|
محتاره بآيجاد وظيفه تناسب وضعي
السلاعليكم ورحمة الله وبركاته
اولا هاذي اول مشاركه ليي ....................... واتمني تساعدوني انا متزوجه وعندي ولدين الحمدالله مشكلتي مو لهدرجه كبيره بس ابي مساعده انا أدور على الوظيفه وحظي اني تزوجت واحد مايبي مكان اختلاط يبي يابمدرسه او روضه المشكله وين اقدم اوراقي وين اروح انا معي ثانويه وحاسب سته شهور وإلا اقدر اخذ دورات لأَنِّي مامعي فلوس يعني حالتنا الماديه ماش ومره قلت لاخوي يودي اورقي وكمان امي تبغي فراشه قال مافيه الي معاها ثانوي تروح لجداره وأمك لازم شهاده وش شهاده وهي تبي فراشه حتي الفراشه صارت بواسطه تكفون اي احد يعرف كيف اقدم اوراقي .................................................. .................rfegr تم تعديل العنوان ليتناسب مع المضمون |
رد: حد بساعدني
اجلسي في بيتك ولا تتوظفي هو ملزوم ينفق عليك وش لك والتعب
|
رد: حد بساعدني
اختي بقترح تبدئي بتدريس في البيت
اطبعي اوراق اعلان لا تدريس لا صفوف الي ممكن تتعاملي معها ممكن تطوري بفترة قصيرة و الوضع المادي ان شاء الله بتحسن هل مشروع مو محتاج راس مال بعتقد اذا كان عندك ادارة جيدة ما رح تحتاجي تتوظفي وربنا يرزقك العمل الصالح النافع ورزق الطيب |
رد: محتاره بآيجاد وظيفه تناسب وضعي
مكانه الانسب
|
رد: محتاره بآيجاد وظيفه تناسب وضعي
الحسن صناره كلشي يبي مصاريف أجار عيال يبون مصاريف نلبس نطلع
غدا اجمل ماقصرتي راح اطبقها وأحاول ادرس بالبيت بس المشكله خاف محد يجي يدرس وكتبهم الابتداىى الجديده غريبه شوي بس بجرب يعطيكم الف عافيه |
رد: محتاره بآيجاد وظيفه تناسب وضعي
مشكوره رايحة البخور
|
رد: محتاره بآيجاد وظيفه تناسب وضعي
أسال الله باسمه الرزاق ان يرزقك ويرق بنات وشباب المسلمين الرزق الحلال
|
رد: محتاره بآيجاد وظيفه تناسب وضعي
مشكوره على الدعوه ماقصرت ولَك المثل
|
رد: محتاره بآيجاد وظيفه تناسب وضعي
اختي طبعا دوري وظيفه
واقنعي زوجك بس امك لا صحيح الشغل مو عيب ولا حرام لكن اكرموها عن خدمه الناس |
رد: محتاره بآيجاد وظيفه تناسب وضعي
مبتعثه ماقصرتي انا ابحث حاليا ولقيت بالمراعي لكن رفض اما امي هي الي حابه تتوظف حنا قلنا لها لاتتوظفين
وقال ان المراعي اختلاط |
رد: محتاره بآيجاد وظيفه تناسب وضعي
أختي انا مع زوجك ..في رفضه على عمل فيه اختلاط ..
وحتى وانتي متزوجة فالمراءة قد يضعف قلبها امام مواقف تحصل من الرجال .. لذلك ابحثي وسوف تجدين الكثير من الوظائف وماشااء الله هالسنة هذه واللي قبلها ..بدأت تكثر فرص توظيف البنات .. في شتى المجالات .. في مواقع تنزل وظائف يومياً .. وأختى لا تشغلين بالك بالوظيفة ان جاءتك كان بها والا الافضل تربيتك اولادك وسوف يرزقك الله .. |
رد: محتاره بآيجاد وظيفه تناسب وضعي
مشكور الفارس ان شالله الله بيرزقني خير بس ودي أنفع بشي والاعمري يروح كذا يعني حاليا قادره أوفق بين شغل البيت وعيالي واذا ربي رزقني انشالله اخاف اكبر معاد اكبر اومعاد ابي اشتغل
|
رد: محتاره بآيجاد وظيفه تناسب وضعي
كملي دراستك افضل
الثانوي حتى وان توظفتي راتبها ضعيف بالنسبه لامك الي اعرفه ان منعو توظيف للمستخدمات يعني خلاص هذا انلغى |
رد: محتاره بآيجاد وظيفه تناسب وضعي
انا مع زوجك بانه ما يبي اختلاط.. مع اني شخصيا ابي زوجتي تكون بالمجال الصحي.. لاني اشتغل بالمجال الصحي وسبق اشتغلت وانا بالجامعة في كم شركة عندهم موظفات. والوضع داخل الشركات سيئ جدا الناس تحسب المستشفيات سيئة لكن الشركات أسوأ منهم بكثييير وانا عايشت الوضعين.. وحتي لو زوجتي بتكون بالمستشفى راح اخليها بنفس عملي وتحت عيني. مستحيل اخليها تشتغل بمكان وانا بمكان.. هذا نحن الرجال كذا.. استغرب من الي مايكون عنده غيره نهائيا .. وحاولي تكملي الجامعة افضل لك عشان الوظيفة.
