|
زوجي دائماً يقلب الطاولة علي
بالبدايه انا متزوجه من11 سنه مشكلتي امس صارت انا بس حابه اعرف وجهة نظركم بالموضوع هل انا صح هل زوجي صح؟؟
انا إنسانه راقيه واكبر راسي ع التوافه لكن زوجي احياناً بحسن نيه يسوي حاجه تجرحني ودائماً امشيها حتى مااحاول اخليها تمر بتفكيري لكن حسيت لازم اخذ موقف هالمره لازم يحاسب ع بعض تصرفاته المهم قبل ثلاث ايام طلب من صاحبه انه يخلي زوجته تطبخ له الطبخه اللي يحبها للمعلومية اتعلمت هذي الطبخه علشانه وسويتها لما اتقنتها واسويها كل فترة وفترة المهم جاء قبل ثلاث ايام وقالي طلبت من صاحبي يخلي زوجته تطبخ لي انا سكتت ساعتها وماقل ولاكلمة المهم امس كلمه صاحبه قاله ربع ساعه وجاي لك جايني زوجي وانا بالمطبخ واطبخ وفرحاااان كاننا كل يوم ناكل من المطعم او ناكل اكل وصخ ع هالفرحه اخذت بخاطري مررره بالذات برمضان اقعد ثلاث ساعات اطبخ المهم لما جاب الاكله كنت مجهزة كل السفره وبطلع اتروش الا جايني فرحان جت الالكله اللي يحبها قلت له بالعافيه عليك انا مااكلها ولا احبها قال طيب جربيها قلت اصلاً مااطيق ريحتها هو هنا استوعب فقال العيشه معي مي عاجبتك روحي بيت اهلك انا ساكته واكمل ترتيباتي المهم بعد المغرب حسيت نفسي هديت ارسلت له انا بالبداية لما طلبت اخذتك بحسن نية بس فرحان كاني اصلاً ماسوي فطور انا مقصرة معك المهم دار حديث يحاول ع قد مايقدر يطلعني غلطانه وانا اصلاً نقطه بوصلها وبأدب ماقلت له اي شي المهم قال عمرك لاتتمننين علي رغم والله ماقلت له ولا كلمه فيها منه بس هو الا يطلعني غلطانه المهم خلاص قفلت ع الموضوع دخل ولايكلمني خليته براحته جهزت السحور وقلت لولدي يناديه قال ماابي ع اساس يثبت لي انه عنده عزة نفس !! للمعلومية لو يطلعنا مطعم يجلس اطول السيارة واحنا راجعين يصارخ ع الاولاد هذا وانا ماكلكم وكِذا حتى لو يشتري لنا خبز وتميس ؟؟ الحل معه ياناس هل معقوله مصدق بقرارة نفسه اني الغلطانة؟؟ او يستهبل ؟؟ هل من حقي ازعل اتمنى تحط نفسك مكاني وتجاوب بصراحة؟؟ |
رد: زوجي دائماً يقلب الطاولة علي
لو بمكانك بزعل
لكن اسلوبك كان يفترض احسن من كذا عقب الفطور و الصلاه وهو مروق اقعدي معه وقولي احراج لي ومو حلوه بحقي عند زوجه صديقك وش بتقول عني لو طلبت كان عملتها لك |
رد: زوجي دائماً يقلب الطاولة علي
هذا اللي سويته !!انا بأدب قلت له انت كِذا قلت لهم زوجتي ماتعرف تطبخ رغم انا تعلمتها مخصوص علشانك وسويتها لما قلت لي اتقنتيها!!
إذا قصدك اني بينت له إني زعلت انا قد جربتها معاه قبل بدون ماازعل اناقشه مايأخذ الموضوع ع محمل الجد ولايتغير شيء!! |
رد: زوجي دائماً يقلب الطاولة علي
انا قلت له غريبه قدرت تطلب من صديقك ماقدرت تطلب مني ليش الحواجز ؟؟ قال المفروض تفهميها من اسبوع جاي ع بالي قلت له شلون بعرف التلميح عمره ماينفع اطلب طلب صريح وانا اصلاً لما تطلب مني طبخه مُعينة هي وحدة من الكلمات الرومانسية اللي يقولها الزوج لزوجته قال احسبك ماتعرفين قلت له بفترض انك نسيت اني سويتها لك اقل شيء 10 مرات كان صعب تسألني تقدرين تسوينها!!
|
رد: زوجي دائماً يقلب الطاولة علي
لعبتهم قلب الطاولة ..
