|
مشكلة الزوج اللي يتدخل بسوالف الحريم
السلام عليكم وكل عام وانتم بخير
يمكن بعضكم يتذكر خلافاتي مع زوجي اللي دايما يكون سببها الخفي التقصير بالعلاقة انا بالنسبة لي أجبرت نفسي عالتأقلم والتناسي وقسما بالله من نص شعبان الى الان مالمسني صحيح جتني أيام ابكي واتضايق بس ساكته ومتحمله مقابل الصفات الكويسه الثانيه اللي فيه وطول هالمدة وهو يتعامل معي بحنيه وبشكل حلو لحد ما طلعت لي قصة ثانية قديمة شوي متعبني من تزوجت تقريبا لي سلفة (زوجه اخو زوجي) اكبر مني بحوالي 18 سنه علاقتها ممتاااااازه مع ام زوجي.. وبينهم عشره طويله ودايما تشتري لها هدايا ويعزمون بعض ويحبون بعض لكن معي انا تنقلب عقربه وتتعامل معي بحقد وحسد يعني مثلا لما قالت لها ام زوجي اني راح استقدم شغاله هي تضايقت وراحت كلمت زوجي تنصحه مايجيبها لي بحجه ان الشغاله راح تقيد حياتنا واحنا لسى بالسنوات الأولى وانو الشغاله ماوراها الا المشاكل ووجع القلب وانو هي ماجابت شغاله الا بعد 10 سنوات زواج وزوجي معتبرها اخته الكبيره اللي تنصحه وتهتم بمصلحه بيته!!! نقل لي كلامها وهو يقول لي احمدي ربك انها مهتمه فينا!! وقال لي: لاتخافي الشغاله بتجيك بس حبيت اعلمك ان فلانه خايفه علينا!! حتى لما ولدت بنتي كل الناس جابوا لي هدايا عليها القيمه الا سلفتي هذي.. جابت لي لعبة مكسوره داخل الكرتون وبدون تغليف ومن برا عليها السعر (90 ريال).. وهي موظفة راتبها بالألوووووف زوجي لما عرف ضحك وقال مسكينه فلانه على نياتها ماتهتم بالشكليات!! وانا طنشت وما سألت فيها وترى سبق وزوجي افتعل معي موضوعي كبيييير بسببها كتبت عنه زمان هنا http://www.66n.com/forums/showthread.php?t=249004 المشكله هذي الانسانه مايجي طاريها الا تصير مشكله مع زوجي وهي حيا الله زوجه اخوه.. لاهي امه ولا اخته ولا خالته ولا عمته ولاهي من محارمه أصلا مع ذلك يعتبرها ملاك ويعمل لها ألف حساب ويتهمني اني اكرهها وانا أصلا ما ابي يصير بيني وبينها شيء امس تغدينا انا وزوجي وجلسنا نتقهوى ونشوف التلفزيون للمغرب اتصلت هذي الانسانه علي.. ورديت قالت لي تعالي زورينا مسوي عزيمه كبيرة وكل حريم العيلة فيه!! متخيلين تعزمني بعد ماجمعت الناس كلهم ببيتها!! انا شكرتها واعتذرت منها بذوق وقلت لها تعبانه اليوم ما اقدر اول ماقفلت قال زوجي اذا حابه اخذك الحين لهم!! قلت له لا ما يمديني وقرب يأذن العشاء وهم عندها من المغرب واكيد انها مبلغتهم قبل يوم عالاقل وجو لها وهم مستعدين قال لي: خلاص انا رايح لهم بسلم على اخوي وامي وخالاتي واباخذ البنت معي قلت الله معك صارت الساعة 10 وهو مارجع دقيت عليه.. وسألته عساكم مبسوطين؟ قال: ايه بس انتي الله يهديك لو ماركبتي راسك وجيتي كان احسن! قفلت منه متخيلين كيف بيخليني غصب غلطانه وانا اللي قبل شهر كنت بعزم امه وخالته قبلها بيوم وقال لي عيب اللي يعزم يعزم قبلها بيومين او ثلاثه او لا يعزم!! رجع البيت وقلت له حبيبي ترى كلامك ضايقني وانت تعرف اني احب اهلك قال: ايه تحبي اهلي كلهم ما عدا فلانه!! (زوجه اخوه) قلت لا والله مابيني وبينها شيء قال لا انتي شايله عليها من المواقف اللي سبق صارت بينكم المهم طال الموضوع وقال: احمدي ربك انها تذكرتك واتصلت