكوين شخصية و تكوين نفسك من جميع الجهات مو سن زواج ابدا اصبر كم سنة و فالك الطيب ^^ |
رد: هل تنصحوني بالاقدام على الزواج ؟!
ليس كل صغير غير ناضج ..!!
ماشااء الله مدامك وصلت المنتدى ف ان شااء الله انك ناضج ..واقرا الكيثر من المواضيع واستفيد وتوكل على الله وتزوج مدام عندك القدرة ..واذا ماعند والديك كذلك مانع ..! اما اللي يقول " فلها " ف مع احترامي ما يدري وش يعني فلها عند الشباب الان ..!! وان شااء الله ان اخونا ليس منهم ..!! ياحبيبي تزوج وربي بيوفقك واتبع ماكان يقوم به الرسول صلى الله عليه وسلم مع زوجات .. فهو المدرسة لنا عليه الصلاة والسلام.. والرسول لم يحدد فئه عمريه للشباب .. بعض الشباب يفلها على قولتكم ويتغزل في بنات خلق الله واذا كبر قالوا زوجه عساه يعقل .. وتطيح بنت الناس المسكينة في واحد ما يخاف الله .. لذلك العمرررررر لم ولن يكون المقياس الاساسي للزواج .. واستخر قبل كل شي .." والله الموفق.. |
رد: هل تنصحوني بالاقدام على الزواج ؟!
إذا كنت مقتدر مادياً، فتوكل على الله..
أما إذا كنت العكس، فأنتظر إلى أن توقف على أرجولك.. الحياة صعبة الوقت الحالي، خصوصاً بدون دخل.. |
رد: هل تنصحوني بالاقدام على الزواج ؟!
الافضل تخلص دراستك ثم تخطب
|
رد: هل تنصحوني بالاقدام على الزواج ؟!
اشكر الجميع على المشاركة بموضوعي ^_^
اللي يقول لاتتزوج توك صغير لازم تنضج وتفهم ,الكلام هذا ماله اي اساس وش الفرق لاتزوجت الحين او وبعدين , بالنسبة للي يقول رح فلها , ترا اقدر اروح افل امكنها سفريات طيب وش الفايدة , ليش مانفلها سوا ولا وش رايكم ,, ياتزوج الحين او لما يصير عمري 30 فهمتو شلون اذا تزوجت الحين خير وبركة , اما اذا تاخرت فاعرفو اني ابفلها لين مايصير عمري 30 , اتمنى انكم فهمتو وضعي يا اعفي نفسي من الحين او اغسل ايدك بعدين . شكرا لكم , شكرا لاستماعكم ,دمتم بود , الجزيرة, سالم ههههههههههههههههههه (دعابة ^_^) |
رد: هل تنصحوني بالاقدام على الزواج ؟!
يعني الحين انت تحس ان النضج غير مهم في خطوة الأقدام على الزواج؟؟أرجو التوضيح
كلمة افلها. انا وضعتها عمدا كتعقيب لجملتك هل اتزوج الآن او افلها انت وش تقصد بكلمة افلها؟ ووضح لنا لما لا يتزوج الولد منذ ان يبلغ اذا توفر لدى والده المال؟ |
رد: هل تنصحوني بالاقدام على الزواج ؟!
اقتباس:
اصبر لين تعقل وتنضج وتفهم وتوفر لك مصدر دخل يأمن لك حياة كريمة بعدين تزوج |
رد: هل تنصحوني بالاقدام على الزواج ؟!
مسز داني انا قصدي ابي اتزوج من الحين لاني اذا طحت بالحرام صعب اترك الطريق هذا , شوف نفس الحين الوالد يبي يطلعني بريطانيا مع عيال عمي (لغة)بس انا عييت لاني اذا رحت هناك احتمال ماامسك نفسي , فانا ابي اصارح الوالده واقولها بس مدري شلون اخش بالموضوع ,فانا مابي اطيح بالحرام عشان لااتعود, اتمنى انك فهمتني وشكرا
vanity شكلك فهمتني غلط او ماعرفت اوصل لك المعلومة بس الجواب فوق واتمنى تفهموني مابي اطيح بالحرام |
رد: هل تنصحوني بالاقدام على الزواج ؟!
اقتباس:
|
رد: هل تنصحوني بالاقدام على الزواج ؟!
يا بن الحلال قل غير هالكلام
نعم الزواج يعف. لكن الانسان الضعيف او المتلكلك و يتحجج بالضعف لابد ان تصيبه حالات الضعف حتى و هو متزوج. بسببه هو و الا لا حجة للوقوع بالحرام كما انك اخي الكريم لم توضح لي هل النضج لا علاقة له بالإقدام على الزواج فالامر و ان كان الدافع. هو العفة. فتحمل المسؤولية و فهم الزوجة و القدرة على إدارة المنزل و المواقف التي تحصل بين الزوجين. تجعل للعمر فرقا انت غض نظرك عن الحرام. و اكمل دراستك. و ابتعد عن التفحص في مفاتن النساء بالخارج الى ان يدفع الخيال للاستثارة و انت تكون بخير وقووي إيمانك. مو تقول لو ما اتزوجت ما اضمن أمسك نفسي!!! |
رد: هل تنصحوني بالاقدام على الزواج ؟!
والله انا اشوف انك تكمل دراستك الجامعية وتكون نفسك
وتحصل لك وظيفة وبعدين فكر بزواج ولاحق علي الغثى هههه |
رد: هل تنصحوني بالاقدام على الزواج ؟!
