مدلوقة باللوز
 

السلام عليكم ورحمة الله وبركاته
بونجور يا ملكات 💖💞💖
ان شاءالله الكل بيكون بخير
اليوم جايبتلكن وصفة حلويات معروفة ومشهورة خاصة بشهر رمضان
والاغلبية بحبوها والمعروف عنها انها بتنعمل اكتر شي بالفستق الحلبي
فانا حبيت غير شوي واستعمل اللوز بدل الفستق الحلبي
وطبعا ما حدا بيقدر ينافس الفستق الحلبي ان كان بالشكل او بالطعمة
ولكن لا بد من التغيير وقتل الروتين 😁😁😁😁😁

اول شي هالصورة من ارشيفي الخاص فاتفضلوا خدوا كم قطعة لكون فتت عالمطبخ وبلشت بتحضير وصفتنا لليوم

http://www13.0zz0.com/2015/06/30/10/314166212.jpg

المكونات متل ما شايفين بالصورة

http://www14.0zz0.com/2015/06/30/10/453917752.jpg

كوب سميدة
2ملعقة طعام زبدة
2كوب لوز مطحون (او فستق حلبي مطحون)
نصف كوب سكر
نصف كوب حليب
ماء ورد - ماء زهر

وكيلو قشطة طازة وقلوبات للتزيين (كاجو -لوز - فستق حلبي )

وقطر لوقت التقديم

http://www6.0zz0.com/2015/06/30/10/204045243.jpg

اول خطوة بنحط بمقلاة كوب السميدة مع ملعقتين زبدة

http://www8.0zz0.com/2015/06/30/10/395141982.jpg

وهون متل ما شايفين بالصورة بنحرك السميدة مع الزبدة ليصير لونهن ذهبي


http://www2.0zz0.com/2015/06/30/10/704952290.jpg

بنرجع بنضيف السكر والحليب وبنستمر بتحريك المزيج ليصير متجانس
بنطفئ النار

وبنضيف كوبان اللوز المطحون او (الفستق الحلبي)
وبنتركهن ليبردوا

http://www11.0zz0.com/2015/06/30/10/118264208.jpg

ومن بعد ما يبردوا بنرجع نضفلهن ماء ورد وماء زهر وبنعجن الخليط ليصير عنا عجينة متماسكة وبنمدها باي شكل بنريده

http://www6.0zz0.com/2015/06/30/10/122157192.jpg

وبنضيف القشطة على العجينة


http://www8.0zz0.com/2015/06/30/11/628827290.jpg

بما انو ما في عنا قشطة للحلويات العربية
فأنا عملت القشطة بالبيت
استعملت 4ليتر حليب سائل
و3/4كوب خل او عصير حامض

http://www2.0zz0.com/2015/06/30/10/211357924.jpg


قبل ما يغلي الحليب بضيف العصير الحامض او الخل
وبنحركهن شوي
فبينفصل الحليب عن الماي وبنصفيهن
وبيعطينا هيدي القشطة متل ما شايفين بالصورة
ان كانت الكمية كافية بس بستخدم القشطة لوحدها
وان كانت قليلة بضفلها علبة ماسكربوني
بس الطعمة نفس طعمة القشطة الطازة اللي بنشتريها من المحلات

ونزينها بقلوبات محمصة على وجهها
بس انا ما كان عندي متوفر بالبيت فاستعملت الفستق الحلبي

http://www4.0zz0.com/2015/06/30/11/381180000.jpg

ووقت التقديم بنرش عالوجه قطر حسب ما بنحب
مقادير القطر
2كوب سكر
3/4كوب ماء
1/4كوب ماءورد وماز زهر
عصرة حامض (بنوضعها قبل مل نطفي بدقيقتين )

http://www5.0zz0.com/2015/06/30/11/460822317.jpg

وهيدا الطبق عملت قطعة بالفستق الحلبي

http://www13.0zz0.com/2015/06/30/11/415159766.jpg


وانتظرونا مع وصفة تانية وكتير طيبة (حلاوة الجبن)

رمضان كريم عالجميع

رد: مدلوقة باللوز
 

يعمر بيتك شو حبيتك jyh

تسلم يدك ميموميا ... جوعتيني jytt

رد: مدلوقة باللوز
 

تعمر ديارك حبي كوكي بالافراح والمسرات
وانا كمان بحبك يا عسل 😚
الله يسلمك وحقك عليي
مرة تانية بنزل بعد الافطار ههههههه
تسلميلي يا ذوق💕💕💕💕💕💕

