انانية زوجي كيف اتعامل معها
 

مشكلتي أقرب مالها فضفضة ادري مالها حل

زوجي كما أخبرتكم سابقا صاحب سفريات للخارج وسفرته بهالشهر لدولة في شرق آسيا

طلبت منه يسفرني طبعا رفض اسافر لدولة بر،، فقط سفره داخليه
وطلب مني اتحمل كافة تكاليفها
شوفوا الغبنه كيف

مو يكفي سفرياته ويجي يتشرط علي بانها راح تكون داخليه وبشرط تكون المصاريف كلها علي
مو يكفي اني اتحمل كل شي من نفقه وايحار بيت كونه مديون واذا طلبت منه شي يقول ماعندي
وجاي يتشرط

وبنفس الوقت يقول لي مالي شغل بالاطفال ماراح اتحملهم ،،انت مسؤؤله عنهم بكل شي
وغير كذا قالي لوسافرنا مافي روحه للمولات ولا الملاهي,
يعرف اني احب هالاشياء ورافضهم

احس حالي مخنوووقه منه ومن كمية الانانية اللي معششه داخله

رد: انانية زوجي كيف اتعامل معها
 

هل يضغط عليك
بسبب امر طلبه منك و رفضتي؟؟

طيب من وين له فلوس يسافر برا وهو مديون؟

رد: انانية زوجي كيف اتعامل معها
 

الله يهدية بس طلعة مافيها ملاهي اللاطفال ومطاعم ومولان ماهي طلعة
انا اشوف انك تاخذينة بسياسة ودها النساء
لعل الله يهدية ..الله يسخرة لك يارب

رد: انانية زوجي كيف اتعامل معها
 

لا ابدا
هو مايبغى يتحمل مسؤؤليه احد ..

سفرياته اللي يسافر فيها يقول اخوياي يتكفلون فيها

رد: انانية زوجي كيف اتعامل معها
 

عنييييد وراسه يابس ماينفع معه لاسياسه ولا دهاء ولاكيد

رد: انانية زوجي كيف اتعامل معها
 

خلاص
خلي خوياه يدفعوا الديون

ليش إنتي تدفعي دينه؟؟وإذا ما دفعتي وش بيصير

رد: انانية زوجي كيف اتعامل معها
 

الحل مع الشخص الاناني..

انك تكونين انانية معاه عشان ماتتأذين..

رد: انانية زوجي كيف اتعامل معها
 

مادفعت ديونه ..

فقط اصرف على نفسي وابنائي وادفع الايجار كونه يضطرني
يعني اكتب حاجاتي واغراضي يقولي اعطيني فلوسها ولما ارفض ..يتركني مايجيبها لي
فاضطر ادفع مصاريف البيت ومصاريف ابنائه

رد: انانية زوجي كيف اتعامل معها
 

عليك بدعاء لة بالهداية ...الله يسخرة لك ولطفالك ياكريم

رد: انانية زوجي كيف اتعامل معها
 

فعلا هو اناني ماعمري شفت زي انانيته ..واحد يحط نفسه رقم واحد ويرفهها ولا يبغى اي مسؤؤليه
ومستحيل يساعدني او يخفف عني لو انضغطت بشغل البيت


وجربت اكون انانيه مثله وارفض ادفع الايجار كونه مش مسؤؤليتي
قال انا مديون وماعندي شئ خلاص بنفضي البيت.. انت اسكني عند اهلك وانا اسكن عند اهلي
قلت ماعندي مانع اسكن عند اهلي المهم مالي شغل بمسؤؤليتك اللي هي دفع الايجار

وبعده اتصلت على امي على اساس اسكن عندها هي عصبت ورفضت
هنا اضطريت ادفع الايجار

رد: انانية زوجي كيف اتعامل معها
 

وعلى فكره انا من قبل قايله له على عيني وراسي اساعدك ماديا كونك مديون واساعد بالايجار بس تترك عنك السفر

رفض وقال سفر ماراح اتركه

رد: انانية زوجي كيف اتعامل معها
 

تقدرين تسافرين مع اهلج او صديقاتج ؟

رد: انانية زوجي كيف اتعامل معها
 

جربي تجمعين من مصاريفه على البيت مبلغ على مدار السنة واعزليه.. لما يحل وقت الايجار طلعيه "اسم" انه دفعه..

واذا ماقدرتي فلوسك بيني له انك تصرفينها وخبي فلوسك بحساب مستقل مايدري عنه واذا قال ادفعي قولي ماعندي

طول ماهو حاس ان في احد بيشيل عنه بيتصرف بانانية..

المسؤولية الاجبارية ماراح تمنعه يصير اناني.. بس بتخفف ضرر انانيته عليكم وعلى البيت وعليك انتي شخصيا..

