|
مائدتي الرمضانية (يوم 22)[مميز]
http://www7.0zz0.com/2012/11/27/19/581843091.gif السلام عليكم ورحمة الله وبركاته http://www7.0zz0.com/2015/07/10/00/584077461.jpg نورت دنيانا رمضان بشرانا بالعفو تلقانا بالفضل والايمان أقبلت بالخيرات بالبر والطاعات للفوز بالجنات للفوز بالجنات والروح والايمان ياعالي القدر كالكوكب الدر بالصوم والذكر وتلاوة القرآن صياما مقبولا وافطارا شهيا بما انو اليوم دوري بالمائدة الرمضانية واكلنا عادة عم يكون خفيف وبكميات قليلة فعملت الاكل مرة وحدة لتلات أيام وهيك بكون اخذت اجازة من المطبخ لليومين الجايين😊😊😊😊😊😊 http://www8.0zz0.com/2015/07/10/00/921875618.jpg http://www2.0zz0.com/2015/07/10/00/509072812.jpg فطونا عبارة عن مقبلات (رقاقات بالجبن -فطائر سبانخ-بطاطا بالاعشاب-بابا غنوج-متبل الافودكا) وصنفين رئسيين وسلطة المعكرونة وسلطة الخضار والمشروبات جلاب وعصير برتقال والحلويات حلاوة الرز وبالوظة بالبرتقال http://www14.0zz0.com/2015/07/10/01/750685208.jpg فيليه بالطحينة http://www9.0zz0.com/2015/07/10/01/616184206.jpg سلمون مع الخضار وصوص الكريم بالفطر http://www5.0zz0.com/2015/07/10/01/631163358.jpg فطائر سبانخ http://www14.0zz0.com/2015/07/10/01/491034232.jpg سلطة المعكرونة http://www7.0zz0.com/2015/07/10/01/606209231.jpg بابا غنوج ومتبل الافودكا http://www11.0zz0.com/2015/07/10/01/740948664.jpg رقاقات بالجبن وبطاطا بالاعشاب http://www8.0zz0.com/2015/07/10/01/924361463.jpg حلاوة الرز وبالوظة بالبرتقال http://www14.0zz0.com/2015/07/10/01/709793906.jpg بنبدأ باول طبق رئيسي فيليه بالطحينة http://www12.0zz0.com/2015/07/10/01/782347144.jpg بنستخدم اي نوع فيليه بنحبه وبننقعه بالحامض وزيت الزيتون والملح والكمون لمدة ساعة ومتل ما بنحب فينا نشويه بالفرن وفينا نغمس الفيليه بالطحين اي الدقيق ونقليه ليصير لونه ذهبي لتحضير الطحينة بنقلي بصل جوانح بزيت الزيتون وبس يذبلو بنضيف خليط الطرطور اي الحامض والملح والطحينة والماء والثوم وبنحركهن ليغلي الخليط وبنطفي وبنسكبه فوق الفيليه وبنزينه بالقلوبات (لوز- كاجو- صنوبر )والبقدونس ويقدم الى جانبه الرز وبالنسبة للمقادير انا ما اتبعت مقادير محددة بل اتبعت الذوق انتوا كيف بتحبوا زيادة ملح وحامض او أنقص هالشي بيرجعلكن طبق السلمون والخضار بصوص الكريم والفطر http://www4.0zz0.com/2015/07/10/03/134783840.jpg فينا نستبدل السلمون بستيك اللحم او الدجاج انا استعملت سلمون ونقعته بالملح والحامض والزيت والشومر وبالمقلاية قليته وغطيت المقلاية بالغطا من دون تحريكهن لنضج بنسلق اول شي الجزر وبعد عشر دقائق بنضيف البطاطا وبس يقاربوا عالنضج بنضيف البروكلي وبنسلق الهليون او فينا نستبدله بهيلون جاهز بعد ما نخلص سلق بنحطلهن شوي زبدة ورشة ملح اما صوص الكريم بالفطر بنقلي بالزبدة ثوم عدد 2وبصلة متوسطة الحجم مفرومين فرم كتير ناعم حتى يذبلوا بنضيف نصف ليتر كريما طازجة للطبخ وبنحركهن ليغلوا بنضيف الفطر الطازج او المجفف وبنحط ملح وبهار ابيض واسود وبنطفئ النار بس نحصل على