|
معاناتي مع ضعف أو كسل زوجتي
السلام عليكم و رحمة الله
كل عام و انتم بخير و أعاد الله رمضان علينا أعوام مديده. أخواني بصراحة انا ما ادري شنو ابغى المهم راح أتكلم عن زوجتي و لبغى تقولون لي رايكم اذا هي مقصرة او لا ؟ الأشياء اللي اتمناها من زوجتي هي التالي: -اولاً البيت يكون نظيف و مراتب "تنظفي عادي جداً مو ضروري كل شي يلمع" -ثانياً لما ارجع من الدوام تكون مبتسمة تضحك و تسولف علي تنسيني تعب الدوام. -ثالثاً أحصل اكل يفتح النفس و أكل. -أذا جاني ضيوف أو أهلي تقوم بالواجب. بالمقابل: -أعاملها بكل حب و أحترام ابداً ما ارفع صوتي عليها -أعطيها مصروف كافي جداً بس بدون بذخ كبير حالتي متوسطة -اسافر معاها كل سنة للخارج "أنا بطبعي أحب السفر" -أطلع معها تمشيات على الأقل ثلاث مرات بالاسبوع. -أخليها تروح لأهلها كثير "أهلها بمدينة أخرى 5 ساعات تقريباً" مع ذالك هي شهرياُ تروح لهم يومين و بالجازات الصيفية تجلس أسبوعين ماعندي مانع. -أهلي حطينها فوق راسهم و هي بالمقابل تحترمهم. هل أنا عادل معاها ؟ المشكلة كالتالي: أجي مرات للبيت أحصل وجهها معفوس كأنها متضايقة من شي. طبعاً اسلها تقول لا مافيني شي ؟ و هو فعلاً بدون سبب ! و طبعاً بدون ابتسامه و يصير البيت ملل و هي ساكته لازم انا اللي أتكلم و فعلاً ابدا افتح المواضيع و هي جالسه تسمع و طبعاً بعدها اسكت خلاص هي ما تناقش او تسال علشان اكمل كلام. و أذا تابعت التلفزيون او مسكت جوالي تتضايق و مرات تعاتبني انه ليش ماسك جوالك و انا جالسه او او او أجي مرات أحصلها ما طبخت و العذر والله تعبانه !!! مرة او مرتين بالاسبوع عادي عندي ؟ بس تقريباً 3 أو اربع مرات بالاسبوع!! أجي و أحصل البيت معفوس محيوس ؟ صح ما وصل درجة الوساخه لكن غير مرتب ابداً المطبخ و ما ادراك ما المطبخ !!! الأيام اللي تطبخ فيها مستحيل تنظف المطبخ بفس اليوم الصحون و الاكل يجلس الى اليوم الثاني و أنواع الوساخة !!! يعني يوم تطبخ فيه و يوم تنظف المطبخ نادراً تسوي هالاثنين مع بعض !!! طبخها مقبول بس ما يوصل لدرجة انه فعلاً حلو ويفتح النفس بالعكس يوم الملح زايد و يوم ناقص و يوم الزيت كثير و و و و فيه أيام يكون الاكل حلو!!! ترتيب غرفة النوم و غسيل الملابس كلها فيها اهمال !!! ليش انا ساكت و متحمل الى اليوم و ابداً ما قلت لها اني متضايق منها ؟ الصباح أول ما تصحى من النوم تضبط كل شي ملابسي و فطوري و قهوتي و بعدين تصحيني وهذه الشي الوحيد اللي يخليني أظن لحد الان أنها مهتمه أو تحاول بس بعد ما اطلع للدوام و ارجع ما ادري شنو يصير فيها !!! أحسها مسكينه و ضعيفة ما احد يهتم فيها و لا عندها أصدقاء ومعتمدة علي وعلشان كذا ارحمها جداً و اسكت و اتغاضى عن اخطاها و أقول أن شاء الله تتحسن. الظاهر لي وأيضاً حسب ما تقول أنها تحبني جداً جداً !!! هي ما ادري كسولة و فيها خمول او أن جسمها ضعيفة دايماً تعبانه و تبغى تنسدح و تنام ؟ و هذا هو اللي مسبب كل مشاكلنا اللي فوق كسلها او ضعفها !! أو أنها تتدلع و تبغى تعودني على هذا الوضع ؟ يعني مثل سوالف الحريم اللي نسمع عنها !!! عندها ضعف إرادة عجيب ما تحب تحاول ابداً اذا حاولت تسوي شي و ما عرفت خلاص انا فاشله انا غبية انا انا و جلد بنفسها و يخرب مزاجها و انا اللي ادفع الثمن !!! تعتني بنفسها بنفسها و بجسمها بس مو مرة يعني نص و نص و بعد هذا من كسلها !!! تشتري زيوت و كريمات و لا تستخدمها يعني الله يستر بعد كم سنة و بعد الولادة ووو صح عندها دوام بالجامعة بس عندها وقت كبير تنام و ترتاح و بعدين تشتغل.... و ايضاً حتى ايام العطلة نفس الكسل و الخمول ووو و الأيام اللي تسوي كل شي فيه أيام قليلة جداً جداً أوصل للبيت احصلها خلاص تعبانه و يبين على وجهها و تصير معصبه و متضايقة و وقتها اكره التنظيف و الطبخ لاني احسها تصير بدون نفس !!! مرة وحدة فقط عتبتها عتاب بسيط جداً عن تنظيف البيت ؟ تحمست يومين و تنظف ووو بس بالغت جداً بالتنظيف و النتيجة يومين و تعبت و رجعت لعادتها القديمة و السبب هو ضعف جسمها او كسلها و ضعف ارادتها.... مع اني كثير جداً اساعدها بشغل البيت.... الان لنا سنة متزوجين و هي لها شهرين حامل و الإهمال بعد الحمل زاد و مرات صرت انا اللي انظف البيت كامل خصوصاً اذا كان فيه ضيوف بالطريق !!!! صراحة انا صبري بداء ينفذ و خلاص انا كل يوم اتعوذ من ابليس و اتحمل و أقول ان شاء الله تتعدل بس مع الأسف صبري خلاص انتهى و أسأل نفسي الأسئلة هذه ؟ 1-لو كنت شاد عليها و هواش على الطالعة و النازلة كان تتمنى يوم تشوفني راضي عليها و تسوي كل شي ابغاه !! 2- ليش كل خواتها مهتمين ببيوتهم و في ازاجهم كثير و انا اعرف ازاجهم كل واحد اسوى من الثاني و ما عندهم دلع ابداً !!! و بالمقابل انا عايش كذا ؟ و صراحة انا جالس اتعب كثير و ضغوط علي كثير خلاص تعبت و بحاول قدر الإمكان أنتظر الى ينتهي الحمل و بعدها اغير كل شي انقلب لو يخرب كل شي في حياتي !!! عطوني رايكم يا ناس هذا و حنا تونا عرسان الوضع كذا كيف مع الاطفال بعدين !!! نوروني عطوني اراكم وجهوني طبعاً مستحيل اخلي احد من اقاربي يطلع على مشاكل بيتي ما عندي الا الله ثم انتم ؟ |
رد: معاناتي مع ضعف أو كسل زوجتي
توضيح بيت اهلها و جميع خواتها قمة بالنظافة و الترتيب و كل شي تمام ؟؟
يعني العيب مو من اهلها ممكن لانها دايم كذا تسوي نفسها تعبانه و كذا خواتها كان يشيلون عنها الشغل و الطبخ و الظاهر تعودة على كذا ؟ و صارت معتمدة عليهم بكل شي؟ هذا واحد من التفسيرات اللي عندي!! |
رد: معاناتي مع ضعف أو كسل زوجتي
رمضان كريم
_ اشوف المنتدى هذا اليومين كثرت مواضيع اهمال الزوجه في بيتها ونظافتها ووووو طيب يأخوان انتو عرفتو السبب ايش ممكن يكون قبل ماتجي تشتكي ؟! _ عملت لها تحاليل شامله عرفت سبب الكسل والخمول من وين جاي ؟' يمكن عندها نقص بالفيتامينات وخاصه فيتامين D >> اذا نقص هذا الفيتامين يسبب كسل وتعب وخمول بالجسم وعصبيه _ وكمان تقول انها حامل >> لازم تراعيها الحمل متعب جداً وتحتاج تنام وترتاح انت راعيها بهذه الفتره وحرام تضغط عليها باين من كلامك هي انسانه واعيه وفاهمه وخاصه تصحيك الصباح بروح حلوه وتجهز فطورك وكسلها هذه الايام اسبابه من الحمل هي فتره وتعدي والله يقومها بالسلامه |
رد: معاناتي مع ضعف أو كسل زوجتي
كنت أحلم بعائلة و بيت مليان حب و احترام و كل شخص قائم بواجبه على اكمل وجه و تضحيات ووو
و الظاهر انها كلها احلام و الواقع مع اللي مثل زوجتي لازم حزم و قلة احترام !!! |
رد: معاناتي مع ضعف أو كسل زوجتي
اقتباس:
لو التغير صار بعد الحمل كان حطيتها فوق راسي !!! موضوع صادف انه فيه كم موضوع بنفس المشكلة بس انا مشكلتي مو بس بالنظافة لا حتى طفشها و مللها الدائم ووو و بالمقابل انا ما قصرت و لا بأي شي أبداً أبداً و الله العالم،،، |
رد: معاناتي مع ضعف أو كسل زوجتي
اقتباس:
|
رد: معاناتي مع ضعف أو كسل زوجتي
هلا و غلا يا I'm over it كل عام و انت بخير
اولا معك كل الحق في شكوتك لكن لا تنسى انتم عرسان و الزوجة تحتاج الى وقت كافي عشان تتأقلم مع حياتها الزوجية ثانيا انت لا بد عليك ان تصبر عليها هي عندها رغبة لكن ينقصها الاراده ثاثا شجعها اذا شفت منه شي يعجبك شجعها بكلمة حلو و بهدية عشان يكون لها محفز الله يسخر لك زوجتك و يهديها لك و يسعدك فيها |
رد: معاناتي مع ضعف أو كسل زوجتي
طيب مافكرت في الخادمة ؟؟
اذا ظروفك الماديه تسمح خاصة هيا دحين حاااامل وتعبانة وبعد الولادة حتنشغل بالطفل اكثر واكثر |
رد: معاناتي مع ضعف أو كسل زوجتي
انت قلت جسمها ضعيف وماتتحمل جهد!!
