|
والدي يرفض عودتي لبيت زوجي
السلام عليكم
من فترة فتحت موضوع بخصوص مماطلة زوجي بزيارتي لاهلي لي تقريبا قريب الشهر ما رحت لهم و هالفترة ابوي سافر و رد وانا ما مريت لهم ابدا اليوم كنت اتكلم مع زوجيوقلتله اليوم 14 رمضان . ومارحت لاهلي و سكتنا راح بصلي الظهر و اتصل لي انه تجهزي بوديج وصلت بيت اهلي .. ابوي يقول خبريه ما بتردين اليوم بتمين كم من يوم . للحين ماخبرت زوجي ناوية اقوله .. بناء على انه طلب مني اتم يومين او عالافل لين باجر . لكن متاكدة انه ما بيرضى و ابوي لو مارضى ما بيرضى اطلع اليوم .. |
رد: والدي يرفض عودتي لبيت زوجي
شوفي بقول رأيي وأنتي حره
الرجال عندهم مبدأ أسامح إذا غلطتي علي و أمشيها وأنسى لكن أهله خط أحمر وهذا يمشي عندي أهلي خط أحمر ما يغلط على أبوي ما يمنعني أزورهم و أنام عندهم أيام لو بغيت ورغبة من أبوي مو على كيفه يمنعني عنهم خليك قويه ولا تخلينيه يتحكم فيك وقويه مره 14 رمضان ما زرتي أهلك ولا باركتي لهم بالشهر |
رد: والدي يرفض عودتي لبيت زوجي
وضعك مع زوجك مو مستقر وانتي عارفة..
لذلك نصيحة لا تخسرين ابوك |
رد: والدي يرفض عودتي لبيت زوجي
والدكِ والدكِ ..
|
رد: والدي يرفض عودتي لبيت زوجي
كلكم تقولون ابوي
ماتوقعت ردودكم . بس زوجي عادي يعند ويقول تمي عند ابوج . و انا توني رادة من بيت اهلي بعد المشاكل اللي صارت ومثل ما قلتوا وضعي مب مستقر مع زوجي ومااريد اتم هني و ينقال عن ابوي كلام مااحب اسمعه او يحطون الغلط عليه |
رد: والدي يرفض عودتي لبيت زوجي
زوجك ما يحترم أبوك
المفروض يحثك على زيارته و يبارك له بالشهر خلي أبوك يتفاهم معه |
رد: والدي يرفض عودتي لبيت زوجي
طيب أبوج ليش يريد يقعدج ؟
عقاباا له ولا بس مشتاقين لج ؟ إذا عقاب حقه فأسمعي أبوج .. إذا شوقا لج فهمي أبوج أن زوجج يرفض هذا الشيء.. |
رد: والدي يرفض عودتي لبيت زوجي
زين ياريف شو اسوي
افكر اخلي امي تكلم ابو زوجي بحكم قرابتهم وتقوله شو اللي صار وموقف ابوي .. وانه يتفاهم مغع ولده يخليني هالكم من يوم عند ابوي و يعدها يمر ياخذني لانه لو عند زوجي عادي بيتركني عندهم ويتكبؤ المشكلة و انا اريد اسد الفجوة شوي واصلح اللي بيني و بينه ويستقر وضعنا |
رد: والدي يرفض عودتي لبيت زوجي
اقتباس:
عقابا له طيب .ابوي طلب مني اقول لزوجي انه بتم عندهم هاليومين وما برد مع انه لو زوجي يمر ياخذني و يسلم على ابوي و ابوي يقوله .. اهون |
رد: والدي يرفض عودتي لبيت زوجي
أنتي بعد مل تنلامين تبين تحافظين على بيتك
والرجال عنيدين زي ماقلت قبل قولي لأبوك كل شي و خليه يتفاهم معه وزوجك ما يتصرف كذا إلا بسبب |
رد: والدي يرفض عودتي لبيت زوجي
أنا ماأعرف قصتك
لكن مهما كان حافظي على بيتك محد نافعك لو تطلقتي لا سمح الله خذي لفه على قسم المطلقات و شوفي المعاناة بعينك |
رد: والدي يرفض عودتي لبيت زوجي
وعليكم السلام أختي
حتى أنا مثلك لم اتوقع الردود انفعالية اسمعيني يا أختي الكريمة ، التحريضات والحرب والعناد لا تزيد العلاقة الزوجية الا نكد وتوتر ، فلا تسمعي كلام من احد محرض للشر ، اذا كان احد عنده سلوك عدائي ويعتقد انه قوة وشجاعة فهذا لن يكون سعيد في حياته ، لان من يستعمل القوة سيلاقي من هو اقوى منه ويصرعه. اختي الكريمة البنت بعد خروجها من ولي امرها (الاب) لبيت الزوجية يصبح وليها عند الله سبحانه (الزوج) وتخرج ولاية الاب فوراً ، فليس من حق الاب يمنع ابنته الرجوع لزوجها ، واما وضعك الان فأنت في حيرة ، فلا تدرين ترضين من ؟ تناقشي مع زوجك بالكلمة الطيبة وقولي له الوالد مشتاق لابنته تجلس معهم يومين ، فما رأيك؟ انت صاحب القرار ووالدي لا يتدخل في حياتنا ولن اسمح لأي أحد يتدخل في حياتنا، ولكن احببت ارى رأيك انت قرر وسنطيعك يا زوجي الحبيب. اذا لم يوافق زوجك ، فليس لك إلا التفاهم مع امك تكون همزة وصل مع والدك لتقنعه ان الامر ليس بيدك ولا تريدين تتوتر العلاقة مع زوجك، ويتهمك زوجك انك عنيدة ويتحكمون فيك اهلك كأنك بنت عازبة وليست متزوجة مستقلة لها وعليها . |
رد: والدي يرفض عودتي لبيت زوجي
أشكركم جدا عالردود .
