|
طريقة البف + لقيمات
السلام عليكم و رحمة الله و بركاته
اول مرة في حياتي اعجن عجين .. طبعا بماكينة العجن و من زمان و انا شايلة هم .. بس مشتهية اتعلَّم معجنات .. المهم اليوم انا مررررررة محبطة :( اللقيمات اخدت مني ساعة كاملة عشان اقليها .. و تعبت مرررررررة عشان اقليها و البف تعبت مرررررررررة في فرد العجين الساعة 10 الليل و لسى ما خلصت أنقذوني :'( كل وحدة تعطيني طريقتها http://www14.0zz0.com/2015/06/20/05/888748420.png هذه الحشوة ، ما عجبني طعمها ماعرف ليه ؟ mhm المفرومة فيها طعم أو ريحة غريبة .. بس زوجي يقول عادية ، و ولدي عجبته .. حمرت البصل شوي عالزيت ، و بعدين مفرومة ، و ملح و فلفل اسود و بيض مسلوق و بقدونس .. . . هذه العجينة ، http://www4.0zz0.com/2015/06/20/05/818422856.jpg ولدي صحي ، مضطرة انزل الرد و اكمل شوي . . http://www14.0zz0.com/2015/06/20/13/700736075.jpg هذه نتيجة المحاولة الأولى ، ماعندي قطاعة .. مثل اللي على شكل مثلثات .. قطعتها بالسكين ، و ضغطت على اطرافها ، بس الزيت كان بيدخل كل شوي .. nhg و عملت المحاولة التانية .. mhm و هذه النتيجة .. gnn http://www7.0zz0.com/2015/06/20/13/597253582.jpg افتكرت الظفيرة هذه لما كنت في الإبتدائية ، و الأبلة ظفرت البف و استغربت ليه ما تقطعها مثل ما أمي تعمل ؟ . . زوجي كان مداوم لحد الساعة 11 الليل ، و رجع بعد ما خلصت أخيراً .. و هو اللي قلاهم في الزيت ،. لإنه ولدي الصغير كان يبغى ينام و لاصق فيا بالمطبخ و الشغالة راحت تنام .. ggd قلت له يخفف حرارة الزيت ، لكن هو مقتنع انه ( لازم الحرارة تكون مرتفعة عشان البف ما يتشرب الزيت ؟ ) إيش رايكم ؟؟؟؟؟ مدري ؟ glh كنت أقلي في بيت اهلي زمان ، و اخفف الحرارة لما احط البف و يصير لونها ذهبي .. قلت له براحتك ، انت اللي بالأخير راح تاكلهم .. و هذه اللي قلاهم .. glh http://www7.0zz0.com/2015/06/20/13/135763683.jpg . . و هذه النتيجة .. http://www7.0zz0.com/2015/06/20/13/373125791.jpg . . لكن تعبتني في العجن ، و الفرد ، و التقطيع ، و الحشوة ما عجبتني .. nhg . . نجي للقيمات .. [http://www4.0zz0.com/2015/06/20/20/427902504.jpg شوفوا كيف صار شكلها ؟ nhg ليه طيب الشيرة كذا صارت ؟ ترى ( الخميرة ) منتهي تاريخها من سنة .. ""gg <--- من كثر ما تعمل معجنات ......glh |
رد: طريقة البف + لقيمات
كان بديتي بالسهل
وثنتينها صعبات اللقيمات لما تسوينها خلي قائمة الطعام خفيفة ذاك الوقت ﻻنها تحتاج شغل وطاقة وثنتينهم ماسويتهم من فترة بسبب شغلها 😥 |
رد: طريقة البف + لقيمات
Jna
