|
غيرة زوجي الشديدة ورفضه زيارة اهلي
السلام عليكم ورحمة الله وبركاته
نهاركم سعيد جميعا انا متزوجه تقريبا من 7 اعوام وعندي ابن واحد الله يصلحه حياتي ولله الحمد ماشيه بافضل حال احب زوجي جدا لانه صادق ولانه حنون و لانه يحبني لكن مشكلته غيووووور بشكل لا يصدق!! في بداية زواجنا كنت اضن انه امر عادي ولاننا تونا متزوجين لكن الموضوع ضل معي للحين ومو عارفه احصل له حل! غيرته صارت تاثر على حياتي بشكل سلبي يبيني طول الوقت معاه! يرفض اروح عزايم ومناسبات وزواجات مايبيني اجتمع مع صاحباتي ما يبيني اروح لامي غير مره وحده في الاسبوع! طبعا الزياره تكون سريعه وطول هالزياره يرن علي خلصتي؟ يالله اجي اخذك؟ طولتي! لحد ما اطفش واقول خلاص تعال امي دايم تسالني عن سبب قصر زياراتي وانا اتحجج بشغل زوجي وبشغل البيت لكن الحقيقة هي ان زوجي يغار من جلوسي مع اهلي! دايم لما اطلبه اجلس وقت اطول او انام مثلا يرفض يقولي كفايه كنتي عندهم سنين خلاص الحين وقتك لزوجك وبيتك مو لاهلك اخر مره في زواج اخوي الوحيد طبعا هو يرفض رفض تام اروح زواجات احيانًا المناسبات كبيره يوافق لكن بشروط وتعليمات توصل انه يتحكم بطريقة لبسي وبطريقة الميك اب و كيف مسويه شعري اخر مره في زواج اخوي الوحيد الاسبوع الي فات احنا من زمان نجهز للزواج وهو عارف اني رح احضر طبعا جنني على ما اخترت البدله الي رح البسها يحاول يعيق الموضوع باي شكل! لما صار بيوم الزواج العصر كنت عند الصالون و رجعت تقريبا عالمغرب وكان هو لابس ومتجهز لما شافني قالي طالعه حلوه وفستانك حلو ومن هالكلام طبعا انا عرفت من كلامه انه رح يصّر علي اجلس في العرس ساعه بس واطلع .. تعودت على حركاته لكن الي صدمني هالمره يقولي لاتروحين خير شر! انا انصدمت اقوله من جدك ؟هذي اهم مناسبه بحياتي كيف تطلب مني شي مثل كذا وصار يواعدني باي شي اتمناه يجيب لي المهم ما اروح ونجلس ونسهر سوا .. اقوله معليش الجايات اكثر خليها ليوم ثاني وهو ملزم!! طااال النقاش و طال الخلاف و طبعا محاولاته بائت بالفشل قالي طيب لا تطولين بس سلمي واجلسي نص ساعه واطلعي!! وتشادينا وتهاوشنا وبالاخير سويت الي براسه و طلعت بدري و تظاهرت اني تعبانه وربي مقهوره ونمت وانا ابكي حتى بفرح اخوي الوحيد ماتهنيت! اشوف خواتي وخالاتي مبسوطين وما طلعو الا الفجر وانا يادوب ساعتين على بعض ماكملت تعبت معاه والله ياجماعه حتى من ولده يغار!!! دايم يردد هالولد اخذ وقتك ايه جاك الولد ونسيتيني او لما اتدل و اتغزّل بولدي يقول ايه احنا لنا الله مع اني مو مقصره بحقه ابدا واهتم فيه واحبه من قلبي لكن غيرته صارت تخنقني لدرجة احيانا يقول ليتنا بلا هالخلفه! ويتكلم بكل جديه ولما انقد عليه يسوي انه كان يستهبل وانا ادري انه صادق بحكيه دايم يطلبني اترك ولدي عند اهلي يومين ونبقى بالبيت لوحدنا او يطلبني نسافر لحالنا وولدنا اتركه عند اهله او اهلي طبعا انا ارفض ومستحيل اوافق على هالشي لان ولدي متعلق فيني ورح يجنن اهلي لو اخليه عندهم او عند اهل زوجي وهو بالمقابل يزعل ويرجع يردد ليتنا بلا هالخلفه ! خلاص طفششششت منه وطفشت من غيرته الزايده والله احبه واموت فيه لكن حاسه نفسي مو قادره اتنفس منه! عطوني حللول ارشدوني الله يسعدكم ويسهل اموركم ورب البيت ما كتبت الا لما طفح الكيل وحسيت اني مارح اتحمل غيرته اكثر من كذا تم تعديل العنوان ليتناسب مع المضمون |
رد: زوجي يا زوجي !!