تعزمك!! قلت: فيها الخير بس انا صعبه أقوم البس عبايتي واطلع مباشره وهو عارف اني وحدة اهتم بمظهري لازم اخذ دش وسيشوار ومكياج الخ بعدين قلت له انت أصلا انتقدتني من فترة لما قلت بعزم اهلك قبلها بيوم فكيف باللي تعزمني وتقول لي تعالي حالا بالا!! كأنها تأدي مهمه بعزيمتي وهو جلس يبرر لها ويقول فرق العمر بينك وبينها كبير والمفروض تقدريها اكثر.. وطلعني غلطانه بحقها وانا لسى من كم يوم مرسله لها صينيه شوكلاته ومباركه بالعيد لكني رسمية معها لانها شخصية مزعجه وملقوفه وماتحبني باختصار مع ذلك زوجي مو مبين بعينه وكبرت القصه وجلس يعدد معارفي ومعارف اهلي اللي سبق وجاملهم رغم ان الاحداث مختلفة تمااااااما وتكلم عنهم بشكل بذيء ووقح يعني مثلا قال: خالك المعفن ازوره كل شهرين وهو ما يسوى جزمه!! تخيلتوا الى وين وصل انحطاط الكلام قلت له عيب عليك تتكلم عن خالي بهالصورة انا ماعمري غلطت بحرف واحد على زوجه اخوك رغم كل شي وخالي لا عمرك تدخل بيته ولاتكلمه ولا لك علاقه فيه وانا هذي الانسانه ماراح ادخل لها بيت بعد اليوم دام الأمور وصلت هالمستوى قال: تعانديني يعني!! تركته ورحت انام صحينا وهو راح دوامه.. انا شااااايله عليه وهو عامل نفسه زعلان |
رد: مشكلة الزوج اللي يتدخل بسوالف الحريم
الحركة فعلا مافيها تقدير.. وهي مادقت عليك بوقتها الا هي عارفة وضامنة انك ماراح تجين..
وعشان مايطولها كلام دقت لمجرد تدق.. قال احمدي ربك اتصلت تعزمك.. ليش هي متصدقة عليك وانتي محتاجة؟؟ قولي له مايتدخل بعلاقاتك باهله نهائيا دامك تحترمينهم وانك انسانة تعرفين الاصول وتعرفين تتصرفين وماتحتاجين احد يوجهك.. وسواء كانت اكبر او لا.. هي سلفة مثلك مثلها واحترامك لها من باب تقدير زوجك مع انها غريبة عنه ومو قريبته وحقها عليك كانسانة واخت في الاسلام مو لانها قريبتك او من ارحامك لانك مجبورة فيها وبالنسبة لغلطه على اهلك بما انه تكرر باسلوب طفولي معفن وما معفن.. والله ما اعرف ايش اقول.. |
رد: مشكلة الزوج اللي يتدخل بسوالف الحريم
اقتباس:
معتبرها ملاك وهي تتصرف معي بلؤم من تحت لتحت دايما ومو كل شي يصدر منها أقول لزوجي عنه وزوجي واحد يهتم جدا بالشكليات والبروتوكول لكن فجأه تغير كلامه حتى يبرر تصرفها.. يقول انها عفويه وتعاملك مثل بنتها!! وحاليا ماخذ على خاطره مني وقالب القصة على راسي اشك ان هالانسانه ساحرته او عامله له عمل.. ماهو قادر يشوف أي غلط منها!!! ويطالبني بأشياء فوق طاقتي لسواد عيونها وكل حجته بالحياه انها تحب امه وتقدر امه وانو امه تحبها اكثر من بناتها |
رد: مشكلة الزوج اللي يتدخل بسوالف الحريم
كنافه
اصلا هي ماتعتبر من اهله زوجة اخوه يعني مو من اهله وفهميه هالشي ماتربطه فيه اي علاقه فقط زوجها وهو اخوه وعييب عليه يتدخل في علاقتك معاها انتي بكيفك وتتعاملي بالطريقه الي انتي شايفتها |
رد: مشكلة الزوج اللي يتدخل بسوالف الحريم
اقتباس:
تغارين يا كنافه ... ولا تحاولين تغيرين صورتها المثاليه بعينه .. لانش انتي الي بتخسرين في صفه يا ليت تغيرينها وهي كثرة الجدل .. لا تحاولين تغيرين قناعات زوجش وتقبليها مثل ما هي |
رد: مشكلة الزوج اللي يتدخل بسوالف الحريم
اقتباس:
هذا اللي ناقص بعد |