يعني طبيييييييعي جدا !!!!!!! كويس طمنتيني .. كنت ناوية اعمل خلية النحل .. بس على بالي اللقيمات ماتاخد وقت و بديت عملته ما تخيلت ياخد مني ساعة كاملة صح النتيجة حلو .. بس طلعت قاسية اللقيمات .. ماعرف ليه. ( إشراف الله يسعدكم لا تنقلوا موضوعي .. انا في مرحلة تعلم المعجنات عشاني و عشان أولادي .. دايم اشتري من التاجرات او نأكل من المطاعم لو اشتهينا معجنات و خاصة من بعد وفاة امي الله يرحمها .. لا تنقلوا موضوعي .. ابغى أستفيد من مشاركة الكل ) و ايش هي الأدوات الي احتاجها عشان فرد البف !؟ تعبت في فردها و تقطيعها .. بجد تعبت :( الى الان أقوم و ارجع اكمل و لسى ما خلصت .. |
رد: طريقة البف + لقيمات
مبارك عليك الشهر رووح 😙
سبحان الله جت عيني على موضوعك من حسن حظك😜 لاني أم العجين وام الكرررف ربي يعينا وياكم .. البف ما يبيلها شغل واجد 😕 عجيتني للبف 2 كوب دقيق ابيض ربع كوب دقيق بر فنجان قهوة زيت ملعقه صغيرة ملح ملعقه كبيرة نشاء ابيض شششوية خميرة بين أصابعك حطيها في العجانة كلها ضروري الزيت ينفرك كويس بالدقيق ثم أضيفي الموية بالتدريج تكون العجينه قاسية وما تلصق في يدك اتركيها 10 دقايق و خلاص 😉 جهزي الحشوة لحم مفروم بصل أخضر وبقدونس وشبت فلفل اسود وكمون . أي ملاحظة ردي لي 😆 |
رد: طريقة البف + لقيمات
كلها صعبة
المفروض اليوم اللقيمات مع شيء سهل بكره بف مع صنف سهل ما يحتاج وقت عموما المعجنات انا اضبطها لكن تاخذ مني وقت للاسف |
رد: طريقة البف + لقيمات
تحتاجين للبف
مفردة و قطاع و طحين للفرد |
رد: طريقة البف + لقيمات
وانا كمان بتعلم معك روح ههههه
اللقيمات والبف لانو البف ولا مرة مساويتها يا ريتك نزلتي كم صورة ليصير موضوع حاطتته اكتر ما هوي استشارة طيب انا رح خليه هون اليوم حبي من عيوني وهوي رح يبقى مكانه بالمطبخ بس بفرع الاستشارات المطبخية وما رح انقله لتستفيدي وفي حال نزلتي صور بيضل هون مكانه ريتو مأكول الهنا حبيبتي ويعطيكي العافية ما تصدقي ئديش اكل وحلويات البيت افضل من برا كرمال نحنا كأمهات مسؤولين عن صحتنا بالدرجة الاولى وعن اطفالنا بالدرجة الثانية |
رد: طريقة البف + لقيمات
دحين انزل الصور :D
بس لأحد يضحك |
رد: طريقة البف + لقيمات
يا حبي بالعكس انتي عملتي انجاز وخاصة اول مرة
وهيدا بداية انك تبدعي وتنافسي اكبر شيف كلنا بلشنا من الصفر وفي اشيا كتير بنفشل فيها وبنضل نحاول لننجح ووقتها بنحس بلذة العمل اللي انجزناه |
رد: طريقة البف + لقيمات
البف حتى أنا نفسي أتعلمه ماعمري عملته بس اللقيمات سهله ليه أخذت منك ساعه ؟؟؟؟
أنا أحط كاستين طحين وثلاث ملاعق حليب وملعقتين سكر وملعقه خميرة وشويه ملح وأحركها بالملعقه مع ماي لين اشوف العجينه صايرة اثقل من الكيك يعني اقدر امسك دائرة بيدي واخليها تتخمر نص ساعه واقليها بعدين اذا السالفه اخذت منك ساعه علشان القلي جيبي الالة اليدوية حق اللقيمات انا بديت معاها ووننتظر الصور😊😊😊😊 حطي ببالك الفشل اول خطوة لنجاح وانت مافشلتي بس طولتي بعملهم بالعكس البف انجاز انك تعمليه أحسه صعب |