جربتي تكلمين اهله؟؟

رد: انانية زوجي كيف اتعامل معها
 

لاحول ولاقوة الابالله
عليك بدعاء لة فدعاء يخلق المعجزات
لادمرين حياتك عشان مديات

رد: انانية زوجي كيف اتعامل معها
 

لو بروح مع اهلي السياره ماتكفي ..والصديقات غير ممكن

رد: انانية زوجي كيف اتعامل معها
 

ياعزيزتي مايصرف على البيت ولاريال بحجة راتبي يروح على الاقساط والديون والسياره

رد: انانية زوجي كيف اتعامل معها
 

الله يجزاك خير على النصيحه ..

رد: انانية زوجي كيف اتعامل معها
 

سوء تدبير واتكالية.. والفلوس قدامك رايحة على سفرات وخرابيط..

يعني لو انتي مو موجودة او لنفرض فجاة قررتي تستقيلين بيموت من الجوع مثلا؟

لازم وقفة جادة ياريماس

رد: انانية زوجي كيف اتعامل معها
 

طيب ليش ما تتوقفي عن العمل
او
ترضي بطلبه ان تنفضوا الشقة
لكن روحي اسكني بيت اهله

لازم خطوة جادة و جريئة

رد: انانية زوجي كيف اتعامل معها
 

قبل ما اتوظف ماكان عندي الا بنت واحده وكانوا اهلي يعطونني وهو ياخذ الزكاة من الناس

رد: انانية زوجي كيف اتعامل معها
 

لا حبيبتي الوظيفه هي راس مالي ماقدر استغني والحمدلله تغنيني عنه وعن الناس

الخطوة الجاده بتخذها ان شاء الله بالمره الجايه
المره اللي راحت امي وقفت لي وهي خيره لو بسكن عندها اكيد بيفرح ويشيل عن نفسه هم المسكن
وعلى فكره طرحت عليه فكرة المسكن ببيت اهله بس رفض

رد: انانية زوجي كيف اتعامل معها
 

شلون يرفض
معليش ريماس. ابغى افهم منطقه. لمساعدك بطريقة تلينه
يعني ماذا يقول لا ما أبغاك
البيت لايكفينا بسبب كذا و كذا
ماهي اعذار

رد: انانية زوجي كيف اتعامل معها
 

رد: انانية زوجي كيف اتعامل معها
 

هل يحبك؟
هل هو سعيد معك؟
اذا كان الجواب بلا فربما هذا ما يفسر تصرفه

رد: انانية زوجي كيف اتعامل معها
 

اختي ريماس فرج الله همك واعانك على هذا الرجل

يا اختي هالنوع من الرجال يبيلهم وقفة جادة اما بتدخل رجل من طرفك او ترفعين يدك عن كل شيء فقط انتي واطفالك والي يسويه يسويه

رد: انانية زوجي كيف اتعامل معها
 

استعملي طريقة الزن عليه ..وان شااء الله تمشي امورك ..
وش المشكلة اذا تمسكنتي عنده بالنسبة لقضية السفر للخارج ..؟
استخدميها يمكن تفيد معه ..!!

رد: انانية زوجي كيف اتعامل معها
 

مشكلتك ريماس تشبه مشكلة اختي مع فارق انه تحجج بانه ليس لديه مال ليشاركها المصاريف وان سيارته عطلانة ويرفض رفضا باتا سفرها للخارج للتتفاجاء ثاني العيد بسفره مع شقيقته لدولة من شرق اسيا سياحة ودون اخبارها بل كان يرغب بالذهاب دون اعلامها اصلا بسفره نهائيا..شفتي كمية القهر اللي حاسة بيها اختي

رد: انانية زوجي كيف اتعامل معها
 

اساسا انا مارغب اسكن عند اهله .. لذا فرحت انه رفض

رد: انانية زوجي كيف اتعامل معها
 

انا سبق وكلمت خواته ويعرفن ان اخوهن غلطان بس مابيدهن شئ ..

رد: انانية زوجي كيف اتعامل معها
 

لما اساله يقول نعم احبك

رد: انانية زوجي كيف اتعامل معها
 

انا سبق وقلت له بكلم اخوي عنك ..قال على ايش تدخلينه
على اني ماقدر ومديون وماعندي مال
وعلى السفر للخارج مالاحد كلمة علي وهذي حريه شخصيه وانا الرجل

رد: انانية زوجي كيف اتعامل معها
 

بالنسبة للزن سبق وزنيت عند سفراته لكن سوى حركة نذله وراح وخطب مسيار من جنسية عربيه انتقاما لي وهو فعلا كان جاد بالخطبه ..
وكان مستعد يستدين مبلغ المهر علشان يقهرني

