|
الشغل في بيتي قليل والشغالة تطفش ابغى حل
جبت عاملة فلبينيه سبق لها العمل وبعد 12 يوم قالت ابغى اروح كلمنا المكتب وكلموها اللي فهمته انها تطفش انا عارفه الشغل مو كثير وهي تطفش من الجلسة كذا وقبل كم يوم كمان عادت نفس السالفه زوجي يقول خليها تتفرج تلفزيون تتسلى :jj قلت له مستحيييل اخليها تتفرج افلام ومسلسلات اخربها بنفسي جلستها مع بنتي وخليت التلفزيون شغال على الجزيرة الانقليزية كنت بقولها تشغل نت معانا تتسلى تحمل تانقو تكلم اهلها فديو خايفه اندم وبصراحه شفقانه عليها وكمان طالبت بيوم الاجازة تبغى تطلع قلت لها احنا ماعندنا حريم يطلعوا وحدهم لا انا ولا انتي اذا طلعنا نطلعك معنا
ابغى حل بحيث انها ماتلاقي وقت وتحس بطفش ما ابغاها تروح كل مكاتب الاستقدام وقفوا استقدام hfh اخاف تروح وتطول المشكلة بين البلدين |
رد: الشغل في بيتي قليل والشغالة تطفش ابغى حل
أنا عطيت خدامتي راديو حطته في غرفتها. وسامحة لها تستخدم النت .. عملت لها حساب في سكاي بي .. وهي عندها حساب في الفيس بوك ... وتكلم أهلها متى ما بغت. أهم شي ما تستخدم تلفونها وهي تشتغل .. أو برا غرفتها. لكن ما في شي اسمه تطلع بروحها. وعلئ فكرة هم يعرفون نظامنا وأسلوبنا في الخليج .. لكن مكاتبهم في بلادهم تقولهم جربوا واطلبوا وشوفوا شو بيقولون ... يمكن يوافقون! خدامتي السابقة جذي قالت لي. |
رد: الشغل في بيتي قليل والشغالة تطفش ابغى حل
مهرة يعني حتى عندكم الطلعه ممنوعه لاني سمعتها تقوله الوضع مو مثل دبي وابوظبي قلت يمكن عادي العاملة تطلع في اجازتها عندكم
|
رد: الشغل في بيتي قليل والشغالة تطفش ابغى حل
الحل الجوهري
تسفر الشغالة بقرب طائرة لبلدها ويستفاد من راتبها علي المستوى الاسري لان الفراغ يجعلها تفكر بمور اجرامية وجنسية ..وانتي تفرغي لبيتك وزوجك وبنتك.. ربة البيت ماتجيب شغالة الا اذا كان عندها كومة بزران او مريضة بمرض لاتستطيع معة علي شغل البيت |
رد: الشغل في بيتي قليل والشغالة تطفش ابغى حل
اقتباس:
أختي كانت تسمح لخدامتها تطلع وتروح الكنيسة .. ويمكن البعض يرضى. لكن الغالب الأعم في محيطي واللي أسمع عنهم مثلي .. وخداماتهم ما يطلعون إلا معاهم .. وبعضهم ما يطلعون خداماتهم من البيت أبداً. فما دام محكورين ماله داعي نضيق عليهم بزيادة. |
رد: الشغل في بيتي قليل والشغالة تطفش ابغى حل
اشغليها
نظفي البيت تنظيف عميق طلعي مشاريع من تحت الارض مشاريع نظافة مشاريع طبخ الخ |
رد: الشغل في بيتي قليل والشغالة تطفش ابغى حل
خليها تتفرج عالتلفزيون عادي
|
رد: الشغل في بيتي قليل والشغالة تطفش ابغى حل
انا موظفه ومتاجتها ربي يسخرها لنا ان شاءالله
|
رد: الشغل في بيتي قليل والشغالة تطفش ابغى حل
اقتباس:
|
رد: الشغل في بيتي قليل والشغالة تطفش ابغى حل
اقتباس:
لو في قنوات انجليزيه هادفه مثلا وثاىقيه ممكن |
رد: الشغل في بيتي قليل والشغالة تطفش ابغى حل
كم عمرها؟ عندها عيال؟ |
رد: الشغل في بيتي قليل والشغالة تطفش ابغى حل