رد: مشكلة الزوج اللي يتدخل بسوالف الحريم
اقتباس:
اغار من ايش يا حسره.. من كتله الشحم والا السطحية والا النمط القروي والا من القباحة والا من اللقافة.. ما ابغى أتكلم بالمرأة بغيابها لكن صدقيني ماجبت خبرها واساسا لما حكيت لامي وخواتي عنها كلهم قالوا لي: تغار منك يعني العكس تماما وعلى فكرة لما تخرجت من الجامعة كل اهل زوجي اتصلوا يباركوا وعملوا حفله صغيره لي الا هي!! وزوجي تفسيره: مسكينه يمكن ماتدري!! علما بأنو عندها بنتين ماكملوا تعليم.. وتقولي لي ما تغار!! ياشيخة هذي تسألني عن كل شيء بلقاااااافه يعني مثلا: من وين شريتوا هذا؟ ايش تستخدمي لشعرك؟ الخ انسانه غثيثه مع ذلك زوجي يشوفها مثاليه اوكي طز فيهم اثنينهم.. بس ما يعمل لي مشكلة كل فترة بسببها |
رد: مشكلة الزوج اللي يتدخل بسوالف الحريم
انا غلطانه بحاجة وحده
اني رديت عليها بشكل عفوي وتلقائي وعلمت زوجي بالتفاصيل وكنت سبب انه يروح يتعشى عندهم انا لو عندي ذرة ذكاء او كيد نساء.. كان طنشتها ومارديت عليها او ارد بعدها بوقت بدون مايكون زوجي موجود بدل ما اخليها تحقق مرادها |
رد: مشكلة الزوج اللي يتدخل بسوالف الحريم
اقتباس:
تبين اصدقش القول gnn فيش غرور ... وهي على الرغم من كتل الشحم والسطحيه والقرويه ولكن اثبتت نفسها ومحبتها عند اهل زوجها تهتمين يا كنافه بالشكليات والقشور والكشخه وزوجش يبحث عن البساطه حتى الدماثه اسألتها تعتبريها لقافه وغثاثه وانا اعتبرها بساطه وحب انها تتعلم منش لكن ما بسطتي الامور ,,, هونيها |
رد: مشكلة الزوج اللي يتدخل بسوالف الحريم
اقتباس:
وهي ضامنه أصلا اني ماراح اجي بس دقت حتى محد يلومها وماقدرتني لا بتخرج ولا بولاده وعصبت لما سمعت اني بجيب شغاله واذا طبخت شي تضحك باستهتار وتقول: ياحليلك يطلع منك هالشي!! مع ذلك ماهمتني والله ولادريت عنها بس متضايقه من هذا اللي عندي اللي قرفني فيها |
رد: مشكلة الزوج اللي يتدخل بسوالف الحريم
اقتباس:
يا كنافه القلوب عند بعضها ,, انتي ما حبيتيها فما حبتش .. مش مشكله تبادل مشاعر ""gg اما زوجش الي قرفش فيها فلا تكبرينها ... انا اشوفه متقدم عنش وبدأ يفهمش اكثر من ما فهمتيه .. طوفيها وكأن ما صار شي bht لا تخلين احد يتسبب بمشكله بينكم حتى لو كانت بسيطه .. المشاكل جايه جايه فلا تستعجلين |
رد: مشكلة الزوج اللي يتدخل بسوالف الحريم
سيرتها ﻻتنفتح عند زوجك بتاتا واذا هوا فتح موضوع سايرية وﻻ تتكلمين فيها انتبهي
وغيري الموضوع لشيء يحبة ابو الشباب لو تتهاوشون باليد حتى زوجك ﻻ يدري وﻻ يدخل الغلط مننا احنا نتكلم ونسولف قدامهم ونطلع حرتنا طبيعي بيتدخلون عزايمها روحي لها والضحكة من الضرس للضرس وﻻ يكون بقلبك شيء وخلك على سنقة عشرة منها زوجك ينبسط ومايركبك الغلط ومنها ماتخلين ﻻحد مجال عليك |
رد: مشكلة الزوج اللي يتدخل بسوالف الحريم
انا اشوف اي موضوع النقاش فيه ماراح يوصل نتيجة من البداية كان غيرتيه
واذا اتصلت عليكي وزوجك جنبك لا تردين ولا تقولي انها اتصلت سيرتها لا تجي بالبيت واذا زوجك تكلم عنها غيري الموضوع بثواني وبالنسبة للمشكلة هذي اذا رجع من الدوام قولي اتصلت بزوجة اخوك واعتذرت منها عشان العزيمة وبزورها بالويكيند واعصري على نفسك ليمون عشان تكسبين زوجك ولاتفرحيها فيكي وأي شخص زوجك معجب فيه إنتي كمان مثلي الإعجاب |
