زوجي عرف علاقتي بواحد غيره
 

زوجي انسان عمره ما اذاني بشيء بالعكس يحبني ويموت بالتراب اللي امشي عليه، ويخدمني ويشيلني بعيونه ، ماعمري طلبت منه شيء وقال لا
كل طلباتي عنده مجابه ، كان كل يوم يحاول يطلعني ويمشيني ويحاول يبسطني ..
كان دايما يجلس معايا وكنت احس انه لصقه ودايم ناشب فيني، كان يعطيني مصروف شهري وقدره 3000 الآف شهريا و كان مغرقني بالهدايا و بالكلام الحلو و ماكنت احس بالنعمه اللي عايشه فيها
كنت احب ولد خالي لأنه غاية في االجمآل وكنت ذايبه فيه ، وكان هو يحبني حييييل،كنت اذا رحت عند خالي اجلس معآه وعادي لأنه نحنا نكشف ع بعض ،
كان يتغزل فيني وكنت اذوب فيه واغواني الشيطان
وقبلنا بعض و ضمينا بعض وهذا كله بوقت الملكه ..
وبعد الزواج صرت ابعد عنه وهو يتقرب مني ويبكي ويقول انه يحبني ومشتاق لي مع العلم انه تقدم لي ووالدي رفض ، وقبل شهر ولد خالي ارسل رسالة يذكرني فيها بماضينا مع بعض و بأيامنا الحلوه لما ضمني وباسني وكيف كنا نتكلم مع بعض بالساعات وزوجي كان يقرأ ودخلت عليه وشفته ماسك الجوال وهو يبكي بكاء شديد ،قلت له وش فيك وليش ماسك جوالي وناظرني نظره عمري ماراح انساها ورمى جوالي وطلع برى البيت وبعدها اليوم الثاني كلمني و واجهني وانا انهرت واعترفت بكل شيء وقام وداني لأهلي ولي شهر اللحين وانا عندهم ، انا خلاص تبت و ودي ارجع لزوجي بس كيف يوم كلمني قلت له ان ذا ماضي وهو ماله شغل فيه هو ماله الا بحاضري!! بس كيف يفهم ؟!
انا ودي ارجع لزوجي ساعدوني تكفون =(

رد: زوجي عرف علاقتي بواحد غيره
 

اهاااا اوكي
اذا ماكان معرف جديد
وقصه مؤلفه
الله أعلم

رد: زوجي عرف علاقتي بواحد غيره
 

حتى المعرف سخيف واسخف من اللي قبله
حسبي الله ونعم الوكيل اذا كان الكلام غير صحيح ووضع للمهزله ومضيعة وقت
الأعضاء
حسبي الله ونعم الوكيل اللهم اكفنا شرورهم

رد: زوجي عرف علاقتي بواحد غيره
 

ايش قصة مؤلفة انت شكلك راعية مشاكل الله يكفينا شرك
والله العالم ان القصه مو مؤلفة .....

رد: زوجي عرف علاقتي بواحد غيره
 

انا جيت هنا عشان اسألك اذا معرفي عاجبك ولا لا ؟

رد: زوجي عرف علاقتي بواحد غيره
 

نفس الاسلوب 😂

ونفس الفيسات

ونفس اللفظ حق "يموت على التراب.."

شطبتي على عيال قرايبكم كلهم 😂

اشغلي نفسك بشي مفيد الله يصلحك بس

رد: زوجي عرف علاقتي بواحد غيره
 

وانا ماجيت هنا الا عشان شفت اراء الأعضاء وحكمتهم الله يجزاهم خير وان شاء الله القى عندكم الحل

رد: زوجي عرف علاقتي بواحد غيره
 

اسلوب ميين ؟ انتي وش فيك مريضه ؟ موسوسه؟

رد: زوجي عرف علاقتي بواحد غيره
 

هو غلطته انه عطاكِ بدون حدود..وكان ينتظر منك نفس العطاء ..لكن للاسف تلقى صفعه قويه ماتوقع بيستعيد توازنه بعدها بشهر ولاشهرين..انتظري سنه وبعدها راسليه يمكن يلين..هذا في حال ان القصه ماهي خيطي بيطي

رد: زوجي عرف علاقتي بواحد غيره
 

سنه واجد علي ، انا شهر واحس اني بموت كيف اذا انتظرت سنه ، اللحين امي قاعده تسأل تقول وش فيه زوجتس وش صاير بينكم وانا اسكت اقولها مابه شيء قريب بيجي وياخذني لأنه مشغول بعمله برا المملكة ، وانا اتصل عليه دايم ومايرد علي ولا على رسايلي

