مشكلة جديدة .. من جد تعبت
 

كل عام وانتم بخير

حاليا انا وزوجي عند اهله عيدنا عندهم .. وتخطيطنا ان اليوم الثالث من ايام العيد نسافر منطقة سياحية يومين نغير جو..

طبعا الامور الى البارح المغرب كانت ممتازة .. ليلة العيد ويومين العيد كنا نعاني من النوم ماننام الا 3او4ساعات .. المهم امس الصباح طلعنا عيدنا خالات زوجي وواحدة من اخواته ورجعنا الظهر على اساس ننام ونصحى قبل المغرب .. المهم انا ماقدرت انام ابد الا بعد العصر .. وارسلت لزوجي رسالة على الواتس اقوله خليني انام ماقدرت انام .. اقصد لبعد المغرب .. المهم صحي وصحاني .. بس من شدة النوم ماقدرت اصحى .. المهم ماحسيت فيه الا يقول قومي قفلي الباب.. بعدها ارسل لي رسالة على الواتس انه جهزي الاغراض بعد ماأجي بنرجع يقول انتي ماتقدرين أحد .. قلت له ليش وش فيه وش سويت الحين وش اقدر مااقدر.. قال اهلي منتظرينا من العصر وانتي لاقدرتيني ولا قدرتيهم .. قلت والله مو كذا بس والله تعبانة وماني قادرة افتح عيوني .. قال كملي نومك بس احنا جايين هنا ننام .. قمت قلت تعال بس الله يهديك ومالك الا اللي يرضيك .. قال ماابي منك رضا ولا ابي شي.. وقال مافي شيء بالغصب وماتعودت اغصبك بشيء.. قلت ادري ان مافي شيء بالغصب .. قال لا في رجال يمشون زوجاتهم بالغصب ومافكرو فيهم رضو ولا مارضو .. قلت وانت ان شاء الله تمشيني بالرضا مو بالغصب .. قلت له انت وينك تعال ومالك الا اللي يرضيك .. قال قومي وكلي والبسي.. طبعا كان جايب ساندوتشات .. وقلت له وانت لو انك يوم صحيتمي قلت اهلي ينتظرونا كنت قمت علطول لكن انت ظلمتني اني مااقدر احد والله يسامحك..المهم قمت ولبست .. قلت يلا انا جاهزة .. قال كلي الساندوتش .. قلت مابي .. قال ماراح نطلع الا لما تاكلين .. قلت والله مالي نفس .. اذا رجعنا ان شاءالله .. المهم طلعنا .. وساكتين طول الطريق .. وصلنا عند اهله .. وبعد ماراحو اخواته .. قالي ها تبين نمشي قلت براحتك .. بعد ربع ساعة كذا ارسلي بالواتس انه بنظل للساعة 2 عشان ننام بعد الفجر للظهر ونعدل نومتنا .. قلت ابشر .. قال تبشرين بالجنة والله يرضى عليك .. قلت له امين واياك .. رجعنا الشقة وسكوت .. كان طول الليل جالس وانا على السرير .. فسألته وش فيك ليش ماتنام .. قال مافي شيء نامي انتي بس.. المهم اليوم طلع الساعة11الصباح على بالي بيجيب فطور .. المهم صحيت علطول وسويت الشاي وانتظرته ساعة الا لكن ماجاء .. فأرسلت له صباح الخير سويت شاي بتجيب فطور ولا كيف؟ .. قام ارسل وشلون ولا كيف.. قلت ولا افطر .. قال شوي وبجي .. المهم فطرنا .. وقالي ماراح نطلع اليوم من الشقة راح نجدد (طبعا المفروض على اتفاقنا اننا نطلع اليوم ونسافر منطقة سياحية نغير جو) .. قلت اوك .. قال بروح اتغدا عند اهلي بتروحين معي ولا بتظلين هنا .. قلت لا بروح معك.. وطلعنا ومر على سوبرماركت اهله موصينه بكرتون دجاج (تذكرت يوم يمنعني اعطي اهلي من راتبي) .. طبعا سكت ماقلت شيء .. وسألني تبين شيء قلت لا سلامتك ..

الحين الشيء اللي قاهرني يزعل ليش ؟!!!