رد: مشكلة الزوج اللي يتدخل بسوالف الحريم
اقتباس:
وغلطه بحق اهلي وخوالي ماراح امشيه لانه مو اول مره يتكرر السيناريو المتوقع: ماراح اكلمه وهو ماراح يكلمني وانا بعد أسبوع رايحه لاهي لاني تعبانه ودخلت الشهر التاسع وكل تفكيري حاليا بصحتي وولادتي وهو لو صار شيء فزوجه اخوه ماراح تطبخ له ولا تنظف له ولا تربي عياله بكرا يشوف نتيجة تحطيمه لزوجته على اشخاص ما يدرون عنه |
رد: مشكلة الزوج اللي يتدخل بسوالف الحريم
اقتباس:
والضحكه من الضرس للضرس.. ويمكن هذا اللي يكيدها عموما مالي علاقه فيه او فيها انا مو دلاله والا عجوز اول ماتجيني مكالمه البس عبايتي واطلع بلبس البيت والله ما سويتها مع اهلي وهو يعرف اهلي وهم اهلي احب استعد لهم واتشيك قبل اروح لهم |
رد: مشكلة الزوج اللي يتدخل بسوالف الحريم
اقتباس:
قلت لنفسي نفسي كلامك بالضبببببببط انا لو ذكية مارديت عليها قدامه ولا جبت سيرتها أصلا لان اسمها صاير زي العفريت اقسم باللي بمجرد ماينطرى اسمها لازم يصير شي بيني وبين زوجي اما اعتذر لها ومدري ايش.. لا طبعا ولا راح ازورها لا ويك اند ولا غيره انا صرت اجتماعية وحبوبه جدا مع اهله وهو بدل مايقدر صار نظامه: هل من مزيد.. مابين بعينه انا مو ملزومه فيهم يكفيك أصلا ان اهلي ماشفتهم من يوم العيد هم أولى من هذي النوعيات |
رد: مشكلة الزوج اللي يتدخل بسوالف الحريم
ازيدكم من الشعر بيت
زوجي دام يذم بام سلفتي يقول انها ملقوفه وحسوده وصوتها عالي يقول لما كنت صغير كنت اخاف منها وبرضو ينتقد اخوان سلفتي يقول دمهم ثقيل ويدورون الاكل بكل مناسبه وينتقد ولد اخوه الكبير يقول ماعنده شخصيه ومايعرف يتصرف كل هذا وهو مقتنع ان زوجه اخوه ملاك مدري كيف ملاك وسط هالبيئة هالرجال هذا مدري كيف يفكر |
رد: مشكلة الزوج اللي يتدخل بسوالف الحريم
ما عجبني كلامك عنها
نفس طريقة زوجك كنت تقدري توصفيها انها مزعجة فقط زوجك يقدرها من باب ان امه تحبها يجدها كاملة لانها تمام مع أمه و ماشافوا اي اساءة منها خلال18سنة خلاص تقديره لها ما راح يتغير. اؤيدك في الابتعاد عن الحديث عنها أو ذكر سبب الاتصال |
رد: مشكلة الزوج اللي يتدخل بسوالف الحريم
كونك تدور ين
حل لمشكلتك مع زوجك في اعجابه بها ما يديك الحق انك تتكلمي عنها وعن اهلها بهالشكل |
رد: مشكلة الزوج اللي يتدخل بسوالف الحريم
انا وصفت حالها حتى ماتفهموا اني اغار منها
بعدين انتو ماتعرفوها يعني ماتصير غيبه فرجاء لو تكرمتوا لا تضغطوا علي بهالجزئية |
رد: مشكلة الزوج اللي يتدخل بسوالف الحريم
تخلصوا من الأنا يغنيكم الله
|
رد: مشكلة الزوج اللي يتدخل بسوالف الحريم
تخيلوا ام زوجي دقت علي
تقول لايكون تعبانه فماجيتي امس قلت لها عادي ارهاق الحمل قالت ايوه كنا متوقعين انك ماراح تجي بس فلانه دقت عليك عن قوله كلمناك ودعت لي وقالت الله يهونك عليك مع الثقل يعني الناس تفهم واللي عندي مايفهم ومسوي سالفه كأني متغيبه عن زواج والا مناسبه عيد صبر جميل والله المستعان |
رد: مشكلة الزوج اللي يتدخل بسوالف الحريم
كنافة انتي قاعدة تستخدمين نفس اسلوب زوجك بكلامك عنها
