|
طليقي بيسافر
السلام عليكم
امس بعث لي طليقي رسالة يبلغني فيها ان بيسافر لمدة شهر تقريبا وما وده ان بنتي تنقطع عن خواتها ويبي ارضى ان بنتي تقعد مع خواتها في بيتهم مع مرة ابوها - طبعا زوجته رجعت بعد ما عرفت ان طلقني - قلت له مستحيل ان اخليها عند زوجته ، وحدة قطت بناتها ما أأمنها على بنتي- قالي اهم كلهم بناتي ومابي افرق بينهم قلت له لو حاب يروحون معاي انا ونطلع نلعبهم انا موافقة غير جذي لا ابدا قالي خليها مع اختي افضل قلت له يصير خير قالي اللي فات مات ولا تكونين السبب في التفرقة بين بناتي نسيت اقول شغلة مهمة امه مسافرة علاج حق ظهرها طبعا مستحيل اخليها تروح بيتهم وبنفس الوقت في داخلي حجي كبير ووايد الي اقوله له بس ماني قادرة شوروا علي |
رد: طليقي بيسافر
البنت بنتك انتي
لا بنت اخته و لا بنت زوجته حمايتها اولى من اي علاقة.. بعدين شهر مو كثير هو ماعاد زوجك عشان ترضينه عزيزتي ماتروح بيت ابوها وهو مو موجود |
رد: طليقي بيسافر
هي عادة كل شقد تشوفهم؟
برايي وديها عند اخته يوم الجمعة مثلا من الصبح واخذيها بالليل .. والكلام اللي بخاطرج لا تقولينه له .. خلاص صفحة وانطوت .. |
رد: طليقي بيسافر
اقتباس:
يا اختي السايلة ارسليها عند اخته خليهم يتواصلوا ويتعارفوا ويكونوا علاقة قوية صدقيني بنتك اكثر وحدة راح تضرر لوكانت علاقتها مع اخوانها سطحية بالتوفيق |
رد: طليقي بيسافر
أقول ـ والله أعلم ـ
1) جزاك الله كل خير على حرصك على بنتك ، وصبرك الله على هذا الطلاق ، وعوضك خيرا. 2) ما دمتي لا ترتاحين لزوجته ، فرأيك جيد وهو أن تذهبي ببنتك وبناته بنفسك وتتركيهم يلعبون في حديقة أو ملاهي ، هذا كرم كبير منك ولك ـ بإذن الله إن احتسبتي ـ أجر عظيم وإخال السرور عليهم وجعل بنتك ترى أخواتها. 3) ردي عليه بهدوء وقولي له : هذا رأيي ولن أقطع بناتك عن بعضهم لكني لن أرتاح إن أرسلها لوحدها. 4) تقولين : ( وبنفس الوقت في داخلي حجي كبير ووايد الي اقوله له بس ماني قادرة ) هل تقصدين الكلام مع طليقك ؟ هل انتهت العدة أم مازال هناك فرصة للرجوع ؟ |
رد: طليقي بيسافر
عمتها مو وايد تشوفها بس ابوها كل يوم ياخذها ويقعد معاها 3-4 ساعات ويرجعها
واذا خذتهم عمتهم فراح تاخذهم يروحون على مول او مكان فيه العاب يلعبون ويتعشون ويرجعون يعني بالكثير 3 ساعات بس ما اضمن ان عمتهم تروح بيت اهلها لاي سبب كان وانا الصراحة كارهه البنات لانهم غير مستورات ولبسهم فاضح الله المستعان |
رد: طليقي بيسافر
اقتباس:
نغزني قلبي وانا مالي شغل 💔 لو انها اكبر شوي وتفهم اذا تاذت تشتكي كان معليه بس والله صغيرة.. لا تتركينها لحالها ولا تامنين احد بالذات مرة ابوها |
رد: طليقي بيسافر
شهر فتره مو طويله