مزيج كريمي فطائر سبانخ http://www11.0zz0.com/2015/07/10/01/750431161.jpg العجينة : كيلو طحين ملعقة طعام خميرة او مكعب خميرة طازجة ملعقة طعام سكر ملعقة صغيرة ملح اقل من نصف كوب زيت نباتي مخلوط بزيت زيتون ماء حسب الحاجة بنخلط الطحين مع باقي المكونات وبنعجنهن بالماء حسب الحاجة لنحصل على عجينة متماسكة بنتركها لترتاح وتختمر (انا دايما بعجن قبل بوقت وبحطها بالفريزر ووقت الاستخدام بطلعها بتطلع الذ ) حشوة السبانخ نصف كيلو سبانخ مفروم ناعم 2بصل حجم وسط مفروم ناعم ملح حسب الحاجة رشة سبع بهارات او فلفل اسود ملعقة صغيرة سماق عصير حامض ربع كوب او حسب الحاجة زيت زيتون وبنخلط المكونات مع بعض وفينا نضيف حبة بندورة مع شطة وفينا نستغني عنهم الطريقة بنقطع العجينة الى قطع صغيرة على شكل كرات وبنرقها ونوضع عليها مقدار من الحشوة وبنسكرها بالشكل اللي بنحبه وبندهنها بزيت الزيتون ممزوج بزيت نباتي وبندخلها على فرن حامي ليصبح لونها ذهبي يتبع |
رد: مائدتي الرمضانية (يوم 22)
بطاطا بالاعشاب http://www9.0zz0.com/2015/07/10/02/805736080.jpg بنقطع كيلو بطاطا الى اصابع سميكة وفينا نترك القشر عليها ان كان رقيق بننقعهن لمد ساعة بزيت الزيتون والملح وورشة كل من الاوريغانو والزعتر والريحان والبابريكا والثوم المجفف والبصل المجفف والكزبرة وبنوضعهن على ورق الزبدة وبندخلهن الفرن لينضجوا حسب ذوقنا ان كان بنحبهن مقرمشين او نضج عادي رقاقات بالجبنة http://www7.0zz0.com/2015/07/10/02/892804371.jpg عجينة رقاقات كل 400غرام جبن موزاريلا 200غرام جبنة فيتا بقدونس مفروم ناعم حبة البركة رشة بهار ابيض بنوضع الحشو على عجينة الرقاقات وبنلفها على شكل رول وبنسكرها بالطحين ممزوج بالماء لكي لا تخرج الحشوة منها وبنقليها بزيت حامي سلطة المعكرونة http://www9.0zz0.com/2015/07/10/02/528663031.jpg بنسلق معكرونة الشكل اللي بنحبه ما عادا الطويلة وبنسلقها بماء وملح وزيت زيتون بس تنضج بنصفيها وبنضفلها ملح وزيت زيتون واوريغانو وزعتر وسماق وريحان طازج او مجفف وبنخلطهن جيدا وبنرجع بنضيف زيتون اسود وذرة وفطر وجبنة فيتا وفينا نضيف فليفلة خضرا وبنخلطهن مرة تانية وبنقدمها كسلطة سلطة الخضار http://www7.0zz0.com/2015/07/10/02/173220737.jpg سبانخ -جزر خيار -بندورة كرزية شمندر-أفودكا بنستعمل الصوص اللي بنفضلها جاهزة او اللي بنعملها بالبيت بابا غنوج ومتبل الافودكا http://www8.0zz0.com/2015/07/10/02/835547396.jpg نشوي باذنجان ونزيل عنهم القشر ونطحنهم ونضيف الملح والحامض والطحينة والقليل من الثوم ونضع على الوجه رمان وزيت الزيتون الافوكا ننزع النوى من الافودكا ونهرسها بواسطة الشوكة ونتبلها بالحامض والملح وقليل من الثوم ويمكن الاستغناء عن الثوم بالوظة بالبرتقال هيدي الوصفة اعطتني ياها رفيقتي http://www11.0zz0.com/2015/07/10/03/880004204.jpg 5اكواب حليب سائل 5ملاعق طعام نشاء 10ملاعق طعام سكر ملعقة وسط فانيلا ماء ورد وماء زهر 2كوب برتقال ملعقة نشا اول شي بنذوب 5اكواب من الحليب مع خمس ملاعق نشا بنوضعهن على النار مع التحريك باستمرار وعندما يتكاثفوا نضع السكر والفانيلا وماء الورد