رد: زوجي عرف علاقتي بواحد غيره
 

لا حول ولا قوة الا بالله ..
فعلاً ما حسيتي بالنعمة اللي انتي فيها ..
اللي مافهمته كيف كنتي تختلين مع ولد خالك في وقت الملكة ؟؟ كيف تجي ذي ؟؟
يعني من بداية الزواج وانتي منتي يم زوجك ؟؟
أجل ليش تقبلين به ؟؟
الله يهديك بس ..خسرتي رجل كان يحبك ويصونك !!
أنتظري لعل الله ان يهديه ويرجعه لك ..
لانه ما ينلام صررااحه!! فهو في صدمة حتى الان... ما يعلم بها الا الله ...
توبي الى الله ..واكثري من الدعاء والاستغفار ..

رد: زوجي عرف علاقتي بواحد غيره
 

حبيبتي هالكلمة تنقال بينا وبين بعض .. لكن ما تنقال لزوجج عقب ما اكتشف المصيبة اللي سويتيها.

بعدين كيف ماله شغل وإنتي سويتي اللي سويتيه وقت الملكة؟!!!

رد: زوجي عرف علاقتي بواحد غيره
 

خيااانة !!وايام الملكة
وتعترفي بكل شي !!!
كان انكرتي الرسايل
وماخربتي حيااتك

رد: زوجي عرف علاقتي بواحد غيره
 

حنا عادي عندنا نكشف على الرجال من جهة الأم ، وذي عاده عندنا ، ونتعتبر انفسنا اخوان لبعضنا بعض ، ولد خالي كان يحبني ويغليني ويهتم فيني غير عن كل بنات العائلة ، وبعدها صرح لي بحبه و انا حبيته و علاقتنا كانت بس بالملكة والملكة كانت بحدود السنتين وبعدها قطعت علاقتي فيه ، وهو اخذ رقمي من حرمة خالي ويرسل احبتس واشتقت لتس ومن ذا الحكي ، وانا ابكي وموب قادرة ارد عليه
و زوجي بعد احبه كانت مشاعري مختلطة واللحين يوم اني فقدته احس ان زوجي هو حب حياتي الحقيقي واني من قبله كنت عايشه بوهم وكذب وربي ان ودي يردني اليوم قبل باكر انا تبت وربي تبت ليش مايسامحن ويفتح معي صفحه جديدة

رد: زوجي عرف علاقتي بواحد غيره
 

من الصدمه مادريت وش اقول صرت بس ارجف واحكي حكي موب صاحي

رد: زوجي عرف علاقتي بواحد غيره
 

إن صحت القصة..

قولك هذا ماضي وما لك شغل فيه.. يدل انك ما تستحقيه.. لأنه يدل انك غير نادمة أو متالمة..

كيف ما لك شغل وماضي وانتم مملكين وانتي على ذمته.. وحتى لو قبل الملكة..

وش كان رد فعلك على رسايله.. هل تجاوبتي.. وليش ما مسحتيهم..

لازم زوجك يحس بندم حقيقي منك ويقتنع ان ما في امور ثانية مخبية عليه.. أما قضية ماضي ومو شغلك هذي مو أقل سوءا من اللي اكتشفه..

بعد ذلك ربك كفيل ان الجرح يلتئم ويمكن يقدر يسامح ويمكن لا..

رد: زوجي عرف علاقتي بواحد غيره
 

مااشااء الله من قوة صفاء القلوب صرتوا تكشفون على بعض ..
مايصير الكلام ذا ..
وحالتك هذي اول فوائد الكشف ماشاء الله ..؟؟!!!
عجيب أمركم ..
ما أقول الا الله يهديكم جميع ..
ويصلح حالكم ..

رد: زوجي عرف علاقتي بواحد غيره
 

كيف انكر ورقم ولد خالي قدامه، والرسايل توضح من صاحب الرساله،

رد: زوجي عرف علاقتي بواحد غيره
 

كان قلتي خطبني ورفضته وهو يبغى يخرب حياتي معاااك .. ماتعرفي تقولي الا الصدق

رد: زوجي عرف علاقتي بواحد غيره
 

لأن الماضي راح وانتهى،وانا من تزوجته قطعت علاقتي بولد خالي وماكلمته،ولد خالي لما يرسلي مسجات ماارد عليه بس اقرأ وبس ، وهو يرسل من وقت لوقت ،ومره رسل رسالة وانا ماكنت يم الجوال،وفتحه وشاف الرساله وكانت رسايل حب ويذكرني بالماضي ويوم طلع من البيت وهو مكسور شفت الرساله اللي كان يقرأها،وواجهني فيها ،وانا انكسرت واتألمت ،انا وربي تبت تبت وماعادني افكر به ولا بطوايفه مابي غير زوجي يرجع لي ويسامحن على كل شيء كان وماكان

رد: زوجي عرف علاقتي بواحد غيره
 

ماذا كنتِ تَفعلينَ بعدَ خُروجهِ من البيتِ إلى حينِ قُدومِهِ اليومَ التالي !!!