واللي صار امامكم من الغلطان باللي صار؟!! وكيف اتصرف برأيكم؟!![/QUOTE]

رد: مشكلة جديدة .. من جد تعبت
 

على فكرة اول يوم بالعيد كنا عند اهله وفطرنا عندهم ومرينا اخواته واحدة واحدة .. وجبت لامه واخواته هدايا وعيد اخواته بفلوس .. وكان مرة مبسوط مني .. ليش الحين يقول ماتقدرين احد عشان كنت تعبانة .. ما راعى هالشيء أبد..

رد: مشكلة جديدة .. من جد تعبت
 

عرفت الان من اخواته ان اخوهم اللي هو زوجي ناوي يطلعهم الحديقة .. طبعا متفقين وانا اخر من يعلم ولا حتى يفكر يعطيني خبر ..

رد: مشكلة جديدة .. من جد تعبت
 

موقف عادي جدا يصير بين اي زوجين ولاتدققين بكل كلمه لان بكذا تمرضين نفسك وتنفرينه منك بنكدك وحكاية انه قال ماتقدرين لان بلحظتها كان مقهور من نومتك يعني قالها وهو متضايق والصحيح ان الانسان اذا زعلان او متضايق لاتواخذينه بكلامه الا لو انه متلفظ بشي كبير مثل سب ولعن وشتم وسعي صدرك وعييد سعيد لنا ولكم ولجميع المسلمين

رد: مشكلة جديدة .. من جد تعبت
 

رد: مشكلة جديدة .. من جد تعبت
 

رد: مشكلة جديدة .. من جد تعبت
 

لا مانسي وماعمره سواها دايم ياخذ رأيي خآصة في الطلعات .. هو يتعمد يتجاهلني .. يبي يصير من الرجال اللي يمشون زوجاتهم على كيفهم على قولته..

رد: مشكلة جديدة .. من جد تعبت
 

الحين عملتي مشكلة بسبب كرتون دجاج جابه لاهلة ولانه بيطلع خواته ؟!

رد: مشكلة جديدة .. من جد تعبت
 

عزيزتي كبريها تكبر وصغريها تصغر ، حاليا انتي متعبة من السفر وخربطة اانوم وقلته و قهرك المؤقت فقط من زوجك ! ...
اذا شفتيه متواصل بحركاته طنشيه ولا تسأليه ابدا واصلي حياتك بشكل طبيعي جدا ولا كأنك دارية بشي ! وبتشوفين انه راح يرجع طبيعي ! هو تعود عليك تكبري الامور فمثلا شفتيه مانام سالته عن السبب وهكذا الى ان تتسبب مشكلة من لا شيء فيفضل تتركيه براحته وهو بنفسه يعدل مزاجه ...

اتوقع انهم احرجوا زوجك بموضوع الحديقة وماعرف يقولك لهالسبب شوي كان معصب او يفكر ...

انتي روحي وكوني طبيعية ولاتفتحي سيرة له ابدا ،،، خليه هو اللي بيقولك الموضوع شلون صار واستمتعي !

رد: مشكلة جديدة .. من جد تعبت
 

أتمنى تقرأ القصة من اولها..

رد: مشكلة جديدة .. من جد تعبت
 

مو لازم تكلميه بعصبية و عناد يا احبه ..

تصارحي معاه بهداوة و رواقة و اختاري وقت مناسب ..

قولي له انا عملت كذا و كذا ( عشانك ) ..
معليه .. مع اهل الزوج ؛ لازم تعددي لزوجك بطريقة ( ما )
انت ايش عملتي - عشانه - ..

عشان يعرف انك مو مجبرة و انك عملتي عشانه
و يقدر الموقف هذا لك ..

بعدين قولي له ..
( ايش فيها لو قلت لي .. قبل لا اسمع من أخواتك ! كاني وحدة غريبة !؟ )
قولي له ( عادي ما راح أزعل او أتضايق و لا راح اتدخل .. بس اعطيني خبر .. مافيها شي )

رد: مشكلة جديدة .. من جد تعبت
 

ما يكلمني ياأختي .. مدري هو زعلان من ايش!! أنا ماغلطت بشيء..

رد: مشكلة جديدة .. من جد تعبت
 

رد: مشكلة جديدة .. من جد تعبت
 

تقولي انه مايكلمك !؟
يمكن بس كذا و مافيه شي ..

