|
ينتابني شعور بالضيق عند سفر زوجي لأهله
أسعد الله صباحكم بكل خير
شعور غريب ينتابني عندما يقرر زوجي السفر بضعة أيام لاهله،، لا أعلم أهو عشقي له أو غيرة فيه أو حبي لأن يكون لي بمفردي!!! قرر زوجي أن يسافر لاهله بعد عودته من دوامه ظهر يوم الخميس حتى يتمكن من الافطار معهم حيث أنهم في مدينة تبعد مسافة6ساعات .. وسيعود مساء يوم السبت.. طبعا عرض علي الذهاب معه لكني رفضت كون أمي مازالت في فترة العدة بعد وفاة والدي رحمه الله ولا استطيع السفر وتركها وأريد أن أظل بجانبها.. ينتابني ضيق شديد بعدما أخبرني بقراره .. ما رأيكم؟ وهل تؤيدوني أن اخبره بما أشعر به أم اضغط على نفسي ولا أبين له ذلك مع انه واضح علي جدا؟ |
رد: لماذا ينتابني هذا الشعور؟!!!
من حقه يشوف اهله ويتفظر معاهم
تعوذي من ابليس ومن حسن خلقه مااجبرك تروحي معه واستغلي الوقت بالتخفيف عن الوالده |
رد: لماذا ينتابني هذا الشعور؟!!!
ان صارحتيه بيكرهك
اهله ومن حقه يسافر لهم ومن حقهم يشوفونه اي وقت تراه ولدهم قبل يكون زوجك واهله قبل تكونين زوجته انتي كبيره وعاقله ومتعلمه لاتكثرين الحصار والملامه والنكد كونوا ازواج طبيعين لا افراط ولا تفريط حقوقك خذيها وحقوقه اعطيه تخيلي لو يتضايق من روحتك لااهلك او من وقفتك جنب امك لو اكتشفتي صدفه انه يشكي بالمنتدى ويقول اتضايق من وجود زوجتي جانب امها |
رد: لماذا ينتابني هذا الشعور؟!!!
اقتباس:
وعارفة انهم اهله ولهم حق عليه وأنا مستحيل امنعه يواصل اهله خآصة أمه كون والده متزوج غيرها وهاجرها .. بالعكس دائما اذكره بأمه واذكره يصل رحمه .. لكن أنا اتكلم عن شعور بداخلي شئت أم أبيت موجود وأشعر به؟ يمكن لانه غامرني بحنانه خآصة بعد وفاة والدي رحمة الله عليه .. أو لاني عند أهلي إزعاج واحب بيتي لاني ارتاح فيه .. مااعرف.. |
رد: لماذا ينتابني هذا الشعور؟!!!
اقتباس:
|
رد: لماذا ينتابني هذا الشعور؟!!!
طيييب إذا سافر مثلا لمهمة عمل أو غييره يعني شيء ماله علاقة لا بأهله ولا وناسته تحسي بهالشعور ؟!
إذا لا .. فاللي تحسي فيه غيرة وكثيير نسمع عن زوجات نفس حالتك تغار على زوجها من أهله الله المستعان .. اقتليها قبل تقتلك ! |
رد: لماذا ينتابني هذا الشعور؟!!!
مافيه أي مشكلة هنا
وحدي الله و حاولي تقتلين شوقك له في انك تراسلينه أو تكلمينه جوال موفقه |
رد: لماذا ينتابني هذا الشعور؟!!!
هم أهله قبل ماتكونين زوجته ..
هي أنانية أكثر منها غيرة .. |
رد: لماذا ينتابني هذا الشعور؟!!!
روحي مع زوجك
كلها يومين تقريبا .. و والدتك راح تصبر يومين مو مشكلة |
رد: لماذا ينتابني هذا الشعور؟!!!
لو أنا مكان زوجك، كان يمكن زعلت أنك مارحتي معي لأهلي، وكان زعلت لأنك فضلتي تجلسي عند أهلك على ذهابك معي (رغم أنه فيه ضرف خاص عندك ويٌقدر)، وكان زعلت لأنك تطلبين مني أني ما أزور أهلي
لذلك أحمدي ربك ، وخليك واقعية المهم أهتمي فيه قبل مايروح يزور أهله، من حيث ملابسه وشنطته إلخ.. |
رد: لماذا ينتابني هذا الشعور؟!!!