رد: طريقة البف + لقيمات
ما شاءالله حبيبتي بالعكس مبينة طيبة ومقرمشة
وبالنسبة للزيت صح مع زوجك لازم يكون قوي كرمال ما تشرب زيت بالهنا يا قلبي ويعطيكي العافية |
رد: طريقة البف + لقيمات
طلع البف بيشبه الفطاير باللحم عنا
نفس الشكل بنعملها بس الحشوة غير وجربيها كتير طيبة بتقلي بصل مفروم ناعم وبندورة مفرومة ناعمة ولحمة مفرومة وملح وسبع بهارات واذا بتحبي شوي دبس الرمان بتطلع غير شكل |
رد: طريقة البف + لقيمات
ماشاء الله
|
رد: طريقة البف + لقيمات
زيك انا روح فاشله بالمعجنات
هههه ولا فكرت اشتري طحين |
رد: طريقة البف + لقيمات
ههههه
حاولت مااضحك الشيره الظاهره مكثره سكر والشكل لسه بتتعلمي يله علمونا يالخبيرات انا زي روح بس هي احسن مني على الاقل تحاول |
رد: طريقة البف + لقيمات
حبيبتي روح كيف عملتي القطر او الشيرة
حطيتيلها عصرة صغيرة حامض او كترتي او ما حطيتي ابدا |
رد: طريقة البف + لقيمات
بس برافو عليكي من اول مرة وهيك بس لو زابط القطر كانت طلعت على اصولها
ايه انا ياما رامية طبخات ما يطلع الهن لا شكل ولا طعمة وبعدني لهلئ اوقات بتخرب الشغلة معي ههههههههه مرة على مرة رح تصيري برفيكت |
رد: طريقة البف + لقيمات
بالعكس روح البف شكله يشهي وظابط معاك ماشاء الله شجعتيني اعمله
اللقيمات عادي مع الممارسه بتظبطي الشكل بس الشيرة ثقلت مره كثرتي السكر علشان كذه صارت زي حقت الدونات بس جد من اول مره وكذه شطوره |
رد: طريقة البف + لقيمات
رهيبة اللقيمات 😂
انا اول مرة سويتهااا طلعت كلها سكر وعجين 😂😂 انتي لقيماتك افضل ع الاقل استوت |
رد: طريقة البف + لقيمات
البف شكله جد لذيذ
بنات شلون تقطعونه هل له اله خاصه فيه |
رد: طريقة البف + لقيمات
ايه له الة خاصة لفرد البف وتقطيعه
|
رد: طريقة البف + لقيمات
ايش الاله فكوهة مبتعثة يلا حاولي انت بعد انا اول مره عملت اللقيمات سويتها بدون خميرة هههههههه زمااان يمكن وقتها كان عمري ٢١واكلنا انا وزوجي ماندري ايش السالفه بس مستغربين ليه كذه طلعت وشكلها كان اسطواني بعدين امي تقولي حطيتي خميرة ههههههه
بالعكس روح مره شاطره على اول تجربه ماشاء الله |
رد: طريقة البف + لقيمات
روح
داخله في جو صممممت من دخل رمضان بس شيرتك نطقتني غصب:D ودي إني جارتك وأستعرض عليك كل يوم بطبق الجد رحمتك ترى مصيبة أم لثلاث أطفال وهذا طبخك أبعلمك سر في الشيرة عشان ما تتكتل عليك حطي ملعقة صغيرة أو أقل زيت وهي تطبخ على النار لغاية ما تضبطينها وبعدها استغني عنه حبيبتي :- ما ينفع لك أبد كتب الطبخ، نوعيتك تتعلم بسرعة وأفضل من مشاهدة الآخرين بس وين بتلقين اللي بتعلمك ماحد فاضي لاحد اسأليني واسألي الأخوات هنا صدقيني بتستفيدين أخيراً :- تدرين لو طبخي كذا كان طلقني من زمان ، خخخخخخ امزح ترى أعرفك مالك خلق |