و اذا عارفة حالك ما قصرتي بشي ..
طنشششششششششي .. و عادي اتكلمي و اضحكي و لا كأنه فيه شي

مرات الرجال لما تزودي معيار الدلع ..
يعملوا حركات زعل بس كذا .. ( يتغلى )
عشان يتدلع عليك بزيادة ..

رد: مشكلة جديدة .. من جد تعبت
 

رد: مشكلة جديدة .. من جد تعبت
 

لا ياروح اهله ماراح اجيب طاريهم أبد لايظن اني ماأحبهم مثل مافكر اني مااقدرهم ،، والحقيقة والله العظيم اني احبهم مثل اهلي .. وان قلت شيء او شيء فلمصلحته مثل مايتحجج هو بمصلحتي في علاقتي مع اهلي .. عموما براحته اهله ومالي دخل .. لكن لايجي بعدين اذا خلص فلوسه يطلب مني الايجار او اي مساعده من جد ماني مسؤولة عنه..

رد: مشكلة جديدة .. من جد تعبت
 

طنننننشي وسولفي مع خواته قدامه واضحكي كمان
اذا شافك منتي مهتمه بجي هو يطيب بخاطرك

لاتدققي وتخربي جوك انبسطي عيييد

رد: مشكلة جديدة .. من جد تعبت
 

أمي في منطقتنا اللي عايشين فيها ماهم بنفس منطقة زوجي..

رد: مشكلة جديدة .. من جد تعبت
 

على فكرة انا ماني زعلانة انه بيطلع اخواته .. اللي مزعلني انهم متفقين وخالصين وانا مالي اي قيمة عنده حتى مايعطيني خبر .. ومكنسل سفرتنا اللي اتفقنا عليها وبالاخير يونس اخواته وانا مافكر فيني ..

رد: مشكلة جديدة .. من جد تعبت
 

رد: مشكلة جديدة .. من جد تعبت
 

هو ما بكلمج لانه متلوم فيج و يبغي يتجنب معاتبج او لومج او اعتراضات لانه كنسل السفره و طلع اهله
ف يبغي يقلب الطاولة يعني انا الزعلان مو انتي




تبينها تعدي ع خير طلعي معاهم الحديقة و فرفشي صدميه بردة فعلج وزعقب عاتبيه عالخفيف

رد: مشكلة جديدة .. من جد تعبت
 

أكيد راح اطلع مع اخواته لانهم اخواتي اولا واخيرا ومالهم اي ذنب ومالهم دخل بتصرفات اخوهم وراح انبسط ولا راح اعكر جوي عشانه ،، ولا راح اعاتبه لانه بيطلع نفسه هو الصح وماهو غلطان فالافضل اسكت واوكلها لربي واحتسبها عنده

رد: مشكلة جديدة .. من جد تعبت
 

ماقالت عشان كرتون الدجاج ولا عشان بيطلع خواته

هي متضايقه من الاسلوب الناشف الجديد اللي قاعد يستخدمه معها ومنتضايقه لانه يقول ماتقدرين

.................................................. .......

يا اختي العزيزه
دخلي مع اذن وطلعي مع الثاني الناس كلهم عارفين انك تقدرين وتوجبين وترا كرتون الدجاج مايعادل الهدايا اللي جبتي وقدمتيها فلا يهمك ابد ولا تدققين في الكلام
وكرتون الدجاج لا تنقهرين عشانه جيبي لاهلك اللي تبينه وهو يجيب لاهله اللي يبي

رد: مشكلة جديدة .. من جد تعبت
 

فديت عمرك حاسة فيني بالضبط .. المشكلة حتى هو يقول اهلي كلهم يمدحونك اخرهم عمي اللي زرناه طبعا بصباح المشكلة .. وهو ايضا كان يقولي ان زوجات اخواته مايقدرون امه ولا اهله .. وانا بصراحة امه اعتبرها مثل امي وابوه كذلك والله حتى احب على يدهم لاني اعتبرهم في مقام والديني ..

رد: مشكلة جديدة .. من جد تعبت
 

الصدق يااختي زوجك ماسوا شي بالنسبه للزعل وأنه مايكلمك طنشي ماكأنك انتتبهتي لشئ أبد.

