|
نفذ صبري من اهانة زوجي لي امام اهله ..
السلام عليكم ورحمة الله وبركاته
رمضان كريم وكل عام وانتم بخير والله ماني عارفه من فين ابدا بس بتكلم واقول كل اللي في نفسي والله يسعدكم ويخليكم مالي احد غيركم ابغا مشورتكم معايا .... انا متزوجة من سنتين وعمري 22 وهو 25 ... في البدايه كانت حياتي شبه مستقرة الحمدلله يعني مشاكل عايدية وكانت تنحل بيننا بسهولة بعد كدا سرت الاحظ عصبيتو مررررررة زايدة يعني تخيلو لو خسر فريقو الرياضي ينكد عليا عيشتي وقبل فترة طويله ضربني وسامحتو و والله كنت احبو ومابغا اخسرو ... ورجع تاني ضربني وسار يبكي ويترجاني اسامحو وااااه كل عادة سامحتو ... وبعدها خلااااص معد سار لا يضرب ولا شي وكل شي تمام الين امس في البدايه حابه اوضح شي (( ابوه رجال كبير بالسن الله يشفيه ويرفع عنو ومعاه جلطات ومعاه القلب يعني طريح الفراش الله يشفيه ويعافيه )) وكل بعد مدة يودوه العنايه عشان يهتمو بيه الدكاترة اكتر يعني شي روتيني ... وانا والله العظيم مررررة احبو دايما اسال عنو واقلو طمني عليه ودايما اسلم عليه (( انا احب اهلو ))... وقبل يومين طبعا راحو وودوه العنايه ويتناوبو ب الزيارات ،،،، الحمدلله امس يا جماااعه حسيت بغصه بقلبي وضيقه شديدة اعوذو بالله قلتلو حبيبي خلينا نروح نزور ابوك وبعدها نروح مطعم ولا اي مكان انا نفسي اخرج من البيت وانا واللله العظيم نااااادر اطلب منه طلبات .. الا قال انا ما احب المطاعم خلاص بزور ابويا ومابغا شي ولا اراديا بكيت وقلتلو اتكلم معايا انا نفسي في احد افضفضلو ع اللي في قلبي ومافي احد غيرك الا قال شوفي دي التفاهات انا ماني فاضيلها طيب؟؟؟ قلتلو خلاص اوعدك معد حتكلم معاك الا مسك يدي بقوووووة قمت جريت يدي منو قام ضربني وطرحني ب الارض ويقول والله لا انزلك تحت عند امي والله لا اطلقك وسرت اقلو لا مابغا انزل وبحكم اني خفيفه وجسمي صغير قدر يجرررني ويغصبني اني انزل تحت وكانو في اخواتو وسارت امو تحضني وتهديني وانا بس ابكي منهااااارة ليش يسوي كدا معايا؟؟؟ طيب ايش الغلط اللي انا سويتو وخلاه يمد يدو عليا ولمن امو جات تحضني واخدتني في حضنها هو سار يقول لامو سيبيها دي وحدة حيوانة ترى ومناااافقه قدامكم تسوي انها طيبه والله لا اوديها عند ابوها دحين واطلقها وسار بس يصرخ الا امو قالتلو اطلع برااا وسارت تخاصمو وهو طلع برا قالتلي لا تكلمي اهلك بس بصراحة ماقدرت على طول اتصلت على ابويا وكلم زوجي يجيبني البيت وانا دحين ببيت اهلي والله العظيم قلبي محرووووق منو ومن تصرفاته لا ويضحك ويقول انتي لسا ماشفتبي شي ...... |
رد: نفذ صبري من اهانة زوجي لي امام اهله ..
زوجك مدخن ؟
|
رد: نفذ صبري من اهانة زوجي لي امام اهله ..
بالمناسبه انا ماعندي بزورة منو
يعني اقدر ان شاءالله انفصل وانا مرتاحة وب النسبه لابوه على دا الحال 5 سنين الله يشفيه واللي قاهرني يا جماعه اهلو يقولو سامحيه عشان نفسيتو تعبانه عشان خاطر ابوه (((( طيب انا ايش ذنبي)))))) ؟!؟؟؟! انا لو حشرة ماكان جرني واهانني ونزلني تحت غصبا عني وفضح نفسو قدام اهلو موقف مرة غبي ايش اقول غير حسبي الله ونعم الوكيل 💔 |
رد: نفذ صبري من اهانة زوجي لي امام اهله ..