رد: طريقة البف + لقيمات
طيب ياشوك تعالي مسابقة موائد رمضانيه وأحجزي يوم خلينا نستفيد مانبي كلام نبي صور😀😀😀
لاتقولي مالي خلق اشرح بشرح بدالك انت بس عليك الصور😎😎 |
رد: طريقة البف + لقيمات
اقتباس:
|
رد: طريقة البف + لقيمات
نرجع لروح
كل عام وانتِ بخير روح حلو ان هذي النتيجة من أول مرة تحاولين فيها .. بصراحة اشوفة انجاز تأكدي محاولتين ثلاثة وتضبط الامور معاك بإذن الله.. بالنسبة للبف باين ماشاء الله ان العجينة حلوة وهشة .. يمكن تحمرت في الزيت أكثر من اللازم واحس كمان دخل زيت ع الحشوة وخلاها ناشفة وقاسية بالنسبة للحمة اذا كانت مجمدة .. ما افضلها ابدا .. خذي من الملحمة طازجة ويفرمها قدامك .. او خذي مفروم دجاج .. يبغالك تاخذين القطاعات حقت العجين تريحك كثير .. اما اللقيمات شوفي هذي النصايح ان شاء الله تساعدك في ضبط اللقيمات بالنسبة للعجينة تأكدي انك خلطتيها مضبوووط ..ي عني طولي وانت تعجنين او اذا بتحطينها في العجانة خليها تاخذ وقت بالنسبة لقوام العجينة نفسها من خبرتي أشوف ان نوع الدقيق يفرررق كثير في العجاين عموما وافضل نوع استخدمه هو الدقيق الكويتي سواء معجنات او حلويات ما شاء الله يعطيك نتيجة حلوة مرررة نرجع لقوام اللقيمات .. اذا خلصت عجن تاخذين من العجين شوية وكأنك بتنزلينها على الزيت بس نزليها على العجينة نفسها .. يعني ارفعي اصابعك وخلي العجين ينزل على اللي في صينية العجين اذا ما دخلت بسرعة في العجين معناته قوامها كويس وتمام اما لو اختفت بسرعة يعني تحتاج زيادة دقيق اما لو ثبتت على سطح العجين .. يعني تحتاج زيادة موية زيدها رشة موية بالتدريج نجي للزيت... اول شي لازم يكون في مقلاة عميقة ويكون كثير شوي عشان يغطي اللقيمات طبعا يتسخن الزيت على نار متوسطة عشان ما ينحرق بسرعة واذا تبغين تعرفين انه وصل لدرجة الحرارة المناسبة تاخذين نقطة من العجين وتنزلينها في الزيت اذ ارتفعت على السطح فهو مناسب وابدأي نزلي اللقيمات تخلين النار وسط وتنزلين العجين لحد ما تمتلي المقلاة بعدين ترفعين النار وتحركينها بهدوء طبعا لحد ما تتشقر او تاخذ اللون اللي تحبين سواء فاتح او غامق.. بعدين تخرجينها على شبك أو مصفاة أو ورق النشاف بعدين تحطينها في الشيرة.. اما العجينة نفسها طرقها كثيرة .. هذي الطريقة حلوة ومعتمدتها من زمان.. 2 كوب دقيق 2 ملعقة كبيرة حليب بودرة 2 ملعقة زيت ا ملعقة وسط خميرة فورية 1ملعقة صغيرة سكر املعقة وسط نشاء ذرة أو كاسترد (الكاسترد اصلا نشاء ملون ) وبرضو يعطيها لون حلو كوب ونص ماء دافي اخلطيهم جيدا كلهم مع بعض بعدين اتركيها تخمر وبتعرفين لما يتضاعف حجمها يعني ما فيه وقت محدد ..