بتكلم مع زوجي واتمنى انه يتفهم .. لانه فعلا مب حابة اوتر العلاقة اكثر . ولا ان يفهم زوجي اني اتبع اهلي . اكررره هالمواقف .اللي اكون عالقة بين اهلي وزوجي |
رد: والدي يرفض عودتي لبيت زوجي
كناري البحرين
بصراحة زوجي ما يسوي سالفة لابوي و لا يحترمه صح ما يغلط عليه بالوجه لكن ما يسويله اعتبار . ماالوم ابوي على ردة فعله لكن انا بين و بين |
رد: والدي يرفض عودتي لبيت زوجي
أنا أشوف انك ماتكلمي زوجك خاصة انه عنيد زي ماقلتي وممكن يفكر انك تعاقبيه لانه مايوديك لاهلك .. لكن برأيي إذا جاء ياخذك قولي لابوك يبلغه إنه حاب إنك تقعدي عند أهلك كم يوم لان لك فترة مازرتيهم وزيارة عابرة ماتكفي .. وانتي سوي نفسك ماتعرفي الموضوع ابدا ،، منها تحافظي على بيتك ومنها أبوك يسوي اللي برأسه يمكن في باله طريقة يأدب فيها زوجك..
والله يفرج همك ويسخر لك زوجك |
رد: والدي يرفض عودتي لبيت زوجي
يعني يجي زوجي لعند الباب و ابوي يرده
مااعرف لو هذا هو الافضل وما بيسويها زوجي مشكلة |
رد: والدي يرفض عودتي لبيت زوجي
اقتباس:
هذا الكلام الي اختصر كل الردود بارك الله فيك |
رد: والدي يرفض عودتي لبيت زوجي
كلمت زوجي عالواتس
قال لي و بعدين؟ قلتله . بس هالمرة صار لي زمان عنهم . قال . برد عليج بعد التراويح. طيب . ولو رفض ؟؟ |
رد: والدي يرفض عودتي لبيت زوجي
الله يهديه ويعينك عليه
بس لي تعليق المطلقه مالها ذنب ولا غلطانه زيها زي المطلق ألي يخطب بنت بكر وترفضه |
رد: والدي يرفض عودتي لبيت زوجي
اريد اصلح الامور و اهديها
مب اشحن نفس ابوي او نفس زوجي هالوضع المشحون يوترني و ينرفزني . الله ييسر .. لو اني اع ف انه زوحي متفاهم بكلمه بوضوح انه ابوي يريدني اتم لاني من زمان ما زرتهم لكن لو قلت هالكلام .. زوجي بياهذه انه اجبار وعناد .. و بيقول انا زوجج وكلمتي تمشي عليج |
رد: والدي يرفض عودتي لبيت زوجي
بغض النظر الحق مع من
اسلوب ابيك خطأ لأن هذا استغفال وصلك لأهلك كزيارة عادية و الآن ابيك لا يريدك ان تعودين طاعة الزوجة مقدمة على طاعة الأب و العكس دمر و خرب بيوت كثيرة بحجة البر استغفلتوه و سوف يكبر الوضوع وقد يصل للطلاق و قد تكوني بحكم الناشز داري امورك و حلي الموضوع قبل ان يكبر كبقائك لمدة يوم واحد بمنزل والدك و اقنعي والدك و زوجك وهذا حل وسط |
رد: والدي يرفض عودتي لبيت زوجي
تلكيذ الحياة
نعم انا احاول اسوي الامور بعيد عنهم خبرت زوجس اني ابات اليوم ولو وافق بقنعابوي اني ارد باجر لكن ان ما وافق ؟؟؟ |
رد: والدي يرفض عودتي لبيت زوجي
اقتباس:
|
رد: والدي يرفض عودتي لبيت زوجي
اخت /اميرة بمملكتي
الكلمة الطيبة تجيب نتائج مذلة سوا مع الرجل او المراة . |
رد: والدي يرفض عودتي لبيت زوجي
اقتباس:
كيف استخدم الكلمة الطيبة بموضوعي ؟ الحمدلله زوجي وافق انه ابات و يمر ياخذني باجر الظهر و كلمت امي تكلم ابوي اني ارد باجر . |
رد: والدي يرفض عودتي لبيت زوجي
اقتباس:
يهدم اركان البيت ولكن المبادرة بالكلمة الطيبة لها الاثر الاكبر علي استمرارية الحياة بينهم اذا شد طرف ارخي الطرف الاخر وعسي الله يصلح مابينكم |
