انخطبت بس تنصحوني نكمل مع بعض او والسبب؟؟؟؟؟؟
 

شهر مبارك عليكم وتقبل الله طاعتكم

موضوعي كالتالي

انخطبت خطبه رسميه من اهل العريس
بعد تردد وحيره مني ماكنت موافقه

ابد
واستخرت الله كثييير لعل الله يشرح صدري

لقبوله

طبعا الخطيب هذا انا مو موافقه عليه

للاسباب

اولا انه من قبائل البدون وماعنده هويه سعوديه

ولسا منتظر تحسين الوضع

بدوون وظيفة ولا رراتب ولا دخل محترم

اهلي للمعلوميه اغلبهم رافضين لكن تحت اصرار اهله وترددهم وووعودهم انه مستعدين لكل طلباتنا وان الوضع بيتحسن وافقنا

من الاسباب بعد غير متعلم مايقرا ولايكتب

امي
ومايعرف يسووق

وانا معلمه وتفكيري مختلف عنه تماما

وطبيعي يكون في توافق في التفكير
و الحاله المادية على الاقل يكون مقتدر

وافقت على مضض وسوينا حفله والكل فرحان مو مصدق اني انخطبت لاني طوولت ماتقدم لي احد

من فترة والكل فرح لي طبعا الناس لهم الظاهر

شكل العريس واهله وحفلة الخطوبه كانت هدايا وعشا والكل منبهر اني انخطبت اخيرا

اهل العزيس اطيب منهم ماشفت
طيبة تسوي الدنيا ومافيها

امه ماتنوصف خلوقه وحبوبه وطيوبه
تموت فيني لدرجه انها من فرحتها على موافقتي بكت

الموهم

قترة الخطوبة متفقة مع خواته ان الهدف منها

تعارف اما نكمل مع بعض او ننفصل ومايكون حصل عقد

كلمته اكثر من مكالمه في الجوال

شخص عادي طيبب وحنون ومستعد ينفذ كل طلباتي كل ماقلت شي قال طيب

ولايهمك وكل الوقت يدعي ان ربي يجمعنا
عمره نفس عمري في الثلاثين ماسبق له الزواج مثلي

طبعا انا فكرت في كل شي في تعليمه واسلوبه ومايسوق وجنسيته مافيه شي مميز يجذبني له حتى كلامه مكرر وممل
وصرت اجامله واتهرب من اتصالاته

اما اني اتخلي عن كل شي واتزوجه في مقابل اصير ام وخلاص

او اني ارفضة عشان العيوب الي قلتها وانتظر من ربي يسخر لي الاحسن

طبعا انا تكلم بدون ترتيب وقلت كل شي بصراحة فابي منكم رايكم بصراحة

جزاكم الله خير وتقبل منكم صالح الاعمال

اختكم انسانينة جدا

رد: انخطبت بس تنصحوني نكمل مع بعض او والسبب؟؟
 

وضعك مهدد

وانتي حرة

معروف مصير البدون هنا

عيالك بيكونون بدون.. عادي عندك؟

اسالي نفسك هل اهم شي تصيرين ام.. وعادي تجيبين عيال تعذبينهم وانتي عارفة بهالشي قبل ماتجيبينهم؟

لا اثبات ولا تعليم ولا صحة؟

العريس واضح انك ما اقتنعتي فيه.. لا تتزوجين واحد ماعنده الحد الادنى على الاقل بالنسبة لك!

رد: انخطبت بس تنصحوني نكمل مع بعض او والسبب؟؟
 

انا مو موافقة عليه ومو مقتنعه فيه فعلا بس امي الوحيدة الموافقة وظاغطة علي خايفة على عمري

جزاك الله خير على ردك وتمنيت اسهاب منك

رد: انخطبت بس تنصحوني نكمل مع بعض او والسبب؟؟
 

باختصار شديد

وضع ماتبينه.. لانختارينه

انتي مانتي شايفة فيه ميزة وحدة..

ولا انا اشوف فيه شي مقنع بصراحة..