لبس بناته مالك علاقه فيه موهبه واذا كبرت بنتك ان شاءالله لا تزرعين فيها هالكلام على خواتها لا تاخذي وتعطي معاه بالكلام كثير طنشي اذا ما تبين تودين البنت لا تودينيها |
رد: طليقي بيسافر
اقتباس:
|
رد: طليقي بيسافر
الحمدلله قراري صح اني ما اخليها تروح
الكلام اللي بخاطري اقوله ان بسبب هالبنات انا انهنت وانذليت وانطرت وان طليقي خذا حقي عشانهم الله لا برضى عليه وبالاخير قالي انتي اضحوكة ليش تصبرين علي جان زعلتي ورحتي بيت اهلج الله يجعله اضحوكة ومسخرة للي يسوى واللي ما يسوى فهل يتوقع بعد كل هالمعاملة السيئة اني بسوي شي عشان خاطرهم؟؟؟ الله ياخذ حقي منه في الدنيا والاخرة واشوف بعيوني اللي ياخذ حقه منه وهو ذليل ...... |
رد: طليقي بيسافر
وانا دايما امدح ابوها وخواتها عندها وأتكلم عنهم بكل خير
والله عشانها مو عشان اي احد ثاني |
رد: طليقي بيسافر
دام ما رجعت لبيتها لين تطلقتي
صدقيني ما تتهنا بحياتها وان كان ظاهرها ببيتها ومع زوجها لان الله ما يرضى بالظلم لكنه يمهل ولا يهمل👍 ووحده زيها داست على اسمى معنى في المراة وهو الامومه عشان رجال.. ما تامنين بنتك عندها ابدا ابدا ابدا وشهر كثير مره.. اخلي بنتي شهر عند مرة ابوها ليش وين احنا😅 وبنتك سنتين يعني تحتاج عناية وغذاء ونظافه ووووو بتخليها تخيس لااااااا بنتك اجمل شي طلعتي به ف حافظي عليها جدا جدا جدا.. |
رد: طليقي بيسافر
انا لو مكانك مارح اوديها بنتي ماثق بأحد يمسكها خاصة مرت ابوها
اذا رجع يصير خير |
رد: طليقي بيسافر
اها كان تقوليلي من اول عمرها سنتين اذا كان كذا خليها عندك وقولي لاب بنتك البنت صغير ما امن عليها بالتوفيق
|
رد: طليقي بيسافر
حتى لو كانت البنت كبيرة وتفهم .. مب طلب طبيعي إنج تخلينها عند زوجة أبوها .. ويضرب تحت الحزام ويوحي لج إن رفضج بيسبب تفرقة بينها وبين خواتها!
إذا البنات بيتفرقن في هالشهر اللي بيسافره .. فالأولى إنه يلغي سفرته ويلم بناته حوله .. لأنه هو المسؤول الأول عن هالشي .. مب إنتي ولا زوجته. لكن يسافر ـ سواءً سفر مهم أو غير مهم ـ ومطلوب منكم جميعاً تخضعون حياتكم لمزاجه ووجهة نظره؟ ... لا طبعاً. وخلاص يا موهبة اللي راح راح .. والكلام ما منه فايدة. لج رب بياخذ لج حقج. |
رد: طليقي بيسافر
اوعك تتركيها خاصة هي صغيرة وما بتعرف تعبر عن شي ،، يمكن مرت اببها تظلمها يمكن تضربها يمكن تجوعها ،، شو الله جابرك تقعدي قلقة طول الوقت ،، قليلو ما حدا فرق البنات غير انت و انا مو مسؤولة صلح اخطائك ،، اقتواحك 100% ،، ازا بدو خلي هنن يجو يزورو اختن
|
رد: طليقي بيسافر
أما تودينها عند مرة ابوها يستهبل طليقك الظاهر ... ولا حتى تردي على رسالته شكله يبغى يستفزك وبس ...
|
رد: طليقي بيسافر
عزيزتي موهبة ،، ابدا لا تأمني لحد تحسي ثقتي قليلة او مهزوزة فيه ! هاذي نصيحتي مو عشان نطلع زوجته سيئه ام جيدة ولكن من باب الحرص !