وباللي تقدر عليه ماتقصر! وحاليا هي حامل.. ماعمرك حاولت تعرف ايش السبب صحيا؟! هل انت من النوع اللي ينتقد وينتقد وينتقد واذا اعجبه شي سكت مايمدح؟ كم عمرك وكم عمرها؟ |
رد: معاناتي مع ضعف أو كسل زوجتي
أصبر عليها
كثير من النساء بأول حياتهم ماعندهم إحساس بالمسؤليه |
رد: معاناتي مع ضعف أو كسل زوجتي
يمكن تعاني من الملل
ترى شغل البيت يملل ويستقطع وقت طويل |
رد: معاناتي مع ضعف أو كسل زوجتي
اقتباس:
|
رد: معاناتي مع ضعف أو كسل زوجتي
كيف عرفت انه خواتها مرتبات ونظيفات وووو وازواجهم سيئين كمان البيوت أسرار ولاتنغر بالمظاهر
انت قلت انك ماعاتبتها غير مره وحده كلمها اكثر من مره سكوتك في مفكرته رضى او انه الموضوع مايشغل بالك مره بداية الزواج كثير منا على خطأ بس كثرة التوجيه وانصح والعتاب أحياناً هو الي يوعينا ويفهمنا |
رد: معاناتي مع ضعف أو كسل زوجتي
لما تكون الصحون في المغسلة لحد ثاني يوم .. هي ايش تكون تعمل ؟؟
يعني اوصف لنا روتينها اليومي .. هل هي كثيرة الاستلقاء ومتابعة التلفاز وقليلة العمل في المنزل ؟ اللي خلاني أركز على هالنقطة .. إني فترة من الفترات سافرت خدامتي وكنت بدون خادمة وانا موظفة أرجع قريب العصر .. وأجلس أرتب وأنظف وأطبخ وغسيل ملابس وغيره لين ينهد حيلي .. والصحون كنت أخليها إلى آخر اليوم وأغسلها كلها مرة وحدة قبل ما أنام .. بس فيه بعض الأيام مرت علي أكون مرهقة جدا وآخر اليوم أرتمي على سريري من شدة التعب ثم أتذكر إن الصحون نسيت أغسلها (لأن المطبخ خارجي فأنساها) .. ويكون مهدود حيلي خلاص ما أقدر أحمل نفسي وأقوم عشان أغسلها .. وللأمانة كان زوجي متعاون معاي جدا في هالفترة فكان يقول لي خلاص خليها بكرا غسليها .. والصبح لما أستيقظ للدوام أغسلهم وكثير مرات ألاقي إنه غسلهم الفجر الله يجزيه خير.. على العموم أخي الفاضل .. الحمل مرحلة متعبة جدا للمرأة من أوله إلى آخره .. فكما تحملتها قبل الحمل .. خلك كريم وارحمها في هالفترة لأنها أشد حاجة من ذي قبل .. |
رد: معاناتي مع ضعف أو كسل زوجتي
انت قلت زوجتك ضعيفه وتلاحظ عليها التعب لما تشتغل
تأكد ي اخي التعب والمرض شي بعيد عن الدلع الحل اعمل لها تحاليل كافيه ،، وبعدها لكل حادث حديث |
رد: معاناتي مع ضعف أو كسل زوجتي
غريب امر الاعضاء ولاسيما البنات
