|
سكن اخت زوجي كيف اتصرف
السلام عليكم ورحمة الله وبركاته
لو طلب زوجي انه يسكن اخته في بيتي ايش التصرف الصحيح اللي اقدر اسويه بدون جرح اخته كبيره ومطلقه ولكنها تعودت عايشه في بيته الاول اكثر من 15سنه والان يفكر ينقلها عندي مدري ايش الاسباب!! انا ماابي احد عندي بصراحه ابي اخذ راحتي في بيتي مابي احد يملي علي صلحي كذا وسوي كذا وانا جربتها مره جابها عندي يوم لما صحيت الصباح وصحي ابني جلست مستقعده على راسي تقولي قومي غسلي له وجهه تروح وتجي علي انا أساسا راح اقوم من غير كلام بس تدرون لما يكون احد فوق راسكم ع اساس انه هو الفاهم وبيعلمك الصح من الغلط.. تفاهمت مع زوجي وقلتله ماابيك تحرجني هي متعوده عليكم خلاص خلها عندكم ابي اخذ راحتي فبيتي اخذها وسكت بدون نقاش والحين له فتره رجع يلمح بانه في حال نقلني في منطقته راح يجيب اخته تسكن عندي فقط تلميح وانا ماعطيته ولا كلمه لانه ماصرح لو صارحني وقال بيجيبها ايش اقول بايش اتعذر بدون جرح لها وله للعلم اخته تعبانه وعندها انفصام شخصيه الله يشفيها انا لهذا السبب مو قابله لاني اخاف منها صراحه واخاف على اطفالي اخاف تشيل سكين وتسوي شي بأحد الشي الثاني انا من النوع اجامل الناس على حساب نفسي واعرف نفسي بنحرج بكل شي منها وراح أبديها على نفسي لو ابي شي وهي تبي عكسه راح اجاملها وانا بنفسي كتمهhfh صعب صعب ماراح اعرف اتعامل معاها ولاأتخيل لو جا زوجي ايش بلبس وكيف باخذ راحتي بالكلام وهي موجوده بيننا طبعا من حقي الرفض اعرف الشي هذا لكن كيف اتصرف لو جابها فجأه لان زوجي راعي قرارات لوحده مايستشير ولاياخذ راي احد يدبر وينفذglh وسلامتكم..ghg |
رد: سكن اخت زوجي كيف اتصرف
15 سنة عايشة في بيته الأول ومستقرة .. وفجأة يبغي ينقلها؟! افهمي السبب الأول يا ابتسامة وبعدين قرري وناقشيه. |
رد: سكن اخت زوجي كيف اتصرف
اقتباس:
للأسف يامهره وهذا اللي تاعبني معاه على بالك لو سألته بشكل صريح بيجاوب !!! بيلف ويدور بدون ذكر الاسباب وانا بالنهايه ماراح ألقى شي يفيدني بس مره قال عذر سخيف يقول تبين تكونين لحالك!!؟ قلت وانت وينك ليش ناوي ماتجي عندي لازم تقسم الايام ف سكت.. وحتى لو عرفت الأسباب يامهره مو خطر على اطفالي انها تكون عندي.. |
رد: سكن اخت زوجي كيف اتصرف
اقتباس:
اتوقع زوجته الاولى جابت هذه السيرة |
رد: سكن اخت زوجي كيف اتصرف
اقتباس:
الموضوع مو عدل اخته الثانيه لما خبرتها انه بيجيبها وليش هي استغربت وقالت اكيد زوجته اشترطت عليه لو بينقلني بنفس منطقتها ماتبي اخته عندها قلت يمكن الله اعلم لانها ماتبيني عندها بنفس المنطقه أيضاً حابه اذكر ان زوجي مسكن اخوها في بيتهم برضوا من زمان ف هذي بهذي ليش تجي تقول طلع اختك مو يمكن يطلع اخوها.. |
رد: سكن اخت زوجي كيف اتصرف
إذاً يمكن زوجته ماله علاقة بالموضوع.