عندي لك حل وسط ،، اذا فعلا مايبغي تفرقة اذن يجيبوا بناته يشوفوا اختهم ساعة ساعتين مع عمتهم وبعدها يروحون ! منها هي تحت عينك ومنها هم شافوها اذا كان هذا المقصود فعلا .. ابنتك امانة عندك لاتفرطي فيها ... ومثل ماقالت مهرة هالموضوع مسؤوليته هو ! يقدر يقلل مدة هالسفرة ويقدر يلغيها اذا خايف فعلا من التفرقة ! وشهر ماراح يمديها تناسهم بالاساس ... 😂😂 ذكرتيني ببعض الناس من اهلي خايفين بنتي الصغيرة تنساهم او تكرهم فلازم كل يوم يصبحون عليها وانا بالدوام ! وكلش كلش يجوني البيت على غفلة ... |
رد: طليقي بيسافر
موهبه
بعض النظر عن الموضوع لانه مستحيل تودي البنت عندهم بدون ابوها وشهر ما يسبب فرقه بين اطفال هو يبالغ الي ملفت نظري انه للحين ياثر عليك بكلامه زي اتهامك انك سيب الفرقه بين البنات ياسلام مو الطلاق كان اختياره مو هو شتت بنتك وكان مقتدر يفتح بيتين بسهوله لا تخلينه ياثر فيك ابد كافي مخليته يزورها يوميا وحده ثانيه تكتفي بزيارات المحكمه المقرره وانا احيك على كذا لكن هو ماعاد له شي عندك عشان يفرض عليك اراءه |
رد: طليقي بيسافر
انت المهم ما تمنعي البنت عن ابوها
دام انه مسافر ماهي من مسؤولياتك علاقة البنت بأخواتها هذه مسؤوليته يرسل اي احد عشان يجيب البنات عندك و يلعبوا معاها و انتهينا و شهر ما راح تفرق إِيش به مكبر الموضوع ! |
رد: طليقي بيسافر
اقتباس:
كلام صحيح انتبهي نذهب لهم في غياب ابوها ةشهر مو طويل |
رد: طليقي بيسافر
انا قلت له الموضوع عندي منتهي وروحة لبيتكم ماكو
ما رد علي كيفه بالنهاية بسوي اللي براسي لان حتى لما قلت حق امي ما رضت وعصبت حسبي الله ونعم الوكيل |
رد: طليقي بيسافر
ياكثر الظلم بهالدنيا
واكبر منه واكثر رحمه ربي الله كريم |
رد: طليقي بيسافر
طلبه هذا مستفز ..
ليه الصغيره ام سنتين هي اللي تنقل رايحه جايه علشان حضرته مايبغى الفرقة بين الخوات ليه مايكونن الكبار هي اللي يتنقلن رايح جاي لبيت الصغيره اقل شئ الصغيره بحاجة امها ماتقدر تبعد عنها غريب منطقه اللحين صار غياب الصغيره عن خواتها مدة شهر يسبب فرقة بينهم!!!! بينما غياب الاب عن البنات مدة شهر مايسبب فرقه!!! وش جاب ل جاب الله يهديه مو انقطاع الاب عن بناته شهر اشد وقعا من انقطاع الاخت عن اختها شهر |
رد: طليقي بيسافر
ابنتك صغيره ولاتخلينهاتروح وماعليك لكل ظالم يوم الله يفرج همك ويصلح لك بنتك
|
رد: طليقي بيسافر
زوجته وما ادراك ما زوجته؟!!
|
رد: طليقي بيسافر
خليها على الله يا شوك
طبعا في نظره هي السنعة وهي الام وهي كل شي زين وانا اللي عقلي صغير والله اني من تطلقت وانا ادعي عليه وعلى زوجته وامه الله ينتقم منهم |
رد: طليقي بيسافر
زوجته تكيد لك حتى وانتي مطلقة..
لا تستبعدين احتمال انها مقترحة عليه هالاقتراح وهي عارفة بديهيا انك بترفضين تجيبينها عشان تبينين بالشينة وتوجد مشاكل بينك وبين طليقك.. وتضمن مليون بالمية انه مايرجعك وتحطه بجيبها وتضمنه يمه لو هالحكي صدق! |
رد: طليقي بيسافر
المهم موهبة ..