هو يقول زوجتوا -اصلحها الله - عندها خمول وكسل وهم بيقولولوا انت ليش ما تعمل وما تفعل وما وما هههههههه وكأنوا هو الزوجة الله يهديكم اخي الكريم وفقني الله واياك لما يحبه ويرضاه طول ما انت ساكت ما راح تنتظر؟ هي ربما تقول انك راضي عنها في تلك الحال شوية حزم وعتاب بالتي هي احسن بعدما تتأكد أنها سليمة 100/100 اما وانت ساكت وقاعد تغلي داخلا فهذا لا ينفع و شوية رياضة فهي تزيح الكسل وتخليها دايما نشيطه هذا رأي والله اعلم واسال الله ان يهدي زوجتك لما يحبه ويرضاه |
رد: معاناتي مع ضعف أو كسل زوجتي
اقتباس:
أخي اشجعها ليل و نهار و كل كلمة أحلى من الثانية و لا عمرها سمعت مني كلمة أنتقاد أبداً حتى لما تخطي أقول عادي أنتي ما قصرتي و حاولتي وووو اقتباس:
بنيتها الجسمانية مو ضعيفة أبداً و التعب و الكسل من قبل الحمل بكثير و لكن بعد الحمل تضاعف الكسل عندها،،، عمري 28 و عمرها 20 و بسبب فارق العمر دايم اسكت و اتغاضى لانه انا الكبير لازم اصير كذا. اقتباس:
هل فيه حل غير الحزم و الصراخ ؟ شفت مواضيع بالنت ناس تشكي من إهمال زوجاتهم للبيت و للأطفال بعد سنين من الزواج !! اخاف يستمر الوضع كذا و مع الأطفال يزيد الوضع سوء،،، |
رد: معاناتي مع ضعف أو كسل زوجتي
اقتباس:
هي تدري انها مقصرة و كم مرة تحاول تعتذر بطريقة غير مباشرة و ما اسمح لها اقول ما اخطيتي علشان تعتذرين فقط حاولي تطورين نفسك و انا راح اصبر عليك لكن مع الأسف ما فيه اي تغيير أبداً و ممكن عرفت نقطة ضعفي اللي هي اني ارحمها اذا شفتها حزينة او تعبانه و أخذتها لعبة دايم مسوية نفسها تعبانه او حزينة و انا صبري بداء ينفذ و هي ما تدري !!!! الظاهر ما فيه الا عتاب و زعل لانه التغيير بالشجيع و الكلام و التعامل الراقي مو جالس يعطيني اي نتيجة أبداً،،، يا ناس انا اجي من دوام متعب و مهلك للجسم علشان اعيشها حياة حلوة و أوفر لها كل شي تبغى بالمقابل ابغى منها اشياء !!! |
رد: معاناتي مع ضعف أو كسل زوجتي
اقتباس:
انصحك تتصل على أمها وخليها تجي فجاة تشوف البيت اكيد ما رح ترضى عن اهمال بنتها ببيتها وكل الكلام الي قلته هنا يا ريت تقوله لامها علشان تنبهها واضح زوجتك من النوع الاتكالي وتحتاج انك تنبهها باستمرار الله يصلح احوالكم |
رد: معاناتي مع ضعف أو كسل زوجتي
صارحها ثممممم صارحها ثم صارحها كيف تبغاها تفهم عليك وانت ساكت ..
انا مع انك تجيب غسالة صحون ، أو شغاله بالساعة تجيها تنظف وتمشي . |
رد: معاناتي مع ضعف أو كسل زوجتي
اجل الموضوع لين تولد..