بخصوص أخته ومرضها .. هل حصلت مواقف سابقة منها تدل إنها خطر على نفسها وعلى اللي حواليها؟ |
رد: سكن اخت زوجي كيف اتصرف
اقتباس:
مرا اخذت شاكوش ورمته على راس ابو عيالها والدم نزف منه اخذوه للمستشفى وفيه كذا موقف ذكروه ليا خطير |
رد: سكن اخت زوجي كيف اتصرف
بعدين لما تجيها الحاله
تعصب وماتتحمل احد عندها تقوم تضرب انا عندي اطفال طيب في حال ازعجوها وهذولي اطفال مااقدر اخليهم طول اليوم ساكتين!! |
رد: سكن اخت زوجي كيف اتصرف
خلاص يا ابتسامة .. عذرج معاج.
ولا تسبقين الأحداث .. زوجج اقترح الاقتراح .. لكن مب شرط يجبرج. وفي كل الأحوال لو لمّح مرة ثانية ردي عليه واطرحي مخاوفج بخصوص مرضها وتأثيره المحتمل عليج وعلى عيالج. وأنصحج ركزي على هالسبب فقط .. ولا تتكلمين عن أي سبب أو اعتقاد آخر. |
رد: سكن اخت زوجي كيف اتصرف
ارفضي وبشدة
بكرة يحملوكي انتي الخطأ هذه تحتاج الى اهتمام وعنايه ورعايه كبيرة وخطرها اكبر من منفعتها |
رد: سكن اخت زوجي كيف اتصرف
طيب كيف عاشت 15 سنة في بيته الاول ؛ لو كانت تسبب أضرار .!؟
|
رد: سكن اخت زوجي كيف اتصرف
اذا هو صاحب قرارات فجأه اعطيه رايك مثل ماقالت مهرة قبل مايقرر وترجعي تندمي انك ماتكلمتي
|
رد: سكن اخت زوجي كيف اتصرف
سلامات أيش راعي قرارت لوحده !!!
لا معليش البيت بعد بيتي زي ماهو بيته حبيبتي لا تجاملين أحد على حسابك وعلى حساب راحتك ، أرفضي بقوه وإذا مسخها خلي أحد من أهلك يتدخل |
رد: سكن اخت زوجي كيف اتصرف
الله يعينها
رحمتها ليه ما يعالجوها اذا هي فعلا خطر مدري وش اقول لك بس اخته عندها اطفال ولا بس هي براسها ومافي مجال ياخذ لها شقه جنبكم |
رد: سكن اخت زوجي كيف اتصرف
اهلًا ابتسامة
عندي نفس تساؤل روح الطير هل سمعتي ان زوجته و اطفاله تعرضوا للضرر منها؟ اتوقع انه كان جو البيت مشحون بوجودها. يعني كيف كانت زوجته تاخذ راحتها و اتوقع هي قالت له. يعني عندها 15سنة و هي مش ماخذة راحتها و هو عنده بيت ثاني له و لزوجته اللي هي انت فقالت انا بعد ابغى ارتاح و كفاية 15سنة |
رد: سكن اخت زوجي كيف اتصرف
اقتباس:
يعني في رمضان وبكذب!!!!! |
رد: سكن اخت زوجي كيف اتصرف
اقتباس:
اصلا مايعرف يتفاهم |
رد: سكن اخت زوجي كيف اتصرف
اقتباس:
حريتي كل شي يبيه على كيفه.. مايقدر يجبرني اصلا لاني من البدايه كان اتفاقنا بيت خاص لي هو يلمح من فتره لفتره مرا جابها فجأه عندي وبكيت من الخوف لما سمعت صراخها وبعدها قلتله ترى مااقدر انا اخاف ومااعرف اتصرف زوجتك متعوده عليها لكن لو سواها مرا ثانيه بدخل اهلي بالموضوع وبلا شك لانه مايرده الا الرجال |