وافينا باخر الاخبار لان ما نقدر نساعدك الان حتى ترسى الاحداث على مرسى
|
رد: نفذ صبري من اهانة زوجي لي امام اهله ..
زوجي ما يدخن ولا حق شيشه ولا شي ...
|
رد: نفذ صبري من اهانة زوجي لي امام اهله ..
يمكن زوجك يبغى له شوي شد
خصوصا لسى متزوجين جديد وهو لساته صغير يعني تقدري تغيريه وش راي اهلك ووش ناويين عليه ؟ المهم انتبهي تسامحي ع طول لا حبيبتي لو رجعتي انتي تعطيه الضوء الاخضر شارة البدايه اتخذي موقف حازم |
رد: نفذ صبري من اهانة زوجي لي امام اهله ..
ملكة الاحساس
حبيبتي انتي ربي يسعدك والله اهلي مقهووورين من حركاتو وقالو لمن يجي يتفاهم مايجي لوحدو يجي مع اخوه الكبير وقال راح يهددو انو ما يتعرضلك ابدا بعد كدا .... |
رد: نفذ صبري من اهانة زوجي لي امام اهله ..
كويس خليك مع اهلك
ولاتردين ع مكالماته ومسجاته خليه يحس انه فقدك ويحس انه الي سواه غلط في حقك لاتسكتين عن حق لك ابدا ولا تقهرين نفسك |
رد: نفذ صبري من اهانة زوجي لي امام اهله ..
والله دا اللي بيسير مستحيل ارجعلو بالساهل
وكمان ماراح ارد عليه نهااائيا عندو شي يجي يتفاهم مع ابويا هوا واخوه ... |
رد: نفذ صبري من اهانة زوجي لي امام اهله ..
اهلا اختي زهره الرمان كل عام و انتي بخير
اولا انتي غلطتي من البداية يوم سكتي على ضربه لكي لو كان وقفتيه عند حده ما كان عادها ثاني ثانيا خليكي في بيت اهلك عشان يحس بقيمتكي و لا ترجعين الا بعد ما يتعهد امام اهلك واهله انه ما عاد يعيد يمد يده عليكي ابدا ابدا ثالثا تتوقعين وش السر عصبية زوجك وخاصة انه ما كان في البداية زواجكم ما كان عصبي اكيد فيه سبب |
رد: نفذ صبري من اهانة زوجي لي امام اهله ..
مرحباً أختي
لابد أن يقف عند حده... ولا عاد يضربك أو يسيئ لك وليس عذر له أنه شاب صغير وما يعرف الحياة وطائش ونفسيته متعبه لابد أن يكون والدك شديد معه ... ويتفاهموا كذلك مع أهله... أنك بنت ناس... وأن عليه أن يتعلم كيف يحترم أهل بيته ويحافظ على الحياة الزوجية أعانك الله |
رد: نفذ صبري من اهانة زوجي لي امام اهله ..
اهلا اخي فارس مكة
وانت بصحة وسلامة وعلى جميع المسلمين يارب والله هوا مو طايق شي امس عشان زي ماقلت ابوه وحالتو وكدا لكن انا مالي ذنب يهينني بهاذي الطريقه ابداً وفعلا كلامك100٪ على اني كنت اسكت في البدايه احسبو حيتغير ويتعدل خلاص لاني اشوف الندم بعيونه اما دي المرة لا زعل ولا حس بالندم بالعكس يقول تستاهل الطلاق معد ابغاها ويقول لاهلو انتو تشوفوها طيبه قدامكم بس بس ماشفتوها كيف معايا ... مادري انا ايش سويتلو وانا مادري .... والله امرو عجيب وكل ما افتكر قلبي ينحرق احس معد ابغاه مرة |
رد: نفذ صبري من اهانة زوجي لي امام اهله ..
لما تهاوشتو قلتي له ما معناه انه ابوه دايما هذي حالته من خمس سنين
|
رد: نفذ صبري من اهانة زوجي لي امام اهله ..
شكراً اخي الرسمي على ردك الله يسعدك
والله كلامك مزبوط وان شاءالله ابويا حيكلم اخوووه وهوا حيكون مع اخوه وراح يهددو وراح نتفاهم بكل شي يضايقني وانا بصراحة اقول الانسان فيه اطباع عمرها ما تتغير هوا عصبي بزيادة وعمرو ماراح يتغير وصعب بالنسبالي اعيش مع واحد بدي الطريقه باختصار الانفصال بيكون افضل ...... لانو ماراح يتغير |
رد: نفذ صبري من اهانة زوجي لي امام اهله ..