حرام عليكم ألشغالة بني آدم مثلها مثلنا ليش تحرموها من امور انتم لا تستغنون عنها
دعوها تشاهد التلفاز اعطوها انترنت عاملوها كما تحب ان تعاملوا هي ليست عبدة لديكم |
رد: الشغل في بيتي قليل والشغالة تطفش ابغى حل
مين قال ماراح تشتغل
محسستني انها اول مرة تطالع تلفزيون الشغالات معانا طول حياتنا ويتفرجو عادي اللي بتكون اخلاقها شينة مو منتظرة مسلسل حتى تبان ع حقيقتها |
رد: الشغل في بيتي قليل والشغالة تطفش ابغى حل
اقتباس:
عمرها 38 وعندها اربعه على كلامها اصغرهم 17سنة |
رد: الشغل في بيتي قليل والشغالة تطفش ابغى حل
معاك انك ماتسمحي لها تطلع لحالها ولاتتفرج مسلسلات وتكسبي اثمها بس النت ليش تمنعيها شغلي لها النت هي ادرى بمصلحتها ماهي طفله بالعكس مثل ماقالت مهره تكلم اهلها تتسلى مافيها شي احس مره كذه هي بالاخير لها مشاعر واكيد بتطفش على هالوضع
|
رد: الشغل في بيتي قليل والشغالة تطفش ابغى حل
نت ممكن بس هي ما طلبت وانا قلت بما انها ما طلبت خلاص
|
رد: الشغل في بيتي قليل والشغالة تطفش ابغى حل
صدقيني
لو مسوية لها جدول تنظيف عميق راح تقدري تشغليها خذي وقت وروحي شيكي على بيتك بتلقين وراها وسخ وغبرة وعلى اساس اللي تلقيه اعمليلها جدول تنظيف عميق الخزاين انفضيها نفض ورتبيها بشكل متقن وبالنسبة لدبي وبوظبي جذي ولا جذي ماراح تقدر تجي عندنا الفلبينيات ممنوعات 😁 |
رد: الشغل في بيتي قليل والشغالة تطفش ابغى حل
عمرها 38 اصغر عيالها 17 😳اجل اكبرهم كم
شكلها مصغره عمرها حبيبتي تبغى جوال الشغالات ماعاد يقعدون في بيت ما يسمح لهم بالنت و الجوال عطيها وخليها عندك وركبي كاميرا في البيت اذا رحتي وخليتي البنت عندها |
رد: الشغل في بيتي قليل والشغالة تطفش ابغى حل
السلام عليكم ورحمة الله ..
أختي ما دام بيتك صغير وما عندك شغل كتير ، استغني عنها ترى الفراغ قاتل ، ويخلي الأفكار السيئة والشيطان يوسوس في صدرها ... الله يعينك ، ويعينها ... حفظك الله ورعاك ... |
رد: الشغل في بيتي قليل والشغالة تطفش ابغى حل
وشغل البيت ما يخلص
سوي لها جدول غسيل الحمامات اكثر من مره وفرش السجاد مسج السيراميك وغيره |
رد: الشغل في بيتي قليل والشغالة تطفش ابغى حل
عندها جوال طلبت شريحه وجبت لها
|
رد: الشغل في بيتي قليل والشغالة تطفش ابغى حل
جيل الخدامات اللي مايطلعون ولا يستعملون الجوالات انقرضوا مب موجودين الحين ..
عموما الخدامات الفلبينيات " مثقفات " اكثر من غيرهم .. يدخلونهم معاهد قبل يجون للسعودية للتدريب ويعلمونهم وش لهم ووش عليهم خدامتي ماتشتغل الا 7-8 ساعات بالبيوم فقط :) وعندها جوال واعطيتها لاب توب عمدي قديم ومعها باسوورد الشبكة .. زوجها يمرها كل يوم جمعة من الفجر الى فجر السبت .. التنظيف مش ولابد .. بس عاد الشكوى لله |
رد: الشغل في بيتي قليل والشغالة تطفش ابغى حل
خليها تجلس ع النت وإذا شفتيها قاعدة ع التي في لا تقولين لها لا خليها توسع صدرها لا تضيقين عليها وتهج ..