هاذي خصلة متأصلة فيهم .. مايحبون يكونون في موقف الإدانة .. |
رد: زوجي دائماً يقلب الطاولة علي
بجد الله يكون في عوننا ،،
مريم هل كان من حقي ازعل؟؟ لانو مااحب اكبر المواضيع وكثيير اشياء امشيها احب اتغابى لكن هالمره قلت لازم وقفه لإنه بعد فترة بيطلب من اصحابه اللي زوجاتهم صاحباتي ،، |
رد: زوجي دائماً يقلب الطاولة علي
ايه من حقك تزعلي ، أسلوبه تافه وطفولي .. ناقشيه وجه لوجه أفضل من الجوال
يا الله تذكرت زوجي خاصه كلمه روحي بيت أهلك😩 هذي الكلمه بالذات تحرق القلب حرق .. 😠 الله يفرجها علينا في هالشهر الكريم 🌷🌷 |
رد: زوجي دائماً يقلب الطاولة علي
أيه من حقكك ..
وانا مكانك بزعل .. بس شنسوي ؟ مانبي المشاكل الصغيرة تنغص علينا .. لا تناقشينه في الموضوع وخلك عادية وخلي الحياة تمشي .. |
رد: زوجي دائماً يقلب الطاولة علي
رد فعلك جاء متأخر
المفروض من قالك قلت لصاحبي كنت اعترضتي و قلت ليش ما طلبتها مني مو حلوة بحقي تطلبها من صاحبك كنت اصريتي يعتذر من صاحبه و اطبخيها بنفسك الي صار صار الان خليك هادية و لاتصعدي الوضع بينكم الامر ما يستاهل خلي لما تهداوا تناقشوا و عاتبيه |
رد: زوجي دائماً يقلب الطاولة علي
اقتباس:
هذا الكلام الصحيح الي يقبلة العقل والمنطق يعطيك العافية يا مبتعثة |
رد: زوجي دائماً يقلب الطاولة علي
اقتباس:
|
رد: زوجي دائماً يقلب الطاولة علي
صح انا معاك شاطيء انو مو الكل البعض لكنها صِفة مستفزه!! لايعتذر لكن لايحاول يدور له ع شماعه لاخطائه
|
رد: زوجي دائماً يقلب الطاولة علي
دام انك تعلمتيها عشانه
و ماقدر الشي هذا .. و رجع طلب من صاحبه .. خلاص خليه كل مرة يطلبها من صاحبه و هذا لو زوجة صاحبه ( ما طفشت بعدين :D ) صدقيني .. اتركيييييه كل مرة يشتهي الاكلة يطلبها منهم و مصيرهم يطفشوا منه ^_^ |
رد: زوجي دائماً يقلب الطاولة علي
لاتجرحني الحركة مررره ،،
وزوجة صاحبة ارسلت له فطور كامل عندها خدامتين فماعندها مشكله ابداً،، |
رد: زوجي دائماً يقلب الطاولة علي
حركته تزعل
كلميه ثاني وفهميه بس أبدا الموقف ما يستاهل تسوي منه مشكلة |
رد: زوجي دائماً يقلب الطاولة علي
الإشراقه انا ماكنت حابه تكون مشكله لكن بِما انها صارت مشكله عادي عندي ،،
|
رد: زوجي دائماً يقلب الطاولة علي
صراحة ما أشوف فيها شي ممكن يمون على صاحبه
وانتي ريحي نفسك ولا تاخذينها من باب انه مايعجبه طبخك انتي فيك الخير والبركة ترى بعض الرجال كذا نفسيا لو راح يفطر عند احد يجوز له فطورهم اكيد قد سمعتي قصة اللي شرب شوربة عند اخوه وجازت له ويمدح فيها عند زوجته وبالنهاية صارت زوجته اللي مسويتها وموديتها لبيت اخوه و انتي اطبخي وارسلي لهم |
رد: زوجي دائماً يقلب الطاولة علي
انتي زعلتي على نقطة انه فرحان بالاكلة ولاقدر وقفتك
هو فهمها كذا.. بينما اللي يزعل انه ممكن ينفهم انك ماتعرفين مع انه انا مااشوفها بهالحجم احيانا زوجي يمدح حلا من احد اصدقائه واقوله الطريقة لاهنت وكلهن عودتهن على هالطريقة.. انتي الصحيح انك بينتي له وجهة نظرك بس الموضوع مايستاهل ابدا الزعل بالنسبة لزوجك مايستوعب حساسية الحريم ككل الرجال.. خلاص لمي الموضوع وكثري استغفار بتصغرررر بعينك❤ |
رد: زوجي دائماً يقلب الطاولة علي
انا عارفه انه مسويها ع غير قصد لكن غصب جرحتني !!