رد: سكن اخت زوجي كيف اتصرف
اقتباس:
الله يشفيها وعيالها كبار ماشاء الله |
رد: سكن اخت زوجي كيف اتصرف
اقتباس:
يعني عشان مصلحة اخوها مااهتمت بحريتها ترتاح وكفايه 15سنه !!! على حسابي انا وغير كذا حرمه كبيره وش تبي اتوقع تفكيرها يختلف عن تفكير الاصغر |
رد: سكن اخت زوجي كيف اتصرف
ليش ماتسكن مع عيالها بسكن مستقل
|
رد: سكن اخت زوجي كيف اتصرف
اتمنى تعطوني الفكره
كيف اتصرف فقط انتو جلستو تتساءلون عن حالة اخته ومرضها انا ماابي وجودها راح يقيدني بكل شي ابي تصرفي يكون سليم ممكن مساعدتكم حبايبي من هالناحيه؟؟؟ |
رد: سكن اخت زوجي كيف اتصرف
اقتباس:
رفضوا مايبغون يسكنون معها مااعرف ليش رفضو وبقوه كمان |
رد: سكن اخت زوجي كيف اتصرف
زوجك الله يجزاه خير يحس بالمسؤليه كثر الله خيره نادر زيه هالايام. هو اتوقع وده يعدل بينكم تقاسمتوا كل شي حلو انتي وزوجته الأولى وباقي تتقاسموون المر بعد صبرت عليها 15 سنه باقي دورك تصبرين 15 سنه. هذا العدل بكل ماتعنيه الكلمه الله يجزاه خير.
|
رد: سكن اخت زوجي كيف اتصرف
هل هذا من العدل ؟؟!!
|
رد: سكن اخت زوجي كيف اتصرف
صحيح مشكله وجايه من بعيد والله يعينك
اولا يااختي من حقك انك ترفضي وهذا معروف شرعا ولاكن النقاش قبل اتخاذ القرار وخصوصا بين الزوجين بيجلب الموده والخروج بحل مرضي للطرفين واذا ناقشتي زوحك ناقشيه بعقل ركزي على مخاوفك من مرضها وماقد يصيبك انتي واولادك منها فقط ولاتناقشيه في غير هالشي لانه راح يحس بعنادك وانك ماتبيها عندك ويجيب العيد وبعدين لوحصل وجت وسوت معك مشكله ماراح يصدقك |
رد: سكن اخت زوجي كيف اتصرف
انا ما شككت في كلامك ..
بس سوالي جاء مختصر .. قصدي لو انها سببت أضرار لاولاده في بيته الاول .. أكيد ما راح يرضى يسبب أضرار لأولاده في بيتك .. عالعموم .. برأيي لو انها تجلس عندك شهر .. و في بيته الاول شهر .. و زي كذا كل مرة .. لانه صعب يتخلى عن اخته .. و هو المفترض اولادها يقوموا بخدمتها .. و غريبة كذا يتخلّوا عنها .. عالاقل يعالجوها و يوقفوا معاها .. شوفي الحل هذا .. شهر عندك و شهر عندها .. او صارحيه و تحملي الي يجي .. |
رد: سكن اخت زوجي كيف اتصرف
قد يكون محاولة من زوجك عشان تبطلين فكرة السكن بنفس المدينة..