رد: مدلوقة باللوز
 

hfh

hfh

hfh


مش طبيعي الي عمبيصير فوق

تسلم ايديكي ميمو شكلها بيشهي تبارك الرحمن

ان شاء الله التطبيق قريبا وبخبرك بالنتيجة hgh

رد: مدلوقة باللوز
 

يا حبي يا بكر الشيب
بعرف اللي عم يصير فوق كتير قاسي وصعب ومؤلم ودمار شامل 😭😭😭😭😭😭
لكن جربي وصدقيني ما رح تخسري
وخاصة اذا عملتيها بالفستق الحلبي بتقولي هيدي هيي اللي اكلتها بالمحل الفلاني هههههههه
الله يسلمك حبي وتسلميلي يا عسل 💝💝💝💝💝💝💝

رد: مدلوقة باللوز
 

ماشاء الله تبارك الله روعه قلباً وقالباً

اتوقع بيكون فيها طعمه زي البسبوسة دام فيها سميد بس اكيد الذ لانه فيها لوز وفستق
تسلم الايادي ياميمو كلك فن وذوق ماشاء الله عليك
الله يحميك يارب ويهني اسرتك بهالأكلات الطيبه💜

رد: مدلوقة باللوز
 

رد: مدلوقة باللوز
 

الله يسلّم هالديّات تئبريني. jyh

ولو إن اسمها مب عاطفي أبداً. :D

رد: مدلوقة باللوز
 

لازم القشطه العربيه ياميو ماينفع قشطه معلبه ايش الفرق

رد: مدلوقة باللوز
 

حبي ندى الله يسلمك يا عسل 😙
ما بعرف اذا قريبة بس الطعمة الطاغية بتكون اللوز او الفستق الحلبي لانو مقابل كل كوب سميدة 2كوب فستق حلبي
وتسلميلي على كلامك الحلو اللي متلك والك مثل ما دعوتي
وربي يهنيكي باحبابك يا رب ويسعدكن دنيا وآخرة💓💓💓💓💓💓💓💓💓

رد: مدلوقة باللوز
 

يسلملي جمال حضورك وروعة كلماتك حبي مؤيدة 😙😙😙
هوي في اطيب والذ من الحلويات الشامية
ان شاءالله اليوم بنزل الوصفة
وعلى فكرة مستحيل احد بنعرفه يروح يزور سوريا وما نوصيه على حلاوة الجبن من هونيك
كتير كتير بحبها والبوظة العربية من هونيك لوحدها حكاية
الله يعم السلام بكل بقاع المسلمين ونرجع ناكل البوظة العربية متل ايام زمان ونتجول بحارات الشام
والقشطة كتير كتير لقيتها قريبة لطعمة القشطة الطازة اللي موجودة بالمحلات
وبنفس المكونات بنقدر نعمل منها قريشة وجبنة الشنكليش
وبالنسبة لمكانه ايه والله الحق معك حبي ومشكورة على التنبيه 💞💞💞💞💞💞💞
بوجي الموضوع رح يروح طيران على قسم الحلويات هههههههه

رد: مدلوقة باللوز
 

ويسلملي جمالك يا قشطة يا عسل انت 😙😙😙😙😙
تئبري عدوينك ان شاءالله
ايه الحق معك اسمها ابدا مش عاطفي بس شو طالع بايدي هيك سموها
ممكن بهيداك الوقت كان عندهن الاسم مودرن اما بوقتنا نحنا صار كارثة عالحلويات هههههه
خلص بدي شوف شو بدلعها وبخبرك هههه
نورتي حبي مهرة 💕💕💕💕💕💕💕💕💕💕

رد: مدلوقة باللوز
 

حبي ندى نحنا هيدا نوع الحلو واغلب الانواع بيعتمدوا فيها عالقشطة العربية اللي بتعطيها طعم ونكهة خاصة
للصراحة ولا مرة دايقتها بنوع تاني وخاصة المعلب بس اذا المعلب االلي بنحط عليه العسل بعتقد بتفرق منيح الطعمة
بس في كذا طريقة لتعملي قشطة للحلويات
مثلا فيكي الطريقة اللي قلت عنها حليب وخل او حامض بيطلع عندك قشطة طازة وتستعمليها متل ما هيي
ولتزيدي الكمية فيكي تساوي ليتر حليب مع خمس ملاعق نشا وبس يجمدوا ويبردوا بتخفيهن مع القشطة اللي عملتيها بتجي كتير طيبة

وفي طريقة تانية لكل كوب حليب ملعقة طحين فرخة وقبل ما تطفي بتحطي ماء ورد وماء زهر
هيدي كتير بيستعملوها بدل القشطة العربية للقطايف او العثملية

وفي طريقة بتستعملي الحليب والنشا والطحين الفرخة مع بعض
وفي اللي بيعمل القشطة بالحليب ولب الخبز الافرنجي

رد: مدلوقة باللوز
 

رد: مدلوقة باللوز
 

روووووووووووعة تسلم الايادي

رد: مدلوقة باللوز
 

الاروع حضورك عزيزتي سديم 😙😙😙😙😙
الله يسلمك يا عسل
نورتي💖💖💖💖