بس نبهها انك صابر وساكت مراعاة لتعبها وحملها.. لا تتكلم ولا تحزم الا اذا ولدت عشان تنحسب لك.. ولا تقول لك مارحمني بتعبي.. |
رد: معاناتي مع ضعف أو كسل زوجتي
اقتباس:
هي من وجهة نظري بالعكس لما اكون راجع من الدوام تسوي نفسها تعبانة او حزينة او طفشانه علشان اجلس احاول اغير مودها و مزاجها و أنا صرت الضحية اعطي و افعل اكثر منها لو فيه حب و تقدير كان اجي و على الأقل ابتسامة على وجهها مو نكد،،، على فكرة عمرها ما أشتكت لي بس صارت تعرف طبعي بس اشوف احد زعلان او تعبان قدامي احاول اغير مزاجه بدون ما يطلب،،،، اقتباس:
هي ترجع الساعة 1 من الجامعة و تنام و تصحى العصر عاد ما ادري شنو تسوي لو أساله تقول ما ادري اشتغل شوي و أطالع تلفزيون ووو شغلها للبيت كنس الصالة مرة بالاسبوع و هي اكثر مكان نجلس فيه المفروض بالنسبة لي يوميا او على الأقل كل يومين. كنس مجلس الرجال فقط اذا كان فيه ضيوف بالطريق (ماعندي مشكلة) أما كنس غرفة النوم تقريباً بالشهرين مرة !!! مفارش السرير مافيه غسيل أبدا الا لما انا اطلب منها بعد ما اطفش من كثر التلميح لها غالباً بالشهرين او الثلاثة (والله اكتب هالكلام و انا مستحي احس نفسي وصخ ما ادري شلون صابر) غسيل الملابس (ملابسي كثيرة جداً) و علشان كذا ما تغسل الا مرة بالاسبوعين بس منظر الملابس الوسخة و هي متراكمة هالاسبوعين يطفش،،، الحمام مو وصخ لانه ما فيها أطفال بس بعد مو نظيف بس بالشهر مرة اللي أشم فيه ريحة ديتول !!! باقي المطبخ مع كل اللي ذكرته فوق و انها ما تنظف كثير مو كل يوم تطبخ و اذا طبخت المطبخ انواع الحوسة (حتى بقايا الخضار بعد التقطيع يكون مرمي على الارض) و بقايا الاكل بالصحون و كلها تبقى بالمطبخ بدون تنظيف من المغرب على الأقل الى اليوم الثاني العصرو بعض المرات ارجع من الدوام احصل كل شي بمكانه بنفس الوساخة و تزيد روائح،،،، اذا جتني امي زيارة للبيت تنظف الصالة و المطبخ فقط الأماكن اللي امي راح تشوفها!!! طبعاً هي تجلس معاي من اجي الى وقت النوم و لا تشتغل أبدا و انا موجود،،،، و بالمناسبة مرات كثيرة جداً اساعدها بالتنظيف و غسيل الصحون وووو أنا ساكت ابغى ثقتها بنفسها تزيد ما احب انتقدها علشان ما تحس بالنقص و اتمنى تسوي كل شي ابغاه من نفسها ما يحتاج أقول لها لاني المرات القليلة اللي تنظف و احصل البيت مرتب و نظيف أقطعها مدح و انه ايه ابغى بيتنا دايم حلو مثل كذا شي يفتح النفس وووو و تقول خلاص ابشر من عيوني و أبدا بس كلام بدون تنفيذ !!! هي تعرف اني احب هالاشياء بس مو جالسه تسويها و هذا اللي مطفشني،،،، اسال نفسي دايما لو هي تزوجت واحد غير و كان شديد و سيء التعامل و انواع الانتقاد وش راح تكون سوت ؟؟ دايما الإجابة اللي ببالي انها راح تكون تشتغل ليل نهار علشان يرضى عليها !!! و هذا بالنسبة لي دليل على عدم تقديرها لتعاملي الراقي معها و بنفس الوقت أحسها غبية جاهله و ما تعرف مصلحتها،،، والله اني خجلان من نفسي بعد هذا الرد حاس اني فاشل و فاقد للسيطرة بالبيت و اني وسخ و الحمد لله ما فيه احد منكم يعرفني و انا ابغى اوصل الى حل نهائي،،،، |
رد: معاناتي مع ضعف أو كسل زوجتي
اقتباس:
اتوقع الموضوع مثل اللياقة البدنية لازم تتعود على الشغل علشان تصير أقوى و تقدر تتحمل،،، اقتباس:
فكرتي كانت غير كنت ابغى هي تحس بمسؤوليتها و تقوم فيها بدون أوامر مني لاني ما ابغى تكون علاقتنا ببيت رسمية و أوامر و بالإضافة الى ذالك ابغاها تسوي الشي و هي راضية و مقتنعة و بنفس زينة مو تسوي الشي بدون نفس و تأفف،،،، صحيح رايك ممكن الرياض تكون حل مناسب،،،، جزاك الله خير،،، اقتباس:
مع أني متأكد لو اكلم أمها راح تحل لي الموضوع لان أمها فاااااهمة و اهم شي عندها ان بناتها يحافظون على بيتهم و يطيعون أزواجهم،،،، متاكد زوجتي راح تاكل علقة على مستوى من أمها لو اشتكي عليها بس بنفس الوقت راح تكرهني جداً جداً علشان كذا هذا آخر حل بالنسبة لي،،،، اقتباس:
|
رد: معاناتي مع ضعف أو كسل زوجتي
اقتباس:
إذا كانت حياتكم فعلا كما وصفتها .. فنعم أنت تعيش في مكان وسخ والاهمال واضح من ناحيتها .. قد يكون لهزالة جسمها وضعفها البدني تأثير على طاقتها وقوتها الجسدية. الصالة أو غرفة المعيشة لازم كنسها يوميا هذا مافيه نقاش .. غرفة النوم إذا ماتاكلون فيها وماتستخدمونها إلا للنوم فمرة أو مرتين اسبوعيا .. ( هذا لو ماعندكم غبار وإلا يجب المسح اليومي) .. تبديل المفارش إذا مش كل اسبوعين، على الاقل مرة في الشهر .. وعلى فكرة تبديل مفرش السرير متعب خصوصا الآن مع الحمل ولازم مساعدة شخص ثاني عشان يكون على الجانب الآخر من السرير .. فخلها مهمتك إنك تطلع مفرش السرير وتقول لها تعالي ساعديني نغيره .. غسل الملابس على الأقل مرة اسبوعيا .. غسالتكم مش أوتوماتيك ؟؟ ارمي الملابس وارجع لها بعد ساعة تكون خالصة .. وأنا شخصيا أنصح بشدة إنك تشتري آلة التجفيف أو النشافة .. لأن نشر الغسيل متعب وياخذ وقت كثير .. المطبخ أقلها تنظف وتزيل بقايا الخضار بعد التقطيع وتمسح الطاولة والرخام هذا لازم مباشرة .. الصحون لو بنتساهل فيها نخليها إلى اليوم الثاني وتكون أول حاجة نعملها صباحا .. وضروري لما نضعها في المغسلة نكون ماسحين بقايا الطعام ونسكب عليها ماء حتى لا يلتصق الطعام ويصعب غسلها ولا تطلع روايح .. إذا امكانياتك المادية جيدة اشتر غسالة صحون .. أكياس الزبالة لازم كل ليلة تجمع ومهمتك إنت ترميها بالخارج .. فكل ليلة قول لها جمعي الأكياس خليني أرميها ألحين .. أنا انصحك تقوم بما هو ملون بالأحمر حتى تسهل عليها ومايكون عندها عذر للإهمال وتكون أديت اللي عليك وماقصرت في مساعدتها .. ممكن أعرف عمرها ؟؟ العمر له تاثير كبير في هذا الموضوع .. كلما كبرت بتتحمل المسؤولية أكثر إن شاء الله .. |
رد: معاناتي مع ضعف أو كسل زوجتي
اقتباس:
أنا أكثر شي مسبب لي ازمة هو المطبخ مصيبة مصيبة مصيبة و لا هي راضية تفهم و هو الشي الوحيد اللي قلت لهاصراحة المطبخ ما يصير وسخه كذا لازم تنظفينه لانه المكان اللي نسوي في الاكل ووو و نسيت شي ثاني الثلاجة ما تنظفها بصفة مستمرة يعني من شهر لشهر و دايماً دايماً احصل أشياء منتهة الصلاحية بالثلاجة من لبن الى حليب الى خضار خربان وووو بعد جلسه مطولة مع نفسي تذكرت بعض الاحداث و توصلت للتحليل التالي و ابغى رايك ؟؟ لو سمحتي لاني أشوف فيك الحل بأذن الله,,,, أحسها ثقتها بنفسها ضعيفة جداً جداً اي كلمة بسيطة تأثر فيها جداً جداً و اتوقع خلاص عرفت اني شاريها و اخذت راحتها و مو جالسه تحاول تتطور... لانه كلامها ببداية الزاوج كان في ما معناه مثل كذا : يعني لو ما تضبط معها الطبخة أو تتعب شوي من الشغل او ما تعرف تنظف زين تجلس تبكي و خلاص ما تحاول تعدل او تتعلم من الاخطاء لا تجلس تحطم بنفسها و تقول انا غبية و انا و انا حتى خواتي الاصغر مني يعرفون اكثر مني و انا ما عودت نفسي على الشغل لما كنت عند اهلي و اللحين تورطت مو جالسه ارضيك وووو وقتها أنا كنت ارحمها و أقول لا ما عليك و انتي احسن بنت و ما ابغى غيرك و أنا الشغل و التنظيف الزايد عن حده مو مهم مرة تنظيف معقول يكفي و ايضاً من كلام رفع المعنويات و كان هدفي ارفع معنوياتها و تصير واثقة من نفسها و بعدين تعرف تشتغل زين... اللي صار ثقتها بنفسها ما تغيرت الى الان ضعيفة و ما تحاول بس خلاص ما