ومافي تكافؤ بينكم ابدا

رد: انخطبت بس تنصحوني نكمل مع بعض او والسبب؟؟
 

والله يا أختي بكل صراحة هذا يعتمد علي المقومات اللي عندك

مستوي جمالك ظروفك الاجتماعية

وإذا إنتي من اللي ما يقبلن الا بأعزب ,, وافقي عليه

رد: انخطبت بس تنصحوني نكمل مع بعض او والسبب؟؟
 

والله يا اختي انتي استخيري كم مرره ..
والله يكتب لك اللي فيه خير ..
بعض الرجال صرااحه يستاهل تزوجه حتى لو ماهو متعلم ..
قد يكون افضل من غيره بكثيررر ..
لكن مسألة الجنسية اسألي عنها قبل كل شي اذا كانت امهم سعودية هل الابناء يستحقون الجنسية او لا !!..

رد: انخطبت بس تنصحوني نكمل مع بعض او والسبب؟؟
 

انا استشيركم ولمستشار مؤتمن
حيرتوني اكثر

حطو وضعي وضع ابنه او اخت بتوافقوون

وجزاكم الله خير

رد: انخطبت بس تنصحوني نكمل مع بعض او والسبب؟؟
 

نسيت نقطه زائد انه مدخن شره

رد: انخطبت بس تنصحوني نكمل مع بعض او والسبب؟؟
 

اش مصير عيالك ؟؟

رد: انخطبت بس تنصحوني نكمل مع بعض او والسبب؟؟
 

والله يا اختي استشارتك متأخرة....

يعني ما ندري عن وضعك.. الا ماذكرتي .. انك معلمة و بالثلاثين..


وهو اشياء كثيرة.. اصلاااا يكفي انه بدون جنسية..
هذي لحالهااا معاناه مو لك انتي ..

لأولادك.. وضع صعب جداا.. تخيلي مستقبلاا انهم بيظلون كذا!

حتى بالزواج راح يعانون..

فالافضل لك الانسحاب.. و انتظار ربك بيعوضك... افضل..

رد: انخطبت بس تنصحوني نكمل مع بعض او والسبب؟؟
 

الجنسية مب معاناه لهذيك الدرجة !! لان ابناء السعوديه لهم معامله خاصه ..
لكن أمي ولا يسوق !!
هذي صعبه ..

رد: انخطبت بس تنصحوني نكمل مع بعض او والسبب؟؟
 

أختي
أنتي قلتي انك بالثلاثينات

يعني كم بالضبط ؟

رد: انخطبت بس تنصحوني نكمل مع بعض او والسبب؟؟
 

نصيحة... الانسحاب طيب.

ليه تقبلين بزواج/زوج مثل كذاا؟

هل فيك عيب او شي؟

رد: انخطبت بس تنصحوني نكمل مع بعض او والسبب؟؟
 

لا مافيني اي عيب الحمدلله

بللعكس مميزاتي من فضل ربي

بس بسبب عمري لاني 33 فالمجمتع يتكلم وان البنت مالها الا الستر
بس انا مايهمني العمر لانه مجرد رقم وبس

رد: انخطبت بس تنصحوني نكمل مع بعض او والسبب؟؟
 

العمر كله يارب..

يا اختي عادي.. في قدامك وقت طويل..

بدون تفكير.. ارفضي.. و ربك بيعوضك افضل..

هذي سقطه منك.. لا يوجد اي شي مشترك بينكم..
لا بالحالة الاجتماعية ولا المادية و لا العلمية... و لا بالعادات...

مافي تكافؤ نهائي..