اقتباس:
أمي بالعده وتحتاجني لما تتحسن نفسيتها و تزين الظروف أزور أمك زي ما أمك غاليه عليك حتى أنا أمي غاليه علي لو أنها عايشه كان نمت عندها كل ثلاث أيام حتى لو أني متزوجه 💔 لكن نصيحه للكل برو بأمهاتكم الأم من أبواب الجنه وأعلى من شأن الزوج ويا صاحبة الموضوع أمه لها حق الجنه تحت قدميها وليست تحت قدميك هذي مو غيره هذي أنانيه ، لازم تحثينه على بر أمه ووصلها وفقكي الله |
رد: لماذا ينتابني هذا الشعور؟!!!
ريف الأشواق معليه بس عالمداخلة
حق الزوج عالزوجة مقدم على حق الام .. اذا انا غلطانة احد يصحح لي ^_^ |
رد: لماذا ينتابني هذا الشعور؟!!!
فرصة تجلسين عند امك براحتك دام هي فالعدة لاتتركينها
وهو عند اهله . ولما يجي من عندهم تتفرغين له وانتي مؤتاحة من ناحية امك ممكن يكون احساس غيرة و حب تملك .. لكن عادي شي عابر و يروح ان شاء الله |
رد: لماذا ينتابني هذا الشعور؟!!!
ارسلي له رسالة تتمني له فيها الوصول بالسلامة و توصيل السلام لأهله
الإنسان يداري ليكسب الناس لا ليخسرهم |
رد: لماذا ينتابني هذا الشعور؟!!!
تملك فقط لا غير
الغيرة في مكان آخر تماما |
رد: لماذا ينتابني هذا الشعور؟!!!
نفس الاحساس عندي
|
رد: لماذا ينتابني هذا الشعور؟!!!
سؤال هالشعور انتابك قبل ..؟
يعني لما يروح لاهله زياره حسيتي بنفس هالمشاعر ..؟ |
رد: ينتابني شعور بالضيق عند سفر زوجي لأهله
انا اتوقع شعورك من الضيق لشدة حبك وليس غيره ولاتملك
طبعا المشاعر من ربي مالاحد حكم عليها لكن تحكمك بردود افعالك لاتبينين له نكدك وتضيقين صدره لكن ادعي له واستودعيه الله امامه لاجل يحس براحه ومثلا راسليه رسايل خفيفه تبين مكانته وفقدك ولاتكثرين عليه علشان مايحس انك خانقته الله يخليكم لبعض |
رد: لماذا ينتابني هذا الشعور؟!!!
اقتباس:
مع ها الرد |
رد: لماذا ينتابني هذا الشعور؟!!!
اقتباس:
|
رد: ينتابني شعور بالضيق عند سفر زوجي لأهله
لا مش حب هذا ولا تقنعي نفسك انه حب
حب تملك فقط لا غير . . من أيام رحنا أنا وزوجي صوب أهله أكون سعيدة جدا بحسن أخلاقه مع أخواته وملاعبته لأبنائهن لأن عندي قناعة أن الزوج انعكاس لزوجته والعكس ولكن وحدة من أخواته بأمر من أمها اهتمت فيه وأطعمته بيدها تحركت الغيرة وتجنبت أنظر لهم ولكن وقتية و تنتهي بانتهاء الموقف |
رد: ينتابني شعور بالضيق عند سفر زوجي لأهله
هذا حب تملك ياعزيزتي
تبينه لك الحالك بس هالشعور سئ ..حاولي تخلصين منه وتقنعين نفسك انه له ال احقية بهالشئ وقدر الامكان تخلصي من هالشعور لانه بيتعبك انت قبل مايتعبه هو .. |
رد: ينتابني شعور بالضيق عند سفر زوجي لأهله
ليس حب تملك
إنما شعور بالوحدة و بعد الأنيس نعم لأنك تفرحي لبره بأهله. لكن لن تفرحي بالبعد. هو شعور الحزن بالبعد |
رد: ينتابني شعور بالضيق عند سفر زوجي لأهله
خليكي عادي ولا تبيني لو انك متضايقه او زعلانة
لانو لو حس انك متضايقه ولا نكدتي عليه راح يمنعك انتي كمان من اهلك |
رد: ينتابني شعور بالضيق عند سفر زوجي لأهله
فكري فيها بإيجابية
إعتبريها إجازة زوجيه لشحن العواطف ويزيد فيها الشوق |