صارت تسوي مناحه مثل اول كم شهر... اتوقع السبب انها اعتمدت على كلامي معها و صار حتى لو اطلب منه الاهتمام بتنظيف المطبخ او اي شي بسيط اما تسوي الشغلة بدون نفس (أنا هنا تطلع شياطيني بس اتحمل و اسكت و اسوي نفس ما عارف ان شكلها متضايقة) او تتحمس و تسمع الكلام يومين و بعدها ترجع لطبيعتها السابقة... انا بالبداية و الشهور الماضية كنت انتظرها تتحسن و كان نفسي تتغير بدون اوامر و حزم لكن ما نفع و لما نويت اشد معها صار الحمل قلت أجل الموضوع شوي علشان انا ناوي ما ارحم وقتها و ما ابغى تتعب وقت ما تكون حامل,,, أتوقع ناقصها التعود على الشغل لانه الظاهر لي كانت تسوي نفس هذه الحركات ببيت اهلها و مشى معها الوضع و لا تعلمت شي خواتها الاكبر و الاصغر منها كلهم يشتغلون و هي لا او تشتغل بمزاجها و ندمة ببداية الزاج و بعدين لما ارتاحت من كلامي رجعت لعاداتها القديمة و الظاهر ابو طبيع ما يجوز عن طبعه... اتمنى بيت مبنى على الاحترام و انه الواحد فينا ما يسمع تنيب او كلام مو حلو من الثاني و احترام كبير لكن المشروع اتوقع فشل لانه مستحيل اسمح اطفالي يعيشون او يتعودون على الوساخة,,,, اولاً هل تحليلي اللي فوق منطقي و هو اللي حصل فعلاً ؟؟ ابغى رايك اختي كيف اكون حازم معها و بنفس الوقت ما اخليها تزعل و ايضاً ما اقلل من احترامها !؟ عمرها 20 سنة تقريباً و اللي مخوفني جداً اني حصلت ناس بالنت تشكي من نفس الموضوع تقريباً و لهم اكثر من 5 سنوات متزوجين ؟ اوكد لك لو هذا الوضع يستمر مثل هالمدة اني راح اتزوج عليها بدون اي تفكير !!! راح اشتري غسالة تماتيك و نشوف اخرتها معاها... بعض البنات اغبياء يا ناس تشوف زوجها سكت تجلس تتمادى اكثر و اكثر !!! ما تعرف ترد التعامل الراقي بتعامل أفضل !!! و زوجتي منهم تبغاني اعطي و اعطي بدون ما اخذ شي !!! للمعلومية و لله الحمد الى اليوم ما حصل أي نقاش حاد بيننا. و شكراً لك أخت مريم و جزاك الله كل خير على ردودك و نصحك و أنا بأنتظار ردك بفارغ الصبر. |
رد: معاناتي مع ضعف أو كسل زوجتي
باختصار ما يضيع وقتها الا جلستها معك
هي تظن ان واجبها تترك كل شي وتجلس معك واذا انت بيتوتي فهذي مشكله |
رد: معاناتي مع ضعف أو كسل زوجتي
اقتباس:
أنا أوصل البيت تقريباً 6 و نص الى 7 و اكون تعبان من الدوام اغلب الايام ما يكون فيه وقت اطلع مع الاصدقاء غير الويكند و ايام الاسبوع اذا طلعت اطلع معها... يعني الحل اني اطلع كل يوم و اتركها بالبيت ؟؟ طيب عندها العصر كامل ثلاث ساعات ؟!! بالنسبة لي مو عذر ! و لو كنت اطلع كانت زعلت و قالت يتركني بالبيت لحالي و كثير نساء يشتكون من هذا الشي ؟ تعبتون والله :( |
رد: معاناتي مع ضعف أو كسل زوجتي
الله يعينك ،، ماعليه الحياه يبي لها شد ورخاء. وانتو تو ف بداية الطريق
ادري بتقول ف نفسك انو هذة الامور المفروض تكون بديهية ماتحتاج صبر ولا تعليم ،، بما انو جسمي ضعيف زي زوجتك وم فيني اعصاب بقول لك فعلا ترى الشغل المتواصل متعب جدا جدا بالنسبة لي بالاضافة الى انو زوجي م يحب اشتغل ف وجوده ! وم يتقبل تشغيل الجفافة او الغسالة وهو جاي من دوامه ،، فمرتبه عملي ع ايام الاسبوع ، الاحد اغسل الملابس البيضاء ،الاثنين الجينزات والملون ،الثلاثاء الفوط والمفرش الاربعاء ،،عادة راحة من الغسيل ،الخميس ارجع اغسل جميع الملابس اللي تراكمت الايام اللي فاتت ،، وطبعا كل يوم انظف معاي شي ف البيت ،، المطبخ اطبخ واغسل وانظف جميع وانا اقشر الخضار لازم الزبالة تكون جنبي م اجمع البقايا ع الارض او ع المغسلة وقبل م اتحرك من مكاني انظف البقع لو صارت موجودة لحتى لما اخلص من المطبخ امسح الاسطح والارضيات بمقعم وما فقط واجففها لانو مافيها بقع ! الحمام اغسله تنظيف عميق الاحد رسمي بفلاش وكروركس وباقي الايام بعد ما اخلص الملابس اشفط بديتول وماي ،، اغسل الاواني اول باول طبعا وانا ف المطبخ واحاول م احط الوجبة الا مافي ف المغسلة غير االلي ع السفرة واغلب الاحيان زوجي يتكفل فيها ،، وحاليا بما اني بنقل شقه كبيرة شريت غسالة مواعين معاي ،، والكوي حسب الفضاوة او الاحتياج وروجي جدا جدا متعاون معاي الله يخليه لي |