الغيرة نابعة من الحب الشديد الذي يصل للتملك واحساس ان حياة متعلقة بوجود هذا الشخص
فالحل انك تشغلي بامور بعيدة عنك مثل تجارة او اي حاجة تشغل عنك وبدل ماتصيري انت مركز تفكيره يصير تفكيره متعلق باشياء ثانية جربي تشغلي عنك |
رد: زوجي يا زوجي !!
طيب اختي زوجك من النوع الشكاك
يعني يشك فيك |
رد: غيرة زوجي الشديدة ورفضه زيارة اهلي
اقتباس:
كل الشكر لك اخوي |
رد: غيرة زوجي الشديدة ورفضه زيارة اهلي
اقتباس:
لكن غيرته زايده عن حدها |
رد: غيرة زوجي الشديدة ورفضه زيارة اهلي
شرايج تقلبين الادوار ؟ تبادلي معاه الادوار
انتي بيني له انج غيرانه عليه بشكل خانق فيه فرق بينكم ؟ مستوى الثقافة والتعليم والجمال ؟ |
رد: غيرة زوجي الشديدة ورفضه زيارة اهلي
اقتباس:
سبحان الله كنت بكتب نفس الراد يوم استبعدنا الشك اقلبي الادوار وخلية يشعر بضيق من الغيرة وحب التملك ولكن خلي الامر يكون بتدريج وليس بشكل مفاجئ |
رد: غيرة زوجي الشديدة ورفضه زيارة اهلي
اقتباس:
والله حاولت اسويها اكثر من مره و المصيبه اني اطفش وانسحب بسرعه ما اقدر استمر على الحال مستواه الدراسي اعلى مني اما الجمال دايم يتكلمون اني اجمل منه لكن انا شخصيا غير مباليه من هذي الناحيه وماتهمني ابدا وحتى بنفسي ما احس اني اعلى منه عشاني جميلة! و ما في يوم تكلمت معاه او حدث خلاف بيننا على هذي النقطه نهائيا |
رد: غيرة زوجي الشديدة ورفضه زيارة اهلي
جربتي تصارحينه ؟
واذا صارت مصارحة شيقول لج ؟ |
رد: غيرة زوجي الشديدة ورفضه زيارة اهلي
اقتباس:
احاول اتفهمه بالغالب لاني ما احب الجدل لكن احيانا اطفش واتكلم معاه واتشكّى يرد علي بإني انا اللي اشعل غيرته ولو اني اسمع كلامه ورفضه بدون نقاش كان من زمان احنا متفقين المشكلة انا دايم مطاوعته و ما ارفض الا الشيء الزايد عن حده! والله العضيم تعبت منه gfg |
رد: غيرة زوجي الشديدة ورفضه زيارة اهلي
تنازلاتك طول هالسنوات
هي اللي خلته يتمادى ودي أنصحك بشيء بس اخاف من ردة فعل زوجك وتصير بينكم مشكلة المرة الجاية لما تروحين لاهلك اطلبي منه تبقين اطول بحجة ان خالاتك او الجيران رح يجون ولازم تساعدي امك بضيافتهم وكل مرة اطلعي بحجة لحد ما يتعود وبالنسبة لاتصالاته جربي انسي جوالك بسيارته عشان ترتاحين |
رد: غيرة زوجي الشديدة ورفضه زيارة اهلي
الله يعينك يااختي
كل هذا بسبب الحب وعشان الحب اصبري |
رد: غيرة زوجي الشديدة ورفضه زيارة اهلي
يارب متى ندخل الجنة ونرتاح
لا الي حاب زوجته مرتاحين ولا الي حبت زوجها ارتاحو والي عايشين بمحبة جاتهم ابتلاءات ونغصت حياتهم دار جُبلت على النكد والكبد |
رد: غيرة زوجي الشديدة ورفضه زيارة اهلي
مو كلها نابعة من حب لانو غيرة الحب مو بهالشكل والا ماعاد سمعنا بالحب خير شر يمكن عنده عقدة ولا شي من طفولته ماثره عليه روحي دكتور نفسي وكلميه عن حالة زوجك و ماضيه يمكن يحل لك الموضوع
واهلك مستحيل مايكونو عارفين |
رد: غيرة زوجي الشديدة ورفضه زيارة اهلي
اتقوا الله في كلامكم