والزهر ونتستمر بتحريكهن ليتماسك المزيج نسكب الخليط في كاسات ونتركها تبرد اثناء ذلك نذوب ملعقتين نشا في كوبين من عصير البرتقال ونضعهم على النار مع التحريك ليشتدوا ونسكبهن فوق الطبقة الاولى وفينا نضيف سكر وفينا من دونها ونخلي طعم الحموضة مع الحلو بنغس الوقت حلاوة الرز http://www10.0zz0.com/2015/07/10/04/617646759.jpg http://www8.0zz0.com/2015/07/10/04/424994760.jpg 1/2كوب رز مطحون او كوب ارز مصري 3اكواب ماء كوب سكر 2كوب جبن موزاريلا او عكاوي مبروشة مستكة ماء الورد والزهر اول شي اذا استعملنا رز مطحون بنوضع الرز في مقلاة مع تلات اكواب ماء وبنحركهم ليتكاثفوا عندها نضع كوب السكر وماء الورد والزهر والمستكة ونستمر بالتحريك سنلاحظ ان المزيج سيرخي بعد وضع السكر فنستمر بالتحريك الى ان يشتد ونضع الجبنة المبروشة الى ان تذوب ونطفى النار نسكبها في كاسات او وعاء كبير ونزينها بالفستق الحلبي ممكن نضيف القشطة العربية الطازجة على الوجه وتقدم مع القطر او بدونها حسب الذوق وفي حال استعملنا الجبن العكاوي يحتاح ان ينقع في الماء ونبدل الماء كل فترة لكي نزيل الملح منه ما اذا استعملنا الارز المصري فسأنزل اليوم الطريقة في موضوع مستقل تقبل الله صالح اعمالنا واعمالكن واعاده عليكم وعلى احبائكم بالخير والبركة ايام ونودع شهر رمضان ونستقبل عيد الفطر اسأل الله ان يبلغكم صيام وقيام ما تبقى منه وكل عام وانتم بألف خير 💞💞💞💞💞💞💞💞💞 💖💖💖💖💖💖💖💖💖💖💖💖💖💖 |
رد: مائدتي الرمضانية (يوم 22)
السلام عليكم ورحمة الله ..
ما شاء الله ولا قوة إلا بالله تسلم الأيادي ميمو ، وبالعافية عليكم يارب أطباق جميلة و صحية ، وسفرة أنيقة وجميلة مثلك .. كتير حبيت طبق السلمون بالخضار والصوص ، لكن ممكن أستبدل السلمون بالستيك اللحم .. وكمان متبل الأفوكادو روعة ... البالوظة حلى شامي لذيذ وسهل ، وطالع معك روعة تسسلم الأيادي .. بارك الله فيك ، بالتوفيق يارب ... كل ودي لك |
رد: مائدتي الرمضانية (يوم 22)
ماشالله تبارك الله
انتي زوق واكلك زوق وطيب متلك |
رد: مائدتي الرمضانية (يوم 22)
ماشاء الله تبارك الله
تسلم الايادي والله شو هالسفره الجمييله عساه اكل العافيه والله يكتب اجرك ابداع واحسه لذييذ متعوب عليها وااضح مجهودك |
رد: مائدتي الرمضانية (يوم 22)
الله يعطيك الف عافية
|
رد: مائدتي الرمضانية (يوم 22)
وه ماشاءالله تبارك الله
أطباق شهيه تسلم الايادي .. |
رد: مائدتي الرمضانية (يوم 22)
اقتباس:
تسلميلي عالكلام الحلو اللي متلك حبيبتي مؤيدة 💖💖💖💖 ايه اكيد بيجي طيب بالستيك اللحمة او صدر الدجاج وهلئ صححت كلمة بالوظة رفيقتي كتبتلي الاسم والوصفة بالاحرف الاجنبية فقريتها بحرف ز بدل ظ ههههه وهي مرت خيها من سوريا علمتها ياها وكتير عجبتني وعجبت الاولاد الله يبارك بعمرك واحبابك محبتي وودي ddg ddg ddg |
رد: مائدتي الرمضانية (يوم 22)
اقتباس:
مرسي يا عسل نورتي ddg ddg ddg |
رد: مائدتي الرمضانية (يوم 22)
اقتباس:
حبيبتي يا ملكة شو هالكلام الحلو 😙😙😙 ربي يحلي ايامك مرسي يا عسل هيدا من ذوقك💞💞💞💞💞 والله يسلمك ويعافيكي نورتي ddg ddg ddg ddg |
رد: مائدتي الرمضانية (يوم 22)
اقتباس:
تسلميلي يا ذوق نورتيddg ddg ddg |
رد: مائدتي الرمضانية (يوم 22)
اقتباس:
هيدا من ذوقك اللي احلى من السكر نورتيddg ddg ddg |
رد: مائدتي الرمضانية (يوم 22)
ماشاء الله لاقوة الابالله ايش هالسفرة الملكية ولا احسن مطعم يعمل سفرة مثلها
الله يحميك ميمو ياغالية ويسلم الايادي يارب تمنيت اكون جالسه معكم ع السفرة واستمتع بهالاطباق الذيذة والشهية 💜💜💜💜💜 كل طبق الذ من الثاني خاصة الفيلية مبين انه روعه يعطيك العافيه ماقصرتي شي راقي ومتعوب عليه 😘😘😘😘😘😘😘 |
رد: مائدتي الرمضانية (يوم 22)
حبيت شي يشهي صراحه
تسلم الايادي |
رد: مائدتي الرمضانية (يوم 22)
ياخطير انتاااااااااااااا :22:
ماشاء الله تبارك الله لذةةةةةة كل اصنف اشهى من الثاني .. mhm تسلم يدك وصحتين على قلبك fdgrg |
رد: مائدتي الرمضانية (يوم 22)
بارك الله فيك
عوافي قلبوش mimomea |
رد: مائدتي الرمضانية (يوم 22)
اقتباس:
ايه والله يا ريتك كنت معنا كنت زينتي السفرة وصار للاكل طعم ألذ ومرسي حبي عالدعوات الحلوة ربي يحميكي ويحفظلك احبابك ويسعدك دنيا وآخرة وبالنسبة للمطعم رح نفتح انا ومؤيدة مطعم كل شي متفقين عليه بعد ناقصنا اختيار الاسم هههههههه الله يعافيكي يا عسل💝💝💝💝💝💝 |
رد: مائدتي الرمضانية (يوم 22)
اقتباس:
الله يسلمك يا عسل نورتي 💖💖💖💖 |
رد: مائدتي الرمضانية (يوم 22)
اقتباس:
خجلتيني والله على هالكلام الخطير قوي قوي ههههه هلئ بصدق حالي 😁😁😁😁😁😁😁 الله يسلمك وعلى قلبك حبي مرسي كتير نورتي💞💞💞💞💞 |
رد: مائدتي الرمضانية (يوم 22)
اقتباس:
مرسي حبيبتي ملكة ذاتي كلك ذوق الله يعافيكي يا رب نورتي💖💖💖💖💖💖 |
رد: مائدتي الرمضانية (يوم 22)
يسلم لي الفن اللبناني على سويسري على اوروبي
على بحري ومناقيش وكله كله .. الله يسعدك ميمو مميزه جدا بإطباقك وما احد بيشبهك 💕 اخذت منك عجينة فطاير السبانخ ، واملناها برمضان كلمة روعه قليله عليها .. الله يحفظك .. اشتهيت الفيليه .. عساه مأكول العافيه يارب .. ومجهود كبير منك واخواتنا العزيزات المشاركات الله يجعله في موازين حسناتكم . والله يتقبل منا ومنكم وجعلنا من عواده . |
رد: مائدتي الرمضانية (يوم 22)
اقتباس:
مرسي حبيبتي شقردية كلامك وسام بفتخر فيه خجلتيني والله وهيدا من ذوقك يا عسل وعنجد كتير فرحت انو عجبتك عجينة الفطاير انا بستعملها للفطاير والمناقيش والبيتزا بس بالبيتزا بستعمل زيت الزيتون لوحده من دون خلطه بالزيت النباتي وعلى قلبك حبيبتي 💕💕💕💕💕 ومشكورة عالدعوات الحلوة ولك بالمثل 💖💖💖💖💖 وفطر مبارك ينعاد عليكي وعلى عيلتك واحبابك بالخير والبركة 💝💝💝💝💝💝 |
رد: مائدتي الرمضانية (يوم 22)
تجنننن ماشاءالله
|
رد: مائدتي الرمضانية (يوم 22)
ما شاء الله تبارك الله الله يعطيك العافية
أطباق لذيذة وجميلة أكيد تقبل الله منكم وكل عام وانتم بخير |
رد: مائدتي الرمضانية (يوم 22)
ماشاءالله تسلم الأيادي تعيشي وتسوي .. ربي يخليك لأولادك وما يحرمكم من بعض .
اقتباس:
بالعافيية ع قلوبكم ~ |
رد: مائدتي الرمضانية (يوم 22)
اقتباس:
تسلميلي ان شاءالله نورتي💖💖💖💖 |
رد: مائدتي الرمضانية (يوم 22)[مميز]
يُميز مع وافر الشكر |
| الساعة الآن 04:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©