رد: انخطبت بس تنصحوني نكمل مع بعض او والسبب؟؟
 

عزيزتي عشان عمرك بترمين نفسك للتهلكه

كل الي قلتيه اسباب وااضحه انك ترفضين وفوقهم مدخن شره

اختي فكري بعيالك بالمستقبل
بيتعذبون
لاجنسيه لا وظائف وفكري في موقفهم لما يكبروا

وتخيلي تكتشفين انه عقيم بعد زواجكم
ليش تحرقين نفسك وانت في سعه

يعتبرونك المنقذ لولدهم عشان كذا استماتوا لرضاك

والله مااشوفك كبيره لدرجه ترمين نفسك

والله لو محلك ارفض
بكره لما اجي ابغاه يقراء شي يقول مااعرف
لما اقول وديني يقول مااعرف
لما ابغى شي يقول ماعندي
وان جبتي اطفال وش دوره بحياتكم
فقط فراش لك
مايقراء لاولاده ولا يعلمهم ولا جنسيه لهم ولا يقدر يصرف
ولا يعطي ولا ياكلهم ولا يعالجهم ولا يوديهم بسيارته
يعني حياه طبيعيه مااافيه

اختي ارفضي ارفضي

رد: انخطبت بس تنصحوني نكمل مع بعض او والسبب؟؟
 

الله المستعان ولاحول ولاقوة الابالله

كلامك منطقي جدا ومخيف ومؤلم
الله يعوضني يارب


جزاكي الله خير

رد: انخطبت بس تنصحوني نكمل مع بعض او والسبب؟؟
 

اسال الله لك العوض

وماعند الله خير

اختي نصيبك بيجي لاتخافين

الله ماخلق الا ورزق
كتب لكل مخلوق رزقه

لن ننساك من دعائنا في هذا الشهر الكريم

رد: انخطبت بس تنصحوني نكمل مع بعض او والسبب؟؟
 

جزاكي الله خير اختي الغالية

وجعل الله لكي كلماتك ودعائك في ميزان حسنانك

وتقبل الله طاعتك

رد: انخطبت بس تنصحوني نكمل مع بعض او والسبب؟؟
 

هلا بيك اختي و رمضان مبارك



المشكله انه اولادك راح يعانون اكثر من ابوهم لان امهم سعوديه و هم لا شيء

لا تعلبم عالي و لا تامين صحي و لا شيء

فكري اذا قادرة تتحملي هدي النتايج قبل لا تاخذي فرار

و لا تطولي لانه هذا الانسان قاعد يبني ملامح مستقبله و انتي جنبه

رد: انخطبت بس تنصحوني نكمل مع بعض او والسبب؟؟
 

حبيبتي انا مثلك معلمة وماانخطبت من زوجي الا وانا بعمرك .. الحمدلله شخص اعزب ووسيم وطيب وأهله طيبين .. صح ان شهادته كانت متوسطة ووظيفته وراتبه كان متدني بس الحمدلله قاعد يكمل دراسته وتحسن وضعه الوظيفي والمادي..

قبل زوجي كنت انخطب في البداية كنت انخطب بس كنت ارفض وباخر العشرينيات ماعاد يجي الا المتزوجين وكنت ارفض وبديت ادخل في الثلاثين وكل ماجاء متزوج اهلي يضغطو علي بس كنت ارفض الين ماربي كتب لي نصيب مع زوجي الاعزب..

حبيبيتي لاتستعجلي نصيبك صدقيني الزواج قسمة ونصيب وماراح تاخذين الا نصيبك.. وبنفس الوقت لازم تحطين في بالك ان الزواج مو مجرد حفلة وبيت ثاني تعيشين فيه لا الزواج حياة ثانية لازم تحسبين كل شي فيها..

ولو أنا بمكانك بصراحة ماراح اوافق .. موفقة يارب..

رد: انخطبت بس تنصحوني نكمل مع بعض او والسبب؟؟
 

طبيعي جدا أمه تبكي من الفرحة
( لقيت الي يشيل عنها ولدها .. و يتحمل تكاليفه و تربيته من جديد )

و لا تقولي طيبة و طيب
و حنونة و حنون

طبيعي الفترة هذه راح يبان الوجه المثالي لك

ارفضي و بقوووووووووووووووووووووة

مافي اي ميزة أبدا

.
.

رد: انخطبت بس تنصحوني نكمل مع بعض او والسبب؟؟
 

عزيزتي

طيب وحنون

( هذه ماهي كفاية )

مدخن شره و قلنا مو مشكلة

ما يسووووووووق
عااااااااااااااااطل
ما يقرا و لا يكتب .. يعني جاهل و غير متعلم

.
.