شوق اللقاء
بصراحة ما فهمت كلامك وضحيلي ايش قصدك ؟؟؟ اسعدكِ الباري |
رد: نفذ صبري من اهانة زوجي لي امام اهله ..
اقتباس:
الله يهديلك زوجك و يسخره لكي لكن انا اخوكي خليكي فاكره من امن العقوبة اساء الأدب |
رد: نفذ صبري من اهانة زوجي لي امام اهله ..
اقتباس:
وكمان ومن وضع المريض وحالته و اعتقد هو سبب عصبية زوجها اللهم اشفي جميع مرضى المسلمين |
رد: نفذ صبري من اهانة زوجي لي امام اهله ..
لا تفكري بالإنفصال حالياً ولا تتكلمي فيه وتجعليه حل من طرفك
أتركي الموضوع حالياً لوالدك ... ودعيه يشرح لزوجك كل الأمور التي تضايقك... وإن شاء الله... بتتحسن الأمور... ولكن أرجو أن تطلبي والدك أن يطلب من أخوه... أن يفهمه بينه وبين زوجك أمور الحياة الزوجية وأهمية الإحترام المتبادل بينهما أعانك الله |
رد: نفذ صبري من اهانة زوجي لي امام اهله ..
اقتباس:
شوفي صحيح زوجك غلط بتصرفه بس هو حب يخلي الموضوع في دائرة مغلقة بعيدة عن اهلك حتى لا تكبر قبل لا تفكري بالانفصال روحي قسم المطلقات و سوفي كم موضوع مفتوح عن التسرع في الطلاق هذا رايي اذا في مجال للصلح حاولي معاه، مسالة انه ما يمد ايده تعتمد على شخصيتك، انتي لسه صغيرة و الدليل انك بكيتي بمجرد قال لك لا مالي نفس اروح مطاعم و الصراحة معه حق، مين عنده نفس يطلع من المستشفى تارك ابوه بين الحياة و الموت و يروح مطاعم. |
رد: نفذ صبري من اهانة زوجي لي امام اهله ..
الله يشفيه ويعافيه ...
طيب وانا ليش مايقول اللي بنفسو عشان افهمو وعشان احس فيه .. كان بامكانو يقول ماينفع انا تعبان وابويا وجعان هوا استعجل واهانني وضربني .. حتى مافي اي مجال نتفاهم بين بعض راح على طول جرني لتحت ماني قادرة انسى الموقف الله لا يحط احد مكان الموقف دا |
رد: نفذ صبري من اهانة زوجي لي امام اهله ..
طيب انا بنت زي اي بنت ابغا ((( احترام )))) وتقدير
ابغاه يسمعلي ويحس فيا تخيلو لمن افضفض ع اللي بقلبي يقول انتي تافهه انتي تطفشي الواحد طيب ايش اسويلك ؟؟ خلاص لا تبكي عشان تحزنيني يعني ترى انا بالعكس مبسوطة وعفوية وعايشه حياتي ومتفائلة لكن الله يكرمك قبل الدورة الشهرية نفسيتي تتعب شويه واحاول افضفض اللي في نفسي مايحب حتى يطالع فيا يطفش من شي اسمو فضفضه واحتاجلك عشان تسمعلي احياننا والله احتاج حضن بسسسسس يحل كل مشاكلي بس قلبو قاسي عليا وانا مرررة حنونة انا اول مرة اقول الكلام دا لاي احد ..... |
رد: نفذ صبري من اهانة زوجي لي امام اهله ..
كآن مداه امس بكل بساطة
يسلم على راسي ويقول معليش حبيبتي ماقدر اخرجك لاي مكان ليش الاهانه والضرب ؟؟؟؟ احد يجاوبني |
رد: نفذ صبري من اهانة زوجي لي امام اهله ..
اقتباس:
فانضجي و لا تخلي موقف ياثر على حباتك كلها شوفي احنا البنات مكتوب علينا الصبر لاننا احنا اللي نكون حجر الاساس في الببيت و احنا اللي نخلي الزوج ما يطلع براه. فانت لازم تصبري و مع الوقت زوجك بيتعدل اذا كان زوجك مريح من نواحي ثانية يصرف عليك يوديك لاهلك فاحمدي الله و فهمي اهلك الموقف صح و انه ودك ترجعي و الله يكتب لك اللي فبه الخير و تىجعوا لبعض |
رد: نفذ صبري من اهانة زوجي لي امام اهله ..