هذا عنييييييد ومايجي بالعناد ابد

رد: انانية زوجي كيف اتعامل معها
 

الله يكتب اجرنا على مثل هالنوعيه من الرجال

رد: انانية زوجي كيف اتعامل معها
 

الله يعينك يا اختي ما معك الا الصبر
او تغيري تصرفك معه يعني تخليه فقط سواق لك يعني ماله حقوق وترى ما انتي ملزومه في حقوقه دام هو ما ينفق عليك
يعني اذا طبختي اطبخي لنفسك وعيالك فقط واذا غسلتي اغسلي لعيالك ونفسك فقط واذا شريتي شئ اشتري لنفسك وعيالك واذا سئلك ليش قولي مامعي فلوس تكفي بعدين ما اقدر اطبخ الا ربع دجاجة وشوي رز عشان ما يخلص ما معي اشتري ونفس الشي في الغسيل قولي ثيابك تبغى كلوركس مامعي اشتري ولو غسلتها ما راح تنظف ونفس الشي في المقاضي والملابس اذا كنتي تشترين شئ له بطلي وقولي مامعي شئ وحاولي تسوين لك حساب خاص ولا تحولين في الحساب دايركت لانه راح يدري عنه
لكن اسحبي الفلوس اللي ودك تدسيها واودعيها وديعه فيه عشان ما احد يدري عن حسابك الثاني نهائي
راح مع الوقت يجيب الطلبات الاساسية لو شافك حازمه لان الديون سببها هو وسفره بعض الرجال ياخذ قرض كل سنه عشان يتمشى لان البنوك تعطي بعد سنه من السديد قرض جديد ويكبر القرض وتزيد المدة عليه
الله يوفقك ويسهل لك

رد: انانية زوجي كيف اتعامل معها
 

انا لا اقصد ان تعيشي بيت اهله
إنما وسيلةً ضغط عليه. فقد لا يعجبه الجلوس هناك
او اهله ينزعجون من حركة اطفالك

طيب لو رفض و خلاكي تسكنين بيت اهلك
هنا ممسك على زوجك. ما يقدر يقول انا الرجل و بكيفي
لازم ياخذ زوجته لسكن مناسب

رد: انانية زوجي كيف اتعامل معها
 

طبيعي بيقول نعم حتى تستمرين باللي انتي فيه معه من تحمل لكل شي ويستمر هو ايضا بواناساته!

اقلها الاجار يختي من ضاربك على يدل تسددينه؟!
وان قال روحي لاهلك قولي ما تزوجت حتى اعيش مع اهلي
واصري تعيشين ببيت مستقل لا عند اهلك ولا عند اهله ولا تدفعين في الاجار ريال واحد

ليش طلعت الفلوس وعرف يدبر نفسه لما اراد يتزوج ؟

رد: انانية زوجي كيف اتعامل معها
 

ماديات !!!!! الحين حقها وحق عيالها من النفقة والمسكن صارت ماديات ....
طيب هذا لو انفصلت عنه ايش راح ينقص منها ? مجرد ذكر محسوب عليها لا يوفر مسكن ولا مأكل ولا مشرب ولا تربيه حياته سفريات واستراحات وبس .. المشكلة امثال هذا النوع من الرجال وكمان الخائنين محصلين حريم ساترين عليهم وهم متمادين في غيهم ...

ريماس ... هو عارف نقطة ضعفك وهو الزواج عليك .... بس انت ايش احسن لك يصرف عليكم وقايم بواجباته ومتزوج .... والا في الاستراحات وسفريات وانت قايمه بدوره من صرف وتربية وغيره ..... الامر بيدك وانت تحددي مصيرك .... ولعلمك امثاله ما يقدرون يفتحون بيوت ثانية مجرد تهديد وحتى لو استمر الا ماينتهي بالفشل ...

رد: انانية زوجي كيف اتعامل معها
 

بالعكس الوضع بهالشكل بيكون ع هواه وان تصلوا عليه طنشهم راح يقول عن اهلهم مو عند ناس غرب

رد: انانية زوجي كيف اتعامل معها
 

اختي ريماااس
تغير بالتدريج يعني ً،إيجار الشقة ابدا اسحبي منه فقط بسياسة وبدون صدام
يعني اول مرة بدهاءء الأنثي اظهري عجزك عن السداد باي حجة دبري حيلة لذلك
واسحبي وانت ساكتة ،،،،اذا تبي يترك السفريات هذه اجعلي المادة ضيقة عنده لابعد الحدود
اما مصروفك انت وعيالك بالتدريج كذلك حتى تسلمي منه بالكامل
ترى اذا متعود من زمان التغير صعب شويه لكن ليس مستحيلا بل هذه طريقة لتضيق الخناق عليه في السفريات ،،،كونه يسافر ويطلع برا اسمحي لي سذاجة منك تقولين مديون ،،،ربما دراما عاملها لك علشان يأكل منك ،،،،،فكوني ذكية عاقلة لكي تخرجي باقل الخسائر وبنفس الوقت ما تهدي بيتك ،
اما حكاية بيت اهلك او أهله ،،،،مرفوض جملة وتفصيلا ،،،،،،
خليه بدل ما يطرد الحريم يكد على بيته وعياله ،،،يامال الخيبة على أشباه الرجال
كان الله في عونك

رد: انانية زوجي كيف اتعامل معها
 

متأكده انه مديون ؟