|
ماعندي حل غير إني اخبي جواز السفر
السلام عليكم
كل عام وانتم بخير بقرب عيد الفطر السعيد اخواني الأعزاء بستشيركم في موضوع زوجي بيسافر دوله انا ما أبيه يسافر لها لأن وضعها الأمني مو تمام يقول ضروري يسافر لمدة كم يوم عشان يجيب جده ابو امه وانا مو موافقه ابداً لان اخوه هناك ويقدر يجيبه مو لازم زوجي وزوجي يقول هذا واجب ومدري شنو.. طبعاً انا رافضه قطعاً وهو يدري اني رافضه بس مطنشني وقال بعد اسبوع بالكثير رايح زعلت وبوزت ونصحت وتنرفزت وسويت كل شي ولا فاد مكبر راسه عنيد الله يهديه انا سويت حيله اني خبيت جواز سفره من كم يوم لقيته في السيارة وخبيته مالي حيله الا هذي لا تقولون لي متهوره وغلط ومدري شنو بعض الرجال مايجون الا بالحيله ولوي الذراع الله يهديهم انا حارقه بقلبي وهو ولا حاس ومخطط لو اخوه مو هناك ابقول يمكن صح معذور ولازم يجيب جده بس اخوه هنااااااااك وش يحدك تقطع هالمسالفه بدون عذر اصلاً.. انا خبيت جوازه بعد استخاره طبعاً وماعندي نيه اطلعه لاني تعبت شسوي دلوني بليز |
رد: ماعندي حل غير إني اخبي جواز السفر
ما أدري أيش أقول
بس ما تخافين من ردة فعله إذا عرف ؟ |
رد: ماعندي حل غير إني اخبي جواز السفر
مهما كان هو رجال عاقل مسؤول عن تصرفاته
تصرفك هذا لو انه طفل ولامراهق مايعرف مصلحة نفسه ابدا ماأييدك عليه قد مرت علي قصه شبيهه لك وكانت ردة فعل زوجها عنيفه لدرجة وصلها للطلاق بيدك الدعاااء فقط غير كذا مالك حق ابد ولامسؤوليتك |
رد: ماعندي حل غير إني اخبي جواز السفر
والله ياختي اندل علي شي فيدل
علي محبتك وخوفك علي زوجك ما شاء الله عليك الله يهنيكم يارب ولكن الحافظ الله استودعية وربي بيحفظة ان شاء الله والموضوع بس يجيب جدة وبيرجع يعني مو مطول ان شاء الله ويمكن اخوة بحاجتة. والسفر يجدد الاشواق بين الزوجين |
رد: ماعندي حل غير إني اخبي جواز السفر
شكراً لكم جميعاً
اخوي شاطئ الراحه تسلم على كلامك الطيب بس انا اعرفه مابيخليها كذا يوم لانه حالياً شغله موقف ومو مرتبط بعمل عشان كذا انا اعرفه عدل مابيقعد اقل من 20 يوم وتوه مخلص سفره من اسبوعين يعني انا ماقدر اتحمل اكثر من كذا ومثل ماقلت لكم الدوله مو آمنه يعني قلبي مابيتحمل لاني اعرف زوجي يقول خمس ايام وتصير عشرين يوم والعشرين يوم تصير شهرين والله ماعندي حل غير كذا وطبعاً انا مابقول له اني مخبيته بدور معاه وكأني ماعرف شي لان هذا الشي في صالحنا واستخرت كثير وماحسيت شي يردني عن موقفي |
رد: ماعندي حل غير إني اخبي جواز السفر
اقتباس:
ولكن لايصل الي مرحلة التملك فزوجك لة مساحة للحرية بحياتة..ما اخشاه هوا وقوع مشكلة بينكم لاتحمد عقباها وتخسرين حب و موداة ذلك الحبيب والهون ابرك مايكون تواصلي معة اثنا سفرة واصلي دعائك لة ان الله يحفظة من كل سوا والحافظ الله |
رد: ماعندي حل غير إني اخبي جواز السفر
ما شاء الله عليك جريئه 😄
الله يحفظه لك |
رد: ماعندي حل غير إني اخبي جواز السفر
ههههه طيب انا راح اقلك اخفي الجواز ولاتبيني له ابدا فأذا كان مصمم على السفر هوراح يطلع بدل فاقد وقتها اتركيه يروح وربي يحفضه واذا هون فاحمدي ربك (تمت العملية بنجاح )
|
رد: ماعندي حل غير إني اخبي جواز السفر
واذا طلع بدل فاقد وحوسه ومسائلة وجوازات رايح جاي ومعاملات لانه هذا الي بصير مجرد ماتقرب السفره وينتبه انه جوازه مش موجود خاصة انه كان بالسيارة يعني بيقول ضاع اكيد غير لو انه حاطه بالبيت وضاع عليه بيقول بنفسه اكيد بلاقيه وين بيروح يعني
وقتها بيأنبك ضميرك |
رد: ماعندي حل غير إني اخبي جواز السفر
تعاملك مع زوجك كأنك تعاملين طفل
اختي الله يهديك احترمي قراره واستودعيه الله افضل من انك تفرضين رأيك بالطريقه هذي صدقيني لو عرف ماراح يعتبره حب وخوف عليه الا بيشوفك بنظره ثانيه وهي انك تستغفلينه وتتحكمين فيه |
رد: ماعندي حل غير إني اخبي جواز السفر
خوفك عليه على شكل كم كلمة واستعطاف..