رد: ينتابني شعور بالضيق عند سفر زوجي لأهله
الله يجزاكم خير
مستجداتي من قبل المغرب وبطني يوجعني الام الحيض.. يدوب حطيت فطور ورجعت نمت على السرير من الالم.. وعرض علي نروح مستشفى رفضت طبعا لانه سبق وقالي سابقا قبل كم شهر لما عاتبته ليش ماتسأل عني لاني تعبانة قال متعودين على هالالم قصده الم الدورة.. المهم قاعد يجهز لسفره بكره .. وتوضأ للعشاء والتراويح وقال انا بطلع اصلي وبروح للحلاق اذا بغيتي شي ارسلي لي .. المهم بعد ماهدي بطني شوي ارسلت له واتس قلت له وش رأيك تأجل سفرتك للاسبوع الجاي دام الدورة نزلت نروح نسوي فحص هرمونات لانها افضل ايام الدورة.. وعلى فكرة سبق واتفقنا اذا نزلت الدورة هالشهر نروح نسوي فحوصات ووالله قبل لايقرر هالسفره لاهله .. وبعدها بشوي ارسلت له لاتزعل من اقتراحي هو مجرد اقتراح وبامكانك ترفض وتقبل .. وبعدها بشوي قمت ندمت اني ارسلت له ورجعت قلت له لا خلاص سافر الله يحفظك خلنا نأجل الفحص للشهر الجاي .. وهو ولا رد على أي رسالة.. المهم بعد ماخلص الصلاة والحلاق اتصل علي وقال تبين شي من برا قلت لا بس ترى انا جاهزة توديني لاهلي قال ليش مستعجلة قلت لا بس الوقت قرب على12ماعاد في وقت .. قال طيب .. المهم جاء وعلمني بخبر عن زوجة اخوه انها تعبانة وقلت في نفسي الله يشفيها .. طبعا هو ماارسل يرسل لي كيف صرت ولا حتى لما رجع سألني كيف بطني.. طلعنا من البيت وعطاني بطاقة التأمين حقتي ومصروف100ريال .. وجاب لي اغراض من البقالة وحلا لاهلي .. بعدين سألته عن زوجة اخوه من متى تعبانة قالي توك الحين حتى ماقلتي الله يشفيها قلت الا قلت في نفسي وبعدين حطيت في بالي ادق عليها واسال .. قام علمني عنها وانا ساكتة .. نزلني عند اهلي وودعته وقلت انتبه لنفسك وطمني عنك اذا سافرت واذا وصلت .. مارد علي ابد.. ارسلي واتس كان نفسي القى ملابسي مرتبه في الشنطة قلت معليش حقك علي غلطت في هذا .. قال مو اجباري بس من باب الذوق عشان احس ان في احد مهتم فيني .. قلت وانت ماسالت عني ولا فكرت .. قال نفس الرد ان هذا الالم مو جديد ومتعودين عليه .. قلت عشان كذا رفضت اروح مستشفى لو اموت مااروح رغم ان بطني شفت الموت منه بس لانك سبق وقلت متعودين عليه رفضت اروح .. لان بالنهاية مااسوى شيء .. قال مافهمت .. مارديت عليه.. |
رد: ينتابني شعور بالضيق عند سفر زوجي لأهله
لا تزعلي أختي من كلامي
أنت نكدية بامتياز ومتطلبة عاطفيا جدا جدا جدا تبين الشي وما تبينه ترفضين مساعدته لك وتبينه يصر ويثبت حبه بكل الوسائل كوني أوضح في علاقتك معاه |
رد: ينتابني شعور بالضيق عند سفر زوجي لأهله
ألاحظ دائماً أنك تعتمدي على مسألة التقدير وتفهمه لكِ
يعني المفروض أن يفهم نفسيتك ويقرأ مابداخلك وبالتالي يترجم فهمه لإحساسك بواقع ملموس يشعرك بإهتمامه بك أعانك الله |
رد: ينتابني شعور بالضيق عند سفر زوجي لأهله
عليكم السلام اختنا
رد الأخت مسز داني كردي كنت اريد اكتب ما كتبته |
رد: ينتابني شعور بالضيق عند سفر زوجي لأهله
من جدك