اذا مقتدر ماديا واهلك بيساعدونك ليش لا
|
رد: هل تنصحوني بالاقدام على الزواج ؟!
من جدك يا مبتعثة؟؟
عمره 21!! |
رد: هل تنصحوني بالاقدام على الزواج ؟!
اقتباس:
السبب الرئيسي في تأخر الرجال عن الزواج هو المادة فقط |
رد: هل تنصحوني بالاقدام على الزواج ؟!
حتى المرأة
وًالا شرايك؟ |
رد: هل تنصحوني بالاقدام على الزواج ؟!
اقتباس:
الايجابية الوحيدة من التقشف 😁 |
رد: هل تنصحوني بالاقدام على الزواج ؟!
حددو عمر مناسب للزواج,...
|
رد: هل تنصحوني بالاقدام على الزواج ؟!
ما يحتاج تحديد
اللي خلص دراسته و اشتغل يضمن جزء مهم من نضجه و اعتماده على نفسه |
رد: هل تنصحوني بالاقدام على الزواج ؟!
مسز داني الا يبيلها نضج , شوف اذا بتحسبها ع العمر ترا والله بتتعب فيه ناس صكو 30 , 35 وهم رايحين فيها , هاه وين النضج في الموضوع اذا كان قصدك كذا على العمر ,
(فالامر و ان كان الدافع. هو العفة. فتحمل المسؤولية و فهم الزوجة و القدرة على إدارة المنزل و المواقف التي تحصل بين الزوجين. تجعل للعمر فرقا) لا انا اخالفك , تحمل المسوؤلية والزوجة والمواقف بين الزوجين امرها سهل , يعطيكم العافية جميعا ^__^ |
رد: هل تنصحوني بالاقدام على الزواج ؟!
الزواج مو اعفاف و مادة و بس
اهم شيء هو تحمل المسؤولية و يستشعر الشخص انه قد حمل المسؤولية و بصراحة اللي مو متوظف و لا كد ع نفسه ما اعتبره حس بالمسؤولية او عرفها حق المعرفة بعدين تضيع ع نفسك سنة عشان تروح تتعلم لغة وترجع م تسوى والله |
رد: هل تنصحوني بالاقدام على الزواج ؟!
الموضوع على الدراهم. عندك دراهم ولا بتعيش على جيب ابوك .!!!
صعبه ابوك هو الى يدفع المهر لعروسك واليوم الثاني تروح تسحب مشلحك لغرفة النوم.!!! |
رد: هل تنصحوني بالاقدام على الزواج ؟!
اقتباس:
واللي يقول فيه ناس أعمارهم كذا و كذا و مو ناضجين فالكلام بالعموم. الأكبر و اللي اشتغل و خلص الجامعة يفرق كثير عن اللي بالثانوي او بداية الجامعة !! و هذا كلام لا يخالفه عاقل ولكن اتفهم دفاعك اخي الكريم وتعديك على المنطق بأن امر المسؤلية سهل يعني مافي احد بيقول عن نفسه لساتي صغير و قدامي وقت لأفهم الحياة إذن على هذا ابن الحادية عشر لو بلغ و ابوه غني زوجوه في هذا الزمن |
رد: هل تنصحوني بالاقدام على الزواج ؟!
كمل دراستك اولا
ثم توظف ثم تزوج والي حاط براسه الحرام بيطيح فيه حتى لو عنده اربع زوجات لكن الاهم حط ببالك ان الحرام ماله مبرر والدليل ان الله جعل عقوبة للزاني في الدنيا والاخره بدون النظر للاسباب عليك بغض البصر والدعااء بان يعصمك الله من الفتن والفواحش ماظهر منها ومابطن والله كريم لايرد من لجأ اليه |
رد: هل تنصحوني بالاقدام على الزواج ؟!
هههههههها ما احد من الحريم بالنتدى تزوجت وزوجها ببداية الجامعة؟؟ ياما كثيير شفت من اصحابي ابائهم تزوجو امهاتهم وهم ببداية الجامعة واعمارهم 19 وحولها.. والآن كلهم فاتحين بيوت وماشاء الله. صح بالبداية كانت الامور صعبة ماديا.. لكن الشغلة مو مطولة.
واذا الرجل ما كان له طلعات ومصاريف وسفريات ووناسة بكم سنة ببداية الزواج يعني صار الزواج ملغي؟؟ او انه ما يعتبر زواج؟؟ اذا كانت النظرة مادية للبنت .. فتجلس ببيت ابوها يصرف عليها ويدلعها احسن لها.. نظرة بعض الناس مادية بحتة \ اذكر اخي عشان راتبه قليل ماكان يوافقون عليه.. الآن وحدة من الي رفضته عشان راتبه تزوجت واحد مطلق بعد ما عدت 30 بواحد راتبه يجي نص راتب اخي !! ووحدة ثانية لم تتزوج حتى الآن وعمرها طق فوق 40 خلهم بيجيهم الي راتبه يملي عينهم.. |
رد: هل تنصحوني بالاقدام على الزواج ؟!
آبائهم تزوجوا امهاتهم؟؟
طيب ماذا عنهم هم؟؟ طلعات و سفريات شي واللي يقصده صاحب الموضوع بكلمة افلها شي ثاني صح؟ الموضوع هنا ما يتكلم عن المادة بل عن صغر سن صاحب الموضوع. هو مرتاح ماديا و موظف بشركة ابوه وابوه غني وهذولي اللي تقدم لهم اخوك و رفضوه انت تذكر قصصهم من باب ان العقاب نزل عليهم لرفضه و انت تتشمت مثلا؟؟ |
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©