رد: مشكلة جديدة .. من جد تعبت
 

اتصل زوجي على اخته يعطيها خبر على الطلعة وأنا جالسة ولا فكر انه يتصل علي.. والكل يناظر فيني ولسان حاله يقول ليش مادق عليها .. بصراحة تضايقت مرة وكان لازم افضفض طلبت اخته الكبيرة وفضفضت لها بكل شيء وتفهمت وقالت فعلا غلطان .. وبكيت ماتحملت ،، وطلبت مني اخته اني امسح دموعي ونخرج ننبسط ولا افكر فيه .. مسحت دموعي وخرجت وهو واقف عند الباب شاف دموعي بس ماقال شيء..

اللي من جد يضحك انه مرسل لي تكلفة السور اللي يبي يسوره حول الارض اللي معطينا هي ابوه .. وقلت له الله يوفقك..

كنت بكتب له اما موضوع الفلوس تعطينا فيها خبر وغيرها لا بس سكتت وقلت بكيفه ماني معطيته ريال..

رد: مشكلة جديدة .. من جد تعبت
 

ما كان لازم تحكي لأخته اي شي ..
اهل الزوج .. في الأخير ( اهل زوج ) ..

مرة بداية زواجي عملت مثلك .. و امي الله يرحمها عاتبتني
و قالت أبدا ما افضفض لأي وحدة من اخوات زوجي ايش ما صار ..

و بالفعل .. طلع كلامها صح و ندمت أشد ندم و تعلمت ..

.
.

عالعموم ..
لا تكرريها .. مهما صار ..

.
.

و زوجك
قلنا لك اجلسي و تصارحي معاه ..

ما ينفع تكلمي اخته ..
على بالك انه ينحرج من اخته او انها تعاتبه !؟

رد: مشكلة جديدة .. من جد تعبت
 

لا ياروح ماابيها تعاتبه ولا ابيه ينحرج .. بس انا مقهورررررة حيل وإذا ماكنت فضفضت راح يصير فيني شيء ..

رد: مشكلة جديدة .. من جد تعبت
 

عادي جداً اذا تمون وتعتبرينها زي اختك العكس أفضل لك على الأقل تطلعين وانتي قلبك صافي الله يفرج همك حبيبتي. حاسه فيك أحياناً تجي حاله الوحده ودها تفضفض لكائن حي مايعرفها يسمع منها ويختفي عشان ترتاح.

رد: مشكلة جديدة .. من جد تعبت
 

تعلمي القوه وتكتمي الامور
تعالي فضفضي هنا
اهل الزوج بيسمعوا مره وبعدين بيقولون انك نكديه
كان طلعتي و فرحتي وانبسطتي وعادي عندك

رد: مشكلة جديدة .. من جد تعبت
 

طلعت معهم ..

رد: مشكلة جديدة .. من جد تعبت
 

بس احس اني كارهته .. فيه برود مو طبيعي .. ويسولف ويضحك مع اخواته ولا كأني موجودة معهم .. يارب عفوك..

رد: مشكلة جديدة .. من جد تعبت
 

رد: مشكلة جديدة .. من جد تعبت
 

رد: مشكلة جديدة .. من جد تعبت
 

مره غلطانه
المفروض ما علمتي اخته
خاصه ان الخرجه لهم
يمكن تنفهمين غلط

رد: مشكلة جديدة .. من جد تعبت
 

لا اخته متفهمة وانا قلت لها انكم اعز من اخوات وادري انكم مالكم ذنب بشيء لكن اخوك ماراح اسامحه أبد..

رد: مشكلة جديدة .. من جد تعبت
 

ماراح اسأله لاني عارفة اني ماني غلطانه بشيء..

رد: مشكلة جديدة .. من جد تعبت
 

ابغى إجابة صريحة أخواني وأخواتي : أنا غلطت بشيء؟

جاوبوني وبدون مجاملة يمكن أنا ماني شايفة غلطي..

رد: مشكلة جديدة .. من جد تعبت
 

يتغلى عليك
عطيه جوه
واعملي نفسك عادي

رد: مشكلة جديدة .. من جد تعبت
 

وتراه يتعمد تجاهلي .. مجمع اخواته حوله وسوالف وضحك وانا جالسة في اخر اللمة ولا يفكر يكلمني .. حتى الجو في الحديقة بارد مرة وهو يعرف اني مااتحمل البرد وبالرغم من كذا مافرقت معه..