لا طبعاً ماني راجعه الا اذا جا مع اخوه
واتفاهمنا على كل شي وتحط النقاط على الحروف اما موقف زي كدا يمر بدي السهولة !!! مستحيل |
رد: نفذ صبري من اهانة زوجي لي امام اهله ..
زهرة الرمان
اذكري اكثر سلبيات زوجش |
رد: نفذ صبري من اهانة زوجي لي امام اهله ..
هلا اختي كوكي :
عصبي حتى مع اهله يزعق عليهم ولسانو مرة وسخ الله يهديه ... يغار عليا من كل شي (( يخنقني )) حتى من الدكتور اللي اكبر من ابويا يتضارب معايا عليه ... يمد يده عليا انا فقط ، مع اخواته لا . و كمان يكره يوديني سوق او عند صديقاتي و بالنسبه لاهلي محددلي يومين او يوم بالاسبوع رغم انهم بنفس المدينة .. جاف ومايحب يتكلم كلام حلو .... |
رد: نفذ صبري من اهانة زوجي لي امام اهله ..
عزيزتي
هذا حب انه يفرد عضلاته و يثبت انه رجال ( قدام أهله ) متقصد يضربك و يهينك عشان أهله يقولوا ( وااااااااو .. بطل ) مريض نفسي معليه و عنده عقدة نقص . . لازم ابوك ( يربيه ) الي مثل زوجك لازم واحد يوقفه عند حده لانه ما يجي ( بالحياء و الخجل ) .. يجي ( بالخوف ) |
رد: نفذ صبري من اهانة زوجي لي امام اهله ..
اقتباس:
👍👍👍👍👍👍 قلبي محروق :( حسبي الله ونعم الوكيل .. |
رد: نفذ صبري من اهانة زوجي لي امام اهله ..
اقتباس:
شو ايجابياته ؟ |
رد: نفذ صبري من اهانة زوجي لي امام اهله ..
ايجابياته
اذا مرضت يوديني المستشفى . يخاف عليا . والله دا اللي افتكرو حالياً .. يعطيني فلوس اذا طلبت منو بس اغلب شي اصرف من مكافئتي الجامعيه . يمزح ويضحك على حسب المزاج يعني |
رد: نفذ صبري من اهانة زوجي لي امام اهله ..
اقتباس:
يعني زوج مقبول نوعا ما ولكن محتاج لاصلاح hgh زهرة الرمان خلصتي دراسه ,, ناويه تشتغلين ... ناويه تنجبين ؟ |
رد: نفذ صبري من اهانة زوجي لي امام اهله ..
انجاب لا طبعا شوفي كيف حياتنا
الانجاب لازم حياه مستقرة واب يعي للمسؤليه عشان نقدر نهيئ لطفلنا جو اسري جميل .. ومن ربنا طبعا لسا ما اراد واكيد في ذلك خيرة الحمدلله على كل حال .. ب النسبه للدراسه لسا باقيلي الترم الجاي واتخرج وان شاءالله ناوية اتوظف لو جاتني .. |
رد: نفذ صبري من اهانة زوجي لي امام اهله ..
واللي قاهرني زيادة امو حنت عليا وجالسه تحضني وتهديني
وهو مقهوووووور يقول سيبيها هيا تحزنك بس نفسي اسوي اي شي اقهرو بيه والله القهر موجود بقلبي ولا انا قادرة انام بس افتكر وابكي من جد تعبت |
رد: نفذ صبري من اهانة زوجي لي امام اهله ..
اقتباس:
طيب ما فتح معاش مره سيرة الانجاب ؟ |
رد: نفذ صبري من اهانة زوجي لي امام اهله ..
ثقته بنفسه امام اهله مهزوزه وفاهم الرجوله غلط
وانتبهي تسامحيه بسهوله والي يقولك حافظي على هيبته ترا مو انتي الي تحطين له هيبه وتحافظي عليها هو الي يحطها لنفسه وبضربه لك بدون سبب نزل مقامه لحركه طفوليه فخليه يتحمل نتيجة فعله وليت ابوك يشد عليه بالكلام علشان يتأدب ويعرف ان الناس ماترضى على بناتها الله يكتب لك الخيرة من امرك |
رد: نفذ صبري من اهانة زوجي لي امام اهله ..