افضل لك ولصالحك اكثر من انه يكون على شكل "تعامل طفولي" يعني اذا خبيتيه واكتشف بيبطل؟ بالعكس بيصير يروح بدون مايقول لك بتخسرين مصداقيته معاك وبيزعل منك.. وبتاكلينها |
رد: ماعندي حل غير إني اخبي جواز السفر
أبدا مو حلوة الحركة ولا تناسب بالغين !
انتبهي والله تندمي وتوصل لشي كبير لا سمح الله لو عرف لك يدك في اختفاء جواز سفره سويت اللي عليك وحذرتيه خلاص هو عقله في راسه وادرى بأشغاله مو إنت اللي تفرضي عليه ! |
رد: ماعندي حل غير إني اخبي جواز السفر
انت ادرى بزوجك وردة فعله
لوكنت مكانك بسوي نفسك وزوجي لو اكتشف راح يعرف انه حب له وخوف عليه وردة فعله راح تكون هادئة حسب طبيعته تصرفي |
رد: ماعندي حل غير إني اخبي جواز السفر
اقتباس:
|
رد: ماعندي حل غير إني اخبي جواز السفر
طيب اذا هو مسافر من اسبوعين
سافري معه مو ضاره شي |
رد: ماعندي حل غير إني اخبي جواز السفر
حركات تنفع مع الاطفال لو انا حصلي نفس الموقف لا اتوقع ما ستكون ردة فعلي
|
رد: ماعندي حل غير إني اخبي جواز السفر
نصيحه رجعي جوازه مكانه
مو وقت مشاكل وزعل والعيد قرب |
رد: ماعندي حل غير إني اخبي جواز السفر
دعي زوجك يسافر لأي مكان لا تحاولي تقييده احترام قرارات زوج وحياته الشخصية احد اهم الاسباب التي تحبب الزوجة لزوجها وتجعله يقدرها يجب ان تفهمي ذلك جيدا انتي وكل زوجة ..
|
رد: ماعندي حل غير إني اخبي جواز السفر
ابد مالك داعي
هذا زوجي متر الارض بسفرياته ولا فكرت اسوي مثلك .. يعني اذا خبيتي الجواز مثلا بيبطل ؟ افرضي ان لقاه عندك وش بيصير موقفك ؟ انا اقولك هالتصرف تصرفيه مع ولدك المراهق او الكبير بس زوجك ماينفع استودعيه الله وموب جايه الا العافيه على الاقل هو مسافر لغرض معين مو سياحه لاتقولين اخوه يقدر ومادري ايش ...الله اعلم يمكن عنده ظروف تمنعه لاتصيرين ام العريف الله يهديك |
رد: ماعندي حل غير إني اخبي جواز السفر
يعني بمنعك لسفره
باتمنعي عنه ماكتبه ربي ؟! اذا ربي كاتب عليه مكروه لاقدرالله راح يصيبه وهو جنبك بعيد الشر عليه والله يحفظه استودعيه رب العالمين وادعيه له بالسلامه |
رد: ماعندي حل غير إني اخبي جواز السفر
انا فكرت نفسك
بس مستحيل اسويها شوفي اختي لاتنكدين على نفسك ولاشي العيد جاي هو أدرى بمصلحته ليه متعبه نفسك!!! من جد سؤال .. انتي خوف عليه او الشغله عناد؟؟؟ |
رد: ماعندي حل غير إني اخبي جواز السفر
الله يعينك لو عرف بيقلب الدنيا على راسك
وخوفك عليه ماراح يكون عذر مقنع بالنسبة له نصيحة لاتلوين ذراعه بهالاسلوب او سينقلب السحر على الساحر |
رد: ماعندي حل غير إني اخبي جواز السفر
اختي
تصرف خاطئ 100 بالمئه راح يتاكد انه انتي رايح يفتش البيت ويحصله وبعده راح ياخذ فكره عنك سيئه |
رد: ماعندي حل غير إني اخبي جواز السفر
والله خوف عليه
يعني معقولة ولا مؤيد لي :( |
رد: ماعندي حل غير إني اخبي جواز السفر
اقتباس:
الله يحفظلك زوجك من كل شر ويخليه لك |
رد: ماعندي حل غير إني اخبي جواز السفر
مغامره مانقدر نخالف او نأيد لانه مانعرف طبيعه زوجك
|
رد: ماعندي حل غير إني اخبي جواز السفر
اقتباس:
مستغربين سغره لها في هذه الظروف لكن ضد انك تخبي الجواز.... وصدقيني يوجد حل الكل يغفل عنه لكنه سلاح عظيم وقوي وهو الدعاء بصدق ويقين |
رد: ماعندي حل غير إني اخبي جواز السفر
انت اخبر بزوجك وبما انك استخرتي وكلي أمرك الله واصبري jyh