ماكان لازم تتطرقين لهالتفاصيل لانك لما تذكرينها تعيبين نفسك ماتعيبين بنت الناس كنتي تقدرين تقولين انك ماتستلطفينها بدون هالترهات والحكي اللي ماله فايدة.. |
رد: مشكلة الزوج اللي يتدخل بسوالف الحريم
طنشي يا قلبي أتركيها
وبعدين الزعل مو زين لك وللبيبي فهمي زوجك هذا الشي والرجال ما يفهمون في هذي السوالف لأنهم ما جربو الحمل وتعبه أذكر لما أجهضت قعدت يومين في المستشفى وهو مره أستغرب ويسأل أمه قدامي طولت ألي تولد يوم وتطلع وقالت له أنه الأجهاض متعب أكثر أقول لك ما يعرفون هذي الأمور |
رد: مشكلة الزوج اللي يتدخل بسوالف الحريم
كنافه ؛؛
عليك نفسك مالك شغل بغيرك .. سلفتك ؛ عامليها بإحترام وتقدير يناسب مكانتها وكبر سنها .. حتى لما تجيبي سيرتها ، اذكريها بالخير << لن يعجزك ذلك كزوجك .. كل هذا من اجل نفسك في الدنيا والآخره .. لا تبطني عداوتها في قلبك فيعينك الشيطان على ذلك .. كوني لها كما تتمني منها .. واذا مدحها زوجك وهو صادق .. اثني عليها .. واحفظي حسناتك . وتعلمي الزهد في الناس وحتى الزهد في نفسك لو استطعتي . وهل يكب الناس في النار الا حصائد السنتهم . |
رد: مشكلة الزوج اللي يتدخل بسوالف الحريم
ياجماعه هي ماتعني لي شي
ولا تهمني تهم زوجي وامه بس انا مو شاغله نفسي فيها ولا قصدت اذمها لكم والله بس استفزتني جمله اني اغار منها والله ما سألت فيها لاهيه بنفسي وحياتي وبيتي ولاني فاضيه لها اعذروني اذا قلت كلام مو كويس بحقها ترى والله متضايقه من زوجي اللي رجع من دوامه ودخل بدون مايسلم مسوي نفسه زعلان وانا مستحيل اكلمه لو يجلس سنه زعلان لاني ماغلطت عليه ولا على اهله بالعكس هو اللي غلط على اهلي |
رد: مشكلة الزوج اللي يتدخل بسوالف الحريم
اللي عندك خليه لايفهم ومو لازم يفهم
طنشيه واهم ماعليك راحتك وانت اللحين بالتاسع يالله تشيلين هم الحمل والثقل بعد بتشيلين هم فلانه وزوجك يقتنع مايقتنع بس انقدها بشئ واحد الا هو تدخلها بالشغاله ؟ ان بغت لاتجيب هدايا لولادتي ولاتعزمني لمناسباتها بس لاتتدخل باقناع زوجي بشئ مالها دخل فيه ومرة ثاتيه ان بغيتي تقدمين على الشغاله لاتخلين احد يدري ولا زوجك يعلم احد |
رد: مشكلة الزوج اللي يتدخل بسوالف الحريم
وسالفة الخدامه ما أحد له حق يتدخل سواء هي وإلا غيرها
ووضحي لزوجك أن ضروري خدامه مع وجود طفل رضيع تتفرغين لتربيته ولزوجك وهي يكون عليها شغل البيت الله يسهل عليك ولادتك ويرزقك بحسن الخلق |
رد: مشكلة الزوج اللي يتدخل بسوالف الحريم
اقتباس:
أتوقع بأن الموضوع كله مجرد غيرة وغرور وحسد ناتج من عدم الثقة بالنفس وعدم القناعة بنعمة الله عليك اسأل الله الكريم إن يشفيك ويهديك ويرد قلبك إلى الخير والصواب |
رد: مشكلة الزوج اللي يتدخل بسوالف الحريم
الحديث عن الآخرين بشيء من التعالي أمر سيئ جداً ، ووصفهم بأوصاف غير لائقة اسوأ بكثير
ما الفرق بينك وبين زوجك الذي نعت اهلك بنعوت سيئة ؟! ليس لها حق التدخل في موضوع الخادمة بتاتاً وليس لزوجك حق التدخل بأمور النساء فهذا ليس من شأنه! وما يجذب زوجك لشخصيتها " السطحية " هو قربها من والدته.. لا تتحدثي عنها أمامه |
رد: مشكلة الزوج اللي يتدخل بسوالف الحريم
استغرب اللي تركوا المشكله الاساسية وموضوعي كله وتمسكوا بواحد من الردود وجلسوا يحللوا شخصيتي ويهاجموني!!