زوجك ملزوم فيها مثل ماهو ملزوم فيك عزيزتي.. بكرا اذا طحتي مريضة وولدك ولا اخوك ماشالك عشان خصوصية وزوجته وامور تعتبر سطحية مقارنة بحاجتك ماراح يكون موقفك مثل ماهو الحين.. اذا انتي تطالبين بالعدل فلا تمنعينه.. ومرضى الانفصام طول ماهم ياخذون العلاج وماشين عليه مامنهم ضرر.. اذا عارضتيه لا تتكلمين بقوة.. صح انك مو غلطانة لكن زوجك بعد مو غلطان.. |
رد: سكن اخت زوجي كيف اتصرف
اقتباس:
هي كم عمرها؟؟ ولماذا اخوها ساكن معهم؟؟ |
رد: سكن اخت زوجي كيف اتصرف
اقتباس:
اجل دوري اصبر 15سنه ماشاء الله كل واحد بيعيش 100سنه !! وبعدين عدله بعد زواجه مو يجي العدل على ماضي عندك خير تفضلي ماعندك اكفيني شرك |
رد: سكن اخت زوجي كيف اتصرف
اقتباس:
وتحسنت مع العلاج انا ماقلت غير اني ماراح اعرف اتعامل معاها وان عندي اطفال الحين مسوي مو فاهم ويلمح ان نقلتي مربوطه فيها بس ماصارح انا ابي استعد للرد بدون جرح لأي أحد |
رد: سكن اخت زوجي كيف اتصرف
اقتباس:
لكن ماابي ولا يوم انتي عارفه لو قبلت مره بتصير شهر ومره شهرين وبالاخير بيقول ارتاحت عندك خليها زوجي واعرفه مو قد إلتزامات وحقوق |
رد: سكن اخت زوجي كيف اتصرف
اقتباس:
بيني ويين نفسي ادعي من الله ان يسخر لي الافضل لاني اساسا متخوفه جدا من انه يتركني بالايام لحالي ف مرا ماافتح معاه سيرة اني ابي انقل وكمان هوا عنيد لو مجرد حس اني ابي انقل بيكنسل الموضوع حتى لو كان براسه اتوقع معاي كل الحق بالرفض لكن مدري اجيبها بأي أسلوب ماابيها تنحسب ضدي جالس يسجل اخطائي ويقارنها بأخطاء زوجته عشان كذا صارت حياتي كلها متوتره باسباب تافهه ومكبرها لانه ملغي شي اسمه نقاش او تفاهم |
رد: سكن اخت زوجي كيف اتصرف
اقتباس:
والان لما تزوج زوجها ماعاد ارتاحت!!! يااختي انا ماجبت سيرة المخلوقه وقلت انها هي السبب هذي توقعات بعض الاعضاء انا مستبعده وبنفس الوقت اشك يظل العلم عند الله |
رد: سكن اخت زوجي كيف اتصرف
على ان هذه اخته وهو ملزم فيها
لكن انا ضد التضييق على الزوجة خصوصا ان اختنا اشترطت سكن مستقل أختي مافيه امكانية ان يستآجر لها بيت يكون قريب منكم؟ او مثلا ممكن تجلس عند اولادها ويجيب لها خادمة؟ |
رد: سكن اخت زوجي كيف اتصرف
الله لا يحطنا مكانها يارب
ويعافيها |
رد: سكن اخت زوجي كيف اتصرف
اي والله يا مبتعثة
الله يعافيها ويشفيها ولا يحطنا مكانها ثقيلين حتى ع اخوانا |
رد: سكن اخت زوجي كيف اتصرف
اقتباس:
ولا يجعلنا واياك حمل على احد |
رد: سكن اخت زوجي كيف اتصرف
اللهم امين
جزاكم الله خير وفعلا يارب ماننحط مكانها لكن للأسف عيالها مايبون يجلسون معها مع ان زوجي عرض عليهم يفتح لهم شقه ويسكنون معاها وينتبهون لأمهم والغريب رافضين رفض بشده والأغرب زوجي متحملها من سنييييين طويله ايش معنى الحين صار مايبيها عنده انا مستغربه بجد ليش الحين حس انها ثقيله عليه ودي اسأله وماأتجرأ اشوفه يحاول بأي طريقه يجيبها عندي او يطلعها مع عيالها واللي براسه ماضبط الكل رافض |
رد: سكن اخت زوجي كيف اتصرف
اقتباس:
وماتقبلت الفكره لانها متعوده عليهم انا ماابي هالشي لاني تعبت ابي استقلاليه الحين اكثر الايام عند اهلي وانا جا كم يوم اشعر بالارتياح والاستقلاليه وان لي بيتي وزوجي واطفالي وان راح ارجع لنفس الدائره لبيت اهلي مافيه استقلاليه وان نقلني يبي اخته عندي يعني ماارتاح هنا ولاهناك انتي فاهمتني ؟؟ حاسه فيني وبوضعي؟؟؟ والحمدالله على كل حال |
| الساعة الآن 09:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©