اللي كاتبين زوجها فيه عقدة من الطفولة او خلل .. انا شخصيتي غيورة جدا و محبه للتملك و اعرف هالشي عن نفسي و متأكدة منه و هذي هي اكثر طريقة بارزة فيني للتعبير عن الحب و الحمدلله ما عانيت من اي عقد في الطفولة .. ولاني مريضة نفسيا و ارى ان الطريقة الوحيدة اللي تخلي مشاعري تهدا هي ان الطرف الثاني يحاورني ب عقلانية او يسايرني ( و راح اقدر هالشي و احترمه جدا ) بالمقابل انا أشوف انك تطاوعين غيرته تماماً بالمعقول لكن بغير المعقول حاوريه ب عقلانية و طمنيه و اثبتي على موقفك و بعد الموقف ارجعي عززي فيه مشاعر حبك له و تقديرك اتوقع كذا و مع مرور الأيام ب يخف و انتي اعرف ب زوجك أكيد تلاحظين في أمور معينه تخليه يتنازل عن غيرته لما تزيد شوفي و العبي ع هالوتر و انا أشوف الغيرة حلوة و دليل على الحب حتى لو كانت زايدة ؛d ماشاء الله تبارك الله الله يهنيك و يسعدك و يرضيك أكثر فيه |
رد: غيرة زوجي الشديدة ورفضه زيارة اهلي
اقتباس:
قلت ممكن يكون عنده تخمين عادي كل شي عشناه في طفولتنا شكل شخصياتنا بعد كذا تقبلي رايي :) |
رد: غيرة زوجي الشديدة ورفضه زيارة اهلي
اقتباس:
ربي يسعدك اضعاف واضعاف ويرضيك ويرزقك ماتتمنين |
رد: غيرة زوجي الشديدة ورفضه زيارة اهلي
أتضايق كثيراً من الغيرة الشديدة ... هذا لم يعد حباً بل سجناً وأسر بإسم الحب ... الزواج للحياة والإستقرار وليس العيش تحت التوتر والضغط النفسي .. والأفضل في هذه الحالة المعاملة بالمثل في كل نقطة ... مثلاً لو قال لاتروحي مكان يعجبك مثل بيت أهلك أو عزومة .. قولي له وأنت لاتذهب إلى المكان الفلاني (مكان يحب هو الذهاب إليه) وضيقي عيشته مثلما يضيق عيشتك ليترك هذا الأسلوب بالتدريج ... الزمن كفيل بالتغيير مع قليلاً من العوامل ..
|
رد: غيرة زوجي الشديدة ورفضه زيارة اهلي
اقتباس:
ويجمعنا في جناته وياعباده المسلمين |
رد: غيرة زوجي الشديدة ورفضه زيارة اهلي
حبه لك يجعله يغار بهذا الشكل
هو هكذا الحب عنده غيره على محبوبه من كل شيء حتى من طفله استمتعي بحبه وتعايشي معه واحتالي لنفسك واقصد باحتالي اي في المواقف التي لابد لك من الذهاب لمكان ما استعملي الحيله مثلا زواج اخوك حين قال لك ابقي ساعه ثم اخرجي لو انك ابديتي الموافقه ثم في الزواج حين اتصل بك لتخرجي لو انك احتلتي لنفسك وقلتي امي تعبانه شوي واخاف يصيرلها شي ولازم اكون معها لنهاية الليله وانتي صادقه اكيد امك ليلتها بتكون تعبانه شي طبيعي لكن هو بيحسب انه طرا عليها تعب فجاه وبيعذرك تتاخرين يعني دوريلك حيله لكل موقف تكون مناسبه للظرف ولا هي كذبه تحسب عليك وعندي كم سؤال اذا تكرمتي هل زوجك عصبي؟ يعني لو خالفتي اوامره يعصب؟ وهل اذا عصب يسيء في الكلام؟ او تبدر منه تصرفات تضايقك؟ وهل لو مدحتي شخص يستشيط غضبا؟ |
رد: غيرة زوجي الشديدة ورفضه زيارة اهلي
استعملي الحيله وتجنبي الكذب حتى توفقين في ما تريدين
|
رد: غيرة زوجي الشديدة ورفضه زيارة اهلي
اقتباس:
يمكن بالحيل اقدر اخرج عن كلامه مثل ماذكرت وحده من البنات هنا بالحياة العادية غير عصبي لكن اذا تعلق الموضوع بغيرته يجن جنونه ويصير شخص ثاني ويرفع صوته بس بدون مايسيء لي في كلامه وقتها يكون لي ردة فعل وازعل منه ويوعدني انه ماعاد يرفع صوته ولا يتصرف بجنون لكن سرعان ماينسى!! لذلك دايم احاول اضغط على نفسي واطاوعه عشان لا يفقد اعصابه بوركت على كلامك رائع احتاج يكون عندي تفهّم اكبر مثلكم عشان اقدر اعايشه كل الشكر لك |
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©