ارجو حذف الموضوع |
رد: مشكلة الزوج اللي يتدخل بسوالف الحريم
انتي انزعجتي من كلام ريلج عن اهلج
وتبين الامر يتغير بإختصار غيري اللي بداخلج واعجاب زوجج بشخصيتها ينبع من قربها من امه فإذا تبين نفس النتيجة ، فاتقربي من امه لا تجيبين سيرتها جدامه لا بخير ولا بشر واساساً فتحج باب النقاش معاه ما كان له داعي كنتي تقدرين تمررين الامر بس ابداً ما لها حق التدخل بأموركم الشخصية |
رد: مشكلة الزوج اللي يتدخل بسوالف الحريم
زوجك عارف كل عيوبها وشايفها لكنه يحاول يوصل لك مسج من خلال كلامه عنها
مسج عشان حياتكم أنتو وهذا اللي ركزي عليه لو عليها هي ما اهتم ولا عرف عنها الا لأن علاقتها بأمه جيدة وفعلا كان ممكن بشوية كيد حريم انك تأجلي الرد على مكالمتها او الرد عليها وكان ممكن تعتذري عن الزيارة بحجة تعب الحمل أي نقاش مين الصح ومين الغلط دائما راح تكون نتيجته ضدك فحاولي تطلعي من هذي المواقف بنفس أسلوبها هي مش بالنقاش المنطقي انتي تناقشي في تصرفها وزوجك يرد عليكي بكلام يعبر عن نفسيته هو مو يدافع عنها ( لأنه مقتنع ميه بالميه انها غلطانه ) انما وجدها فرصة يوصل لك اللي بخاطره بشكل غير مباشر |
رد: مشكلة الزوج اللي يتدخل بسوالف الحريم
ذكرتني بوحده كنافه
الله يعينك هي تصرفاتها يمكن تبلع لكن المشكله تدخلات زوجك وياشين الرجال لا تدخل بسوالف الحريم عموما لو مكانك بكسر عينه بجننه بقول له جيب لي حلا من المكان الفلاني بودي لفلانه جيبي لي اغلى هديه بوديها لها تدرين لما اتصلت كان قلتي ابشري نكايه فيه وفيها واخذتي دوش واستشورتي وتمكسجتي وهو على اعصابه يستانك ورحتي متاخر وادا قال شي قولي هي انشغلت المسكينه ودقت عاد متاخر يااني مااحضر او احضر متاخر انت اختار وخليه يعرف نتيجه تصرفات الملاك شغلي كيد النسا |
رد: مشكلة الزوج اللي يتدخل بسوالف الحريم
تصدقي يا كنافه انك ما عرفتي في وقت اتصالها تتصرفي يوم قالك زوجك ابي اروح كان قلتي اي شئ بس انه ما يروح لما اهله في هذا الوقت مثلا كانت قلتي ابي اروح انا وانت نجيب حاجات للثلاجة فيه اغراض ناقصه مثلا او ابي اشتري من الصيدلية اغراض لي ومنها تضيعون وقت من غير ما يحس وتفوتين عليه الروحه لهم وثاني مره اذا يبغى يروح حاولي تخرجي معة ولا بنتك تكون معك لا يشيلها نهائي
زوجة اخوه اكثري من مدحها قدامه لانك اذا اكثرتي المدح في شخص يكثر الكره له استغفرالله العظيم يعني اتركي المقارنه بينكم ولا تجيبين سيرتها الا بالخير قدامه حتى لو في قلبك ذره منها عشان يتعب ويترك الكلام عنها دام ان الفرق بينك وبينها 18 سنه اجل دخلت على اخوهم وهم صغار ويمكن كانت ما تقصر في خدمتهم عشان كذا هو يعزها بس انت زوجته بامكانك تخلية ينساها نهائي بعدم الكلام والمناقشة في امور تخصها لو جبلك اي كلمة من عندها على طول قولي الله يستر عليها مالنا شغل بالناس واسكتي او غيري السالفه على طول الله يوفقكم ويهدي سركم ويصلح حالكم وحال الجميع ان شاء الله بالتوفيق |