السلام عليكم ورحمة الله وبركاته
حبيبة قلبي لا تزعلي نفسك وتضيعي رمضان اقضيه بالصلاة والدعاء هذا اهم شي شوفي حبيبتي الضرب والاهانه خط احمر انتي جيتي من بيت اهلك معززه مكرمه فالازم يعاملك بمايرضي الله ولا يرجعك بيت ابوك بدون اهانات وضرب مساله الضغظ النفسي مش عذر يدور متنفس غيرك يفرغ فيه اي ضيق اليوم مضغوظ من ابوه بكره من صاحبه بعده من شغله الخ الخ اصلا الحياة كلها ضغوظات بس الواحد يفصل المهم نصيحتي لك اقرصو اذنه عشان لا يعيدها لاترجعي الا بعد مايجي مع حد ويعتذر ويراضيك بس لازم تكوني حاطه ببالك انه هذا ممكن مايصير وممكن يطلق فهل انتي مستعده ولا بتندمي بعدين ؟؟ حطي كل الاحتمالات اخيرا في حال باذن الله اجا واعتذر ورجعتي معه نصيحة اخت ارجووك تشربي مانع حمل لسنه كمان شفتيه تغير كان بها شفتيه على حاله من العصبيه او صار اسؤ يصير قرارالانفصال اسهل من لو كان في اطفال الله يكتب لك الخير حبيبتي |
رد: نفذ صبري من اهانة زوجي لي امام اهله ..
على فكرة
سلفتي اول مرة ضربها زوجها و راحت بيت اَهلها .، رجوعها اَهلها له و قالوا لها ما تخرجي من بيت اهلك و من يومها و هي تنضرب الى الان و اولادها في الجامعة و كل ما صار شي .. هددها زوجها و اهل زوجها بالطلاق و ما عاد لها اي اعتبار لأنهم عارفين بتنضرب و تروح بيت اَهلها و يرجعوها بينما اخو زوجي إنسان جبان لو واحد من البداية وقفه عند حده .. كان تأدب . . انا من اول مرة ام زوجي هددت بالطلاق و زوجي ماله ذنب طبعا بس ما يقدر وقتها يرد عليها قلت لها و ولدها قدامها ( خليه يطلق قدامك ياللا ) .. و هو مطنش أمه .. و من يومها و ماحد يقدر يتكلم او يهدد بالطلاق احترامك تفرضيه انت على غيرك ( بنفسك ) |
رد: نفذ صبري من اهانة زوجي لي امام اهله ..
[QUOTE=الفارس 14;3267516]ماشااء الله علشانها صغيره ياخذ راحته فيها ..
هي لا تريد الطلاق بحكم صغيرها ..هي تريد شي يبرد قلبها على الاهانة والضرب اللي صار من غير سبب ..!! اخ فارس انا م قلت عنده حق يضربها، انا قلت عنه حق رفض يروح للمطعم بهذيك الظروف، و بعدين من غير سبب، هذا شئ يدخل في علم الله، و انا نصحتها لوجه الله كل واحد و طريقة تربيته و ظروفه اللي نشأ فيها، بس كل واحد يفرض الاسلوب اللي يقبل انه يتعامل بيه و كونها صعيرة انا اشرت لهدا لانه باين انها غير ناضجة و ممكن نظرتها لهذا الموقف بالذات تتغير بعد سنين و مسأله الانفصال هي اللي جابتها، انا ما اخترعت شئ من عندي |
رد: نفذ صبري من اهانة زوجي لي امام اهله ..
اقتباس:
حبيبتي هذه ابسط واجبات الزوج تجاه زوجته مع راي روح وام سما ويوسف تخيلي بكرة يضربك بالطريقة هذه ويجرك قدام اولادك؟؟؟ اي احترام وهيبه بتكون لك قدامهم ؟؟؟ وأخ حسن ماينفع نحافظ على هيبة رجال هو بنفسه اهان نفسه ونزل من قيمته لازم الرجل يعمل لنفسه قيمة علشان الاخرين يقدروه ويحترمو |
رد: نفذ صبري من اهانة زوجي لي امام اهله ..
اين الموده والرحمه التي هي اساسيات الزواج
الموده والرحمه عيشه بمعروف او تفريق بإحسان مسكينه انتي اقضي وقتك بالاستغفار وان يصلحه الله لك مسكينات نحن النساء لنفرض ونقول تربيته خطاأ طيب الم يتعلم الدين واخلاق الرسول صلى الله عليه وسلم وهل امرنا الله بإستحقار الزوجات ايها الرجال هزلت الدنيه الى زوال اصبحنا في زمن قلة فيه الرجوله |
| الساعة الآن 01:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©