حسب حرارة المطبخ .. يمكن ساعة أو أقل أو أكثر.. وقبل تنزلينها في الزيت ترجعين تخلطينها مرة ثانية .. والشيرة تكون جاهزة من قبل وباردة ..ترى عادي تجهزين شيرة لكم يوم ماتخرب سواء تركتيها برا أو في الثلاجة وخليها قاعدة كل مقدارين من السكر يقابلها مقدار موية 2 كوب سكر 1كوب ماء عصرة ليمون في آخر شي تتركين السكر والموية تغلي مع بعض مع التحريك حوالي عشرة دقايق وتضيفين عصرة الليمون وتطفين النار وتتركينها تبرد اممم انا اوافق شوك انك راح تتعلمين بالمشاهدة اسرع واضح ماشاء انك تلقطين الشغلة بسرعة والدليل ما شاء لا قوة الا بالله فاكرة طريقة الابلة في الشرح من الابتدائي انصحك تابعي فديوهات منال العالم طرقها سهلة جدا وتحببك في الطبخ ... |
رد: طريقة البف + لقيمات
ابشروا
صور بدون كلام ترى ما يردني إلا العجز أكبر عجازة بالدنيا |
رد: طريقة البف + لقيمات
شوك
ما أزعل يا حلوة من التريقة و المزح :D تدري قبل يومين عزمت اخوي و اختي عندي بالإفطار .. و كانوا داااااااايم يتريقوا علي اخواتي في قروباتهم ( مزح طبعا ) لما اعطي رايي في اي اكلة او اي شي يختص بالطبخ !؟ يقولولي انت ايش فهمك !؟ :p . . لكن أبدا ما توقعوا اني راح اعمل سفرة مثل كذا و اكثر من صنف :D اخواتي نفس الطبخات الي يعرفوها .. مثل ماهم من كم سنة :D بس الحمدلله .. باتعلم و ادعي مرات ( يااااارب خليني اتعلَّم الطبخ و الرقص ) :p اكثر شيئين يتريقوا فيه اخواتي علي :D . . انا أنفع أرقص رقصات مايكل جاكسون خخخخخخخخ لكن هز و شي بطيء الحركة .. ما يمشي معايا .. و دايم اتفشل في زواجات الاقارب و اتحجج باي شي .. و مثل ما تفاجئوا من يومين بسفرتي .. :) ابغى أفاجئهم بالرقص .. لانهم يسخروا مني دايم و اضحك معاهم عادي ههههه . . نرجع للطبخ ايوة ربي سخر لي - سبحان الله - سلفتي .. تجاوبني على اي سوْال عن الطبخ .. سلفتي فنانة في الطبخ ماشاء الله .. تعرف تطبخ كل شي ؛ كل شي كل شي .. بس استحي اسألها كثير .. و دحين من بداية رمضان الي صرت اسألها و ما اخجل منها عادي ^_^ لكن هي ماشاءالله تشجعني اسألها و تعرض علي دايم خدماتها .. ربي يسعدها .. و طبخاتها نفسسسسس طبخات امي الله يرحمها ؛ امي كانت معروفة فنانة بالطبخ بس امي ماتعرف تعلم احد الطبخ و ما تحب احد يدخل معاها المطبخ كانت امي ما تخليني ادخل المطبخ و تخرجني منه .. و تخلي الكبار عشان يساعدوها في غسل الصحون و تخليني اخد اخواني و اخواتي الصغار و أشغلهم معايا باللعب عشان ما يزعجوها .. و كنت القائدة لهم زمان خخخخ ^_^ . . لازم اتعلَّم الطبخ و اتفنن .. عشان لو بنسافر برة مافي مطاعم و اكل من برة كل شوية و راح