نصيحة اخت

لا ترمي نفسك

مو معنى وصلتي ثلاثين يعني تموتي نفسك

.
.

اذا جبتي اطفال منه ؛ انت ظلمتيهم كذا
باختيار ( أب ) لهم مثل هذا ..

و الله مافي ولا ميزة أبدا أبدا أبدا أبدا

رد: انخطبت بس تنصحوني نكمل مع بعض او والسبب؟؟
 

.
.

إنسانية ( انت راح تحكمي على نفسك بالسجن المؤبد و الموت البطئ لو تزوجتيه )

ياختي

هذا ( انت ستر له )
مو هو الي ستر لك

.
.

ياختي لا تسمعي للمجتمع المتخلف
ماحد خسران غيرك

و مصير اي وحدة الزواج .. طال الزمن او قصر

ياختي ما يسوق و جاهل و ماعنده جنسية
ايش فايدته !؟

طيب جبتي اطفال منه

مين يخرجهم !
مين يصرف عليهم !
مين يوصلكم مشاوير مستشفى مدرسة ووو الخ

انت راح توفري كل شي !؟

و الله ماهي حياة

.
.

طبيعي أمه تبوس يدها و تشكر ربنا

الأهل ما يعرفوا يربوا اولادهم و لا يتعبوا فيهم
و يدوروا اي ضحية تشيل عنهم ( الحمل الثقيل ) و تربيه هي و تضيع عمرها عليه

رد: انخطبت بس تنصحوني نكمل مع بعض او والسبب؟؟
 

عندي قريبتي تزوجت و عمرها 16 و دحين وصلت 35
اطفال كثيرين ماشاء الله و ضائعين
و زوج مبهدلها و هي لا شهادة و لا وظيفة و لاشي

و قريبة تانية وصلت 30 و تقدم لها واحد فيه كل الميزات
وسيم و متعلم و اهل طيبين و يسوق و موظف و طيب و اخلاق
ما عدا انه نفس الي قلتي ؛ ماعنده جنسية و بيتحسن وضعه

كنت متوقعة انها راح تقبل فيه و هي بصراحة ماهي جميلة جدا و ماتهتم كثير بالتزين و كذا
و جسمها نوعا ما .. سمينة

لكنها رفضته بعد ما استخارت
و كانت متخوفة

.
.

و الله انه ما كملت السنة تنتهي و يتقدم لها شخص
اعزب / متعلم / موظف و دخل عالي ماشاء الله / و اهل طيبين جدا جدا جدا و معروفين بطييتهم /
سعودي طبعا /

و تزوجت و عمرها في الثلاثين و هي دحين 34 و حامل ماشاء الله
تزوجت .. و زوجها افضل واحد من بين كل أزواج العيلة ماشاء الله تبارك الرحمن
و يشوفها ملكة جمال و يسفرها كل كم شهر ماشاء الله عليهم

هذه نفسها قريبتي .. قبل لاتنخطب و عمرها كان 29
حماتي ام زوجي ؛ جابت لها مرة عريس متزوج و قالت لي اساليها
قلت لها ( متزوج .. ما راح تقبل فيه )

حماتي قالت لي ( بس هي كبيرة ليش ترفض !؟ )

قلت لها ( والله تعيش من غير زوج و معززة مكرمة عند اَهلها .. و لاترمي حالها لأي واحد )
قامت حماتي سكتت و ما عجبها ردي