رد: والدي يرفض عودتي لبيت زوجي
بشكل عام
علاقة زوجي بوالدي متوترة .. زوجي بصراحة ما يحترم ابوي و لا يسويله قدر . و يتجنبه . وزيارتي لاهلي بعد يماطل فيها .. وبصراحة تعبت من هالشي اليوم .. قبل لانطلع قلتله ماعطيتني الفلوس اللي قلت لك عنها وهي مبلغ اشتريت فيه اغراض لبنتي وقت ما كنت بيت ابوي ( حفاظات . وحليب ) يقول لي .. مرة ثانية اذا زعلتي ورحتي خلي بنتي هني دام ما يبون يشترولها قلتله بنتج انت ملزوم فيها وين ما كانت وانا ما طلبت منك شي وقت ماكنت عندهم . ومن هالكلام قلتله اهلي لا تتكلم عنهم بشي .. و ترى هم مااذوك بشي وماغلطوا عليك وتتحسس من كل شي .. وانا متحملة اهانات اهلك ..الخ |
رد: والدي يرفض عودتي لبيت زوجي
كيف اتعامل مع هالموضوع بشكل عام
|
رد: والدي يرفض عودتي لبيت زوجي
اقتباس:
الا انتي تشكين عند ابوك كل صغيرة وكبيرة ولا تبين ابوك يكرهة وبالطرف الاخر بيكون فية كرة وعدم محبة مو لبوك بس لهلك كلهم ولكن المراة العاقلة تازن الامور وتحافظ قدر المستطاع علي صورة زوجها عند اهلها لتكسب الطرفين وبدليل زوجك ما يحب انة يروح لبيت اهلك |
رد: والدي يرفض عودتي لبيت زوجي
اقتباس:
ابوي يضايق منه لانه دايما يعزمه ويرفض و يوصلني لعندهم و ما ينزل يسلم و يماطل جدا بالزيارة لهم واذا طلب ابوي انه اروح معاهم لمكان يرفض . حاليا .. كيف اتعايش مع الوضع؟ |
رد: والدي يرفض عودتي لبيت زوجي
انا لو جيت عندي اهلي وقلت لهم زوجتي
فيها وفيها راح اهلي يكرهونا ولا راح احد يحبها ولكن اذا كان فية شي بيني وبينها اصلحة ...طبعا هذا مثال فقط |
رد: والدي يرفض عودتي لبيت زوجي
اقتباس:
وزوجك ...كيف ... اذا رجعتي من بيت اهلك قوليلة ترى ابوي يسلم عليك واذا جاء من الدوام قوليلة ابو ي اتصل اليوم ويسلم عليك طبعا انتي بسبيل الاصلاح بينهم مع الوقت يرق قلبة وتتغير نظرتة لوالدك والعكس صحيح بنسبة لوالدك قولي لة فلان بسلم عليك |
رد: والدي يرفض عودتي لبيت زوجي
الحمد لله ان زوجك تفهم الوضع وكلام كناري صح وده الشرع وخديهم الاتنين بالدبلوماسية زي ما قالك شاطئ الراحة ما تكبريش الامور وانتي اللي بايدك تخلي امور زوجك مع والدك كويسة علي فكرة انا زيك اهلي ما دخلوش بيتي من يوم زواجي وزوجي ما راحش لاهلي غير كل عيد يروح ربع ساعة وينزل ومفيش مرة وصلني وجه
خادني وطلع لهم برغم المسافة بين بيتي وبيت اهلي ما تعديش خمس دقايق بس عرفت اصلح اموري ربنا يسعدك دنيا واخرة |
رد: والدي يرفض عودتي لبيت زوجي
اقتباس:
اقتباس:
ان شااء الله بحاول باسلوب الدبلوماسية واشوف شو يصير . |
رد: والدي يرفض عودتي لبيت زوجي
بعد الفجر سالني ابوي شو قلت لزوجي وشو قال لي