رد: معاناتي مع ضعف أو كسل زوجتي
دوامك ي اخي طويل لاتتركها اكثر من كذا بس الا اشوف دوام الجامعة يستهلك طاقتها
لان شغل الصبح هو الافضل ! ،، الان جيب لها شغاله بالساعات تنظف البيت وبعدين احرص ع جدول كل يوم ساعة تشتغل ،، وبعد التنظيف العميق كل شي يكون مريح |
رد: معاناتي مع ضعف أو كسل زوجتي
اقتباس:
اخي الحزم والشدة لا يعني بالضرورة أن تتكلم بقسوة وغضب وعصبية .. افتح الموضوع وتناقش معها واسألها هل عاجبها الوضع هذا ؟؟ قل لها هل ترضى على نفسها وعليك الجلوس والعيش في مكان غير نظيف (لا تقل وسخ ) وغير مرتب ؟ قل لها إنك لا ترتاح في منزلك لهذا السبب .. وانك تود عند عودتك من العمل أن تراه مرتبا ونظيفا .. وأخبرها أنك لا تمانع من قيامها بالأعمال في وقت وجودك بالمنزل ( لأنها ربما تعتقد بأنك تريدها تتفرغ للجلوس معك فقط) .. وايضا قل لها بأنك تراعي صحتها وحملها وأنت أصلا لا ترضى أن ترى حبيبتك تجهد نفسها ولا تريد أن تحملها فوق طاقتها وأنك لا تطلب إلا الحد الأدنى من الترتيب والتظيف .. اعطها بعض النصائح .. مثلا .. قل لها أنه من اليوم ورايح لا تريد أن ترى الصحون غير مغسولة لليوم الثاني .. ( خلها قاعدة لأن هذا أكثر ماينفرك .. وهو فعلا أسوأ تقصير من ناحيتها برأيي ) .. أخبرها بأنها بعد الوجبة تستطيع ان ترتاح ولا بأس من ترك الصحون لفترة .. ولكن قبل النوم تغسل الصحون ومن ثم تنام .. وأنت ستساعدها في ذلك .. أيضا انت لازم تتغير . لأنك أنت ايضا مخطيء في تعاملك .. لازم يكون فيه نقاش وتفاهم .. وإذا ماعجبك شي لازم تتكلم فيه مباشرة .. وأكرر بدون عصبية .. دعني أعطيك بعض الأفكار التي خطرت لي : - دخلت المطبخ ورأيت بقايا الخضار والوسخ على الطاولة .. تناديها مباشرة وتقول لها من فضلك نظفي المكان .. - فتحت الثلاجة ووجدت أطعمة منتهية صلاحيتها .. نادها وقول لها تعالي خلينا نرمي الطعام الفاسد الآن .. - انتبهت أن أرضية غرفة الجلوس غير نظيفة قل لها ممكن تحضرين المكنسة وتنظفين شوي هالمنطقة .. - تذهب أنت للمطبخ وتبدأ بغسل الصحون بطريقة تنتبه هي لما تقوم به، ذلك سيحرجها وإذا أتت لتكمل الغسيل اتركها لتفعل ولا تصر على اكمالك للغسيل. - كل 4 أو 5 أيام ضع ملابسك في الغسالة وشغلها واخبرها أن تتابع الغسيل وتنتهي منه .. - ما رأيك أن تحضر خادمة يوم واحد في الاسبوع فقط لتساعدها في التنظيف العميق من مسح وكنس وتنظيف حمامات وترتيب الدواليب وغسل الملابس ..؟ انتبه : لا تعطيها كل الملاحظات مرة واحدة حتى لا ترهقها .. وحتى لا تنفرها منك .. ولكن استمر كل يوم أو يومين اعطها ملاحظة واحدة تجعلها تخجل وتستوعب إنك ماراح تمرر لها التقصير (الواضح) .. وهي إن شاء الله مع الوقت بتحاول تتجنب ملاحظاتك .. وأنت ساعدها يا أخي ساعدها .. قم معها ببعض الاعمال .. الرسول عليه أفضل الصلاة والسلام كان يقوم ببعض الاعمال في بيته .. بالعكس هذا يزيد من قدرك ولا ينقصه .. ممكن كلامك خلاها تتهاون في الموضوع أكثر .. بس للصراحة أعتقد أنها كسولة بطبيعتها .. أو ربما بنيتها الضعيفة تؤثر على طاقتها .. |
| الساعة الآن 01:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©