تمسكي بقرارج لو انه فكر يفاتحج بالكوضوع مرة ثانية .. ونصيحة الكلام اللي بقلبج عن بناته ومرته وامه وحتى عنه هو .. خليه بقلبج ولااااا تفكرين انج تقولينه له .. هو خلاص انتهى من حياتج والحمدلله .. والعتاب واللوم ماله معنى ولا راح يحرك فيه شعرة ولا راح يريحج حتى .. الله يبرد على قلبج ويمسح عليه ويخفف من شعور القهر ويملي قلبج سكينة وطمأنينة وراحة بال .. |
رد: طليقي بيسافر
موهبة
لما يسالك مرة ثانية اي شي لا تكون ردودك واضحة وصريحة لا تخلين الغلط يركبك انت كيدي مثل ما غيرك يعرف يكيد قال لك ودي البنت قولي بنتي صغيرة وتبي رعاية واخاف عليها ، انت خلي البنات يجون ( حتى لو ما ودك) ولا تخافين مستحيييييل امهم ترسلهم لك وان فرضنا ارسلتهم طفشيهم باسلوبك بدون ما يحسون |
رد: طليقي بيسافر
ما اعتقد بنتي بتروح لهم ولا بناتهم بيجون عندي
اللي اتوقع يصير ان عمتهم تاخذهم كلهم وتوديهم مكان فيه العاب او مول بس مع هذا ما أأمن واذا كلمتني عمتهم بأعتذر باي عذر وماراح اكون صريحة وما همني اذا طلعت بالزينة والا بالشينة عندهم لان مهما اسوي باظل بالشينة وبعدين انا ياما وياما كليت هوا من ورا هالبنات مستحيل اضغط على نفسي عشانهم وهو مرده بيشوف نتيجة اعماله |
رد: طليقي بيسافر
موهبة كم اعمارهم البنات؟
|
رد: طليقي بيسافر
12 سنة
9 سنوات |
رد: طليقي بيسافر
خلاص يا موهبه لا تفكري كثير فيهم
البنات مو ساس مشكله طلاقك مشكلتك بالاساس مع زوجك ماكان عنده جديه والله يعوضك كل خير |
رد: طليقي بيسافر
اي خلاص انتهيت الموضوع
واذا رجع وكلمني ماراح اعطيه كلام مفيد لا بالإيجاب ولا النفي ونفس الشي مع اخته والعوض على رب العالمين |
رد: طليقي بيسافر
حبيبتي موهبه
انوقع معك ماستر ماتفكرين تكملين احسك مثقفه وذكيه لكن زواجك كان يستنزف كثير منك الله يخلي لك البنوته اكبر نعمه وهبها لك الرحمن |
رد: طليقي بيسافر
نبيك تحافظين على بنتك
عشان ما ياخذها منك بكرة والا الزينة والشينة مع زوجك واشكاله ما تنفع |
رد: طليقي بيسافر
قوليله لا وبالفم المليان بعد..اذا بغى يشوفها حياه الله باي وقت بس ياخذها ويقطها مهما كان الرجل غافل مو مثل الام..ومو واجبك ترضينه بعمره مارضى
|
رد: طليقي بيسافر
مبتعثة الصراحة قدمت عالدكتوراه وبآخر لحظة سحبت
مالي خلق الدراسة شوك حبيبتي مستحيل ياخذها مني لان يدري اني لو فكر فوراه المحاكم والبلاوي زهرة الجاردينيا شكرا حبيبتي على مرورج |
رد: طليقي بيسافر
اقتباس:
أحتفظي ببنتك وخلي منك ذاالرجال أصلاً الكلام فيه أحسه نوع من الفضاوه أنتي مطلقه ولا لك أي صلة فيه الا عن طريق بنتك لا تحرمينها شوفته ووصله لكن تروح عند زوجته الثانيه فالأفضل لا .. تجنباً للمشاكل والشكوك ffb |
| الساعة الآن 01:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©