رد: مشكلة الزوج اللي يتدخل بسوالف الحريم
اقتباس:
وزيدي عليه تشتري شوكلا من باتشي هههههههه700ريال عشان يروح الكذب تبع زوجها ويكره انه يطلب منها شئ هههههه |
رد: مشكلة الزوج اللي يتدخل بسوالف الحريم
حبيبتي مافي مشكله من الاساس عليك من زوجك وبس
|
رد: مشكلة الزوج اللي يتدخل بسوالف الحريم
خلاص صار الي صار دحين بس بعد كده خذي هذا الموقف كدرس لك اي احد شفتي
زوجك يحبه ويحترمه احترميه ولا تبدي رأيك فيةالشخص هذا قدامه ودحين كلمي زوجك ولا كأنه صار شي وروحي للحرمه وزوريها هيا حركته مو حلوة بس ممكن من جد كانت مضغوطة ونستك وأول مااتذكرتك دقت ايش يعرفك بالنيات وبعديه كلمي زوجك بهدوء ماايتلفظ بأهلك بشيء بشع . |
رد: مشكلة الزوج اللي يتدخل بسوالف الحريم
انتي ليش تبين زوجك يكرهها؟!
ويشوفها على حقيقتها على كلامك؟! خلاص عاجبته اخلاقها وتعاملها انتي بعد امدحيها عنده وبعدها قفلوا الموضوع ولا عاد تجيبين سيرتها عشان ترتاحين وبالنسبة للعزيمة ترى معروف عند الكثير ان الحامل بالشهر التاسع ما تطلع حتى تتفادى آلام الطلق عند الناس فممكن ما حبت تحرجك واللي كانوا عندها ربما اصروا عليها تقولك لان بصراحة سالفة الغيرة مو منطقية اختلاف العمر بينكم ومدة الزواج تنفي هالشي |
رد: مشكلة الزوج اللي يتدخل بسوالف الحريم
تصدقون زوجي مايكلمني من قبل امس
والبارح مارجع الا على اذان الفجر ولافكر يتصل او يسأل ولا اكل بالبيت مسوي نفسه زعلان مدري على ايش تصرف سخيف بالنسبه لهالانسانه فانا مو متفرغه للمكايد معها ابغى ابقى مستوره ومسكره باب بيتي عنها وبس بعدين طبيعي اي امرأه ماتحب زوجها يتغزل بغيرها وزوجي من تزوجنا وهو طول الوقت بمدح فلانه وكان يقول لي تعلمي منها صيري مثلها!! هذا شي مستفز.. كل انسان وله شخصيته والحمدلله علاقتي مع ام زوجي ممتازه بس بطريقتي انا مو بطريقه فلانه وعلانه واساسا هو ينقهر لما امدح تصرف من احد غيره حتى لو امدح شيخ مشهور بالتلفزيون واقول كلامه مريح يعصب ويصير يكرهه وينتظر اي خلاف حتى يسبه هو متشدد بهالمسائل اكثر مني وانا ماهمني اصلا يعجب بفلانه او علانه بس لايحاكمني ويغلطني لعيون ناس ثانيين الرجل الحقيقي اللي ألزم ماعليه زوجته مو شغال لي محامي دفاع لزوجه اخوه!! عموما تطنيشه لزعلي يدل انو مالي خاطر عنه انا ماراح اتكلم معه بشي وكلها كم يوم ان شاء الله واروح بيت اهلي نفاس واجلس فوق الشهر بعدين عنه عشان يرتاح وارتاح |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©