والله انتي صادقه بحركاتك تراك كبيره ومعلمه اختي تبينه يدق ويراسل عشان الم الدوره عزيزتي مو الم طارئ ولا شي غريب ولا جديد عشان يخاف ويقلق ويسال ويراسل اختي حيلك حيلك عالرجال تراك تضغطين عليك طبيعي مايسال ولا يراسل وان راسل شكرا وكثر خيره وفوقهم ماجهزتي شنطته وملابسه اختي انتي انانيه وعندك حب الذات اختي تبغين انتي تروحين اهلك وتهتمين في امك وهو لا تبغين يسال ويراسلك عن شي تافه وانتي ماكلفتي نفسك تجهزين اغراضه يوديك ويجيبك لااهلك وانتي تتحايلين عليه عشان مايروح تصدقين زوجك صابر عشان مادته ضعيفه بس مصير الحليم يغضب وغضبه بركان مدمر ترى الزواج والزوج مو زي انتي ماتتخيلينه وزي ماانتي تتعايشينه اختي اني لك ناصحه |
رد: ينتابني شعور بالضيق عند سفر زوجي لأهله
ماتعلمتي يا الحبيبه من المشاكل السابقه
معليش فحص الهرمونات باستطاعتك تعملينه عند اهلك والرجل على استعداد سفر كان لازم تغثيته وتنكدي عليه ماقصر تذكرك بمصروف وبطاقه تامين وحلا لاهلك كان شكرتيه ورتبتي شنطته وعطرتي ملابسه وارسلتي هديه لامه برمضان الم الحيض شي متعارف عليه لو شافك جايه على نفسك وتحاولي ترتبي اغراضه بيقدرها لك وكان رديتي عليه لما قال فلانه تعبانه قلتي الله يشافيها بلحظتها و بتصل عليها باختصار زوجك حاس انك ماتحبي اهله وتتضايقي لاراح لهم |
رد: ينتابني شعور بالضيق عند سفر زوجي لأهله
مع فاكهة الشتاء
الله يعينك على نفسك،،ويصبر زوجك عليك نصيحة ثقفي نفسك قبل ماتخسرين زوجك |
رد: ينتابني شعور بالضيق عند سفر زوجي لأهله
انا اجاوب عنك لانه اغرقك بالحنان
تعلقتي به .. ولما تحسينه قصر تسوين من الموقف سالفه .! كل مواضيعك لازم تذكرين هالشي . ماسوي مافعل ما سال .. الخ .. ترضين بها وتزعلين بسببها .. ولو الروحه لاهلك وقال نفس كلامك والله مابيعجبك ولابيعجبنا احنا النساء اذا الروحه تتعلق بالاهل .. تجمل بك بس ماتجملتي به .. توقفين عند كل موقف .. واتفق كذلك مع الغاليه فاكهة الشتاء.. كوني صريحة مع نفسك عشان تكون حياتك افضل واسعد .. |
رد: ينتابني شعور بالضيق عند سفر زوجي لأهله
الله يجزاكم خير جميعكم .. ماقصرتو كفيتو ووفيتو ..
انا فعلا والله اني اغار على زوجي حتى من أهله وماأبي أحد يشاركني فيه .. هذي مشكلة عظيمة وما اعرف كيف اتخلص منها .. ساعدوني.. |
رد: ينتابني شعور بالضيق عند سفر زوجي لأهله
واخاف زوجي يظن إني ماأحب أهله لكن يشهد الله اني احب امه واخواته زي اخواتي بالضبط وبينت له هالشي .. يعني اسأل عنهم واوقف بجانبهم اذا احتاجو شيء بس اذا شفته يمازحهم أو يهتم فيهم اتضايق مرة .. ما اعرف كيف اتخلص من هاشعور .. حتى هو قالي اذا تبيني اطلع من قروب الواتس اللي فيه اخواتي وتظلو لحالكم بطلع.. قلت لا ظلو انتو اخوان أنا بطلع .. الله يجمع شملكم ويزيدكم ترابط يارب..
|
رد: ينتابني شعور بالضيق عند سفر زوجي لأهله
طبعا بيحس
غالبي وجاهدي نفسك وادعي دايم ان الله لا يجعل في قلبك ذره حقد او حسد اخوانه له حق عليهم |
| الساعة الآن 02:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©