رد: زوجي عرف علاقتي بواحد غيره
 

من قوة الصدمه مادريت وش اقول اول ما واجهني اعترفت

رد: زوجي عرف علاقتي بواحد غيره
 

كنت اصلي وادعي ربي ان كل شيء يمر على خير وان زوجي مايطلقني و يسامحن ومايزعل علي وادعيه واقول اني تبت وانه مايأخذني بذنوبي السابقه وكنت استغفر واستغفر حسيت ان ربي يعاقبني على ذنبي ذا بدآر الدنيا

رد: زوجي عرف علاقتي بواحد غيره
 

قلتي لزوجك ان ولد خالك يبوسك ويحضنك اعترفتي بهذا الكلام

رد: زوجي عرف علاقتي بواحد غيره
 

سيم سيم الاسلوب

رد: زوجي عرف علاقتي بواحد غيره
 

اختي كان المفروض تعملي حظر لرقم ابن خالتك بدل ما تقري رسائله وما تردي
الله يصلح الاحوال
وان تبتي توبة نصوحة فأكيد رب العالمين رح يسخرلك زوجك
احترامي

رد: زوجي عرف علاقتي بواحد غيره
 

صحيح نفس الأسلوب 💪
بالضبط مايبيلها تفكير حتى

رد: زوجي عرف علاقتي بواحد غيره
 

أختي المكلومة
ترى الله ما يفضح الانسان من اول وهلة

رد: زوجي عرف علاقتي بواحد غيره
 

اي موضوع قصدكم

ردوا قبل ارد ع الموضوع ، مااحب احد يلعب علي hfh

رد: زوجي عرف علاقتي بواحد غيره
 

ايه اعترفت بكل شيء لأن ولد خالي ارسل من ضمن كلامه ذا الحكي

رد: زوجي عرف علاقتي بواحد غيره
 

خخخخخخ
كل اللي يخونن ازواجهم مشعلين اصابعهم العشر شمع
وكل اللي يعددون زوجاتهم معيشينهم بجنة
دنيا عجيبة!

رد: زوجي عرف علاقتي بواحد غيره
 

آميييييين يارب آميييين يارب،والله اني تبت توبةناصحة،و مابي غير ان زوجي يرد لي ، ويسامحن،صح غلطتي اني كنت اقرأ ارسايل والمفروض اني احضره من اول مسج، بس اللحين كيف زوجي يرد لي وينسى الماضي ،هذا ماضي ياناس وانا خلاص تبت ، ابيه بس يرد لي و وعد اني اصير له قلبن وافي يحبه ومايخون

رد: زوجي عرف علاقتي بواحد غيره
 

وهنا بعد

الفارس 14

احسك انت ندوش النتفة شخص بيوزر ثالث

أحلف مؤ صح

تقبلوا تحياتي

دراما الاسرة والمجتمع

رد: زوجي عرف علاقتي بواحد غيره
 

عضوية موقفة قبل كم يوم

موضوع الزوجة اللي تحب اخو زوجها :)

رد: زوجي عرف علاقتي بواحد غيره
 

والله العظيم اني مااعرف مكلومة هذي ،واني داخله على الله ثم عليكم في حل مشكلتي
واللي كذبوني اثنين اسأل الله انهم يذوقون اللي اذوقه ،انا جالسه اكتب معاناتي وابغى حل ،وابرد ماعندهم تكذيب الناس ويستحقرون حالهم ،موب انا اللي حاطتن نفسي بذا العذاب عشان تستحقرون ،تكفون وربي اني في الم مايعلم به غير رب العألمين

رد: زوجي عرف علاقتي بواحد غيره
 

حتى داخله بثلاث معرفات مختلفه حالياً
انا شايفه وساكته
لكن الله بيكشفها😊

رد: زوجي عرف علاقتي بواحد غيره
 

واضح التأليف
من المصروف ابو ثلاث الاف

رد: زوجي عرف علاقتي بواحد غيره
 

خيانتي كانت بالملكة بس ،من بعده قطعت علاقتي به

رد: زوجي عرف علاقتي بواحد غيره
 

هههههههه ايه هو المصروف اللي حاس الدنيا

رد: زوجي عرف علاقتي بواحد غيره
 

انتي اللي كذبتيني ربي لا يوفقتس ولا يسامحتس