و ماشاءالله
تزوجت قريبتي من سيد الرجال

و النظرة المتخلفة الي عند اغلب أفراد المجتمع
لا تلتفي لها

انت متعلمة و مثقفة و جميلة
و مو ناقصك شي
و مصيرك تتزوجي باْذن الله

رجاء
اتركيه و اهربيييييييي منه

رد: انخطبت بس تنصحوني نكمل مع بعض او والسبب؟؟
 

رد: انخطبت بس تنصحوني نكمل مع بعض او والسبب؟؟
 

استخيري
ماكان لازم توافقي وانتي مو مقتنعه وتعلقي الرجل معك

رد: انخطبت بس تنصحوني نكمل مع بعض او والسبب؟؟
 

طيب عزيزتي انتي ماشاءالله معلمة وداركة للحياة وواعية ومثقفة
وما دام في عقبات متل ما قالوا الاخوات بالنسبة للاطفال
ما فكرتي بهالشي او اهلك ما فكروا وحسبوا حساب لبعدين
لاني ما بعرف عن عادات وقوانين اي بلد
بس كمان من الاول ما لازم توافقي وتعلقي الشاب فيكي ما دام حسب معطياتك مش مناسب باي شكل
اسأل الله ان يقدم لك كل الخير
احترامي

رد: انخطبت بس تنصحوني نكمل مع بعض او والسبب؟؟
 

مريوم هو ما يسوق لانه ما عنده هويه حتى يقدر يطلع رخصة السواقة

رد: انخطبت بس تنصحوني نكمل مع بعض او والسبب؟؟
 

يا اخوان ويا اخوات



المشكلة مو انه بدون - يقدر يقدم على الجنسية وتاخذ وقت الى ما يحصل عليها

المشكلة الأساسية انه غير متعلم - وفعلا مضى عمره ولم يفعل شئ لتحسين وضعه

بالمختصر يا اختي الكريمة لو انتي اختي ماوافقت على هذا الزواج لانه ليس بزواج هذا تدبيس

والرأي لك بالاول والاخير

رد: انخطبت بس تنصحوني نكمل مع بعض او والسبب؟؟
 

غمضي عيونك

اتخيلي اسوء الوضعين


انك تعيشي ببيت ابوك بدون زواج لبقية العمر

انك تتزوجيه وتتخيلي حياتك معاه

اي الاحتمالين افضل لك؟!

رد: انخطبت بس تنصحوني نكمل مع بعض او والسبب؟؟
 

رد: انخطبت بس تنصحوني نكمل مع بعض او والسبب؟؟
 

ما اقول الا الله يكتب لك اللي فيه خير ..

رد: انخطبت بس تنصحوني نكمل مع بعض او والسبب؟؟
 

استخيري وتصدقي
وربي يكتب لك الخيره
ليتك استشرتينا قبل
عموما مقدر ومكتوب
اقعدي جلسه مع نفسك وسوي الي يريحك

رد: انخطبت بس تنصحوني نكمل مع بعض او والسبب؟؟
 

كل الي ردو كلن باسمة وجزاكم الله خير
قرريت كل الردود اكثر من مرة وفادتني صراحه

وفتحتو عيني على امور ماكانت في بالي

فعلا الانسان مهما حاول يفكر او يقرر
يحتاج غيرة يفكرون عنه وينصحونه
اسال الله لكم التوفيق والسداد
وان يجعل نصحكم لي في ميزان حسناتكم

رد: انخطبت بس تنصحوني نكمل مع بعض او والسبب؟؟
 

مبتعثه بالعكس سالت في وقت مناسب
لسا ماصار ملكة وعقد بس خطوبة بس بدون عقد

رد: انخطبت بس تنصحوني نكمل مع بعض او والسبب؟؟
 

اها احسب ملكتي
كيف اختي تكلميه بدون خطبه

رد: انخطبت بس تنصحوني نكمل مع بعض او والسبب؟؟
 

يا اختي كيف تملك و هو بدون

اكثر ما ممكن يعملوه ملكة عرب اي بحضور الشهود دون اثبات ورقي

رد: انخطبت بس تنصحوني نكمل مع بعض او والسبب؟؟
 

مفهوم الخطوبه في الغالب بدون عقد
لكن لو تم العقد يصير اسمه زووج
صح ولا لا

بس انا مخطوبه بدوون عقد
.
وانتي ايش تقصدي ملكة عرب
شكلك تقصدين خطوبة يحضرون فيها بعض الناس بوجود ولي الامر
ومايجيبون الماذون بس فلانه خطبها فلان

رد: انخطبت بس تنصحوني نكمل مع بعض او والسبب؟؟
 

المعروف انه الخطبة بعظ الملكة ثم الزواج

اللي اقصده العقد