قلتله خبرته انك تباني اتم لانه صار لي فترة ما زرتكم .. و قال لي عادي باتي و بمر الظهر اخذج قال : ما بتطلعين . حاولت انا وخواتي نقنعه انه وافق اتم عندكم و انه خلاص ماله داعي نطولها ...الخ قمنا قبل الظهر وابوي برع واكلم امي تقول اجهزي وروحي وانا بكلم ابوج مر زوجي و ابوي محد .. وتجهزت وامي طلعت لزوجي وكانت تكلمه بخصوص الزيارة و اني طولت عليهم ومب حلوة في حق ابوي انه يسافر و ماامر عليه شوي الا وصلىابوي وكلم زوجي بنرفزة انه لو ابوك بتروح تودعه والا لا ...الخ و قال له روح بنتي بتم عندي . دخلو وامي تقول له .. ما له لزمه نطولها . هالسالفة بسيطة و بتجي سوالف اكبر تستلزم انه ناخذ البنت عندنا. وابوي معصب و يقول لي تبين تروحين روحي بس مرة 2 لا تجي عندي. وامي تهديه وتقول لا تخلي البنت بينكم ومب عارفة ترضي من شوي اتصل زوجي و امي تقول لي .. خلاص روحي قال لي انا برع بتطلعين والا لا قلتله انا متجهزة اصلا . قال ابوج يقول ما تطلعين . الحين بتطلعين والا لا قلتله انتظر شوي و دخلت كملو نقاش شوي وةامي تهديه و قالت لي خلاص اطلعي لزوحج وروحت زوجي متنرفز و ماياب طاري الموضوع ابدا و نزلني للبيت و طلع .. وابوي معصب و مستحيل اكلمه الحين . الحل ؟؟ |
رد: والدي يرفض عودتي لبيت زوجي
زوجك من النوع العنيد الله يعينك
يبا لة مسايس تفاوضي معه على انك تروحي جمعة وجمعه ﻻ بس تنامي ليلة عند اهلك ﻻزم يكون الموضوع واضح بالنسبة لك قوليلة لما يكون رايق ان هالموضوع مسبب لك توتر وان تبغين لة حل ﻻن اذا انت حطيت لة حد اهلي مابيدخلون وترى حلو جمعه وجمعه ﻻ ﻻن مستقبﻻ بتنشغلي مع اوﻻدك وهو يكون تبرمج على هالشي والله يوفقك |
رد: والدي يرفض عودتي لبيت زوجي
ماتسوين اي شي
تجاوزي |
رد: والدي يرفض عودتي لبيت زوجي
ابوك اتركيه لامك تحتوي زعله و تقنعه بانه روحتك لبيتك افضل
مع زوجك خليك هادية وما تفتحي معاه الموضوع اذا هو فتحه قولي له انت السبب لو طعت توديني من غير تعنث ما وصلنا لهون و هذول اهلي ما اقطعهم لو شو ما صار بهدوء و بدون رفع صوت و انسحبي |
رد: والدي يرفض عودتي لبيت زوجي
اقتباس:
امي وابوي الحمدلله بعدهم عالدنيا واخواني ماليين البيت ليش افطعهم .. والمسافة كلها 10 دقايق .. . . واتمنى انه يحدد يوم للزيارة ونخلص من هالمعاناه اقتباس:
ابوي زعلان .. طلعت من دون رضاه كلمت اختي قالت لي بعده زعلان ومعصب من الكل و ما اكل اليوم فالبيت وما يكلمهم . اقتباس:
وكيف طلعتي ؟ قلتله شوف تصرفاتك وين ودتني . و فهمته انه ابوي يباني اتم كم من يوم تعويض عن فترة غيابي و لاني ما مريتةاسلم عليه وقت سفره .لكن انت مب متفهم وشو كان بيصير لو داريت الموقف . من وصلت وانا اصيح لين الحين ومب عارفة شو اسوي خصوصا بعد ما عرفت بزعل ابوي توقعت يقتنع بكلام امي و خواتي |
رد: والدي يرفض عودتي لبيت زوجي
معلش
مالوم ابوك انقهر زوجك كان لازم يتحمل نتيجه اشقاقه وتعسيره عليك ماتسوى يرتفع ضغط ابوك وينجلط بسبه شخص مثل زوجك مايعرف الواجب ولا الاحترام ليه ما ينزل عند عمه يسلم عليه ويوجبه ابوك منغث ومحتر منه والي سويتيه زاد حرته وغثاه كان قلتي ادخل تفاهم مع ابوي وسلم عليه واخذ بخاطره ترى متضايق وسؤالي ليه ما تخلي اخوانك يجون ياخذونك بدل منته عليك اختي كثير كنا نرسل اخواني يجيبونها اذا زوجها مشغول او ماله خلق |
| الساعة الآن 08:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©