ليش ماقدر يطلب مني مُباشرة وقدر يطلب من زوجة صاحبه هذا الخلاف ،، وبالنسبة لزوجي اصلاً ع طول يمدح ومالومه كلنا نمل من اكل البيت لكن مثل ماقلت سبب زعلي هو ليش انا اتعب بالمطبخ وكلمة تسلم يدك ماسمعتها !! وصاحباتي يومياً يرسلولي اكل فيكون الاكل مشكل شيء من البيت وشيء من صاحباتي ،، انا زعلي زوجي ليش ماطلب مني؟؟ لما سألته قال معقوله مو عارفه اني من اسبوع جايه ع بالي قلت له إذا ماقلت لي صريحه مستحييييل اعرف شالي يجي ع بالك !! |
رد: زوجي دائماً يقلب الطاولة علي
ودائماً لما تعجبه طبخه من خواته مثلاً يكلم اخته ويقولها علمي زوجتي الطريقه لين خواته قالو له مايصلح بعدها ماسواها ماعندي مشكله لو اخذ الطريقة من صاحبه ابداً مازعلت لكن كأني مافي امل اسويها طلبها هي وانا اكبر اكس!!
|
رد: زوجي دائماً يقلب الطاولة علي
خلاص ياعسل انتي بس وصليله هالفكرة وان هالشي يضايق ويزعل وراح يبطل ان شاء الله
وش لو اقولك حركة صارت معي مرتين طبختين اتقنهم جداا هو مااعجبنه وقال لاعاد تتكلفي مااحب هذا المهم تركتهم ولاسويتهم بس اذا رحنا لاحد ممكن اسويها بس برضو قليل خواته قبل سنتين اخذوا الطريقة وسواها وحده قبل 6شهور ووحدة قبل كم يوم ويجيني يمدح بالاكلات اللي قايل لي لاعاد تسوينها قلت له انت اكيد ماتتذكر بس ترا انت قلت لاعاد تسوينها واسأل خواتك من وين لهم الطريقة بس مازعلت ولاشيء المهم الصورة وضحت له انه ممكن اسوي شيء ويكسر مجاديفي ويذوقه عند غيري ويوصله السماء.. حنا كان قصدنا بس عطي الموضوع حجمه الطبيعي شوفي دائما الرجال الكبار ابوي وابوك تعاملهم مختلف لانهم تعرضوا لمثل هذي المواقف وفهمتهم الحياة تركبية الانثى بشكل اوضح.. اكيد برضو انتي وزوجك مريتوا بتصرفات كنتوا تحسبونها عاادي وتكتشفون انها ماتناسب الطرف الثاني وتبطلون.. الشاهد من القرقة اللي فوق هو درس المفروض يطلع منه بخبرة ولاتطلعون منه بزعل حبي وتقديري |
رد: زوجي دائماً يقلب الطاولة علي
صحيح حركته بايخه
ومن حقك تزعلين بس الرجال إذا صام تزيد عصبيته وهو زعل لما قلتي ما أبي منها وأنك متضايقة خليه لما يهدأ وبعدها بيني له أنها مو حلوه في حقك كان المفروض أكلمها وأخذ منها الطريقه أو تكتبها لي بورقه وأنا أطبخها لك الله يصلح الحال |
رد: زوجي دائماً يقلب الطاولة علي
نبض الدان هِنا المشكله طيب ليش تعبت حالي وتعلمتها علشانه صراحه قهههر انا احب اكلات مُعينه مااقدر اطبخها لي الا يوم في الاسبوع هو اللي اقدر ادلع نفسي فيه بقية الاسبوع اوفر له اكله اللي يحبه واغلب اكلاته بدون اي نكهات ماتعجبني!! فلو من الاساس ماتعبت حالي واتعلمتها ،،
وعارفه انو المفروض ماضخمت الموضوع بس صار وخلاص اصلاً من زمان يمكن من سنتين انا ماازعل وابرر له كل تصرفاته لكن يهيني خط احمممر، ريف انا ماكنت ابغاها مشكله كنت حابه يعرف ان هالشي يضايقني لإنه سواه بأشياء كثيييره واتغاضى فكان لازم انبهه ،، |
رد: زوجي دائماً يقلب الطاولة علي
وحدة من الثنتين ياتطنشية وخلية كل مابغى اكلة يروح يطلبها من غيرك اتوقع بعض الرجال يسوون كذا يبغى يقهر حرمتة لو بينهم خلاف ولو كان تافة
او شغلي كيد النساء وتبسمي وعادى وﻻجاب اﻻكل قولى هات اسكبها لك وزودي ملح فلفل اى شى مايحبة اعشاب ماعليك وخلية ياكل او منك ببحط لة صرصور وﻻ اكل ولقااااه اقولة وااااع هذا شغل الخدم الله يعز النعمة الرجال عندهم مكر فظيع لذلك يقلبون الطاولة علينا بس ربي كمان استعظم كيد النساء وانتى مابتضرينة بس خلية ينلسع وماعاد يطلب من الخلق غيرة يتمنى زوجتة تدخل مطبخ بس وربي ييسر امركم |
رد: زوجي دائماً يقلب الطاولة علي
اقتباس:
أنا قلت قبل أنهم ثعالب بمكرهم لكن يا صاحبة الموضوع شغلي كيد النساء ( أن كيدهن عظيم ) |
رد: زوجي دائماً يقلب الطاولة علي
انا استعجلت ولا بعدها بساعه جت براسي قلت ياليتني مشيتها وزوووودت ملح خليته ماينوكل علشان هو بنفسه يندم،،
فاتت علي وان شاء الله بشغل الكيد بعد اليوم ، |
| الساعة الآن 07:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©