يموتوا أولادي من الجوع : ( زمان كنّا بس انا و زوجي و نمشي حالنا و كانت معايا في بريطانيا .. شغالتي هي الي تطبخ لنا .. و امي كانت موصية الشغالة علي .. دحين مافي لا ماما و لا بابا .. . . شفت موضوع هنا بالمنتدى ( من سنتين تقريبا ) عن الشوربات و فيه وحدة من الردود ليا .. كاتبة اني أحب الشوربات لكن ما اعرف كيف أسويها تعرفي انه شوربتي اللي عملتها قبل يومين .. غرفوا منها كلهم قبل لا يروحوا بيوتهم و الشغالة اكثر من مرة غرفت لنفسها و زوجي ما يحب الشوربات ابداااااااا و شرب منه الحمدلله :D و قبل لا نفطر .. اختي تتريق على شوربتي :D و وقت الافطار ؛ اخوي ما يجامل في الاكل .. غرفت له اكثر من مرة ^_^ و حتى الأطفال غرفنا لهم منه ^_^ . . يعني باْذن الله ؛ سنة كاملة و اضبط المعجنات و الحلويات و الكيكات و اي شي فيه ( عجن و دقيق ) ^_^ و لما اضبط الاكلة بعدين .. يقولوا اخواتي انه آكلي طعمه نفس طعم آكلات امي .. ^_^ |
رد: طريقة البف + لقيمات
ابغى ارجع وراء و اقرأ الردود
و اعلق عليها fdgrggnnfdgrg بس شفت شوك دخلت و استغربت لانها غابت من بداية رمضان و خلتني ابتسم ^_^ |
رد: طريقة البف + لقيمات
تسلم يدج يا روح .. شكل البف يشهي ..
بصراحة ولا مرة جربت أعمل عجينتها .. غريبة حاطة بيض مسلوق في الحشوة .. عادة إذا لحم مفروم نحط معاه بصل وصلصة طماطم وكزبرة وشبث مثلا .. وممكن الخضروات المجمدة ذرة وفاصوليا خضرا .. الشيرة لازم تحطي معاها عصرة ليمون عشان ما (تشكّر) يعني يجمد السكر فيها .. بس على فكرة أنا ماتضبط معي ودايما تصير مثل اللي بصورتج .. آخر شي لقيتها جاهزة في الهايبر وأخذتها وريحت راسي .. mhm واللقيمات بعد اخذ الخلطة الجاهزة mhm .. بس قليها وتقليبها هو المتعب لأنها تصير كروية وكلما قلبتها ترجع تنقلب . . hgh |
رد: طريقة البف + لقيمات
أمي كانت زمان تعمل الحشوة زي روح تحط بيض مسلوق تطلع لذييييييذه جدا
مريوم اي نوع جاهز للقيمات تاخذي مره اخذت ابد مو حلو |
رد: طريقة البف + لقيمات
انا ممكن اعمل لكم ذبيحه
لكن حلويات ومعجنات لا احس تعب لشي غير صحي لكن اذا جتني جاهزه من احد كليتها ولا علي صحي ولا لا هههه جد اشتهيت اللقيمات بالغربه لدرجه اتمنى احد يعزمني عشان اكل عنده سمبوسه ولقيمات بس ليه العجز والكسل هالويك اند ناويه باذن الله اعمل بف وسمبوسه ولقيمات |
رد: طريقة البف + لقيمات
ماشاءالله عليك ياروح بالنسبه ليا اشوفك بطللله 😘
هدي الشيئين من سابع المستحيلات ولا افكر مجرد تفكير اني اتعلمها ☺️ مع اني احبها 😫 وزوجي يموووت باللقيمات ويشتهيها مرا مسكين 😁 ان شاءالله يارب تسيري طباااخة ونفس لذه طبخ مامتك الله يرحمها 😘 |
| الساعة الآن 02:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©