|
رد: محتاره بآيجاد وظيفه تناسب وضعي
الاخت
في الان شركات كثيره تسعى بتوظيف المرأه العمل عن بعد حولي تقديم عليهم يعنى وانتي في بيتك تعملي لديهم عن طريق الايميلات العمل الرسمية لان مسموح نظامياً ويتم احتسابك في نطاقات للسعودة ويحق لك تامين طبي ، وبخصوص الدورات في شركات تتكفل في التدريب وتكون مدعومه من صندوق الموارد البشرية ( قدمي على صندوق الموارد البشرية هدف ) ويتم تدريبك لفترة ثلاثة أو ستة أشهر ماتزيد عن سنتين حسب مدة التدريب ويصرف لك مكافئة وقت التدريب، ولديك ايضاً موقع اسمه ( دروب ) تقدري تاخذين دورات من أجل تطوير مهاراتك مجاناً واذا ترغبيني في شهادة للدورة عليها رسوم رمزيه اتوقع والله اعلم، والله يكتب لك اللي فيه الخير . عن بعد |
رد: محتاره بآيجاد وظيفه تناسب وضعي
مشكوره عذاري بس الدراسه بعد تبي مصاريف ولامعاك حق الثانوي ماتوظف وان حصل راتبها ضعيف
|
رد: محتاره بآيجاد وظيفه تناسب وضعي
مشكور ابو يزن راح اقدم واشوف يصير ماقصرت
ماقصرتو عن جد ماراح انسي هالشي لكم |
رد: محتاره بآيجاد وظيفه تناسب وضعي
استفسري واسألي عن عقود الروضات" الحاضنات " وزارة التعليم توها بدت في النظام هذا بعقود ويبغون شهادة ثانوي لكن حتى الآن ماعرف كيف طريقة التقديم إلا كان أفدتك
وكذلك شوفي روضات بالأهليه |
رد: محتاره بآيجاد وظيفه تناسب وضعي
اقتباس:
قلت أعطيك خبر يمكن إنتي تجهلين هالشيء، والدراسة مهمة اعقليها وتوكلي وإن شاءالله السنوات بتمشي وتلاقين الوثيقة بيدك .. أفضلك من شهادة الثانوي .. الحين بكالوريوس وتبطروا عليها ماعاد توكل عيش . الله يرزقك من واسع فضله .. |
رد: محتاره بآيجاد وظيفه تناسب وضعي
أختي كم عمرك ومن أي منطقه يمكن أقدر أفيدك ؟!
شنو مؤهلك الدراسي ! |
رد: محتاره بآيجاد وظيفه تناسب وضعي
فرح تايه ماقصرت بس اول اسمع اعفاء الرسوم راح اسال
مجنون زوجته عمري 24 وساكنه بالخرج مؤهلي ثانوي |
رد: محتاره بآيجاد وظيفه تناسب وضعي
غالباً اذا كنتي خارج الثانويه حافز متوفر واذا لم يتوفر لك حافز او خلصتيه فيه بعض المدارس يقبلون تدرسين الاطفال العصريه تحفيظ قرءآن أجر وفلوس بنفس الوقت غالباً يكون ما بين ال700 الى 1000 ريال . أدري أنها مبلغ بسيط بس أحسن من لا شيء ..
حالياً لا يحظرني أي شيء .. فيه موقع طاقات سجلي فيه والله يوفقك ويرزقك من حيث لا تحتسبين يارب . |
رد: محتاره بآيجاد وظيفه تناسب وضعي
ليش ما تصلحين أكل من بيتك و تبيعينه، لانه صراحة مؤهلك ضعيف، و انت تقولين كتب الابتدائي تحسيها غريبة شوي، فكيف تقدري تدرسيهم، و اولياء الامور صاروا شوي متطلبين في هذي الامور
الله يرزقك من حيث لا تحتسبين |
رد: محتاره بآيجاد وظيفه تناسب وضعي
توضفي حارسه للمدرسه وزوجك حارس أفضل وضيفه واتركي عنك امك إذا تبي منك مساعده ماديه اعملها لا توضفتي
|
رد: محتاره بآيجاد وظيفه تناسب وضعي
زوجي متوظف الي تبي الوظيفه انا موهو اما حارسه لهم شروط تكون نفس العسكري
|
رد: محتاره بآيجاد وظيفه تناسب وضعي
مشكورين ماقصرتو جميعا قرت اقدم أوراق على الوزاره اذا في أمل يحطوني مراسله
|
رد: محتاره بآيجاد وظيفه تناسب وضعي
الله يرزقك من حيث لا تعلمي يارب ويفرجها عليك وعلى كل المسلمين
|
| الساعة الآن 05:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©