|
رد: ماعندي حل غير إني اخبي جواز السفر
انا مره خبيت جواز سفر زوجي قبل ماولد وبعد ماولدت جلس زوجي يدور جوازه وجاني زياره عند وسالني وقلت اني مخبيته وترجاني اني ادل على مكانه بس كنت رافض مره طبعا تعرفين عند الاهل زوجي ماسك نفسه مؤدب مره وطلبته يحولي فلوس لاني متوقعه انه بيرفض لاني طلبت مبلغ كبير
وكنت توي والده بمستشفى خاص ع حسابه فتوقعت انه بيرفض بيعطني وللااااااسف حولي المبلغ لان هالدوله اللي بيروح لها مو زينه ليتني ماعطيتها جوازه 😭ولاخليته يسافر لذيك الديره انتي اعرف بيزوجك والا اقولك شقي طرف من اوراق الجواز مايقدر جوزك يسافر اذا الجواز فيه شي مشقوق بالتوفيق وعلميني ايش يصير معك اكره الرجل اللي يسافر لحاله😭😭😭 |
رد: ماعندي حل غير إني اخبي جواز السفر
اقتباس:
اذا نقصت ورقة من جواز السفر فيها مسائلة وقصته طويله ' تخيبه افضل |
رد: ماعندي حل غير إني اخبي جواز السفر
الرجال اذا حط فباله شيء حيسويه حيسويه وما يرده ضياع الجواز
بيوم وليلة يطلع بدل فاقد فلا تخسرين ثقة زوجك فيك بحركة صبيانية ! وخوفك كمان يقول هذي بترديني عن خدمة اهلي ! يعني بتحطين نفسك فموقف بايخ وانت نيتك طيبة |
رد: ماعندي حل غير إني اخبي جواز السفر
ايش حركات البزران هذه ؟
لا والي بعد تنصحك تشقين اطراف الجواز كيف بالله عايشين بهالحياة وانتوا تتحكمون بأزواجكم وكأنهم اطفالكم رجعي الجواز مكانه ولو ربي رايد به شر بيجيه الشر وهو جنبك استودعيه الله سبحانه وتعالى واقصري الشر والمشاكل انتي على وجه عيد ما رح ينفعك نصايح الي تؤيدك اذا درى انك خنتي الثقة وحاولتي تتحكمي فيه وجاك ردة فعل تخسرك بيتك وعيالك استهدي بالله ورجعي الجواز |
رد: ماعندي حل غير إني اخبي جواز السفر
رجعي الجواز
الصراحه حركتك مالها داعي وبتجيبلك المشاكل و يمكن لو عرف بيعاند و بيطلع بدل فاقد و يسافر |
رد: ماعندي حل غير إني اخبي جواز السفر
لو اسوي هالحركة حق زوجي وتخرب عليه سفرته ويعرف اني السبب ..
والله لا تطلع علي ازيد من بيع السوق .. يروح وهو راضي وانا راضية الله يحفظه ويرده لي بالسلامة .. اسبوع ولا شهر هو حر .. بس ما اجيب المشاكل لنفسي والضيق له .. |
رد: ماعندي حل غير إني اخبي جواز السفر
انتم مافهمتوني
انا مابقووول له إني انا خبيت الجواز فهمتو علي بسوي نفسي مو عارفه شي.. اذا طلع بدل فاقد عاد الله يحفظه |
رد: ماعندي حل غير إني اخبي جواز السفر
اقتباس:
انتي استخيري اذا روحته فيها خير تتم واذا شر ماتتم وربي بيكتب الخير له ودائما حبل الكذب قصير وحطي مليون احتمال لو صار وكشفك كيف بتكون ردت فعله معك بيصير يخبي جوازه عنك ولايثق في تصرفاتك |
رد: ماعندي حل غير إني اخبي جواز السفر
حبل الكذب قصير ..
|
رد: ماعندي حل غير إني اخبي جواز السفر
اقتباس:
طيب وفات موعد السفرة بترجعين الجواز مكانه ؟ عموما انت بس تخيلي زوجك خبى جوالك لانه خايف عليك من النت ولا خايف على صحتك حطي اي سبب وقيسيه ! والله يكتبلك الخير ويجيب العواقب سليمة واضح انك مصرة على رأيك لكن علمينا نتائج الحركة بعدين |
رد: ماعندي حل غير إني اخبي جواز السفر
لا تزعلي.. بس اتضح لي مو زوجك العنيد 😆
|
رد: ماعندي حل غير إني اخبي جواز السفر
بدل فاقد!
فيها تحقيق من الجوازات وسين وجيم وتعهد |
| الساعة الآن 09:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©