حتى أنا اللي عندي فلبينوو وعندها جوال وتاب .. إذا ماعندها شغل تجلس ع أجهزتها .. هم يحبون النت أكثر من التي في دم قلبهم السوشال ميديا زي حالتنا 😅 إذا شفتيها طفشانة أعطيها رقم الشبكة خليها تكلم ربعها في هالبرامج عشان يضيع عليها الوقت أما يوم الإجازة خلك مصرة ع موقفك اللي عندي ماعندها يوم إجازة ماتطلع غيير معانا وين بتروح ياحظي 😪 وكانت تشتغل زمان في الأردن وبرضوا تقول ما كنت أخذ يوم إجازة الله وأعلم عنها عاد .. |
رد: الشغل في بيتي قليل والشغالة تطفش ابغى حل
حبيبتي
لازم اطلعيلها أشغال يومية ومافي مانع ترفه عن نفسها شوي أما تاركة لها بيتك تشتغل بكيفها راح تخلصة لك بكم ساعة وشغل برى برى وتجلس فاضية تلعب الشياطين براسها ! |
رد: الشغل في بيتي قليل والشغالة تطفش ابغى حل
ارحموا من في الأرض يرحمكم من في السماء.. من لايرحم لايُرحم..
وتستغربون لين انحاشوا.. اغلب عقود الاستقدام مكتوب فيها شروط معينة ويكون من ضمنها الاجازة.. اذا انتو موقعين فما لكم حق تمنعونها اما اذا طلبت اجازة فمن حقها.. خيريها بين اجازة وبين انها تشتغل بيوم اجازتها وتعطينها اجر عن هاليوم.. وبالنسبة للجوال.. تطلعه قدامك احسن من تطلعه من وراك.. لاتكسبين عداوتها.. الفلبينيات بالذات يجونك عارفين حقوقهم ووش لهم وش عليهم.. اذا اضربت محد بياكلها الا انتي.. |
رد: الشغل في بيتي قليل والشغالة تطفش ابغى حل
حرام عليك وش هالسجن لللي معيشته فيه ..
مالومهن لاجتهن حاله نفسيه .. احنا وبين عيالنا وازواجنا نطفش بالبيت اذا جلسنا لاطلعه ولانت ولا تلفشن فمابالك وهي مغتربه .. يابنت الحلال واذا تابعت المسلسلات خلاص كبيره هي ..وش حب وماحب |
رد: الشغل في بيتي قليل والشغالة تطفش ابغى حل
اقتباس:
لا تذكريني يا فوفو .. خدامتي باقي لها سنة ومن الحين حاملة هم إن هالمشكلة ما تنحل! . . . عزيزتي نرجسية 38 مب صغيرة عشان تخافين عليها من الخراب. ولو إني أتفق مع من قال إنها لو فاسدة ففسادها من أول .. مب إنتي اللي بتفسدينها لا بتلفزيون ولا غيره. من خلال تجربتي .. اللي عمرها كبير شوي تفكر بشكل أساسي في أهلها وعيالها .. وكيف توفر لهم وتبعث لهم فلوس. إنتي كيف منظمة شغلها في البيت؟ شو الأشياء الروتينية اللي تسويها بشكل يومي؟ .. وشو الأشياء اللي تسويها بشكل أسبوعي أو مرتين في الأسبوع مثلاً؟ |
رد: الشغل في بيتي قليل والشغالة تطفش ابغى حل
اقتباس:
الشغل اليومي تكنس تمسح الارضيه تغسل المواعين وبعد ملتجف ترجعهم تنظف الفرن تغسل الحمامات والمغاسل تنشر وتكوي ملابس ترتب البيت بدات اعلمها على الطبخ بس مع رمضان احس مافي وقت اعلمها كل شيء اذا كنت مشغولة تمسك بنتي وتنيمها الاسبوعي تمسح الابواب وجلسة الصالة امس حسبت لها قامت سته الصباح وثمانيه ونص وهي تصلح فطور خلصت |
رد: الشغل في بيتي قليل والشغالة تطفش ابغى حل
اقتباس:
سوّت كل هذا في ساعتين ونص؟!! |
رد: الشغل في بيتي قليل والشغالة تطفش ابغى حل
لان شقتي صغيرة ومافي الا بنتي صغيرة ماتوسخ وعيال زوجي مسافرين هالفترة فمافي شغل كثير
اتوقع ايام الدوام يكون الوضع غير |
رد: الشغل في بيتي قليل والشغالة تطفش ابغى حل
اقتباس:
|
رد: الشغل في بيتي قليل والشغالة تطفش ابغى حل
لاني موظفه ما اقدر ارجع من دوامي واشتغل بالبيت وبنتي مافي احد يمسكها وقت دوامي
|
رد: الشغل في بيتي قليل والشغالة تطفش ابغى حل
فهميها
ان الوضع بالدوام بيكون غير وادعي ان الله يعطيك خيرها ويكفيك شرها |
| الساعة الآن 03:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©